العودة   منتديات تجمعنا المحبه > تجمعنا العامه > النقاش والحوار - نقاش جاد
التسجيل اجعل كافة الأقسام مقروءة

النقاش والحوار - نقاش جاد المقلات والحوارات الهادفه بين الاعضاء ومشاركة هموم العالم الآخر , نقاشات ساخنة , وجهات نظر , الاتجاه المعاكس , وكل ، حوارات هادفه ، مستجدات الساحه العربية

سعوديات

سعوديات سعوديات كان يا ما كان قبل 10 سنوات او حولها كنا لما نمشي في ديرتنا ونشوف اجنبيه فاتشه تطير ...

إضافة رد
 
LinkBack أدوات الموضوع انواع عرض الموضوع
قديم منذ /13 - 2 - 2009, 8:02 AM   #1

نعم لعيونك اللي مايصير يصير :$

!•» راھﭜه اڸحس غير متواجد حالياً

 رقم العضوية : 10
 تاريخ التسجيل : 7 - 6 - 2008
 المكان : فيْ المــבـآجِرْ ...)
 المشاركات : 47,130
 النقاط : !•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute!•» راھﭜه اڸحس has a reputation beyond repute

افتراضي سعوديات




كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه..



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..


......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف..


* * *...

عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. و* * * *.. عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي **** ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضو..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!



تطورو شوي.. ارتقو شوي..اطلعو بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!



اقولكم شي؟

شفتو كتاب (بنات الرياض)سعوديات 004.gif قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..


يا حلّو الثقافه اللي يتثقفونها بس!
يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..

رجاء الصانع.. احبك.. سعوديات 004.gif


قبل فتره سمعت انهم رحلو هشوم الرياض.. الى ديرته الحقيقه(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


((المواقف مذكوره عشان ابين انو فيه ناس كويسه,,يعني ابين الجانب الايجابيه))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..


موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..


لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معه حق..
.
.
.
.




تناقض المجتمع وتناقض الافكار ينتقل بصوره عجيبه!




تحياتي..



منقول من ايميلي



su,]dhj








  رد مع اقتباس
قديم منذ /13 - 2 - 2009, 8:48 AM   #2

اسـتكـنآن

عبآدي غير متواجد حالياً

 رقم العضوية : 19
 تاريخ التسجيل : 7 - 6 - 2008
 المكان : بـَآرِيسْ رُوحي |}~
 المشاركات : 6,379
 النقاط : عبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond reputeعبآدي has a reputation beyond repute

افتراضي

موضوعكـ حسآس جداً .. ومهم جداً إننا نتدارك اللي بقي .

كثير نسمع وأكثر نشوف .. مصآئب والشكوى لله

أنا أقولكم السبب الرئيسي لك اللي يصير ..

إذا قل الوازع الديني لا تستغرب شي من الناس

يعني أي شي يسوونه ما يلاحظون انه خطأ ..!

والنآس صآرت تسمع والاتقرأ بطاري ( سعودية ,,,, ، سعودية ,,,, ، << لا يخفاكم تكملة العنوان )

فصآر همّ ضعفآء النفوس الاستمتاع المحرم والفضآئح ..

فيآليت أجد شي محفز لهذهـ الأفعآل ... للأسف ما فيش

اقتباس:
يعني الحين اللي برا..يدرسون الكتاب كنص سعودي ادبي يمثل حياة السعوديين..


وقسماً بالله العظيم إنه شي يقهر ..
صح ان الكتآب للفت النظر يا ناس انتبهوا من اللي يحصل ..

بس عندي يقين إن اللي ترجمه وخلاهـ يُدرس برا ككتآب يمثل حيآة السعوديين إنه وآحد ... اللي لو تقول له الموت والا الشعب السعودي . يقول الموت

شي مبكي أن تأخذ النآس عنك فكرة سيئة ..

هذا جآنب سلبي ..

والا الجوآنب الإيجآبية كثيرة ..

منها ما ذكر في الموضوع عن البنات اللي جمعوا فلوس واشتروا أشيآء ثآنوية للجمعية ..

ومواقف كثيرهـ .

يا ليت لو تنشر مثل هذهـ الموآقف وتبيض السمعة ..

موضوع مهم جداً لكل سعودي بالأخص .. ولكل عربي ..

لأن السمعة العربية كعموم مش ولا بد في بعض الجوآنب ..

لكن ..

ما يزآل هنآك اشياء نفتخر فيها والله في هذا الوقت .

حنوو شكراً انك نقلتي الموضوع ..

ولو طولنا العذر والسموحة ..







  رد مع اقتباس
قديم منذ /13 - 2 - 2009, 9:33 AM   #3

:× عضو جديد×:

مجنونه فيصل غير متواجد حالياً

 رقم العضوية : 1410
 تاريخ التسجيل : 12 - 2 - 2009
 المشاركات : 39
 النقاط : مجنونه فيصل will become famous soon enoughمجنونه فيصل will become famous soon enough

افتراضي

اه اه الموضوع جد يبكي موثره كتير
وين الصلاح


الله يهديهم ويكفى شر
كل ظالم على مظلوم
يسلمو على المرور









التعديل الأخير تم بواسطة !•» راھﭜه اڸحس ; 13 - 2 - 2009 الساعة 10:20 PM
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
سعوديات

جديد مواضيع القسم النقاش والحوار - نقاش جاد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور سيلفي سعوديات مع مستر بن . سعوديات يلتقطن صور سيلفي مع مستر بن ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 3 - 9 - 2014 9:51 PM
صور سعوديات مع الزعيم الروحي للبوذية . حقيقة وتفاصيل التفاف سعوديات حول الزعيم الروحي للبوذية ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 29 - 8 - 2014 11:40 PM
صور موظفات سعوديات في بنده 1434 , صور كاشيرات توظف سعوديات حروف مبعثره صحيفة سبق - sabq - حافز المطور - اخبار حافز - pht. - عاجل - عكاظ 2 27 - 11 - 2012 10:25 PM
صور سعوديات - رمزيات مشجعات سعوديات 2017 - رمزيات بنات للمنتخب السعودي / مجهودي ● н σ d σ α رمزيات بلاك بيري - رمزيات BB - خلفيات بلاك بيري 2018- رمزيات من لستتي 3 8 - 9 - 2012 6:38 AM
مصممات سعوديات متميزات- صور تصاميم لمصممات سعوديات - صور تصاميم سعوديه - تصميم فساتين وجلابيات سعوديات نبضها عتيبي فساتين 2018, فساتين سهره 2018, فساتين زفاف 2018 20 21 - 4 - 2011 3:36 AM


الساعة الآن 6:18 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy