العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

عجزت اقاوم وخميتها ..حظنتها بقوووه..وابتسمت.....

..حظنتها , اقاوم , بقوووه..وابتسمت..... , عجزت , وخميتها عجزت اقاوم وخميتها ..حظنتها بقوووه..وابتسمت..... السلام عليكم ورحمة الله وبركاته صبآإآإآحـ ...

إضافة رد
 
LinkBack أدوات الموضوع انواع عرض الموضوع
قديم منذ /13 - 10 - 2009, 8:59 PM   #1

× رَجُل شَرقِي ×

عنآدي يهزكـ غير متواجد حالياً

 رقم العضوية : 2509
 تاريخ التسجيل : 22 - 9 - 2009
 المكان : عَلىْ رَصِيفْ الأمَلْ .
 المشاركات : 40,947
 النقاط : عنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond reputeعنآدي يهزكـ has a reputation beyond repute

عجزت اقاوم وخميتها ..حظنتها بقوووه..وابتسمت.....


السلام عليكم ورحمة الله وبركاته
صبآإآإآحـ & مسآإآإ الدفا
ع الجميع

قصه بأسلوب احد الاعضاء باحد المنتديات
اعجبتني كثير
ولطشتها لعيونكم عشان تستمتعو بقرائتها
هو وعد بتكملتها واذا كملهاا
لطشتها مره ثانيه بعد>>>> ماعنده تفاهم الاخ

القصه:
كنت اراقبه وهو يدخل..اتأمل ملامحه..طوله..شكله..ملابسه...
ياااااااي يجنن يجنن يجنن ..له هيبه مو طبيعيه..رغم ان عمره لسا 23 سنه..من داخلي انتفض مو خوف..ما ادري.. شي حلو ولذيذ يخليني ارتجف..وغصب عني اكتم ضحكه صغييييييره..
لحظات شوق..فرح..حب .سعاده.لحظات اختصرت فيها حب عمره سنين وسنين..
تدرون عاد..
دايم اذا فكرت فيه اسأل نفسي متى يابنت حبيتيه؟؟؟
اجهل حقيقه متى ابتداء هالشعور..اللي اعرفه اني احبه وبس..مو احبه الا حبي تعدى الوصف..
يمكن ظروفنا خلتني اتعلق فيه غصب..
.......................................
كان يوم مايشبه غيره من الايام..كان فيه ابتسامه مو طبيعيه..فيه راحه..وشعور يقولك..اليوم لازم تنبسط..
الدنيا كانت غيم..وفيه رشات خفيفه. ونفحات هوا بارده.ياحلوه هالاحساس..اموت في ايام الشتاء ...
رغم اني اكره القومه من النوم..بس بعدها يااااي تحس بنشوه..حلو لما المناخ يلعب في جغرافيه مشاعرك..وانا هاليوم كان مسوي اعصاااااااااااااار بمشاعري وقلبي الصغيرون..

سمعت دقت الساعه...اليوم خميس..اووووف باقي عالدراسه 3 اسابيع بس...الله يصبر قلبي..
رفعت اللحاف وطلعت عين وحده بس وكلي كسل ..ابي اتاكد يارب مو عشر ابي انااااااام..
نغزني قلبي ليش حطيت المنبه على عشر..فزيت بقوه وجلست .. قمت اتلفت حواليني الغرفه مو غرفتي انا وين...
لما نتبهت تنهدت بفرح..وغصب عني ابتسمت.طار النوم.. وهالابتسامه توسعت ابي اجمع فمي ماقدرت استسلمت لجنون مشاعري وضحكت صرت اضحك بخجل وبخوف وبأمل وبحب..كل شي احسه طلع مع هالضحكه. احاول اسكت لايجي احد ويقول وش عندها انهبلت ضربت راسي يالخلبه حبيب القلب راح يوصل اليوم..

اليوم..ولد خالتي راح يوصل..
حبيب قلبي راح يشرف بيت جدي..
واااااااااااااااو اخيرا..اخر مره شفته كانت مثل هالوقت قبل سنه..
مده طويله على قلب عااااشق مووووو؟؟
رحت غسلت وجهي..ونظفت اسناني. رتبت شعري وربطته بشريطه ستان ابيض...لبست بلوفر بينك..وحطيت بروش فيه فراشه بيضاء صغيره لبست تنوره جينز ستريت بنص الساق..واخترت بوت ابيض ..تاملت بلوفري..احبه واعزه تدرون ليه هالبلوفر قالي حلو لونه. ويجنن علي يشوفوني فيه قمة البرأه والطفوله.من يومها انا خلالالالالالاص..
صرت اذا اشتقت له البسه...ههههههههه وربي اني مجنونه..هالتصرفات الغبيه كانت مسكن لنار شوق تحترق داخلي.. رغم انه ماراح يشوف لبسي..بس كنت ابي اكون حلوه ومرتبه عشانه..
نزلت تحت..الفرح ماكان بس بعيوني..بعيون الكل..امي جدي..جدتي..خالاتي..
رحت لجدتي حبيت راسها..طليت بوجهها وقلت..مبسوطه يمه..
تبسمت وبعيونها دموع لو نزلت غرقت الدنيا بطوفانها: قالت ليش ما افرح يا لمى وخالد اليوم بيجي..
ريحة الغاليه..والباقي منها وتساليني مبسوطه..اليوم عيد يابنيتي عييييييد..
جلست اتاملها.بعيوني كلالالالام كثير.لو دققت في عيوني فضحت كل اللي بقلبي.كنت بداخلي ودي اضمها ودي اصرخ مو عيد لك بس يمه عيد لي..لقلبي..لحياتي..
عجزت اقاوم وخميتها ..حظنتها بقوووه..وابتسمت..هذي حيلتي..وماعندي غيرهالابتسامه اقدمها..
تلفت حولي..مالقيت احد.اااااااااااه . خليني اطلع فوق..
استقبلتني امي باحلى ابتسامه..هلا لمو خليتي جدتك لوحدها..
لمى: لا ماما بس شكلها غرقت بذكرياتها وماودي اخرب عليها..
ام مشاري:طيب تعالي ساعديني ارتب الغرفه..
سويت نفسي ماودي..تأففت وانا بداخلي اقول ماطلبتي يمه..
غيرنا المفرش..وبدلنا المخدات.. بخرناها ورتبناها عدل..بس حسيت شي ناقص..
كنت ابي اسوي حركات فيها..ومالقيت عذر قوي او حجه حتى اطلع السوق عشانها..
توكلت على الله..وقلت مالي غير جدي..فديته دوم فاهمني ومستحيل يقول لأ..والاهم..مايقوى امي غيره..هههههههه وانا عاد هنا ما اعرف استغل هالنقطه ابدا..

نزلت ادوره لقيته بالحديقه جالس ..سلمت عليه..وجلست جنبه..ناظرني..وضحك..
ماقدرت الا اضحك..حطيت يديني على وجهي..قلت يوووه وانت دوم كاشفني...
قالي يالله وش عندك..
كنت مازلت مغطيه وجهي..بعدت الاصبعين اللي على عيني.. وقلت ابي السوق...
طالع ساعته..وقال : هالوقت..
قمت وجلست قدامه.. قلت بصوت طفولي.. جدي يعني وش رايك بطلع كذا بس..والا عندي سبب قوي..
ركز نظرته على عيوني وقال: وش عندك طيب..
رديت بسرعه.. ابي محل ورد..
ضحك وقال: انتبهي لعمرك يالمى..الدنيا مو دايم بكيفنا..
انا هنا دوروني..ماراح تلقوني..وجهي لوحه تشكيليه من الالوان..وحسيت عيوني صارت كبر الكره الارضيه..ياربي عسى مو فاهمني بس..حاولت اشتت خوفي وخجلي وبسرعه قلت والمعني يبه..نروح والا لا..
رد علي بابتسامه : جيبي عبايتك..
ماصدقت وركضت للبيت ..ناديت عالخدامه تروح معاي.. وطلعنا..
ممكن تستغربون كيف انا مع جدي فري..معلومه بسيطه لعيونكم عن جدي..
جدي ياحبايبي جنتل عالاخر..مره متفهم وفري بحدود..يمكن وجوده برا المملكه اثر فيه..كان يشتغل بمصر..وبعد ماتزوج جدتي جلسوا بعد زواجه هناك 3سنوات ورجعوا..بعد ماقعد اكثر من 12 سنه.امممم جدي مو كبير مره لانه تزوج وهو صغير عمره كان 15.وجدتي 13ولما انولد خالي كان عمره 17.اكبر عياله خالي محمد وماعنده غير بنوته عسل هي ساره..وفارس ..وسارونه تدرس بكلية الطب بجامعة فيصل..اما فارس لسى ثالث متوسط

بعده امي اممممموااه فديتها..
وبعدها خالتي ساره الله يرحمها لوكانت عايشه عمرها تقريبا 40 سنه وهذي هي ام خالد..توفت وماعندها غيره..ياقلبي هو بس فديته.
وكانت تؤامها خالتي ام لوجين وهذي عندها لوجين 17وخزامى عمرها 15 ورغد5 سنوات..ومحمد13 سنه.وللمعلوميه خالتي متزوجه عمي(اخو ابوي من الاب بس) بس ساكنين هنا بالشرقيه .ولهم بيت بالرياض
امممم بعدهم خالي سلمان وهوعنده 3اولاد وبنوته كيوووت اللي هي مي ..وهذا شبه مستقر بكندا مانشوفه غير كل سنه مره ومرات لما نسافر كلنا مع بعض يجي للدوله اللي احنا فيها .. درس البكالوريوس بكندا وبعدها الماجستير والان يحظر الدكتواره هناك..شكل الحياه عاجبته عندهم.. حتى ولده الصغير فيصل مايتكلم عربي غير بسم الله..والسلام عليكم..والباقي انقلش..فديته هالولد مره اموت فيه ..
امممممممم و بعدهم خالتي نوف وعندها بنت اسمها سمر11سنه وولدين فهد عمره 8سنوات وسامر4سنوات.
واخر العنقود خالي بدر فديت قلبه وهالخطير عايش برومانسيه مالها حد..خاطب اخت صديقه دانه من سنتين..وزواجه هالصيف ان شاء الله..ياحبي لاهلي بس..الله يخليهم لي..^_^

اهل امي فيهم ميزه..يتزوجون البنات صغار..مررره يعني امي عمرها 14 سنه بس يوم تزوج..هي خالتي نوف بس اللي خلصت الثانوي وتزوجت..حتى خالي محمد تزوج وهو لسى بالسنه الاولى جامعه..عشان كذا الفرق بينا وبينهم بسيط..يعني امي بيني وبينها بس 15 سنه رغم اني اخر العنقود..

امممم وين شطحت انا خخخخ يبي لكم خريطه انساب عشان ماتتخربطون. من المتاهه اللي دخلتكم فيها يالله ماعليه مع الاحداث بتفهمون .

اي صح..انا مع جدي فديته طلعنا هوم سنتر ..شريت شموع وفواحه انا اموت بريحتها..بعدها رحت وشريت ورد
شريت له عطر وغلفته ..ورجعنا البيت عالظهر..كان جدي يعاتبني..اخبرها محل واحد اشوفك سحبتيني بالخبر كلها..
ابتسمت ومارديت عليه.رصيت على ايده بمعنى الله لايحرمني منك ..كنت مبسوطه وفرحاااانه عالاخر..كل شي يجبرني انبسط وافرح ..كل شي..

وصلنا بيت جدي العزيز..
دخلت الخدامه ومعاها الاغراض..وانا وراها لما دخلت كانت هناك المفاجأة تنتظرني




((((الجزء الثان))))):



وصلنا بيت جدي العزيز..
دخلت الخدامه ومعاها الاغراض..وانا وراها لما دخلت كانت هناك المفاجأة تنتظرني
حسيت بحراره..وريحه احتراق...ياربي هذا جسمي يحترق ليش..

اهااا من نظرات امي..
شلت برقعي..وانا ابتسم<<< الابتسامه لها سحر عجيب على امي..
قالت بعصبيه : غير هالا بتسامه..لا احم ولادستور وين ان شاء الله...
جلست اناظرها..شتت نظراتي على كل اثاث البيت..
صرخت علي: لمى انا اتكلم ليش طلعتي بدون اذني..
خفت..ياربي جدي متى يدخل وينقذني. علمتني حياتي امي معصبه انطم ولا ارد عليها اذا ردي مو بصالحي .تاخر جدي ماوصل اوووف نسيت انه مايمشي بسرعه دوومه هادي فديته ..ليتني صرت حنونه ومسكت يده..
وانا بغرقه افكاري قطع علي صوت جدي..فديته..
خير يام مشاري..صوتك واصلني وانا برا..

امي وهي منفعله ومتحمسه ومتوقعه جدي بيزفني لو عرف:هالبنت ما اخذت لي اي اعتبار وطالعه وانا ماعندي خبر ..لو متصل ابوها وش بيقول من تطلع من الرياض تهيت بنتها..

قاطعها جدي: مها..انتي مربيه بنتك بتتوقعين تطلع كذا..البنت راحت معاي..والا انا مو قد الثقه..

امي وجهها احمر..وحسيتها ارتاحت..كان ودي اضحك..بس سويت حالي البنت المظلومه حطت شعرها ورى اذنها من العصبيه وقالت بصوت مرتاح:هاااه ..ايه دام كذا مايخالف..ورجع لها الغضب مره ثانيه وكملت بس مايمنع تمرين وتقولين بروح مع جدي..اقلها اطمئن..
استغليت الفرصه وقلت بصوت باكي: لو معي موبايل ما استهميتي علي..
يالطيف ياليت ماقلتها.. امي مو عصبت ووووووولعت..
قربت مني وقالت.. جوال انسي.. احلمي يكون معك..
لما شفتها قالت كذا..قلت النحشه يابنت..مايبي لها كلام..خخخخخخخخ
اعرف امي..اذا اهتمت او انتظرت شي .. يسهل استفزازها..وردات فعلها تكون عصبيه حتى لو ماتستاهل..
واللي بيجي اليوم خالد فديته..وش اكثر من هذا مهم ..

طلعت غرفته.
حطيت الورد على السرير..والكتاب عالكمديون..هذا شريته له لما كنت بالاردن يستاهل وربي
خليت الشمع عالدريسنق..وحطيت جنبه صوره لنا..
صوره فيها انا وخالد..ومشاري ..ومحمد..وفهد..<<< اخواني
وفيها خزامى..ولوجين<<< بنات خالتي
وساره<< بنت خالي
كانت الصوره تجنن
خالد جالس وبحظنه ساره..وانا واقفه على يساره حاطه راسي على كتفه<< ياحبي لي انواع التلزق فيه..
كان مشاري واقف جنبه الايمن ولوجين ماسكه يده وهي تبتسم..
محمد عاقد حواجبه وفارد صدره وحاط يده على خصره ويطالع الكميره وملامحه جديه ولاهمه يقالك كبير..
اممم فهد كان بعالم ثاني..معه كوره ويطالعها
اما خزامى..ههههههههه هالبنت تجنن من وهي صغيره
كانت داخله عرض وتطل بوجه فهد..<<< انواع المناقر هي وفهد لما كبروا

فديتهم..وفديت ايامنا..كانت عسل وتجنن..كلها حب ووناسه واستهبال..كان اجتماع اهل امي دنيا ثانيه
ننتظر متى نروح الشرقيه بس عشان نستهبل ونفرح..كان بيت جدي كرنفال..صراخ لعب..فلللللللله
حتى انه بنى مسبح خصيصا علشاننا..ولما كبرنا وشاف شطانتنا سوى بالحديقه مكان للباربيكيو.وبنى للشباب ملعب كره طائره..يلوموني يوم احب اهل امي اكثر..
كانوا اهل امي عكس اهل ابوي..التضاد بكل شي
جدي ابو ابوي مايحب الازعاج..ومرتب.يمكن لانه عسكري اثر فيه.مايبي نخرب شي. حتى الاكل بنظام.
عندهم مزرعه..ودايم جدي يضربنا ليش نمشي وسط الزرع ونكسره..
والمصيبه انه يعرف اثار رجلينا..يعني تهرب تكذب مافيه...
اتذكر مره ضربني مشاري..رحت لبست جزمته ومشيت وسط حوض الجرجير..
لما رجعت البيت كنت اضحك..متأكده جدي يعطيه علقه محترمه..
كنت جالسه على نار متى يجي جدي يجلده..
بس للاسف ماكنت اعرف المثل اللي يقول: من حفر حفره لاخيه وقع فيها..
كنت منسدحه عند توم وجيري..مادريت الا انا موقفه على رجولي..اح شي يعورني..وانا وشلون قمت..
ااااااي ..لما التفت لقيت جدي..يممممممممممممممممممممممممممه
لاشعوريا بكيت..زاد مسكته لاذني..وانا انواع الصراخ..ضربني مع راسي ضربه حسيت عيوني تلعب كيرم بالجمجمه..صحت اقوى..
قال لي: هذا عشان ماتلعبين بالحوض وانا منبهكم مليون مره..تركني وراح انا بعدها ركض و
رحت لامي: قلت بنرجع الرياض..مابي القصيم..وابوي يجيبنا هنا عشان يعذبنا ابووه..
امي دوروها ماتلقونها: قالت ياقلبي بس اسكتي لايسمعك جدك وبعدين تستاهلين ماضربك الا مسويه شي غلط اعرفك تحرثين عن مذبحك..
انا هنا زدت الصياح ياربي من بيفهمني...
كنت منقهره وشلون عرف.. وانا لابسه شوز ميشو..
وقتها جاني اعتقاد ان جدي ساحر..لاتقولون وشلون ام 10 سنوات وش تتوقعون خيالها..
حتى بالرياض لابغيت اسوي شي..قلت اكيد جدي يشوفني..واتأدب..هههههههه كان مربيني الله يرحمه..بعدها عرفت ان العامل شايفني عاد هو وكاله اخبار. اما جدتي مره طيبه بس ما اتذكر عنها كثير توفت الله يرحمها وانا عمري اربع سنوات..
ااااه الله يرحمهم.راحت ايامهم وراحت معاها ذكريات بتظل محفوظه للابد..

رجعت للواقع ..حطيت الفريم..تنهدت بالم متى يحس فيني بس...
.................................................. .........................................
سكرت الباب واسمع اصوات الازعاج تحت طليت من الصاله اللي فوق..كانت مفتوحه عالصاله الرئيسيه تحت..
شفت حبايب قلبي وصلوا..بنات خالاتي...وخالي..

نزلت اسلم..عاد سلامنا انواع الرجه.. احظان وصراخ وضحك . كانوا دايم يسالون ليش تصارخون مدي يدك وبوسيها اخبارك طيبه وانتهينا حتى السلام بتخلووونه غير.. مانكلف اعمارنا بالرد ..انا ولوجين نبتسم وبس ..عمركم ماتحسون بطعم اللي نحسه بكره بنكبر ونعقل خلونا نحتفظ بذكريات للمستقبل.. وحدها خزامي اللي كنت تحمل رايه الدفاع وتبدى تخبص بالحكي وتقط كلام اكبر منها هي تشوفه منتهى خفة الدم واهلي يعتبرونه قله ادب وعدم احترام وماتحصل منهم الا محاظره عن طول اللسان والادب المنتظر منها..هههههههههه خبله دووووم تجني على نفسها .
كنا سوالف وضحك..بس انا كنت احس الجو غير التوتر زاد..والخوف بدى يلعب فيني..ياربي احس قلبي الكل يسمع دقاااااته.. حاولت اصرف خوفي واحارب ساعة الانتظار باي شي..
البنات مو لمي ابداااا..لوجين وخزامي يسولفون عن المدرسه وش بيسوون..وساره مشاركتهم..امي وخالاتي وزوجه خالي لاهين بالرسبشن اللي بيسونه بعد ملكه خالي بدر وجدتي تعترض وهم يحاولون يقنعونها .وانا بينهم اللي على نار..انتظر طلته..انتظر اسمه ينادي ويصوووت..مليت دقيت على مشاري وبعد كم دقه جاااني صوته
مشااري:..قايل مافيه مزعج غيرك..نعم
لمى..افاااا انا مزعجه..طيب اكبر مني ومجبوره اتحمل اهاناتك
مشاري : ههههههههه من متى الادب..اللي اعرفه دمعتين وموال يخليني اكرهه نفسي.
لمى: مشاري بليز مو هذا وقته تنكد علي..خلاص عاد..
مشاري: طيب يام النكد انتي وش تبين متصله..
لمى: هاااه اي جدتي تقول وينكم تاخرتوا..
مشاري: بيب بيب<< صوت سيارته..تسمعين هذا انا داخل مع الباب ..عدي للعشره تلقينا قدامك..بااااي
وقفل بوجهي وانا مازلت ماسكه السمااااعه..وجهي احسه احمر..اسود..بني..الاكيد اني شوي بصيح..

هالحين كل هالتهزيء قدااامه..اخخخخخ يالقهر..بدل مايحسسه اني مهمه عندهم واختهم الوحيده المدلعه يفشلني كذا...طيب ياميشووو دواك عندي..
انتبهت على اصواتهم بالممر..والضحكه اللي بوجيه الكل اكدت لي ان خالد هو اللي جااااي...اختصرت طلعتي فوق عشان البس عبايتي واخذت لي جلال من صندوق السجاد وجلست اراقبه..
هو نفسه ماتغير..نفس النظره..نفس الشموخ..نفس الرزه..ههههههههه ياكثر ماتهاوشت انا والبنات على رزته دايم يقولون ماشفنا اللي تشوفينه..وع الا غرور ودلع وشوفه نفس..بس انا ماكنت اشوفه الا جنتل..وكووول وماهمني كلامهم..اااااااخ ياليت كنت اسمع كلامهم..بعقل..ولاعظيت هالحين اصابعي ندم..
كان يسلم بحب وشوق..واضح جدااا انه مشتاق..حظن جدتي وقعد يبوس فيها. بعدها سلم على خالاتي والبنات طبعا قبل نتغطى عنه كنا بس نصافحه ...كان يضحك..وهو يسلم..يمسك يد هذي وياشر على الثانيه بيده..يرفع حواجبه للي هناك واحلى ابتسامه على وجهه وكل شوي يقول اخباركم وربي مشتاق.وانا بس اراقبه واردد مو لوحدك مشتاااااق والعبرات تصعد وتنزل..
ياربي يتيم وش تبون اسوي..احس كل مايشوف جدتي وخالاتي احساسه باليتم يزيد. وشوقه لامه يحرقه .وانا معاها ازيد احساس فيه وحبي يتضاعف واشواقي تحرقني وما اقدر اسيطر عليها..جلس الشيخ بعد ماسلم عالكل لاحظوا قلت الكل..وانا ولاكاني موجوده..
بغيت اموت لهدرجه مو شايفني..مستحييييييييييييييييييل..اطول البنات وزياده لابسه كعب..وشلون ما انتبه لي..
انكتمت وحسيت بالاهانه..لهدرجه نساني..ودي اقوم اروح الغرفه واصيح بكيفي بس مو حلوه اقوم من عندهم ..
ثانيا لازم امر من قدامه..وانا مجرد وجوده يلخبطني..كيف امشي عاااد..تخيلوا عاد من الربكه طحت بحجره وش بيقول ترى انا هنا لو ماشفتني... كنت ساهيه بخيالاتي البايخه..ماحسيت الا فيه وهو يقول الا لمى وينها..
تكهربت..قال لمى صدق!!!..والا من قهري صرت اتخيل تدرون تجي علي.... رفعت راسي بشوف وجيهم هو فعلا سال عني والا انا اتخيل..؟
رفعت راسي اطالعه اتاكد..فيه بقايا سؤال على شفايفه والا لا مادريت الا وهو يكرر: جد لمى وينها لايكون سوت حركه خيانه وراحت القصيم؟
دوروني ماتلقوني من الفرحه طبعا.. غريب الحب كيف يدمر مشاعرنا تجاهل بسيط منه خلق بداخلي الف انفعال وانفعال..ومجرد ماسال عني حسيت اني ملكت الكون.ولااااا يعتبر روحتي خيااانه,,, ااااه ياقلبي بس من قدك..
من فرحتي ما قدرت ارد.. حسيت اني ما املك لغه..حتى هلا..عجزت انطقها حسيتها ثقيله..
ردت امي وانقذتني: هههههههه هذا هي هناك خلاص مابعد الجامعه الا الغطى..
كنت اراقب وجهه..حسيت النور اللي بعيونه طفا..ولمعتهم بهتت: هههه ما انتبهت فكرتها وحده من الجيران والا من خوات ام سلطان (زوجه خالي) طيب انا اخوها ليش الغطى..طالعي هالوردات وش حليلهم..اكشفي بس ماعليك منهم..
خالتي نوره..ام لوجين: هالوردات من يدخلون الجامعه بيتغطون عنك..وانتي يالمى تمسكي بجلالك لاياخذونك بناتنا قدوه..
انا سااااااكته..مافيه اي رده فعل.. ولاحتى علقت..حتى لما علقت خالتي كلهم ضحكوا وانا ماقدرت..مدري وش جاني..ركزت بعيونه حسيت فيها شي..فيها صدمه..فيه ضيااااع..متاكده من اللي شفته ساعتها و ما كنت اتخيل..كنت ساعتها مفكره انه من الحب من الشوق ..لكن للاسف معناها كان ثاااني وانا كنت تايهه عنه..
بعد كلام خالتي هز اكتافه بلا مبالاه..قال وهو يقوم.. : الله يستر عليهم يااارب.كلهم خوات وغاليات كان يقول غاليات باصرار وعيونه علي..
كمل كلامه وهو يناظرني مبتسم: دام تغطيتي عني اجل معناه شلتي يدك بالمره عن غرفتي واغراضي يعني مااسهر الليله ادور مفاجأه..
كنت مستحييييييه خدودي حمر. وماعطاني مجال ارد التفت لجدتي وهو يمشي بيطلع وقال: يمه ولا عليك امر خلي الشغاله تطلع اغراضي بس لاتفتح شي انا اذا جيت انام ارتب اغراضي..وطلع
صدق ان الحجاب ماشرع الا للخير لنا,,طول عمري معاه واول ماتغطيت عنه خلاص حسيت بالحيا والخجل منه.واحساسي انه غريب وما اقدر اخذ راحتي معاه..هالشي الوحيد اللي للاسف وصلته له..
لماطلع رجع الوضع زي ماكان..التفت لوجين وقالت وهي تضحك.. اجل مايسهر الليله؟؟ههههههههه للحين على خرابيطك يابنت.. الجامعه والغطى ماعقلوك..
ناظرتها بنص عين وقلت: جناني راضيه فيه مالك شغل انقلعي بس..
قامت وهي تضحك..التفت علي وهي تدندن..باغنيه والله وتحقق منايا..ماقدرت الا اضحك ركضت وراها وانا اضحك بس شافتني حطت رجلها..كانها تقول فيك خير طلعيه..
لوجين كانت الوحيده اللي تعرف خالد ايش بالنسبه لي..وحتى ماعرفت الا من سنتين كان لموقف صار قدامها صعب علي اني اعترف لاي احد خالد وشو بالنسبه لي.. يمكن لو كان يهتم لي كان تجرات بس المشكله انه يعاملنا كلنا نفس بعض بس لاني كنت الاكبر كانت حركاته واهتمامه ماثر فيني اكثر شي..وساره تحب ولد خالها والكل عارف فخالد بالنسبه لهاولد عمه وبس..
لوجين اقرب وحده لي تجنن هالبنت . عمرها17 سنه اصغر عني بسنتين تدرس سنه ثاني ثانوي علمي وطموحها تدخل طب واهلها مشجعينها.حركاتها تخليني غصب اتقبل منها اي شي معها انسى اني وحيده.. واحساس الحاجه للاخت وجودها ملاء فراغه عندي..لوجين سمرا بس سمارها يجنن وجسمها حلوو..عيونها واسعه وعسليه..وشعرها نااااااااااااااااااعم واشقر وطووووويل.. كانت دوم تقول نموي بشعري بقصه يمكن اطول هههههههههه..
البنت كتوووومه مره سرك او سر غيرك مستحيل تقوله لاحد..عكس اختها خزامى خخخخ ذيك انواااع الرجه دمها عسل بس فيها طفاقه ودك تذبحها احيانا..
.................................................. ...........................................
بعد الغداء طلعت فوق تعرفون صاحيه بدري وقلت انام شوي قبل العصر..
مريت غرفه خالد.شفت اغراضه بالارض..احترمت رغبته.. فتحت شنطه الملابس ورتبتها بالدولاب.. وطلعت الثياب للشغاله حتى تكويهم.. خليت شنطه الاغراض الشخصيه والشنطه الثانيه له يرتبهم براحته,,
تاملت الغرفه بسعاده وحب..رجعت لشمعه الفواحه اولعها متاكده انه شوي ويطلع..هذي عادته لازم بعد الغداء ينام شوي لو ربع ساااعه..وحتى لو مانام يكفي انه يتسطح على سريره..
اتذكر كنا دايم نستغل هالفتره حتى نطفر فيه. طبعا انا من يومي ما اعرف اسوي شي بس خزامى وساره انواااع المقالب ساره بنت خالي بعمري لكن خزامي اصغر منا باربع سنوات وهي البوووس بشغلات المقالب.ولاني لماكنت صغيره دبدوبه كنت دايم انحشر تحت السرير..وانواع الضرب كنت اخذها منه.. وهم يطلعون منها بدون لمسه..

طلعت من غرفته بعد ماولعت التكيف وتاكدت ان كل شي اوكي..ورحت غرفتي..بدلت ملابسي.. لبست ترنق اورنج....تمددت عالسرير وتلحفت ونمت..نومه مافيه احلى منها..ملاكي ومايفصله عني الا صاله وشلون ما انبسط.



u[.j hrh,l ,oldjih >>p/kjih fr,,,i>>,hfjslj>>>>>








  رد مع اقتباس
قديم منذ /13 - 10 - 2009, 10:49 PM   #2

● мešнaǯℓ ● غير متواجد حالياً

 رقم العضوية : 2741
 تاريخ التسجيل : 2 - 10 - 2009
 المشاركات : 6,632
 النقاط : ● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute● мešнaǯℓ ● has a reputation beyond repute

افتراضي

طويلـة مرّهـ نسختهـآ وبقراهــآ لمآ اطلـع من آلمنتدى ..


يعطيـك ربي آلف ع‘ـآفيــة

: ..!!









التعديل الأخير تم بواسطة ● мešнaǯℓ ● ; 13 - 10 - 2009 الساعة 10:51 PM
  رد مع اقتباس
قديم منذ /16 - 10 - 2009, 2:31 AM   #3

. آنتآ آص .

N.O غير متواجد حالياً

 رقم العضوية : 3
 تاريخ التسجيل : 6 - 6 - 2008
 المكان : MaKKaH
 المشاركات : 70,298
 النقاط : N.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond repute

افتراضي

ربي يعآفيك ع جهدك
دمت بخير



!




××



!







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
..حظنتها, اقاوم, بقوووه..وابتسمت....., عجزت, وخميتها

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تواقيع رابح صقر صدقيني عجزت انساك - رابح صقر 2011 تصاميم صدقيني عجزت انساك ● н σ d σ α تصاميم - لمسات - ابداع 23 28 - 6 - 2012 8:23 PM
عدسة الضوء - صور من عدسة الضوء - مجموعة الناس أنا الألماس صور - صور طبيعة - صور طريفة - صور نادره - كراكاتير 5 28 - 3 - 2011 1:43 AM
فلسفة عدسة .. ؟؟ بوغالب صور - صور طبيعة - صور طريفة - صور نادره - كراكاتير 6 25 - 11 - 2009 10:52 PM
اقاوم دمعي ولكن عيوني حيل تفضحني نبضها عتيبي مسجات رومنسية - وسائط حب - رسايل جوال- وسائط mms - موبايلي - sms 2 12 - 6 - 2009 3:09 AM
ياحزن خاف الله ياحزن فيني / عجزت اقاوم ياحزن طعن الارماح >> صوتية حزينة نونآ العوتيبي..! شيلات mp3 - شيلات 2017- قصائد صوتيه - قصائد مسموعه - موفن نت 10 23 - 1 - 2009 3:11 AM


الساعة الآن 3:15 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy