العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

اشتقت لك حتى صارت بي منك لمحات ... للكاتبه غرور الهلال ... كآمله

تآبـــــــع ] خآلد : والله توني رآجع من المآنيا كانت عندي دورة سنه ونص مشآري: ماشاء الله الحمد لله على ...

إضافة رد
 
LinkBack أدوات الموضوع انواع عرض الموضوع
قديم منذ /24 - 8 - 2009, 9:41 PM   #13

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

تآبـــــــع ]

خآلد : والله توني رآجع من المآنيا كانت عندي دورة سنه ونص

مشآري: ماشاء الله الحمد لله على سلامتك مع انها متأخره

خآلد : هههههه لا مب متأخره ماوصلت الا قبل يومين..

مشآري: ياحبيبي ياخألد... هاهـ ايش عليك آخر علمي فيك يوم تخرجنا..ماتزوجت ؟

خآلد: شفت كيف من زمآن عنكـ..والله الزوآج انا جآي هنا علشان الزوآج

مشآري: افا يعني مو علشاني؟

خآلد: لا والله مشتاق لكـ ..بس قلت نجي نسأل

مشآري: ههههه تفضل اسأل.. مين تبي تسأل عنه

خآلد: انا اذكر كنت تقولي انه عمتك مع عبدالرحمن الفا.... السفير الأول صح؟

مشآري مسكه قلبه : ايه ..ليش؟

خآلد: اسمع الوآلده تمدح في بنتهم ..اسمها شوق ويقولون دكتورة؟ ..والله انا ودي اناسبكم ومافيه احسن منكم

مشآري دآرت فيه الدنيــآ ..كآن ودهـ يطرد خآلد ...توك تجيني ياخآلد.ليتك ماجيت .ليتني ماعرفتك.. الا شوق يآخــــــــالد لاتقرب لها..

خآلد: مشاري؟

مشآري بغيظ:ههههههههه لا بس جيت متأخر

خآلد: افاااا

مشآري: لان الشخص الي قدآمك خآطبها قبلك

خآلد: من جد؟ الف الف الف مبروك يالغالي

مشاري: الله يبارك بعمرك ..

خآلد: لي ساعه وانا اتميلح قدآمك

مشاري: معليش نعزمك على العرس

خآلد: اكيد يادكتور..المهم والله اني مشتاق لك..وماشاء الله عياداتك لها سمعه طيبه بالرياض

مشاري: الحمد لله هذا من فضل الله..


: : :


{ أدري أنك من نصيبي في الأحـلام
وأنك لغيري لا بغيت الحقيقـة ..!!



...... جــــــود ......

ياربي انا ايش اسوي بحآلي..مابي اتعلق فيه ..ياربي عارفه انه كل الي اسوي غلط بس حبيته.. وربي حبيته ..اذا غآب اسأل عنه ..واذا تعب اخاف عليه ..

يارب انا كل الي بيني وبينه ردود بالمنتدى لآاقل ولآكثر ..ايش اسوي بحآلي


: : :

{ ضمني بالحضن عن( برد الشتاء)
و(دفني) لاصارت الدنيا (جليد)
ضمني بيدين مليانه( دفا)
وأعطني حبك وغيره ماأريد
لامتى بصبر حبيبي لامتى ..؟
وأنت عن عيني بعيد؟؟
مااهتنى نومي ولا جفني غفا
اشتعل بركان وأشواقي تزيد...!!



نجــلاء : حبيبي اليوم لاتنسى تجي بدري

عبدالعزيز بخبث: انتي وش فيك متحمسه على هاليله؟ هاه وش عندك

نجـلاء: ههههه...لآيروح بآلك بعيد.بس انت لاتتاخر عن الساعه 7 المغرب

عبدالعزيز: من عيوني كم نجوله عندي انا.؟

[ نجـــلاء مسوية حفله لعبدالعزيز لآنه جته ترقيــه لمرتبه كبيرة..وعزمت اهلهم كلهم..وهي طلبت من هم مايقولون شي لعبدالعزيز ..وخصوصاً عبير وصتها على مشعل لانه مشعل 24 ساعه مع عبدالعزيز ]

: : :

.... مشـــآري ....

انا غلطت قطعت رزق شوق..حرآم الي سويته..بس الحرآم انها تطير من عيني وانا واقف اتفرج عليها..ليش سويت كذا؟ .. انا ابيها لي..الليله بنخطبها والي يصير يصير.. مارآح يرتاح بالي الا لما تصير لي ..!!

: : :

الكــل كآن متوآجد في بيت عبدالعزيز..!!

عبدالعزيز فتح باب الريموت وشاف السيارات حول بيته..خاف لايكون صاير في نجلاء شي..نزل من سيارته وبسرعه وتركها مشغله ويركض للباب فتحــه..وشاف الناس تضحك له ويباركون له البترقيه

عبدالعزيز ارتاح نفسياً ..اهم شي نجلاء بخير ومافيها شي...

عبدالعزيز: الله يبآرك بعمركم

ابوعبدالعزيز: بنتي نجلاء عزمتنا بدون ماتدري

ابو عادل: ازعجتني من الصبح عبدالعزيز لايدري بالمفآجآة ..

عبدالعزيز كآن ودهـ يقولوهم مشكورين روحوا ..ابي اجلس مع غلاتي ..خلونا لحآلنا ابيهــآ والله آبيهــــــا..

مشعل: كآبتن عبدالعزيز روح بدل ملابسك وتعال

فآرس: ترى كلنا ندري انك كآبتن طيار

تركي: يبي يكشخ عندنا ..ترى انا كنت ابي اصير طيار بس فيصل حلف علي

فيصل:هههههههه يانصاب..

عبدالعزيز: ههههههه عن اذنكم بروح ابدل

ابو مشعل: بدل وتعال مو تنسى عمرك مع ...

عبدالعزيز:ههههههههه اذا تأخرت اتصلوا علي

ضاري: خربها اخوي هههههههههههه





عبدالعزيز اتصل على نجلاء وقالها تصعد له فوق لغرفتهم..نجلاء قالت له ماتقدر تخلي الحريم لحالهم..بس باصرآرهـ صعدت له ..من الدرج الثاني الي عند الحريم


نجلاء فتحت الباب وكآنت غرفتهم ظلآم ..خآفت (وين رآح عزوز)

عبدالعزيز كآن ورى الباب لما دخلت جوى الغرفه سكر الباب ورآهــآ..وكآن واقف على طول ورآها حط يدينه على كتوفها..وبآسها

عبدالعزيز بصوته العذب: حبيبتي ..مدري ايش اكآفئك بكل الي تسوينه لي..

نجلاء تشم ريحة عطره: مابي ولا حاجة سوآكـ انت..

عبدالعزيز:صبرتي علي وعلى شغلي ..نجولتي عسى ربي يخليك لعيوني

نجلاء دخلت اصابعه بشعره دمعت عيونها :عبدالعزيز وجودك جنبي يكفيني

عبدالعزيز مسح دموعها ..وحآول يلطف الجو لانها قلبته حزن كعادتها

مسك يدينها وباسهم: ماودك نسحب على الي تحت؟

نجلاء: هههههههههه نسيتهم ..فشله حبيبي اللحين انوآع التعليق علينا

عبدالعزيز: بكيفهم ..

صوت جوآل نجلاء..

نجلاء: هلا شوق...لا بس..اقول عيب عليكم..ههههههه ..ايه عبدالعزيز معآي يغنيني عن كل شي..اوكي بنزل لكم

عبدالعزيز يطآلعها ..وكآنه وآحد يبغى يرسمها..ماشبع منها ..كل يوم تثبت له انها تحبه انها زوجته وصديقته واخته وامه ..



بالصآله الصغيرة في بيت عبدالعزيز البنات كانوا جآلسين ....

ريآنه: بنآت ليش ماتنامون الليله عندنا؟

العنود: والله انك جبتيها

امل: ياحبي لك ..ابدا بتوآفق امي

ديم: وانا بعد ابوي ماراح يوافق

ريآنه: قهر قبل الاختبارات نبي ننبسط

جود: انتم تعالوا عندنا..

رندا: اسمعوني لاعندكم ولاعندم عندنا

شوق:هههههههه وانتم جالسين تعزمون بعض وماتدرون عن الحكومه هم يوافقون لا لا!!

رندا: ازهليها ..فيصل ينوم بالملحق هاليومين عنده قضية مهمه ومايحب الازعآج

ديم: لا ياقلبي انتي قلتيها ازعاج واحنا مانقصر اذا تجمعنا عملنا مهرجآن

رندآ:ياذكيه الملحق بعيد عن البيت واحنا راح نصير فوق وبيتنا عآزل ماراح يسمعنا..اما تركي اليوم يقول انه هو وفآرس يبغون يروحون للمزرعه ينامون هنآك يعني مافيه بالبيت احد..

العنود:تعبتي نفسك بالشرح..ماراح يرضون انا اقولك


رندا: ماعليكم انا بروح اقنعهم

امل: ياحبي لك الله يعينك على تلقيط الوجهه

رندا: وتشوفون ان مانمتوا عندنا..

البنات يتريقون عليها ..انه من سآبع المستحيلات ينامون عند رندآ ..


رندآ راحت اتصلت على ابوها الي مايرفض لها طلب..وطلبته يقول لعمامها ورجل عمتها ابو عادل ان البنات ينامون عندها قبل الاختبآرات ويبغون ينبسطون مع بعض..الرجآلأ ماقدروا يرفضون لان ابو فيصل طلبهم وعيب يردونه..الكل وآفق..اتصل ابو فيصل على رندآ يقول لها انهم واقفوا ..

رندا: ياقلبي انت يايبه عساني مانحرم منك يالغالي

ابوفيصل عند الرجآل وكان يكلمها...الكل يعرف ان ابو فيصل يغلي رندا غلا يفوق الخيآل ..

ابوفيصل: ماسوينا شي..روحي قولي للبنات ونسيهم ..الليله عندنا

رندا:اوكي يبه مع السلامه

ابو فيصل: هلا

....... سعـــود .....

على كيفهآ البنات ينومون عندهــآ..؟ طيب يارنــدا انا اوريكم ..


عبدالعزيز:يالله انك تحييهم


الجميع: الله يحييك

مشاري أشر لأبوهـ على اساس يفاتح ابو عادل بالموضوع

ابو مشعل: يابو عادل بكرى بعد المغرب نبي نمرك انا واخواني ونتقهوى عندك

ابو عادل: ياهلا فيكم..العين اوسع لكم

ابو مشعل: ماتقصر...ابو فيصل وابو عبدالعزيز لاتنسون بكرى بعد المغرب نبي نروح لبيت ابو عادل

: : :

العنــود لما عرفت انه البنآت رآح ينومون عند رندآ ..تذكرت ضآري وانها اللحين بذمته وهو مسؤول عنها ..ولآزم يوآفــق عليها..لآنه ضاري دايماً يبغى تحسسه بانه له كلمه عليها..

العنــود ارسلــت مسج لضآري /

يسعد لي مسـآئكـ ..

كيفك اليــوم ؟

ضآري آقدر آنوم في بيــت عمي الليله ؟

"عنــودتــكـ "



ضآري فتح المسج وشآفه من العنـود ..انبسط من كل قلبه..لآنها حآسبه له حسآب ..وانها مستعده تشتري رضآهــ على ونآستهــآ .. حس آنهــآ مهتمه فيه ..

طلع من عند الرجآل بـرى علشان يتصل عليها..

العنــود رن جوآلها وهو بيديها شآفت مكتــوب * الغآلي*..ٌ

العنود قآمت من البنات علشان تكلمه على رآحتها..

ضآري: هلا وغلا

العنود بصوت خجول: هلا بك اكثر

ضآري: مدري وش اقول بعد ماشفت المسج..نفسي ادخل عليكم اللحين واسحبك من وسطهم..

العنود:هههههه

ضآري: تسلم لي هالضحكه

العنود استحت: ضآري

ضآري: عيونه

العنود: تسلم لي عيونه

ضآري: ارحمي يابنت الناس

العنود استحت وسكتت

ضآري: غلاتي ..خذي رآحتك ياقلبي نومي الليله عند بيت عمي..وانا رآح اوصي ديم وجود عليك

العنود: لا تكفى ترى يستلموني تريقة

ضآري: انا آرآويكم فيهم بس خليهم يقولون لك شي..اسمح فيهم الارض

العنود: ههههه لا ماتوصل لكذا

ضآري: ياقلبي انا

العنود: ضآري امي تتصل علي انتظآر وشكلهم فقدوني

ضآري: اوكي يالغلا ..بالليل رآح آكلمك..لاتقولين لا ..البنات ماراح يحرموني منك

العنود: اوكي..تبي شي؟

ضاري: سلامتك..بحفظ الله



: : :

بعد العزيمة رآحوا البنات مع رندآ لبيتهم علشان يكملون السهرة هنـآكـ ..

جود: اسمعوا من اللحين انا ماعرف انوم الا على السرير وماحب احد ينوم معاي

العنود: ياسلآم انا الي بنوم على السرير

رندا: اوكي فيه سرير بجنــآح الضيوف وفيه سريري..بس سريري ياويلكم تقربون له

ريآنه: خوش والله تعزمنا وتنشب بحلوقنا وتقول سريري محد ينام فيه

ديم: خلاص زعلنا يالله تعالوا لبيتنا

امل: مافيه انا بنوم بسرير رندا

ديم: لا انا

رندا: الحلآل حلال ابونا والقوم طردونا

شوق: عندي لكم فكرة وحده تنوم بغرفه رندا والثانية بغرفه خالي والثالثه بغرفه فيصل والرابعه بغرفه تركي والخامسه مع الشغالات

جود: هههههههههههههههه جبتيها

العنود: ماشاء الله خطيرة تصليحن تدبرين

ديم:هاه جبتي العده والطيران

ريآنه: الله طيران

امل:ههههه صدقت

ريآنه: وش اسوي تقولون طيران وانا عشقي الطيرآن

رندا: لاتقصد العده حقت السهره ..شوكلاته وتشيبسات ومونوبولي واونو وكيرم

جود:عليك لمبه هههههه

ديم: عنييد ضاري كل كم يوم يكلمك؟

العنود: وش تبين انتي؟

ريآنه: كل يوم

العنود:يمه وش عرفك؟

ريآنه: اشوفك ماتنومين الا وجه الفجر..هماهم يقولون العشاق حقهم الليل

العنود:هههههههههههههه

ديم:هههههههههههههههههه

امل:ههههههههههههههه

رندا: اما عااااااد حقــهم الليل ههههههههههههه

شوق: بالله بنات اتصلوا على البندري وغاده وهيوفه وبسومه خلونا نقهرهم

جود: عليك نذآله مب صآحيه هههههههه

رندا: بنات تعآلوا نتابع فيلم هندي يجنن توهـ نآزل والكل يمدحه ..

ديم: ايه الي توهـ نآزل ويقولون فيه جزئين؟

رندا:ايوووه صح عندي الجزء الاول والثاني جابه لي تركي

العنود : يالله نبي نروح للصآله الكبيرة علشان التلفزيون الكبير

شوق: والله مجرمه عليك تفكير

العنود:ههههه اذكري ربك

شوق: ماشاء الله

رندا: مين تجي معاي نجيب اشرطه ال Dvd الي بغرفه تركي

ريآنه: انــا..

رندا: ياقلبي ياصبايا الشغالات نايمــآت...قوموا روحوا للمطبخ وجيبوا كماليات السهره

ديم: خوووش والله جايبـيتنا نشتغل عندك؟

رندا: هههههه لا بس علشان يقولون التعاون قوة

جود: ياذكية الاتحاد قوة

رندا: هههههههه كله وآحد

امل: اوكي بنروح نجيب الشوكولاتات والتشبيسات

شوق: وانا وجود بنجيب الالعاب الاونو والمونوبولي

العنود: وانا بروح اجيب العصيرآت الي بالثلاجه

ديم: وانا بروح اشغل التيلفزيون



ريآنه: يمه ليش غرفة تركي كذا؟

رندا: ههههه لها شهر محد رتبها

ريآنه: ليش الشغالات مايرتبونها

رندا: مايبي هو عاجبه الوضع

ريآنه: على مزآجه ..خالتي ماقالت له شي؟

رندا:عجزت عنه

ريآنه: انا قد تآبعت الفيلم بالانترنت ..يعني انا فاضية وبرتب غرفه تريكي الدب

رندآ: والله يهاوشك

ريآنه: كيفه بطقآق..اهم شي النظآفه

رندآ:ترى بتتعبين خلي الشغالات الصبح يرتبونها

ريآنه : انا فاضية ابي ارتبها اذا خلص الفيلم اعطوني خبر اجيكم..

رندا:ههههههههههههه اوكي ولا يهمك..والله انتس ذيبه

ريآنه:هههههههههههههه

: : :







  رد مع اقتباس
قديم منذ /24 - 8 - 2009, 9:56 PM   #14

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

بسم الله الرحمن الرحيم

: : :

.... ريآنه ....


يالله مو معقوله كل هالحوسه ياتركي..
طيب يادب انا الي راح يعلمك كيف تكون مرتب..!!

ريآنه بدت تجمع الملآبس المتطآيرة بكل مكان بالغرفه على السرير وعلى الكنبه وعلى الارض وفوق التلفزيون وحتى طآولة الكمبيوتر ماسلمت من ملآبسه المنثوره بكل مكان .....قسمت الملآبس النظيفه وعلقتهم بالدولآب (الكبت) والملآبس الي محتآجة غسيل صفطتهم علشان الشغآلآت يغسلونهم ..رآحت للتسريحه ورتبت عطورآته وسآعآته دخلتهم بالادرآج ..صفت اشرطة الفيديو والـ dvd بالرفوف ..ورتبت السرير والمفرش والوسآيد ..وبحركة جرئيه طلعت عطرهـآ ( إيسكآدا) ورشته بالغرفه وعلى السرير <<ماتلعب هالبنت هع

بعدهــآ نزلت للبنات الي متسدحين بالصالة ديم ضامه رندا ويبكون على الفيلم والعنود وامل ماسكين مناديلهم ودموعهم تنزل ..وجود فاتحه فمها ..شوق ممددهـ رجولها على الكنب وعيونها منتفخين حمرر..ريآنه لما شافت اشكآلهم كذا ماقدرت تمسك عمرها ..انفجرت ضحك

ريآنه:ههههههههههههههههههههههههههههه

امل: وجع وطي صوتك خالي نآيم

جود: تعالي يادبه شوفي الفيلم يعور القلب ..

العنود: ريآنه خوش فيلم لعلى وعسى يحرك مشآعرك ..

ديم: بنات بليز نبي نكمل الفيلم

شوق: ولا صوووت

رندا دآخله جو تآكل بوب كورن وتبكي ..

ريآنه حزت بخآطرها كلمة اختها العنود ..[ آكيد العنود ماتقصد بس ليش يالعنود يعني انا بدون مشاعر انا ماني مثلكم بنت من حقي احب واعشق وانحب ..!!]

رآحت ريآنه وسحبت علبه جالاكسي جوآهر وفتحت ترمس القهوة وجلست تآكل وتتقهوى وتعلق على البنات ماتبغى تبين للبنات انها تضايقت من حكي العنود

ريآنه: متى يخلص ؟



رندا: يمكن حوآلي ربع ساعه

ريآنه: طيب انا ابي اتسلى بالمجلآت اذا خلصتوا قولوا لي ...

: : :

تركي: هاه وش اخر اخبار الغاليين؟

فآرس: مابعد ذآك السي دي وليومك مادري عنها باي شي..

تركي:هههههههههه

فآرس: والي يقهر من يوم بديت احبها العائله المصونه ماصارو يتجمعون

تركي:هههههههههههههههه

فآرس: انت وخشتك هذا الي انت فالح فيه تضحك..يارب متى تحب وتجي تشتكي لي وانا الي اضحك عليك

تركي: ههههههههه ..صح جتني فكرة

فآرس: هاه يالله عطني يابو الآفكار الذهبيه

تركي: ورى ماتسوي نفسك حآتم الطآئي وتعزم العائله كلهم بالمزرعه..وانت تعرف الشياب ابوي وابوك وعمي وخالي يحبون المزرعه وشرط الا يخلوننا ننوم هناك خميس وجمعه

فارس طمر وحب راس تركي

تركي:هههههههههههههه علشان تعرف قيمتي

فارس: انا بدونك مثل الاكل من غير ملح

تركي: افااا لايكون هذا غزل ..

فارس: ايه غزل وش رايك فيه يصلح قصيده؟

تركي: ماقول الا غير الله يكون بعون المسكينه بنت خالي رآحت فيها اذا هذا كلامك

فارس:هههههههههه الغزل لأهل الغزل ياهوه

تركي: اهاااا فهمت ..نشوف وش اخرتها معاك يابو غزل..

فآرس: تركي والله الكل نآوي يتزوج الا حضرتك انت والاخ فيصل وش عندكم؟

تركي: هههههه خلي فيصل يتزوج بالاول وانا لآحقين علي

فآرس: ليش انت مب نآوي تتزوج..مع انه انت آكثر وآحد يحكي بالزوآج؟

تركي: يابن الحلآل لكل حآدث حديث ..قم خلنا نلعب شطرنج المرهـ هذي انا الي رآح اغلبك

فآرس: كل مرة تقول انا و انا وماشوف شي

تركي: اقول الخلا بس قم و لايكثر

فارس:هههههه يالله

: : :

جود: بنآت ماطفشتوا من المونوبولي ؟

العنود: انا طفشت من الصبح واحنا نلعبها

شوق: يالله بنآت خلونا ننوم اللحين وبكرى لما نصحى نكمل الوناسه

رندا: بدري وين بتنومون اللحين؟

ريآنه: دب نوم انتي وياها..اقول قوموا بس لا ارمي عليكم سطل مويا..هي مرة بالسنه ننوم مع بعض

امل: أي والله وتبون تخربونها يعني؟

العنود: اللحين الساعه 6 الصبح مابعد هذي شي..قوموا يالله اللحين تصحى خالتي والله فشله اكبركم اهبلكم

ديم: ههههه خلاص خلاص فهمتك تبيني امدحك عند المحروس

العنود اذا جاها النوم تنكت ( يعني ماتفهم تقط خيط وخيط)

العنود: ومن هو المحروس؟

شوق:ههههههه لا البنيه ذابحها النوم

جود:ههههههه المحروس هو ضاري

العنود: اووف ضاري لا بنات تكفون الا ضاري

ريآنه: اقول اعطيني رقم ضاري وانا الي ابي امسكها تهديد بالبيت

رندا: عز الله رآحت فيها عنييد منك يارنوش

ريآنه: ههههههههه

جود تثاوب

شوق لما شافتها تتثاوب ..تثاوبت ورآها..والعنود تثاوبت معاهم

امل: كميرا بنااااااات خلونا نصورهم والله اشكالهم خطيره ههههههههه


رندا: هههههههه شكل البنزين خلص ياصبايا

جود: منذ مبطي

شوق: يالله انا ابي انوم

العنود: اسمعوا احنا بغرفة الضيف وانتم ناموا بغرفة رندا..

ريآنه: احسن احنا مانبي معاكم

شوق: ارحميني احنا الي نبيكم

جود: يالله تصبحون اقصد تمسون على خير..

صعـــدوا البنــآت (جود والعنود وشوق) ينامون بغرفة الضيوف سكروا الباب علشان مايزعجونهم البنات ...

ريآنه: قوموا خلونا نقول للخدآمات يصحلون لنا فطور

ديم: حتى انا جعت

رندأ: وش رآيكم نروح نفطر بكودو؟

امل: خوووش فكرة

ريآنه: يالله بروح البس عباتي

ديم:هيه هيه هيه انتي وياها خيير صاحين انتم؟

امل: وش فيها ديومه؟

ديم: اول شي احنا ماقلنا لآهلنا..ثاني شي بنطلع لحالنا مع السواق..ثالث شي البنات الي نايمين حرام نتركهم ..رابع شي وهو الاهم خالتي اذا صحت من النوم وماحصلتنا وش راح يكون موقفها؟

رندا: يؤ يؤ والله انك خطيرة ياديم تحسبينها صح!!

ديم: احم احم

ريآنه: يابنت الحلال اللحين خلينا نروح وربك يحلها

امل: خير ريآنه والله انك مهبوله ...صادقه ديم

ريآنه: مابي ابي افطر من كودو

رندا: خلاص نقول لسواق يجيب لنا ديلفري

ريآنه: شكونا لله يالله ديلفري ديلفري

آمل: بنات خلونا نلعب ايام ماكنا بالثانويه [ انسان جماد حيوان] او نلعب [كل وحده تكتب الافلام والمسلسلات الي انتم عارفينهم بورقه واكثر وحده الي تفوز ننفذ لها طلباتها ]

ديم: حلووووه انا اقترح نلعب اللعبه الثانيه

ريآنه: وانا بعد

رندا: بس انا اتابع افلام اجنبيه عادي اكتبهم؟

امل: عادي اهم شي تكتبين افلام مسلسلات مسرحيات برامج

ديم: نصيحه من اللحين انسحبوا

ريآنه: عشتوا لاانتي الي انسحبي ريآنه قادمه

رندا: يالله خلونا نصعد لغرفتي لحد مايجيب السواق الفطور

امل: يالله..

صـــعدوا البنات لغرفه رندا ..

رندا: هذا قلمين

امل: يادبه كل هالغرفه طول وعرض ومافيها غير قلمين

رندا: هههههه تشوفين

ديم: يعني مالبيت غير قلمين؟

ريآنه: انا معاي بالشنطة قلم تعرفون ثانويه لازم اقلام هع هع

رندا:ديم بالله مادام انك واقفه روحي لغرفه فيصل فيها اقلام واوراق

ديم: لا ياشيخه احلفي

رندا: وش فيك والله

ديم: اقول طيري بس مابقى الا هي اروح لغرفه فيصل

ريانه: وش فيها يعني

ديم: الا فيها فرضا دخل علي وش موقفي؟

ريآنه: فيصل نايم بالملحق

رندا: صح وهو مايصحى الا الساعه 9

امل: لا والله تخيلوا يبغى غرض من غرفته وشاف ديم

ديم: يابعدهم ياموله متت وانا اقول مآيفهمني غيرك

رندا: اساسا فيصل وراهـ اليوم قضيه مهمه وتلاقينه سهران على اوراق القضيه الى الصبح مانام

ديم:وبعدين انتي يا اخته ورى ماتروحين؟

رندا: انا بنزل اجيب لكم الفطور من السواق

ديم: الشغالات وينهم فيه؟

رندا: ناييمين

ديم: ريانه اصغر القوم خادمهم قومي انتي اصغرنا ورحي جيبي لنا اقلام

ريآنه: مانيب قايمة اساسا انا عجزآنه (كسلانه)

امل: طيب تركي ماعنده اقلام

رندا: مدري بس فيصل هو الي دايما يستخدم الاقلام

ديم: انا اروح اجيب من غرفه تركي لانه مب موجود اما فيصل والله لو على قص رقبتي ماروح لغرفته

ريآنه: بكفيك اهم شي دبري لنا ورق .وقلم حقك

امل: ايه والله تركي غرفته اكيد فيها اقلام ...

رندا نزلت تفتح للسواق علشان تاخذ منه فطورهم..ديم طلعت من غرفه رندا..

......... ديم ........

ياربي وين غرفه تركي من غرفه فيصل..ماقد دخلت لغرفهم ..اذكر رندا تقول تركي غرفته قريبه من الاصنصير اكيد هذي الي مقابلتني ..!!!


دخلت ديم الغرفه كآنت كبيرة ومافيها آحد ..ديم ( حلو اكيد هذي غرفه تركي لانه مافيها احد )

راحت وجلست على مكتبه واخذت تفتح بالادراج تدور على اقلآم وهي تنبش وتفتش بين الاوراق حصلت قلمين واوراق فضايات سحبتهم من الدرج...وفجــآءة ينفتح بآب الحمــآم (الله يكرمكم) لآنه الغرفه كبيرهـ وجوى الغرفه الحمام

ديم وقف قلبها من الخوف ..ماتدري دخلت غرفه مين؟على اعصابها الدموع تجمعت بعيونها ..!!

طلع فيصل من الحمام مآخذ شاور ولاف الفوطه على جسمه يعني يدينه وصدره وسيقانه طالعين ..

فيصل كان يغني ولما شاف ديم جالسه على المكتب وماسكه اقلام واوراق واضح عليها الارتبآكـ..فيصل فتح فمه باين على ديم انها غلطانه

ديم اول ماشافت شكل فيصل كذا ..استحت وجهها صاير احمر على طول جلست تحت المكتب علشان ماتشوفه

فيصل كان وده يضحك على حركتها البريئه ...بس لسى مب مستوعب ليش دخلت غرفته؟..فيصل دخل الحمام مرة ثانيه علشان يلبس ملابسه

فيصل حب يكلم ديم علشان ماتخاف وتبكي ..لاسيما انه بالحمام ولاتشوفه

فيصل بمرح : وش عندك هنيا؟

ديم خذت نفس ودموعها تنزل وبصوت متقطع: والله مـ..آ كـ,,,,ـنت اعـ...رف انـ..ها غـ....ـرفـ....ـتـ...كـ

فيصل: ايه عارف ..بس بغيتي شي؟

ديم كانت حدها متوترة: بـغـ...يت اقـ....لآم وورق..احسـ...بها غرفـ....ـه تركـ...ي لانه مـ...ب في البـ...ـيـ,,ـت..[ ديم هنا جلست تبكي]

فيصل كل شي عندهـ ولا البكي..

فيصل:لا تبكين اسمعيني انا اللحين بطلع وانتي بعدي اطلعي وامسحي دموعك لايشوفونك البنات ..

فيصل لبس ملابسه بسرعه وطلع برى الحمام كانت ديم تحت المكتب ..فيصل اعطاها ظهرهـ وطلع برى غرفته ..شاف رندا بالصاله

فيصل ارتبك لما شاف رندا حس انها تدور على ديم


فيصل: صبح صبح رندوشه

رندا: هلا فيصل ماشفت ديم؟

فيصل: هههههههه ليش ضايعه؟

رندا:هههههه تقدر تقول كذا

فيصل: يمكن تحت بالحمامات او بالحديقه

رندا: لا مب في الحديقه دروت عليها..بس الحمامات الي تحت ماشفتهم ابي اروح اشوفهم

فيصل لما رآحت رندا تحت رجع لغرفته ..ديم مسكت الباب تبي تطلع..فيصل مع برى وقف عند الباب

فيصل: ديم ترى رندا تدور عليك قلت لها انك بالحمامات تحت اوكي يالله انا بروح اطلعي..

فيصل اخذ شنطته واوراقه ونزل بسرعه ..

ديم طلعت من غرفه فيصل وراحت لغرفه رندا

امل: ديييييييييييم وينك؟

ريآنه: ضعتي؟

ديم:هههههههههههه حلوة ضعت ليش انا مسافرة علشان اضيع؟

امل:لا من جد وينك

ديم: بالحمام

ريانه: دورنا عليك

ديم: بالحمام الي تحت بعدين اتصلت علي غادهـ ..

رندا فتحت الباب: وجع ديموه وين رحتي؟


ديم: رحت للحمام وبعدين جلست اكلم غاده بالصاله الي تحت

رندا: اهااا يالله تعالوا خلونا نفطر وبعدين نلعب

امل: بنات ترى الساعه 9

ريآنه: يابنت الحلآل خلينا نفلها قبل الاختبارات

ديم:أي والله صادقيين ..

افطروا البنات وبعدين كملوا لعبهم ولما جت الساعه 11 ناموا ..وبعد المغرب كل البنات رجعوا لبيوتهم ..



بعد المغــرب ..ابو عبدالعزيز و ابو مشعل وابو فيصل وابو عآدل..ولاننسى مشعل وعبدالعزيز والمعرس مشاري وصديق عمرهـ ضآري ..!!!

ابو مشــعل: هــآهـ وش قلت يابو عآدل؟

ابوعادل: هذي الساعه المباركة والله ..وحنا نشتري رجآل مثل الدكتور مشاري

ابو عبدالعزيز: ماشاء الله دكتور ماخذ دكتورة

ابو فيصل: يستاهلون والله اني كنت اتمنى شوق لمشاري..

عبدالعزيز: يعني بتصير عديلي ياولد عمي ..

مشاري ابتسم لهـ

ضاري : نبي عرسنا انا وانت بليله وحدهـ يادكتور

مشعل: ههههه والله تريحوننا ..!!

عبدالعزيز: اي والله تسوون فينا معروف

مشاري بكل جرائه : عمي عبدالرحمن .. انتم وافقتوا بس ماسمعنا رآي الدكتورة؟..

مشاري خآف من ردة فعل ابوهـ التفت لإبوهـ.. ..ابو مشعل اعجبه كلام مشاري ابتسم له...لما ابتسم له ارتاح مشاري

مشعل: أي والله ياعمي لآزم شور العروس..

ابو عآدل: مع اني عارف انها موآفقه بس راح اشاورهــآ ..

[ ابو عادل كان قلبه حاس انه مشاري يحب شوق وشوق تحب مشاري مب مسأله حب يعني اعجآب..لانه شوق دايما تسأل ابوها عن مشاري بطريقة غير مباشرة عن عيادته وشغله ..وهي هدفها تتطمن عليه ..وابو عادل كان يعز مشاري ويعتبرهـ ولدهـ من يوم كان صغير حتى انه مشاري يعتبر عمته صيته بحسبة امه وزوج عمته بحسبة ابوهـ]......


ابو عادل دخل الصاله وكانت فيه ام عادل وامل ..

امل: يبه وش عندهم كل خوالي هنا؟ فيه عزيمة؟

ابو عادل ابتسم لها ببرائه: ياخبر اليوم بفلوس بكرى يصير ببلاش..ام عادل وين شوق؟

ام عادل : شوق؟

ابو عادل: ايه شوق

ام عادل : فوق بغرفتها وش تبي فيها؟

ابو عادل : انا اذا نزلت بقولكم ايش صار..

ابو عادل رآح ضغط الاصنصير وسعد لغرفه شوق طق الباب عليها..

شوق كانت متمدده على السرير وتقراء قصه تاجر البندقيه لوليم شكسبير..ابوهــآ اعطــآها القصه لانه يعرف انه شوق تحب تقراء قصص وروايات..

شوق: ميين؟

ابو عادل: انا ابوك

شوق طمرت من السرير نزلت بيجامتها ورآحت تفتح الباب..

شوق: ياهلآ وغلآ بتنور غريفتي يايبه

ابو عادل: هلا بك اكثر

شوق: يبه انا لسى ماخلصت القصه الي اعطيتني بس من جد تهبل

ابو عادل حط يدينه على كتف شوق وجلسها على طرف السرير وهو سحب كرسي وجلس مقابلها..

ابو عادل: بعدين نتكلم بالقصه...اسمعيني يادكتورة

شوق قلبها يدق :خير يبه فيكم شي؟

ابو عادل: لا كلنا بخير..بس يابنيتي انتي كبرتي وصرتي دكتورة قد الدنيا

شوق ارتاحت جزئياً لما عرفت انه الكل مافيهم شي

ابوعادل : صحيح ماتخرجتي بس كلها ترم وتتخرجين وبعدهآ اكيد رآح يجيك النصيب وتتزوجين

شوق خآفت اكثر توترت اكثر..كان ودها تقول يالله يايبه خلصني

ابو عادل:يابنيتي خوآلك تحت كلهم وجايين علشانكـ...خالك ابو مشعل جاي هو ولدهـ مشاري يطلبون يدكـ ..

شوق دنقت راسها خدوها حمرت ..

ابو عادل: شوفي يايبه صحيح كلن جآء يطلب يدكـ وكل واحد ترفضينه قلنا علشان دراستك ..بس انتي الترم هذا اخر شي لك وبعدين بتاخذين ولدي مشاري وانتي تعرفين مشاري انا مربيه وهو ولدي ..هاه وش قلتي ترى هم تحت يبغون منك رد

شوق بصوت مب مسموع من الحياء : الشور شورك يبه ..

ابو عادل: لو تبين شوري مشاري ولدي ومنى عيني تصيرين لهـ ..وانا ماراح اختار لبنتي الرجآل الي يقدرهــآ دكتور ومثله مثلك ولد خالك ..مبروك يابنتي (باس راسها) انا بروح اعطيهم الكلمة ..

شوق: بس يبه

ابو عادل التفت عليها: هاه غيرتي رآيك؟

شوق: لا بس

ابو عادل: وش تبين؟

شوق: يبه انا اهم شي شهادتي ..يعني لو راح يصير شي اتمنى يصير بعد ماتخرج...

ابو عادل: عشتي والله هذي البنت الي يرفع بها الرآس

شوق ابتسمت له وجهها صاير احمررررررر...!!

نزل ابو عادل وقال لام عادل وامل ..

ام عادل زغردت ولما سمعوا زغرودتها اخوانها بالمجلس راحوا يباركون حق مشاري..

دخل ابو عادل وام عادل يقولون لهم ..والكل يبارك لهم...امل صعدت لشوق تبآركـ لهـآ ..

ام عادل : هاه يمه ماتبي تشوفها؟

مشاري يطالع لآبو عآدل..

ابو عادل: ياولدي من حقك انك تشوفها لاتطالع لي انا ماراح اخالف سنة الرسول صلى الله عليه وسلم ..

][ ومضـة ][

بعض المجتمعات في الخليج ترفض الشوفه (الرؤيا الشرعيه) لآسباب خآصه ممكن بعتبارهم مخالفة للعادات والتقآليد ولكن نسوا انه رسولنا وقدوتنا المصطفى محمد صلى الله عليه ..ولهذي الاسباب للآسف تكثير نسبة الطلآق بالمجتمع ..لآنه الوآحد لما يشوف الي راح تشاركه عمرهـ وتكون نصفه الثاني ..رآح يكون متطمن بعض الشي انه مآرأح ينغش فيهآ يمكن مايحبها ولاتدخل قلبه .. آتمنى تزول بعض الخرآفات وبعض العآدآت الي انتشرت بالمجتمع ومالها أي اساس من الصحه..!!

][ نرجع لقصتنــآ][

مشآري: أي والله اتمنى كذا ياعمي..

ام عادل: انا بروح اناديها ..

ابو فيصل:يالله احنا نترخص ..

ابو عبدالعزيز: يالله ياعيال خلونا نقوم

ابو عادل: وين تبون ؟ تونى

ابو مشعل: يابن الحلآل خل الولد يشوف عروسته زين ..

مشاري: بس يايبه انت خالها وعمامي خوالها

ابو فيصل: لا ياولدي نخليكم على راحتكم

ابو عبدالعزيز: يالله مع السلآمه..

طلعوا كلهم ..مابقى غير مشاري وابو عادل..

: : :

شوق: لآ يمه مانيب نازله

ام عادل:ابوك اعطى كلمته البسي

امل: بعدين هذا مشاري يعني احنا نعرفه ولد خالنا

شوق: تكفون ارحموني مآراح انزل لو تنطبق السماء على الارض

ام عادل: يابنيتي مابه شي هو الي زوجك واحنا اعطيناه كلمة ومن يوم انتم صغار وانتم مع بعض يعني مابه شي ولا هي عيب ولا حرام

امل: افا ياشوق بتكسرين كلمة ابوي ؟

شوق ترددت : لا اكيد ماعاش الي يكسر كلمه ابوي

ام عادل: يالله امل اطلعي خلي شوق تبدل ملابسها ترى انا وابوك تحت

شوق: يمممم...ـهـ...!!

سكرت ام عادل الباب بوجهها ..شوق ارتبكت يدينها صاروا مثل الثلج ..راح فتحت الدولآب (الكبت) تبي تبدل ملآبسهــآ

لبست تنورة جينز طويلــه .. وبلوزة بيــضاء نآعمهـ .. مسكت شعرهـآ البني النآعم بشريطة بيضاء ..حطت كحل وقلوس خفيف ..!!ونزلت .. رآحت امها تمسكها تبي تدخلها بالمجلس ..شوق رجعت بس سحبتها امها ودخلتها بالغصب..

مشاري لما شافها وقف ..

ابو عآدل : ادخلي شوق..

دخلت شوق وكآنت يدينها ترتجف من الخوف وعيونها على الارض ماشالتهم ..

جلست جنب ابوها وكآن مشاري قدآمها ..مشاري مركز عيونه عليها مب مصدق عيونه يطالعها من فوق لتحت ابتسامته مرسومه على وجهه

ابو عادل: شوق ماتبين تضيفين الدكتور؟ بعدين يقول عنا بخلاء

مشاري: لا حشاك ياعمي من البخل ..

شوق رآحت للطآوله دنقت راسها نزلت خصلات شعرها الناعم على عيونها ..مشاري هنا رآح فيها نقطة ضعفه الشعر الناعم

مسكت الصينيه ويدينها ترتجف راحت لمشاري ومدت له الصينيه ..مشاري سرح بوجهها ..وهي منزله راسها مارفعته ..الصينيه ثقيله لدرجة انها عورتها ..شوق رفعت عيونها تبي تشوف ليش تأخر ماخذ العصير..ولما طاحت عينها بعينه على طول نزلت راسها..مشاري حس على نفسه واخذ العصير

مشـآري: مشكورة

شوق سآكته كانت فحمانه ..خدودها مولعين حمراء ومنحرجه...

شوق قدمت لابوها العصر ...ونزلت الصينيه على الطآولة الكبيرة الي بوسط المجلس ...

شوق بصوت واطي ومحد سمعه غير مشاري لانه مركز عليها وعلى كل حرف تقوله

شوق: عن اذنكم ..

طلعت شوق وقلبها يدق بشكل فضيع ويدينها بااااردهـ ..على طول صعدت لغرفتها منحرجه من اهلهــآ ..

: : :


{ ليه انت بالذات ليمن غبت تشغلني؟
وغيرك لياغاب قلت الله يسهل له
ليه انت تقدر تعاندني وتسهرني؟
وليه انت تقدر تعقد القلب وتحله؟ ...!!

جـود شابكة النت وجالسه على اللاب توب ..

..... جــود .....

فتحت المنتدى الشآمخ كان متصل (متوآجد بالمنتدى)

كآن الموضوع ينآقش عن [قيادة المرأه للسيآرة في المملكة] .. (الشآمخ ) كان يرفض وبشدهـ الا انه جـود كآنت مؤيدهـ للموضوع ..وهي تقتبس ردهـ وهو يقتبس ردهـآ وكل وآحد يصر على رآيهـ وصلت 3 صفحآت الموضوع من مناقشتهم ..!!

فجآءه طلعت لها نآفذهـ (لديكـ رساله خآصه من الشآمخ ) دخلت جود بكل حماس فتحت الرساله وكآن مكتوب فيها /

السلآم عليكم ورحمة الله وبركآته ..

آختي في الله " اللولو " < نكـ جود بالمنتدى اللولو

اسعد الله مسائك بكل خير..

كيف حالك؟

حبيت اتطمن على وضع المذآكرهـ لآنه قريت عنك انك بالجآمعه والاختبارات على الابواب ..اكثري من الدعاء للمولى عز وجل

امنياتي لكِ بالتوفيق والسدآد ..

آخوكـ في الله /

][ الشـآمخ ][

:

:

جــود انبسطت ..رآحت ردت عليه باسلوب ثقيل ...!!

وعليكم السلام ورحمة الله وبركآته..
ومسائكـ اخي الكريم..

اولاً اشكركـ اخي على مبادرتك بالسؤال عن اختباراتي ..

وانا والله آحاول ان ابذل قصارى جهدي ..

ونعم بآلله.. وانا اتكلت على الله في جميع اموري ..

والله لايضيع جهد ..

دمت بود ..

اختكـ /

اللولو

: : :

بعــد اسبوع بدت الآختبـــآرآت .. الكل مشغول فيهآ ضاري كل يوم يتصل يتطمن على آختبارات العنود ويسأل ديم وجود عن اختباراتهــآ ..فآرس يحآول يسأل عن امل بطريقة غير مبآشرة ..ريأنه الكل يضغط عليها لانها ماتحب الدرآسه وهي ثانوية عامه والكل حريص عليها ..رندا وديم وامل ماشاء الله شآديين حليهم .. جود تركت النت ايام الاختبارات ..شوق تحآول تمنع نفسها ماتفكر بمشاري كثير علشان اختباراتهآ ..

مضى الاسبوع الاول من الاختبارات ..!!

في الجآمعه /

بسمه: بنات واخيرا خلص اسبوع وباقي اسبوع

امل: قطعنا نص المشوآر ..

هيفاء: حشى صرنا سباق دبابات

غاده:هههههههههههههههه

جود: والله اني تعبت

البندري: الله يستر اللحين اذا خلصت بجلس على اعصابي من زين هالدرجات والنتايج

البندري: أي والله من زينها

غاده: كل وحده مثل وجهها درجتها

رندا: كل واحد يتكلم عن نفسه اذا صارت مثل وجهي اكيد تجنن

بسمه: ارحميني تكفين

ديم: صادقه انا درجاتي تهبل علشانها مثل وجهي

امل: اقول طيروا بس

جود:هههههههههههههههه

ديم: انا بروح اجيب مويا احد يبي

الكل: لا مانبي..

ديم مشــــت للحمامآت ..

.....: ديم ..ديم..!!

ديم التفت :هلا مشاعل ..

مشاعل: هلا بك اكثر ..كيفك؟

ديم: بخير ..انتي كيفك؟

مشاعل: بشوفتك صرت بخير

ديم (الله يستر وش عندها وجه النحس) : دوم يارب ..

مشاعل: مشغوله؟

ديم: لآ ..ليش؟

مشاعل: ابغى احاكيك بموضوع

ديم: انا؟

مشاعل: هههههههه أيه انتي..

ديم: اوكي خلينا نجلس على ذيك الطآوله..

مشاعل: يالله

جلسوا ديم ومشاعل..ديم كآنت متفاجآئه لانه مشاعل ماتحب ديم وديم ماتحب مشاعل ..ولآول مرة تجلس وياها..

ديم: خير بغيتي مني شي؟

مشاعل: والله ياديم انتي ارتاح لك من بين كل بنآت عمك .. سبحان الله مدري وش فيهم علي رافعين خشومهم فوق

ديم: تسلمين ..وبعدين لا انا و لا بنات عمامي رافعين خشومنا بالعكس احنا نحب الناس ونحب نكون صداقات واكبر دليل معارفنا الي بالجآمعه طالعي ايش كثر البنات الي نسلم عليهم ويسلمون علينا

مشاعل ودهـا تذبحها: أي والله صادقه انتم ماشاء الله كل الجآمعه تعرفكم...المهم ابي اسألك سؤال بس بالله خليه بيني وبينك لايطلع

ديم: مو طبعي اني احب القيل والقال..

مشاعل مقهورة من كلامها : حلو ..بس بسألك ايش تعرفين عن اخو رندا الكبير

ديم فتحت عيونها على كبرها: فيصل؟

مشاعل: ايوه اسمه فيصل

ديم: وش عرفك فيه انتي؟

مشاعل: ام فيصل قايله لامي انهم يبغون يخطبوني لفيصل..وبصرآحه ماعرفت مين اسأل قلت مالي الا ديم

ديم ودها لو تمسح فيها الارض الا فيصل يامشاعل الا فيصل ..كان ودها تقول انها مزحه كذبه أي شي..

ديم: طيب ليش جايه تسأليني انا؟

مشاعل: قلت لك لاني ارتاح لك واكيد انك ماراح تخبين عني شي

ديم: عبير اختك وهي تعرف عنا كل شي ..سلآم

قامت ديم والدموع مجتمعه بعيونها ... تحس انها كذبه ..بس ايش تستفيد مشاعل ..وبعدين ايش معنى فيصل ..

[ مشاعل تكره ديم بشكل مب صاحي ..تغار منها.. كانت تفكر تفكير شي تحسب انه ديم شايفه نفسها باهلها وعائلتها ..وكانت تبغى تكسر شموخ ديم تبي تبين لها انه مو ناقصها شي عنهم .اختها ماخذه ولد عمها وهي يمكن تاخذ ولد عمها ]

ديم رجعت للبنات ..

هيفاء: ديم وش فيك وجهك متغير؟

البندري: ياقلبي اكيد الاختبارات ماترحم

ديم ابتسمت ابتسامه صفراء: ايه صادقه..

ديم جلست جنب رندا ..

ديم ودها لو تسأل رندا ..بس خافت تكون كذبه وتتمشكل مع مشاعل..وخافت تكون صدق وتنصدم بالاختبارات وبعدها ماتعرف تذاكر ..لانه حلم عمرها راح يتبخر

ديم بصوت مليان عبرهـ ..والبنات مع السواليف والضحك مب باين صوتها لان اصوات البنات العاليه غطتها

ديم: رندا

رندا: هلا

ديم: ايش رآيك بمشاعل اخت عبير؟

رندا: وع ماتعجبني بس امي متخبله عليها تعرفين وش معنى تعجبها تقول انها مثل عبير.. ياحبي لها منغره فيها

ديم سكتت عرفت انه كلآم مشاعل صدق ..بس رندا ماعندها خبر ..!!

ديم: جود ترى اتصلت على السواق واللحين برجع

جود: تونى نبي نفطر مع البنات

ديم بعصبيه: افطري انتي انا وراي اختبار صعب بروح اذاكر

جود خافت منها لآول مرة ديم ترفع صوتها: اوكي برآحتك..

ركبت ديم وطول الوقت كآنت سآكته ومانطقت ولا كلمة ..!!
جود حست انه فيها شي ..بس ديم لما تكون متضايقه مافيه امل تفضفض الا لما هي تجي من حالها..

جود: ديم ماتبي نمر احد المقاهي نشتري قهوة؟

ديم: لا مالي نفس

جود: معقولة ديم تترك معشوقها القهوة بهالسهوله

ديم تذكرت فيصل لفت رآسها وجلست تطالع النافذه

ديم: ايه راح اتركهـ ..

جود سكتت حست انه ديم تعبانه بس ماتحب تجبرها ... لآنه عارفه انه ديم بالاخير راح تجي لها وتحكي لها كل شي..

: : :

رندا الساعه 2 بالليل زهقت من الدرآسه والمذآكرهـ تبغى تغير جو نزلت تحــت كل الي بالبيت نآيميين وتركي كآن تعبان من المذآكرة والاختبارات لاسيما ان تخصص الصيدله صعب ..!!

فيصل بالصاله ماسك جريدهـ وجالس يقرآهآ ومشغل التلفزيون..

رندا : هههههههههه

فيصل: الاول الناس تسلم

رندا: ههههه السلام هههههه

فيصل: ضحيكني رندا وش فيك؟

رندا: الساعه 2 بالليل احد يقراء جريده؟ادخل نت وتلاقي الجرايد نزلت

فيصل: ههههه والله انك صادقه بس ايش اسوي ماعندي وقت من القضايا

رندا: الله يكون بعونك والله مالومك ..

فيصل: وين تركي

رندا: ياقلبي نااااااايم أول مرة يتعب هالترم

فيصل: الله مايضيع تعب الوآحد ..الله يوفقه ويوفقك

رندا:آميين .. فيصل تبي اسوي لك قهوة؟

فيصل: ياليـــــت ..

رندا: ابشر من عيوني

فيصل: تسلم عيونك رندوش

رندا دخلت المطبخ تسوي بلاكـ كوفي لها ولفيصل ..دق جوآل فيصل ..رندا مسكها قلبها( الساعه 2 مب عادته فيصل يدق جوال ..لو هو تركي ممكن بس فيصل لآ... اكيد صاير شي الله يستر ..)

طلعت من المطبخ ومعاها اكوآب القهوة..شافت فيصل ملآمح وجهه تغيرت وهو يكلم

فيصل: ايه انا فيصل...مين معاي؟

...: سالم

فيصل: سالم؟ سالم الـفـ.....

سالم: ايه..

فيصل: خير وش في صوتك؟ سعود صاير له شي

رندا تجمدت بمكانها لما سمعت حكي فيصل...

سالم: فيصل اسمعني سعود بالمستشفى

فيصل وقف :مستشفى؟

رندا هنا رمت الاكواب على الطاولة وراحت جري لعند فيصل ودموعها تسيل ..

سالم: ايه قبضنا على عصابه ابو غانم حقت المخدرات بس ابو غانم مخلى سعود بحاله كان معاهـ سكين وطعنه بصدره واللحين هو بغرفه العمليات

فيصل: لاحول ولا قوة الا بالله يالله انا جاي لكم ..بس سالم عيال عمي ابو مشعل لايكون عندهم خبر ..

سالم: لا انا ماقلت الا لك ....مايصلح على وجه الفجر نخوفهم وابو مشعل مو ناقص في ضغط ..

فيصل: زين سويت يالله انا مسافة الطريق وكون عندك ان شاء الله..

رندا: فيصـــــــل وش فيه سعود؟

فيصل: بغلافة العمليات ادعي له..

رندا لما سمعت طاري غرفة العمليات طاحت على رجول فيصل وجلست تبكي بصوت فضيع ..فيصل خاف انها تصحي امه وابوهـ وهو مايبي احد يعرف بعملية سعود...

فيصل : رندا انسي الي صار..اللحين هذا سعود مو لمى تفائلي بالخير لا تصيرين كذا..ولمى ادعي لها الله يرحمها ..

رندا: فيصل يرحم امك وابوك خليني اروح معاك..

فيصل: صاحيه انتي؟ اقول اتركيني خليني اروح...

رندا: ترى اذا مارحت معاك بروح مع السواق..

فيصل يدري انه رندا تقدر تسويها: يالله البسي عباتك بسرعه..

رندا لبست عباتها وركبت مع فيصل السيارة ماسكتت كانت تبكي بحرارة ..

فيصل: وبعدين معاك...ترى كذا اتوتر ماحب تبكين

رندا وهي تبكي: فيصل سـ...ـعــود مـ..ـتـ..ـى عمـ..ـليـ....ـتـ...ــه؟
فيصل: اللحين هو جوى العمليات..انا كم مرة نبهت عليه من ابوغانم بس هو مايهاب من احد ..!!

رندا تبكي اكثر..

فيصل: يوه رندا فكيني ..لمى ماتت خلاص تعبت وانا اقولك كملي حياتك عيشيها ..والي تبيه منك انك تدعين لها...

[ لمى اختهم تؤام رندا ماتت وهي بسادس ابتدائي من حادث مع السواق كانوا طالعين من المدرسه هي ورندا وصار عليهم حادث لمى دخلت العمليات وماتت اما رندا كانت في غيبوبه ]

رندا: انا خايفه على سعود ..يارب يطلع من العمليات

فيصل: ترى مو كل من يدخل العمليات يموت..رحمة الله واسعه .

رندا :ونعم بالله ..

وصلوا للمستشفى وسالم صديق سعود كان واقف عند باب العمليات ..فيصل راح عندهـ ورندا جلست على الكراسي الي جنب باب العمليات وكأنها في دوامه بكاء ..فيصل كل شوي يهديها..لدرجه انه سالم كان يحسبها وحده من خواته....!!

: : :







  رد مع اقتباس
قديم منذ /24 - 8 - 2009, 10:03 PM   #15

عَوُدّهَ حَمِيِدَهَ تَأنّقَتُ لهَآ قَدِيِمَاً

همس المشاعر غير متواجد حالياً

 رقم العضوية : 552
 تاريخ التسجيل : 19 - 8 - 2008
 المكان : عالم ببابين .
 المشاركات : 12,020
 النقاط : همس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond reputeهمس المشاعر has a reputation beyond repute

افتراضي

بسم الله الرحمن الرحيم

: : :

طلع الدكتور من غرفة العمليات

فيصل: فيه شي؟

سالم : طمني دكتور؟

رندا سآكته وكانت تستنى الدكتور يقول أي شي يريح قلبها

الدكتور: والله ماخبي عليكو المريض نزف دم كتير لانه السكين جت في احد شرايين القلب

فيصل: طيب اللحين وش العمل؟ نقدر نسفره برى؟

الدكتور: لا لانه هو لسى ماتعداش مرحلة الخطر ..انت اخوه؟

فيصل: لا انا ولد عمه وهذا صديقه

الدكتور: المريض محتاج دم وفصيلته نادره جداً ومش متوفرة حالاً فصيلته والمريض في حاله حرجه جداً

سالم: دكتور يالله انا ابي اشوف نوع دمي يتناسب مع سعود

فيصل: وانا

رندا دخلت استراحة النساء في المستشفى ومسكت القرآن واخذت تقراء ..

الدكتور: للأسف فصائل دمكم مش مطابقة لدم المريض...

فيصل جلس على الكراسي الدنيا تلف فيه مب قادر يساعد ولد عمه

سالم: لا حول ولاقوة الا بالله..فيصل خلني اتصل على مشاري

فيصل: يالله مالنا الا مشاري هو الي يعرف في الامور

رندا رآحت لعند فيصل

رندأ: هاه بشّـر ؟

فيصل: ماتطابقت معاه

رندا: طيب انا فصيلة دمي مطابقة له

سالم: بس الحرمه ماتتبرع بالدم

رندا: الا بتبرع..فيصل الولد يبي يموت واحنا نطالع فيه ومتكتفين

فيصل خاف على سعود : رندا تعالي معاي للدكتور

الدكتور: مخالف للأنظمة الست ماتقدرش تتبرع

فيصل بعصبيه: دكتور سعود بين الحياه والموت وتقول مايتقدرش اقول خلها تتبرع له ولا والله ان صار شي في سعود مب من صالحكم

الدكتور: طول بالك ..

جت الممرضه دخلت على الدكتور بعيادته: دكتور دكتور المريض محتاج دم ضروري بداء يضعف ضخ الدم في القلب..

رندا دموعها نزلت ..

فيصل: دكتور والي يرحم والديك بسرعه

الدكتور اخذ دم من رندا ..ودخل للعمليات

سالم: الله يجزاك خير ياوخيتي

رندا ماسكها فيصل وجلسها على الكراسي وجلس جنبها..

فيصل: يالله خليني اوصلك للبيت علشآن....

رندا قاطعته: فيصل ماراح اروح الا لمن يطلع الدكتور

فيصل: رندا اسمعيني زين واتركي عنك العاطفه انتي وراك اختبار بعد اقل من 4 ساعات بتدخلين القاعه ..وانتي ماذاكرتي زين

رندا: انا ذاكرت وباقي لي فصل واحد ساعه وانا مخلصته بس اللحين خلنا نتطمن على الولد..

فيصل قام من عند رندا وراح وقف عند سالم سند راسه على الجدار

....... فيصل .......

ليش رندا خايفه ومتوترة على سعود ؟ ليش اصرت على انها تتبرع له ...؟ ليش تركت اختباراها علشانه؟......لا اكيد هذا يتهياء لي لو كانت ديم او شوق او امل او أي وحده بمكانها راح تسوي مثلها ...خلاص فيصل بلاش هالتخيلات الي مالها داعي..يارب تساعد سعود وتخليه لنا

: : :

العنود نزلت للحديقه تبي تشوف سيارة سعود بالباركنق فيه ..لانه تآخر وخافت عليه

العنود[ الله يستر لايكون صار فيه شي مو عادته مايتصل يقول انه بيتأخر ...قلبي مقبوض عليه ..يارب مايصير فيه شي ]

راحت لغرفتها ..اخذت الجوال من الكومادينه تبي تتصل على سعود..

رن جوال سعود الي كان مع سالم..

سالم: فيصل...فيصل

فيصل: هلا

سالم: العنود اخت سعود تتصل على جواله ايش اسوي؟

فيصل: رد عليها بس لاتقول لها انه بالمستشفى علشان ماتخوف عمي وزوجته..قلها انه سعود راح يصلي بالمسجد

سالم: ان شاء الله ...

العنود: الو؟

سالم: هلا

العنود: لو سمحت وين سعود؟

سالم: سعود بالمسجد

العنود: طيب ماتدري ليش تأخر ؟

سالم: اليوم سعود ماسك المناوبه يعني مايقدر يطلع للبيت الا بكرى

العنود: لو سمحت ولا عليك امر اذا رجع خله يتصل علي

سالم: ان شاء الله..

......... العنـــــــود ..........

قلبي قابضني على اخوي..ماقد ترك جواله حتى لو كان بالمسجد مدري ليه احس فيه شي...لا بس الولد قال لي انه عليه المناوبه يعني مايقدر يكلمني اكيد هذي وساويس من الاختبارات يالله بس خليني ارجع اذاكر ..


: : :

الدكتور طلع بعد ساعه ونص ..

فيصل: وش صار؟

سالم : طمنا على سعود

الدكتور: الحمد لله تداركنا الوضع وهو الان حالته مستقره بس حنخليه في تحت الملاحظة ..شكراً جزيلا للآنسه انقذت الموقف بعد الله ..

سالم: الحمد لله

رندا رجعت لها الابتسامه ..وحمدت الله الي قوم سعود بالسلامه

فيصل: الله يريحيك يادكتور مثل ماريحتنا طيب متى نقدر نزوره؟


الدكتور: بعد مايطلع من الملاحظة ان شاء الله اليوم..!!

سالم: شكراً دكتور

الدكتور: دهـ واجبنا ..

فيصل: ماقصرت ياسالم الله يبيض وجهك والله انك اخو دنيا

سالم: وش دعوى يافيصل سعود اخوي وحقه علي اكبر من كذا..

فيصل: من طيب اصلك يالله ياسالم رح للبيت ريح ونام وعين من الله خير ..

سالم: يالله انا بروح واذا تبي شي عطني خبر

فيصل: تسلم .. فمان الله يالغالي...

فيصل رجع لرندا الي كانت واقفه وماقدرت تجلس من الفرحه

فيصل: اعتقد اللحين تطمنا على سعود..ومالها داعي جلستنا ولاسيما انه وراك اختبار

رندا: ايه خلاص خلنا نروح ومشكور يافيصل

فيصل: انتي الي مشكورة

رندا: على ايش ؟

فيصل: موقفك اليوم والي سويتيه لسعود ماراح انساه لك..

رندا: اكيد أي وحده بمكاني ماراح تتردد وتساعد واحد محتاج لها..

فيصل: الله يكثر من امثالك

رندا: فيصل ممكن اطلب طلب؟

فيصل: اكيد

رندا: ابي الي صار بيني وبينك لا يدري فيه احد وخصوصا سعود

فيصل: سالفه تبرعك بالدم؟

رندا: ايه

فيصل: ليش؟ انتي المفروض الكل يشكرك تبي تكتمين الموضوع

رندا: والي يسلمك لاحد يدري

فيصل: ابشري سرك في بير يالله خلينا نرجع للبيت

رندا: يالله

: : :

الصبـــــــــــــح في بيت ابو مشعل الكل كان متوتر على سعود........

ام مشعل: وين سعود من امس مابين؟ اتصل ومايرد


مشاري: افا مايرد

ابو مشعل: يمكن مستلم وعليه المناوبه

ام مشعل: كان يعطيني خبر

العنود نزلت وهي مبسوطه

العنود: صباح الخير..وجيهكم مب طبيعيه اكيد خايفين على سعود؟

ام مشعل: ليش انتي تعرفين عنه شي؟

العنود: ايه توها رندا اتصلت علي وتقول انه سعود اتصل على فيصل وقايل له انه راح يكون عنده مناوبه اليوم وبكرى ومايقدر يكلمكم تعرفين يمه سعود مايقدر يكلم

ام مشعل: بس ماقال لي

ابو مشعل: خلاص يام مشعل قال لولد عمه

مشاري: اهم شي مافيه خلاف؟

العنود: لا الحمد لله مابه شي..

مشاري: يالله انا بروح لعيادتي توصون شي؟

ابو مشعل + ام مشعل: سلآمتك ..بحفظ الرحمن

العنود: يمه يبه ادعوا لي بروح للجامعه

ام مشعل: يارب يوفقك وينجحك ويسهل لك امورك

ابو مشعل: بالتوفيق يابنيتي

: : :

ديـــم ماذاكرت كويس وطلعت من قاعه الاختبارات متضايقه سالفه مشاعل والماده صعبه و علاماتها بالماده مب زينه خايفه تسقط فيها ( ترسب)

البنآت مجتمعين ..

هيفاء: بنات شوفوا ديم اقبلت وجهها مو طبيعي

جود: ايه ماحلت زين

بسمه: ديم من قبل وهي مو مضبوطه

امل: اتركوها ترى ديم ماتحب كثر الاسئله

ديم جلست: السلام

الجميع: وعليكم السلام

غاده: شلون اختبارك ديم؟

ديم: زفت..وين رندا؟

العنود: طلعت اول ماخلصت الامتحان ماشفناها

جود: لبست عباتها وماقالت لنا


البندري: اختبارها تقول يجنن

بسمه: زين عقبالنا

هيفاء: طالعوا مين جاء

ديم التفتت شافت مشاعل

العنود: اللحين تنشب بحلوقنا

جود: الله يعيين على هذرتها وغثاها

ديم نزلت دموعها تذكرت سالفه فيصل

البندري: وش فيك ديم؟

امل قاامت من مكانها : ديومه وش فيك ؟

ديم جلست تبكي والبنات حولها

جود: وش فيك تكلمي؟ وقفتي قلبي؟

العنود: حبيبتي اختبارك مو حلو؟

ديم هزت راسها يعني ايه

بسمه: ياقلبي عادي اختبار دنيا ...احنا ورانا اختبار اصعب اختبار الاخره

هيفاء: اسمعيني ديومه كلنا ماحلينا اوكي بس ادعي وان شاء الله ربي يستجيب

امل: ديومه الاختبارات كذا اذا ماحليتي زين طلعت النتيجه حلوة

جود حست انه ديم مو هذا الي بكاها .. ورآها سالفه ...!!

العنود: يالله حبيبتي قومي معاي مسحي دموعك واتركي هالخرابطي وخلي ايمانك بالله كبير

ديم: ونعم بالله

البندري: ديم تراك مو حلوه لما تبكين .. من جد بايخه

ديم ابتسمت لكلام البندري

بسمه: يالله انا اليوم راح افطركم على حسابي

غاده: لا ياحبيبتي اعزمينا على بيتزا هت على الغداء

امل: من جد اشتهيتها نفسي فيها

بسمه: اقول طيري انتي وياها مابقى الا هي...

جود: اساسا مايمديكم السواق عند الباب وبكرى ان شاء الله بتعزميننا حتى رندا مب معانا

بسمه: يؤ يؤ خلاص ماراح اعزمكم ياليوم يا مافيه

البندري: اقول ماعلي منك بكرى عليك لاتخليني اصرخ بطول صوتي واقول بكرى بسمه عليها الفطور


بسمه: لا تكفين الا صوتك

العنود: بنات وصلوني معاكم

امل: ترى ضاري الي راح يوصلهم

العنود: امانه؟؟

جود:هههههههههههههههههه لا تمزح

امل:هههههههههههه

ديم ابتسمت لهم : باي بنات

غاده: ديوم روقي حبوبه

ديم : ان شاء الله.. باااي


: : :

رندا طلعت بدري من القاعه سلمت ورقتها وطلعت لبست عباتها وراحت مع السواق والشغاله للمستشفى ..[ طبعاً محد يدري ]

رندا راحت لعند دكتور سعود دخلت عيادته..

الدكتور: والله يامودزيل طلبك غريب ولكن الي انتي عاوزاه حيصير مش حقول لسعود عنك ابدا



رندا: مشكور يادكتور

الدكتور: مع اني كنت حقول لسعود مشان يتشكرك

رندا: لا ماله داعي ..دكتور سعود متى يصحى ؟

الدكتور: والله تقريباً بعد 5 ساعات

رندا: شكراً دكتور عن اذنك

الدكتور: العفو....شرفتي


رآحت لمحل الورد واخذت بوكيه ورد الجوري مرتب ومنسق ودخلت لغرفه سعود بعد ما تأكدت انه ماراح يصحى اللحين من البنج ..حطت الورد ع الطاوله لفت بتطلع الا سعود بداء يفتح عيونه ارتبكت على طول طلعت ...سعود كان يحسبها حلم او لسى في غيبوبه....!!

: : :

ابو مشعل: واللحين فيه شي؟ وينه فيه؟

فيصل: أهدئ ياعمي مابه الا العافيه

ابو مشعل: وليش ماقلتي لي

فيصل: العمليه امس الفجر ماحبيت اقلقكم واخوفكم زياده احنا كنا معاه واليوم ان شاء الله راح يصحى وتقدر تزوره


ابو مشعل: كثر الله خيرك ياولدي يافيصل

فيصل: ولو ياعمي ترى هذا سعود اخوي


ابو مشعل: انا بروح له اللحين

فيصل: يالله معاك ياعمي

ابو مشعل: طيب ام مشعل ماعرفت بالخبر

فيصل: توني قلت لمشعل ومشاري وقالوا انهم راح يقولون لها وياخذونها تشوفه

ابو مشعل: صار خير يالله يابوي خلنا نروح

: : :

العصــر تركي نزل الصاله وكانت فيه امه..

تركي: ياهلا بالغاليه

ام فيصل: هلا بك وينك ياوليدي ماتنشاف

تركي: والله يا يمه تسلم يدينك على هالغرفه الي سنعتيها لي والله من رتبتيها وانا بس مسنتر فيها هع هع

ام فيصل: أي غرفه؟

تركي: غرفتي

ام فيصل: معقوله؟ غرفتك صايره سنعه والله الي اخبره انه غرفتك ماقد احد نظفها

تركي: لا والله يمه من جدك؟ غرفتي صايره تجنن حتى اني ماصرت اذاكر بالملحق صايره تفتح النفس وتشجع للمذاكره


ام فيصل: لا والله مو انا الي رتبتها

تركي: الخدامات؟

ام فيصل: لا لا من بعد ذيك المره يوم تهاوشهم علشان كنسوا الارض ماصاروا يدخلونها ابد

تركي: مين؟ رندا

ام فيصل: مع اني اشك الا انها هي الحل الاخير

تركي: لا والله مدري أيش رندا مارتبت غرفتها تبينها ترتب غرفتي

ام فيصل: غريبه...!!

تركي: بروح اسألها

ام فيصل: زين تراها نايمه بالله صحيها خلها تذاكر بكرى اخر يوم لها ..

تركي: كلنا اخر يوم والله يايمه مافتحته من الوناسه

ام فيصل: اسمعني ذاكر بسرعه ورح لولد عمك زوره

تركي: منهو؟

ام فيصل: سعود

تركي: وش فيه؟

ام فيصل : بالمستشفى

تركي: وشو؟ متى؟

ام فيصل: امس فيصل كان معاه وسوى له عمليه واحد من هالمجرمين ذبحه بصدره

تركي: اللحين بروح له

ام فيصل: زين انا بروح لهم بالليل مع عمتك صيته

تركي: يالله بصعد اغير ملابسي وبروح له



رندا كانت طالعه من الحمام ( وانتوا بكرامه) ...

تركي: رندا


رندا: هلا

تركي: انتي رتبتي غرفتي؟ تكفين قولي لا علشان اصدق

رندا: غرفتك؟

تركي: ايه غرفتي

رندا تذكرت: ايييييه ايييه تذكرت حزر فزر مين الي رتبها

تركي: حشى فوازير رمضان

رندا: ههههههه لا الي رتبها ريانه

تركي : صادقه انتي

رندا: يه انا ماحب اكذب

تركي: كيف دخلت غرفتي؟

رندا: لما نامت عندنا هي والبنات شافت غرفتك منعفسه رتبتها

تركي:اهااااااااااااا ...والله شي هالريانه غرفتي صايره خوش غرفه اول مره انام فيها وانا مبسوط

رندا: ايه المسكينه حتى ملابسك رتبتهم

تركي: لا صادقه؟

رندا: والله

تركي: لا هذي يبي لها الواحد يتشكر لها شخصيا

رندا: تكفى متعوب عليها شخصيا هههههههه

تركي: اقول طيري بس بروح لسعود تأخرت

رندا: سعود؟ هاه شلونه اللحين؟

تركي: ياربي كل هالعالم عارفين بسالفة سعود الا انا مدري وين انا عايش بزحل ولا المريخ

رندا: لا بالزهره ههههههههههه

تركي: الشرهه مو عليك علي انا الي اعطي هالبزارين وجه

دخل غرفته وسكر الباب ..

: : :

ديم : مين ؟

جود: انا ..ادخل؟

ديم: ايه حياك

جود دخلت غرفة ديم وسكرت الباب وراها ..

ديم: يالله ياجود بكرى اخر يوم

جود: ياحظكم انا بعد بكرى ياحبي لي

ديم: الله يكون بعونك

جود جلست على طرف سرير ديم..وديم كانت على مكتبها تذاكر..

جود بصوت فيه جديه واضحه: ديم

ديم: هلا

جود: اليوم وش فيك بكيتي؟

ديم بلا مباله: اختباري مب حلو

جود: دايما تطلعين واختبارك مب حلو ايش معنى اليوم؟


ديم: مافيني شي ..من اليوم والبنات ماتركوني بحالي الا قبل شوي اتصلت بسمه وامل يسألوني وش فيك هههههههه

جود: انا غير الناس ..انا اختك

ديم: جـــود ....

جود: هلا

ديم: انا راح اقولك على الي مضايقني بس كل شي بوقته حلو

جود: اوكي انا ماراح اضغط عليك..متى ماتبين تكلميني تلاقيني..اسمعي تقول امي بتروحين معانا نزور سعود ولد عمي بالمستشفى

ديم: ايه انا مابقى لي شي كثير بالماده ...خليني اروح اتطمن عليه ..بغير ملابسي

جود: بسرررعه..وتقول امي لاتحطين عطر علشان الجرح مايشتم ..ترى خطر عليه

ديم: اوكي تشبهين شوق اذا جت تتفلسف بالامور الطبيه ههههههه

جود: ههههههههههههه

: : :

بالمستشفى .....!!!

بالجناح كانت ام مشعل والعمه صيته وام فيصل وام عبد العزيز والعنود تقهوي الحريم الي كلهم جالسين عند سعود يتحمدون له بالسلامه ....الي مايقدر يرفع راسه من التعب ..!!

اما بالصاله الصغير الي صايره تبع الجناح كانت فيه جود وامل وديم والعنود وعبير زوجة مشعل ...!!


جود: وين ريانه ياعبير؟

عبير: هههه تخيلي نزلت واحنا حالتنا حاله نبي نروح والاخت توها ماخذه شاور وحاطه دهن العود وخالتي ام مشعل اول ماشافتها اكنت تبي تموتها ....

ديم: هههههههههههه

امل:ههههههههه تبي تذبح سعود هذي هههههههههه

جود:هههههههههههههههههه

عبير: وين شوق ورندا؟

امل: شوق بكرى اختباراها صعب بالحيل ومن يوم صحت وهي ذابحه عمرها تذاكر

عبير: ياحبي لها شوق الله يوفقها ويعطيها على قد نيتها ..

جود: اما رندا دلوعه تلاقينها ماتحب ريحة المستشفيات على قولتها

ديم:ههههه حرام عليك

امل: هههههههه أي والله صادقه جود

عبير: ههههههههههه

طلعت ام فيصل من غرفة سعود وجلست مع البنات ...

جود: انا ابي اروح اسلم على سعود..

امل : خذيني معاك

ديم: انا سلمت ...بجلس استناكم مع خالتي وعبير

ام فيصل: شلون اختباراتك ياديم؟

ديم: ان شاء الله زينه

ام فيصل: الله يوفقك يابنتي ..

ديم: آمين

عبير: شلون رندا واختباراتها...

ام فيصل: طاير عقلها من الفرحه بكرى اخر يوم لاختباراتها ..وانتي ياديم معاها اكيد فرحانه

ديم: ايه ياخالتي بكرى آخر يوم من الفرحه ماتشوفوني طالعه هههههه

عبير:هههه

ام فيصل: ههههههه تبين الفكه من المذاكره

ديم:هههههه اكيد ...

ديم رن جوالها طلعت برى علشان تكلم...كان السواق وقالها انه عند الباب...دخلت ديم على ام فيصل وعبير ..

ام فيصل: ماشاء الله.. كم بقى لها وتتخرج

عبير: بعد سنتين

ام فيصل: ماشاء الله عليها هالبنت كامله والكامل الله

عبير: تسلمين يام فيصل

ام فيصل: والله اذكرها يوم كانت صغيره ماشاء الله كبرت اللحين وصارت عروس ...اذكر امك تقول انه مشاعل شطيونه على عكس عبير

عبير: ههههههههههه

ام فيصل: ماشاء الله من حظ الي راح تكون من نصيبه

عبير ابتسمت لها ...

ديم لما سمعت الكلام ..كآنها سكاكين تطعت بصدرهآ ..

عيونها دمعت ...

ديم: عبير قولي لآمي وجود انه السواق تحت انا نازله مع السلامه

عبير: ديم ديم


ديم سكرت الباب وطلعت نزلت تحت بحديقة المستشفى تبكي...

...... ديــــــــم .......

طلع حكييك يامشاعل صحيح...فيصل معقوله حبي له راح يروح كذا ..معقوله فيصل يبيها... بس الي باين عليه انه يحبني...كله مني ...انا الي عيشت نفسي باوهام وتخليت انه فيصل يحبني لحد ماتعلقت فيه وصرت ماقدر اتخلى عنه...آهـ ياخالتي لو تدرين انه بكلامك هذا تجرحيني ..آهـ بس آهـ


جود لما قالت لها عبير انه ديم كانت مو طبيعيه نزلت بسرعه...وشافتها تبكي...ضمتها وركبت معاها بالسيارة يستنون امهم...

ديم بصوت مبحوم من البكي: جــود انا مجروحه ...

جود: ماعاش الي يجرحك ..

ديم: قلبي انكسر ...عشت حلم واليوم صحيت منه...

جود: ديم حبيبتي فهميني وش فيك تتكلمين بالألغاز ..فهميني

ديم تبكي بحسره: الحقيـــره تبي تاخذه مني ..ابي اتنازل عنه

جود: فيصل؟

ديم تضم جود: ايه

جود: من هي؟

ديم: مشاعل

جود: لا ياديم ماتقدر..

ديم: انا سمعت خالتي ام فيصل تحكي فيها ورندا تقول انها تحبها وهي مشاعل قالت لي بلسانها

جود: مستحيـــل.. بسألك سؤال اول شي هدي نفسك

ديم تمسح دموعها

جود: فيصل اللحين خطبها؟

ديم: لا

جود: خلاص يعني ماصار شي انتي سويتي سالفه وهو ماصار شي ...اذا خطبها وقتها ابكي...انا اقولك من اللحين فيصل لديم

ديم: انتي كيف عرفتي انه الي اقصده فيصل

جود: انا اختك ياديم كيف ماعرفك

ديم: بس انا اكرهه خلاص اكرهه تعرفين وش معنى اكرهه

جود: انتي تكذبين على نفسك

ديم بصوت عالي: اقولك خلاص انا بطلت احبه انا صرت اكرررررررهه

جود: اسكتي اسكتي طالعي امي جات سكري ع الموضوع


: : :

سعود: يمه مين الي تبرع لي بالدم؟

ام مشعل: والله مدري..كل من سألته يقول مايدري

العنود: الله يجزاه خير

سعود: طيب مين الي جاب لي الورد الصبح انتي يالعنود؟

العنود: لا انا ماعرفت بموضوعك غير الظهر

سعود: معقوله؟

ام مشعل: ليش؟


سعود: اليوم دخلت علي وحده وحطت الورد ولما صحيت على طول طلعت

عبير: يمكن ياسعود يتهيئ لك توك صاحي من البنج

سعود: لا انا متأكد

العنود: سألت الممرضات؟

سعود: ايه يقولون ماندري

ام مشعل: يمكن غلطانه ههههههه

عبير: ههههههههههه

العنود: هههههههه

....... سعــــود .......

كيف لو تدرون يا يمه ان الي جابت لي الورد هي نفسها الي تبرعت لي بالدم ...بس ليش الدكتور والممرضات مب راضيين يقولون لي ... ياربي مين تكون هالبنت ؟

: : :

فآرس: يبه وين راح تودينا هالصيفيه؟

ابو عبدالعزيز: انت خلص اختباراتك بالاول وبعدين يحلها ربك

فارس: لا والله يبه انا وتركي ودنا لو نسافر كلنا


ابوعبدالعزيز: شلون كلنا؟

فارس كان وده يقول نبي عمتي صيته وبناتها بس خآآف...


فارس: يعني كل عمامي ورجل عمتي نسافر سواء


ابو عبدالعزيز: والله فكرة ..انا نفسي نصيف هالسنه في بيروت في الفله الي عندنا

فارس: والله انك جبتها يبه هاه وش رايك

ابو عبدالعزيز: خلي سعود يقوم بالسلامه وان شاء الله ابي اقترح على عمامك هالاقتراح

فارس تحمس بزياده يعني بيسافر مع امل ..كان وده يطير من الفرحه...

::::::::









  رد مع اقتباس
إضافة رد

مواقع النشر (المفضلة)

الكلمات الدلالية (Tags)
ممحاة, للكاتبه, الهلال, اشتقت, سارة, غرور, كلآمه

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يوتيوب سارة والحصان جمانة . صور ومعلومات عن بطلي فيديو سارة . قصة سارة والحصان جمانة ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 6 - 1 - 2015 6:29 AM
اشتقت لك كثيرا فهل اشتقت لي يوما 2014 ● н σ d σ α خواطر ونثر - فيض الخواطر 1 21 - 7 - 2014 6:24 PM
روايه اشتقت لك لين صارت بي منك لمحات txt للجوال ● н σ d σ α قصص - روايات - روايات كاملة - روايات طويله - روايات غرام 21 7 - 2 - 2012 9:38 PM
اشتقت لك - قصيدة اشتقت لك - تحميل قصيدة الشوق اشتقت لك نبضها عتيبي شيلات mp3 - شيلات 2017- قصائد صوتيه - قصائد مسموعه - موفن نت 19 10 - 10 - 2011 4:45 AM
أنشوده زين الشهور كآمله - تحميل أنشوده زين الشهور كآمله- مشاري العفاسي دعآيه زين لرمضآن نبضها عتيبي تسجيلات اسلاميه-الصوتيات والمرئيات الإسلامية 11 25 - 7 - 2011 3:49 AM


الساعة الآن 8:43 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy