العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

قلوب من جليد - بقـــــلمي

. ][ البــــــــــــــآرت الثــآني ][ . في العرس طبعا اللي راحو مها روآن والعنود والريم . واشواق و ملاك ورغد ...

إضافة رد
 
LinkBack أدوات الموضوع انواع عرض الموضوع
قديم منذ /18 - 4 - 2010, 7:46 PM   #4

عزوف القلب غير متواجد حالياً

 رقم العضوية : 7856
 تاريخ التسجيل : 13 - 4 - 2010
 المكان : في قلـــُُُـــبها ربي لاتحرمني منها
 المشاركات : 2,441
 النقاط : عزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant future

رد: قلوب من جليد - بقـــــلمي

. ][ البــــــــــــــآرت الثــآني ][ .



في العرس



طبعا اللي راحو مها روآن والعنود والريم . واشواق و ملاك ورغد



ودآنه نزلت لســآره بيتهم تجلس معهـــآ .



مهـآ : اقول بنات اشرايكم نروح البيت الوضع صاير ممل



روآن : بالعكـس ونــآسه الحين بيدخلون اخوان العروس



العنود : ههههههههههههه اهم شي عندج .



ريم : أي والله



اشواق : هههههههههه الله يهديكم . بنـآت قومو نرقص



ملاك: أي والله انا احب هالاغنيه



رغد : وانا معكم يا الله .



(كانت الاغنيه هي تلفت الناس لا مريت )



وانواااع الرقص والاستهبــآل والهيــآص



بس العنود كانت ترقص رقص ناعم وهادئ مرره .



في بنات ثنتين كانو يراقبون اللي يرقصون . وبالنهايه طـآحت عيوونهم على العنود




فجر : اقول بدور



بدور : سمي .



فجر : اش رايج في البنت اللي لابسه فوشي ومسويه رفعه بشعرها



بدور : والله هي اللي لفتت انتباهي تجنن بسم الله عليها . بس ماراح تروح علينا .



فجر : أي والله هيّ اكثر بنت تناسب طلال .



العنود كانت لابسه ثوب فوشي قصير فوق الركبه وفيه حزآم ابيض عند الخصر وضاغط عليها فوق عند الصدر وتحته هلهوب ابيض والاكسسوارات بيضه ومسويه شعرها رفعه وخصل على وجهها وحاطه لها فيونكه بيضه وصــآيره خيـــــــــآل ولا اروع . تجنن وتاخذ العقل بسم الله عليها . ومكيـآجها ناعم مرره وهادئ ( طبعا هيّ خوية اخت العروس من شان هيك متكشخه )



وطبعا ما انسى اوصف لكم الباقي .



ملاك كانت لابسه ثوب احمر كاروهات ومسويه شعرها كيرلي ولابسه شريطه حمره



ومها لابسه ثوب بنفسجي ناعم مره لتحت الركبه وفيه زم عند الصدر ورافعه شعرها



ورغد كانت لابسه ثوب ابيض وفيه ورود ورديه ومستشوره شعرها



واشوآق كانت لابسه ثوب اخضر ناعم مرره وعـآدي . بس كان حلو عليها . وشعرها مستشور عادي مثل رغد



روآن كانت لابسه ثوب ذهبي ( ياحبها لهاللون ثيابها نصهم ذهبيين ) ومسويه شعرها كيرلي مثل الهنوف



والريم : كانت لابسه ثوب ازرق سمـآوي ناعم وشعرهـآ ملففته وصايره نعومه



صايره اشكالهم كلهم رووعه بمعنى الكلمه وكل وحده لها جمالها الخاص



المهم نكمل .



انتهت الاغنيه وجو البنات يجلسون



الريم : وييه تعبت



مها : هههههههه توج باول اغنيه حرام عليج



روآن : بنااات . ما انتبهتو لذولاك البنات كيف يطالعون العنود



العنود انحرجت



اشواق : يا ويلي



رغد : بيخطبوج بكره



ملاك ضمت العنود : اختي حبيبتي لا تروحي عني



روآن ومها وريم : هههههههههههههههههههههههههههههههههههههههههههههههه



اشواق : ههههههههه وانتي صدقتي على طول



رغد : يا حليلج عايشة الدور .



ملاك حست على عمرها وانحرجت .



اوما العنود نازل عليها الهدوء اليوم . << ( كل يوم وكل يوم ههههه )




العنود : ابي اروح اعدل روجي احسه اعتفس من عيونكم مين يجي معي.



الريم : بجي معك



العنود قامت ومعها الريم



.....



فجر : اقول بدور . شوفيها قامت اش رايج نروح لها



بدور : لا مو ثنتيننا احس بتنحرج البنت



فجر : خلاص عيل انا بروح وانتي جلسي هني



بدور : اوكي



......



العنود : ياربييه اعتفس شكلي من الرقص .



ريم : لا عااد مب لهالدرجه . لا تصيرين دلوعه .



العنود : ههههههههه .



دخلت عليهم فجر وهي تبتسم .



فجر : الســلآم .



العنود والريم : وعليكم السلام والرحمه



فجر : شخباركم



الريم : الحمد لله بخير .



فجر : وانتي يا حلوه ما قلتي لنا شخبارك



العنود منحرجه : الحمد لله بخير



فجر : ما قلتي لنا شسمك ؟



العنود : أأأ . اسمي العنود



فجر : وااو . عاشت الاسامي يا حلو اسمج والله .



الريم ضحكت على فجر : ههههههههههههه



العنود : الله يسلمج وعاشت ايامج



فجر : أأ . هذا ايميلي . ضيفيني عندج واتمنى انو نكون صديقــآت .



العنود : هذا شرف لي



فجر : تسلمين والله الشرف لي اكثر .



ورآحت فجر



الريم : مدري من وين نازل عليج الأدب والذوق



العنود : انا طول عمري ذوق . ومحد يقدر ينكر



الريم : عاشت هههههههههههه .



العنود : الريم .



الريم : هلا



العنود : مابيج تقولين لهم عن اللي صـآر . عادي ؟



الريم : من عيوني . بس ليه



العنود : بعدين تعرفي .



الريم : اوكي يا الله كنو تأخرنا .



العنود : أي والله



.......



عند فجر وبدور



فجر : كلمتها .



بدور : والله . اش قالت . باين عليها مغروره .



فجر : لا بالعكس مره حبوبه وطيبه . اعطيتها ايميلي



بدور : حركات . وعرفتي اسمها وبنت من ؟؟



فجر : لا بس عرفت انو اسمها العنود . وبعدين عالمسن اسئلها هيّ بنت منو



بدور : زين تخيلي انها ما ضافتج



فجر : لا شكلها بتضيفني



بدور : ربي يكتب اللي فيه الخير .



..........



عند البنات ,



روان : ها العنود اش تبي ذيك البنت لاحقتكم



العنود : أي بنت ...؟؟؟؟!!!!!



روآن : لا تستعبطين



الريم : لا جد أي بنت , محد لحقنا



روآن خزتها بعين : لا ســـلآمتج



اشوآق : شكلهم بيخطبون العنود



رغد : حركات ولله ربي يوفقها



ملاك تحس انها بتفقد اختها : لا تتكلمون بهالموضوع وبعده ماصار شي .



.....................................



في مكـآن ثاني . وبعيد عن اجوآء العرس



نجي عند دانه وسـآره



دانه / اقول سارونه . انا نازله المطبخ اجيب لي مويه



ساره وجيبي لي معك . انا بدق على السايق يجيب العشا



.........



دانه تحت بالمطبخ شربت لها مويه واخذت كاسة مويه تركبها لساره



وهيّ عالدرج راكبه نزل بدر وصدم فيها .!!!!!!



طاح الكاس من عندها .رفعت راسها تطالع الشي اللي صدمت فيه . بدر .!! هذا الرجال الطويل . اللي يمتـاز بعظلاته الكبيره . اللي تحبه وتعشقه بجنوون يصدم فيها ويألمها كذه ..! ظلت تناظر فيه ويدها على كتفها .



وبدر مستغرب مين ذي حس انه مو قادر يشيل عيونه عنها . جميله عليها جمال يذبح .وجهها برييييء وفيه ملامح الطفوله . خدودها حمرآن . وحاطه لها فيونكه بشعرها وزايدتها براءه . مرره كيــوت , سبحان ربي اللي خلقها ..



دانه استوعبت و حست باالم في رجلها . نزّلت راسها شافت زجاج الكاس جرح رجلها وطلعت منها شوي دم . صارت ساره تناظر في رجلها وبعدين في بدر . وفي رجلها وفي بدر .



حست بارتبـآك وخوف وركبت فوق تسرع ,



................



** الساعه 3 **



انتهى العرس وكل رآح على بيته ,



وبالطريق مرو على دانه وخذوها معهم البيت



****



يوم السبـت في الجــآمعه



طبعا ملاك ورغد وأشوآق كلهم بنفس الجامعه وبنفس الكلاس .



الساعه 1



ملاك: شوشو . ترى انا اليوم بنزل معج استأذنت من امي وقالت لي نو برابلم انزل اتغذى عندكم .



اشوآق : واااااااااااااااااااااااو وناااااااااااااااااسه . فديتج والله



رغد : انا غرت



اشواق : انتي قلبي وعمري



رغد : وي تسلمين . حبيبتي انتي



اشوآق : على فكره بنـآت . ترى اليوم تركي اللي رآح يمرني



رغد تغيرت الوانها بس سوت نفسها ما اهتمت ,



في السيــآره .



تركي :هلا والله . شخباركم رغد وملاك .



رغد و ملاك : الحمد لله بخير .



وشغل المسجل على اغنية



تنتظر كلمة احبك لعبد المجيد



تنتظر كلمة احبك . شايفك مشغول بيها . كل شي بوقته حلو . ليش مستعجل عليها



بكره هيّ اللي تجيك وتمر كل لحظة عليك . انت بس طمن لي بالك . كل شي بوقته حلوووووو



رغد حست انو الكلمات موجهه لها وارتاحت نسبياً ..



تركي : رغد وين أوصلك ؟



رغد : بيتنا



تركي : و ملاك ؟



ملاك: أنا معكم



نزلت رغد بيتهم . وضل تركي يناظرها ليما دخلت بيتهم وبعدها كمل المشوار .



********



الساعه 1



الكل جالس يتغذى . بس تركي طلع برآ مع اصحابه وماراح يرجع إلآ آخر الليل



وابو فهد عنده شغل في الشركه وبعدها عشا عمل وما رآح يرجع إلآ الساعه 12 بالليل وهذا الشي خلى ملاك تاخذ راحتها في البيت وتتصرف بحريه تاامه



عالساعه 4 ونص



ملاك جالسه مع أشوآق بالغرفه وكانت لابسه بدي لون تركوآز مع تنووره فوق الركبه لونها تركوآز درجه اغمق شوي . واللون عليها جناان بارز جسمها الانثوي .. وبيااضها ولون عنونها العسلي



ملاك: هههههههههههههههههههههههههههههههه وربي انج عسسسسسسسسسل



أشوآق مسويه خجلانه : ايه .. اذا حبيبك عسل لا تاكله كلله



ملاك تطالعها بطرف عينها : ومين قال انج حبيبي



أشواق : عيل منو حبيبج هااا .. بالله قولي لي ..



ملاك انحرجت ووقفت بسرعه : انا بنزل تحت اشوف خالتي



اشواق تصارخ : تعاالي مو قبل ما تقولين لي منو حبيبج



ملاك ركضت وطلعت من الغرفه ورغد تلحقها



ملاك عالدرج تركض وتقول بدلع : هههههههههههه ماراح تصيــديـ.....



سكتت فجأه و فتحت عينها من الشي اللي تشوفه جدامها .. وهيّ ما بعد استوعبت .. تحسس انها بخيال او انها تتوهم .. معقوله ..



أشوآق وقفت بنص الدرج وفتحت عينها .. وبعدها قالت : فهووووووووووودي حبيــبــــي وحششششششتني . مفااااجأأأأه تجننننننننن



فهد وعينه ع ملاك ما شالها بنووب : أشواق ..



اشواق : اييه أشواق اش فيييييك والله اشتقت لك يا بعد عمري .



فهد : .........



اشواق : يمه .. يمه تعااااااااااااااااااالي الحقي ..



جات ام فهد تسرع : اش صااير خوفـ...



فهد يوم سمع صوت امه صحى من اللي هوّ فييه .



ورآح لأمه وحضنها بقوه ..



بس نظرات فهد و ملاك ما خفت على اشواق ومسكتهــآ لنها مو لابسه عباايه وخذتها عالمطبخ وشربتها مويه .. وقالت لها : الحين عرفت منو حبيبج .



ملاك كانت ترجف وشويه وبتبكي ويوم سمعت كلمة أشواق ما قدرت على طول بكت وحضنت رغد بقووووووه وهيّ تبكي .



......



فهد كان جالس بالمجلس ويفكر بالملاك اللي كان جداامه . منو ذي . ياربي جماالها خياالي . انا زلام اعرف من هي . بس وجهها مو غريب علي . انا حافظ هالوجه زيين وحـآفظ هالملامح هذي , البشره البيضه الصافيه . والشعر الاسود الحريري والملامح الحاده بس منو مو عارفه .. معقووله ذي ملاك. تشبهها مرره . لالا ما اتوقع انها هيّ . طيب انا ليه مهتم . خلني ادق على تركي يجيني ابرك لي .



..



عند تركي .



تركي من صارت له قصه مع رغد وهوّ دآيم سرحــآن والحزن بعيونه. ورجعت له ذكرى خلود وكأنها توها متوفيه .



رن جوآله ومـآرد .



رن مره ثانيه ومـآرد ..



سلماان : ياهووووو . ترووك جوالك يرن .



تركي : هاا . اي اي طيب الحين .( ورد على الجوال ) : الووو



فهد بصوته المميز والمليان ثقه : الو .



تركي والفرحه مبينه عليه : هلا والله . هلآ بخووي .



فهد : يا هلا بك . شخباارك .



تركي : تمااام بخير الله يسلمك . انت وينك



فهد : على اراضي الوطن



تركي : جد ؟ كييف كذآ بدون ما تقول لنا . نورت والله وينك الحييين



فهد : في البيت .



تركي : اوكي انا جااي . ( وقفل الخط في وجهه من الفرحه ) <-- خخخخخخ احلى فرحه



فهد ابتسم على حركة اخوه وجلس ينتظره ,



..



أمـآ عند بـآقي البنـآت .. فهم نزلو كلهم بيت مهــآ " ام فيصل " من شـآن تفرجيهم أثـآث غرفتها اليديد



وهنـآك الوضع كل شي تمـآم . وروآن ما طلعت من غرفة مها ابد من شان ما تشوف فيصل . وعلى قولتها مستانسه بالغرفه اليديده وما تبي تطلع ..



..



ع ـالساعه 8 المغرب تقريبـآ انتشر الخبر انو فهد جــآ من امريكـآ .. والكل اجتمع في بيت عبد الرحمن


..







  رد مع اقتباس
قديم منذ /19 - 4 - 2010, 2:54 AM   #5

. آنتآ آص .

N.O غير متواجد حالياً

 رقم العضوية : 3
 تاريخ التسجيل : 6 - 6 - 2008
 المكان : MaKKaH
 المشاركات : 70,298
 النقاط : N.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond reputeN.O has a reputation beyond repute

افتراضي رد: قلوب من جليد - بقـــــلمي

ربي يعآفيكـ ع جهدكـ
موفقه دومآ
دمتي بخير









̿̿ ̿̿̿ ̿̿ ̿̿̿'̿'\̵͇̿̿\=(•̪●)=/̵͇̿̿/'̿̿ ̿ ̿ ̿







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
بقـــــلمي, جليد, قلوب

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ايقونات قلوب للمسن 2010 - اختصارات قلوب للمسنجر - قلوب ملونه للمسنجر - أيقونات فيستا الهَنوُف رموز ماسنجر - ابتسامات ماسنجر - ايقونات ماسنجر 6 3 - 3 - 2012 2:40 AM
صور قلوب صور قلب حب صور قلوب العشاق صور قلوب الرومانسين 2011 ♥ •ӎ صور - صور طبيعة - صور طريفة - صور نادره - كراكاتير 5 30 - 7 - 2011 4:29 AM
ايقونات قلوب للمسن-اختصارات قلوب للمسنجر- قلوب ملونه للمسنجر-فيسات قلوب 2010 للمسنجر ● н σ d σ α رموز ماسنجر - ابتسامات ماسنجر - ايقونات ماسنجر 15 11 - 4 - 2011 4:37 PM
تركي بن حميد , القلب المكنون ,قصائد بن حميد,قصائد صوتيه تركي بن حميد ♥ •ӎ شيلات mp3 - شيلات 2017- قصائد صوتيه - قصائد مسموعه - موفن نت 7 13 - 1 - 2011 4:51 AM
قلوب ,قلوب العشاق,صور قلوب,qloob,خلفيات قلوب,خلفيات 2010 ♥ •ӎ صور - صور طبيعة - صور طريفة - صور نادره - كراكاتير 20 15 - 7 - 2010 7:17 AM


الساعة الآن 9:35 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy