العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

جسد من غير رووح أنا .. ارجو التثبيت

التثبيت , ارجو , رووح جسد من غير رووح أنا .. ارجو التثبيت بسم الله الرحمن الرحيم بقلمي كتبت احداث ...

إضافة رد
 
LinkBack أدوات الموضوع انواع عرض الموضوع
قديم منذ /6 - 2 - 2010, 7:40 AM   #1

:× عضو فعال×:

سارينا غير متواجد حالياً

 رقم العضوية : 1001
 تاريخ التسجيل : 5 - 12 - 2008
 المكان : الكويت
 المشاركات : 83
 النقاط : سارينا will become famous soon enoughسارينا will become famous soon enough

جسد من غير رووح أنا .. ارجو التثبيت


بسم الله الرحمن الرحيم


بقلميكتبت احداث ليست من وحي الخيال حقيقية ولتعيشوها اقرئوها معي جزئا بجزء ..

احداث كان فيها الضحكة والدمعة والفرح والحزن والرقص والبكاء في وقت واحد ..




من الكويت .. ابتدأت الحكاية ..


"
سارهـ "

من يلوم العين لو هلت دموعي .. ومن يلومالقلب لو صفق وصاح

اهـ من قلب رقص بين الضلوعي .. مثل رقص الطير مكسورالجناح

ليتني وسط الخلق اعطش واجوعي .. بس أشوفك مبتسم وناسيالجراح



"
مشعل "

أسرعي يانفس موتي واهلكي .. صرتي همي يومبالدنيا شقيت





..
بيت أبو محمد ..

محمد >>> 25 سنة ابيض وشعره اسود طويل القامه حاط سكسوكه وبطالي ماعنده شغل تخرج محامي بسمايبي يشتغل بس فاضي للمغازل ..

سارهـ >>> 17 سنة برونزية شعرهااسود لي نص ظهرها طيبة و دلووعهوحساسه طالبة 12 علمي

راكان >> 12 سنة طبق الاصل من سارهـ بسعنيد

نواف >>> 6 سنوات



..
بيت أم فارس ..

أم فارس مطلقة من زوجها أبو فارس"وليد" من 4 سنوات وعايشه اهيا وعيالها ..


روان >>> 17 سنة واهيا صديقة سارهـ الروح بالروح شعرها بنيقصير جميلة وملامحها طفولية وبيضة وطالبة 12علمي

أناف >>> 12 سنة غير عن روان عوبة ولسانها طويل مزعجةوفوضويه

فارس >>> 8 سنوات


وكان ساكن معاهم اخو ام فارس " سلمى"

خالد >>> 27 متفهم ومحترم شعره كثيف فرق من جدام و حريص على روان حيل كان يموت فيهالانها حسبة اخته " ضابط ".



..
بيت أبو فارس ..

أبو فارس " وليد " كان رجل ثري حيل كريم طلق ام فارس لانه كان يشك فيها واهيا ماتحملت وكرهتهومن بعدها طلبت الطلاق اهو بعد طلاقه منها بسنة تزوج من بنت عمه اللي كانت ارمله منزوجها وعندها ولد اسمه فيصل عمره 20 سنه وكان وليد يعامله نفس ولده واعز .

اما زوجة ابو فارس " فاطمه " >>> كانت انسانة متسلطة وعوبهوغيورهـ .


"
الجزء الأول "


في بيت ابو محمد ..


ساره كانت قاعده ع النت ومبطله الايميل ..


ساره : منو هذااللي يكلمني ع المسنجر ؟؟
مشعل : السلام عليكم ..
ساره : وعليكم السلام منومعاي ؟!!
مشعل : أنا مشعل من الكويت
ساره : من وين ماخذ ايميلي ؟؟
مشعل : ما ادري والله لقيته موجود عندي
ساره : اهاااا
مشعل : شسمج وكم عمرج؟؟
ساره : اسمي ساره من الكويت وعمري 21 >> جذااااابه
مشعل : وانا 19سنه
ساره : العمر كله حط صورتك خل اشوفك
مشعل :بحطها بس لايطفي جهازجههههههـ
ساره : لاشدعوه
مشعل : اوكي شفتيها ؟
ساره : أي بس بالعكس انتحلووو
مشعل : شكرا
ساره : بس شكلك بيبي ..
مشعل : صج انا اصغر منج بس شابمو انتي يالعيوزه
ساره : شفيك طبيت فيني ؟
مشعل : لاني ما احب احد يكلمنيبهالاسلوب .. انا لازم اطلع تامرين ع شي ؟
ساره : صبر صبر قبل ماتروح ترا اناعمري 17
مشعل : اهااا جذي يعني ..
ساره : الحين تقدر تطلع .. مع السلامه .
مشعل : اوكي سارونه هذا رقمي ............ اذا احتجتي شي دقي علي
ساره : والله مصدق عمرك وواثق من نفسك
مشعل : هههههههـ الناس لبعضيها يمكن تحتاجين شيولا شي ع العموم براحتج باي
ساره : باي


ساره لمحت رقمه وكان مميزوحفظته بدون ماتقصد

وي نسيت اقولكم ان مشعل كان ولد عصبي طيوب وحنطاوي طولهزين مملوح وجماله عادي حنووون حيل ويدرس محاسبة بمصر وعمره 19سنه


الساعه 2 الفجر ..

ساره كانت ع فراشها .. امممم ليش ما ادقعلى اني غلطانه واسمع صوته ؟

مشعل كان نايم ..
دق التيليفون .. وقعده مننومته ..

مشعل .. منو هالرقم الغريب ؟؟ >>>> وفوقه مليون علامةغبآآآآآآء


مشعل : الوو
ساره : الوو الوو >>> صوت ناعم منبعيد ..
مشعل : هلا والله
ساره : منو ؟
مشعل : اللي داقه عليه
ساره : آسفه شكلي غلطانه .
مشعل : حياج الله
ساره : مع السلامه
مشعل : معالسلامه

ساره .. وي فشله شكله عرفني ..


مشعل .. اكيد هاذي البنتاللي رقمتها اليوم ع الايميل شسمها شسمها .. أي أي ساره


ساره .. بدقوارقعها >>> والمسكينه تبي تكحلها عمتها .

دق تيليفون مشعل مرهثانية


مشعل .. هاذي شفيها أكيد دايخه


مشعل : الووو
ساره : اسفه بس انا رفيجتي عطتني هالرقم وقالت انه رقمها .. انت عندك خواات ؟
مشعل : لالا ماعندي >>>> بعصبيه
ساره : اوك اسفه ازعجتك
مشعل : لا عاديدقي مره ومرتين وثلاث انا قاعد ما وراي شي >>> جذاب كاننايم


قعد مشعل ينطر الاتصال الثالث ما نام و ساره من الخوف طقتهانومه

الساعه 6 ونص

ام محمد : سويره قومي يللا تاخرتي الباص بيمر بعدشوي
ساره : مابي يمه مابي بنآآآآم يمه تكفين >>> وفيها البجيه
اممحمد : كيفج بس مو بعد شوي تقولين وديني عند روان ابي اخذ اللي شرحوه اليوم تراماراح اوديج وانتي كيفج خل ينفعج النوووم >>>> وطلعت منالغرفه


بهالحظات ساره قعدت تفكر الا ودق التيليفون وكانتالنغمه

والله واحشني موت اخاف بعدك امووت ..
قلبي لو من حديد ذاب وانتابعيد ..
لو خسرتك حبيبي شلون احب من جديد ..
شلون احس بوفا او احس بدفا ..


ساره : الو نعم
مشعل : صباح الخير يا طالبه
ساره : ليش؟
مشعل : ليش ليش ؟
ساره : ليش تدق ؟
مشعل : ابي اصبح عليج لاني من عقب ماسكرتي ماقدرت انام
ساره : ودي ودي ودي اصدق لكن قويه قويه
مشعل : والله ولاانا شاللي مخليني قاعد ليما الحين وما نمت ؟
ساره : اوكي وانتا من اهله معالسلامه
مشعل : ههههـ افاااا
ساره : بروح المدرسه بيمر الباص
مشعل :ديريبالج على نفسج
ساره : وانت شكوو .. مع السلامه >> وسكرت الخط علىطوول


مشعل .. هاذي شغيها نفسية اوووف .. وانا بعد فاضي البنت توها قاعدهمن النوم وانا اتفلسف عليها

وطرشلها مسج كاتب فيه :

مدري هي الصدفةلدربي تجيبك .. ولا انا اللي في دروبك تحريت ؟؟

فديتج سارونهـ ..


ساره طلعت من wc وقرت المسج .. اووووهـ فشله عرفني .. لبست وراحتالمدرسه

بالمدرسه وتحديدا بحصة الكيمياء ساره قاعده تفكر .

ياربيشسوي الحين معاه شلون افتك من هالبلوى ؟
بس شكله طيوب وحبوب اووووف انا شفيني !!


أبلة الكيمياء : ساره يالسرحانه قومي حلي المساله
ساره : هااحلها ليش ابله والبنات شفيهم >>> واهيا تتلفت ع البنات
الابلة : مالكوانتي مش وحده من بنات الفصل الغبي ده ؟
ساره : امبلا امبلا ابله بس لا تسرخينعلي
الابله : ماشي ياروح امك


قامت ساره ولعبت بالمساله فوق تحتوردت قعدت واهيا متفشله

روان كانت قاعده يمها


روان : اللي ماخذعقلج يتهنابووو
ساره : جب انتي مالج دخل شوفي خشمج بس .
روان : احترمي نفسج
ساره : تفضل حياتي وروحي هدية تراها عشانك ياغالي شويه .. يمكن ازعل منك مرهواتضايق واتشره ..
ولكني ارجع وقلبي فايديه >>>> وكان صوتهاعالي
الابلة : فرحانة أوي من نفسك وبتغني كمان ؟
روان : لا أبله علبالها نوالوانا مدري ؟
الابلة : اخرسي انتي .


وعلى ضحك البنات انتهتالحصه

ساره : ههههههـ تبين تضحكينهم علي ضحكوا عليج ههههههـ
روان :امحظين انتي كل ماتسوين مصيبة تطيح فوق راسي
ساره : سهيت بصفحة كتابي لقيتك باولالاوراق .. انا لاهي مع كتابي لقيتك كلك اوراقي .. هلا ياحبي الاول هلا ياغايتيمشتآآآآآآآآآآآآآآآآق >>> وكان صوتها حلوو
روان : الحمدلله والشكرالبنت ينت
ساره : روانو بقولج شي
روان : اصغر عيالج انا روانو ؟
ساره : لاتصرخين وسمعي السالفه
روان : يللا
ساره : وياويلج اذا علمتي البنات اشقحلجج
روان : والله والله ما اعلم
ساره : واذا علمتي وفضحتيني ؟
روان : افااا ماكو ثقه ؟ انا رفيجتج من الروضه ماتثقين ؟
ساره : أي اعرفج انا السنهاللي فاتت يوم فضحتيني عند البنات عن راشد اللي بالروضه يوم طقيته وكان بيعلمالمديره علي وقصيت عليه ببوسه ورضى ؟
روان : ههههههـ بس هذا شي من زمان يوم كناصغار
ساره : بس البنات مانسوا
روان :عاد راشد كان يحبج بس انتيحيوانه
ساره : شسوي فيه لازق فيني ذبحني وكلا يا كل اكلي ؟؟ بس روان تتوقعينالحين وينه وشلون صار شكله ؟؟
روان : وانا شدراني مخلفته وناسيته ؟
ساره : ودي اتأسف له عن اللي صار
روان : وبتبوسينه بعد !! ها حبيبتي ؟؟
ساره : لا موبوسه بس كلام >>>> واهيا منحرجه
روان : هههههـ فديت اللي تستحيالحياويه يللا غيري الموضوع وقوليلي شنو بتقولين أي سالفة ؟
ساره : اوك سمعي ..


قالت ساره سالفتها مع مشعل لروان واهيا منحرجه


روان : لقيت الحل ..
ساره : شنو يا أم الافكار انتي ؟
روان : علمي اخوج محمد

ساره : بتذبحيني انتي ؟
روان :خلاص طنشيه واهو ماراح يدق اكيد عنده كرامه موهندي
ساره : اوك >>> ومو عاجبها الكلام



الظهر لما انتهىالدوام

ساره : يمه يمه مابي مابي >> وقطت نفسها بحضن امها
ام محمد : ليش شفيج يمه قوليلي ؟
ساره : مابي مدرسه .. مليت يمه
ام محمد : ماباقي شيوتخلص السنه بلا دلع
ساره : زين ابي اكل حطيلي يمه
ام محمد : زين روحي بدليواحطلج

بدلت وتغدت واهيا على فراشها بطلت جهازها ووصل لها مسج من مشعل كاتبفيه


"
سارونه قعديني من النوم اذا رديتي من المدرسه .. لاني لازم اقعد "

ساره .. هذا طيح الميانه اشووف ويتأمر بعد خل يستريح بس .. وخزنت الرقموحطت نغمة خاصه له وسجلته باسم مي


مشعل .. اووووه راسي يعورني .. اوفالساعه 3 هاذي وينها ليش ماقعدتني اكيد خامده خل ادق وانكد عليها ..

دقتيليفون ساره وكانت النغمه ..

"
لاتقولين انتهينا والعشق توا ابتدا لاتقولينانتهينا "
"
ولاتقولين انتهيناوشوقنا ورده وندى ولا تقولين انتهينا "
"
وبالتصافي احنا قضينا السنين ومن وفانا يغار منا العاشقين .. ولا تقولين انتهينا "

ساره .. هذا مشعل داق شيبي .. ماراح ارد >> واهيا نايمه

مشعلدق مره ثانيه وردت ..

ساره : الوو .. الوو >> بصوت مبحوح
مشعل : نايمه ؟
ساره : أي امرني
مشعل : ليش ماقعدتيني ؟
ساره : ليش ماتحط منبه اوتخلي أي احد من بيتكم يقعدك ؟
مشعل : مابي
ساره : ليش بالله ؟
مشعل : ابياصحصح على هالصوت احلى .
ساره : ..............................
مشعل : الوووسارونه


ساره سكرت الخط

دق مره ثانيه ..

ساره : هلا
مشعل : ليش سكرتيه ؟
ساره : امي دشت الغرفه وسكرته >> جذابه بسكانت مستحيه وماعرفت شتقول !!
مشعل : اهاااا اسف
ساره : لاعادي بس ممكن انام؟
مشعل : نوم العوافي
ساره : باي
مشعل : معالسلامة




من مخفر الشرطه الساعه 5 المغرب كان خالد قاعد الا ودشتعليه سيلانيه مسعوووه

السيلانيه كان اسمها سوما

خالد : شفيج شفيج؟
سوما : بابا انا يبي موت يبي موت
خالد : ليش ليش منو يسوي انتي موت >>> مع هزة راس
سوما : هذا في داخل بيت انا يشتغل بنت مجنون هاذي بسمةطقي انا وايد
خالد : ليش شلون طقي انتي بسمة
سوما : بابا طقي انا داخل مطبخبعدين جيب سكين يبي سوي انا موت بس انا روح برا بيت
خالد : اووف اووف كل هذا..
سوما : بابا انا مايبي يقعد مني كويت انا يبي يروح بلد ما انا الله خلي انتابابا

خالد : انتي يعرف نبر بيت انتي يشتغل اول ؟
سوما : أي بابا هذا نبر ..................
خالد : ياشرطي اخذها وانا بشوف هالمشكله

دق خالد علىالرقم وردت حرمه كبيره شوي

كانت ام جاسم تعيش اهيا وبنتها بسمة وامنة بالبيتوزوجها وولدها مسافرين للعلاج لان ابو جاسم كان يعاني من امراض .

جاسم >>> 28

بسمة >>> 20 سنه

امنه >>> 14 سنه


خالد : السلام عليكم
أم جاسم : وعليكم السلام
خالد : معاجالضابط خالد من مركز الشرطه
أم جاسم : عسى خير
خالد : والله ياحجية في خدامةعندنا اسمها سوما
أم جاسم : أي عرفتها هاذي منحاشه
خالد : ياريت تجون انتيوبسمة مركز الشرطه
أم جاسم : وبسمة بنتي ليش ؟
خالد : لان الخدامه متهمتهابقضية الشروع بالقتل
أم جاسم :بس احنا مانقدر نجي ياوليدي بناتنا مايدشونمخافر
خالد : و احنا لازم نسجل اقوالها
أم جاسم :آسفه ياوليدي مااقدر
خالد :خلاص ياخاله مسافة الطريق ونكون عندكم
أم جاسم :حياكمالله
خالد :اى بس لازم تكون بسمة موجوده علشان نسجل اقوالها
أم جاسم : انشالله
خالد : اوكي سلام
انتظروني باحداث اخرى .. بالجزء الثاني
تحياتي : سارينا ..



[s] lk ydv v,,p Hkh >> hv[, hgjefdj








  رد مع اقتباس
قديم منذ /6 - 2 - 2010, 7:49 AM   #2

:× عضو فعال×:

سارينا غير متواجد حالياً

 رقم العضوية : 1001
 تاريخ التسجيل : 5 - 12 - 2008
 المكان : الكويت
 المشاركات : 83
 النقاط : سارينا will become famous soon enoughسارينا will become famous soon enough

افتراضي رد: جسد من غير رووح أنا .. ارجو التثبيت

اعذروني حبايبي يمكن الخط سغير وبعض الكلمات داشة بعضها بس كل ما ابي اسوي تعديل يقولي :

Internal Server Error

فاحسن شي اطلب منكم تنسخون وتنقلون للوورد اذا ماعليكم امر وسامحوني ..

تحياتي : سارينا ..








  رد مع اقتباس
قديم منذ /6 - 2 - 2010, 8:09 AM   #3

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: جسد من غير رووح أنا .. ارجو التثبيت

ماشاء الله عليك

قصه رائعه

بس الأفضل نزلي الموضوع بتنسيق وخط أكبر

وهالموضوع عادي ينقل








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
التثبيت, ارجو, رووح

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تصفح كل الجرايد من هنا (ارجو التثبيت للفائده) شوقا صحيفة سبق - sabq - حافز المطور - اخبار حافز - pht. - عاجل - عكاظ 10 27 - 9 - 2011 10:12 PM
مفتاح باب غرفتك .. ارجو التثبيت سڪرآنـﮧ دّلعع -» ديكورات منزلية - ديكورات منازل - ديكورات مطابخ - أحدث ديكورات.Decors 12 29 - 4 - 2011 1:01 PM
هنا عالم الورد الاحمر <ارجو التثبيت أرقآم ضائعة المنتدى العام 16 6 - 7 - 2010 11:21 PM
[شــــاعر ومشاعــــر] ارجو التثبيت $ادفني باحضانك$ قصائد - قصايد - همس القوافي - قصيده - شعر - قصائد شعريه - قصائد منقوله 8 2 - 4 - 2010 2:35 AM
العيـــن ع العضـــو ... ! ارجو التثبيت ❤ هلآإلية يآإسرية ❤ النقاش والحوار - نقاش جاد 11 24 - 2 - 2010 12:52 PM


الساعة الآن 5:39 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy