العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

قصة الرباعي المرح شلة الوناسة / الكاتبة : بنت الخزاعي

قصة الرباعي المرح شلة الوناسة / الكاتبة : بنت الخزاعي السلام عليكــم ورحمة الله وبركــاته .. اليــووم حبــيــت انــزل لكــم ...

إضافة رد
 
LinkBack أدوات الموضوع انواع عرض الموضوع
قديم منذ /24 - 4 - 2013, 4:36 PM   #1

:: عـضـو مـتـمـيـز ::

حڪإيـَـَـَـًـهہۧ ♥ غير متواجد حالياً

 رقم العضوية : 45638
 تاريخ التسجيل : 26 - 12 - 2012
 المكان : يآلبيــہَ يآاَلَبااحــہَ ♥ ~
 المشاركات : 3,472
 النقاط : حڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to behold

افتراضي قصة الرباعي المرح شلة الوناسة / الكاتبة : بنت الخزاعي

السلام عليكــم ورحمة الله وبركــاته ..


اليــووم حبــيــت انــزل لكــمقــصــه وهـــي للأمــآآنه منقــولـــه

وان شــاء الله انــهــا مــاهــيمكرره ..؟؟

وهذا رد الكــاتــبــهبنت الخزاعي )


انا كتبت قصهوهي شبه واقعيه لان اكثرها من خيالي
وفيها من الواقع واتمنى تعجبكم
****************************
القصه تتكلم عن 4بنات جمعتهم الصداقهوالقرابه

ابطال قصتنا في شله وهالشله اسمها ((الوناسه))
وراح نتعرف علىبقي الشله في القصه والحين نتعرف على الرباعي المرح ابطال القصه
***********************************
جوري :: هي احلى بنت في الشله وعمرها 18
وتجي بعد ريما في الغرور ودلع
ريما:: تجي بعد جوري في الجمال وعمرها 18
ومغروره ودلوعه ماتعطي حد وجه غير صديقتها بنت عم جوري
ريوف::تجي بعد ريماوجوري في الجمال ناعمه كثير وهااديه عمرها 18
وهي صديقةجوري وريماودانه

دانه :: عربجية الشله وماكو شي عندها احلى من الهبال والمقالب في خلقالله وهي بنت عم ريما وجوري وعمرها 18
وهذا هم الرباعي المرح من شلة الوناسه
***********************************
تنعرف على ابائهم
ابو جوري : اسمهعبد العزيز يقولون له بوفيصل عنده فيصل وعمره 22 ((وسيم واحلى واحد فياخوانه))وجوري ومحمدعمره 14 وجاسم 3سنين وهو اصغر واحد

ابو ريما:: اسمه فارسيقولون له بوراشد عنده

عذاري 25متزوجه.. راشد عمره22 ..ونواف 20((نواف احلىواحدومغرورلان وسيم)وريما اصغرهم

بو دانه ::اسمه خالد وهو اصغر واحد مناخوانه

وعنده وليد عمره28 متزوج من عذاري ..وعلي عمره23 ( وهو اوسم واحد منعيال عمامه ) ومشعل 20و دانه وفاطمه 15سنه

بوريوف: صديق خالد وفارس واسمهمشاري ويقولون له بو بدر
بدر(( وسيم ومغازلجي )) وريوف

مو كل الاسماءصحيحه

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$

البارت الاول
.................................
جا الصباح ونورالشمس غطى ظلام الليل والكل توجه الى عمله او دوامه في المدارس
طبعا الكل راحالمدرسه بدري الا دانه جلست متاخر ومتعوده تجلس اخوانها واختها لان امها متوفيهوطلعت من غرفتها وراحت غرفة اخوها علي علشان تجلسه طقت الباب مارد علي عليها
دانه : والله حاله مع هالبقر اخواني الوحده الي كبري في المدرسه وانا اجلسالعلل ذول
وطقت الباب 3مرات ولا رد عليها افتحت لقت علي نايم وهي تقرب منه بصوتواطي تقول :: اوريك خامد يا استاذ علي
يوم قربت منهصارخت باعلى صوت:: عليييييييييييييييييييي علاوووويييييييييي علووووووووووووووش
علي سمع الصوت وفزمن الفراش :: خير وش صاير ابوي صار فيه شي
دانه: لا سلامتك بس كنت بقول لكماوراك جامعه
علي هنا ولع قام من فراشه ومسك دانه من بلوزتها وهو يخز فيها :: انجلستيني مره ثانيه بصراخك بعطيك كف بخليك صوره في الجدار فاهمه يلا طس عن وجهي
دانه قبل ماتطلع وهي ماسكه الباب :: تكفى ياالشديد اذا عطيتني كف حطني جنبالمزيون طلال مداح ها ها
توه علي بيلحقها لكن اهربت وراحت عن مشعل
وفتحتالباب مشعل ماكان نايم سهران
مشعل:: الناس اطق الباب قبل ماتدخل يا الرجه
دانه وهي تضحك:: فاتك ياميشو شكل علي وهو معصب بعدماجلسته من النومههههههههههه
مشعل يبتسم على هبال اخته:: بعد هالمره وش مسويه فيه حاطه عليهصرصور ولا كابه عليه ماي
دانه:: لالا قربت من وصرخت واخترع وجلس
مشعل:: اكيددخل خشمه في عيونه هههههههه
دانه:: ههههههههههههههههههههههه
مشعل :: لاوتضحكين على اخوي بعد يلا طسي قبل ماارتكب فيك جريمه
دانه:: وين يا بو الشبابمنت برايح الكليه
مشعل:: لا
دانه ::براحتك
وكملت جلست اختها وراحت المدرسه

وفي المدرسه وتحديد في فصل الي فيه الرباعي المرح وبنت من شلةالوناسه
جوري :: ريمووو ريموو
ريما:: هلا
جوري:: خلص الطابور ودانهماجات
ريما:: دانه كله تتاخر مو اول مره
ريوف وهي تدخل الفصل :: بنات بناتمدرسه الاحياء جاااات
مدرسه الاحياء دخلت الفصل
جوري بصوت واطي: فيني حماسابغى استهبل وينك يادانه
ريوف بصوتها الناعم الطفولي:: يارب تجي
ريما تبغىتقهر ريوف: جوري ماتحسين ان في طلفه معنا تتكلم
جوري :: اي وياليتهاتسكت
ريوف :: سخيفااات من جد
ريما وجوري :هههههههههههه
مدرسة الاحياء:: انا قلت السلام ماقلت نكته
وتو ريوف بتتكلم ادخلت دانه بهبالها
دانه ماتحبمدرسة الاحياء وتحب تقهرها فقررت
تدخل بهبال
دانه:: هاااي بنات وحشتوني اليومالاربعاء وشكلي بحلم فيكم يوم السبت
الفصل قام يضحك
مدرسة الاحياءوهيمعصبه: دااانه اجلسي مكانك
دانه :: عمى يعمي ابليس وجع ماتشوفون الاستاذه واقفهولا وحده تتكلم
مدرسة الاحياء وصل الطابلون عندها الف من دانه:: دانه اطلعي منالفصل
دانه وهي تسوي روحها تكسر الخاطر:: حرام توني جايه
المدرسه وهيتصارخ:: اطلعي
دانه :: مع السلامه صبايا
طلعت دانه وريما وجوري وريوف ماتواضحك على هبال دانه
جوري ::حرام استاذه تسوين فيها كذا حبابه البنت
ريماوهيتخز في المدرسه:: خلاص خليها تكمل الشرح
ريوف بصوت واطي:: الله ياخذك منمدرسه
ريما :: امين وانتي معها هههه
جوري:: هههههههههههه
الاستاذه:: جوريليه تضحكين
جوري:: لا في شعر ريما قمله
هنا البنات انفجروا ضحك
وطلعتجوري من الفصل وهي تضحك لان مدرسه الاحياء اطردتها

بعدين عن الشله الوناسهالمدارس في جامعه البترول .
فيصل وراشد كانوا يسولفون عن ايام طفولتهم
فيصل : الله يرجك
راشد : تذكر يافيصل يوم كنا نلعب في البحر مع بنت الجيران
فيصل :: ايه وانت ماقصرت فيها كبيت الرمل عليها هههههههههههه
راشد:: هههههههههههههههههوالله ايام حلوه ليتها تعود
فيصل:: لاااااا انا مابغى انت تبغى بكيفك
راشد:: ليه؟؟
فيصل :انت مستحلي وجيهنا يوم كنا صغار وربي كنا هندي فرحان بوزاره الجديد
راشد:: هههههههههههههههههه
فيصل يناظر وكنه لقى شي :: راشد راشد موكنه هذابدر
راشد:: وين
فيصل ::وراك
راشد :: اي والله هو
فيصل:: هومايدرس هناوش جابه خلينا نروح له
راشدبقرف:: روح انت انا مورايح
فيصل:: ليه
راشد:: اولا هو صايع ثانيا مومن مستواي اكلم هالاشكال
فيصل :: ان ماقمت معي صدقني بزعلعليك على الاقل احترم صديق ابوك عمي مشاري
راشد:: طيب
وراحو حق بدر
اولماشاف بدر فيصل ضمه ولا اهتم في راشد
بدر: هلا بالقاطع
فيصل: هلابيك
راشد: ماكو شي لنا يابدر
بدر من دون نفس: هلا هلا راشد
فيصل :: ليهجاي
بدر:: لك وانا ماعندي شي قلت امر عليك
فيصل:: ياهلا فيك
بدر :: راشدشخبار نواف واحشني
راشد:: تماام
بدر:: سمعت جواله انسرق
راشد:: ايه تبغىرقمه الجديد
بدر:: ايه
وعطى راشد رقمه الجديد
وسولفوا مع بدر بعدين بدرراح
والكل راح بيته
في بيت بوراشد كانت ام راشد تتصل في المطاعم
وتتفقلان بسوي عزيمه خلصت من اتصالتها وراحت تشيك على الغرف من بعد الخدم اول من ادخلتغرفته غرفة نواف وكان موجود فيها نواف
ام راشد شافت نواف وانصدمة الى الحيننايم
ام راشد وهي معصبه :: نوافوه وجع حد الحين نايم
نواف وهويفتح عيونه :: يمه وش هالصراخ
ام راشد:: ماوراك كليه
نواف :: يوووووه يمه نسيتي انيانطردت
ام راشد:: نسيت متى قلتي علشان انسى ومن الي اطردك
هنا نواف توهقماعرف وش يقول يقول انه تهاوش مع ولد الدكتور والدكتور نفسه
نواف:: يمه بقول لكشي بس ماتزعلين
ام راشد:: وشعندك
نواف يمثل على امه انه مسكين :: يمه تذكرينيوم انتي تدقين علي وانا رديت عليك شافني الدكتور وقالي اني اكلم بنت واني مغازلجيوتهاوشت معه واطردوني
ام راشد المسكينه صدقة الكذبه:: خلاص ولا يهمك يمه اكلمابوك وراح يحل السالفه الحين انت انزل وغير ملابسك
نواف ::من عيوني يااحلى ام فيالدنيا
وبعد دقايق نزل نواف وجلس يسولف مع امه
وشوي الا يدخل عليهمراشد
راشد :السلام عليكم
الكل:: وعليكم السلام
راشد: اوه اوه نواف موجودغريبه مارحت الكليه
ام راشد تصرف السالفه:: يووووه ريما الحين اطلعت حبيبي راشدروح اخذها من المدرسه لان اسوق مع ابوك
راشد: طيب بروح
نواف:: دقيقه راشدبروح معك
راشدببتسامه: مومشكله يلا تعال
وراحوا الى المدرسة ريما
وكانهناك زحمة سيارات
نواف بملل:: اففففف زحمه وحر
راشد يناظر نواف بخبث:: نوافيحبيب قلبي انت وش رايك تنزل وتفكنا
نواف :: نعم نعم اخ راشد
راشد:: نعمهترفسك الي سمعته قوم ناد ريما
نواف عصب :: روح انت انا بجلس مكاني
توه بيردراشد الا يدق عليه ابوه
راشد :: قوم ناد ريما وانا بكلم ابوي
نواف نزل منالسياره وهو طفشان ويتحلطم
والبنات شافوا نواف واستجنوا عليه
ريوف شافت نوافواركضت الى ريما
ريوف:: ريمو ريمو اخوك نواف برى
ريما:: يلا اجل بنات انابروح اخوي الوسيم في الخارج
جوري :: امووت على اللغة الفصحى انا
دانه مسكتريما من عباتها :: ماكو طلعه من هنا الا اذا جا سواقنا
ريما :: يا هبله اتركينيوالله اخوي نواف يذبحني
انتخرت
جوري :: لااااااا اخوك برى اجل يلا يلا دانهاخوها برى يلا يلا
دانه:: جهزي الرقم انا حاطته في كشة ريوف ان ماحصلتيه تلاقينهفي جبهتك
ريما وريوف وجوري ماتوا ضحك على هبال دانه
ريما:: تكفين دانهاتركيني
دانه :: طيب طسي يارب اطحين
جوري:: يارب
ريوف :: ان شاء الله انتيومعها مو ريومه حبيبتي
ريماتضم ريوف:: ياعمري انتي هذي صديقتي مو انتم مالت يلاباااي
دانه وريوف:: باااي
جوري :: مع السلامه اهئ اهئ ماوعدك ياريما اهئ اهئ
ريوف:: اقول انطمي خربتي ام الاغنيه
جوري:: والله حتى انا اقول كذا
ريمااطلعت وصارت ورى نواف الي منجنين عليه البنات ريما : نواف يلا
نواف: كن تغديتيهناك بعد
ريما:: والله اقترحوا بس انا ماوفقت
الا تعال وين سيارتك
نواف:: انا جيت مع راشد
ريما استغربت غريبه راشد جايبها العاده يااسواق او نواف
ركبتالسياره
ريما ::من وين الشمس شارقه راشد بن فارس ماخذني الله واكبر شصاير فيهالدنيا يا عالم
راشد:: ههههههه الله يرجك اكلتيني بالكلام وبعدين الناس تسلمموعلى طول كذا يا ام اللسان
ريما:: ام لسان في عينك
وراحوا الي البيت نرجعالى المدرسه
الكل راح ومابقى الا جوري وكم بنت في المدرسه
جوري وهي تناظر فيالبنات:: الغبي هالسواق تاخر
جات المدرسه وهي تاشر على جوري:: ياطالبه
جوري:: نعم استاذه
الاستاذه: ادخلي داخل عن الشمس
جوري :: ممكن اكلمتلفون
الاستاذه : اكيد روحي
راحت جوري ودقت على البيت بعد الرنهالثالثه

ارفع محمد اخوها
جوري :الووو
محمد:هلا
جوري : مودي وينالسواق
محمد : وين انتي
جوري: في المريخ يعني وين في المدرسه
محمد : اسواقامي ارسلة سوق الخضره
جوري نصدمه:: وانااا من بياخذني
محمد:: فيصل بيجيياخذك
جوري: اوكي قوله يعجل ترى ما كو الا انا في المدرسه حتى الفراشه راحتوسكرت
وتوها بتمشي الا تشوف في وجها مدرسة الاحياء
مدرسه الاحياء:: موعيبعليك وحده في كبرك وتكذب
جوري:: خلاص مره ثانيه ماراح اكذب وراح اخليهميتاخرون
الاستاذه :: انا ماقلت كذا انا قلت قولي لهم تعالوا بدون كذب
جوريياربي تتقبل لها مدرسة دين على غفله:: طيب استاذه بس الحين ممكن اروح
الاستاذه ::ايه
جوري وهي تاخذ الشنطه:: مالت عليج من مدرسه
يا وجه الفقر
الاستاذه:: قلتي شي جوري
جوري:: اي قلت مشكوره
وراحت وجا فيصل واخذها منالمدرسه

وفي بيت ريوف
كانت ريوف جالسه على النت
ودقت عليهاريما
ريوف :: هلا ريمو
ريما :: اهلين مشغوله
ريوف:: لا
ريما :: اجلوشرايك نطقم في العزيمه
ريوف :: والله فكره
ريما :: بس في الملابس اما باقيعادي
ريوف :: اوكي بس يكون الون وردي واسود
ريما:: مومشكله خلاص ورديواسود
ريوف :: خلاص انا بقول حق جوري وانتي دانه
ريما:: مومشكله يلابااااي
ريوف:: بااي
ريما :: سكرت من ريوف ودقت على دانه
وكان الجوال قريبعند مشعل شاف جوال دانه يرن وشاف الاسم ملاذ الروح
دخل في راسه الفظول من هذاملاذ الروح
وجلس الشك يلعب في راسه
وراح رد على الجوال اخته وسكت
ريماماتدري من الي رد عليها تفكر دانه

فا قررت تستهبل في الرد
ريما:: هلا هلابحبيبت قلبي هلا دانه
هلا بدانة الشرقيه
مشعل سمع صوت ريما وفشل من ريما ومنالي ظنه في اخته
ريما خافت ان صاير شي حق دانه :: الوووو دانه الووو
مشعل :: انا مشعل مو دانه
ريما ولعت يرد ويسكت ولا بعد يرز اسمه:: دام انه موجوالك ليهترد وبعدين وين دانه
مشعل ولع خير ان شاء الله وشوي وتطلع من التلفون واطقني ::اسمعي دانه في الحمام اذا اطلعت بقول لها انك دقيتي عليها ويسكر في وجها
وهويقول مالت عليه من بنت
ومن الطرف الثاني ريما وصل معها اطابلون الف
انا ريمايسكر في وجهي صج قليل ادب
وفي بيت جوري كان جاسم يطالع التلفزيون
وسمعالتلفون يرن راح يرد عليه كانت ريوف المتصله
جاسم :: الووووووووو
ريوف :: هلاجسوم وين جوري
جاسم :: تيب مين انتي علثان ادول حق ذولي
(
طيب مين انتي علشاناقول حق جوري)
ريوف :ياربي وش هالورطه وين اختك اخلص
جاسم عصب:: انتي ميناكيد حراميه يلا بااي توه بيسكر الا جات ام فيصل واخذت السماعه
ام فيصل: الو
ريوف :هلا خالتي شخبارج
ام فيصل: اهلين حبيبتي تماام
ريوف:: خالتيوين جوري
ام فيصل:: دقايق واحول المكالمه لها
وحولت ام فيصل حق جوريالمكالمه
جوري: هلا
ريوف : حشى ادق عليج ماتردين او مشغول
جوري: في حدلعاب يدق وسكر او يدق ومايتكلم
ريوف: خلي الرقم عندك وبكره دانه تلعن خير فيالسب وبعدين هاتي واعطيه اخوي بدر يطلع من صاحب الرقم
جوري : اوكي خلينا نتسلىفيه بكره ههههههههه
ريوف : اي صح جوري بكره انا وريما بنطقم وردي واسود فيالبس
جوري :: طيب ريوف انا الحين بسكر
تبغين شي
ريوف: سلامتك
جوري : بااي
وسكرت
شوي ويدق الرقم المزعج ردت جوري::الووو
المتصل: هلا وغلا بكلالغلا
جوري : مالت عليك وعلى وجهك قليل ادب
وتسكر في وجهه وتقفلالجوال
وراحت تروشت ونامت لان بكره في جمعه
مواي جمعه جمعة شلة الوناسه وكلالبنات موجودات



rwm hgvfhud hglvp agm hg,khsm L hg;hjfm : fkj hgo.hud








  رد مع اقتباس
قديم منذ /24 - 4 - 2013, 4:38 PM   #2

:: عـضـو مـتـمـيـز ::

حڪإيـَـَـَـًـهہۧ ♥ غير متواجد حالياً

 رقم العضوية : 45638
 تاريخ التسجيل : 26 - 12 - 2012
 المكان : يآلبيــہَ يآاَلَبااحــہَ ♥ ~
 المشاركات : 3,472
 النقاط : حڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to behold

افتراضي رد: قصة الرباعي المرح شلة الوناسة / الكاتبة : بنت الخزاعي

الباارت الثااني

جا يوم العزيمه يوم الخميس
وكانت ريما تجهز الاغراض
وتدخل عليها امها امراشد
ام راشد: ريما
ريما ببتسامه: هلا مام
ام راشد: ماتبغي غدى
ريما: مام ماقال لك دادي اني بتغدى مع صديقاتي
ام راشد: اي صح نسيت ومتى بتروحالمشغل
ريما:4ونص
ام راشد : طيب بس انتبهي على نفسك
ريما: من عيونيماام
ام راشد: بنزل انا تحت تبغين شي
ريما: سلامتك
ام راشد: اللهيسلمك
وطلعت ام راشد من الغرفه
وريما حطت ميك اب بني خفيف واحتارت وش تلبس فيالجزم
(
وانتم بكرامه) واهي محتاره دقت عليها ريوف
ريوف: هلا ريما
ريما: اهليين
ريوف : انا وصلت بيتكم ممكن تشرفين و تنزلين
ريما لقت وش تلبس: لقيتهاااااا يس
ريوف : ريما وش الي لقيتها
ريما:الجزمه بلبس ذهبيه وفيهابني
ريوف : حنا تفقنا وردي
ريما :بس حاليا انا بلبس نبي وفي العزيمه ورديواسود
ريوف: اييي افكريلا نزلي بطولين في غرفتك
ريما : طيب بنزلبااي
ريوف: باي
ريما البست عباتها واخذت شنطتها وهي تسكر عبتها كانت الشيلهعلى وجها
ومانتبهت حق نواف وانصدمة فيه
ريما: آآآآآه
نواف بعصبيه: شوفيالطريق وبعدين وين طاسه في ظهر الله
ريمابعصبيه: موشغلك ابعد عني
نواف مسكايدها:وين بتروحين
ريما: افففففففففففففففففففف رايحه مع صديقاتي
نواف: اقولانقلعي غرفتك ماعندنا بنات يطلعون في ظهر الله
ريماوهي تصارخ: ياربييييي ماااممااام
طلع راشد من غرفته: خير خير وش صاير
ريما: راشد شوف اخوك اقول بروح معصديقاتي موراضي
راشد: هي امس قالت لابوي وابوي وافق لاتسوي لنا اليومسالفه
نواف يبعد ريما عن طريق بدفاشه: آآآآآآآآآه عورتي ياسخيف
وراحت ريماوطلعت من البيت
ريما من دون نفس: هلا

ريوف: اهلين وشفيك
ريما تصرف السالفه : مافيني شي وين جوري
ريوف: راحت تجيب دانه
ريما: اها
ريوف: وين نروح ايمطعم
ريما: نروح معطم بربر وبعده مجمع الراشد
ريوف : تركتي كل هالمطاعمالكشخه وجيتي حق بربر
ريما: والله جا على بالي اني اروحه ان شاء الله يكون حقفقر مالي شغل ابغى بربر
ريوف : تيب لاتعصبين
السواق: ماما انتا وين يبقى يروح (ماما انتي وين تبغين تروحين)
ريوف: ماما في عينك كم مره قلت لك قول انسهريوف
ريما: اما ماما هههههههههههههههههههه
ريوف : وجع ان شاء اللهريمووه
ريما: قولي له اخلصي
ريوف: اخلص ودنا مطعم بربر
السواق: طيب
وراحوا معطم بربر ودقت ريما على دانه وجاهم في المعطم
ريما تشوف واحدحلو: ريوف ريوف
ريوف :هلا
ريما بحماس: طالعي المزيون بو كاب( او كبوس او قبعه )
ريوف: اي حلو بس استحي اخته معه مدري مين
وتنصدم ريوف وريما بسجى صديقتهممن شلة الوناسه
سحى تتحجب ما تغطي وجها
ريما: موهذي سجى
ريوف : اي واللههي
دخلت سجى ونادت عليها ريما وسلمت وجاو بعدها
جوري ودانه وهم يقزوون فياخو سجى
ريما: جوري دانه هنا هنا
دانه موحولها من تشوف واحد حلو تفهي فيه: هاااا
جوري : تعالي ياحظي
دانه وعيونها على اخو سجى: هلا هلا سجى
سجى : هلا فيك شخبارك دانه وانتي جوري
جووري: عال العال
دانه بلقافه: من هذاسجووو
سجى: هذا اخوي عبد الرحمن الي قلت لكم ان فاتح منتدى
ريما : وش اسمالمنتدى
سجى: اسمه :::::::::::::::
ريما: خلاص بسجل فيه
سجى: وانتي دانهوجوري وريوف
ريوف : بشوفه وبسجل
هنا عبد الرحمن التفت على الصوت الخجولالناعم عكس الي قبل
جات عينه في عين ريوف
ريوف لفت عينها وارجعت ورى ريما منالخوف
سجى : وانتي جوري ودانه
جوري: بسجل اكيد حتى دانه بتسجل صحدانه
دانه عينها ماشات على عبد الرحمن : اييييي صح
عبد الرحمن عيونه علىالبنت الي متلثمه الي هي ريوف: سجى يلا
سجى: يلا بنات بااي
البنات : بااي
ودخلوا الرباعي المرح الغرفه
دانه وهي تجلس: شكله قطعه ابن الذينه
جوري: اي والله عليه عيون واساع ومكحله
ريما: وخشمه سلة السيف وعليه صوتيجننن
ريوف ساكته تسمع بس ماتتكلم
دانه: ولا عرضه تقول خالد عبد الرحمن
جوري: قومي انتي وخالد عبد الرحمن حقك ذا
وربي دحوم احلى منه
ريما: جوريمابعد تخاوينه مداك تدلعينه
ريوف : مومنها من الحماس هههههههههههه
دانه تناظرفي الجدار: بنات بنات في واحد خفيف دم

كاتب رقمه يقول الي تبغى تدق تدق بعد12
جوري:اييييييييي ذكرتيني في واحد يدق
ومزعج حياتي
دانه : دقي عليهالحين
جوري: انا مقفله جوالي لانه طفشني بصراحه
دانه : افتحي الجوال
جوري: اوكي
وتفتح الجوال وكانت رسايل من المزعج
ودقاته كثير
جوري: خبل 30مرهداق علي
دانه : لالا تخافين دقه ويسكر مايحب يخسر عليك
ريما: ههههههههههههههه
ريوف: يلا نبغى نضحك عليه
ريما: وش صاير في الدنيا ريوفتشجعنا
ريوف تسوي نفسها ماسمعت شي: يلا جوري
وتدق جوري عليه وتحطهاسبيكر
المزعج: هلا واخير فتحي الجوال
دانه:اقول ياطيب وش تبغى
المزعجتحطم : اوف انا داق على ولد ولا على بنت
دانه : لا على فتاه
والبنات هناينفجرون ضحك
المزعج نقهر :خير ان شاء الله الاخت حاطته سبيكر
دانه: لا حاطتهعلى الميكرفون
المزعج: ها ها ها ضحكتيني
دانه تاخذ المنديل : ابوي ابويجا
المزعج خاف وسكر
جوري وريما ويروف : هههههههههههههههههه
دانه: لسىمااتهينا ياخفيف الدم دقي عليه
جوري : خلاص خاف وانا بغير رقمي
دانه: لاياذكيه بسبه على اني ابوك
جوري : كيف ياذكيه
دانه: بغير صوتي وبحط منديل
ريوف: والله فكره
دانه : بس لا احد يضحك
البنات : اوكي
دانه تدق منجوال جوري
المزعج: الوو
دانه تغير صوتها الى صوت رجولي وهي حاطه المنديل: الووووو
المزعج سمع الصوت وسكر
دانه : ههههههههههه سكر
جوري : احسن
ريوف : بصك الساعه الف وحنا ماطلبنا
ريما : اي ولا وين الجارسون
وجاوطلبوا لهم الغدى
بعيد عن الرباعي المرح

في بيت بودانه ( بووليد)
كانبووليد جالس يتغدى
ومعه وليد وعذاري زوجة وليد
بوليد :تسلم يدينك ياعذاري علىهالاكل
عذاري: الله يسلمك عمي
وليدبهمس: ويخليك لي يارب
عذاري افتشلتوماردت
بوليد : الحمدلله ويقوم من طاولة الاكل
قامت عذاري تشيل اصحون وتروحالمطبخ وليد يلحقها
وليدحاط يده على قلبه: ارحميه ارحميه ارحمي قلبي يابنتوقولي له احبك
عذاري تصنع العصبيه: وليد ماتشوف الخدم في المطبخ يلااطلع
وليد يسوي روحه زعلان:طيب بطلع
عذاري عطته ظهرها : الله يخليك لي ياربيوالله يهبل
وليد ماطلع ظل جالس يسمع هالكلام: يوم انك تحبيني ليه تسوينكذا
تروعت عذاري توها بترد عليه الا ابو ليد يناديه
عذاري :والله ارحمك ابوكانه ناداك بس بعدين ارويك شغلك على هالتوريعه
وليد: هههههههههههه ليعوده
بوليد: وليد وليد وينك
وليد: هلا يبه
بو ليد: سنه على ماتجي المهمانابروح اساعد عمك على الذبايح وانت روح شوف
الشركه مع اخوانك
وليد: طيب
وراح وليد الى اخوانه في الغرفه راح غرفة مشعل بس مشعل كان مع علي
وعليكان مشغل اغاني وجالس يرقص بهبال ومشعل فاقع عليه ضحك
وليد يفتح الباب: يا سلاممشغلين راشد الماجد وقالبين البيت مرقص
مشعل وهو يصفق : عاش وليد عاش عليهمعليهم
وليد: لاتطربني بحالي فيني الرقصه
علي :ههههههههههههههه والله لااخربكتعال دخن
مشعل : لالا والله اليوم ينام في المطبخ ان درت عليه عذاري
وليد: حرمتك الي تنومك في المطبخ موانا
علي: يلا عاد وش تبغى جاي غرفةعزابين
وليد: ابوي قال اخذ اخوانك معك الشركه
مشعل: يادين البني
وعلي يطفيالمسجل: ياربي الشركه يبغى لها سالفه وانا مالي خلق
وليد: لالاتخافون بس بنروحنسال منصور شخبار الشركه ومنصور يكشخنا قدام ابوي
مشعل: اي الملعون اثايرك تقولحق منصور كذا وهو يظبطك
وليد: يؤيؤيؤ كشفنا السر
علي :كذا تماام انا بطلع منالشركه بروح اشوف ربعي لان في الليل ماراح اشوفهم
وليد : يلا مشينا
وراحواالى الشركه

في مجمع الراشد كانوا الرباعي المرح توهم واصلين
ريوف: بناتبليز بلا حركات هبال انشافني بدر ذبحني
ريما: ليه هو هنا
ريوف : يمكنمواكيد
ريما: طيب تعالي معي نروح محل مانجو ابغى اشتري لي بلوزه
ريوف: طيب
جوري : دانه طالعي هذا شكله حلو
دانه: مسوي روحه ثقيل
جوري : اي بستلاقينه مغازلجي
دانه تفكر: امممم انا اسمي اسمي ريما
وانتي
جوري: فرح
دانه : شنو فرح تستهبلين
جوري : شنو اختار
دانه: لجين
جوري: اوكيمشينا
دانه:يلا
وراحوا صاروا وراه بضبط
جوري: تدرين ياريما ان البلوزه هذيعند اخوي
دانه:اي ابلوزه يالجين
جوري : الي قدامنا
دانه: اي صاير صاحبهاقطعه ( قطعه يعني حلو)
جوري بصوت واطي : والله لاقطعه ولا شي مالت عليه
دانهبصوت واطي: من جد مالت عليه
وراح الرجال عن خويه وهم وقفوا يدورين ناس احلىمنهم
ومشوا صاروا الاولاد وراهم الحين
الاول : تصدق يامحمد العسل صاير يمشيقدمنا
دانه وجوري لفوا شافهم
محمد: اي والله صادق ياابراهيم واحلى منالعسل
دانه: لجين بعدي عن العسل لايجي لك النحل
جوري: وانتي الصادقهريما
وماتركوهم الشباب الي يوم عطاهم الرقم
دانه: من جد اغبيه ذول مفكرين انبندق عليهم
جوري: عيال فقر واحد موبايلي والثاني سوا
دانه : انا من شفت بوقذله الي حاطه لي على جنب الي مفكر روحه عدنان وليناعلىغلفه
جوري:هههههههههههههههه من جد ولا الثاني مستحلي الاسنان طول الوقت شاقالحلج
دانه نتاظر الساعه: خلينا نروح حق ريما وريوف علشان نروح المشغل
وراحوالريما وريوف وطلعوا الرباعي المرح من المجمع







  رد مع اقتباس
قديم منذ /28 - 4 - 2013, 4:34 PM   #3

:: عـضـو مـتـمـيـز ::

حڪإيـَـَـَـًـهہۧ ♥ غير متواجد حالياً

 رقم العضوية : 45638
 تاريخ التسجيل : 26 - 12 - 2012
 المكان : يآلبيــہَ يآاَلَبااحــہَ ♥ ~
 المشاركات : 3,472
 النقاط : حڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to beholdحڪإيـَـَـَـًـهہۧ ♥ is a splendid one to behold

افتراضي رد: قصة الرباعي المرح شلة الوناسة / الكاتبة : بنت الخزاعي

لييييييييييييييييش مااتتفااعلوو معاايهه








  رد مع اقتباس
إضافة رد

مواقع النشر (المفضلة)

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صابر الرباعي يحتفل بزفافه على مضيفة طيران , زواج صابر الرباعي من إخلاص جنفيان ● н σ d σ α صور - صور طبيعة - صور طريفة - صور نادره - كراكاتير 0 23 - 3 - 2013 5:00 PM
زواج صابر الرباعي سراً , زواج صابر الرباعي للمرة الثانية , صور زواج صابر الرباعي ● н σ d σ α صور - صور طبيعة - صور طريفة - صور نادره - كراكاتير 0 23 - 3 - 2013 4:59 PM
روايه شله الرباعي المرح txt ● н σ d σ α قصص - روايات - روايات كاملة - روايات طويله - روايات غرام 65 13 - 3 - 2012 8:31 AM
قصيدة إنتي أكبر لمشآري المري,أروع قصائد مشآري المري 2012,قصيدة إنتي أكبر للشآعر مشآري المري حلاتي بضحكتي شيلات mp3 - شيلات 2017- قصائد صوتيه - قصائد مسموعه - موفن نت 2 31 - 1 - 2012 1:18 AM
خطايا الغرام - حمد البريدي المري ,جديد حمد المري , قصائد الغرام 2012 الهَنوُف شيلات mp3 - شيلات 2017- قصائد صوتيه - قصائد مسموعه - موفن نت 6 14 - 10 - 2011 7:49 PM


الساعة الآن 4:42 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy