العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

قلوب من جليد - بقـــــلمي

بقـــــلمي , جليد , قلوب قلوب من جليد - بقـــــلمي روآيتي الأولى اتمنى انها تنال اعجابكم قلوب من جليــــــد .. ...

إضافة رد
 
LinkBack أدوات الموضوع انواع عرض الموضوع
قديم منذ /18 - 4 - 2010, 7:39 PM   #1

عزوف القلب غير متواجد حالياً

 رقم العضوية : 7856
 تاريخ التسجيل : 13 - 4 - 2010
 المكان : في قلـــُُُـــبها ربي لاتحرمني منها
 المشاركات : 2,441
 النقاط : عزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant future

قلوب من جليد - بقـــــلمي


روآيتي الأولى

اتمنى انها تنال اعجابكم

قلوب من جليــــــد

..


والحين انزلها بين يديكم

..

تعريف بالشخصيات

(أشواق و روان بالمول)
أشوآق : وآآآآآآو . طـآلعيـهـ كيف يجنن . لآزم آخذه
روآن : صدقيني ذآك أحلـى .!
أشوآق : لآ . انا ابي ذآ . كيفي عاجبني .
روآن : تيب برآحتـج خذي الثوب اللي تبيـهـ . بس صدقيني انج بترجعي تاخذين الثوب الفوشي
أشواق : ههههههههههه . حنشووف .. يا الله امشي وانتي ساكته .
روآن حطت يدها على خصرها وقالت بدلع : لآ قولي قسم ؟
اشواق : ههههه امزح معج فديتج . كوكلي تركي ينتظرنا بالسياره
...
< وبالسيـآره >
تركي : اهلين يا آنسات . كان جلستو لأذان الفجر تختارون الثوب
أشوآق : هههههههه . يا حليلك والله يا اخوي . اسفين طولنا عليك وكاهي روآن شرت لعيونك احلى ميلك شيك بالشاكليت
روآن بصوت خفيف سمعه تركي : ( ومين قال اني شاريته له الله يرجك ورطتيني . خاطري فيه انا )
ابتسم تركي وقال : عليج بالعافيه
انحرجت روان وقالت بقلبها (احسن) <- خطيره هههههههه
&&&&&&&&&&&&&&&&&&&&&
# عايلة ابو فهد #
أشوآق < بنت عنيــده . لكنهـآ طيبهـ . شخصيتها هيبه . وجميـله بالمرــره عمرها 19 سنه
روآن < اخت أشوآق . تحبها مووت . وتقتدي بها في كل شـي . وعلاقتهم تمام . عمرها 16 سنه طيبـهـ وحنووونه ومشاكسه ما تؤمن بالحب ابدآ وعلى قولتها انا تبع اغنية رآشد الماجد (بـلآ حب بلا وجع قلب ).
امهم ( نوره ) < طيبــهـ بالمرره وحنوونه وقلبها على عيالها . تحبهم مووت وخـآصة أشوآق . لنها بنتها الكبيره .

وابوهـم ( عبد الرحمن ) < طيـب . وموفر لعياله كل شي يبونه . ويحب روآن بالمرره . دلوعتـهـ وما يقدر على زعلها . مشترك مع اخوه ( ابو مشاري ) بالمؤسسات والعقـآر .
تركي < عمره 22 سنه وسيــم بالمرره . وكل من يشوفه يخق عليه لكنه قـآسي مرره . وحاط بباله انه مستحيل يحب احد غير خلود حب حيـآته من كان صغير . اللي توفيت بحـآدث من كان عمره 20 سنه.
دانه < عمرها 18 سنه . جميـله وجمالها ذبـآح . بس دايم جالسه بالبيت . وما تحب تطلع .
ما عندها ثقه بنفسها .
فهد < الولد الكبيـر في عايلة نوره وعبد الرحمن . مسـآفر برآ يدرس . صار له ستة اشهـر .
شخصيته تعرفوها مع الاحداث . وعمره 23 سنه
******************* ********************
ريم تجلس رغد من شان يروحون بيت خالتهم نوره : اووووو يا سعووووووووووووودي . يا سلامي عليكم يا السعوديه . فديييييت نفسي وربي . جلسي بسرعه والبسي من شان نروح بيت خالتج نوره . شوفيني اش زيني تكشخت وتزينت وانتي بعدج نايمه
رغـد تصـآرخ : ريم يا مهبوله ازعجتيني . اطلعي برآ والله بالمخده فوق رآسج
ريم : هههههههههههههههههههه . اتحداااااااااج . هذا اذا صدتيني . انتي اول شي قومي وقفي مثل الناس وبعدين يصير خيـر

رغد : لا يكثـر عفيه خليني اناام . نعساانه .
ريم : وليه نعسانه ان شاء الله . وانتي نايمه من 9 الليل كنج دجاجه .
رغد : هههههه دجاجه بعينج . زين كاني بقوم والله انج هبله (وتقول في قلبها بلاج ما تدرين يا اختي بالهم اللي فيني)
&&&&&&&&&&&&&&&&&&&
# عايلة ابو مشاري #
ابو مشاري < اخو عبد الرحمن ومشترك معه بالعقار والمؤسسات . طيب ورجل اعمال كبيـر .
ام مشاري < اخت نوره وحصه والجوهره . شخصيتها حلوه وكلمتها تشمي عالكل
مشـآري < مملوح . لكن نظراته تميزه عن باقي الشبـآب . حنـون بالمره ويعز اخته رغد ومايرفض لها طلب . عمره 21 سنه
رغـد < بنت هادئه وطيبه ورومنسيـهـ بالمرررره . عمرها 19 مع أشوآق بـصف ونفس شخصية اشواق تقريبا . افكارهم واهتماماتهم مثل بعض . يفهمون بعض من النظرآت . وقلوبهم عند بعض
ريم < بنت رووووعه خفة دمها تخبي على لقافتها . الكل يحبها لنها تدخل القلب بهبالها . صديقة روآن الرووح بالرووح ويعزوون بعض بقووه . ودايم مع بعض وبنفس الصف وعمرها 16
رهف < عمرها 5 سنين . آخر العنقوود . وتتدلع على الكل خاصه على نواف فارس احلامها "
*************** ****************
في بيـت حصه (اخت نوره )
رن التيليفون
رآح فيصل يرفعه : ألوو .
روان : الو السـلآم
فيصل ويقول بقلبه فديت هالصوت وربي : اهلا روآن شخبارج
روآن : الحمد لله تمام . ممكن تنادي لي على مها
فيصل : طمنيني عنج . وينج من زمان ما جيتي لنا اشتقنا لج
روآن : أأ . ممكن تنادي لي على مها
فيصل باحباط : من عيووني . دحين اناديها لج . (وبقلبه : آه منج ومن قساوة قلبج . والله احبج )
روان بقلبها (يا شينك وربي )
...
جـآت مها : اهلين قلبو هلا والله
روآن : هلا يا آنسه شلونج
مها : هههههههه ليه تكلميني جذي ؟ .. الحمد لله بخير ربي يسلمج .
روآن : غثني الأخ فيصل . ما بغيتي تجي . وليه حظرتج جوالج مقفل .
مها : هههههههههه . كنت اتهاوش مع فيصلوه . وكان يلحقني وانا اركض طاح وانكسر
روآن : هههههههههههه يا حليلكم . كنكم بزرآن . المهم عااد . الليله رآح نتجمع في البيت .
مها : وااااااااااااااااو وناااسه . من زمــآن ما تجمعنـآ . طيب من عيووني
روآن : فديت عيوونج يا الله عن اذنج قلبو . بروح اجهز. بــآي .
مها : اذنج معج . بـآي
&&&&&&&&&&&&&&&
# عايلة منيره #
مها < عمرها 18 . تحب روآن مرره . وتعزها وتعتبرها اختها لنو ربي ما رزقها غير فيصل النشبه (على قولتها )
فيصل < ولد جميـل بالمرره . عنيـد ويحب روآن لكن هيّ تكرهه لنها ماخذه عنه فكره انه رآعي بنات وهالسوالف عمره 22 سنه وصاحب مشاري
منيره (اخت نوره وحصه الثالثه ) < طيبه وحنونه وتحب عيالها وماتقدر على زعلهم . تحاول تنفذ كل شي لهم وما تحسسهم بالنقص . زوجها توفى وهيّ حـآمل بمها .
************************
بدر يكلم وحده من خوياته : ههههههههههههههه يا عمري انتي . وانا بعد امووووت فيج . يا الله يا قلبي بسج تغلي . ابي اشوفج
" طقت عليه اخته الباب"
بدر وهو يكلم تيليفون : يا الله قلبو الباب يدق اكلمك بعدين . وقفلها
تفضل .
جات له اخته سـآره : اخوي
بدر : خير اش تبي
سـآره ابي اروح بيت خالتي نوره . الليله البنات بيتجمعون هناك
بدر : وانا فاضي لك مثلاً
ساره ما عندي احد يوصلني . ابوك مسـآفر . وامي طالعه مع السايق بيت صاحباتها
بدر : زييين خـلآص عورتي رآسي . يا الله خلصيني البسي عبايتج . دقيقتين اذا ما لقيتج بالسياره بمشي عنج .
ساره : شكراً اخوي ما تقصر .
وراحت تسرع تلبس عبايتها
&&&&&&&&&&&&&&&&&&
# عايلة ابو بدر #
بدر < ولد وسيــم .. يذبح جسمه رياضي وروعه . بس فيه عيب انه يكلم البنات ويلعب بعقولهم . عمره 22 سنهـ . ومن كثر الهوشات بين امه وابوه صار قلبه قاسي . وخاصه على اخته سـآره .
سـآره < صديقة دانه . نفس الشخصيه تقريباً . ثنتينهم انطوائيات . بس ساره ماكانت كذه . لكن الظروف في بيتهم ومعاملة اهلها لها خلتها تصير كذه عمرها 17 سنه
امهم أمل < كانت طيبه على عيالها . بس من معاملة زوجها القاسيه لها صارت هيّ تقسي عليهم وتكرههم . واقل شي يعصبها تحط الحره فيهم خاصة بـساره لنها بنت ودايم بالبيت
ابوهم محمد < قاسي بشكـل . يحب زوجته لكن ما يبين لها . لنه يفتكر الحب يضعف الشخصيه وينزل من المقام والهيبه . وهوّ من سفر لسفر وما يدري عن شي بالبيت .
*********** ************
ملاك : اممممم .. نونو
العنود : هـلآ يا عيون نونو آمري .
ملاك : ابي اتكلم معج بموضوع
العنود : تفضلي .
ملاك: تذكريـن فهد ولد خالتي نوره
العنود : ايه اذكره . اش فيه وشنو جـآبه على طاريج ؟
ملاك: مدري ليش جا على بـآلي .
العنود : هااا يا بنت . شالسالفه
ملاك: هههههههه شدعوه . مافي شي لا تخافي
العنود : علينــــآ
ملاك: هههههه . .( وتغيرت تعابير وجهها ) وقالت : والله مدري . وصـآرت تبكي تبكي بقووووهـ .
العنود : هنوفه حبيبتي . اش فيج . ليه تبكين بذي الطريقـهـ . اول مره اشوفج هيك .
لحظه اهدئي وخليني افهم السالفه .
&&&&&&&&&&&&&&&&&&&&
# عايلة ابو نواف #
العنود <. طيبه ومهبووله تبع شلة الوناسه (ريم – روان – العنود - مها ) عمرها 16 سنه
ملاك < بنت طيبـهـ وهااادئه بالمرره . صديقة اشواق من صغرها ودايم مع بعض . عمرها 19 سنه
اخوهم نواف < هم ماله دور كبيـر بالقصه . عمره 9 سنين وهو الولد الوحيد بذي العايله .
امهم (اخت نوره و ........ ) < طيبه مع عيالها . واثقه فيهم بقوه . وتعطيهم الحريه . لكن بحدوود
ابوهم ( ابو نواف ) < صـآحب ابو مشاري وابو فهد . ومشتركين مع بعض بالمؤسسات .
جمانه < اختهم الكبيـره متزوجه على يوسف " ولد جيرآنهم " عمرها 24 وزوجها عمره 29 عندها بنت اسمها لجين عمرها سنه . و ولد اسمه فارس عمره 3 سنين .
********** ***********
وبعض الشخصيات راح تظهر مع الاحدااث





rg,f lk [gd] - frJJJJJgld








  رد مع اقتباس
قديم منذ /18 - 4 - 2010, 7:40 PM   #2

عزوف القلب غير متواجد حالياً

 رقم العضوية : 7856
 تاريخ التسجيل : 13 - 4 - 2010
 المكان : في قلـــُُُـــبها ربي لاتحرمني منها
 المشاركات : 2,441
 النقاط : عزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant future

رد: قلوب من جليد - بقـــــلمي

][ البـــــــــــــــآرت الــــــــــــــــــــــــــــــــــــــــــــأول ][ .
روان داخله غرفة اختها : شوشو . ابيج تختارين لي اللبس من شان الليله
اشواق وهي تحط لها كحله : البسي الثوب الذهبي يناسبج
روان مسويه نفسها زعلانه : اووف يعني حتى ما تتعبين نفسج تجين تختارين لي .
اشواق توها بتتكلم واخترب روجها: يا نحيييييسه كني عطيتج وجه ..شوفي روجي اخترب .
روآن : ههههههههههه اسم الله عليج . خلاص بطلع عنج لا تذبحيني
....
الساعه 6 المغرب تقريباً الكل حاضر بس مهـآ تنتظر اخوها يخلص شغله ويوصلها
الساعه 8 رن الجرس
طفرت روان : ذي اكيد مها
وراحت تركض للباب وفتحته على مصرعيه <-- حلوه صح هههههههه
نزلت مها من السياره وراحت بتدخل . جات روان وحضنتها وقالت لها اشتقت لج مووت يا دبه وينج . (ونست انو الباب مفتوح )
مها : هههههه بخير . والله اشتقت لج اوف من المدرسه وبلاويها
روان : أي والله . يا الله مشينا داخل .
جات بتسكر الباب انتبهت انو في سياره واقفه . طالعت لقته فيصل يناظرها وفاتح فمه . انحرجت وبنفس الوقت عصبت من شان نظراته . ودخلت بعد ما سكرت الباب بقوه
...........
فيصـل : آآآآه منها . احلى من الملاك . تجنن ياناس عليها عيوون تذبح . وعليها خصـر رووعه .
(روان كانت لابسه ثوب ذهبي ضاغط من فوق وعند الخصر ومنفوش تحت لعند الركبه تقريبا. ومسويه شعرها كيرلي وفي خصل على وجهها . وحاطه لها كحله وروج خفييف وطالعه جنــآن )
داخل بالصـآله ( دخلت مها وبعدها روان )
مها : هــــــــــــــــآآي
البنات : اهلييين هلا والله بميمي .
وسلمو على بعض وبدأت السهره والضحك والوناسه
..
الساعه 10 تقريباً : رغد . اقول يا حلوين . انا جايعه . متى العشى
شوشو : يا الله دحين نقوم نحطه . قومي ساعديني .
وراحت رغد مع اشواق المطبخ يحطون الاكل بالصحون .
اشواق بتدق عالسايق يجيب عصيرات : يؤ . جوالي مافيه شحن . عاد قلبو روحي جيبيه انا مشغوله .
رغد : افا علييج . من عيووني والله .
اشواق : يا بعد عمري انتي . يا الله فديتج لا تتأخرين
ركبت رغد تجيب الشاحن وهي تسرع .
توها راكبه . شافت تركي طالع من الغرفه . ارتبكت واحتارت تنزل والله تدخل غرفة اشواق وضلت واقفه محلها
. وهوّ واقف ومستغرب . معقوله ذي خلود اللي جدامي .
رغد بقلبها : ادري يا تركي . وربي ادري انك للحين تحب خلود . بس انا احبك . خلود ماتت خلاص انساها . ونزلت دمعه من عينها
تركي : خلوود . ليه تبكي . انتي خلود صح .
رغد صارت تبكي وتشاهق ودخلت غرفة أشواق تسرع وهيّ تبكي .
ليه يا تركي ليه . والله حرآم اللي تسويه فيني . انا مب خلود . انا رغد اللي تحبك . حرااام .
( وتبكي بصوت عالي )
تركي من برآ الغرفه : معقوله ذي خلود . مستحيل . اكيد ذي رغد توأم خلود . ياربي انا شسويت . وليه هيّ صارت تبكي ؟ اكيد لنها تذكرت اختها .. ورجع غرفته يفكر
فقدتك يـآ أعز النـــآس .
فقدت الحب والطيبه .. انا من لي في هالدنيا سوآك ان طالت الغيبه
رحلت ومن بقى وياي يحس بضحكتي وبكاي
.............
اشواق تحت : يؤ وينها رغد . صار لها ربع ساعه فوق . حطيت العشا وانتهيت وهيّ ما بعد نزلت . خلني اركب اشوفها
..
ركبت فوق شافت رغد تبكي بقووه
اشواق : رغد حيااتي . اش فييييج ليه تبكين اش صاير
رغد تصارخ وتبكي: ملييت من حياتي والله مليت . ليه مب حاس فيني . انا رغد والله انا رغد
اشوآق : لا تبكين يا عيوني خلاص . لازم تصبرين . والله حاسه فيج :( .. يا الله يا عيوني . خلينا ننزل لا يحسون اللي تحت بشي .
رغد : انتي انزلي وانا بظل هني . حاسه نفسي تعبانه شوي . لاهنتِ
اشواق : تيب براحتـج
........
ونزلت اشواق تحت
مها : اقول شوشو . هذا ماصار عشا تحطينه نص ساعه .
اشواق : معليش يا عمري
العنود : اقول شوشو وينها رغد .
اشواق : بطنها يألمها وبترتاح لها شويه فوق
.....
تعشو وخلصو . جــآت الساعه 12 ..
ملاك: اقول العنود . كنو تأخرنا ..!
مها : لا خليكم تو الناس
اشواق : أي والله ما بعد خلصت السهره .
وريم كان قلبها مب متطمن على اختها وحاسه انو فيها شي : اقول شوشو
اشواق : هلا قلبي آمري
ريم : ابيج تراويني الثوب اللي اشتريتيه .وغمزت لها
اشواق فهمت وقالت : طيب من عيوني .
شوي ونجيكم
رآحت ريم وجلست مع اشواق بالصاله .
ريم : اش فيها اختي . وينها
اشواق : سلامتج عيوني ما فيها شي بس تعبانه شويه
ريم : ممكن اشوفها .
اشواق : يس اكيد هيّ جالسه بغرفتي . روحي لها وانا بنزل .
ريم هزت راسها وهيّ مغمضه عيونها : اوكي
..........
دخــلت ريم الغرفه لقت اختها حـآضنه المخده ودموعها بعيونها و وجهها صاير احمر وسرحانه
ريم : رغد
رغد سرحانه : ...........
ريم وقلبها متقطع على اختها وشاللي قلب حالتها
رغد حبيبتي .
وقربت لها تلمسها . لقت وجهها حــــآر بالمررره .
وشهقت : رغد حبيبتي اش فيج .
ونزلت تسرع : اشوااق لحقي علي اختي تعباانه
اشواق : رغد بعد عمري اش فيها
وراحت لها تسرع . لقتها حااره مرره ومثل اللي مب في وعيها . اخذتها ولبستها العبايه وطقت الباب على تركي .
تركي بسرعه قوووم رغد تعباااانه
تركي : طيب انا بالسيااره
نزلت اشواق مع رغد . وقالت لهم يا جماعه انا رايحه المستشفى مع رغد . ريم تعالي معي . وروان خلج مع البنات . وانا آسفه .
البنات : لا عادي نو برابلم ربي يعينج والله . ويشافيها . طمنينا
.............
ركبو السياره . وحطت رغد راسها على اختها وغمضت عينها بقووه .
تركي يطالعها من المرايا : آآه منج يا خلود . حتى وانتي ميته شبحج يلاحقني بكل مكان .
..............
** في بيت نوره **
مها : اقول بنـآت . جلستنا مالها داعي نروح بيوتنا احسن
روآن : لا مابي خلكم معي
ملاك: معليش حبيبتي . الساعه صارت 12 بالليل واكثر . واحنا لازم نروح . والله ودي اجلس معج بس ما قلت لأمي .
العنود : اممممم . عندي لكم خبر حلو . انا اتفقت مع امي انو ننام هني .
روان : يييييييييييس ونااااااااااااااااااااسه
مها : وانا متفقه مع فيصل انه يجيني الساعه 12 وشوي
رن تيليفون مها : الوو .
فيصل : هلا ميمي خلصت السهره .؟
مها : هلا والله عمرك طويل تونا نطريك .. ههههه ايه خلصت يا الله تعال
فيصل : والله تطروني . شتقولون .
مها : ههههههههه يمه منك تراني فاهمتك . وناظرت في روآن على جنب اللي صار وجهها احمر يوم انها تذكرت الموقف
فيصل : البنات معك صح
مها : ايوه
فيصل : خلاص عيل انا جايك .. يا الله باي
مها : بـآي
......................
** الساعه 1 بالليــل **
الكل رآح ما عدآ الهنوف والعنود جلسو مع روآن .
..
روآن : اقول بنـآت . كنو اشواق والبنات تاخرو .
ملاك: أي والله دقي عليهم شوفي شخبار رغد
روان : اوكي
روآن : ألــــــو .
اشواق وصوتها واضح انه تعبان : هلا
روآن : وينكم وشخبار رغد . وليه صوتج تعبان كذه . اش صاير ؟
اشواق : رغد الحمد لله بخير. بس قال الدكتور انو اعصابها تعبانه واعطاها ابرة مهدئ وقال انها لازم تنام الليله بالمستشفى من شان يشوفون وضعها . و الحين احنا جايين مع تركي ..
روآن : الحمد لله . تيب ننتظرج قلبو . انتبهي لنفسج . مع السلامه
اشواق : مع السلامه .
...
العنود والهنوف : ها شخباارها . ومتى راح يرجعون .
روان : الحمد لله هيّ بخير . والحين همّ جايين .
..
الساعه 1 ونصف وصلت اشواق من المستشفى ومعاها ريم (لنهم كانو مقريين ينامون في بيت خالتهم )
وتركي على طول ركب غرفته ينام .
اشواق : اقول بناات . انا ماراح اسهر معكم تعبانه شوي وبركب انوم
ملاك: أي والله وانا بعد تعبانه وطالعه انوم معج
العنود : انا مافيني نومه بجلس مع روان وريم
..
وضلو البناات سهرانين للصبح ضحك ووناسه ولعب . وريم مابين الزعلانه والمبسوطه
..
الساعه 8 الصباح جلست ملاك واشواق والباقي لسّا نايمين .
اشواق : اقول ملاك . اش رايج نطلع نفطر برآ وبعدها نروح نخرج رغد من المستشفى .
ملاك. والبنات ؟
اشواق : خلينا نهرب عنهم عقاب لنهم ما نامو بدري .
ملاك: ههههههه خلاص تم . بس بدق استأذن من امي واانتي بعد قولي لأمج
اشواق : انا قلت لأمي وبالقووووه وافقت .
ملاك بعد ما كلمت امها : وامي بعد وافقت يا ونااااااااااسه يا الله مشينا .
%% في المول %%
اشوآق : اش رايج قلبو . بوين ودج نفطر ؟
ملاك.ودي بستار بوكس .
اشواق : يا الله مشينا
%% بستار بوكس %%
اشواق : اشتقت لفهد
الهنوف تغيرت الوانها وتركت الكوفي اللي بيدها . : .........
اشواق : كان ودي انه يكون معنا . افتقدت ضحكته . افتقدت حنانه . افتقدت هواشه .

تدرين . فهد يحب ستـآر بوكس مره . واذا نوى انه يفطرني دايم يجيبني هني . والله من قلتي ستار بوكس ذكرته
ملاك: ..........
اشوآق : يـــــــــــــــآآهووو . اش فيج
ملاك: ولا شي . اقول حبيبتي كنو تأخرنا . يا الله ناخذ لنا جوله
اشواق : لا ما بعد خلص فطوري انا . خلني اكل على روقاان من شان خاطري اكلم فهد اذا خلصت
ملاك اكتفت بكلمة اوكي .
...............
في البيت عند البنات .
صحت روآن وريم .. والعنود ما زالت نايمه
روآن : اقول ريم . اش رايج نسوي مقلب في العنود .
ريم : لآ احس انو مالي خلق
روآن : افا . ليه عـــــآد .؟
ريم : مدري . متضايقه من شان اختي .
روآن ضمت ريم : لا تخافين حبيبتي اختج ما فيهـآ شي بس تعبانه شويه واليوم رآح تطلع من المستشفى .
ريم : ............
روآن : يا الله قومي نروح لشوشو و هنّو من شان نروح المستشفى معهم .
ريم : اوكيه .
فتحت روآن غرفة اختها مالقت احد .
روأن : يؤيؤ . وينهم هذولين ؟
ريم بشوي فلسفه : اكيد انهم تحت . لنهم البارح نامو قبلنا فصحو قبلنا .
روآن : يا الله ننزل .
روآن رآحت لأمها : صبــآح الخير يا احلى ام
الأم نوره : وي . صبـآح النور . يا قلبي انتي . متى صحيتي ؟
روأن : توني من شوي بس . اقول مامي. وين اشواق والهنوف ؟
الام : اممممم . هههههههه . طلعو يفطرون برآ
روان وريم بنفس الوقت : هااااااااا ..!!
الام : هههههههه .
روان وريم : كيف يروحون بدوننا .
الام : والله مدري المهم عاد انا طالعه بيت خالتكم الجوهره . تجون معي ؟
روآن وريم : يسسسسس .
ريم : انا راكبه اصحي العنود وانتي رتبي نفسج بليز.
روآن تناظر في روحها : ههههههههههه من متى انا شكلي كذه .! . تيب الحين رايحه اجهز نفسي .
ريم : يا الله كوكلي .
ركبت ريم تصحي العنود .. وروآن راحت ترتب نفسها .
....
ريم : العنووود . العَنود يا دُبّــهـ قومي
العنود : هاا متى
ريم : ههههههه يا دبه قومي بسرعه بنروح عنج المول
العنود طفرت : المول . قمت
ريم : هههههههه يا حليلج . يا الله بسرعه بنروح بيت مها
العنود كشرت : اوف زين
......
روآن تلقي النظره الأخيره على نفسها . يا ويلي. اجنن بسم الله علي
ريم تطق الباب على روآن : ادخل ؟
روآن : يسس تفزلي .
ريم فتحت الباب : واااااااااااااو . تجنني بسم الله عليج تاخذي العقل بجد . نيال زوج المستقبل والله .
روآن : هههههههههه تسلمي احرجتيني . (ورفعت راسها بدلع ) كلامج هذا زاد نقـآط الغرور اللي عندي <-- كلمتي المعتاده
ريم : مالت عليج بس . يا الله نزلنا .
العنود : اقول بنـــآت . شخبار رغد ؟
روآن : الحمد لله بخير . الحين الهوانم رايح يجيبونها من المستشفى .
العنود : ايه حركاات . رايحين عننا مالت بس .
ريم : بلاج ما دريتي انهم طلعو عننا حتى المول
العنود شهقت :الموول ؟!!!
روان وريم يهزون راسهم ايجابا : ييييييييييس
العنود : هين اوريهم.
..............
%%% في المول عند اشواق و ملاك %%%
اشوآق تكلم فهد : الوووو .
فهد : هلا بقلبي . هلا بشوشو . كيفج حبيبتي ؟
اشوآق : وي هههههههه . انا بخير والله مشتاقه لك انت شخبارك وشخبار الجو عندك ؟
فهد : والله تمام يمشي الحــآل . ناقصتني شوفتكم
اشواق : يا بعد عمري والله تسلم . شخبار الجو هناك
فهد : والله برررررد
اشواق مشتغله نصايح: لا تطلع برآ بهالجو لا تمرض والبس عدل وتدفى واشرب شووربه دافيه عشان حلقك و......
قاطعها فهد بضحكه عاليه وصلت لمسامع ملاك : هههههههههههههه طيب
طيب خلاص بسج عااد . من عيووني والله .
اشواق ضحكت باحراج : هههههههههههه
. المهم اني تطمنت عليك . انتبه لنفسك دحين لازم اقفـل .
فهد : ليه انتي وينج ؟
اشواق طالعه افطر مع ملاك في ستـآر بوكس .
فهد : حركات. بالعافيه . وسلمي لي عليها .
اشواق : ربي يعافيك .ويسلمك . يوصل . يا الله سيو
فهد : سيو
...
اشواق : يسلم عليج فهد .
ملاك تكلمت بصعوبه بعد سماع ضحكته اللي مشتاقة لها وحاسه انها فاقدتها بقووه: أأ . ربي يـ يـ يسلمهـ ,
اشواق : اش فيج ؟
ملاك: ها . لالا مافيني شي . بس كنو تأخرنا على رغد .
اشواق : أي والله .يا الله مشينا
.................
% عند رغد %
رغد بعد ما رآح تأثير المهدئ ضلت نايمه .
دخلو عليها اشواق و ملاك لقوها نايمه ضلو جنبها ينتظروها تصحى .
رغد تفتح عيونهـآ : تركي
ملاك بشك تناظر اشواق وتهمس : شالسـآلفه ؟
اشواق :بعدين اقول لج
ملاك: اوكي

رغد : انا رغد . حراام عليك
اشواق : رغد حبيبتي . جلسي انا اشواق . جينا ناخذك يا الله
رغد : ............
ملاك: يا الله يا عمري ماله داعي كل اللي تسوينه . لازم تتحملين .
رغد : ..... وين بنرجع ؟
اشواق : بيتنـــآ
رغد : مابي . انا ابي اروح بيتنا .
اشوآق : بس ريم عندنا وامج ما تدري بالسالفه
رغد سكتت بمعنى الموافقه
(ورجعو البيت )







  رد مع اقتباس
قديم منذ /18 - 4 - 2010, 7:43 PM   #3

عزوف القلب غير متواجد حالياً

 رقم العضوية : 7856
 تاريخ التسجيل : 13 - 4 - 2010
 المكان : في قلـــُُُـــبها ربي لاتحرمني منها
 المشاركات : 2,441
 النقاط : عزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant futureعزوف القلب has a brilliant future

رد: قلوب من جليد - بقـــــلمي

..........
في بيت الجوهره
دق الجرس
الجوهره ( ام فيصل ) : فيصل روح افتح الباب هذي اكيد خالتك نوره وصلت
فيصل : والله . مين معها .
الجوهره مستغربه : محد معها
فيصل بصوت زعلان : اوكي .
ورآح يفتح الباب شاف خالته نوره ومعاها روآن و وراهم العنود وريم
فيصل بابتساامه عذبت قلوب البنات . بس للأسف روآن ما اهتمت لها : حياج خالتي
الخاله نوره بعد ما دخلت الصاله : يا هلا فيك . وين امك .
فيصل : امي في المطبخ تصلح قهوه . والله انا مشتاق لك يا خالتي موووووت . فديت هالطله . وينج ما تنشافين (ويغمز لروآن بشكل محد انتبه له بس هالحركات ما تفووت العنود اللي مسجله كل شي بعقلها)
الخاله نوره : يا بعدي انت والله . ايه والله لو تبي كان نزلت سلمت علي البارح . وصلت لعند الباب وما نزلت .
فيصل : ههههههههه . انا آسف وحقج علي .
روآن منحرجه : عن اذنكم
فيصل: لا وين تو الناس يا روآن . // وبصوت مليان شوق : شخبارك روآن ؟
روآن ما حبت تتجاهله : الحمد لله بخير يا الله انا رايحه أشوف مها
ريم والعنود : واحنا معج


% عند مها %
العنود : ياويلي على حالي
ريم : ههههههههه اش فيج
العنود : ابي اتزوج
ريم : هههههههههههههههههههههههههههههههه . قولي قسم . وشاللي حادج ؟
العنود : بس هيكـ .
روآن : لالالا مافي تتزوجين قبلي . جان اذبحج
العنود : والله واضح انو انتي راح تعنسي وانا مو مستعده اعنس من شانج
روآن وهيّ مصدقه : بجد .!!
العنود وريم بصوت واحد : يـــــــــــــــــــــــــــــسسسس
مها: ما عليج منهم تراهم غايرين وبقوه بعد . والله انج قمر بسم الله عليج . لو تشوفج بنت جيراننا على طول تخطبج لولدها
روآن : وي . لالا بسم الله علي . ما بي توني صغيره وبعد انا مستحيل اتزوج على اجد من الجيرآن " عندها عقده البنت "
العنود : أعصـآبج
مها : اقول بنات يا الله ننزل تحت .
روآن وهيّ خايفه انها تقابل فيصل : لا مابي
مها : شدعوه . يعني بنظل هني . ؟
العنود (كانت ملاحظه غمزة فيصل وتبي تقهر روآن ) : لا خلنا ننزل ليه نجلس هني .
روآن : اووف . زين يا الله .
% تحت في المجلس عند البنـآت %
ريم : اقول لكم نكته
البنات : شنو ؟
ريم : هندي ياكل كفته ههههههههههههههههههههههههههههه
<--- (((( على فكره تراها نكتتي المعتاده :$ ))))
العنود ومها : ههههههههههههههههههههههههههههههههههههههههههههه . الله يقطع بليسج . والله انج روعه ومو صاحيه
روآن : هه هه هه بـآيخهــ .
مها : اش فيج روآن . احس انو اليوم مالج خلق .
روآن : ولا شي سلامتج . عن اذنكم بنات بروح اشرب لي مويه
ريم : خذي راحتج
العنود : لا تنسين تطولين
روآن طلعت وهيّ سـآكته
..
دخلت روآن المطبخ وفتحت بــآب الثـلاجه وخذت لها مويه وشربت .. توها خالصه جايه بتطلع . جـآن يدخل فيصل ويصدم فيهـــآ وطاحت شيلة روآن
فيصل بقلبه : والله انج قمر ومن حقج تستغرين علي . ماراح تكوني لأحد ثاني غيري .
روآن تناظر في فيصل كيف يطالعها وتعلقت عينها بعينه بعدها استوعبت الموضوع ونزلت دموعها بس ما عرفت سر هالدمووع .
فيصل يبرر موقفه بعد ما شاف دموعها: روآن انا ..... انــآ
روآن بقهر : انت كذآآب , مابي اسمع منك أي كلمه . خلاص خليني بروحي اكرهك . ونزلت اخذت شيلتها ورفعت . طاحت خصله على وجهها . رفعتها وطلعت بسرعه
فيصـل : ليه تكرهني . والله هالكلمه مثل السم على قلبي . انا لازم احدد موقفي معها .
.
,,
عند البنـآات
مها : هههههههههههه . يا حليلج يا العنود . والله سوالفج ما تنمل .
العنود : تسلمين حبيبتي من ذوقج
روآن تحاول تخفي الارتباك اللي عليها : هاي بنات رجعت لكم .
ريم : هااا تو النـــآس جان ما جيتي . كل هذا تشربين مويه
روآن بضحكه مصطنعه : ههههه لآ بس شفت فطـآير بالثلاجه و سخنت لي وكليت
مها تقول بقلبها : ( يؤ . كيف والثلاجه ما بها فطاير . في سر ورى روآن ولازم اعرفه )
دخلت الخاله نوره المجلس ..
خاله نوره : يا الله يا بنات تأخرنا ولآزم نرجع لنو امج يا العنود دقت تبيكم ,
العنود : والهنوف وينها ؟؟؟؟
نوره : الحين هيّ جايه مع السايق .
ريم : وانا بعد يا خالتي بنزل بيتنا
روآن : لآ خلج معي .
ريم : لا احسن اذا رحت البيت من شان بكره عندنا زوآج ,
مها : ايه صح لازم تروحين تتكشخين
الخاله نوره : ياا الله مها حبيبتي . احنا رايحين مع السـلآمه
..
.. نهــآية البـآرت ..
,,
رغد الحمد لله رجعت لطبيعتهـآ . وصارت تسولف عادي بس مازالت تذكر الموقف اللي صار لها ومستحيـل تنســآه .!
&&
وفهد بعد مكالمة اخته قرر انه يسوي مفاجأه لعايلته وينزل البلد بدون ما يقول لهم .
&&
روآن حست انو بعد الموقف اللي صار كرهت فيصل زياده وزعلت عليه
&&
تركي زعل كثيـر من شان رغد خاصةً بعد ما عرف انها تحبه
&&
مهــآ والعنود حاسين انو في شي بين فيصل وروآن بس مب عارفينه
&&
فيصـــل قرر انه يوضح لروآن انها غلطانه من شان الفكرة اللي ماخذتها عليه وانه مو تبع اللعب والحركـآت ذي.

&&
توقعــآت
** ياترى هل الايام قادره تنسي تركي بخلود . او كل ما شاف رغد زاد شوقه وحبه لخلود ؟ .
** فهد بيقدر انه ينزل السعوديه او ضروف عمله رآح تمنعه . واذا نزل اش رآح يصير ؟
** فيصل بيقدر يكلم روآن بالموضوع اولا . واذا قدر اش راح يصير وشنو بتكون ردة فعلها ؟

** روآن بتقدر تحب فيصل او ماراح تسمع حتى تبريره لفكرتها عنه ؟ وتتوقعون ليه متعقده من بيت الجيرآن فيه قصه او بس هيـك
** رغد شنو رآح تكون ردة فعلها اذا شافت تركي بعد الموقف اللي صار . ؟
** مها بتقدر تعرف شي عن سالفة روآن . واذا عرفت وش بتسوي . بتساعدها او بتصعب الموقف ؟
** بدر ممكن انه يحن مره على بنت . وشنو نهاية علاقته مع البنات واللعب عليهم


واذا اعجبتكم قولو لي انزل بارت يديد







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
بقـــــلمي, جليد, قلوب

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ايقونات قلوب للمسن 2010 - اختصارات قلوب للمسنجر - قلوب ملونه للمسنجر - أيقونات فيستا الهَنوُف رموز ماسنجر - ابتسامات ماسنجر - ايقونات ماسنجر 6 3 - 3 - 2012 2:40 AM
صور قلوب صور قلب حب صور قلوب العشاق صور قلوب الرومانسين 2011 ♥ •ӎ صور - صور طبيعة - صور طريفة - صور نادره - كراكاتير 5 30 - 7 - 2011 4:29 AM
ايقونات قلوب للمسن-اختصارات قلوب للمسنجر- قلوب ملونه للمسنجر-فيسات قلوب 2010 للمسنجر ● н σ d σ α رموز ماسنجر - ابتسامات ماسنجر - ايقونات ماسنجر 15 11 - 4 - 2011 4:37 PM
تركي بن حميد , القلب المكنون ,قصائد بن حميد,قصائد صوتيه تركي بن حميد ♥ •ӎ شيلات mp3 - شيلات 2017- قصائد صوتيه - قصائد مسموعه - موفن نت 7 13 - 1 - 2011 4:51 AM
قلوب ,قلوب العشاق,صور قلوب,qloob,خلفيات قلوب,خلفيات 2010 ♥ •ӎ صور - صور طبيعة - صور طريفة - صور نادره - كراكاتير 20 15 - 7 - 2010 7:17 AM


الساعة الآن 2:29 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy