العودة   منتديات تجمعنا المحبه > تجمعنا الأدبيه > قصائد - قصايد - همس القوافي - قصيده - شعر - قصائد شعريه - قصائد منقوله
التسجيل اجعل كافة الأقسام مقروءة

قصائد - قصايد - همس القوافي - قصيده - شعر - قصائد شعريه - قصائد منقوله قصائد ، قصائد حب ، قصايد ، قصايد حب ، قصايد عتاب ، قصايد الحب ، قصائد ، شعر ، اشعار ، تعلم الشعر ، تعليم الشعر ، اجمل الاشعار ، اشعار ، احلى اشعار ، قصائد 2011 ، اشعار 2011 ، قصيده 2011 - قصائد - قصايد - همس القوافي - قصيده - شعر - قصائد شعريه - قصائد منقوله

مجموعه قصائد الشاعر مساعد الرشيدي

مجموعه , مساعد , الرشيدي , الشاعر , قصائد مجموعه قصائد الشاعر مساعد الرشيدي العشق كيف أطفي الريح بثيابك وكيف ...

إضافة رد
 
LinkBack أدوات الموضوع انواع عرض الموضوع
قديم منذ /19 - 10 - 2009, 12:13 AM   #1

نبضها عتيبي غير متواجد حالياً

 رقم العضوية : 585
 تاريخ التسجيل : 27 - 8 - 2008
 المكان : نبض قلبه ⓜ $ ♥
 المشاركات : 65,453
 النقاط : نبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond reputeنبضها عتيبي has a reputation beyond repute

مجموعه قصائد الشاعر مساعد الرشيدي


العشق


كيف أطفي الريح بثيابك وكيف اشعلك
كيف اتنثر على جمـرك وكيـف احتويك
نقضت ليل الحرير وجيت ماانت لهلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى 00واهتديك
شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
البارحة طول ليلي بين هذي 00وذيـك
مليت جمـر انتظارك واستحيت أسألـك
واحسبتني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك


.................................................. .............................
فرحة لقاك
بين فرحة لقاك وهم فرقاك
لاتذكرت جرح ولا نسيتك


حي هالشوف ماتنمل دنياك
شف سواة العيون ليا لقيتك


عين تشربك شوف وعين تظماك
لاذبحني ظماك ولا رويتك


قمت اخيلك هنا وهناك وهناك
وين ترحل بي النظره نصيتك


ان تبسمت قلت الموعد شفاك
وان تمنعت بانفاسي دعيتك


وان طلبت الغلا قلت الغلا جاك
وان سكنت الخفوق البيت بيتك


وان نثرت القصيد بدرب لاماك
ذاع صيت القصيد وذاع صيتك


يارجا العمر لو حفتك الاشواك
ليتك اول طريق القلب ليتك


ودع البرد كف ضم يمناك
صافح الود قلبي يوم جيتك


حي هالشوف رغم هموم فرقاك
لو تناسيت جرحي مانسيتك


....................................
جيتك بقايا حي كل اكثرة مات
وصلت لك با اخر رمق من حياتي


جيتك خوي الخوف في رحلة الذات
بين الرجا وظروفي القاسياتي


جيتك من الفرقا كثير التلفات
جيت انتحر في نجلك الناعساتي


جيتك مزيج جروح ودموع وأهات
- نديم لعيون الاسف والشماتي


جيتك شظايا تشتعل شوق بسكات
ما ادري حزن مدري سعادة اسكاتي


جيتك لوانتي سابع المستحيلات
اللي يحبك يصنع المعجزاتي


جيت استجيرك من شمس المتهات
عيت تظللني تحتها عباتي


واب... أتعفى عقب عذاب المعاناة
على رصيف اشواقك الدافياتي


تلقفيني من ايدين التشتات
صيري بحلاة الروح قارب نجاتي


هلى غلا يمحى كدر كل مافات
يامزنت افراحي ومنبع هناتي


.................................................. .......


تخوفني مشاوير الطريق المظلم المهجور
والي مني ذكرتك قلت طولي يامشاويري


عزاي انك رجاي العذب لو كل الدروب عثور
وصلت او ماوصلت اعرفك مانته منتظر غيري


حبيب وكل الله .. لاتحسب اني بليد شعور
لو انت المستحيل الصعب مابدي لك معاذيري


احبك رغم تجريح الليال .. لقلبي المقهور
اشوف الجرح يكبر .. وانت تكبر وسط تفكيري


احبك لو يموت الحب .. وتصير القلوب قبور
احبك كلمة .. لو حرموها حل تفكيري


احبك من هنا حتى طلوع الفجر حد النور
صحيح انك قدر محتوم بس اجمل مقاديري


بعذر اللي يحبك لو يصير الشاعر المشهور
لانك تنهمر حلو القصيدة في تعابيري


احد ربي يحطك له حبيب .. وما يجيه غرور
وانا مهما بغيت استوعبك ياقل تقديري


هلا بك من قدمك لغرتك .. لشعرك المنثور
هلا في كل شئ فيك وانت اغلى مساييري


اثر صدق الغلا يجبر حطام الخاطر المكسور
وانا مهما منحتك من غلاي .. اشعر بتقصيري


ولو طالت مشاوير الطريق المظلم المهجور
انا لامن ذكرتك قلت .. احبك يامشاويري
.................................................. ................................................


عذروب وصلك جمر وهذا الذي محليه
يابهجة النفس باقفاها وباقفالها



وليل ضوى بك عذى ياعلني ما ابكيه
يازين شمسك ويا محلا تختالها



سبقت قبل الفجر ما يمديه
يلحق سنا مفرق الحجة ويبرالها



هذا الضحى جاز لي وهذا المسا بأسريه
ويحلها يا وزين الروح حلالها



عشقك سوالف مطر جاب الوسم طاريه
لا جابتك ليلة الفرقا على بالها



تبغى ندلك ندل تبغى نتيه نتيه
الناس ماشي غير رضاك يحلا لها



ما دمت ناعس هدب تسهر عيونك ليه
خل السهر لي وأهدابك على فالها



ما دمت باشا على عرش الغرام وبيه
الناس للناس والجدران لظلالها
.....................................
رماد الشوق



ولع رماد الشوق يامعذبي نار
من كان يحلم باشتعال الرمادي
ماكنت احسب انه يكون اللقا حار
لين التقينا واشبكتنا الايادي
وقامت لنا الذكرى تغني على الطار
تنساب باسماعي نغم حب هادي
حسيت شي لفني مثل الاعصار
واستيقظت نشوة غلاك بفؤادي
اخذت لي سجه وانا شبه منهار
بين الخيال وبين علمٍ وكادي
وفزيت يوم انى تنبهت وش صار
مثل الذى توه صحي من رقادي
تغير الموقف بلا سابق انذار
وغير المشاعر جت مشاعر جدادي
رديت لك عقب التجافي والانكار
وطويت صفحات الزعل والعنادي
وتبددت ذيك المبادي والافكار
ايه جنون افكار وايه مبادي
تراي انا مليتها لعبه النار
ما احد لعبها قبلنا واستفادي
من رد للجنه عقب صالى النار
حتى السموم يصير عنده برادي


.....................................
حب جديد .. وقصيدة عشق مجنونه
الله يحييك ياحب لفاتوه
حب لكله .. وحبٍ بس لعيونه
حبين باقصي خفوقي بس له هوه
ايه انصتي ياشجون الروح ممنونه
جاني رقيق المشاعر ناوي الخوه
جاني حبيبي وعمري فرحة غصونه
ربيعها يوم سال السيل من نوه
يوم انهمر لي حنانه باعذب لحونه
قلت الله الله صفا جوي على جوه
والله ل..احبه ولو حظي وقف دونه
مافيه قوه تصد الحب بالقوه
بس انتظر يازمن لين اعلن المونه
ومن بعدها اللي تسوي يازمن سوه


.................................................. ....................


انا في خاطري حاجه ولا ادري ويش ابي بالضبط
ولاني قادر اكتمها ولاني قادر ابديها


متهاه داخل اعماقي بحر حيره بليا شط
خذاني موجها العاتي عذابي عن موانيها


أبا اهرب من غموضي مير ماباليد حل وربط
ضياعي كلٍ يشوفه حقيقه ما اقدر انفيها


أنا ما ادري مكاني فوق ولا تحت ولا وسط
أسوق الرجل واتبعها واقول الله يسويها


أنا عايش بها لدنيا بلا قيد وبليا شرط
مجرد ظل لايامي تباريني واباريها


أنا ايامي سوا .. مافيه يوم اصعب ويوم ابسط
ولا ادري كيف اميز بين حاضرها وماضيها


أنا مااشكي من احزاني ولاذقت السعاده قط
ومع هذا أحس الناس واضحكها وابكيها


أنا واحد من العالم أنا جمله تحتها خط

أحاسيسي غريبه من بدايتها لتاليها


أنا في صفحة الدنيا حروف ماعليها نقط
حياتي مالقيت اللي يترجم لي معانيها



.................................................. ...........................


جت في يدها وردتين حمر
قبل الشفق والشمس محمره


النق نافر والسوالف خمر
والموت بين العنق والغره


والريح تاخذ من شعرها غمر
تلعب معاه شوي وتثره


ذاك الثليل اللي جمرني جمر
اللي بغيت اموت من حمره


قلت انورت كل الدروب السمر
والعيد جا يمشي على الجره


برق السنين ومجهمات وقمر
جيتي وخفاقي نفض شره


الليله ليله من ليالي العمر
واحلى ليالي العمر بالمره


قالت غيابك وانتظارك جمر
وابطت تعاتبني وتتشره


قلت ابشري والرمش يا مر أمر
يالول وجداني ويادره


واللي جمعنا يا انتظار العمر
ما اعود هالفرقا ولامره
.....................................


على كثر الكلام وكثر ماقبل الكلام جروح
سكت ومالقيت الكلمتين الي علي بالي


أخاف إن قلتها ماقلتها وان قلتها بوضوح
توسدني ملامات الرفيق وشرهة الغالي


كذوبه يالهوجس اللي على الخاطر تجي وتروح
بغيت أزبن ذراها واستريح وماتهيالي


ورحت أتلي شتاتي واترجي صوتي المبحوح
تموج بي الدروب ومسند كفي على ظلالي


عسي مانتي رجايه يابروق في سماي تلوح
يشرهبني رعدها والضما بالصدر همالي


نقلت جروح ماعرفها بقلب مرهف مجروح
تنطحت البياض وسود الله وجه عذالي


.................................................. ...................................


كلك تعالي غلا والا ارجعي كلك
بعض الغلا منك مايستاهل الجيه
طالت وانا في رجا ليتك ويا علك
أوراق بالذاكره واوراق منسيه
مابل ثوبك مطر شوقي ولا ابلك
لوعلتك من سحاب الروح وسميه
ليه امشي الدرب دامه مايوصل لك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بغض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه ليا صار الورق ميه
إن كان شمسك تساومني على ضلك
ماعاد ابي منك لا شمس ولا فيه
اما تعالي لقلب فز لك كلك

والا اتركيني ما ابي لك بالهوى جيه
.........................................
في زمان كنه البرد شبيت القصيد
قلت ابدفا والليالي تموت ببردها
في طريق كنه الموت والحالي وحيد
قلت ابحيا والمنايا تبوح بسدها
أتقارب هقوة العمر لو كانت بعيد
واتغني بالمقابيل واخطب ودها
لاقديم الجرح يقوى ولاجرح الجديد
يخلف الناس العزيزه عن اللي ودها
والله اني ماتنازل لي راي عنيد
لين أداعب غرة الشمس والثم خدها
وانزفي ياوردة الشعر من دم الوريد
لاتجفي في عروق تراجف يدها
ياقصيدي كان الأشعار سادات وعبيد
والله انك من بحور غريب جدها
ماتقاود مهرة الحرف للقلب البليد
ياقصيدي خذ رسنها وخلك قدها
في طريق كنه الخوف سليت القصيد
قلت ابحيا والليالي تموت ببرده
.................................................

عذروب وصلك جمر وهذا الذي محليه
يابهجة النفس باقفاها وباقفالها


وليل ضوى بك عذى ياعلني ما ابكيه
يازين شمسك ويا محلا تختالها



سبقت قبل الفجر ما يمديه
يلحق سنا مفرق الحجة ويبرالها


هذا الضحى جاز لي وهذا المسا بأسريه
ويحلها يا وزين الروح حلالها


عشقك سوالف مطر جاب الوسم طاريه
لا جابتك ليلة الفرقا على بالها


تبغى ندلك ندل تبغى نتيه نتيه
الناس ماشي غير رضاك يحلا لها


ما دمت ناعس هدب تسهر عيونك ليه
خل السهر لي وأهدابك على فالها


ما دمت باشا على عرش الغرام وبيه
الناس للناس والجدران لظلالها

.................................................. .............





l[l,ui rwhz] hgahuv lshu] hgvad]d








  رد مع اقتباس
قديم منذ /19 - 10 - 2009, 12:15 AM   #2

الزِمّنْ عّادْ وّتِكَرّرّ مَرّتِيّنّْ أَمْس أَنّا الخَسّرانّ وّاليِوّمْ إِنْتِصَرّتْ

||~ غير متواجد حالياً

 رقم العضوية : 1317
 تاريخ التسجيل : 29 - 1 - 2009
 المكان : ابحثوو عني تجددووني
 المشاركات : 1,892
 النقاط : ||~ is a splendid one to behold||~ is a splendid one to behold||~ is a splendid one to behold||~ is a splendid one to behold||~ is a splendid one to behold||~ is a splendid one to behold||~ is a splendid one to behold

افتراضي

هلا بك من قدمك لغرتك .. لشعرك المنثور
هلا في كل شئ فيك وانت اغلى مساييري



اثر صدق الغلا يجبر حطام الخاطر المكسور
وانا مهما منحتك من غلاي .. اشعر بتقصيري


الله الله من جد قصااايد روووعه

يعطيك العافيه








  رد مع اقتباس
قديم منذ /19 - 10 - 2009, 12:16 AM   #3

. آنتآ آص .

N.O غير متواجد حالياً

 رقم العضوية : 3
 تاريخ التسجيل : 6 - 6 - 2008
 المكان : MaKKaH
 المشاركات : 70,298
 النقاط : N.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond repute

افتراضي

ربي يعآفيك ع جهدك
دمتي بخير



!




××



!







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
مجموعه, مساعد, الرشيدي, الشاعر, قصائد

جديد مواضيع القسم قصائد - قصايد - همس القوافي - قصيده - شعر - قصائد شعريه - قصائد منقوله


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فهد بن مساعد الغربه -قصائد حزينه 2012-قصائد صوتيه عن الغربه2012 الهَنوُف شيلات mp3 - شيلات 2017- قصائد صوتيه - قصائد مسموعه - موفن نت 5 16 - 10 - 2011 3:09 AM
قصائد صوتيه - قصيده وينك - قصائد الشاعر سلطان بن محترك ♥ •ӎ شيلات mp3 - شيلات 2017- قصائد صوتيه - قصائد مسموعه - موفن نت 9 25 - 6 - 2011 10:40 PM
مبسم الصبح - قصائد صوتيه - قصائد الشاعر محمد مهاوش الظفيري ♥ •ӎ شيلات mp3 - شيلات 2017- قصائد صوتيه - قصائد مسموعه - موفن نت 10 4 - 3 - 2011 1:15 AM
استماع قصائد حبيبي لا تعذبني - الشاعر فيصل العدواني - قصائد و موسيقى,استماع قصائد حبي الهَنوُف شيلات mp3 - شيلات 2017- قصائد صوتيه - قصائد مسموعه - موفن نت 11 4 - 10 - 2010 5:12 PM
قصائد الشاعر خالد بن مطلق الردادي الحربي - قصائد الشاعر خالد الحربي - ديوان الشاعر ال !•» راھﭜه اڸحس قصائد - قصايد - همس القوافي - قصيده - شعر - قصائد شعريه - قصائد منقوله 4 14 - 8 - 2009 8:33 PM


الساعة الآن 11:25 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy