العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

جسد من غير رووح أنا .. ارجو التثبيت

اقتباس: المشاركة الأصلية كتبت بواسطة حروف مبعثره ماشاء الله عليك قصه رائعه بس الأفضل نزلي الموضوع بتنسيق وخط أكبر وهالموضوع ...

إضافة رد
 
LinkBack أدوات الموضوع انواع عرض الموضوع
قديم منذ /6 - 2 - 2010, 11:36 AM   #4

:× عضو فعال×:

سارينا غير متواجد حالياً

 رقم العضوية : 1001
 تاريخ التسجيل : 5 - 12 - 2008
 المكان : الكويت
 المشاركات : 83
 النقاط : سارينا will become famous soon enoughسارينا will become famous soon enough

افتراضي رد: جسد من غير رووح أنا .. ارجو التثبيت

اقتباس:
المشاركة الأصلية كتبت بواسطة حروف مبعثره مشاهدة المشاركة
ماشاء الله عليك

قصه رائعه

بس الأفضل نزلي الموضوع بتنسيق وخط أكبر

وهالموضوع عادي ينقل



حروف مبعثرة .. عزيزي ..


انا ماعندي مشاكل انه ينقل بس بعد ما انتهي منها لاني انا الكاتبة وماودي تكون محط احراج اذا تأخرت شوية بالطرح ..


تحياتي وشكرا ع مرورك .. سارينا







  رد مع اقتباس
قديم منذ /7 - 2 - 2010, 8:09 AM   #5

:× عضو فعال×:

سارينا غير متواجد حالياً

 رقم العضوية : 1001
 تاريخ التسجيل : 5 - 12 - 2008
 المكان : الكويت
 المشاركات : 83
 النقاط : سارينا will become famous soon enoughسارينا will become famous soon enough

افتراضي رد: جسد من غير رووح أنا .. ارجو التثبيت

" الجزء الثانــــــي "


مشعل : اذا فيك خير اغلبني
مبارك : اكيد بغلبك وهذا الميدان ياحميدان
مشعل : ولا اقول ياولد اقعد اقعد
مبارك : اشوفك رديت بكلامك
مشعل : ماني من اللي يرد بكلامه بس ذكرت سالفه وبشكيلك
مبارك : خير انشاالله
مشعل : هالبنت اخذت تفكيري
مبارك : منو ؟
مشعل : وحده تعرفت عليها بس حاقرتني ومطنشه ابي اخذ قلبها واعذبها مثل ماسرقت النوم من عيني ما ادري شلون ؟
مبارك : شلون ؟
مشعل : صوتها يابعد كل الاصوات
مبارك : الحين صدقت من قال " الاذن تعشق احيانا "
مشعل : أي والله فديت العشق انا
مبارك : هيه جم صارلك معاها ؟
مشعل : اقل من يوم تقدر تقول ساعات
مبارك : ههههههـ والله انك خفيف
مشعل : شسوي دلع ونعومه والصوت يكفي ولاتلومني انا رجال واول مره يصير معاي جذي
مبارك : دق خل اسمع
مشعل : انابدق بس علشان اسمع انا مو انت
مبارك : يللا خل نشوفك تتمسكن لو مره بسهههههـ
مشعل : وجهك فقر مغلق جهازها يا نحس
مبارك : يمكن ميته
مشعل : فال الله ولا فالك عدوينها
مبارك : الله الله
مشعل : بطرشلها مسج علسان اذا بطلت جهازها تقراه ويوصلي استلام واعرف انها بطلت الجهاز
مبارك : خبــــــــــــــيـــــــــــــــــــــــــــث انت ..
مشعل : هههههههـ اذكر ربك
مبارك : ماشاالله بس انت شفتها ؟
مشعل : انت غبي ؟
مبارك : ليش؟
مشعل : اقولك صارلي معاها ساعات شلون شفتها ؟
مبارك : قلت يمكن ؟
مشعل : اقول امش امش لوعت جبدي خل نلعب
مبارك : مشكوووور .. بس شنسوي يللا



من مركز الشرطه لي بيت ام جاسم اللي اهو بيت بسمه .. طلع خالد ومعاه شرطي ..


نزل الشرطي وطق الباب فتحت ام جاسم ..

ام جاسم : هلا
الشرطي : لوسمحتي معاج مركز الشرطه وبالسياره الضابط خالد .. بسمة موجوده علشان ينزل ؟
ام جاسم : أي موجود بس خل يجي ولد الجيران تعرف البيت مافيه احد واحنا حريم بروحنا
الشرطي : ياخاله احنا مومطولين دقايق ناخذ اقوالها ونطلع
ام جاسم : حياكم الله



نزل خالد ودش اهو والشرطي البيت ..

خالد : السلام عليكم
ام جاسم : وعليكم السلام . . بروح انادي بسمة عن اذنكم . .
خالد : اذنج معاج احنا بالانتظار


راحت ام جاسم تنادي بسمه وبالصالة تحت دار حوار بين الشرطي وخالد


خالد : الله يستر من هالبسمة الخدامة تقول انها مجنونه لا تذبحنا بس ..
الشرطي : ههههـ ودك والله انحاش واخليك بروحك
خالد : والله افنشك
الشرطي : انت بالحالتين مذبوح .. عاد تصدق اتوقع شكلها يخرع وشعرها نافش وخشنه ودفشه .. ويـــــع


فجأه صوت كعب من بعيد وخالد يتلفت شاف ساق ابيض نازل من الدرج الا وهيا بسمة نازله

بنت جميله الغمازات والشعر الاسود الطويل والبشرة البيضه الصافية والشفايف الحمر والنعومه ولما مرت ارتمى العطر بالمكان كله .. خالد شاف اللي كان يحلم فيه طول عمره شي اغرب من خياله سحرته بجاذبيتها وبكل شي فيها ..


الشرطي : لا اله الاالله
خالد : منو بسمة ؟
بسمة : أي انا بسمة
الشرطي : حياج الله
خالد : احم احم
بسمة : شرطي
الشرطي : نعم
خالد : قصدج منو ؟
بسمة : أي واحد بس انا حبيت اقوول .....
الشرطي : أي انا شنو كنتي بتقولين ؟
بسمة : اهيا جذابة انا ماسويتلها شي
خالد : بنسئلج لاتستعجلين
ام جاسم : ياوليدي بسرعه البيت مافيه احد
خالد : بسمة الخدامة تقول انج طاقتها ورافعه السكين عليها وتبين تذبحينها ؟
بسمة : انتوا شفتوا عليها اثار طق ؟
خالد : لا مافي
بسمة : خلاس جذابة >>> وتعدل شعرها
الشرطي : اكيد اكيد جذابه
خالد : هههههـ وليش شمصلحتها تجذب ؟
بسمة : لاني صدتها مع السايق وعلمت ماما
خالد : صحيح الكلام ياخاله >>> يقصد ام جاسم
ام جاسم : أي صحيح
خالد : وشلون صدتيهم باي وضعية يا بسمة ؟
بسمة : روح اسئلها وبعدين هاذي مو قضيتنا >> ووجها صار احمر
خالد : اهاااا صحيح كلامج >> فهم انها مستحية
بسمة : انا قلت اللي عندي في اسئله ثانية ؟
الشرطي : أي بس وقعي
خالد : مشكورين .. مع السلامه


طلعوا وبالسياره ..


الشرطي : شفت العجب ؟
خالد : انت شفيك قمت تخربط جدام هالمخلوقه ؟
الشرطي : لاتلومني لاتلومني
خالد : بس شوف ياويلك اذا فتحت حلجك باي شي عن الانسانة اللي بهالبيت .. فاهم ؟؟
الشرطي : حاضر سيدي

" خالــــــــــــد "

حب جديد وقصيدة عشق مجنونة .. الله يحييك يا حب لفا توهـ ..
حب لكله وحب بس لعيونه .. حبيبن باقصى خفوقي بس له هوهـ ..
ايه انصتي ياشجون الروح ممنونه .. جاني رقيق المشاعر ناوي الخوهـ ..
جاني حبيبي وعمري فرحة غصونه .. ربيعها يوم سال السيل من نوهـ ..
يوم انهمر لي حنانه بأعذب لحونه .. قلت الله الله صفا جوي على جوهــ ..
والله لــ .. أحبه ولو حظي وقف دونه .. مافيه قوه تصد الحب بالقوهــ ..
بس انتظر يازمن لين اعلن المونه .. ومن بعدها اللي يازمن سوهــ ..






قعدت ساره على الساعه 8بالليل وفتحت جهازها شافت المسج اللي طرشه مشعل كان مكتوب

" سارونه اذا قريتي المسج كلميني .. ناطرج "

بهالحظات وصل استلام لمشعل قام بيدق بس حب يتثيقل ..

ساره .. هذا شفيه ؟! بيطلع روحي شيبي مني ؟.. خل يستريح بس >>>> نحيسه

بعد ساعه طرش مسج مشعل لساره مكتوب فيه

أسألك بالله جاوب سؤالي ..؟
وأسألك بالله اصدق بالجواب ..
في غيابيمر في بالك خيالي ؟؟ ..
ولا مايفرق حضوري والغياب ؟؟ ..
قول ما عندك بصدق ولاتبالي ..!!
خلني ارتاح من هذا العذآآب ..


ساره قلبها عورها لما قرت المسج ودقت على روان

روان : هلا سويره
ساره : روان شلونج .. اكيدزينه
روان : أي الحمدلله اللي بعدوو شتبين اكيد مو داقه حبا فيني ..
ساره : عليج نور بغيت منج مسجات حب وغرام وهيام
روان : لمنو لمشعل ؟
ساره : مايخصج بتطرشين ولا لا ؟
روان : لا بطرش
ساره : اوك ناطره


نطرت نص ساعه وماطرشت روان قامت ودقت عليها ؟؟


ساره : وين اللي تبي تطرش ؟
روان : نسيت ماعندي رصيد
ساره : اهاااا

ودق مشعل على ساره ولقاه انتظار .. شبت الغيره بقلبه

ساره تخربطت وسكرته من روان وردت على مشعل


مشعل : الووو >>> بعصبية
ساره : هلا >>> ببرود
مشعل : مع منو؟
ساره : احم اظن شي مايحقلك تسأل عنه
مشعل : لايحقلي
ساره : ليش بالله؟
مشعل : لاني تعلقت فيج
ساره : مع رفيجتي اسئله ثانيه ؟
مشعل : لاماكو بسوينج من قبل شوي ؟
ساره : كنت نايمه
مشعل : كل هذا نوم !!
ساره : قول ماشاالله قعدت 8
مشعل : فديتج نوم العوافي
ساره : يعافيك تامر على شي
مشعل : توو الناس
ساره : لا بس بدرس وراي دراسه
مشعل : بس باجر عطله
ساره : اوكي وشالمانع انت ناسي ان امتحانات الفصل تبدأ الثلاثاء ؟
مشعل : موفقه انشاالله
ساره : انشاالله باي
مشعل : مع السلامه


سارهـ طرشت مسج >>>

احلمـ بحب يشتتنـــي ويجمعنـــي .. احلمـ بقلب يزلزل كل وجدانـــــي ..

قلب لو انـــي مشيت الموووتـــ يتبعنــي .. ألقاهـ في ضيقتـــي وان ضاق يلقانــــي ..



fro0om : sarina








التعديل الأخير تم بواسطة سارينا ; 7 - 2 - 2010 الساعة 8:37 AM
  رد مع اقتباس
قديم منذ /11 - 2 - 2010, 9:39 AM   #6

:× عضو فعال×:

سارينا غير متواجد حالياً

 رقم العضوية : 1001
 تاريخ التسجيل : 5 - 12 - 2008
 المكان : الكويت
 المشاركات : 83
 النقاط : سارينا will become famous soon enoughسارينا will become famous soon enough

افتراضي رد: جسد من غير رووح أنا .. ارجو التثبيت

" الجزءالثالــــــــــــــث "

في نهاية يوم حافل بالهدوء حط خالد راسه على المخده وصورة بسمة مو فارقته غمض عيونهوكل همه في هالدنيا انها تكون من نصيبه .. من طرف ثاني قرر مشعل يترك ساره خلالفترة الامتحانات وقلبه يحترق ..



خالد : انتي ليش سوي جذاب يابابا؟
سوما : ليش بابا انا شنو قول ؟
خالد : انتي قول هاذي بسمة مجنون
سوما : أي بابا مجنون
خالد : يا جعل الجنون براسج
سوما : شنو قول انتا بابا !! شنوهذا كلام ؟؟
خالد : خلاص انا مايبي قرقر واجد .. انتي مو يبي روح بلد مال انتي؟
سوما : أي بابا
خالد : خلاص بذلفج بس انا يبي يسال انتي ..
سوما : جينبابا شنو ؟
خالد : بسمة هاذي كم عمر ؟
سوما : ههههههــ ليش انتا يسأل؟
خالد : وجع انا سوي سؤال انتي سوي جواب ..
سوما : يمكن 19 او 20 هاذي روحجامعه
خالد : متى روح بسمة كل يوم ؟
سوما : ساعة 8 او 8 نص
خالد : بسمة فيسيارة ؟
سوما : لا مافي
خالد : شلون روح ؟
سوما : يجي فريند سلوى او روحمع سايق خالتي بسمة
خالد : زين انتي يبي روح بلد ؟
سوما : أي بابا
خالد : خلاص بس انتي لازم سوي تنازل حق بسمة بعدين انا سوي انتي سفر
سوما : خاص باباانا يبي سوي تنازل


وسوت سوما التنازل عن بسمة وحلى اللعب لخالــد .. علىطول دق على بيت بسمة ..

رن التيليفون وردت آمنه ..

آمنه : الو
خالد : مرحبا
آمنه : اهلين
خالد : منو معاي ؟
آمنه : انا آمنه
خالد : وين امج ؟
آمنه : طالعه
خالد : امممم في احد كبير بالبيت اكلمة ؟
آمنه : أي اختي بسمة
خالد : اوك وين بسمة ؟
آمنه : ليش ؟
خالد : انا الضابط اللييتابع القضيه
آمنه : انشاالله اناديها ..
امنه .. بسموه الضابط يبيجعلى التيليفون تعالي ..
بسمة : الوو
خالد : هلا بسمة >>> ياروحي
بسمة : اهلين
خالد : انا الضابط خالد من مركز الشرطة اللي جيتكمعرفتيني ؟
بسمة : أي عرفتك هلا خالد
خالد : شنو شنو قلتي ؟؟!! >>> ماصدق سمع اسمه بصوتها
بسمة : هلا خالد أي عرفتك .. >>> مو فاهمه علىبالها ماسمع ..
خالد : انا خليت الخدامة تسوي تنازل بشرط تسافر
بسمة : اهااااخلاص انشاالله اذا ردت ماما اخليها تشوف سالفتها
خالد : لا خلاص انا ضبطتامورها
بسمة : مشكور
خالد : العفو بس انا تعبت معاها بشغلة
بسمة : شنو فيأي مشاكل ؟
خالد : هزيت راسي علشان تفهم ليما تعبت
بسمة : هههههههـ يعطيكالعافية .
خالد : ههه آآآهـ الله يعافيج >>> فديت هالضحكة
بسمة : تامر على شي ؟
خالد : لا سلامتج ..
بسمة : مع السلامة
خالد : بحفظ الله معالسلامة


سكرت بسمة السالفة وقلبها يرجف داخل ضلوعها ماتعرف الحب ولا أيشي عنه ماتعرف الا ان هالولد اسرها ..

آمنه : ها بسموهـ شالسالفة ؟
بسمة : امنة بردانه بردانه
آمنه : شفيج ؟
بسمة : ما ادري برد برد امنه
آمنه : اوكي تبين كنبل
بسمة : أي أي بليز
آمنه : هاج .. تغطي ..
بسمة : حر حروخريهـ
آمنه : اوووف انتي شفيج مره برد ومره حر شفيج ؟
بسمة : ما ادري بردعلى حر ما ادري
آمنه : اعوذ بالله من الشيطان .. اقري صورة الكرسي


رن التيليفون مره ثانيه ونطت بسمة ..


بسمة : الوو
ام جاسم : هلا بسومةحبيبتي شلونج وشلون اختج ؟
بسمة : الحمدلله .. ماما وينج ؟
ام جاسم : انا بمرالمطعم شنو تبون ؟
بسمة : أي امنة تبي بيتزا وانا بعد ..
ام جاسم : خلاصحبيبتي ديروا بالكم على نفسكم ..
بسمة : انشالله .. بس ماما ترا دق الضابط
ام جاسم : يحليله خلاص اوصل البيت ونتكلم بالموضوع .. مع السلامه
بسمة : انشاالله .. مع السلامه


بسمة سكرت التيليفون وراحت غرفتها فتحت الدرايش وطفت النور وتم نور القمر بالغرفه شغلت فيروز وانسدحت على السرير ..


حبيتك بالصيف .. حبيتك بالشتا .. نطرتك بالصيف .. ونطرتك بالشتا .. وعيونك الصيف .. وعيوني الشتا..

بعدها بيومين كان لازم تتوقع اوراق العلم بانتهاء القضيه والعلم بالتنازل وان الخدامة راح تسافر ..

كان المفروض ان الشرطي اهو اللي يروح بس خالد راح لانه كان حاب يشوف بسمة ..





طق الباب وطلعت العوبة آمنه ..

آمنة : منو ؟
خالد : انا خالد وين بسمة ؟
آمنة : بس الحين ماما موجودهـ ..
خالد : أي بس الاوراق اللي عندي لازم توقعها بسمة ..
آمنة : امممم اوك >>> طاح ويها ههههههـــ


امنة : بسموه ـياحلوه ياحلوه
بسمة : منو منووو ؟
امنة : اللي برا يبيج يبيج ..
بسمة : منو يالخبله ؟
امنة : فارس ولا كل الفرسان قيس ابن الملوح فديته شحلاته بس حيوان كلا يبيج كلا يبيج >> واهيا تصرخ
بسمة : قصري صوتج لاتسمعنا ماما
امنه : روحي الضابط خالد عند الباب يبيج توقعين اوراق روحي قبل ما ماما تطيح علينا
بسمة : ليش احنا مسوين شي غلط الله يلعنها هالخدامه .. زين امنوهـ شكلي زين؟
امنه : ههههههـ أي يا ليلى بس بدلي هالخلاجين ..
بسمة : زين ..

راحت بسرعه ولبست فستان قصير لي الركبه ورشت عطر Dior وطلعت ..

بسمة : السلام عليك ..
خالد : وعليكم السلام >>> فديت هالطله ..


بسمة : قالتلي اختي ان في اوراق ؟؟
خالد : أي ياريت توقعين اهني ..
بسمة : انشالله .

واهيا توقع خالد قعد يتامل فيها ويشوفها وما كسر عينه الا عيونها يوم طاحت بعيونه


بسمة : خلاس وقعت في شي ثاني ؟
خالد : أي في ..
بسمة : امممم شنو ؟ >>> بدلع ..
خالد : امج لازم توقع بالعلم ان الخدامه بتسافر ..
بسمة : انشاالله


واهيا رايحه .. لفت وشافت خالد وكملت ..


" خالــد "

ما قول شفته وشفت البيض يتلنه .. اقول شفته وشفت الشمس بنجومه

ماقول كن لجدين الليل لكنه .. ليلن خرعه الظلام وضيع انجومه

ياقبلت الله هاك العنقود لامنه .. قام يتهجا شذا عطره وياشمومه

فيه انتهى النور لا والله بدا منه .. فجرن نعس بالوريد ونام بهدومه

وردن تفرعن حماره قلت ابا كنه .. اليا متى والحنايا منه مفطومه

فز وتطرق لطيفه قلت ما عنه .. بالمشيحه وريحانه وقيصومه

صد وتعلثم هديله في برد سنه .. ياقوم ذا النور يوم انكت يا قومه

الله عطانيه والله يعطي الجنه .. واليا استجد الهوى كلن ومقسومه



بعدها بايام بلشت امتحانات نهاية السنة .. وبثالث امتحان ..





ساره : روان مشعل قطع ..
روان : خليه يولي شتبين فيه .؟
ساره : بس وحشـني بسراحه
روان : هيه اشوفج متولعه ومانفذتي اللي اتفقنا عليه ؟
ساره : لا ما نفذته
روان : ليش؟
ساره : لاني بسراحه حسيته غير عن شباب هالايام ..
روان : انا بسئلج .. انتي من وين تعرفتي عليه ؟
ساره : من النت .
روان : خلاص اكيد اهو واحد من شباب هالايام ومثل ما رقمج يرقم مليون غيرج وشنو يبي فيج اكيد الحين قاعد مع وحده منهم .. ولا طريتي بباله
ساره : ما أظن
روان : انتي ليش عنيده ؟!!
ساره : هذامو عناد بس ظن
روان : كيفج كيفج انتي حره وهاذي حياتج وانا نصحتج وبراحتج ..


" خافوا من الله لاتجيبون طاريهـ
لاصرت انا موجود لاتذكرونهـ "
" لو كل غالي جــابهـ الله لغــاليهـ
ماشفتلك مخلووق تبكـي عيونـهـ "
كانت الايام تمر على مشعل سنين وكانت تمر على خالد مثل لمح البصر ..


بعدما انتهت القضية .. ابتدت الحياة من جديد بعد ماكانت عدم لخالد .. قصة حب جديدهــ بعد خيانة قديمة من وحده كان يحبها .. نسى جرحها له بشوفة بسمة .. والدنيا عوضته بوحده احسن منها ..


بسمة ماكانت تلاحظ .. اللي كان يصير من حولها .. كانخالد ينطرها الصبح جدام بيتهم ويشوفها لمدة اسبوع راقب خالد تحركاتها وعرف انها بنت ماعندها سوالف وظمن انها البنت اللي تصلحله ..


وبسمة اللي اعتبرت موضوع خالد انتهى مع القضية .. بس ماكانت تدري ان اللي بقلبها نفسة بقلب خالد .. كانت حياتها ملل لانها ماكانت تقدر توصله ..


سارهـ حطت كلام روان براسها وقدرت روان تغير صورة مشعل اللي براسها .. ما اقولكم اكرهتة بس من غيبتة عنها شالت بقلبها عليه .. وتعرفوون دلع البنات ..



اليوم آخر يوم لامتحانات ساره وروان .. بجي ودموووع البنات .. ماكانت تدري لا روان ولا ساره انت من بعدما يطلعون من باب المدرسه بتتغير حياة كل وحده منهم .. وكل وحده راح تضيع بدنيتها ..



روان : ساره انا مابي ابجي والله
ساره : ومن قالج ابجي
روان : احبج ساره والله احبج >>> واهيا تبجي
ساره : وانا اموووت فيج بس ليش متضايقه ؟ ترا احنا بنتم مع بعض بالجامعه بناخذ نفس المواد ونفس الكليه وتزوريني وازورج .. >>>> خانقتها العبره
روان : الدنيا مالهاامان ياساره مالها امان
ساره : الدنيا ماتنتهي اهني ياروان ولابد الحي يلتقي بالحي والموت حتى لو جا الغلا بالقلب باقي وعاشر من تعاشر فلا بد من الفراق .. خلي ايمانج بالله قوي واللي كاتبه الله بيصير شئت ام ابيت
روان : انتي وين وانا وين .. ابجي معاي .
ساره .. هههههـ >>> ودموعها باطراف عيونها ..
روان : الله لايحرمني منج ..
ساره : ولا يحرمني منج >>> وطقتها بجية ..
روان : 14 سنه مع بعض من الروضة ليما الثانوي .. حتى ولو الصفوف ماجمعتنا كنا نرفض وننقل لصف واحد
ساره : تتذكرين يوم تهاوشت مع ابلة الرياضيات وتكون حجة علشان امي تنقلني لصفج ؟
روان : ولا تتذكرين يوم زعلنا من بعض وهربت من الحصص علشان ما اكلمج ؟
ساره : ولا يوم الابله هاوشتج وكانت تبيج تسجلين تعهد على نفسج قمت وزفيتها وعطوني انذار ؟
روان : لا المشكله يوم تهاوشنا مع بنت بالهدهـ وطقتج قعدتي تبجين .. اهيا انحاشت سيارتهم بس انا لحقتها ببطل الماي وكتيته عليها وخربنا تسريحتها ؟
ساره : كلش ولا ابلة الدين يوم طاحت عليج مسجلة ورقه وكاتبه فيها انا الاولى بالحجلة اليوم جرتج من اذنج وقعدتي تبجين قمت وطيحت ملفعها ..
روان : وتتذكرين يوم كانت بالمسرح العلوم المرحه وكانت التذكره بدينار .. ماكنتي تدرين بسكنتي حابه تدشين وعطيتج تذكرتي علشان تستانسين ؟
ساره : يومتها دورتج المسرح مالقيتج عرفت انج عطيتيني تذكرتج وماعندج فلوس طلعت ولقيتج برا قاعده تنطريني تغافلتج ورحت عند ابلة مشاعل اللي احبها وطلبت منها دينار وشريتلج تذكره ودشينا ..
روان : ايام حلوه
ساره : الله يذكرها بالخير ..
روان : تصدقين ودي احيي العلم ولآخر مره ساره
ساره : طلباتج اوامر
روان : والله ..
ساره : ليش شايفتني اتغشمر ؟
روان : بس شلون بروحنا .. انا وانتي راح يكون شكلنا غلط ..
ساره : ولا يهمج .. الحين اجمع بنات دفعتنا اللي يبجون ونحيي العلم ..
روان : شلون ؟
ساره : بتشوفين .. جم روان عندي ؟



راحت ساره وشغلت مكرفون الاذاعه وقالت ..


سارهـ : بنات دفعتي تعالوا كلكم بنحيي العلم ولاخر مره .. يللا انتي نوره جيبي شلتج وتعالي وانتي انتصار جيبي رفيجاتج عندالعلم >> وقامت نادي وتنادي لما تجمعوا البنات كلهم ..


روان كانت تشوف ساره من بعيد وتبجي ..


حيوا العلم وانشدوا النشيد الوطني .. رفعوا العلم .. وقعدوا يلمون بعض ويسلمون .. وانتهت السنه ..


حبيبتي : ساره ..

لم اجد ألطف وأرق من هذه الكلمات ..

ملاحظة : صج عربي فصحة بس ماعلية سمعتها واعجبتني يالغاليه ..


صديقـــي ..

من يقاسمني همومي ويرمي بالعداوة من روماني ..
وينصرني اذا ماغبت عنه وارجو وده طول الزماني ..
ويفيض حبا ويفيض ودا ويحيي الخير مفتاح الاماني ..

صديقـــــي ..

من اصارحه فيبقى ودودا القلب عفا فاللسان ..
صديقي من يرى الايمان مجرا عزيز النفس مشبوب الجنان ..
فلا الاهواء تجرؤ تشتريه ولا الاعجاب بسبي ذا الجنان ..
حي مخلصا عفا جريئا سليلا الهدي يعبق بالحناني ..

Friends for ever .. Don’t forget me .. please ..


مع كل الحنان والامان وكل الاشواق والامنيات والقبلات .. مع تحياتي ياحياتي .. روان .


كانت رسالة روان عطتها سارة علشان تذكرها فيها ..


اما سارة اكتفت انها باستها وعطتها وردة بيضاء ..
ركبت ساره السياره معا اخوها محمد ..


ساره : السلام عليكم
محمد : وعليكم السلام
ساره : .................
محمد : شفيج ؟
ساره : مافيني شي
محمد : حسافة خلصتي من الثانوية .. آآآآآآهــ
ساره : أي والله كانت احلى سنين
محمد : هيه شرايج تعيدينها ؟
ساره : ليش فاشلة مثلك اضيع سنيني
محمد : لا بس علشان تحصلنا شوفات كل يوم
ساره : اسكت ترا مو ناقصتك
محمد : ههههـ شفيج كنتي تبجين؟
ساره : مايخصك
محمد : انتي ليش السانج طويل ؟
ساره : مو شغلك
محمد : اهاااا تبجين علشان روان
ساره : مايخصك
محمد : ما ادري شلون متحمله وجهها الغبي ؟
ساره : مو شغلك
محمد : طول عمرج وانتي معاها مامليتي منها ؟
ساره : مايخصك
محمد : احسها غثيثه
ساره : مو شغلك
محمد : اووف منج بضحكج وانتي ماسكتها علي مو شغلك ومايخصك ؟ صج نفسية هالدلوعه ..
ساره : وصلني البيت وفكني من شرك
محمد : عناد فيج بقحص فيج وعند مدرستج بعد
ساره : اذا فيك خير سوها
محمد : سارووه لاتتحديني ترا انا بايعها والله اسويها >>> ويتكلم بجدية
ساره : هههههـ اعرفك الكرت الاحمر بمخباتك >>> تقصد كرت الطب النفسي
محمد : انتي شكلج عاجبتج الفكره ومستحية تقولين قحص فيني صح ؟ قولي صح؟
ساره : ههههــ محمد بقولك نكته
محمد : يللا قولي يا املغ شي بالدنيا
ساره : احترم نفسك .. اممم في دفتر يتمشى ليش ؟
محمد : ليش ؟
ساره : فاضي .. ماعنده شغل مثلك ..
محمد : هههههـ بس جنج قاطتها على مسبه
ساره : اقوول شغل المسجل بس ..
محمد : زين بس ماتبجين
ساره : زين
محمد : اوك


الاماكن كلها مشتااااقه لك .. والعيون اللي انرسم فيها خيالك .. والحنين اللي سرا بروحي وجالك .. ماهو بس انا حبيبي الاماكن كلها مشتآآآآآقه لك ..


دشوا البيت ..

محمد : يمه بنتج سقطت شوفيها تبجي ..
اممحمد : صج سارونه انتي سقطتي ؟
ساره : لا يمه
ام محمد : عيل ليش تبجين؟
ساره : لاني بفارق روان والبنات ..
ام محمد : لايمه عادي انا كانت في وحده قاعده يمي وماتت
محمد : هههههـ صااااااروووووووخ ام محمد
ام محمد : والله صج ليش شنو شايفني العب معاك ياقليل الادب ؟
ساره : ليش يمه شلون ؟
محمد : انزين كملي الصاروخ قصدي القصة ..
ساره : جب انت واطلع برا ترا ملوع جبدي
ام محمد : بعد عطلة نص السنة قالولنا انها ماتت لان كان فيها مرض
ساره : كنتي باي صف يمه؟
ام محمد : يعني العاشر ..
محمد : أي يعني كنتي ياهل >>> يقولها باستهزاء
ساره : الحمدلله والشكر >>> وطالعته بنظره
ام محمد : قوم اطلع برا

طلع محمد بكرامته وصادف عند باب الصاله ابوه ..

ابومحمد : ها محمد شلونك ؟
محمد : الحمدلله يبه >>> وباس راسه
ابو محمد : وينك مانشوفك بالديوانية الظاهر احنا فاتحين فندق تبدل فيه وتنام وتطلع ؟
محمد : جايك انا كنت جايك .. >>> هذا والله الصاروخ
ابو محمد : يللا يللا روح شوف خالك قاعد بالديوانية روح اقعد عنده وخل عنك سوالف الخبال لا تذكرها ..
محمد : انشاالله بأمرك ..>>> ويقول بقلبه ( يالله شهالورطه ) .



واستمرت الحكاية مع خالد .. كان كل يوم الظهر بعد ماينتهي دوام بسمة بالجامعة يلحقها ليما بيتهم يشوفها ومرات يوقف عند باب بيتهم وكان يفتربشارعهم ويطول على صوت الاغاني بسمة كانت تلاحظه بس تطنش لانها ماعرفت ان هذا خالد .. اهو كان مستانس من هالوضع الغريب بصراحة بس متضايق انها مو حاسة فية الى ان قرران يفجر اللي بقلبه .. خلونا نشوف شلون ؟؟!!


يوم الثلاثاء قدام بابالجامعه كانت بسمة توها طالعة من الباب وكان خالد صافط سيارته وينطرها تطلع .. بسمة عرفت ان هذا الشخص الغثيث اللي مزعجها من سيارته بس ومثل ماقلتلكم ماتعرف ان اهوخالد اللي حبته من بين هالناس اللي خلى للدنيا طعم ولون ومن بعده فقدتهم .. طنشته وراحت قعدت على الكراسي تنطر السايق يمرها .. خالد شافها طلعت نزل من السيارة وقط النظارة الشمسية وابتسم لها وكان يطالعها بنظرات غريبة .. وكل واحد منهم كان يقولبقلبه ..
بسمة " ياهلا ومرحبا بروحي "
خالد " حسي فيني ولو شوي "
بسمة " لو ادري انك انت بس "
خالد " مابي من هالدنيا غيرج "

استمرت النظرات بينهم تقريبا خمس دقايق ليما وصل السايق .. وقطع اللحظات الرومنسية اللي بينهم ..


صعدت بسمة السيارة وقلبها معا خالد ..


نزلت لبيتهم وشافته وابتسمت ..


قعدت ساره العصر من النوم وشافت مسج من مشعل كان مكتوب فيه ..

"وحشتيني وفقدتج يا أعز الناس بس تركتج علشان فترة امتحاناتج .. "


طارت من الفرح وماصدقت بالله ان مشعل ذاكرها وموناسيها مثل ماتوقعت او بالأحرى مثل قالتلها روان ..

ردت عليه ..

"عسى درب المواصل ماتعثر فيه خطواتك .. تجيني كلك من اقصاك تداوي الجرح وتواسي "
" انا عندي امل في يــوم تجيــني كلك بذاتك .. احس انك تناديــني على الله يصدق احساســي "

دشت بيتهم والفرحه مو شايلتها ويا أرض احفظي ما عليكي ..
بسمة : امنة امنة تعالي ابيج ..
امنة : هلا شفيج ؟؟
ام جاسم : بسوم ماتعرفين تسلمين على امج ؟
بسمة : آسفه ماما مووواه

وراحت بسمة وامنة لغرفتهم وبالغرفه ..

امنة : انتي شفيج ؟
بسمة : مستانسه مستانسه يا امنة ..
امنة : انشاالله دوم بس ليش ونسيني معاج ؟
بسمة : شفتي الولد المزعج الليي حط اغاني بفريجنا ويوقف جدام باب بيتنا ؟
امنة : اووف أي شفيه الله ياخذه؟
بسمة : لا لا لاتقولين جذي عنه
امنة : ليش ؟
بسمة : طلع الضابط خالد اللي كان ماسك قضية سوما .. عرفتيه ؟
امنة : أي عرفته الحلوو المزيون ... اممم بس انتي شدراج ان اهو الضابط خالد ؟
بسمة : اليوم كان واقف جدام باب الجامعه نزلوا بتسم وعرفته فديت ابتسامته ..
امنة : أي عاد ابتسامته تدوخ ..
بسمة : جب عيب عليج ..
امنة : شنو بدينا بالغيرة ؟
بسمة : اممممم تقدرين تقولين جذي هههههـ
امنة : بس يمكن يتهيأ لج .. تتوقعين يسوي كل هذا علشانج ؟
بسمة : ليش لأ ؟ ؟
امنة : ياسلام وشاللي يخليج متأكده ؟
بسمة : تعالي اوريج ..


واخذت بسمة امنة عند دريشة غرفتهم اللي كانت تطل على الشارع ..

بسمة : شوفيه شوفيه يأبرني ..
امنة : وي وي فشله شافنا ..
بسمة : شوفي يبتسملي ..
امنة : يمكن يبتسم لي انا ؟
بسمة : لا حقي انا ..
امنة : وخري وخري خليني اشوفه بروحي ..
بسمة : خلاس خلاس >>> وسكرت الدريشه ..




يوم النتايج كل وحده منهم خايفه روان وساره ..

روان : 77%
ساره :81%


سآرينآ ..








التعديل الأخير تم بواسطة سارينا ; 11 - 2 - 2010 الساعة 9:58 AM
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
التثبيت, ارجو, رووح

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تصفح كل الجرايد من هنا (ارجو التثبيت للفائده) شوقا صحيفة سبق - sabq - حافز المطور - اخبار حافز - pht. - عاجل - عكاظ 10 27 - 9 - 2011 10:12 PM
مفتاح باب غرفتك .. ارجو التثبيت سڪرآنـﮧ دّلعع -» ديكورات منزلية - ديكورات منازل - ديكورات مطابخ - أحدث ديكورات.Decors 12 29 - 4 - 2011 1:01 PM
هنا عالم الورد الاحمر <ارجو التثبيت أرقآم ضائعة المنتدى العام 16 6 - 7 - 2010 11:21 PM
[شــــاعر ومشاعــــر] ارجو التثبيت $ادفني باحضانك$ قصائد - قصايد - همس القوافي - قصيده - شعر - قصائد شعريه - قصائد منقوله 8 2 - 4 - 2010 2:35 AM
العيـــن ع العضـــو ... ! ارجو التثبيت ❤ هلآإلية يآإسرية ❤ النقاش والحوار - نقاش جاد 11 24 - 2 - 2010 12:52 PM


الساعة الآن 9:02 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy