العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

موت المشاعر .. ؟؟

المشاعر موت المشاعر .. ؟؟ موت المشاعر (روايه سعوديه) تستحق القراءه .. ؟؟ السلام عليكم أحلى هاي لأحلى منتدى وأحلى ...

إضافة رد
 
LinkBack أدوات الموضوع انواع عرض الموضوع
قديم منذ /3 - 10 - 2010, 10:36 AM   #1

:: عـضـو مـتـمـيـز ::

بوغالب غير متواجد حالياً

 رقم العضوية : 676
 تاريخ التسجيل : 26 - 9 - 2008
 المكان : تطوان
 المشاركات : 11,523
 النقاط : بوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond repute

موت المشاعر .. ؟؟


موت المشاعر (روايه سعوديه) تستحق القراءه .. ؟؟

السلام عليكم
أحلى هاي لأحلى منتدى وأحلى أعضاء ..

هذي القصة عجبتني كثير .. فحبيت اني انقلها لكم وتتابعونها معي وتتحمسون لها مثلي ..


الجزء الأول
********

في الساعة 11:30 دخل ابو نايف البيت وهو متنرفز حده لأن صوت الأغاني يوصل الين الشارع , شاف فيّ وهب فيها
ابو نايف : فيّ
فيّ " طنش تعش "
ابو نايف: فيووووه وصمخ
التفتت في لابوها .. خير يبه فيه شي ؟؟!
وما أمداه يتكلم إلا ورجعت تسولف بالتلفون ولا كان في احد يكلمها
ابونايف وصل حده .. هذي أصغر عياله و مو حاشمته ولاحاسبة له حساب أجل الباقي شبيسون ؟؟!
(( فيّ اهي أصغر عيال ابونايف وعمرها 16 سنة ومبدأها بالحياة طنش تعش ))

سحب السماعة منها وسكرها , فزت فيّ وهي مندهشة من تصرف ابوها
فيّ : يووووبه ليش سكرت السماعة ؟؟ ايش بتقول عني البنت ؟؟
ابونايف : تقول اللي تقوله اللحين وقت صلاة وانتم ما همكم صلاة ولا همكم الله يا بنيتي هالسوالف مابتنفعك بالآخرة مابتنفعك إلا صلاتك وهذا قرب رمضان استغليه بالعبادة والعمل الصالح بدل سوالفك الي مالها داعي .
فيّ وهي موجايبة خبر وبصوت واطي " بدينا بخطبة الجمعة "
ابونايف : اقول وينه نايف ماشفته اليوم بالدوام ؟!
فيّ: وانا شدريني ماشفته
ابونابف : وانتي من متى تدرين عن حد .. اقول روحي شوفيه وقولي لاختك تصلي وتحط الغدا
وتو خلص كلامه إلا نايف وفيصل نازلين (( نايف أكبر عيال محمد وعمره 25 سنة شغله ابوه معاه بالشركة بعد مايئس من انه يخلص جامعة , فيصل عمره 22 سنة يدرس بجامعة البترول آخر سنة وهو ساعد ابوه الايمن يعتمد عليه بكل شي ومن شدة حبه له حجز له بنت اخوه العزيزة على قلبه))
فيصل : خير يبه ايش فيك تصارخ ؟ .. وطالع في .. فيوووه شمسوية هالمرة ؟؟!
فيّ بعصبية : وانتشدخلك يا أخي وحدة وتكلم أبوها انت لازم تدخل عصك بالي مايخصك
ابونايف وهو معصب على في : جب ولا كلمة هذا وانا قدامك تكلمين اخوك الكبير كذا انتي ماتحشمين أحد ؟؟ والله لو عدتيها مرة ثانية لكسر عقالي على ظهرك .
فيّ ووجها تصبغ بالأحمر وشوي وتنزل دمعتها : يبه ...
ابونايف : وحطبة بس ولا كلمة , انا موقايلك تروحين تصلين وتنادين اختك يلا اشوف تحركي
ماقدرت في تمسك دمعتها اكثر فركضت على طول لغرفتها
نايف : يبه هدي اعصابك ماكان فيه داعي لهذا كله
ابو نايف : إلا فيه داعي ونص .. البنت في سن مراهقة ويبيلها احد يشد عليها ودلعك ودلع أمها لها بيخربها ( نايف كان يدلع اخته كثير وزاد دلعه لها بعد طلاق امه وابوه )
*******************************

في بيت ابوعبدالله اخو ابو نايف الكل كان مجتمع عالغدا إلا عليا
ابو عبدالله : فوزية وينها عليا ؟؟
فوزية(ام عبدالله):مدري عنها من الصبح ماطلعت من دارها , أقول هيفاء روحي شوفي اختك ..
هيفاء بتملل : اووووف .. والأميرة عليا لازم احد يناديها
شافها ابوها بنظرة خلتها تسكت وتروح تنادي اختها ..
عبدالله (( عبدالله الولد الوحيد لحمد وعمره 22 سنة بالجامعة مع ولد عمه فيصل )) : هذي هالعليا مو مخربها غير فيوووه أنا مادري وشعندهم 24 ساعة بالتلفون
أمل وهي تاكل ولدها : انت شفيك على هالبنت والله انها قمر والكل يحبها
................................................
هيفاء تدخل على اختها من غير استأذان .. عليووووه انتي متى بتتكرمين علينا وتنزلين من غير محد يقولك
عليا بعصبية : هي هي انتي شعندك داخلة من غير احم ولا دستور .
هيفاء : عشتو .. هذا اللي ناقص انتي يالمفعوصة استأذن منك , يلا أبوي يقولك اذا مانزلتي اللحين مافي طلعة مع فيّ اليوم .
عليا : طيب طيب اللحين نازلة ماصارت هذب خمس سنوات بينا وذالتني فيها .
هيفاء تنزل وتصفع الباب وراها
*******************************

بعد الغدا الكل كان جالس بالصالة إلا فيّ كانت زعلانة من تصرف ابوها معاها ..
نايف كان مشغول باله على فيّ فراح يراضيها
نايف : يلا يبه أنا بروح اريح شوي توصي على شي ؟؟
ابونايف: لايبه تعال ابيك بسالفة ..
نايف عرف ان ابوه بيكلمه بسالفة الشغل : واللي يعافيك يبه تعبااان بالحيــل وودي اريح شوي خليها لبعدين
ابونايف : وشمنه تعبان وانت صارلك يومين مو مداوم .
نايف وهو مطنش : عن اذنكم
ابونايف التفت على فيصل وابتسم ابتسامة فخر .. الحمدلله ان ربي عوضني فيك ياوليدي والا أخوك هذا أنا غاسل ايدي منه
فيصل اكتفى برد الابتسامة لأبوه
دانة (( دلوعة أبوها وعمرها 19 سنة وتدرس أدب انجليزي )) : يووبه عطيني وجه شوي من الصبح وانا ابي اقولك سالفة وانت مطنشني .
ابونايف : ماعاش من طنش بنتي الغالية .. آمري تدللي شعندك ؟
دانة بدلع : يبه أنا وعدت بنت عمي ريم اني اخذها اليوم السوق ممكن ؟؟
ابونايف : اكيد يابنتي ممكن بس انتبهو لعمركم .. ايه شباب هاليومين ينخاف منهم .. الادنوي حبيبتي وينها اختك ليلى صارلي يومين ماسمعت حسها انتي ماتكلمينها ؟؟!
دانة : ايه انا صارلي كم يوم كل ماتصل عليها يرد علي مساعد مرة يقولي طالعة ومرة نايمة ومرة مدري وين .
ابونايف بقلق : لالا بنتي فيها شي لازم نروح نشوفها .
................................................
وفي دار فيّ نايف كان يهدي اخته ..
نايف : فيّ حبيبتي خلاص ماصار شي علشان تزعلين الزعل هذا كله
فيّ ودموعها على خدها : هذا كله وماصار شي لو أمي معاي ماصار اللي صار , طيب وشمعنى دانه ما عمره هاوشها ومايقولها إلا آمري وتدللي ومن عيوني وأنا دايم يهاوشني .
نايف يمسح على راس اخته بكل حنية : فيّ إن كان لي خاطر عندك لاتقولين هالكلام .
فيّ : وأنا شمصبرني على العيشة بهالبيت غيرك , وإلا اهم مو معبريني
نايف : يلا حبيبتي روحي اكلي لك شي ولا بتموتين من الجوع ..
طلع نايف من دار اخته واهي نقزت عندالسماعةبتكلم عليا تنقلها آخر الاخبار ولا كأنها قبل شوي كانت ذابحة عمرها من البكا ..
*******************************

يمـــــــه .. يمــــــه
ام تركي : هاااه ياوليدي وشفيك ؟؟!
تركي : يمه لاتقولين هااه بعدين ربي يقولك هويتي في النار يا ام تركي قولي نعم علشان ربي يقولك نعم الله عليك .. (( تركي هو أصغر عيال عبدالمحسن بن تركي من زوجته الثانية وهو من عمر أولاد اخوانه فيصل وعبدالله " 22سنة" ))
ام تركي : تروووك وشهالكلام ..
تركي : ههههههههههه يمه نسيتي .. مو انتي اللي دايماً تقولين هالكلام , زين يمه نسيتيني أنا بطلع مع فيصل .
ام تركي : وش فاصوليا هالحزة مافيه طلعة مع أولاد أخوك مو مخربك إلا اهم ..
تركي : يمه مو وقت هالكلام اللحين إذا رجعت قولي كل اللي تبينه .
ام تركي : حسبي الله عليهم
قاطعها تركي : لا تتحسبين على أحد يايمه وبعدين انتي جدتهم ومثل امهم .
ام تركي : روووح رووح انت الكلام معاك ضايع
تركي : يلا يمه مع السلامة
ام تركي : فمان الله
*******************************

ريمووووووووه .. ريموووووووه
ريم بخوف : هااه .. وشفيك ؟؟ شصاير ؟؟ ابوي .. عبدالله فيهم شي ؟!!
عليا : لاااااع
ريم تنهدت وصرخت بوجه اختها : اجل ليش تصارخين طيحتي قلبي يالحمارة
عليا بتملل : زين خلصيني دانه بالتلفون
ريم خذت سماعة التلفون
ريم : الووو
دانه : الوو اهلين ريموو حبيبتي ..
ريم : ياهلا دنوي شخبارك ؟؟
دانه : مو وقت شخبارك اللحين قوليلي ليش مسكرة جوالك ؟ مو أنا قايلة لك بدق عليك قبل لا نطلع ؟!!..
ريم تذكرت انها ماقالت لأبوها عن طلعتها مع دانه
ريم : آسفة دنوي ما أقدر اطلع اليوم ..
دانه بعصبية : ريموووه بلا حركات بايخة .. بتروحين يعني بتروحين .
ريم : والله آسفة يادانه ماقلت لأبوي وهو اللحين طالع .
دانه : بس كذا , خلاص قولي لعبدالله .
ريم : بس عبدالله مو هنا ..
دانة : اوووف .. واللحين شالحل؟؟
ريم : الحل ان ...
قاطعتها دانه : الحل ان نقول لعمي هذا هو مع ابوي .. يلا باي باي بروح اكلمه وتسكر بوجه ريم .
.................................................
دانه راحت تسلم على عمها .. هلا والله بأحلى عم بالدنيا .. هلا بدنيتي وناسي .. وباسته على راسه
ابوعبدالله :هلا والله ببنيتي
ابونايف : شوي شوي يادنه على عمك
ابتسمت دانه وجلست بجنب عمها ..
فيصل الي دخل وشاف اخته كيف ترحب بعمها .. باس راس ابوه وعمه وقال :الله يعينك عمي دنوي اكيد تحت راسها شي .
ضحك ابوعبدالله وطالع دانه وهو مبتسم : ها دانه صدق كلام فيصل انتي تبين شي ؟؟

ابتسمت دانه بخجل : ايه عمي بس ...
قاطعها ابوعبدالله : بس ايش .. انتي تامرين ..
دانه والابتسامة مافارقتها : تسلم يا احلى عم .. بس ريم تبي تروح معاي السوق ونست تقولك , وصارلي ساعة أحاول أقنعها تروح معاي مو راضية تقول دام أبوي مايدري مافيه طلعة .
فيصل فيصل من سمع اسم ريم ابتسم وطالع اخته : ايه هذي البنات الي تعرف السنع .
دانه : اووف انت مالك دخل , شقلت عمي ؟؟
ابوعبدالله : طيب , بس مين بيوديكم ؟!
فيصل وهو قايم : أنا الي بوديهم .
دانه راحت ورى اخوها : فيصلووووه
فيصل : نعم !!
دانه : من قال انك بتودينا , مانبيك ..
فيصل : أنا الي قلت , وليش ماتبوني مايصير بنات بلحالهم يروحون مع السايق .
دنه : فيصل واللي يعافيك لاتخرب علينا الطلعة ريم مابتروح إذا درت انك انت بتودينا .
فيصل وهو يسكر باب دراه : أجل مايحتاج تدري .
*******************************

كان الجو هادئ خالي من أي صوت إلا صوت أنين واطي ..
ليلى وهي تمسح دموعها من على خدها : واللي يعافيك مساعد ودني بيت أهلي ابي أهلي ابي أبوي وعلى صوت بكاها ..
مساعد(زوج ليلى) يطالعها بنظرة حب وخوف وقلق : ليلى واللي يرحم والديك مافيه داعي لكل اللي تسوينه , انتي زوجتي وحبيبتي أمس واليوم وبكرة والين آخر يوم بعمري بس ...
ازداد بكا ليلى وصارت تصارخ بطريقة هستيرية .. مابيـــــك .. مابيك يا مساعد .. انت اناني .. انت خاين .. انت .... وما قدرت تكمل كلامها طاحت على الأرض
كان شكلها يكسر الخاطر .. كانت مثل الطفل اللي فاطمته أمه .. دمعتها على خدها ووجها اصفر شاحب
مساعد ارتبك .. خاف .. شبسوي اللحين ؟؟ شصار لها ؟؟
راح لها ضمها بكل قوته .. ليلى حبيبتي شفيك ؟؟ ليلى قومي .. ليلى ان كان لي خاطر عندك ردي علي .. والله آسف ماراح افكر بهالشي مرة ثانية .. ليلــــــــى ..

......... يتبع .......



l,j hglahuv >> ??








  رد مع اقتباس
قديم منذ /3 - 10 - 2010, 10:39 AM   #2

:: عـضـو مـتـمـيـز ::

بوغالب غير متواجد حالياً

 رقم العضوية : 676
 تاريخ التسجيل : 26 - 9 - 2008
 المكان : تطوان
 المشاركات : 11,523
 النقاط : بوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond repute

افتراضي رد: موت المشاعر .. ؟؟

***********************************
الجزء الثاني :
*********
فيصل : دانوووووه بسرعة والا مافيه طلعة
دانه : يوووه وشفيك مستعجل , عمي تركي مابيطير
فيصل : بتمشين ولا أروح عنك .
دلنه : لحظة فصوول نسيت محفظتي بروح أجيبها
فيصل بعصبية : اوووف .. بسرعة انا في السيارة عندك دقيقة وحدة ان ماطلعتي بمشي عنك



في السيارة كانو اثنينهم ساكتين دانه كانت خايفة من ردة فعل ريم إذا شافت فيصل , وفيصل كان يفكر بعروس المستقبل ريم
لكن فيصل قطع صمتهم
فيصل : دانه دقي عليها خليها تطلع
دانه : هااه
فيصل : اقول دقي عليها ماتسمعين
دانه : اهاا .. زين .. طيب
دقت دانه على ريم واستعجلتها لكن ريم ماكانت جايبة خبر جالسةتغني وتلف شيلتها بكل برود الدنيا ..
في السيارة كان فيصل مررررة معصب
فيصل : دانووه شفيها بنت عمك ماطلعت . خلاص نزلي لها ومايحتاج تطلعون
دانه وهي معصبة : ياسلالام فيصلووه عن الحركات البايخة ماحد طلب منك توصلنا انت الي عرضت خدماتك , وبعدين لاتنسى انك قلت لي ما أقول لها انك بتوصلنا يعني البنت ماخذة راحتها محسبة السايق ..
فيصل : بللل عليك اكلتيني بقشوري .
انتبه فيصل لريم وهي واقفة تطالع السيارة بمكانها فزمر لها
ريم انحرجت لما شافت سيارة فيصل وتجمدت مكانها مو عارفة شتسوي لكن لما زمر لها راحت للسيارة
ريم بخجل : السلام عليكم
فيصل ودانه : وعليكم السلام
دانه : وأخيراً ما بغيتي تجين .. مو أنامكلمتك قبل لا أطلع وقلتيلي جاهزة !!!
فيصل لاحظ احراج ريم وارتباكها
فيصل : خلاص دانه حصل خير شوي شوي على البنت
والتفت على ريم .. شخبارك ريم ؟؟
ريم بارتباك : الحمدلله بخير
دانه : ايه اللحين شوي شوي ما كانك قبل شوي كنت شوي وتذبحني , ولا عصبيتك هذي تطلع على ناس ونااااااس .. وتغمز لريم
فيصل عارف حركات دانه زين فغير الموضوع على طول
فيصل : زين ماقلتولي وين بتروحون ؟؟
دانه : يعني وين أكيد السوق
فيصل :: اللهم لك الحمد ادري السوق بس وين ؟؟
دانه : اكيد الراشد
ريم : لاا .. الراشد لا
دانه : اشوف حسنا نطقت , ماتقولين ليش لا ؟!!
ريم : يووه يادانه انتي تدرين اني ماحب الراشد لانه مررة زحمة .
دانه : ياسلالام عليك كل مكان هالايام زحمة
فيصل : وبعدين معاكم .. ترى ابوديكم المكان اللي على مزاجي
ريم : ايه احسن
دانه : انشالله وين بتودينا
فيصل : انتي هوووووس ولا كلمة
والا يدق جوال فيصل
فيصل : الوو .. ايه زين .. اووف .. اللحين جاي .. ياخي قلت لك دقيقتين رايح ابو ريالين وجاي .. يلا مع السلامة
دانه وريم التفتو على بعض وبعد ماخلص مكالمته
دانه : نعم نعم نعم ...
فيصل : الله ينعم عليك
ريم : جد فيصل وين بتودينا ؟!!
فيصل وهو مبتسم ويشوفها بالمرايا :: المكان اللي تبينه
دانه وهي تقلد عليه : المكان اللي تبينه .. رووووح زين إذا صارت مرتك قول لها هالكلام اللحين ودينا الواحة ولا ابن خلدون ولا اي مجمع سنع
****************************
سمع ابو نايف ان بنته ليلى بالمستشفى فدق على نايف اللي كان مع ربعه بالقهوة علشان يروح معاه
ابونايف : الوووه .. نايف
نايف : هلا يبه .. خير فيه شي ؟؟
ابونايف : ايه يبه بغيتك تمرني اللحين علشان نروح المستشفى لأختك ليلى
نايف : ليلى!! .. وشفيها ليلى ؟؟
ابونايف : مدري ياوليدي خلينا نروح ونشوف شالسالفة
نايف : طيب دقايق وااكون عندك

نايف: عن اذنكم شباب .. انا ماشي
عبدالله (ولد عمه) : خير بومحمد شصاير ؟!! عمي فيه شي ؟؟!
نايف : لا الوالد مافيه إلا الخير بس اختي يقولون بالمستشفى
عبدالله : ماتشوف شر
نايف : الشر مايجيك .. يلا اشوفكم على خير

..................................
وفي المستشفى كان مساعد رايح جاي خايف على حب حياته ليلى وكانت كلماتها تتردد في باله .. انت اناني .. انت خاين
آآآآه يا ليلى لو تدرين شكثر كلماتك هذي تذبحني ووشكثر انتي غالية على قالبي .. ليش موراضية تشوفني ؟؟ .. ياربي شبقول لأهلك لو سألوني عنك ؟!
قطع حدة تفكيره صوت عمه ابونايف
ابونايف : مساعد .
مساعد بتوتر : هلا عمي
ابونايف : وين ليلى ؟؟ شصارلها ؟؟
مساعد وهو يأشر على باب أحد الغرف : ليلى هناك , ومافيها الا العافية

ابو نايف ونايف راحو بسرع إلى الغرفة اللي أشر عليها مساعد
نايف دق الباب ودخل
شاف ليلى منبطحة على السرير وتربطها اسلاك المغذي وكان شكلها مررة حزين
خاف عليها هذي أخته اللي من وهي صغيرة كانت لهم الأم بدل أمهم تحملت مسؤليتهم شاركتهم بفرحهم وحزنهم وشالت عنهم همومه
نايف بقلق : ليلى
انتبهت ليلى لوجود أبوها واخوها : يبه نايف وينكم من زماان .. وبدت تبكي ..
ابونايف وهو يمسح على راس بنته : يابنتي مو زين تسوين بنفسك كذا هذا احنا بجنبك .
ليلى : الله يخليكم يبه لاتخلوني بروحي
التفت ابونايف ومالقى مساعد بالغرفة
ابونايف : نايف وينه مساعد ؟؟ ليش مادخل؟؟
قاطعته ليلى :لاااء مابيه .. مابيه
ابونايف باستغراب: ليلى وشفيك ؟!! مساعد مسوي لك شي ؟!!
ليلى بتردد :لاا..لاااء
بونايف باستغراب: ليلى شفيك؟!! مساعد مسوي لك شوي ؟؟
ليلى بتردد : لاا .. لااء
ابونايف : الا انا احس ان فيه شي لا إنتي ولا اهو طبيعين , يابنتي أنا أبوك وانتي بنتي من لحمي ودمي ماراح أقصر عليك يعني ان ماشلت عنك همك مين بيشله عنك؟!!
سكتت ليلى وبدت دموعها تنزل على خدها
نايف : لاتبكين ياليلى ولا بنمشي مو زين لك الإنفعال ..
ليلى : لا نايف لاتمشون خذوني معكم ..
ابونايف : ورجلك وبيتك ؟؟
ليلى بأسى : مابي ارد البيت
ابونايف : على راحتك البيت بيتك , بس لازم تقولين لمساعد مايصير تطلعين عن شوره
نايف : خلاص أنا ارووح اقوله
طلع نايف من الغرفة وشاف مساعدوقاله انهم بياخذون ليلى معاهم
مساعد ماعارض لأنه عارف عناد ليلى .. وبعد لانه عارف عمه وردة فعله لودرى بالي بينهم .. اكيد بيفضحهم بالمستشفى
نايف : هااه شقلت ؟؟
مساعد : طيب على راحتها , انا بكرة العصر بمرها
نايف : يلا فمان الله ..
مساعد : نايف .. أمانه دير بالك عليها
نايف ابتسم : توصيني على اختي اهي في عيوني الثنتين ..
***************************
يالله ياكريـــــــم فكني من هالبنت .. قالتها دانه وهي معصبة على ريم
ريم : اوف اوف وانا شمسوية علشان تدعين علي
دانه : ولاشي .. انتي بريئة مومسوية شي .. بس غاثتني من الصبح , انا ابي افهم وشفيها لو واحد حب يوصل خطيبته للسوق؟!!
ريم : نعم نعم .. ايش خطيبته للحين ماصارت خطيبته وبعدين مين قال اني بوافق اصير خطيبته
دانه : ريمووووه علينــــا..
ريم انحرجت من كلام دانه : اقوول بلا كلام فاضي .. ودقي عليه خليه يمرنا تاخرنا
دانه : ماني داقه .. انتي اللي تبين ترجعين .. انتي دقي
ريم : دانوووه والله اذا اتصلتي والله هذه آخر مرة اطلع معاك
دانه : زين صبري بس ادخل هالمحل واتصل ..
ريم :اوكي بسرعة

****************************
كانت فوزية بالصالة تفكر بجارتها ام فارس من زمااان مازارتها ولاسمعت اخبارها .. فقررت انها تلبس عباتها وتروح تسير عليها وتبارك لها قدوم رمضان
فوزية : ياتي .. يا ياتــي ..
ياتي : نعم مدام
فوزية : هاتي عباتي والخور ..
ياتي : اوكي مدام
راحت الخدامة وجابت العباة وصتها ام عبدالله إذا احد سال عنها تقولهم انها راحت بيت الجيران
طلعت ام عبدالله وهي رايحة بيت ام فارس شافت فارس على الباب
ام عبدالله : السلام عليكم .. هلا ياوليدي هلا فارس ؟؟
فارس وهو مبتسم : هلا خالتي .. شصاير بالدنيا!! القمر طالع بعز النهار !!
ام عبدالله وهي مستحيه : الله يقطع سوالفك ماتجوز
فارس : ايوه يا ام عبدالله تستحين ؟؟
ام عبدالله : فروس بتخليني واقفة برة والشمس تصقع فوق راسي
فارس : يووه آآسف خالتي .. دخلي حيااك حيااك
ام عبدالله : ايه قبل لا ادخل لازم تجينا يووم برمضان انت والوالده لاتقولي مشغول ولا ما اقدر
فارس : انشالله حتى لو بكرة
ام عبدالله : ههههههه ايه نشوف نجلس للسحور وانت مابتجي
فارس : ههههههههههه خالتي صدقتي , حشى مفجوع من أول يوم رمضان اجي افطرعندكم خلاص انتي حددي يوم مع الوالدة وانشالله بجي
ام عبدالله : زين يلا روح لااعطلك







  رد مع اقتباس
قديم منذ /3 - 10 - 2010, 10:41 AM   #3

:: عـضـو مـتـمـيـز ::

بوغالب غير متواجد حالياً

 رقم العضوية : 676
 تاريخ التسجيل : 26 - 9 - 2008
 المكان : تطوان
 المشاركات : 11,523
 النقاط : بوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond reputeبوغالب has a reputation beyond repute

افتراضي رد: موت المشاعر .. ؟؟

×××× شهــر رمضـــــان ××××
في كل ليلة جمعة كان عيال عبدالمحسن بن تركي يتجمعون , يتلاقى الرجال في المسجد والحريم يصلون صلاتهم بالبيت ويجهزون لهم الفطور , الكل ماكان يفوت هالجمعه حتى عيال عمتهم شيخة يجون من الجبيل علشان هاللمة
قبل الاذان بدقايق ابوعبدالله ينادي ولده عبدالله : اسرع ياولدي خلينا نروح المسجد نصلي لنا ركعتين قبل الأذان..
عبدالله : انشالله يبه .. بس لحظة , امي تبينا نوصل هالاكل بيت إختي امل انت عارف انها تعبانة وفي شهورها الأخيرة وما تقدر تجي
أبو عبدالله : طيب يا ولدي بسرعة خلينا نلحق عالصلاة.

*****************************

في بيت أبو نايف وخصوصا بالمطبخ كانت ليلى تجهزالأكل
نايف: هااااه ايش طبختوا لنا..لا تفشلونا قدام خلق الله
ليلى وهي تضحك : هههههههه لالا مدام أنا حاطة يدي بالأكل ماراح نفشلك وبعدين مين بيجينا غير بيت عمي حمد ويمكن عمتي سميرة وبناتها
نايف : ليه انتي ماتدرين ان مساعد بيجينا اليوم
ليلى بارتباك :هاا ومين قاله يجي ؟!!
نايف : ابوي شافه بالمسجد ولزّم عليه يجي اليوم عندنا
بعد فترة صمت
نايف : ليلى ليه انتي تتهربين من مساعد؟!
ليلى : انا.. انا ما اتهرب منه ولاشي
نايف : اجل ليش دايم تصرفينه .. وايش سبب جلستك للحين عندنا !! وبعدين انتي صارلك ست سنوات متزوجة وماعمرك سويتها وجيتي عندنا
يا ليلى ترى الناس بدت تتكلم
ليلى : نايف الاذان ياذن يلا روح تأخرت على ابوي
نايف : أنا بروح بس بكمل كلامي معك بعدين
.........................................

يلا سارة عاد بلا بياخة بيت عمي مثل بيتنا


سارة (( بنت خالة ريم وصديقتها المقربة مثل دانة)) : لااااع .. مو مثل بيتكم وبعدين أنا ما اعرفهم زين .. ايش بيقولون عني .. ومن راح بلا عزيمة جلس بلا حشيمة
ريم بعصبية : تشوفين يا سوير اللحين أكلم دانه وأقولها هالكلام .. والله انها بتزعل وبتقوم الدنيا على راسك
سارة : اوووف .. وبعدين معاك مابروح يعني مابروح .
ريم : سويريلا علشان خاطري .. ولا مالي خاطر عندك ؟؟ وبعدين هم ماعندهم عيال مافيه غير نايف وفيصل
دخلت ام عبدالله على البنات وشافتهم يتهاوشون
ام عبدالله : يلا يابنات عبدالله ينتظرنا بالسيارة
سارة : لا خالتي أنا وصلوني بيتنا مابروح معكم
ام عبدالله بحزم : سارة البسي عباتك وتعالي بسرعة
سارة : انشالله
ريم : الله الله يالمطيعة والله لو ادري ان بكلمة من امي بتروحين وانتي منطمة كان ما تعبت نفسي كل هالوقت
سارة وهي معصبة : امشي زين لا اللحين عبدالله يزفنا زفة محترمة

*****************************
فيّ وهيتسلم على زوجة عمها : وأخيراً خالتي مابغيتو تجون
ام عبدالله : والله انا ودي من زمان اجي على الاقل اساعدكم بالمطبخ اشوف شناقصكم بس شسوي بالعلل الي عندي ..
ريم نقزت بوجه امها : يومه مهم العلل ؟؟؟!
ام عبدالله : لا تخافين مو انتي خواتك هيفاء وعليا اللي كل وحدة فيهم جالسة عند المرايا ساعة اللي يشوفها يقول رايحة عرس
ريم : ايه .. حسبت
عليا : يوووومه انا جالسة عند المرايا ساعة؟؟؟ انا من سنة جدي جالسة انتظركم بالصالة ولو ما اخاف تهاوشيني كان خليت عنقاشي(السايق) يوصلني ما أخرتنا إلا هيفاؤوووه
ام عبدالله :يووه عورتي راسي وخري عني بس , هيفاء ريم روحو ساعدوا بنت عمكم بالمطبخ
ريمدخلت المطبخ أما هيفاء ما كأنها سمعت كلام امهاش
ام عبدالله : هيفاء .. ماسمعتي شقلت .. يلا روحي ساعدي بنت عمك بالمطبخ
هيفاء : يووومه واللي يعافيك مابي اروح المطبخ اللحين تجي عمتي سميرة وبناتها وانا ريحتي أكل وبعدين سارة راحت معاها
ام عبدالله : انا ما اقول الا الله يعين اللي بياخذك ويعين قلبي عليك
هيفاء بغرور: اصلاً اللي بياخذني محظوظ امه داعية له
فيّ قاطعت بنت عمها : قصدك داعية عليه ههههههههه
عليا تمد كفها لفيّ : ايه والله جبتيها فيوو
هيفاء : انقلعي نتي معاها , مدري وشدخلكم ..
وشوي إلا عمتهم سميرة وبناتها عبير وذكريات داخلين
هيفاء من شافت ذكريات راحت ضمتها : تذكار حبيبتي من زمااان ماشفتك وحشتيني مووت
عبير : الله الله كل هالترحيب لذكريات وانا لا ؟؟
هيفاء راحت وضمت عبير: لا وشدعوة عبورحتى انتي بالقلب
ذكريات : بس اكيد انا غير
هيفاء : بصراحة بصراحة مافيه شك

************************************

تركي : يمــه يبــه مابتروحون بيت أخوي محمد
ام تركي : لالا ماحنا برايحين .. اللحين ابوك يحط عينه على وحدة من هالمعازيم مافيه روحة ..
ابومحمد : ما اقول الا الله يهديك .. امك يا تركي خرفت وانا ساكت عنها لكن انا وصلت حدي وعناد فيها لأتزوج ثلاث
تركي بعصبية : اوووف .. وانتو كل يوم على هالحال .. ما ادري متى بينصلح حالكم ؟؟
ام تركي : مابينصلح هالحال إلا إذا انصلح ابوك ..
ابومحمد : وشفيه ابووه !!
تركي : يووومة عاد ماله داعي تعيدين اسطوانة كل يوم دريت ان ابوي ناوي يتزوج عن قريب .. وبعدين ؟! تراني جوعان بتروحون معي والا اروح عنكم
ام تركي : لا ابووك مو ناوي يتزوج .. إلا هو متزوج ثلاث ومتزوج سبعين جنية ومسكنهم عندي بالبيت بس من تجي انت مادري وين يوديهم
تركي : هههههههههههههههههههههههههههه
ابومحمد : اتقي الله ياحرمة .. يلا ياتركي امش خلينا نلحق عالفطور

************************************

ليلى شوفي أخوك , معاها حق دنوي يوم تسميك كعبوول حشى آفة ما خليت شي
نايف : بلللل عليك يالحسود .. ليول تعالي بخريني عن عيون ريمووه
ليلى وهي تضحك : ههههههههه نايف جوز عنها ترى ريم اذا عصبت تخوف
نايف : هاهاهاهااا ليلووه اشوفك تخافين منهاا
ريم تقاطعه : ليش تخاف مني جازورا انا باكلهاا ..
نايف : امممم .. الحجم يقول كذا .. بس خلك باللي بيدك ترانا جعنا
ليلى : نايف اطلع برة خلينا نخلص شغلنا
نايف ك ليلووه فشلتيني قدام البنت
ريم : ههههههه ما سمعت .. يلا مدام ليلى تقولك اطلع يلا برة برة
نايف : افاا .. هاذي أخرتها ياليلوه تطرديني لا ومو بس كذا تشوفيني انهان وتسكتين وانا اقول هذي اختي حبيبتي بتدافع عني وتحميني من هالدبة ريمووه
وبهذا الوقت دخل فيصل مع دانه وقاطع نايف :نايفووه ترى ما اسمح لك تغلط على خطيبتي .. ايه ماتشوف كرشك المربع وبعدين عندك دانه اغلط عليها كثر ماتبي
دانه : ياعيني على الحب .. ياحظك ياريوم من اللحين عندك احد يدافع عنك بكرة مادري شبيسوي !!
انحرجت ريم من كلام فيصل , وكلام دانه زاد الطين بله
نايف حس بإحراج ريم فحب يزيدها
نايف : الله الله ريمووه تستحي .. وينه لسانك اللي قبل شوي ؟!!
فيصل : أكيد تستحي .. حبيبتي حياوية

دانه : هههههههاااااااي حياووية مررررررة خلاص راحت علينا يا سارة
ليلى : فيصلوووه عاد مصختها قبل شوي سكتنا لك لكن وشو حبيبتي النت للحين ما انكتبت لك استح شوي ويلا انت ونااايف اطلعوو برة
نايف : بللل شفيها هذي اليوم بس تطرد

***********************************
على الفطور الكل كان جالس وكالعادة ام تركي تتحلطم على كل شي هذا مو زين وهذا مدري وشفيه وتدقق على كل كبيرة وصغيرة ..
دانه : أقول جدتي ..
ام تركي : انا ماني جدتك انا لو تدرين كبرأبوك أو أصغر بكم سنة ..
ريم : يؤيؤيؤيؤ جدتي والله وطلعتي خطافة رجاجيل يعني كنتي صغير يوم قصيتي على ابوي العود وخذتيه ..
ام عبدالله خزت بنتها وخلتها تسكت
ام تركي : لابارك الله فيكم من بنات أنا اهاوش رقية طلعت لي سكينة
فيّ : ويعليّا ام تركي .. استفردتوا فيها .. لا لا مالكم حق
ام تركي : ايه والله يابنيتي ماخلوني بحالي بنات هالأيام لسانهم طويل وفالت ومايحشمون أحد
فيّ : ايه والله يا جدتي
ام تركي وهي معصبة : اقول روحي عني بغيتك عون صرتي لي فرعون
سارة : لاا لااا اهي ماتقصد ياام تركي اهي قصدها انك مثل امها ..
ام تركي : اقول ام عبدالله كم عمر سارة ؟؟ ماتصلح لتركي؟؟
الكل ضحك إلا سارة انحرجت
ريم : لاااا لاااا سارة ماتصلح لسانها طويــل مايقدر عليها عمي ..
ام تركي : اسكتي انتي أنا عاجبتني والله انها خوش بنية .. وكلامها كانه عسل يبرد القلب ..
ريم : شفتي يا سارة جيتك فيها فايدة هذا انتي انخطبتي المرة الجاية جيتك وانتي عروس ..
*******************







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
المشاعر

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يا رقيق المشاعر - قصيدة يا رقيق المشاعر + الأغنية نبضها عتيبي شيلات mp3 - شيلات 2017- قصائد صوتيه - قصائد مسموعه - موفن نت 8 2 - 12 - 2010 1:36 AM
إلى أين هاجرت المشاعر .. ؟؟ بوغالب المنتدى العام 13 24 - 9 - 2010 10:29 PM
إحتراف جرح المشاعر الهَنوُف مواضيع مكرره - مواضيع محذوفه - مواضيع تالفه 3 27 - 7 - 2010 12:14 AM
عن المشاعر و التسلية .. ؟؟ بوغالب المنتدى العام 13 4 - 7 - 2010 1:52 AM
احتراف جرح المشاعر ● н σ d σ α المنتدى العام 6 15 - 2 - 2009 10:06 PM


الساعة الآن 7:26 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy