العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

قصه فارس حزييينه جدآ {واقعيه}لاتفوتكم

طقيت الجرس وطلعلي واحد من اخوان فيصل اخو فيصل :: هلا فارس .. وشفيه فمك فيه دم .. اشوف ... ...

إضافة رد
 
LinkBack أدوات الموضوع انواع عرض الموضوع
قديم منذ /1 - 6 - 2009, 10:31 PM   #16

مجنونs

وقفت دقات قلبي غير متواجد حالياً

 رقم العضوية : 1567
 تاريخ التسجيل : 3 - 4 - 2009
 المكان : مآزلت ابحث عن مأوى..}
 المشاركات : 209
 النقاط : وقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of light

افتراضي

طقيت الجرس وطلعلي واحد من اخوان فيصل

اخو فيصل :: هلا فارس .. وشفيه فمك فيه دم .. اشوف ... لا اشوى شكل الدم من برطمك .. وشفيك ؟؟

انا :: مافيني شي .. وين فيصل ؟؟

اخو فيصل :: الحين اناديه .. حياك ادخل

انا :: لا ماله داعي ابي فيصل شوي

اخو فيصل :: لا لا حياك ادخل

انا :: ياهو نشبه انت .. ماتفهم .. نادلي فيصل وخلاص

اخو فيصل :: بسم الله طيب لا تدف

وراح .. بعد شوي جاني فيصل

فيصل :: هلا فارس .. وشفيك .. فيك دم هنا

انا :: مافيني شي

فيصل :: ايه هين مافيك شي .. خلصت مذاكرة ؟؟

انا :: لا باقيلي درس .. وانت ؟؟

فيصل :: ايه خلصت والحين قاعد على النت ههههه

انا :: وشفيك صاير ماتطلع كل هذا على النت حقك

فيصل :: ههههه ياخي منه القى صيده اسهل من السوق ههههه

انا :: طيب عطني سيارتك وانت رح لصيدتك .. على كيفك

فيصل :: ليه وين بتروح الحين ؟؟

انا :: بروح لاستراحة الشباب اللي عرفتني عليهم ذيك المرة اللي قعدت عندهم ثلاث ايام

فيصل :: ليش فارس ؟؟

انا :: ..............................

فيصل :: طردك .. صح ؟؟

انا :: .........................

فيصل :: طيب خلاص بروح اجيب المفاتيح الحين

وراح وبعد شوي جا وعطاني المفاتيح

فيصل :: غسل وجهك لا تروح للشباب كذا

انا :: فيصل وشلون تروح للامتحان بكرة .. يمكن ماقدر ارجع لك السيارة بدري

فيصل :: لا ما عليك اباخذ سيارة واحد من اخواني ماعليك انت .. والسيارة لا ترجعها لين تقضي منها

انا :: مشكور فيصل .. جزاك الله خير

فيصل :: ولو للطيبين ... يله برررب

انا :: وش ؟؟

فيصل :: هههههه لا ولا شي

ركبت سيارة فيصل ..

ادري ان الكلمة الاخيرة اللي قالها مصطلح بالانترنت ماني غبي انا .. اصلا الشباب بالمدرسة طايحين بهالمصطلحات ... تم بنجاح .. حاول مرة اخرى ... تسجيل خروج ... انت مشرف وانت عضو

حسبي الله عليك ياعمي خليتني كأنني جاهل بين اصحابي .. و شردتني وجوعتني

ياربي وش يسوون باختي الحين .. ابي اعرف ..

جلست بالسيارة وماتحركت .. ناوي احتري الفجر اكيد بتروح للمدرسة ابي اتطمن

نمت بالسيارة لكن ذبحني البرد عجزت لانام زين ... انام شوي واقوم من البرد وارجع انام

واخيرا جا الفجر شفت عمي يطلع رايح يصلي .. انا من بعد ماتعرفت على شباب الاستراحة تركت الصلاة ويالله ويالله رجعت اصلي والحين ابرجع لهم .. الله يستر

.. صليت بمسجد ثاني علشان مايشوفني عمي

رجعت للسيارة وقعدت احتري اختي .. شفت ابو فيصل يطلع .. ونزلت راسي علشان مايشوفني بسيارة ولده

بعد ماراح .. تذكرت اني لازم اخفي نفسي والسيارة عن انظار فيصل مالي نفس اكلم احد

وقفت السيارة بمكان مايشوفه فيصل ولا اخوانه ورجعت مشي لبيت عمي احتري اختي تطلع

لكن هذي تأخرت ماطلعت وانا لازم اروح للمدرسة بيفوتني الامتحان

احتريت شوي بس ماطلعت .. ياربي وش صار فيها ..

صار لازم اروح الحق على الاختبار

رحت واختبرت وعلى طول طلعت من المدرسة وماكلمت احد من زملائي

بحاول اشوف اختي خايف عليها مدري وش صار فيها

دخلت الحارة والحمد الله لقيت ياسر يلعب بالشارع مع عيال الحارة

لما شافني جاني يركض قلت له

انا :: عمي بالبيت ؟؟

ياسر :: لا

انا :: اشوى الحمد الله

ياسر :: الكلب والسلقة والجروات كلهم طلعوا رايحين للسوق

ضحكت على ياسر
انا :: حلوة .... من وين جبت هالكلام انت هههههه

ياسر :: من هذا

واشر على واحد كان يشوفنا ... وكان سعود ... سعود ماعلّم ياسر عن عمي واهله بهالتشبيه الا انه عارف عن معاناتي انا واخواني ببيت عمي

قلت لياسر اسأله ليه راحوا للسوق بهالوقت

انا :: صدق خبول ... الناس امتحانات وهم يرحون للسوق

ياسر :: الجروات اسمعهن يقولن لعمي حنا ماشرينا شي لعرس خالهن مدري خالتهن

انا :: حلو .. يعني البيت مافيه احد منهم الحين ؟؟

ورحت امشي بسرعة للبيت .. اخاف يجي عمي الحين واتورط ..

كان بيتنا اخر الحارة ولازم امر على سعود

سعود :: اشوف سيارة فيصل معك ... فيصل وينه

انا :: مدري

سعود :: وشلون ماتدري ؟؟

مارديت عليه انا مستعجل وهو فاضي

دخلت البيت ادور اختي وشهد

دورتهم بسرعة مالقيتهم .. استغربت .. رحت لغرفتي بعد مالقيتهم

رحت للمجلس .. وشفت المجلس على حاله

كتبي وكتب اختي طايحات بالارض
واختي جالسة تبكي وشهد نايمه و متلحفات ببطانيتي

اختي اول ماشافتني جت ركض وتمسكت فيني

وماقالت شي .. قعدت تبكي

انا :: رحتي للمدرسة ؟؟

اختي :: لا ... ماخلوني اروح

انا :: ليش .. لازم تنجحين .. اذا مانجحتي بنقعد هنا النصف الثاني بعد .. خبلة انتي

اختي :: مابي انجح .. مابي شي .. ابي اموت وبس

سكت اكيد مسوين فيها شي

انا :: ليه وش سووا لك البارحة بعد ماطلعت ؟؟

اختي :: عمي هاوشني اما مرة عمي ضربتني بالعصا .. شف

وورتني يدها وذراعها

سكت وانا شوي وببكي

انا :: ليه ضربوك انا يقولون اني سرقت .. انتي ليه ...

وعجزت اكمل خنقتني العبرة

اختي :: تقول ليه ماسويتيلي الشاهي ليه طعتي فارس وما طعتيني

بكيت غصبا عني وضميتها لي

انا :: هي ماقصدها الشاهي هي تبي تضرب وبس

اسمعها تبكي .. اختي مسكينة .. ياويلها اذا قالت لا

و اللا اللي امس سببه انا

رحت لشهد وحبيتها ورجعت لاختي

انا :: شوفي ... لازم اطلع الحين ... اذا صار شي قولي لياسر يقول لفيصل يعلمني .. فيصل يعرف مكاني

اختي :: ليه انت وين مكانك ؟؟

انا :: انا قاعد باستراحة

اختي :: خذنا معك امانة فارس خذنا معك

انا :: كلهم شباب

احتي :: مافيه قسم نساء ؟؟

انا :: انا بروح اقول لياسر مايطلع علشان يقعد عندك

اختي :: لا .. خله برا ارحمله من هنا .. وافكر بعد اخلي شهد تلعب طوال اليوم بالشارع احسن لها

تذكرت سعود وحركاته الوصخة


انا :: لا .. لا تخلينها تلعب بالشارع ... قولي لها تلعب ببيت ابو فيصل مع بناته احسن لها .. ببيت ابو فيصل .. بالبيت مب بالشارع .. فهمتي ؟؟

اختي :: زين

قاهرني حال اختي حنا كلنا نقدر نطلع الا هي ... حنا لنا امل ناخذ ساعة ساعتين نرتاح من خشش عمي واهله

قلت لها

انا :: خلاص مثل ماقلت .. اذا صار شي قولي لياسر يقول لفيصل يعلمني .. زين

وطلعت بسرعة من البيت

بالشارع لقيت سعود بعده واقف بالشارع ..

ناداني ... واصلا انا لازم امره علشان اروح لسيارة فيصل

سعود :: فويرس شف شف

وطلع جواله يوريني صورة بجواله ... لما شفت الصورة انهبلت .. صورة حرمة عارية

انا :: من وين لك هذي ... حراااام

سعود :: هههههههههه

سكت عنه ورجعت للبيت ورجعت لاختي اقول لها

انا :: ان خليتي شهد تروح لبيت ابو فيصل ياويلك ... فاهمة

اختي :: ليش فارس احسن من هنا

انا :: سمعتيني والا لا ؟؟

اختي :: طيب طيب سمعت

طلعت من البيت مرة ثانية ورحت لياسر مااقدر اروح للاستراحة الحين لين يرجع عمي للبيت خاصة ان سعود يدري ان البيت مافيه الا اختي وشهد


قلت لياسر

انا :: ياسر خلك بالبيت لاتطلع منه واجد زين ؟؟

ياسر :: ليه ؟؟ ابي العب







  رد مع اقتباس
قديم منذ /1 - 6 - 2009, 10:33 PM   #17

مجنونs

وقفت دقات قلبي غير متواجد حالياً

 رقم العضوية : 1567
 تاريخ التسجيل : 3 - 4 - 2009
 المكان : مآزلت ابحث عن مأوى..}
 المشاركات : 209
 النقاط : وقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of light

افتراضي

انا :: معليش لين ارجع بس

ياسر :: ومتى ترجع ؟؟

انا :: مدري ... شف انا ابروح اذا جا عمي .. لكن شف .. اذا صار شي قل لفيصل علشان يعلمني .. زين ؟؟

ياسر :: زين

فجأة دخلت سيارة عمي الحارة .. انا سحبت ياسر معاي واندسيت عنه ورا وحدة من السيارات ... وسعود يشوفنا

احتريت لين يدخلون عمي واهله للبيت ... ورحت للاستراحة .. والصورة اللي شفتها بجوال سعود عيت تطلع من بالي احتريت لين يدخلون عمي واهله للبيت ... ورحت للاستراحة .. والصورة اللي شفتها بجوال سعود عيت تطلع من بالي

اول مرة اشوف هالصور ...
مر علي يومين وانا باستراحة الشباب كلهم يقطون الا انا .. سامحيلي الشباب اقعد معاهم بدون ماادفع شي

عرفت ان الشباب بعضهم طلاب جامعة وبعضهم طلاب ثانوية

كنت جالس معهم لكن ساكت .. هالشباب مايملون كله لعب وضحك وتعليقات وسوالف ماتخلص

ازعاج وانا احس حرارتي هاليومين مرتفعة ...

اسمع تعليقاتهم ... وانا اتأمل فيهم .. غريب امرهم .. ليش يجون الاستراحة مع ان لهم ام واب

انا لي يومين ماطلع واجد من الاستراحة ... سيارة فيصل ماكان معي شي علشان اعبيها بنزين .. لكن حمدت ربي ان سيارته جديدة وكشخة وبعض شباب الاستراحة اذا حبوا يروحون للسوق او أي مكان يطلبون مني بعض الاحيان سيارة فيصل .. وانا اسلمها لهم مو لسواد عيونهم ... اسلمها اذا شرطت عليهم انهم يعبونها .. والحمد الله


اما المدرسة صرت ماروح لها مدام ان اختي سقطت ليش اتعب نفسي واروح انا كنت مخطط اننا نروح للرياض بعد ماننجح عشان نكمل النصف الثاني هناك مع ان مالي لا بطاقة احوال ولاشي لكن بنفذ كلام سعود .. وان شاء الله نوصل الرياض بسلام



كان واحد من الشباب يجي من عنيزة يوميا ويعقد شوي عندنا ويروح

بعد مرور اليوم الثالث علي وانا بعيد عن اخواني

كنت جالس مع الشباب غناء وطبل ودخان .. فجروا راسي بهالاغاني وانا حرارتي مرتفعة احس بتعب

في الليل جا هذا ولد عنيزة وقعد يقول لنا موقف مع امه صار لهم وهم جايين من عنيزة

امه على حد كلامه كانت تبي تزور وحدة ببريدة.. لكن صار عليهم حادث بسيط وطلعوا سالمين منها وهو الحين قاعد يقص على الشباب الموقف

تذكرت امي ... آآآآآه يايمة

طلعت من الغرفة اللي فيها الشباب مابي اسمع شي ... امه سلمت اما امي انا لا ...


وقعدت بلحالي بحديقة الاستراحة

بعد شوي جاني ولد عنيزة .. ماعرف اسمه

ولد عنيزة :: هلووووووووووو ابو الشباب هههه

انا :: .......................

ولد عنيزة :: لي فترة اشوف سيارة فيصل معك وهو مااشوفه ... وينه

انا :: ...........................

ولد عنيزة :: صايرن مااشوفه فيصل .. مريت بيته قبل اجي ولا لقيته

انا :: ...................

ولد عنيزة :: ماتلاحظ اني اكلملي جدار ؟؟

انا :: الحمد الله على سلامة امك

ولد عنيزة :: الله يسلمك .. تصدق شكيت انك اطرم

انا :: تعرف فيصل انت ؟؟

ولد عنيزة :: ايه فيصل ولد خالتي

انا :: ماعمري شفتك بالحارة

ولد عنيزة :: ماحب حارتكم ... انت فارس .. صح ؟؟

انا :: ايه .. وش اسمك انت ؟؟

ولد عنيزة :: خالد تقدر تدلعني خلودي هههههه

انا :: ماتضحك

و قمت عنه احس اني تعبان وابي انام


لأننا بوقت امتحانات الشباب مايسهرون واجد والاستراحة تصير فاضية من الفجر الى العصر

انا صرت ماقدر اقوم من فراشي حرارتي مرتفعة

في الليل الشباب ماقصروا اللي يجيبلي بندول واللي يحاول يخليني اكل واللي يلحفني بعضهم يلحفني بفروته .. حتى الاغاني صاروا مايسمعونها الا في غرفة ثانية علشان مايزعجوني .. اما خالد يغصبني اروح للاسعاف علشان اخذ مغذي او أي شي

تحسنت صحتي لكن مر علي اسبوع وانا بالاستراحة والتفكير باخواني ذبحني .. مدري عنهم شي .. اكيد جواعنين وبردانين .. واختي اكيد جوعانه وبردانه وتعبانة من شغل البيت .. ليت الاستراحة هذي لي علشان اجيبهم نعيش هنا بسلام

واخذت طوال الليل وانا افكر فيهم وقررت اروح لهم الصبح اذا ذلف عمي لشغله

احتريت لين جت الساعة عشرة الصباح

ورحت للحارة بس ماشفت ياسر .. كان على بالي اني ابشوفه يلعب بالشارع كالعادة

جيت ابدخل البيت لكن لقيته مقفل وانا مامعاي مفتاح .. ورجعت للاستراحة ناوي ارجع المغرب .. انا لازم اشوف اخواني اليوم .. لازم

الاستراحة فاضية .. اليوم السبت اخر اسبوع من امتحانات الثانوية ..

عجزت لارتاح ابي اشوف اخواني .. اسبوع .. اسبوع ماشفتهم .. وهم محتاجين لي

احترت مدري وين اروح .. والمغرب عيا لايجي

حسيت الدنيا صغيرة علي من الهم .. لا بيت ولا فلوس ولا شي واخواني كاسرين ظهري خاصة اختي .. ياسر اكيد يروح لبيت ابو فيصل او يلعب بالشارع طوال اليوم وشهد تدافع عنها اختي لكن اختي من لها سند غيري وسندها متشرد

الحمد الله اخيرا اذن المغرب .. طيران لبيت عمي ابنتظر عمي لين يطلع يصلي وبعدين ادخل البيت

وصلت الحارة واحتريت شوي لكن عمي ماطلع .. قوموا للصلاة وعمي الى الحين ماطلع

لقيت باب البيت مقفل

ماقدامي حل الا اني اتسلق الجدار .. والناس بالمسجد الحين .. ركبت على سيارة فيصل وبعدها تسلقت الجدار وطبحت كأني حرامي

بررررد

لكن تفاجأت .. لقيت اخواني ياسر وشهد يبكون بالحوش ويتنافضون من البرد

هم خافوا مني على بالهم اني حرامي لكن بعد ماميّزوا اني اخوهم جولي ركض وتمسكوا فيني بقوة .. اطرافهم ووجيهم كانت باردة زادت من برودة جسمي .. حاولت ابعدهم عني شوي علشان اكلمهم لكن متعلقين فيني بقوة
وكل واحد منهم يجر طرف كوتي علشان يتدفى

قلت لهم اسألهم

انا :: ليش انتم برا بهالبرد ؟؟

ماردوا علي يتنافضون ويبكون ويهذون بالكلام مدري وش يقولون

ضميتهم لي اكثر احاول ادفيهم لكن انا بنفسي بردان

انا :: ياسر شهد ليش انتم بالحوش ؟؟ قلت لهم اسألهم

انا :: ليش انتم برا بهالبرد ؟؟

ماردوا علي يتنافضون ويبكون ويهذون بالكلام مدري وش يقولون

ضميتهم لي اكثر احاول ادفيهم لكن انا بنفسي بردان

انا :: ياسر شهد ليش انتم بالحوش ؟؟

قال ياسر وهي يبكي

ياسر :: الصباح ارسلتني عمتي للبقالة وانا نسيت ورحت العب انا وشهد ورحنا لبيت ابو فيصل ونسيت ماجبت الخبز .. صدقني فارس نسيت

انا :: طيب هذا الصبح .. وحنا الحين المغرب

ياسر :: عيت تدخلنا البيت وقالت ياويلكم اذا طلعتم للشارع

شهد :: فارس انا جوعانه

ياسر :: وانا بعد

فار دمي وعصبت

انا :: والخبلة اختكم وينهي ليه ماتدخلكم ؟؟

ياسر :: مدري

قمت ورحت امشي بسرعة رايح لباب البيت الداخلي لكن كان مقفل .. ورحت لدريشة المطبخ واخواني وراي

من دريشة المطبخ .. شفت اختي بالمطبخ تمسح دموعها وهي تطبخ العشاء مدري تغسل الصحون ..

صرت بدل مااحس بالبرد احس بالحر ... منظر اختي زاد من عصبيتي ..

انا :: مااكون فارس ان ماوريتكم .. ان ماوريتك ياعم انت واهلك .. هين .. هين

صرت كأني اركض وانا رايح لدريشة غرفتي واخواني يركضون وراي

لقيت بالحوش مكنسة .. واخذت عصاها بس
دخلت البيت عن طريق دريشة غرفتي ودخلت اخواني بعد عن طريق الدريشة .. والعصا مازالت معاي

مشّوت مااشوف دربي .. ولد عمي صغير عمره سنتين كان على طريقي وانا ماشي

دزيته متعمد وطاح على خشمه وقعد يبكي

وصلت لهم

بنات عمي ثنتين اللي يتغطن عني ركضن لوحدة من الغرف وطلعن وهن متغطيات


اما مرة عمي لما شافتني تغطت بشيلتها وقالت

مرة عمي :: فويرس .. وش جابك يالصايع ؟؟

انا :: ومن خلاني صايع غيرك ؟؟

مرة عمي :: اطلع برا اشوف .. فارق

اختي اول ماسمعت صوتي جتني

اختي :: فارس وينك اسبوع ماجيت

لكن اول ماشافت ياسر وشهد راحت لهم تضمهم

سألت مرة عمي .. وانا اهز العصا قدامها

انا :: وين عمي ؟؟

مرة عمي :: مالك دخل .. اطلع برا


انا :: اطلع برا .. هااااه .. على كيفك هو .. وين عمي ؟؟

قالت اختي :: عمي مسافر له يومين واليوم اتصل يقول انه بيجي اليوم

انا :: حسافة كنت ناوي اخلّص عليه هو الاول ..

الحريم كلهن شهقن حتى اختي .. و تمنيت روح مرة عمي تطلع مع شهقتها

قلت لمرة عمي وانا اهز العصا

انا :: ليش مطلعة ياسر وشهد برا بهالبرد .. هاااه ؟؟

مرة عمي :: ........................

قال ياسر :: فارس نسيت .. علمتك انا .. علشان نسيت اجيب خبز

قلت لمرة عمي :: تبين خبز .. هاااه ؟؟ انا اعلمك وشلون تبين خبز ..

ورحت لمرة عمي وكشفت غطوتها وسحبت الشيلة عنها

وقعدت اضربها بالعصا .. قاومتني بالبداية وبعدين ضعفت .. وصرت اضرب واضرب


للقصه بقيه
انتظروووووني








التعديل الأخير تم بواسطة وقفت دقات قلبي ; 1 - 6 - 2009 الساعة 10:35 PM
  رد مع اقتباس
قديم منذ /1 - 6 - 2009, 10:50 PM   #18

نبضها عتيبي غير متواجد حالياً

 رقم العضوية : 585
 تاريخ التسجيل : 27 - 8 - 2008
 المكان : نبض قلبه ⓜ $ ♥
 المشاركات : 65,453
 النقاط : نبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond repute

افتراضي

مره روعه عوافي نتظر البارت القادم بكل شوق








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
حزييينه, فارس, {واقعيه}لاتفوتكم

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
بالصور- ميريام فارس نجمة صعبة - صور ميريام فارس مثيرة 2014- ميريام فارس امرأة صعبة المنال ♥ •ӎ صور - صور طبيعة - صور طريفة - صور نادره - كراكاتير 1 12 - 3 - 2013 1:15 AM
رمزيات مريام فارس 2013 من لستتي - رمزيات ميريم فارس 2012 -احدث رمزيات ميريام فارس - رمزيات رماديه / مجهودي ● н σ d σ α رمزيات بلاك بيري - رمزيات BB - خلفيات بلاك بيري 2018- رمزيات من لستتي 2 15 - 9 - 2012 9:56 PM
فساتين ميريام فارس - ازياء ميريام فارس - ازياء مريام فارس 2014 - صور فساتين ميريام فارس موديلات فساتين ميريام فارس الجديده نبضها عتيبي فساتين 2018, فساتين سهره 2018, فساتين زفاف 2018 8 9 - 1 - 2012 11:25 PM
ازياء المصمم جان فارس 2012, فساتين جان فارس 2012,اجدد ازياءالمصمم جان فارس لعام 2012 الهَنوُف فساتين 2018, فساتين سهره 2018, فساتين زفاف 2018 7 11 - 5 - 2011 10:36 PM
شله اماراتيه اتعور القلب ....حزييينه حيييل واتصيح sнατнα قصائد - قصايد - همس القوافي - قصيده - شعر - قصائد شعريه - قصائد منقوله 12 1 - 12 - 2010 10:04 PM


الساعة الآن 6:38 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy