العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

قصه فارس حزييينه جدآ {واقعيه}لاتفوتكم

حزييينه , فارس , {واقعيه}لاتفوتكم قصه فارس حزييينه جدآ {واقعيه}لاتفوتكم السلام عليكم ورحمة الله وبركاته قصة فارس من القصص المسأوية ...

إضافة رد
 
LinkBack أدوات الموضوع انواع عرض الموضوع
قديم منذ /29 - 5 - 2009, 1:59 PM   #1

مجنونs

وقفت دقات قلبي غير متواجد حالياً

 رقم العضوية : 1567
 تاريخ التسجيل : 3 - 4 - 2009
 المكان : مآزلت ابحث عن مأوى..}
 المشاركات : 209
 النقاط : وقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of light

افتراضي قصه فارس حزييينه جدآ {واقعيه}لاتفوتكم


السلام عليكم ورحمة الله وبركاته
قصة فارس من القصص المسأوية



اليكم قصته
انا مب مثقف مثلكم وماراح اكتب القصة بالفصحى لا ...
بدايتي


انا عشت طفولتي مثل اي طفل ... براءة ... وحب .... والاهم .. في ظل حنان الوالدين


كنا نعيش بالدمام انا (( فارس )) كنت بصف سادس واختي الكبيرة وكانت ايامها مخلصة الثانوية ومخطوبة واختي اللي اصغر مني بسنتين واخواني التوأم ياسر وشهد ...


كان اكبر همي اللعب ودايما في الشارع العب مع ذاك واضرب هذا ويضربني ذاك

تعبت من اللعب وصار لازم ادخل البيت لكن استغربت لقيت اخواتي يبكن وخاصة اختي الكبيرة تبكي بكى مو طبيعي تبكي بقوة بصوت مسموع سألتها وليتها ماعلمتني


امي وابوي راحوا بحادث سيارة ... وكملت بكاها



امتلى بيتنا بالجيران وخاصة الحريم


جانا عمي يبي ياخذنا معه للقصيم بعد مايكمل زواج اختي ... اختي كانت رافضه لكن عمي كان شديد عليها وتزوجت غصبا عنها مع انها رافضه وقت الزواج


بقي انا واختي الي اصغر مني وياسر وشهد

ورحنا للقصيم ببيت عمي ... عمي باختصار كان لا مبالي بنا متنا او عشنا ما هو مهم عنده وزوجته كانت متسلطة

تسب وتضرب وتشتم .. واكثر الاحيان انام انا واخواني جوعانين
دخلت المتوسطة وخلصتها بظروف كله ضرب وشتم وطرد ... ايه تميزت عن اخواني صار عمي

يطردني وارجع بنفس اليوم لسببين الاول مادري وين اروح ووين انام

والسبب الثاني اخواني انا اكبرهم ولازم ماخليهم خاصة اختي اللي بعدي ..

يكفيها ماجاها هي اكثر واحد منا عانى من بيت عمي دايما يشغلونها في البيت تطبخ وتغسل وتكنس

ومرة عمي ماتخلي لها مجال للدراسة مع ان لها بنات ... مسكينة دايما ترسب في الدراسة وماتنجح

الا في الدور الثاني و دايما تنام وهي جالسة كله من التعب من شغل البيت

واذا طردني عمي اغصب نفسي على الرجعة بس عشان اختي ... ارجع للبيت احسن واخليهم ينشغلون عنها فيني

يعذبوني انا احسن من يعذبونها هي


ايام ماكنت في المتوسطة زارتنا اختي الكبيرة مع زوجها اول زيارة لها بعد زواجها وعمي ماكان

موجود وطردتها مرة عمي بكل وقاحة

بعدها صارت اختي وزوجها الطيب اذا بغوا يزوروننا يوقفون عند الشارع ويطق الجرس زوجها

طبعا مافيه ببيت عمي يفتح الباب الا انا لأن عمي اكبر عياله بنات والبقية صغار

يطق الجرس زوجها واطلع له انا وبصعوبة اطلع اخواتي من البيت عشان يسلمون على اختهم


دخلت الثانوية كاره عمري بديت احس بالنقص بديت اسأل ابوي ماخلى لنا شي؟؟ .. ابوي ماله بيت ملك ؟؟ اجل وينه.. ماله راتب؟؟ اجل من ياخذه .. بديت اتسأل بس صعب اسأل عمي بيجلدني ان سألته

صرت احس نفسي ناقص احس نفسي محروم ... مقهور

اصحابي بالثانوي اشوف كل واحد منهم يتفنن بجوالاتهم وكلهم لهم سيارات الا انا ... ليش

انا مالي شي لا جوال ولا سيارة ... ولا أب


كانت مدرستي بعيدة شوي عن بيتنا اقصد بيت عمي تقريبا ساعة كاملة مشي

دايما انحرج من صديقي وولد جارنا فيصل هو طيب ومايقصر معي لكن انحرج منه دايما لاصق فيه

عشان الروحة والطلعة من المدرسة

طلبت مرة من عمي جوال بعد مابدوا يعايروني زملاء المدرسة

طلبت من عمي يشتري لي الجهاز لكن عمي لوى يدي بعد ماشيشته مرة عمي .. مدري ليه التعذيب

يقول لا وخلاص يعني لازم الضرب

والحين ماقدر اطلب منه سيارة مرة وحدة ... بيذبحني وماتجرأت اطلب الصراحة ... خفت

خلصت اولى ثانوي محروم وناقص ومقهور .. وووووو ... مشتاق لامي وابوي مشتاق لهم بقوة من

زمان ماشفتهم من يوم ماكنت بسادس


عطلوا الطلاب اختي كالعادة لها دور ثاني والبقية نجح حتى بنات عمي .. بنات عمي اكبرهم اكبر مني

بسنة


التسأولات مازالت تلح براسي ابوي ماخلى لنا شي ؟؟ طلبت المساعدة من صديقي فيصل

طلبت منه يسأل ابوه بشكل غير مباشر ... الموظف الحكومي يصرف لأبنائه راتب او ينقطع

وكان الجواب ايه يصرف لهم


هنا طفح الكيل وانقهرت وذات اليوم مارجعت للبيت بسرعة افور واغلي من القهر

لكن وين اروح لازم ارجع والا وين انام

وقررت اسأل عمي راتب ابوي وينه ؟؟ مع اني خايف منه

رجعت الساعة 2 في الليل والحمد الله كان الكل نايم ... ونمت وانا منقهر
في اليوم الثاني سألت عمي وحنا لحالنا

قلت :: عمي وين راتب ابوي ؟؟

عمي :: ............................ (( سكتت ومارد علي ))

سألته مرة ثانية

قلت :: عمي وين راتب ابوي ؟؟

مادريت الا بكف ضاربني فيه

وقال :: ياقليل الخاتمة عايشين ببيتي وتبي فلوس

لكني ماسكتت له جادلته

انا :: ابي راتب ابوي انا محتاج واخواني محتاجين ونبي الراتب

بعد شوي

جت النسرة مرة عمي على اصواتنا

وبعد ماعلمها عمي بسبب هواشنا قالت له ببساطة

مرة عمي :: اطرده وفكنا منه

وماصدقت خبر جابت له مرة عمي الخيزرانه عشان يضربني لكن فريت بجلدي وطلعت من البيت مقهور


خلاص ماله داعي ارجع البيت اختي ومعطله ليه ارجع اجل

بس صح لها دور ثاني ماراح يخلون لها مجال تذاكر

ياربي شسوي



رحت لبيت صديقي فيصل

فيصل دلوع اهله و له اخوان كبار وعايش حياته ماشاء الله عليه

طلبت منه اننا نتمشى شوي

وعرفني على اصدقاء له .. لهم استراحة يجتمعون فيها

وبقيت معهم اليوم باكمله ومارجعت البيت

اصدقاء فيصل عرفوا ضروفي واني مطرود وسمحوا لي اني ابات في الاستراحة

واخذت ثلاث ايام وانا في الاستراحة

وانحرفت وترك الصلاة وتعلمت التدخين لكن ماجاز لي الصراحة وهم ماغصبوني عليه

وتعلمت اغازل كنا في ثلاث ايام نروح للسوق وللمجمعات عشان نغازل هناك

لكن انا ماغازلت ابد لأنه ببساطة ماعندي جوال وماعندي سيارة عشان اخذها معي

ففترة مغازل الشباب في المجمعات كنت اخذها فرصة واعتزل بمكان لحالي كنت احب الوحدة

ماحب احد يقعد معي

كنت افكر بحالي ياربي مادري عن اخواني شي ووش صار عليهم ثلاث ايام ماشفتهم

لازم ارجع

بعد مارجعوا الشباب وكل واحد يسولف عن صيدته

طلبت من فيصل يرجعني البيت وماعارض على طول رجعني

لكن لما وصلت البيت كانت الساعة 2 في الليل خفت يكون احد بعده صاحي فانتظرت في الشارع لين جت الساعة 3

تسللت للبيت ودخلته واشوى غارق في الظلام تسللت لغرفة اختي وانا ادري انه ينامون معها بنات عمي لكن مااهتميت ابي اشوف اختي واتطمن ماعلي من احد

فتحت الباب لكن عجزت لعرف ايهم سرير اختي اخاف اكشف اللحاف وتطلع وحدة من بنات عمي وابتلش

وتخليت عن المحاولة .. اشوفها ان شاء الله بكرة

ورحت لفراشي ونمت لامن شاف ولامن دري


في اليوم اللي بعده لما شافني عمي ماقالي شي اقصد ماحاول يطردني مرة ثانية كان يهاوش وبس رغم تشيش مرته علي

تطمنت على اخواني وخاصة اختي كاسرة خاطري تغيرت في ثلاث ايام صارت كأنها عود وشكلها مبهذل مالها فرصة تهتم بنفسها شايلة البيت كله فوق راسها ولازم تهتم باخوانها الصغار ياسر وشهد

جوني ياسر وشهد فرحانين انهم السنة الجاية بيدخلون المدرسة

عرفت بعدها ان اختي لحت على عمي انه يسجلهم بالمدرسة عمي سجل ياسر واختي سجلت شهد

وانا وقتها كنت مطرود ... آآآه يالقهر

نجحت اختي في الدور الثاني

وبدت الدراسة

صرت انا الحين بثاني ثانوي واختي بثالث متوسط وياسر وشهد باولى ابتدائي

قبل بداية الدراسة باسبوع زارتنا اختي وكعادتها حطت بيدي فلوس علشان اذا احتجتها انا واخواني ...

لكن مرة عمي دايما تدخل غرفنا وتفتش فيها خاصة غرفتي

انا محتاج للفلوس لكن وين ادسها...

المهم راحت اختي الكبيرة هي وولدها وبنتها وزوجها بعد ماعطتني رقمها ورقم زوجها طبعا انا مالي جوال كتبت رقمها بورقة وحاولت ادس الفلوس بمكان ماتوصله القشرا اما الورقة اللي فيها الارقام لصقتها تحت سريري


مرت الايام وزاد الشغل على اختي شغل البيت ودراستها وتذاكر لاخواني ياسر وشهد ويالله يالله تتفرغ لنفسها

اذا شفتها تروح تذاكر او ترتاح وشفت بنات عمي وامهن يحاولن يتحرشن فيها بالكلام رديت عليهم بس علشان اشغلهم عن اختي هم مايرتاحون لين يسوون مشكلة

ومع مرو الايام .. وفي الاختبارات الشهرية

كنت جالس اذاكر لاختي المسكينة مادة صعبة عليها

مرة عمي دايما ماتخليني اجلس عندهم تقول علشان تاخذ حريتها وهي وبناتها عشان يكشفن بالبيت

انا هذاك اليوم عاندت ومارحت للمجلس تبغى تكشف تروح تكشف بوحدة من الغرف ماكثر الله الا من غرف البيت

وقعدت اذاكر لاختي ... فجأة دخل علينا عمي معصب سألته وحدة من بناته :: وشفيك يبه ؟؟

عمي :: كفرات سيارتي مفششه هالبزران مايفششون الا سيارتي لو اعرف من ولده بس

سكتنا شوي انا ماهتميت لو يفششون راسه بعد احسن

بعد شوي قالت مرة عمي لعمي

مرة عمي :: انا شفت هذا يدور حوالين السياره ... (( واشرت يمي ))

خافت اختي وهي تعرف عمي اذا عصب عصب

وقالت :: لا ياعمة فارس طوال اليوم وهو معانا ماطلع للسيارة ابد

مرة عمي :: الا انا شفته يدور حواليها اكيد هو اللي فشش الكفرات

عمي :: فااااااارس ليش فششتهن يالكلب

قلت انا لمرة عمي :: احلفي انك شفتيني

لكن عاد عمي مايكذب حرمته

توجه يمي انا من الخوف قمت مستعد للضرب

تقرب مني ودزني وطحت على الارض ... اختي حاولت تدافع عني مسكت يد عمي تحاول تهديه لكن دزها هي الثانية وطاحت علي

المسكينة قامت عني بسرعة على بالها انها ثقيلة علي

وقالت :: فارس عورتك

انا :: عمي مب انا صدقني ماقربت سيارتك اصلا

شفت مرة عمي تحط بيده خيزرانه يعني عليك فيه .. تقهرني تصرفاتها بناتها اعقل منها

تقرب عمي مني وهو فاير دمه ومسك شعري

عمي :: شف ياقليل الخاتمة تصلح الكفرات وانت ماتشوف الدرب فاااااهم

قلت لعمي وانا معصب ورفعت صوتي عليه

انا :: عطني راتب ابوي واصلحها

مادريت الا وعمي رفع رجله وداس بطني بقوة وبعدها ركلني



rwi thvs p.dddki []N V,hrudiCghjt,j;l








  رد مع اقتباس
قديم منذ /29 - 5 - 2009, 2:02 PM   #2

مجنونs

وقفت دقات قلبي غير متواجد حالياً

 رقم العضوية : 1567
 تاريخ التسجيل : 3 - 4 - 2009
 المكان : مآزلت ابحث عن مأوى..}
 المشاركات : 209
 النقاط : وقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of lightوقفت دقات قلبي is a glorious beacon of light

افتراضي

انا قعدت اتلوى من بطني

قالت اختي :: اخص الله ياخذك انت مانت عم

وسمعته يمحطها بالخيزرانة

عمي :: قم اشوف قم خذ السيارة ورح للمحطة يسوون الكفرات قم وخلهم يغيرون الكفرات بكفرات جديدة فااااهم

حذف علي المفاتيح والفلوس وطلع عمي من الصالة

يالله يالله قمت

سمعت مرة عمي تقول لي

مرة عمي :: علشان مرة ثانية ماتعاندني

طلعت من البيت و اخذت السيارة ... اشوى ان المحطة قريبة .. السيارة بنفسها يالله يالله وصلتها هي وكفراتها

وانا يالله يالله اسوق ... بطني يعورني



رجعت البيت وشفت لمبات غرفتي والعة عرفت انها النسرة اكيد كعادتها تفتش ... اووووووووه الفلوس اكيد اكيد بتشوف فلوس اختي الكبيرة اللي عطتنياهم وبتاخذهم


تعمدت افتح الباب بسرعة علشان ادخل عليها قبل ماتتغطى علشان تتأدب مرة ثانية

لكن اللي كان بالغرفة اختي ماهو مرة عمي جالسة على سريري وشكلها تحتريني

ماقلت شي ولا سلمت عليها حتى

اختي :: شلونه بطنك الحين ؟؟

ان تكلمت ببكي وانا مابغى ابكي قدامها

مارديت عليها نزلت ثوبي مستعد للنوم وعلشان تطلع هي بعد

اختي :: عجزت لا انسى شكله وهو يتوطاك الكلب

شكلي كاسر خاطرها مثل ماهي كاسره خاطري

طلعت من الغرفة بروح للحمام مااقدر اتكلم معها ببكي على طول

رجعت للغرفة والحمد الله ماكانت موجودة فيها ... حاوت انام لكن عجزت انام من بطني احس اني ابرجع ... مادري وش فيني

بعد يومين وانا بالمدرسة كنت اكثر الاحيان اجلس بلحالي مع ان فيصل دايما يطلب مني اتمشى معه لكن انا ماابي اجلس مع احد

وانا جالس جاني سعود زميلي بالمدرسة ومن جيراننا لكن شري وكلامه وصخ وفيه نذاله ومايخلي احد بحاله

جا وقال :: اقول فارس لقيت شي حلو مرة ياليتك تقراه .... (( ومد علي ورقة ))

اخذتها وراح عني واللي يشوفه يقول كأنه منتصر ... يمكن فاتح القدس وانا مادري

المهم فتحت الورقة وكان فيها
المهم فتحت الورقة وكان فيها
تدري وش اللي يجرح القلب جرحين
ويمد حبـل الحـزن فيـك ويشـده
::
انك تناظر طفل مـن غيـر ابويـن
يمشي ودمعـه سايـل فـوق خـده
::
منظر صعيب ويقسم القلـب قسميـن
لا قـام يمسـح دمعـه بكـف يـده
::
يمش ولا يدري طريقة علـى ويـن
لين التعب من كثـر مـا تـاه هـده
::
اثقل حـروف يشيلهـا فيـة حرفيـن
لا أب يـدريـبـه ولا أم تـــرده
::
في خطوته رحلـة ودمعـة وسكيـن
وحـظ توسـد بالمراسـي مـخـده
::
جيت اسألـه بالله قللـي ولـد ميـن
وبغي يجاوب وختنـق صـوت رده
::
أنـا يتيـم ومـا لدربـي عنـاويـن
وجزر الحزن فينـي يسـاوي لمـده
وطعم الطفولة ما عرفته لهـا لحيـن
وثوب السعادة صـرت مانيـب قـده
::
ابكي إلى من شفت غيـري سعيديـن
ليـن البكـا فينـي يوصـل لحـده
::
واقفي ورحت امسح دموعي من العين
وعيني تناظـر دمعتـه فـوق خـده
::
وهذا اللي يجـرح القلـب جرحيـن
ويمد حبل الحـزن غصـب ويشـده




طلعت دموعي غصب عني مسحتها مابغى احد يشوفني .. تلثمت وصرت اقلب في الورقة مابغى اقرا القصيدة مرة ثانية بس بحتفظ فيها



بالطلعة تهربت من فيصل لأني مابي ارجع البيت بسرعة

بالطريق للبيت مشي .. طلعت الورقة اللي فيها القصيدة وقعدت اقراها مرة ثانية

ليش انا يتيم ليش مامت معاهم ليش كل الناس لهم ام و اب الا انا

ابي كل الناس يموتون خاصة عمي ابيهم يموتون كلهم ابي اذبح كل الناس اكرههم كلهم

ليش انا ناقص ليش انا محروم .. يمة يبه تعالوا شوفوا .. تعالوا شوفوا عمي وش يسوي فيني

اخذت اهذي بالكلام واحس الدنيا ضايقة علي ... احس اني مخنوووووق


وصلت حارتنا الساعة 3 الظهر باقي مااذن العصر



لكن تفاجأت ... لقيت شهد وماسك يدها واحد ويمشي معها

الجزء الثالث
اذا شفت الردوووود والتفاااعل
بانتظاركم







  رد مع اقتباس
قديم منذ /29 - 5 - 2009, 2:55 PM   #3

..عطيتك آصدق شجوني وآرخصتني يآعيوني..

ضمني بشوق غير متواجد حالياً

 رقم العضوية : 941
 تاريخ التسجيل : 25 - 11 - 2008
 المكان : بحضنه
 المشاركات : 3,222
 النقاط : ضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant futureضمني بشوق has a brilliant future

افتراضي

ياويلي مررررررررررررررره تحزززن:ب:
بجد تبكي:a38:
بلييييييز كملها
ولا تحرمنا جديدك.....:خجل:}








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
حزييينه, فارس, {واقعيه}لاتفوتكم

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
بالصور- ميريام فارس نجمة صعبة - صور ميريام فارس مثيرة 2014- ميريام فارس امرأة صعبة المنال ♥ •ӎ صور - صور طبيعة - صور طريفة - صور نادره - كراكاتير 1 12 - 3 - 2013 1:15 AM
رمزيات مريام فارس 2013 من لستتي - رمزيات ميريم فارس 2012 -احدث رمزيات ميريام فارس - رمزيات رماديه / مجهودي ● н σ d σ α رمزيات بلاك بيري - رمزيات BB - خلفيات بلاك بيري 2018- رمزيات من لستتي 2 15 - 9 - 2012 9:56 PM
فساتين ميريام فارس - ازياء ميريام فارس - ازياء مريام فارس 2014 - صور فساتين ميريام فارس موديلات فساتين ميريام فارس الجديده نبضها عتيبي فساتين 2018, فساتين سهره 2018, فساتين زفاف 2018 8 9 - 1 - 2012 11:25 PM
ازياء المصمم جان فارس 2012, فساتين جان فارس 2012,اجدد ازياءالمصمم جان فارس لعام 2012 الهَنوُف فساتين 2018, فساتين سهره 2018, فساتين زفاف 2018 7 11 - 5 - 2011 10:36 PM
شله اماراتيه اتعور القلب ....حزييينه حيييل واتصيح sнατнα قصائد - قصايد - همس القوافي - قصيده - شعر - قصائد شعريه - قصائد منقوله 12 1 - 12 - 2010 10:04 PM


الساعة الآن 7:38 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy