العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

اشتقت لك حتى صارت بي منك لمحات ... للكاتبه غرور الهلال ... كآمله

بسم الله الرحمن الرحيم : : : ام مشعل : يمه العنود ورآك ماصحيتي الى اللحين يالله يايمه؟ العنود بكسل ...

إضافة رد
 
LinkBack أدوات الموضوع انواع عرض الموضوع
قديم منذ /23 - 8 - 2009, 2:00 AM   #10

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

بسم الله الرحمن الرحيم

: : :

ام مشعل : يمه العنود ورآك ماصحيتي الى اللحين يالله يايمه؟

العنود بكسل : يمه والله طول الليل مانمت ..مالي ربع ساعه نايمة

ام مشعل راحت للستارة وفتحتها ... اشعه الشمس القوية انتشرت بكل الغرفه..

ام مشعل: يالله قومي غسلي وجهكـ.. الليله ملكتك ..وبعد شوي بتجي الكوفيرا..وبتجي حقت المكياج قومي شوفي الناس حالتهم حاله تحت علشانك وانتي نايمه..

العنود قامت مفزوعه من حكي امها: يالله دقايق وانزل..يمه يمه!!!

ام مشعل رجعت : هلا ..

العنود منزله راسه بالارض: ابوي واخواني تحت ؟

ام مشعل عرفت انه العنود نايمه قاصده بنومتها هذي علشان ماتبي تشوف ابوها واخوانها ..لانها تستحي منهم وماتبي تسمع كم كلمه تحرجها ..


ام مشعل ابتسمت: لا مافيه غيري انا وريانه وعبير..وجت الي تصلح الطاولات ..
وريانه اشوفها تهاوش الي تسوي وش يسمونه حق الطقطقه

العنود: Dj ..يمه ههههه اللحين بنزل بشوف ايش تبي ذي النشبه..

ام مشعل : بسرعه..ترى اللحين العصر

العنود: طيب من عيوني

ام مشعل: تسلم عيونك..الله يوفقك ويسعدك ويهنيك

: : :

رندا تلبس عباتها بتروح للمشغل (الصالون) علشان تسوي شعرها..مساكه جوآلها وتكلم ....

رندا: صدق؟ كيف؟

ديم: والله مدري هالخاينه جود..اول ماصحيت من النوم ..قالت امي انه بنات عمتك صيته راحوا معاها للمشغل

رندا: ليش ماقالت لك هههههه

ديم: لاتضحكين تراها واصله معاي..المشكلة اني انا وياها متفقين نروح سواء وبعدين امل وشوق السخيفات انا اوريهم الشغل بس خليني اشوفهم..كذا يروحون وماعندي خبر..

رندا: طيب اسمعي انا بروح للكوفيرا ..امرك وتروحين معاي..

ديم: ياليت ,,ادعي لك

رندا:ههه تكفين دعائك دعاء السديس او الشريم..


ديم: لاتخليني اروح للعنود واتضبط هناك معاها هي وريانه..

رندا:يمه تهدديني ههههههه..

ديم:هههههه..متى تمريني بس؟

رندا: يالله البسي عبايتك اللحين..

ديم:اوكي بايات

...... ديـــــــــم .......

يالله كيف راحت عن بالي...لا يكون فيصل الي راح يوديها للمشغل؟ لا اكيد مو فيصل السواق فيه...وبعدين فيصل فاضي عنده شغله و اليوم فيه عزيمة كبيرة اكيد ماراح يفضي يودينا ...!!

: : :

ريآنه : اقولك اسمعي ابغى اغنية التاكسي...

العنود: اقول ريانه الليله ملكتي ومابغى حركتاتك هالليله بالذات..

ريآنه: مافيه هذي اغنيتنا انا والبنات لازم نرقص فيها

العنود:انا الاغاني الي طلبتها راح تكون ذوق ايش دخل التاكسي فيها كذا تصير شطحه بينهم

ريانه: المشكلة انك اختى يعني لازم افلها وانبسط وارقص في ليلة العمر

العنود:ههههههه بدري على ليلة العمر ياذكية

ريآنه: متى تجي ليلة عمرك وافتك منك

العنود:بنشوف بتفتكين مني..والله اكثر من يبكي علي انتي..

ريآنه: ليش الاخت رايحه حرب ..يعني تبين تروحين لضاري..

العنود من جابت ريانه سيرة ضاري اختبصت وتلخبطت وبان عليها ارتباكها..

العنود: ترى جت ليندا الي تعمل الميك آب ...تعالي معاي خليها تحط لك..

صعــدوا ريآنه والعنــود ...

ريآنه:هاي ليندا كيفك؟

ليندا: هايات ست ريانه انا منيحه ..شو لون فسطانك؟

ريآنه: هلالي

العنود:ههههههههه

ليندا:ههههه شو يعني ازرق؟

ريآنه: اوخص طلعتي خطيرة تعرفين الهلآل..؟

ليندا:كيف مابعرفوا انا عايشة في الرياض شي حوالي 10 سنين وكتير بنات بدون اعملون ميك اب ازرق او ابيض منشان الهلال

ريآنه: يالله ياقلبي ياليندا ابغى تسوين لي ميك آب هلالي..بس اسمعي ابغى ميك آب حلو يعني كآني ابغى اروح للملعب..

العنود:خييير؟ ترى الليله الحفله كبيرة وكل الناس راح يحضرون صاحيه انتي؟

ليندا: شو عم بتحكي بدي ارسم لك وشك رسمه كتير رايقه ..ولونها ازرق..حبابه انتي الدور عليكي تئبرني متل الفله والناس بدون يطالعوا اخت العروس...

ريآنه ولأول مرة تستحي من ذا الكلآم ..

ريآنه: اوكي سوي الي يريحك..بس ترى فستاني لونه ابيض ..

ليندا: ياي كتير مناسب لك اللون ..ولايهمك بدي خليكي متل القمر وانتي ماشاء الله بدون ميك آب بتاخدي العقل

ريآنه: شكراً..من ذوقك

: : :

رندا بالصالة جالسة ومعصبه ...

فيصل دخل عليها..وشافها معصبه ..!!

فيصل: السلام عليكم

رندا: وعليكم السلام

فيصل: وش فيها الامورة زعلانه؟

[ فيصل يحب رندا بشكل جنوني هو وتركي..لانها اختهم الوحيده ومالهم غنى عنها ]

رندا: لسى السواق ماجاء وانا تأخرت على موعدي مع الكوفيرا..

فيصل:اساسا ابوي ارسل السواق للإستراحه حقته وراح يتأخر..تبين اوصلك ترى فاضي..

رندا: ياحياتي يافيصل بس توك جاي من الشغل وراح اتعبك..

فيصل: ولو ماعندي انا دلع تبين تعالي اركبي ماتبين بكيفك..

رندا: لا لا لا اكيد ابي ..وفيه طلب ثاني

فيصل: افاااا شي ثاني

رندا: ههههه لا تخاف ..بس ابي امر على ديم

فيصل ابتسم ابتسامة من قلبه.. خلت رندا تفتح فمها ...

...... رندا .....

مافيه شي يخلي فيصل يبتسم كل ذي الابتسامه..وبعدين ليش مارفضامر ديم.. المشوار بعيد بين بيتنا وبيت عمي...والله لو هو تركي الا يحلف مانروح لهم ..وهـ ياحبي لك يافيصل ليت مثلك ملآيين ..

: : :

نجلاء: لا يمه عبد العزيز راح يوصل ان شاء الله بعد شوي..

ام عادل: وين رحلته قلتي لي ؟

نجلاء : لليونان ..بس ان شاء الله راح يوصل بدري ويحضر الحفله

ام عادل: وينه وين الحفله والله يتعب كذا

نجلاء: اساساً ماكان يبغى يروح...يقول مكلت اخوي ولازم احضرها..

ام عادل : والله صادق يابعد قلبي ياولد اخوي يتعب تعب بذي السفرات..

نجلاء: وش نسوي ..خلاص تعودنا ..وانا ماحب اضغط عليه تأقلمت على الوضع وعلى ظروف شغله ..

ام عادل: ايه يايمه خليكي كذا ترى مهما كان شغله ومهما صرتي ماتشوفينه لازم تريحينه وماتحسسينه انك متضايقه او متكدر خاطرك..لانه هو كذا يتضايق لما يشوفك زعلانه وبعد مافي يديه حل هذا شغله ومجبور فيه.

نجلاء: اكيد يمه.. والله اني اسوي كذا..وبالعكس احاول اشجعه واقوله انه احنا نفتخر فيه والله

ام عادل: ايه يابنيتي هذا الي انا ابيه منك ..الله يوفقك ويرضى عليك

: : :

{ يازين جوي يوم "اطالعك" بسكات
ودي بطول العمر .. ساكت .. "وأطالعك "
تقطع عيوني .. من "عيونك" مسافات ..
والمس عيوني في يدينك "وأضيعك"
مرات تبعدني "وأقربك" مرات
ومرات "أحس" بلذتك .. واتجرعك
"لو أحكي" بحبك دخلت بمتاهات ..
والحب نفسه .." لو عرف" يحكي أقنعك
من كبر هيبة "حبك" ورب الآيات
حتى لو أنك "تحكي" بصمتك اسمعك ...!!

ديـــم فتحت الباب وسلمت وكانت فرحآنه انها رآح تركب مع فيصل ....ماكانت مصدومه كعادتها اذا جت تركب معاه,,لآن قلبها كان يقولها انه فيصل الي راح يوديهم..

ديم:مساء الخير

فيصل +رندا:مساء النور

رندا: ديم مارجعت جود والبنات ههههههههههههه

ديم بصوت واطئ: لا لسى ..

فيصل: ضحكينا معآك رندا

رندا: لا بس جود سحبت على ديم ذيك السحبه الئليمة وراحت مع بنات خالي عبدالرحمن

ديم ضربت رندا

رندا :آآآآي ههههههه ماقلت شي غلط ديموه,,مو سحبوا عليك؟هههههه

فيصل : من سعد حظنا الي جآت معانا ديم..

ديم بصوت متقطع : تـ ...ــسلـ ...ــم

رندا تحسب فيصل يجامل كعادته..بلآها ماتدري عن الي بقلبه وبقلب ديم

رندا : بس فيصل اللحين تسيـح (تموع ) علينا ديم

ديم تضرب رندا..

رندا:آآآي يدي تعورني ..خلآص ماراح اتكلم

فيصل:ههههههههه

ديم كل شوي تسرح بعيون فيصل ..الي يراقبها بكل وقت بدون ماتلآحظ ..من عند المرآيه حقت السيارة

ولما تطيح عينها بعينه ينصبغ وجهها احمر ..ورندا ماسكه الآيبود تسمع ودآخله جوهآ لانها تعرف طبيعه ديم ماتحب تتكلم لما تكون رآكبه مع واحد من عيال عمامها..

: : :

شوق: امل خليها تسوي لك رسمة العين من جوى

جود : وخلي الشدو يكون دخاني يكون لآيق على عيونك

امل: اقول انتي وياها هي تسوي لي الي تبي..مو تتحكمون...

شوق: كيفك ..ههههههه اتخيل ديم لو هي معانا كان تجلس ساعه..هذا حلو..شكلي حلو ..وش رآيكم اسوي كذا.اعمل كذا..ههههه

جود:ههههه

امل: كان ماسوينا شي كل شوي ناشبة بحلوقنا هههههههههه

جود : هههههههه الحين تلاقونها زعلانه علينا

شوق: غلطتك انا قلت لك امس لازم تروحون معانا انت وياها .. كنا نبي نتجمع هنا بس رندا تبي تروح للمشغل الي دايما تسوي عندهم شعرها .. وريآنه بستوي لها الكوفيرا الي تسوي للعنود..

امل: انا مالي دخل ترى لو تزعل ديم ياويلكم..

جود: امس يوم كلمتيني على الماسن كانت الساعه 4 الفجر وهي نايمة ويوم صحت من النوم انا نمت يعني ماشفتها ..بس قلت لامي تعطيها خبر ويجيبها السوآق هنا..

شوق: طيب ليش تأخرت؟

جود: مدري بتصل عليها..

شوق: قولي لها مافيه وقت خليها تستعجل..

امل: بناات لاتتعبون انفسكم.. ارسلت لي مسج تقول انه راحت مع رندا من غير منتكم ..

جود: هههههه صدق احسن تفكنا منها

شوق: هههههههههههه

امل: طيب البنات راح يجون اليوم ؟

شوق: من هم البنات؟

امل: صديقاتنا غاده وهيفاء والبندري

جود : افا عليك ..البندري تقول اول من يحضر هي

امل: ان شاء الله ههههههههه

: : :

عبير: ريانه مالبستي؟

ريانه: لا ..عبير وش رآيك بالميك آب ؟<<مبسوطة فيها كل شوي وآقفه عند المرآيا

عبير: ماشاء الله مررة خيال

ريانه: احم احم اساسا انا الي محليته

عبير: هههههه طيب كملي معروفك وروحي البسي ترى الضيوف على وشك الوصول ولازم نكون جآهزين..

ريآنه: عبير فستانك يخقق متى شريتيه؟

عبير: يوم تسافر مشاعل اختي للكويت وصيتها تجيب لي

ريآنه : تهبلين مرة راكز على جسمك..

عبير: اذكري ربك ترى اذا صار شي بالفستان والله لاذبحك

ريانه :هههههه ماشاء الله ماشاء الله

عبير: فكينا من السوآليف يام لسانين وروحي البسي

: : :

ديم : خلصت وش رآيك

رندا: مسكته التسريحه والمشابك مرة مناسبين لفستانك

ديم: ياقلبي انتي اللي صايرة قمر

رندا: ادري اني قمر

ديم: الشرهه موعليك علي انا الي امدحك

رندا:هههههه زعلتي ديمو؟امزززح...

ديم: لا مازعلت بس ترى من يوم احنا بالسيارة وانتي رافعه ضغطي

رندا :هههههههه اساسا انا عامله حسابي وجايبه الاي بود حقي علشان اسمعه اعرفك ماتتكلمين ولا تسولفين بالسيارة كان لسانك ماكله الفار

ديم:ههههههههه حلوة الفار

رندا: بس وعد اللحين مارح افتح فمي بكلمة

ديم: ليش فيصل الي راح يرجعنا ؟

رندا: ايه علشان امي راحت مع السواق لبيت عمي ابو مشعل

ديم: فشله رندا تعبنا فيصل اليوم..

رندا: لا تخافين هو اول مرة اشوفه مبسوط على المشاوير ...اساسا ياقلبي عليه لو تطلبينه عيونه مايقولك لا

ديم: ماشاء الله عليه

..... ديــــــــم .....

آهـ يارندا ..كل شي فيه احبه ..اسلوبه ..طيبته..عقله..ثقله..!!


رندا: الوووو ديم وين سرحتي؟

ديم: هاه ..لا بس افكر في العنود اليوم

رندا: ماشاءا الله اكيد بتصير قمرنا ...هي من اول حلوة فما بالك بالميك آب الثقيل

ديم: صح ماقد شفته حاطه ثقيل...ياحياتي اليوم راح تجلس مع ضاري لحالها هههه

رندا: هي اذا جبنا طاريه تستحي الله يعين ضاري ههههههه

ديم: ابي احرجها عنده بس اصبري علي ان ماجننت في مرت اخوي الجديده

رندا:ههههههههه حرااااااااااام

ديم :ههههههههههه

رندا: يالله ديم هذا فيصل عند الباب ..

ديم : لا تتكلمين ترى والله اوريك شغلك

رندا: اوكي ولايهمك

فيصل كان واقف عند باب المشغل نزلوا ديم ورندا ..رندا ركبت قدام بعد ماصرت ديم عليها علشان ماتزعجها وتحرجها اذا ركبت ورى معاها..

رندا تسولف على فيصل ..وفيصل يطالع لديم الي كانت تحس بنظراته لها وكل ماطاحت عينها بعينه صدت لنافذه ..وصلوا ديم لبيتها وهي تبي تنزل طاح واحد من مشابك شعرها بسيارة فيصل من غير ماتحس فيه..فيصل حرك سيارته وراح لبيتهم ..





رندا: مافيه احد بالبيت

الخدآمه : يس بابا وماما روح ..مستر تركي روح كمان..

رندا: فيصل كلهم راحوا ..

فيصل: طيب بسرعه البسي لانه ابي اروح ترانا تأخرنا

رندا:اوكي دقايق

فيصل: هههه الله يستر من دقايقك

رندا:ههههه لا بس ابغى البس لانه كل شي سوته لي الكوفير

فيصل: اوكي

: : :

شوق وجود وديم وامل ريانه كلهم عند العنود الي صايرة قمر اليوم بالميك آب والفستان الفخم ..


في كل زآويه في البيت ورد جوري ..الطآولآت متناسقات مع الكرآسي وسلآت الشوكولاته والبيتي فور موزعه بتنظيم على الطآولات والشمعدانات والمفارش الفخمه تغطي الطآولات ..

طبيعه حفلات الملكة في العائلة تكون مــرة كبيـرة ..

: : :

فيصل: يالله انزلي وصلنا..

رندا : يالله باي..

فيصل نزل رندا عند باب الحريم وراح يوقف سيارته تذكر فيه اوراق مهمه كان حاطها في ملف

في المرتبه الي ورى فتح الباب الي ورى يبغى ياخذ الملف ويحطه قدام علشان ماينساه

بكرى ..لما رفع الملف انتبه في شي يلمع على المرتبه مسكه..كــآن مشبك ديــم ..فيصل

على طول عرف انه لديم لانه هي آخر من ركب ورى ..مسك المشبك شم ريحته وحطه في

جيبه تذكرها ابتسم ..ورآح يمشي لباب الرجآل علشان مايتأخر ..

شوق : واخيرا وصلتي ست رندا..

رندا :شفتي كيف.. ماشاء الله تبارك الله يااي العنود ..ارحمي ضاري اليوم راح يروح فيها

العنود : رندا خــلآص ترى من جد اليوم محد رحمني من التريقه

جود : انا ابي اقوله قبل يدخل يقراء على نفسه والله لما يشوفك يجيه شي

ريآنه: وجع جودوه من زين اخوك هو وخشته

ديم:هههههههههههه ماتقصد كذا فهمتيها غلط ..هي تبي تمدح العنود بس ماعرفت كيف تعبر

امل:هههههههههههههههه

جود:ههههههههههههههههه

العنود :هههههههههههههههه

ريآنه: بنات اليوم راح يجون اهل عبير

ديم : وتبي تجي مشاعل اختها ؟

شوق: اكيد ..تبي تشرف ست الحسن

رندا: الله يعين قلوبنا

جود : أي والله ..سبحان الله ماكأن عبير اختها

ريآنه:خلق وفرق..توي اسأل عبير عنها..قالت انها تبي تجي

العنود: بنات ايش رآيكم اغمق الروج

شوق: لا كذا مرة حلو

جود : قبل لاتدخلين زوديه ..

ديم: ياقلبي اليوم ضاري حالته حاله تصدقون امس الساعه 5 الفجر رحت ابغى اشرب مويا لقيته صاحي ومافيه نوم ماسك اللاب توب ويطقطق فيه..

العنود وجهها صاير احمر

امل: ههههههههه استحت استحت

جود: وين مشبكك ديم الي بشعرك؟

ديم: هذا هو

شوق: مافيه شي

ديم: لا لا تقولونها ....ياربي اكيد طاح مني وين ابغى احصله

رندا: يؤ كـآن مرة جنان

ديم:ياربي

العنود: ياديم وربي بمشبك وبدونه طالعه روعه

ديم: والله انتي الي روعه ومن قده اخوي الي انتي من نصيبه

ريآنه : اقول انتي وياها ترى هيفاء وغاده جوا

العنود:خليهم يجون هنا

ريآنه : اوكي انا قلت لسوما الخدآمه تصعدهم فوق

شوق: والبندري؟

ريآنه: لا ماجات

جود: غريبه تقول اول من يبي يجي هي...!!

امل: الغايب حجته معاه..

رندا : العنـود تصدقين فستانك احلى بكثير عليك..لما شفت الموديل غير ماكان كذا


ديم: أيه من جد مرررة ذوق

جود:كــآن الله بعونك ياخي

شوق:ههههههههه

هيفاء وغاده : السلام

البنات:وعليكم السلام..ياهلا وغلا

غاده : ايش هالجمآل يالدبا العنود مرررة خيـآل طالعه تبارك الله..مبروك

هيفاء: قمر وربي قمر ياقلبي الف مبروك

ريآنه : هيفاء تصدقين اول ماشفتك قلت هذي جايه من بوليوود

امل: ايه صادقه بالساري الهندي ..صآيرة كنك هنديه من هالممثلات الي ياخذون العقل

هيفاء : لا يكبر رآسي عليكم هههههههههه

غاده : جود الله يعينكم الليله على اخوك يبي يستعجل بالزوآج هههههههه

جود: ياخوفي يتهور ويقول بكرى العرس

العنود : بناااات وربي اذا ماسكتتم لاوريكم شغلكم..ترى حدي مرتبكة

نجلاء وعبير : السلام عليكم

البنات :وعليكم السلام

نجلاء : يابختك ياضاري هالقمر من نصيبك

العنود: تسلمين

نجلاء: ياعيني بتصيرين حمآتي عنوده

العنود :ههههههه

عبير: بنات ترى كل المعازيم وصلوا انزلوا لانه بعد شوي راح يجي ضاري

العنود وقفت: يمه بيدخل

البنات:هههههههههههههههه

ديم: ابغى اجلس معاك

ريانه: وانا بعد

نجلاء: عز الله خذا راحته الولد

عبير: يالله اقولكم انزلوا ياحلوات

ريآنه : تعالوا بنات نجلس تحت لانه بنشغل الدي جي وبنرقص

رندا: يالله ننزل

هيفاء : ياقلبي انتي عنودتي لا ترتبكين

غاده : ندعي لك

العنود ..اطراف يدها صارت مثل الثلج ..قلبها يدق بقوة ..

جود :انا بجلس مع العنود

شوق: وانا برضو

عبير: مو صاحيين الولد يبغى يدخل

العنود:عبير لا تخوفيني تكفين

عبير:ياحياتي ياالعنود ماله داعي الخوف...كلنا مرينا بموقفكم توترنا بس والله ولااحلاها من لحظات راح تتذكرينها وتضحكين على نفسك


نجلاء: يابنت الحلآل خليهم يجلسون عندها..

عبير: يالله احنا خلينا ننزل عند الضيوف..







  رد مع اقتباس
قديم منذ /23 - 8 - 2009, 2:29 AM   #11

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

][ في قســـم الرجــآل ][

ابو مشعل: الف مبروك ياولدي ياضاري

ابو عبدالعزيز: مبروك ياضاري

ضاري: الله يبارك فيكم

ابو عادل: منك المال ومنها العيال..!!

ابو فيصل: الف مبروك يايبه

ضاري: الله يبارك فيكم ..ويخليكم

مشعل : الف مبروك ..منك المال ومنها العيال

ضاري: يبارك بعمرك يابو محمد

عبدالعزيز: الف مبروك يابو فهد

ضاري ضم عبد العزيز: الله يبارك فيك ياخوي..والله خفت انك ماتحضر

عبدالعزيز: كم ضاري عندي..معقولة ملكة الشيخ ضاري ولا احضر



ضاري: يطولي بعمرك يابو خالد

مشعل: الف مبروك يالنسيب

ضاري: الله يبارك فيك..عقبال عيالك

ماجد: مبرروك ضروي

ضاري: هلا بالشيخ ماجد الله يبارك فيك

فيصل وفارس ومشاري وتركي وسعود عادل ..وقفوا مع ضاري ويعلقون عليه ..علشان بيدخل للعنود..وضاري ماكان معاهم ..كان تفكيرة وقلبه مع العنود ..

ابو مشعل : مشاري دخل ولد عمك على عروسته

مشاري: يالله يالنسيب حياّك

: : :

شوق : يالله بعدل لك الروج..

جود : وين العطر اعطيني اياه شوق خليني ارش على العنود

العنود: الله لايخليني منكم ..عقبالكم

جود +شوق: آميـــــــــــــــــــــــن

العنود: ههههههههههههه

شوق: يالله يقولون بيدخل

العنود مسكت يد شوق:خايفه

جود:ترى ضاري مايعض

العنود ضحكت وهي بقمة خوفها

شوق: ياقلبي اتكلي على الله ..ولا تخافين ترى ماتكرر الملكه كل يوم..

جود: كان ودي اجلس بس اخاف ضاري يذبحني هههههههه

شوق:هههههههههههه

العنود: ادعولي تكفون

جود: اقول يالله ماعندنا دلع بنات اجلسي بس

طلعوا شوق وجود ..

شوق: جود انا بروح للحمام (انتوا بكرآمه) ابغى اضبط الميك آب

جود:اوكي انا بروح للبنات

: : :

{ هذي انتي ... ماتغيرتي كثير
الملامح .. والبراءة نفسها
ماكبرتي .. الزمان صار للكبير
والحلاوة فيك ... تشرق شمسها...!!




مشاري: تفضل ..حيآك

العنود كانت جالسه ولما شافت ضاري ومشاري وقفت من الخوف ..

مشاري: الف مبروك ياوخيتي ..الله يوفقك..ضاري الله الله بالغالية حطها بعيونك

ضاري: لاتوصي حريص..

مشاري :عن اذنكم ..

العنود سحبت يده

ضاري ضحك حس بارتباكها..


مشاري يبغى يخفف توترها: ضاري لا تاكل عنودتنا..

ضاري: هههههه

مشآري: ترى كلها خمس دقايق وانا رآجع ..ياويلك تسوي فيهاشي

ضاري غمز لمشاري يعني عن قولة(لآيكثر واطلع برى)..مشاري ضحك

طلع مشـآري وسكر الباب..

العنود خلاص وجهها تلون..يديها ترتجف..دقات قلبها تتزآيد ..انآملها باردهـ ..

ضاري قرب من عندها وباس رآسها ..

ضاري: الف مبروك يابنت عمي

العنود بصوت متقطع ومتلعثم: الله يبـ ..ــ..ـآرك فـ...ـ..ـيك

ضاري:العنــود ..ياما كنت اتمنى هاللحظات انك تكون قدآمي ..تكون لي لضاري ..امس ماغفت


عيني كل لحظة تزوريني فيها..ضحكاتك همساتك..من يوم كنا صغار منى عيني تكوني لي

من نصيبي وربي حقق لي آمالي..عساني اقدر اسعدك

ضاري مسك يد العنود..العنود مارفعت عينها بعينه ..ولما لمس يديها كل جسمها ارتعش من الخوف..جت بتسحب يدها بس ضاري مسكها بقوة

رفع وجهها بيده..العنود خلاص راحت فيهـآ تمنت أي واحد يدخل ينقذها من هالموقف

ضآري: العنود تكفين ارفعي رآسك ..خليني املئ عيوني من شوفتك ..كنت احلم بهاليوم من زمآن ...لآتحرميني من شوفة احلى عيون..

: : :

مشـآري طلع من الغرفه ..قابل شوق الي كانت واقفه عند المرآيا تتضبط

مشاري شافها وقف ...شوق شافته من المرآيه لفت وحطت عينها بعينه..ارتبكت مامعاها

شي تتغطى عنه ..شوق تركت شنطتها وجوالها على المرايا وكان الممر ضيق اضطرت تمر

من جنبه..وراحت تركض لعند البنآت..ورسحة عطرها الهدائ لصقت بشماغه..

.....ضــآري.....

هذي الي شفتها شوق.. سبحان من صورها ..معقولة بنت بهالجمال والاخلاق والادب
مين كان يصدق اني اشوفها اليوم..يالله شوق تغيرتي كثير ..لهدرجه انا غبي تارك فكرة الزوآج...بس والله ماخليك يابنت عمتي بعد اليوم...

: : :

البنــآت كانوا جالسين في طآولة كبيرة مخصصه لصديقات العنود وجنب السماعات..

شغلوا البنات الDJ ولاغاني وقاموا يرقصون..

ام عبير: ماشاء الله على هالبنات كل واحد احلى من الثانية

مشاعل: وع يمه ماعندك ذوق من زينهم ..نافخات انفسهم وشايفات حالهم مدري على ايش؟

ام عبير: يحق لهم هالزين وهالاشكال وهالكشخه

مشاعل: وع ملآبسهم مو حلوة ومكياجهم يفشل..

في طاولات البنات

ديم بصوت مو مسموع لان صوت الطقطقه كان عالي ومع التصفيق للبنات يضيع الصوت

ديم: بنات ليش مشاعل كذا شكلها

رندا: مسويه نفسها ستايل

امل: سبحان الله احس انها حاقده علينا

ديم:طنشوها ولا تعطونها اكبر من حجمها

ريآنه: بنات يلله قوموا ارقصوا وش هالدلع

امل: طيب طيب ست ريانه

رندا:ههههههههههههههههه


خلودي الصغنون:عمتو ديم عمتو ديم

ديم: هلا قلبو

خلودي: تعالي برى

ديم: لا ياماما انا بجلس هنا مو وقت اللعب

خلود:بث مابغى العب تعالي..( صار يسحب فستان ديم)

ديم:ضروري؟

خلودي:ايه

مسكت ديم يد خلودي ولد اخوها وهو يسحبها لبرى البيت ...

ديم: وين تبي توديني؟

خلودي:برى

ديم: هذا انا برى

خلودي سحب يدها :وقفي هنا بث ثوي ابغى اعطيك حقك

ديم: والله مدري وش تقول؟

فيصل كان واقف برى عند باب الحريم ومعاه مشبك ديم يبغى يعطي خالد علشان يوصله لديم..

ديم: خالد وقف وين بتطلع لا تروح للشارع وقف..

خالد مشى وطلع للباب الشارع..ديم راحت وراه تبغى تسحبه علشان مايطلع بس سمعت صوت فيصل رجعت لورى ...


فيصل: يالله ياخالد ارجع للبيت

خالد:انت تبي عمتو ديم؟

فيصل: ايه وينها؟

خالد: بلى ( برى)

فيصل: عطها هذي ..مشبكها وردهـ جورية لونها احمــر لآنه شاف المشبك فيه كرستآلات لونها احمر..توقع فستانها راح يكون لونه احمر..

خالد راح يركض:عمتو عمتو خوذي هذا من فيثل..بلوح العب مع بدل ومحمد (عمتو خوذي هذا من فيصل بروح العب مع بدر ومحمد)

ديم مسكت المشبك كانت ريحة المشبك عطر فيصل القوي حطت المشبك بشعرها..ومسكت الوردة رفعتها وحطتها بالمشبك ورى اذتها كآن شكلها خطــير..رآحت للبنات وهي مبسوطة علشان الوردة من فيصل ودها تحكي لهم تقولهم كيف هي فرحآنه ومبسوطة ..بس مقدرت كتمت فرحتها ..بس وجهها كان باين عليها انها مبسوطة حدها..الكل يحسبها علشان ضاري وهي مبسوطة علشان صاري وبنفس الوقت ان فيصل قدم لها وردهـ ..كانت بنظرها احلى واجمل ورده شافتها ..

: : :


عند البنات شوق كانت ساكته مو على عادتها ..علشانها شافت مشاري وهي مو متغطيه عنها وفي كامل زينتها..لحد اللحين مرتبكة وهي بوسط البنات..

شوق(ياربي الحين ايش راح يقول عني..اكيد راح اطيح من عينه..جوالي وشنطتي نسيتهم هناك..مالي الا ارسل الخدامات يجيبون لي ايهم اخاف اشوفه مرة ثانية ويصير لي موقف ثاني وقتها بتمنى الارض تنشق وتبلعني)

غاده:ديم وين رحتي؟

ديم: رحت مع خالد برى

جود: والله انك تعطينه وجه

امل: فاتك رقص ريانه مع مشاعل انواع الاستهبال

ديم:لا من جد قهر

ريآنه:خليتها تحرم ترقص بعد الليله

هيفاء: ماقصرت بنت عمكم بردت كبودنا منها بالجامعه لاحقتنا هي وخشتها

رندا: بنات اشم ريحه عطر فيصل اخوي

ديم ارتبكت ..لآيكون شمته فيني..

امل: اقول طيري بس..

جود:حشى خشمك ولا خشم قطوة

شوق:ههههههههههه

غادة:بنات البندري ليش ماجات؟

رندا:بروح اتصل عليها

ريانه: يالله ديم اللحين دورك انتي وهيفاء قوموا ارقصوا

ديم:نبي اغنية سنعه مو اغانيك المهويه

هيفاء:ههههههههه صادقه مابي اتفشل عند الحريم

رندا: اوكي انا بطلع

ريانه:روحي للحديقة الي عند الملحق ترى فاضي وهدوء احسن لك

رندا : اوكي

: : :

مشــآري يطق الباب

ضاري كان ماسك يد العنود ويبوسها..دخل عليهم ضاري

مشاري: احم احم

ضاري: هذا وقتك ياشيخ

العنود مارفعت راسها من الارض تفشلت قدام اخوها..خدودها كانوا حمررر وباين عليها الارتباك

مشاري:هههههه ياخي ايش خليت ليوم العرس عيب ياولد

ضاري: انت وش دخلك..خلاص اللحين مالحد على منه زوجتي حلآلي

العنود خلآص راحت فيها البنيه

مشاري: ههههه شوف حال البنيه ارحمها وجهه احمر

ضاري: مشاري ممكن 10 دقايق تعطيني

مشاري: لا يالغالي خلاص المده خلصت

ضاري: حشى حاسبه لي بالمده..تكفى بس ابي اقول للعنود كلمتين

مشاري: قولهاوانا فيه

العنود ماسكه ضحكتها عليهم ..اشكالهم تحفه وهم يتهاوشون

ضاري مسك مشاري وسكر الباب

العنود بلعت ريقها من الخوف..كان ودها تصرخ تنادي مشاري ..

ضاري: حبيبتي العنود ..ابغى رقمك

العنود رفهت راسها

ضاري: عادي انتي زوجتي ومو عيب ولا حرام

العنود: طيب

ضاري: واخيرا سمعت صوتك..يالبيــه بس

العنود اعطت ضاري رقمها بسرعه ..تبي تطلع لانها كانت متوترة حدهــا ..

مشاري دخل عليهم : انتهى الوقت

ضاري: قسم بالله كنك عداج بلاي ستيشن

العنود غضب عليها ضحك..

ضاري: ياليتك يامشاري معاي من زمان ..واخيراً شفت ضحكتها...

العنود طلعت من الغرفه وهي تركض للبنات وجهها اشارة مرور

: : :

{فيني عـزه أحرقت جمر الأشواق..

وفيني هيبـه بعثرت عـزة إنسان....!!!



رندا راحــت للحديقة الي عند الملحق علشان تتصل على البندري صديقتها..

سعود يمشي من نفس الممر وكان معاهـ صينيه فيها الفناجيل..طبعاً هو ماشاف رندا

رندا (ياربي وينها فيه هذي ماترد ..خوفتني عليها ...الله يستر لايكون صار فيها شي..لانها طول امس وهي متحمسه للملكه ..)

سعود يمشي وماسك الصينيه وكانت ثقيله كلها فناجيل قهوة..يبغى يوديها للرجال ..رندا شافت سعود ابتسمت حبت تتنقم منه ..من الموقف الي سواهـ ..هي ماخذهـ اسعتدادهــآ واخذت معاها طرحتها لاسيما ان البيت مليان رجال وخافت لاتشوف واحد من عيال عمامها

لفت طرحتهــآ ومسكت الجوآل وكأنها تكلم وراحت واعطت سعود ظهرها..طبعاً المر طويل وكانت الانوار خفيفه ومانتبه لها ..صدم يده بظهرهـ

وبما ان الصينيه كانت ثقيله طاحت بالارض وتكسرت الفناجيل كلهــآ..

سعود كان معصب حدهـ ..ومايدري مين الي واقف قدآمه..

رندا: آآآآي .....ماتشوف انت؟

سعود: رندا؟

رندا من غير نفس: ايه

سعود: ليش واقفه هنا؟

رندا: ممنوع ولا لا؟

سعود: يعني ماتشوفيني وانا شايلها ثقيله..ولا لعانه واقفه هنا

رندا: مو مسأله لعانه انت الي ماتشوف وعيونك بالارض

سعود: يابابا ..ترى مو هذي طريقة على قولتك تردين لي فيها الموقف الي صار..فكري عدل واتركي عنك حركآت الاطفال

رندا: اساسا انا واقفه اكلم هنا وانت الي تمشي بسرعه وعيونك مدري وينها فيه..بعدين كلن يرى الناس بعين طبعه مو انا الي اسوي حركات الاطفال تركتها لغيري



رندا دق جوآلهــأ الي بين يدينها ..وكانت البندري الي تتصل عليها..وكانت نغمتها مقطع من اغنية محمد عبدهـ

"" الحب كله لو جمع عشر ذرة واللي بقلبي لك ملايين ذرات...إحساسي لك كوكب تعدى المجره...في هالفضا شيد لنفسه مجرات. ""

رندا حطت لها رفض (مشغول) علشان تكمل هوشتها مع سعود ..!!

سعود: ليش مارديتي؟

رندا: بكيفي

سعود: اساسا ايش الي خلاك تطلعين برى؟ ومين تكلمين؟

رندا: طلعت ابي اكلم..ومنت ابوي علشان تسالني مين تكلمين

سعود كانت عيونه بتطلع واصله معاهـ..ومعصب وعاقد حواجبه..رندا مبسوطه حدهـآ قدرت ترد كرآمتها

البندري مرة ثانية اتصلت على رندا ..هنا سعود جن جنونه..شك فيها مهما كآن تصرفاتها تخلي اي واحد يشك فيها حتى لو كانت متربيه احسن تربيه..!!

سعود سحب الجوآل من يد رندآ وكانت رندا مسجله البندري باسم ^My HaRt^..سعود خلآص ماقدر يتمالك اعصابه رد عليها

سعود: الووو

البندري خآفت توقعت انها اتصلت على رقم ثاني ..وصوت سعود يخوف


البندري بخوف: الو؟ جوآل رندا؟

سعود ارتـآح نفسياً ..حس برآحه وكأنه شي مكبوت بصدرة ورآح..كان ودهـ يشكر البندري ودهـ يقولها انه ريحتيني ..

سعود: اتصلي بعد شوي لانها مشغولة

البندري: اوكي سلام

سعود سكر الجوآل ومدهـ لرندآ..رندا عصبت ودهـآ تذبحه ودهـآ تقتله..

رندا: وصلت فيك تشك فيني؟وبعدين باي حق تمسك جوآلي؟

سعود: بنت مثلك طالعه برى وتكلم بعيد عن الناس راح ينشك فيها

رندا: لو سمحت لا تنسى اني انا رندا الرا..... تربيه ابو فيصل ... مو انا الي ينلعب علي انا العب على الي ينوي يلعب علي..وشكك هذا خله لك ولا اقولك لاتسوي فيها انك ضابط ووتمسكني بتهمه لا غلطآن..

سعود:هههههههههههههه

رندا حمقت وضربت برجلها الارض من العصبيه: الشرهه علي انا الي واقفه معاك

سعود: استني انا اضحك على كلمه تهمه شكلك متأثرة بافلام الكرتون

رندا: افلام الكرتون تاركتها لك ولاشكالك

سعود: عن الغلط...

رندا: البادي اظلم

سعود: ولآيهمك انا صحيح غلطت عليك لآني شكيت فيك آسف

رندا: وين اصرفها فيه آسف.. ترى الوآحد لما يشك في بنت عمه كأنه يشك في وحده من خوآته والله يعينك على حآلتك شكل الشك مسيطر عليك

قطع كلآم رندا البندري الي اتصلت عليها..تبغى تعرف مين الي رد عليها..لآنه ماقد صارت لها انه واحد يرد عليها من جوآل رندا..رندا ماتحب احد يمسك اشيائها الخآصة

رندا : ابغى اكلم جوى عند البنات ناقصين احنا ناس تشك فينا ..

سعود كآن ودهـ يطلع حرته فيها..ودهـ يكسر خشمها الي رافعته فوق

رندا دخلت داخل البيت وتركت ورآها سعود الي وآقف وهو مصدوم .....!!

..... سعود .....


كيف اعتذرت لها..اخواني وهم اخواني ماعتذرت لهم ..تجي بنت تافهه اعتذر لها..بس والله يارندا مادام راسي يشم الهواء راح اخليك تندمين على هالاعتذار..والايام جايه ان شاء الله..


: : :

فآرس جالس جنب تركي بالمجلس ..ومع سواليف الرجآل والصوت العالي..

فارس: تركي ماشفتها ..!!

تركي:من هي؟

فارس: امل..

تركي: رح ادخل من هذا الباب وتلاقيها جالسه بالصاله مع البنات

فارس: احلف..اقول تلاييط بس..اللحين جاي افضفض لك وانت تتريق علي يادب

تركي: طيب انا ايش اسوي ..وبعدين قصّر صوتك اخوها جنبك

فارس: من هو لايكون عدول الدب

تركي: ايه ..بس والله لو يسمع اسمها الا يفضحك بك

فارس: هههههههههههههههه..

[ دق جوآل عادل وكأنت امل ..طبعاً فارس مايدري انها امل..شوفوا الصدفه العجيبه]

عادل : طيب خلآص ابي ارسلهم لك وقفي عند الباب..

تركي ضرب كتف فارس بكل قوة..علشان ينتبه لعادل


تركي: مين يكلمك عدول؟

عادل: امل تبي السي ديات الي بالسيارة..غثتني كل شوي تتصل

ماجد:اسحب عليها

فارس: وجع عيب ايش يسحب عليها..هذي اخته

تركي:ههههههههه

فارس: شوف عدول تعال معاي السيارة

ماجد: ليش؟

تركي: يالقفك يادب هو يكلم عادل

ماجد:انا وعادل واحد

فارس:المهم بعطيك سي دي مسويه لآمل..اقصد مسوية للرزفه والوناسه سي دي يصلح حق الحفلات اعطه امل وقلها تشغله للبنات

عادل:طيب يالله تراهـم ازعجوني يبونهم

فارس راح فتح سيارته ..كان مسوي اغاني محملها من النت يتذكر فيها امل..وكان ودهـ امل تسمعها...

....... فـــآرس .......

واخيراً جت الفرصه الي اعطيك فيه السي دي ..ياما كنت اتمنى تسمعينه ياموله..يارب تحس فيني يآآآآآآآآآآآآرب..!!

عادل اخذ السي دي من فارس وكان مكتوب عليه اسمه (Fars)

عادل(هههه كاشخ في اسمه فارس )

امل فتحت الباب: واخيرا مابغيت تجيبهم لي

عادل: وش اسوي توي افضي

امل: ايش هذا السي دي مو حقنا؟

عادل: ايه من فارس

امل : من فاااااااااارس؟

عادل: ايه..يالله انا بروح تراك اشغلتيني ولاعاد تتصلين تراني عند الرجال

امل:ههههه ابشر ياشيخ الرجال

امل مسكت السي دي وشافت خط فـآرس ضمت السي دي..اعطت البنات السي ديات ..

ودخلت السي دي حق فارس بالبيت تبغى تسمعه لحآلها..ماتبغى احد يشاركها فيه..


......... آمــــــــــل .......

متى ارجع للبيت واسمع السي دي..فآرس ياليت تحس بالي انا احسه .. يارب مايخيب ظني وتكون تحبني مثل مانا احبكـ....!!







  رد مع اقتباس
قديم منذ /24 - 8 - 2009, 9:31 PM   #12

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

بسم الله الرحمن الرحيم

: : :

{ هذاك المـآر قدامي وله نظرات قتاله وله
سكسوكه بااقصى الوجه مرتسمه
احب امه واحب عمه واحب جده وخ ـآله
آحب جده واجب هزلـه اذوب وحالتي حاله ..!!



امل فــتحت بآب غرفتها ورمت نفسها على السرير تذكرت ال CD راحت بحماس فتحت شنطتها ..سحبته ودخلته

جلست على الكنبه تسمع للآغاني والقصايد الي حآطها فآرس ..

كل اغنية احلى من الثآنية ..كآنوا مرة ذوق..

وكلها تتكلم عن الحب ..


.... آمل ....


وآخيراً تأكدت انك تحبني يافآرس...آهـ من قلبي الي يحبك .. مجبورة انا فيك يآفآرس..مثل ماقألت ديم بحآول اغيره طبايعه .. ورآكـ انا يآفآرس والزمن طويل..

: : :


بالجـــــــــآمعـــه

البندري: آهـ ياجرحي انا.. كل حكيكم عن الملكة خلاص تراكم غثيتوا قلبي

رندا: ههههه مقهورة لانها ماحضرتها

غادة : وش نسوي لك اذا ماحضرتي..

بسمه: من جد كنتي ابداع يالعنود تحفه

العنود : ياحظي كل هالمدح فيني

ديم: تستاهلين يامرت اخوي

هيفاء: بالله قولي لي ايش قال ضاري؟

امل: ايه تكفين ايش كان شعورة

بسمه: طيب طولتوا مع بعض؟

البندري: ايش تكلمتوا فيه؟

العنود تبي تغيظهم: اذا كبرتوا اقولكم

رندا: وجع عنييد قولي

هيفاء: والله لو نترآجك الجنه

ديم: ياملقوفات عيب عليكم ..وانتي يامرت اخوي اسمعي لاتقولين لهم ايش قال خيو ترى بعدين يحطون عينهم عليه ويخطفونه منك

العنود شهقت: تتوقعين كذا؟

ديم بنذآله: ايييييه

غاده: يقول المثل خاويني واخاويك واخذ زوجك واخليك

امل: من زينكم انتي وياها بكرى نتزوج ونعرف

هيفاء: من بؤك لآبواب السماء يارب

رندا: مشفوحآت هههههههه

العنود: يمه قلبي..اجل خلآص انسوا ضاري ولا اقولكم انسوا اسمه حتى قولوا ولد عمك

ديم:هههههههه ولا اخو ديم

البنات يضحكون

البندري: والله ان الدبا لها فقده

رندا: أي الدببه؟

امل: ايش هالالفاظ انتي وياها

العنود: ياحركتاات يامل عقليهم

البندري: جود

ديم: ياقلبي هي تعبآنه حرارتها واصله 39

بسمه: ياحبي لها والله احنا بدونها ولاشي

البندري رمت علبه مويا وضربتها

بسمه:آآآآآآآآآآآآآي

البندري: وجع آي

رندا: ههههههههه تستاهلين

امل: اللحين احنا كلنا مانسوى شي؟

العنود: وهي صادقه جودتي لها فقده

ديم: احم احم ترى كلنا نغار

بسمه: هههههههه كلكم فيكم الخير والبركه

رندا: شوفوا مين جاء

امل: ياصبر الارض

العنود: اسكتوا شكلها جاية عندنا

بسمه: اكيد تبي تحاكيك

ديم: انا بقوم مابي اشوفها

البندري :خذني معاك

مشاعل: هــآي

هيفاء: وعليكم السلام

مشاعل: سوري..كيفك العنود

[ مشآعل اخت عبير زوجة مشعل ..والكل يكرهها لانه مغرورة وغيورة بنفس الوقت...وهي حاقده على بنات الرا..... ,, لآنهم احلى منها واحسن منها ]

العنود: تمام ..انتي كيفك؟

مشاعل : بخير..

ديم: عن اذنكم

مشاعل: ايه صح ديم ايش فيك صايرة متينه؟

رندا: ديم متينه ..اكيد عيونك فيها شي

ديم : تدرين اني نازله 4 كيلو بس هالاسبوع

مشاعل كانت مقهورة من جسم ديم لانه مرة حلو والكل يمدح فيه..

مشاعل بقهر :هههههههه اكيد بلوزتك هذي متنتك

امل: ههههههه الجسم الحلو كل شي يصير لآيق عليه

العنود تبي تهدي الوضع لان الجو صاير مشحون ..

العنود: فستانك مرة حلو بالحفله

هيفاء تهمس باذن غاده: العنود ماتعرف تمزح فستانها حلو؟ ..

مشاعل بغرور: ههههه هذا ياقلبي انتي صممته والله ماكذب عليك كلفني بحدود الـ 8الآف ريال

رندا:مايستاهل

ديم : هههههههههههههههههههههههههههه

مشاعل انقهرت: يالله منال [ منال صديقة مشاعل ] احنا نستأذن فمان الله يالعنود

بسمه: بس العنود

مشاعل واصله معاها: اقصد كلكم

هيفاء: ههههههههههه بنات والله انكم كتمتوها

العنود: بس مسيكينه تنرحم

امل: والله انك تعطينها وجه

البندري: بزياااااده هالاشكال هذي ماينفع معاها..

ديم: قالت فستاني بـ 8 الآٌف ..

رندا: هذا النقص بعينه وعلمه

غاده: ياهي مقهورة وماتدري ايش تسوي

العنود:سبحان الي خلق وفرق بينها وبين عبير

امل: أي والله

هيفاء: عبير تجنن ماشاء الله حبوبه وقلبها ابيض

البندري:اللحين تآخذ حساناتكم..اسكتوا بس

بسمه: فكونا منها تكفون..

امل: يالله بنات خلص البريك عندي محآظرة

رندا: انا ماعندي شي الدكتورة اعتذرت

ديم: مثلي انا الدكتور مو متوآجد اليوم ..بتصل على اهلي يرسلون السوآق

رندا: انا تركي يبي يمرني ..

البنات رآحوا مابقى غير ديم ورندا...

رندآ: وش صار عليك؟

ديم: اللحين يجي السوآق

رندآ:انا فيصل الي رآح يجبني ..

ديم: ومتى يرجع سوآقكم؟

رندا: نهاية الاسبوع هذا

ديم: شكلكم كرفتوا فيصل

رندا: صادقه ..تركي اخونا في الله ماخذ البيت فندق يجي ينام يتغداء يلبس يطلع بس

ديم:ههههههههه عندنا وعندكم خير الحاله وحده

رندا: ابي البس عبايتي لانه فيصل مايحب الانتظار

ديم: وانا السوآق قريب من الجامعه يعني اطلع برى استناه..

: : :

وقفوا البنات برى وهم يسولفون ومندمجين مع السوآليف ..

اتصلت ام عبدالعزيز على ديم..

ديم:هلا يمه...لا عاد لاتقولين ..طيب انا ايش اسوي اللحين...اوكي راح استناهـ....لآ انا برى ...اوكي ..مع السلامه

رندا: خير؟

ديم: السوآق بنشرت سيارته : (

رندا: اوكي تعالي معانا

ديم : لا تقول امي انه ضاري راح يمرني

رندا: بس ضاري بعيد وهذا فيصل جاء

ديم من شافت سيارة فيصل ارتبكت: لا لا مانيب رآيحه

رندا: الحمد لله والشكر ليش مب رآيحه؟ حرام عليك تتعبين ضاري

ديم: لا عادي..وبعدين فيصل كل يوم اركب معه طفشته

رندا: وش هالحكي ترى فيصل ينبسط والله

ديم: لآفشله بيقول عني هذي بلشة

رندا : مو فيصل الي يقول هالكلام

ديم: عآرفه والله انه مايقصر..بس انا مالي وجه اركب معاه ..متفشله حدي

رندا بعصبيه: اقولك اركبي

ديم: شوفي فيصل شكله عصب لانك طولتي عليه روحي ..

رندا: طيب يالدب انا اروايك الشغل..

رآحت رندا لفيصل وقالت له السآلفه/

فيصل: على مزآجهآ..قولي لها تجي

رندا :ماتبي..

فيصل: اتصلي عليها وحطي سبيكر

رندا : الوو هلا ديمو

ديم: هلا..ليش مامشيتوا؟

رندا: اسمعي فيصل يبي يكلمك

ديم: لا رندا مستحيه...[ قطع كلآمهآ صوت فيصل]

فيصل: هلآ ديم..كيفك؟

ديم بثقه : بخير

فيصل: انا استناك يالله تعالي

ديم: بس..........................

فيصل: من غير بس يالله انا وآقف لك باي...

نزل فيصل من السياراة وكان واقف قدآمها..خآف ديم تكسر كلمته وماتجي..كآن يرآقبها من بعيد طلعت جوآلها وكانت بتكلم


فيصل(لآيكون تتصل على رندآ... لآ ماتوقع ديم من النوع العنيد والقاسي )

ديم سكرت جوآلها ودخلته شنطتها ومشت لعند سيارة فيصل..

فيصل بفضول: مين تكلمين؟

ديم مو متوقته يسألها هالسؤال..لحظة صمت بينهم كل وآحد يطالع الثاني

ديم كانت متفاجأة: ضاري

فيصل فهمها: اوكي حيآكـ معنا

ركبت ديم وركب فيصل..

رندآ:ياسلام عليك يافيصل والله انك قوي جبتها وانا لي ساعه اترجاها


فيصل: انا فيصل مانيب أي وآحد


رندا:كفو يالذيب على قولة ريانه


ديم:ههههههههه


فيصل:ههههههههههه


رندا ماسكتت بالسيارة تسولف مرة مع فيصل ومرة ديم..اما فيصل وديم بينهم نظرآت متبآدله..لما تطيح عينها بعين فيصل تصد وفيصل يتنبسط عليهآآ..


: : :

يوم الخميس كآنت مبآرآة الديربي بين الهلآل والنصر ..طبعاً هذي اهم مباراة عندي الكل.. الشبآب :فيصل..ضاري..مشاري..سعود..تركي..فارس..عبدالعزيز..م شعل...كلهم في بيت ابو مشعل يتآبعون المبآرآة مع بعض علشان يكون فيه حمآس اكثر


والبنآت ديم ورندا وامل وشوق وجود كــآنوا عند العنود وريآنه ..متجمعين هنـآكـ ..

البنآت جالسين بالصآلة ..

شوق: وين ريآنه؟

جود: أي والله صادقه وينها مانزلت ؟

العنود:جالسه تستعد للمبارات

ديم:كيف تستعد؟

العنود : اللحين تنزل لكم تشوفون ايش مسويه اختنا في الله

رندا: هههه ماتترك تقليعاتهآ هالبنيه.

امل: هذي هي نزلـــت..

ريآنه كآنت لآبسه بنطلون ابيض وتيشرت الهلآل ولآبسه كآب ازرق واسوآر الهلا وجزمة لونها ابيض مع الشربآت الي لونها ازرق .. وحاطها كحل ابيض وشدو ازرق ..ومنآكير لونها ازرق..ولآبسه حلق ازرق وفيها لولو ابيض...وحاطه على رقبتها شالات الهلال ..

<<شكلها شكل وحدهـ بتروح الملعب..

جود: ههههههه الملعب هناك ياوخيتي

العنود:هههههههههههه

شوق: يمه مافيه شي بازرق بالرياض مالبستيه

ريآنه: وش رآيكم؟

امل: هههههههههه تجننين

رندا: توحفه ههههه

ديم: هههههههههههه ياحبي لي كاشخه بتنورة بيضاء وتيشرت ازرق على بالي هلاليه صميم ..طلعتي مب هينه

ريآنه: انا ريآنه مو حي الله..

جود: العنود ترى بعض الناس عندكم يتابعون المباراة

العنود على نياتها:مييين ؟

شوق: هههه ياعيني على البرائه

رندا: من جدك عنييد؟

العنود: ضآري؟

ديم: اكيد

العنود بصوت وآطي: يالبـيـه

امل : والله الحب عامل عمايله يالدبا

العنود استحت..

ديم: ياقلبي على اخوي

رندا: سموا عليه

شوق: انا اقول البنيه وش فيها متغيره..شكل مكآلمات آخر الليل مأثره عليها

امل: ههههههههههههههههههه

ريآنه: المشكلة انها اللحين زوجته ولا كآن اقول لأمي

جود: يافــتآنه هههههههه

رندا: اصبري ريآنه ابي اكلم تركي يحب هالحركآت الي عليك بقوله

ريآنه: ماتغلى عليه حفلت الا اعطيه

رندا: هههههههه اصبري خليني اتصل

امل: ريآنه امنية عمري اشوفك تستحين

ديم: أي والله

ريآنه: لآحيـــــــاء في الدين

شوق: لا يكثر وش دخل الدين؟

العنود: خلاص قفلوا الموضوع اشوفكم تعديتوا حدودكم وصلت للدين



جود: صادقه عنيد انطموا

امل: طيب جودوه غيري انطموا لأسكــتــوا

جود: طيب اسكتوا

رندا: هلا ابو تروك

تركي: هلا

رندا: تركي تخيل ريآنه ايش مسويه؟

تركي: وش مسويه الدبه

رندا: كل شي يخص الهلال لابسته شالات اعلام وحوستها

تركي:ههههه من جدك؟

رندا: أي والله

ريآنه: اعطيني اعطيني ابي اكلمه

ديم: هالبنت الحياء في وآدي وهي وآدي

ريآنه: هلا تروووك الدب هاو ار يو؟

تركي: ههههه فاين ثانك يو..هاه وش مسويه؟

سعود: تركي مين تكلم؟

فارس: بنااات

مشاري: ابو طبيع مايجوز عن طبعه

تركي يكلم: لحظة ريآنه


تركي التفت عليهم : يادب انت وياه اكلم ريانه

مشعل: وش تبي هذي انتبه على اذنك من صراخها

فيصل: لا تخآف هو مثلها صوته يوصل بعيد

ضاري: طيب نبي نكلم اختها؟

عبد العزيز: ههههههه عطها اجازة لاتصير نشبه ضاري

ضاري: اقول تلايط انت وش عرفك بالرومنسيه مالي اسبوه ملّك عليها

فارس:هههههههه ياحبي لك ياخوي



ريانه: تريكي وجع حاكيك تسفهني؟

تركي: لا بس اسكت الي عندي

ريآنه: مسوي شخصيه عليهم هههههههه

تركي: اقول تلايطي انتي الثانيه

ريآنه: اسمع ابي ارسلك هديه

تركي: احلفي

ريآنه: انا ماكذب

تركي:كفو

ريآنه: ذيبه اعجبك

تركي: سيارة ولا ارض؟

ريآنه: تبطي بس اقول افتح باب الملحق ارسلته مع اشلغاله

تركي: طيب يالله سكري اعطيتك وجه

ريآنه: يادب من زينك تعطيني وجه ابد ياسر القحطاني ولا نواف التمياط

تركي: هذي الشغاله جت بشوف الهديه باي

ريآنه: باي



[ ريآنه جآبت شالات الهلال واعلام الهلآل اعطتهم تركي علشان يعطيها الشباب طبعاً تركي زرفهم له وسحب عليهم]

ريآنه: يالله بدت المباراة بروح آتابع

ديم: اوكي وانا معآك

رندا: انا اشجع النصر

ريآنه ترمي المخده على رآسها وديم ترمي شنطتها

رندا: يمممممه ايش هالوحوش

امل: الله يسلمك العائلة هلاليه ماعدا انتي وتستاهلين ماجآك

رندا:ههههههههه

العنود: بنات اسمعوا انا وشوق وجود بنطلع نجيب لكم عشاء واذا فاز الهلآل ارسلوا لي مسج

جود: علشان تباركين لضاري

شوق: ياهوووه ع الحركتات

العنود:اقول تلايطو لاتدخل امي وعبير واستحي زياده

ريآنه: امي وعبير رآحوا لعزيمة اهل عبير

العنود: اييه صوح نسيت

ديم: بنات لاتنسون اذا فاز الهلال نبي هديه

ريآنه: لاتوصين حريص جايه لكم العاب نارية على كيف كيفكم

رندا: ياقوووية

امل: والله انتس ذيبه

العنود: بنات ضاري والشباب يبون يسهرون عندنا الليله

جود تتريق: مبرووووك الف الف مبروك

شوق: ههههههههههه

العنود: اقول انتي ويايها ماينقال لكم شي قوموا خلونا نروح نجيب عشاء للصبايا

رندا: بنات نبي برجر كنج

ديم: يص نبي برجر كنج

جود:طرار ويتشرط


: : :

ريآنه : والله وجبتهآ ياياسر واخيرااااااا سجل

ديم: ياهووووه

البنات يطآمرون ..

رندا: برسل للعنود مسج اقولها علشان نبي نشوف وش تبي تسوي

امل: قولي لها تجيب هديه لنا بمناسبة الفوز

رندا: ههههه طيب





فآرس: ياسلام عليك يالازرق

سعود: كبير الهلال

فيصل: ويلوموني فيك يالازرق

تركي: اي والله هلالي ورافع راسي

مشاري: اقول تلايطوا بس انتم وهلالكم

مشعل: هههههه مساكين النصراوية

عبدالعزيز: مقهورين محترين

مشاري: المشكلة كلكم هلآليه ههههههه

ضاري: ماتقدر علينا

فارس: هههههه اسمع ارسلوا لي مجود و عدول..يقولون انه احنا بالملعب وتوهم قابلوا معانا التلفزيون

تركي: ههههه تلاقيهم قاطيين وجيههم عند المذيع

مشعل: اللحين كل واحد كاشخ

مشاري: على العموم مبروك فوز هلآلكم..وهذي العنود جآيبه تورته هلاليه علشانكم

ضاري قمز من مكانه: شفتوا كيف ذوق؟ والله اقولكم انا ياناس محد يآكل منها

تركي: اقول الخلا بس

فارس: جايبينها علشان نصور معاها.؟

عبدالعزيز: اقول مرت اخوي وش حليله هلاليه

مشعل: ههههه بالحيل هلاليه الكورة يمين وهي شمآل

سعود: ريآنه الي هلاليه واشد من الشباب هههههه

تركي: على طاري ريانه قولوا لها ابي اتمشى فيهم اللحين علشان الهلال فايز

فارس غمز لتركي: هههههههه تميلح عند البنات

مشعل: طالع مين يتكلم

مشاري: هههههههههههه

: : :

البنآت تعشوآ وطلعوا يلعبون بالالعاب النارية الي من ريآنه وكلها لونها ازرق وابيض

رندا: بناااااااات تركي يقول يالله نبي نتمشى علشان نشوف المسيرة الي بالشوارع

جود: يالله

البنات ماكذبوا خبر على طول لبسوا عباياتهم وراحوا لعند الباب ينتظرون تركي..ريآنه كانت تدور عباتها الي ضايعه وكل البيت رجته علشان عبايتها الضايعه الشاغلات يركضون يدورونها

البنآت ركبوا كلهم يستنون ريآنه ..

تركي: تبون نقهر ريآنه

رندا: ايه تكفى

العنود: حرام عليكم

ديم: لا بالعكس مثل ماتسوي فينا مقالب نردهـ لها

امل: ايييه تكفى ..

تركي: طيب اصبروا وشوفوا

رندا: هذا جمس مين؟ جمس عمي عبدالعزيز

تركي: ايه سحبته من عزوز ..معليش يابنات عمي لطشنا سيارتكم

جود: ههههههه مسموحين

ريآنه جآيه مسرررعه ونقابها في جهه والطرحه مب معدلتها كآن شكلها غلط علشانها مستعجله على الروحه مع البنات وتركض ركض..فتحت باب الشارع بحماس وقربت للسيارة تركي علشان تفتح الباب وتركب ......تركي سوى الي برآسه حرك سيارته ومشى وتركها

ريآنه وقفت فاتحه فمها كآنت معصبه حدهـــــآ على حركة تركي ...

وقفت قدآم باب بيتهم كانت مقهورة ماتحركت من مكآنها ..مآرجعت للبيت ..

البنات كانوا يضحكون عليهااا لانها متحمسه ...تركي اخذ لفه حول البيت ورجع لها

شفت سيارة تركي وكانت معصبه وعيونها تطلع منها الشرار

تركي فتح النآفذه: يالله حييها اركبي

ريآنه كانت سآكته

ديم :تعالي ريونه

رندا: ههههه تعيشين وتاكلين غيرها

تركي: يالله تعآلي

ريآنه اعطتهم ظهرها وراحت لباب البيت وتضرب الجرس بعصبيه

شوق: يؤ شكلها زعلت

تركي حس بالذنب كآنت فرحانه حدهآ وخرب عليها

تركي طفى سيارته ونزل لها

تركي: يالله ريانه تعالي ترى ماراح اتمشى فيهم وانتي مو موجوده

ريآنه بصوت مليان عبره: ايش سويت لك علشان تعمل فيني كذا

تركي قلبه عورهـ من كلآمها : كنت بمزح معآك ..ماتوقعتك تزعلين

ريآنه نزلت دموعها : ليش انا مو بشر ..ماعندي مشاعر ..ماعندي احاسيس ..تحسبوني بس اضحك وامزح..

تركي : ترى وربي ماخليهم يتحركون الا لمن ترضين

ريآنه ساكته تمسح دموعهــآ

البنات في السيارة مايدرون ايش السالفه..يظنون انه ريآنه تصرآخ وتهاوش تركي مثل عآدتها وهم يضحكون وماعندهم خبر بالي صاير برى

تركي: انا ماراح اقول علشاني علشان الهلآل تجين..وترى انا قايل للشباب اني رآيح اتمشى في ريآنه بالذات بتكسرين كلمتي؟

ريآنه برائه الاطفآل : لآ

تركي: ايه ياكذا البنات يابلا

ريآنه ركبت السيارة والبنآت يضحكون عليها ..وكآنت سآكته..

امل: عسى ماشر رنوش؟

رندا: وش فيك ما تتكلمين؟

شوق: لا البنت زعلآنه حدهـــآآآآ

تركي سحب شريط وشغل اغنية ( تكفـــون )



تكفون مالي غيرها جيبوها
"°o.O شوفو مطالب وصلها ورضاها

دوروا عليها بالحشى دوروها
"°o.O واللي تبيه من دنيتي يفدها

الغاليه ياهل الوفا ردوها
"°o.O والله ماأقدر احتمل فرقاها

صيحوا عليها يابشر نادوها
"°o.O لا تتركوني طايح بلياها

بس بهداوه يابشر كلموها
"°o.O بشويش لاتعكرون صفاها

زعلتها والحاسدين اغروها
"°o.O ياهوه يكفيها ترى ما جاها

غنولها ماقلت أنا وغنوها
"°o.O عل وعسى من ماتها يحياها

بالطيب ولا بالغصب راضوها

"°o.O لا تحرموني بردها ودفاها

خلاص يكفيها الزعل جيبوها
"°o.O والله ما أقدر احتمل فرقاها

رندآ: ياهوووه عليك ياتركي

تركي : ولو هذي ريانه الدبا..تستاهلين نجيب لها نايف البدر يغني لها هنا

ديم: من قدك ياريانه

العنود: يالله تكلمي وجع انطقي

ريآنه: اساسا انا مب زعلانه اتغلى

شوق: من تغلي تخلى


جود: ههههههههه

تركي: لا عاد الا الهلاليه مانخليها

رندا: والله خطيرة يارنوش صار لك محامي

تركي: بس محآمي للهلالين

: : :

مشآري كآن بعيآدته ..ويطـق البــآب..!!

مشآري: تفضل

نيرس سمر: دكتور مشاري ..الدكتور خآلد برى يبغى يقابلك

مشاري: افا برى دخليه بسرعه..بس فيه مرضى برى؟

نيرس سمر : لا دكتور عندك مافيه بس فيه عند الدكآترة الباقيين

مشآري: اوكي دخلي دكتور خآلد


خآلد: السلآم عليكم

مشآري: وعليكم السلام..ياهلا وغلا بالغالي

خآلد :هلا بك اكثر ..كيفك؟ وكيف ابوك واهلك؟

مشاري:كلهم بخير ويسلمون عيلك..وين اختفيت يالقاطع







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
ممحاة, للكاتبه, الهلال, اشتقت, سارة, غرور, كلآمه

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يوتيوب سارة والحصان جمانة . صور ومعلومات عن بطلي فيديو سارة . قصة سارة والحصان جمانة ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 6 - 1 - 2015 6:29 AM
اشتقت لك كثيرا فهل اشتقت لي يوما 2014 ● н σ d σ α خواطر ونثر - فيض الخواطر 1 21 - 7 - 2014 6:24 PM
روايه اشتقت لك لين صارت بي منك لمحات txt للجوال ● н σ d σ α قصص - روايات - روايات كاملة - روايات طويله - روايات غرام 21 7 - 2 - 2012 9:38 PM
اشتقت لك - قصيدة اشتقت لك - تحميل قصيدة الشوق اشتقت لك نبضها عتيبي شيلات mp3 - شيلات 2017- قصائد صوتيه - قصائد مسموعه - موفن نت 19 10 - 10 - 2011 4:45 AM
أنشوده زين الشهور كآمله - تحميل أنشوده زين الشهور كآمله- مشاري العفاسي دعآيه زين لرمضآن نبضها عتيبي تسجيلات اسلاميه-الصوتيات والمرئيات الإسلامية 11 25 - 7 - 2011 3:49 AM


الساعة الآن 3:42 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy