العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

رواية جرحني وصار معشوقي

رنا:لاتنسي تكشخي ترى رعد في البيت دلال:أكيـــــد باي رشا:وش صاير دلال قامت:بروح بيت خالتي وإنتي معاي رشا:لامالي خلق دلال عصبت:لا ...

إضافة رد
 
LinkBack أدوات الموضوع انواع عرض الموضوع
قديم منذ /2 - 1 - 2011, 11:59 PM   #31

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


رنا:لاتنسي تكشخي ترى رعد في البيت
دلال:أكيـــــد باي
رشا:وش صاير
دلال قامت:بروح بيت خالتي وإنتي معاي
رشا:لامالي خلق
دلال عصبت:لا والله وفصول
رشا:لا لا خلاص أكيد بروح
************
:يا ا ا ا ا ا اربيـــــه تأخرت
ساره جالسه قدامها وحاطه رجل ع رجل ومسنده ذقنها ع ركبها وتهز رجلها:أففف
دخل خالد:السلام....
ماكمل سلامه إلا وأمل وساره نطوا مرره وحده:خـــــا ا ا ا ا ا ا ا ا ا الـــــد
فزعوه ورجع ع ورى:وش فيه....شصاير
وصاريطالع روحه خاف يكون فيه شئ
أمل:خلودي تكفى الله يخليك وصلنا لبيت عمي ..متجهزين من زمان ورائد الحمار تركنا
خالد زفر بقوه:الله ياخذ بليسكم
ع بالي صاير شئ وإلا فيني شئ طيحتوا قلبي
ساره:بليـــــز
خالد:طيب يالله بسرعه
***************
رعد جالس في الحديقه ومعاه اللابتوب ويشتغل فيه وجنبه كوب كوفي...
طلعت لميس ووقفت لماشافته
ماتدري ليه وقفت وهي تناظر فيه...
كان لابس بنطلون جينز أسود وبلوزه سودا كت مبينه عضلات جسمه وشعره الأسود الكثيف يحركه الهوا
طالع شكله روعه واللي محليه أكثر إندماجه في اللابتوب
حست برعشه في جسمها لما انتبه لها يناظرها..
نزلت عيونها بسرعه وهي تسب في نفسها..
تذكرت بدر وخطبتها اللي تفركشت بسببه..
مشت ناحيته مقهو و وره وبقلبها حقد ونار تبغى تفرغها.....
**************
تفاجأ لماشافهاتمشي ناحيته وترك اللابتوب...
وقفت قدامه..ناظرها وانبهـــــر فيها ..أول مره يشوفها زين عيونها الواسعه الزرقاء بلون البحر تذبحه...جمالها خيالي ساحر ..ماكانت حاطه إلا كحل أزرق زاد سحر لون عيونها..
لميس وقفت ونست للحظه اللي بتقوله مع إن إحساسها ماتغير..نيران القهروالكره تشتعل داخلها..لكن نظرات عيونه العسليه الناعسه خلتها تنسى وش تقول وكيف تعبر عن قهرها وكرهها..
تكلمت بقهر:إنت كيف تسمح لنفسك تخرب كل شئ..إنت مغرور وشايف نفسك ع بالك الناس بتمشي ع هواك وع اللي تبغاه ..you wrong
رجع ظهره للكرسي وناظرها باحتقار:حبيب القلب إشتكالك..
إنقهرت من أسلوبه وبجاحته ومدت إصبعها قدامه بتهديد:إسمع إنت.إنت مالك دخل في حياتي.don‎'t you think‏ إنك إذا لعبت ع عمي وخربت الخطبه إني خلاص بسمح لك تتدخل في حياتي أكثر فـ...
قام من الكرسي بعصبيه ومسك إيدها اللي تهدده فيها ونزلها بقوه:لاتمدي يدك قدامي تهدديني فاهمه..لأني ماأتهدد .أهدد ولا أتهدد سامعه..وإياني وإياك تحاكيني في هالطريقه وحبيب القلب هذا قلتلك إنسيه وإنسي اللي معه وإن سمعت طاريه وإلا طاري غيره بتشوفين شئ عمرك ماشفتيه
أخذ لابتوبه ورماها بنظرات حارقه ودخل داخل
*****************
جالسه ع سريرها وضامه رجولها لصدرها ودموعها تنزل
مسحت دموعها اللي صارت ماتفارق عيونها من شافته ورجعت لها الذكرى المؤلمه..
كانت تظن إنه نسته أو ع الأقل تناسته..لكن رجوعه وشوفته ألهبت جروحها وزادت في ألمها..
كيف تقدر تنسى؟..كيف ماتبكي واللي صارلها حطمها..دمرها..دمر كل شئ داخلها..
دفنت وجهها بين ركبها وهي تفكر..تحاول تدور الغلط والذنب اللي إرتكبته علشان يتركها بالشكل الجارح والمدمر
وين الحب اللي كان يحكي عنه!؟..
وين الحب اللي كان يغرقها فيه!؟
وين راحت وعوده اللي قطعها ع نفسه بإنه يسعدها ويظل يعشقها لآخر ثانيه من حياته..
كيـــــف هانت عليه ؟؟؟
شهقت بقوه وبكت بصوت حاولت تكتمه علشان مايسمعها أحد...
ياليتها ماتت ولا شهدت اليوم اللي تبكي فيه حبها وحلمها ..
رجعت لها ذكرى ذاك اليوم اللي أنهى كل شئ فيها
كانت في ليلة يوم فرحتها اللي ياماانتظرته وحلمت فيه معاه..
كانت جالسه في غرفتها اللي غصبتها أمها إنها ماتطلع منها وتنام..لأنها من قرب اليوم اللي بتكون فيه حلاله وزوجته وهي ماتنام الليل من فرحتها وأحلامها اللي حستها تحقق..
كانت تطالع فستان ملكتها الأحمر الروعه وهي فرحانه بكره ملكتها وبتصير ملكه..
سمعت صوت مسج ع جوالها..قامت من سريرها وأخذت جوالها بتفتحه إلا سمعت صوت باب غرفتها وصوت ماجد أخوها تركت الجوال وفتحت له الباب
أول ماطاحت عينهاعليه ..إختفت إبتسامتها وتلاشت ..وحل مكانها
الخوف ..
كان شكله مرره غريب نظراتها ضيعتها وقلبتها فوق تحت ..إرتجف جسمها ..لمادخل وسكرالباب..
ناظرت فيه بخوف وسألته:ماجد شفيك
شافت نظراته لفستانها وناظرها طلب منهاتجلس بيحاكيها..
قلبها قبضها بقوه حاسه إن صاير شئ وخايفه مرره..
واللي زاد خوفها صمته القاتل..
تكلم وليته ماتكلم..أظلمت الدنيابعيونها أحلامها تلاشت وضاعت..قلبها ذاب داخلها كل خليه في جسمها تجمدت وصارت قالب ثلج..
صرخت صرخه وغابت عن الوعي..
تذكر لماصحت وإنهيارها الحاد بكاها ..دموعها اللي حستها دم
قلبها حسته ينغرس فيه سكاكين ذبحتها..
وصوت في راسها يردد...راكان تركها..راكان سافر وخلاها..راكان مايبيها ودمرها..راكان راكان مايبيها ..راكان قتل قلبها
سافر وتركها في ليلة ملكتها..
دفنت وجهها في مخدتها وبكاها يزيد وشهقاتها تجرحها..
*****************
وصلوا البنات كلهم وجلسوا في الحديقه ..
دلال حطت رجل ع رجل وقالت بغرور:إلا وين لميس
ريم ماتوقعت سؤالها وعرفت إنها ناويه ع شئ وقالت:اللحين جايه..ليه إشتقتي لها
دلال رفعت حواجبهابسخريه:ليه ناقصه عقل
ريم عصبت:إحترمي نفسك
ساره تهدي الوضع:خلاص بنات تونا جالسين بسم الله إستهدوا بالله
ريم باحتقار:وش تقولين عاد إذا صاروا الناس مايحشمون أحد ولا يستحون وهم في بيته
دلال تغير وجهها وإنقهرت
أمل:يووووه بصراحه ميسو لها وحشه وينها
جتهم لميس:السلام عليكم
سلمت عليهم وطبعا تجاهلت دلال اللي ماعطتها وجه
ساره:شخبارك لميس
لميس:تمام الحمدلله ..إنتي كيفك وكيف رهف
أمل بدلع بتقهرفيه دلال ورنا:تما ام مسافره ع بريطانيا
لميس حست بالحنين لها ..تذكر أحلى سنوات عمرها اللي قضتها هناك..
بلعت غصتها لماحست إنهابتبكي:الله يوفقها..وترجع بالسلامه
وبدوا البنات طبعا يفتتحوا جلستهم بسوالف الأزياء والمكياج كالعاده
قامت أمل بتروح تشرب مويه..وقامت معاها رشا ودخلوا داخل للمطبخ لقوا فيه الخدم..ماتغطوا لأنهم عارفين إن مافي أحد في البيت والطباخين في مطبخ خارجي بعيد في آخر القصر علشان البنات ياخذوا راحتهم..
عطتهم الخدامه كاسة مويه ..
رشاشرقـــــت في المويه وبدت تكح لماسمعت صوت فيصل في الصاله
إستغربت أمل وشافتها تطلع من المطبخ بسرعه للصاله..
إنصدمت لماطلعت تشوف وش فيها وشافتها تصدم في فيصل ع إنها مادرت
فيصل تفاجأ وأبعد عنها
رشا بدلع:سوري..مانتبهت
فيصل عرفها ونزل راسه وعطاها ظهره وهوماشي:لا ماصار شئ
أمل حست بنار تشتعل داخلها وشوي تروح تدوس ع رشا اللي واقفه تناظر فيصل بهيام وهو يطلع
طلعت عليها:رشـــــا
إرتبكت رشا وإنقلب لونها لمانست أمل:نعم
أمل مساكه أعصابها لاتقوم تتوطا في بطنها:إنتي ماتستحين ع وجهك ع اللي سويتيه
رشا خافت وقالت بثقه:وإنتي وش عليك
طلعت وتركتها
طلعت أمل وجلست ناظرت رشا اللي تسولف ولاكأنها سوت شئ
كانت مستغربه من نفسها ..ليه سوت كذا وعصبت لماشافت رشا لاصقه في فيصل وتناظره بهيام ..لايكون أحبه
إنصدمت..مستحيل..معقوله أحبه وهذي غيره..لا لا يمكن لإني مقهوره من تصرفها الوقح
بس موحب؟؟
كانت عايشه صراع داخلها
ريم قطعت عليها تفكيرها:أمل
أمل ناظرتها لماانتبة لها:هلا
ريم:وين وصلتي
أمل ابتسمت:معاكم...إلا شخبارالبندري
رشا ناظرت أمل وتفكر..شفيها ليه عصبت لماشافتها واللحين سرحانه..يمكن لأنه ولد عمها وتحبه..إنصدمت..معقوله تكون تحبه وغارت..ممكن ليه لا..بس مارح توصل له لأنه خلاص عاجبني وبيكون لي..تذكرت نظراته المدهوشه وريحة عطره اللي دوختها..صادقه يادلال فيصل مايتفوت
ريم دقت ع الخدامه وقالت لهاتجيب اللابتوب
طلعت الخدامه معاها اللاب ..وطلع وراها رعد
سلم ع البنات وردوا السلام
دلال تطالعه ميته ع شكله ..كان لابس ثوب أبيض وغتره بيضا
قالت بدلع:كيفك رعد
رعد:تمام..
ماعطاها فرصه تقول شئ لأنه طلع
لميس ماناظرته كان منشغله أو تشغل نفسها في اللاب علشان ماتناظره
ريم طلعت صور في اللاب:بنات شوفوا الصور اللي قلت لكم عنها في هولندا السنه اللي فاتت
وقفت عند صوره عند بحيره روعه كان واقف جنبها فيصل لابس برمودا بيج وتيشرت أبيض نص كم وكاب بيج وجنبه عادل لابس بنطلون أسود وتيشرت عنابي
رشا قربت تشوف فيصل:وا ا او هذا فيصل
أمل ناظرتها يعني ليه فيصل مو عادل
ريم:أيوه
طلعت صور كثير مصورتها بعضها لها وبعضها صور طبيعيه
ريم:أيوه بنات شفتوا البيت قلتلكم عنه إحترق وصورته
ساره:ايوه..بس الحمد لله ماكان فيه أحد
ريم:شوفوه
طلعت الصوره وكان بيت خشبي
محترق كله والنيران تاكله والناس متجمعه مذهوله..
كانت ريم توصف لهم اللي صار وكأنهاتوصف حادثه أهل لميس
لميس لمحت الصوره وأبعدت نظراتها بسرعه وقامت:عن إذنكم
دخلت للمطبخ وشربت مويه ..كانت تتنفس بسرعه ..دمعت عيونها وغسلت وجهها بمويه بارده..
**************
صحت ع صراخ فوق راسها
فتحت عيونها طاحت ع عيون كبيره لاصقه فيها شهقت وأبعدت وجهها :بسم الله
أبعدت عنها وتكتفت بعصبيه:قومـــــي ياللـــــه .كلهم تحت يسألوووون عنك
رمت عليها المخده بقوه:إنقلعـــــي عن وجهـــــي
عقدت حواجبها ورمت المخده عليهابعناد:مانيب را ا ا ايحه لين تقومين يالله
غمضت عيونها بقلة صبر:شهـهـهـهد ضفي وجهك عني
لا أتوطا في بطنك
شهد بعناد:قومي يالله..الساعه ثنتين وإنتي ماصليتي الظهر ..حرام عليك
قامت معصبه بتضربها بس شهد إنحاشت برى الغرفه
سكرت الباب ودخلت الحمام ناظرت وجهها الاصفر وعيونها المنتفخه من البكا والنوم ..ودمعت عيونها..غمضت عيونها وغسلت وجههابقوه تمنع دموعها من النزول ..
طلعت بعد ماتوضت وصلت ..
رجعت أخذت شور ولبست بيجامه وربطت شعرها ..
نزلت ودخلت الصاله الكل ناظرها
سلمت وجلست جنب أبوها اللي ناداها تجلس جنبه بعد ماباست راسه
مسح ع شعرها:وينك حبيبتي كل هذا نوم وأمس ماشفتك أبدا
فيه أحد مزعلك يالغاليه
سميه إبتسمت و هزت راسها بلا:لا يبه ماحد زعلني بس أنا أمس مانمت زين علشان كذا طولت في النوم
ابوماجد: ليه يبه تعبانه
سميه:لا الحمد لله بس ماجاني نوم
نادت أم ماجد الخدامه وقالت لها تحط غدا لسميه
كانت عارفه بنتها شفيها ومتقطع قلبها عليها بس ماتبغى تحاكيها في الموضوع علشان ماتضايقها
جابت الخدامه الأكل وحطته عندها
ابوماجد:يالله حبيبتي تغدي
سميه مالهانفس بس أكلت غصب علشان ماتقلقهم عليها
سديم:إيه عاد اللحين من قدك أبوي يدلعك
سميه ضحكت:غيرانه
سديم:طبعا بغار مو هذا باباتي
جلست جنب أبوها من الجهه الثانيه وضمته
سميه :خير ..أقول ابعدي أنا جايه قبلك
ضحك ابوها وضمهم كلهم:كلكم بناتي وحبيباتي

ماجد يناظرامه بخبث:أقول يبه ترى بعض الناس غاروا
ضحكوا البنات وقامت سميه:تعالي يمه مكاني أدري ودك تشيلنا وترمينا من الشباك
أم ماجد بخجل:أقول إقعدي بس
سديم:وا ا ا ا أمي تستحي
أبوماجد ضحك ع زوجته اللي واضح إنها مستحيه
أم ماجد:أيوه إضحك عاجبك اللي يقولونه بناتك
أبوماجد أبعد البنات:لا طبعا ماتهونين علي قوموا يالله خلوا أمكم تجي
ماتوا ضحك لماشافوا أم ماجد حمر وجهها وعصبت وطلعت برى
************
طلع من المحل ولبس نظارته أرماني سودا.. فتح له الحارس باب سيارته بي إم دبليو حوت سودا قبل يركب طاحت نظراته ع الشخص الي يمشي ناحيته بوثوق ونظراته مركزه عليه
وقف قريب منه:أوووه ولد مشاري ال...متنزل وجاي هالمكان
فيصل:هلا بندر
بندريناظره بحقد:زين متذكر إسمي
فيصل قرب منه :أكيد متذكره ..جالس في ضيافتي يومين ولا أتذكرك
إنقهر ونظرات الحقد تطلع من عيونه..كان يقصد حبسه له يومين في المزرعه...
بندر إبتسم بحقد:ع بالك بنساها ..لا طبعا وبتشوفها قريبا
وياقوها
فيصل بتحدي:بنشوف إذا فيك حيل وبايع عمرك ..(ناظره باستهزاء)ياولد محمد
عصب بندر وقرب منه بس الحارس وقف قدامه ومسكه من كتفه وفيصل صار خلفه
أبعده الحارس عن فيصل
بندر:ماهقيت إن رجولتك تخليك تتحبى ورى رجالك زي الفار
ماأمداه يكمل إلا بوكس جاي ع وجهه
فيصل:هذي بس تحذير والمره الثانيه بقص لسانك سامع
ركب سيارته وحركها والحرس خلفه
بندرثارت براكينه اللي داخله و حط إيده ع شفته ونار الإنتقام تكبر داخله:والله لاتندم ياولد مشاري لا أخليك ماتقدر ترفع راسك عن الأرض
هيييين
:إنت من جـــــدك
ناظره وهي يحرك السكرفي كوبه:أيوه طبعا..هذا اللي صار
بسام:بس تصدق زين معاك الحرس
فيصل ناظره:ليه طايح من عينك
بسام إبتسم:لا طبعا بس إنت عارف إنه مايهمه أحد وممكن يذبحك وأنت عارف أبوه من
فيصل بقهر:تدري تمنيت الحرس مو معاي علشان أمسح فيه الشارع(تنهد وهي يرجع ظهره)بس بعد اللي سويته معاه المره اللي فاتت أبوي حلفني إني ما أتعرض له مره ثانيه
بسام:أبوك معاه حق ..مع إنه بصراحه يستاهل اللي جاه
فيصل: لا وله وجه بعد يهدد..شكله يبغى نهايته ع إيدي
بسام ضحك:أقول لاتنكبنا بس ع هالحماس
***********
صحت من النوم وأخذت شور لبست بيجامه
ومشت للشباك أبعدت الستاره وطلت
شافت أبوها لابس بدله رسميه سودا وعرفت إنه بيسافر
دمعت عيونها وبلعت غصاتها الحاره وهي تشوفه يحضن مرام ويضحك لها يودعها
تمنت لو تكون مثلها..لوتكون مثل أي بنت مع أبوها
تمنت لو تركض لحضنه وتحضنه بقوه وتبكي ع صدره
يمسح ع شعرها بحنان..يهمس لها إنه مارح يطول يسألها إيش تبغى يجيب لها معاه..تحضنه وتقول له ..أبغى سلامتك وترد لنا

تمنت وتمنت ودموعها تنزل بحرمان وهي تشوف مرام تحضن أبوها وتضحك معاه..
أبعدت عن الشباك علشان ماتشوف هالمنظر اللي ياماتمنت وحلمت فيه..إلى أن أيقنت إنه سراب لايمكن تطوله أو يكون حقيقه
بكـــت ألمهــــا..حرمانهـــــا..وحدتهـــــا..أحلامهـــــا السراب
بكت وبكت لين تمنت لو تطلع روحها وترتاح..
***************
صحت ع إزعاج ريم فوق راسه
سحبت ريم اللحاف عنها ..وضمت لميس نفسها وهي لسى مغمضه عيون وتدور اللحاف بإيدها:رييـيـيـيم ..بررررد
رمت ريم اللحاف ع الأرض:قومي بسرعه..عندي لك خبر بمليون ريال
لميس وكلهانوم:What‏ ..بسام تزوج
ريم طلعت عيونها وأخذت المخده وضربت لميس فيها:فـــــال الله ولا فـــــالك..وووووووجع
لميس غمضت عيونها:أبعدي عني..وخليني أناااااام
ريم ضربتها بالمخده:قومي حشى نومت أهل الكهف
لميس تنرفزت وقامت جالسه:خير
ريم:قومي بنروح للشاليه
قامت لميس وأخذت شور ولبست بنطلون ووبلوزه وقالت وهي ترفع شعرها:إيش المناسبه
ريم بفرحه:أبوي يبغى يجلس معانا لأن ماعنده شغل اليومين هذي واقترح نقضيها في الشاليه
لميس:حلو
ريم:حطي لك ملابس كثيره يمكن نطول..وع فكره يمكن يجون البنات
لميس:واااااو
طلعت ريم تجهز أغراضها ولميس بدت تتجهز









  رد مع اقتباس
قديم منذ /3 - 1 - 2011, 12:01 AM   #32

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


في الطريق للشاليه....
لميس وريم وعادل مع فيصل في سيارته
ورنا وأم رعد وأبورعد وفهود مع رعد
ريم جالسه بالنص ومتقدمه ومتكيه بإيدها ع كرسي عادل وإيدها الثانيه ع كرسي فيصل وصاير بالنص
ريم:فصول
فيصل:خير
ريم:شغل لنا شئ
فيصل:أوك
شغل لهم شريط وقصره وعادل يطوله وفيصل يقصره
فيصل ضرب إيد عادل:عدوووول ابعـد
عادل:ياخي طوله مانسمع زين
فيصل:لا المسجل مايعلى في سيارتي
عادل:روح زين(وطول الصوت)
فيصل:عدوول وجع قصره

عادل طلع الشريط:أصلا ماعجبني
حطه وفتح درج الأشرطه ودور فيه
ريم:عاد حط شئ حلو
فيصل:لا شين..وبعدين تعالي إنتي ليه ماركبتي مع حبيب القلب رعد
ريم كشرت:معاه رنا وأنا مالي خلقها
فيصل:ياسلا ا ا ا ام يعني أنا بدل فاقد
ريم إبتسمت :شدعوه فصولي
عادل حط شريط أغاني أجنبيه وطوله وهو يرقص
فيصل يصارخ علشان يسمعه:قصــــــــــررره
عادل يغني مع الأغنيه وهو يرقص ومطنشه
والبنات ماتوا ضحك ع رقصه
فيصل طلع الشريط ورماه
عادل:ليـــــش
فيصل:مستشفى مجانين مو سياره
البنات يضحكوا
وفيصل ضرب ريم ع جبينها:وإنتي إرجعي ع ورى وإجلسي زي الناس
ريم رجعت وجلست:أحححح..عاد مو صرنا في سيارتك وصرت تتحكم
عادل تكتف:أففففف..ليتني رايح في سيارتي ولا منتك
فيصل:كان رحت
ريم ضحكت:وده بس أبوي مارضى يقول ماله داعي تكثرالسيارات كننا مسافرين تكفي سيارة الحرس وسيارة الخدم اللي خلفنا
عادل التفت عليها:إنطمي بس
ضحكوا عليه وهوساكت ومعصب
**********
الشاليه كان مررره كبير وقسمين قسم رجال وقسم حريم
البنات إختاروا غرف..
لميس وريم بغرفه ورنا بغرفه
عادل يرتب ملابسه في الدولاب:
شعليـيـيـك انبسط جالس معاي في الغرفه
رعدبتريقه:وا ا ا ا ا اي مبسوط بتشقق من الفرحه
عادل:ههههه أدري
رمى رعد البنطلون في وجه عادل..أخذه عادل ورماه عليه
دخلت عليهم وريم وشهقت:حرااااااااام
رعد ومعاه النطلون:شفيك
ريم:حراااام تقطع البنطلون يامتوحشين
رعد ضحك ورماه عليها:ع بالي في شئ
ريم مسكته قبل يضرب فيها:قسم بالله بزارين..ليه كذا ترمون الملابس ماتبغوها خلنا نتبرع فيها ع الأقل لكم أجرفيها
عادل يحاكي رعد:شكلها مو طالعه إلا بالدولاب ع راسها
رعد حرك راسه بنعم:وأناشايف كذا
ريم إنحاشت وسكرت الباب
مرت ع فيصل في غرفته ولقته متمدد ع سريره ومعاه جواله
وشنطته مرميه ع الأرض ومفرغها في الدولاب
العيال مايحبوا الخدم يعتبوا باب غرفهم وخصوصا ملابسهم فهم اللي يرتبوا أغراضهم ....
طلعت من عنده بعد ماطفشته
وقابلت لميس في طريقها
لميس:وينك إنتي
ريم :أتفقد أحوال الرعيه
ضحكت لميس وسحبتها معاها ريم وطلعوا عند البحر وجلسوا ع الكراسي
***********
سديم طلعت من الغرفه وسمعت صوت إزعاج وركض ع الدرج
شافت شهد طايره دخلت غرفة سميه
راحت تشوف وش السالفه
دخلت لقت شهد تنطط :بنروووووووح للشاليـــــه وناااااااااااسه
سميه كانت جالسه ع مكتبها:مين قالك
شهد:أمي تقول بنروح بعد شوي
طلعت شهد تركض برى
تقدمت سديم لسميه:لاتقولين مارح أروح بعد
سميه قامت :أكيد بروح من زمان عن البنات
سديم :طيب...
سمعوا صوت ماجد يتنحنح وقالت سديم:تعال مجود
دخل ماجدوهو يناظر سميه:هابنات جهزتوا
سميه إبتسمت كانت عارفه إن ماجد خايف ترفض تروح معاهم
إبتسمت بحماس:اللحين بنجهز
طلعت سديم من الغرفه تجهز
سميه راحت لدولابها..بس إستغربت لماشافت ماجد لسى واقف يناظره..
ناظرته وإبتسمت:تبغى شئ مجود
ناظرها للحظه وإبتسم:لا سلامتك
وطلع من الغرفه..
**************
إجتمعوا البنات برى الشاليه عند البحر
ساره:الجو مره يجنن
أمل:ودي أسبح
ريم:ههههه يالله إسبحي علشان يطلعك عمي من كشتك
طلع فيصل وشاف البنات قرب منهم والبنات تغطوا
فيصل:السلام عليكم
الكل:وعليكم السلام
فيصل:كيفكم
أمل طاحت عيونها عليه تناظره وتفكر ...معقوله إحساسي صح
يافيصل وحبيتك..ضحكت داخلها ع نفسها لا لا ...
:مضيعه شئ في وجهي
طاح وجهها من الفشيله ...من حكيه وعصبت
ضحك فيصل وراح وبداخله وده يبوسها لماشاف نظراتها المفجوعه... يانا ا ا ا ا اس أمو و و و وت فيها
:بــــــــــو و و و و و و و و
لف وراه مخترع وشاف رائد ميت ضحك ع شكله:ووووووووجع رويد ماتخلي اهبالك إنت
رائد:هبالي جزء من شخصيتي ماقدر أخليه...
فيصل:الله يخلف
رائد ناظره بنص عين:شعندك سرحان ..اللي ماخذ عقلك يتهنا فيه
فيصل في نفسه:والله لوتدري كان بالجزمه ع راسي
كشر:ماحد..إمش بس أنت وتفكيرك اللي زي وجهك
رائد:حلو صح زي وجهي الحلو
ضحك فيصل داخله بوجه جامد وسحبه معاه
عند الشباب
كانوا جالسين ع الرمل قدام البحر
رعد إنسدح وراسه ع رجول عادل
عادل:لايكون أنا أمك حاط راسك ع رجولي
رعد غمض عيونه:لا أبوي
عادل يبعد راس رعد ورعد يرجع ويحطه:شيل راسك حشى بلكه مو راس
رعد فتح عيونه:قول لا إله إلا الله ..عاد راسك اللي أكبر منك
عادل همس لرائد اللي جالس جنبه:يازين الشركه بس ..هذا مايصلح يصير فاضي
ضحك رائد:أعلمه
عادل:لاتكفى أمزح أمزح..بعدين
ألقاه شاحطني معاه وأنا مابعد خلصت دراستي
سمعوا صوت أبو خالد يناديهم وقاموا بسرعه
رعد لماقام عادل طاح راسه ع الرمل
قام بسرعه:عدوووول ياحمار
قام يمشي وهو ينفض شعره عن الرمل
***********
رنا تتمشى وتحاكي دلال في الجوال وإيدها تلعب بخصلات شعرها:لا تعالوا بليز
دلال:مادري عن أمي بسألها
رنا:بليز طفش وأنا لوحدي مع البنات سوالفهم ماتعجبني
دلال:أوك بقول لأمي
سكرت رنا الجوال ولا إنتبهت للعيون اللي تراقبها بتأمل...
*************
وقفت سياره عن الشاليه والبنات استغربوا من يكونوا
شافوا عبدالله نازل ومعاه دلال ورشا
أمل:وووع جو
ريم:مين قال لهم
سديم:يعني ماتعرفي رنا مستحيل تجلس بدون دلال
وصلوا عندهم:ها ا اي
ريم:وعليكم السلام
طنشوها وجلسوا
أمل همست لريم لماشافت عبدالله كل شوي يلتفت يدورها:شوفي المغرم يدورك
ريم:ياعل رقبته الكسر
أمل:ههههه أعصابك..حرام عليك ميت عليك
ريم تنرفزت وقامت ودخلت للشاليها وعبدالله لحقها.....

*****************
دخل وشاف الحريم جالسين:السلام عليكم
سلم ع خالته وسولف معاها وعينه كل دقيقه تروح للباب اللي دخلت منه ريم
طلعت ريم وتفاجأت لماشافته ورجعت ع ورى بسرعه
عبدالله إنهبل لماشافها"آآخ بس لو تعطيني وجه وترحمي حالي"
طلعت بعد ماتغطت زين وراحت بتطلع ونادتها عمتها
:هلا عمه
أم ماجد:الله يعافيك نادي لي سميه
ريم:من عيوني
طلعت ووقفها عبدالله:كيفك ريم
ريم غمضت عيونها"ياليييل":تمام وإنت
عبدالله:تمام دام شفتك يالغلا
ريم:عبدالله لوسمحت
عبدالله همس:ليتك تعرفي اللي في قلبي لك ياريم
ريم عصبت ولفت تمشي بعصبيه..صدق مايستحي يتغزل فيني وقدامي بعد .والله لوتموت ماحبيتك مابقى إلا إنت
عبدالله فسر تصرفها ع إنه خجل وانبسط ورجع للشباب
رجعت ريم ومن غير نفس:سميه عمتي تبغاكي
لميس همست لها:ريم شفيك
ريم:الوقح عبود يتغزل فيني اللي مايستحي
لميس ضحكت ع معاناة ريم مع عبدالله ..
**********
رجعوا من الشاليه بعد ماقضوا يومين إستانسوا فيها
واضطروا يرجعوا لأن الكل عنده أشغاله
صعدت فوق لغرفتها وع الدرج سمعت صوت الإستريوا عالي
إستغربت ودخلت الغرفه..
شافت دلال ترقص وصراخها مالي الغرفه
أول ماشافتها دلال سحبتها معاها:تعالـــــــــي رشـــــــــا
رشا قصرت الإستريو: شفيك
دلال بفرحه غامره:وأخيـــــــــرا ا ا وأخيـــــــــرا ا ا
رعـــــــــد بيصير لـــــــــي
وا ا ا ا ا ا ا او بصير حرم رعد بن مشاري ال....
رشا بدهشه:إيش قصدك
دلال تدور حول نفسها بفرحه:حددوا موعد الملكـــــــــه
صرخت رشا:إحلفـــــــــي متـــــــــى
دلال ميته من الفرحه:الشهر الجاي لأن أبو رعد مسافر ولمايرجع بتم الملكه وبيصير رعد لي لي
رشا حضنتها:مبرو و و و وك
دلال بغرور:قتلك لا لميس ولاغيرها بتاخذه مني لأني إذا حطيت شئ في راسي أوصله
رشا شهقت بفرحه:يعني بتسكنين في قصره هذاك اللي جنب قصرهم
دلال تذكرت القصر تذكر إنها دخلت البوابه وشافته إنجنت عليه وصممت أكثر ع رعد :أيـــــــــوه بيصير مملكتي أنا وبصير ملكه فيه
رشا:ونــا ا ا ا ا سه
دلال قربت من رشا :شدي حيلك إنتي وخذي فيصل قبل لاياخذه أحد..خليك مثل إختك
رشا تذكرت أمل:إدعيلي بس إنتي..بصراحه حمستيني مرره
دلال رمت نفسها ع السرير تطالع السقف وتنهدت:ماصدق إني خلاص برتاح وباخذ رعودي
حبيبي
**************
طلعت برى للحديقه وجلست ع الكراسي ..ساحت بجسمها ع الكرسي وتناظرالسما...
وتفكيرها وإحساسها ومشاعرها كلها عنده..لازال هو المتحكم فيها والمسيطر عليها..
تبغى تشيله من راسها وتنزعه من قلبها لأنه مايستاهل حبها ومشاعرها..ماحافظ عليهم بالعكس داسهم وبأبشع الصور
برفضه لها وهروبه بعد ماغرقها بالحب والعشق
تحس نار تشتعل داخلها ..تمنت إنها تحرق مشاعرها ماتبقي منها شئ
تكرهه وتحبه في نفس الوقت ..
غمضت عيونها وتسللت دمعه منها وإختفت بين خصل شعرها الأسود
ماكانت حاسه بالعيون اللي تتأملها بحزن ولهفه ..
سمعت خطوات ع العشب ومسحت وعدلت جلستها بدون ماترفع راسها
رفعت راسها لماطال سكون هالشخص ..وإنصدمت لما شافته قدامها ببنطلونه البني وبلوزته الأفوايت بخطوط عسليه وبنيه وإيديه اللي داخل جيوب بنطلونه..
رفعت عيونها لوجهه الاسمر بملامحه الحاده ..
وصلها صوته الهامس:كيفك سوسو
غمضت عيونها وهي تحاول تضبط إنفعالاتها وضربات قلبها..
فتحت عيونها وشافته قريب منها
إندفعت الدموع لعيونها لماسمعته يقول لها:سوسو قلبي ..أنا آسف ماكان...
قاطعته بصراخ:لا ا ا ا تقول قلبي أنا مو قلب أحد وخصوصا إنت..وع إيش تتأسف ع هروبك ع هدمك لأحلامي..(تفجرت الدموع من عيونها) ع طعناتك لقلبي ع إستهتارك بمشاعري ع إيش بالضبط
أشرت ع صدره بعد مامسحت دموعها بعنف لأنها نزلت قدامه:اللي داخلك مو قلب هذا حجر.. واللي أوهمتني بصدقها وحبها مو مشاعر هذي نزوات وأنا الغبيه اللي صدقتها وآمنت لها
أكرهك ياراكان وعمري مارح أسامحك
ركضت بعيد عنه بعد أصابت قلبه وقطعته وأذابت كل شئ داخله...
لحقها ومسك إيدها ولفها له ولازال صدى كلماتها تتردد في راسه وتفجره
راكان:أنا مو مثل ماقلتي..ولا تقولي مارح أسامحك لأنك بتسامحيني بعد ماتعرفي ليه سويت اللي سويته ..
ناظر عيونها الدامعه وباس جبينها وتركها وطلع
شهقت ودموعها تغرقها ..ماهي قادره تفهمه ولاتسامحه
حرارة بوسته أحرقتها كلها..ونار كرهها وحبها فجرت كل شئ داخلها..
رمت نفسها ع سريرها بعد مادخلت غرفتها وهي تبكي...
سديم شافت ماجد داخل وقالت بحقد:راكان طلع
ماجد:أيوه لمارجعت ماشفته
سديم:إنت مسامحه ع اللي سواه في إختك
ماجد:لا طبعا بس اللي صار صار وهذا ولد عمي وصاحبي صحيح كرهته وتضايقت من اللي سواه بس ماني قادر أسامحه ولا أقطع علاقتي فيه
سديم:إنت غريب
ماجد تنهد:عارف
سديم:وماقال لك السبب
ماجد:هذا اللي مجنني مو راضي يحكي ..أو يقول شئ








  رد مع اقتباس
قديم منذ /3 - 1 - 2011, 12:03 AM   #33

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي

ضحكت بدلع والجوال في إذنها وتلعب بخصل شعرها: عارفه ياحياتي
جاها صوته الهيمان:رنو قلبي دامك عارفه إني ماقدر ع بعدك وحياتي من غيرك مابيها وإنتي قلبي وروحي..ليه مو راضيه نتقابل لهدرجه مو واثقه فيني ولا في حبي وإلا يمكن إنتي اللي ماتحبيني
رنا حست إنها زودتها وعلقته فيها بقوه وخافت يتركها ويروح حبه لها وهي تحبه وتعشقه وتعلقت فيه هو صحيح ماشافها بس هي شايفته قالت بحب:أحبك وأموووت فيك وعلشان أثبت لك أنا موافقه
بندر بعدم تصديق:موافقه أشوفك
رنا بدلع:أيوه موافقه
بندر بفرحه:آآآآآه ياقلبي ياعمري إنتي..متى أشوفك
رنا:إممم بكره أرسل لك مسج وأحدد المكان والزمان أوك قلبو
بندر والفرحه غامرت ووقت الإنتقام قرب ومفرحه:خلاص ياحياتي إنتي أنتظرك بكره بشوووووق
************
دق باب غرفتها وهو مصر يسمع عنها أي شئ
يحس بشوق موطبيعي لها
فتحت الباب وشافته إستغربت:بسام
دخل غرفتها وسكرالباب:إجلسي بحاكيك
جلست ع طرف السرير وهو جلس ع كرسي مكتبها
ناظرها:كيفها
ناظرته ببلاهه:منهي
بسام:من يعني(إبتسم) حبيبة أخوك
سوت نفسها مافهمت وبغباء:أي حبيبه
مسك نفسه لايقوم يحذفها بالأبجوره ع راسها:تستهبلين..ريومه يعني من
ضحكت:آها ا ا ا ا
بسام بطنازه:صح النوم
البندري:إمممم مادري عنها
بسام ناظرها:شلون يعني ماتدرين عنها
البندري:من زمان ماحاكيتها
بسام عصب من برود إخته:وليه إن شاءالله
البندري:يعني ماتدري إنهم طالعين للشاليهات
بسام:طيب وإذا
البندري:يعني مابغيت أحاكيها و
هي مجتمعه مع أهلها بتنشغل معاهم
بسام:راجعين حاكيها اللحين
البندري ابتسمت:لهدرجه الحب
لاعب فيك
ضحك:أقول انطمي وحاكيها
ضحكت:مررره قالبك
رماها بكرتون المناديل:أقول حاكيها بس ولايكثر
ضحكت:ماقدر أحاكيها اللحين
بسام:ليه
البندري:بالله إنت شايف الساعه كم اللحين أخاف تصير نايمه وأزعجها بكره أحاكيها
تأفف بقهر وطلع من الغرفه
*****************

*****************
دخلت ع أمها ومعاها مجلة أزياء:يمه
ناظرتها أمها بابتسامه:هلا والله بالعروس
إبتسمت بفرحه وجلست جنب أمها والمجله ع رجولها:شوفي يمه شرايك بالفستان هذا
ناظرت الفستان :يهبل يمه
دلال بفرحه:بفصله لملكتي
دخلت رشا وشافتهم جالسين جنب بعض ومعاهم المجله راحت لهم:بديتي تدوري فستان
دلال:طبعا
رشا ناظرت الفستان وعقدت حواجبها:بس مو كنه مفتح مره
دلال رفعت حاجبها:عادي حبيبتي أنا أبيه كذا أبغاه ينهبل علي ومايشيل عينه عني
رشاضحكت:ياجرأتك
دلال بدلع:إذا تبين شئ خليك جريئه علشان تحصلين عليه...(غمزت لها بخبث)عاد وريني إيش بتسوي إنتي
رشا فهمت قصدها وضحكت
أم عبدالله:شفيكم
دلال:ولاشئ..ها يمه شرايك حلو صح بس بحطه بعد أحمر..(غمرت لرشا بخبث)لزوم الإغراء
ضحكوا وأمهم إبتسمت عارفه خبث بنتها ومبسوطه منها..لأنها تبغى تعيش حياة مثل حياة أختها في عز وغنى..
*************
دخلت ع أمها بالغرفه معصبه:يمــــــه
أم رعد:خير شفيك
ريم مقهوره:صدق اللي سمعته..حددتوا ملكة رعد مع هاللي ماتتسمى
أم رعد:أيوه حددناها ...وإحترمي دلال وإنطقي إسمها زين هذي بتصير زوجة أخوك
ريم:يعني خلاص بيتزوجها
أم رعد:أيوه بياخذها وقريب..لاتفشلينا في الناس وزيني علاقتك معاها
ريم شوي تبكي من القهر:تخسي أزين علاقتي معاها
أكرهها ماأواطنها أبد
طلعت من الغرفه ودموعها متحجره في عيونها:حرام والله
دلالوه الحماره تصير زوجة أخوي ولابعد رعد.. حرام ماتصلح له والله
دخلت ع لميس اللي جالسه تحاكي هند ولماشافت وجه ريم سكرت بسرعه:شفيك
ريم:تخيلي أهلي حددوا ملكة رعد ع دلالوه
لميس تفاجأة:والله
ريم جلست ع السرير:والله شفتي كيف
لميس بتعجب: So..why you look sadوإنتي عارفه من زمان من خطوبتوها إنها خلاص بتصيرزوجته
ريم بحزن:عارفه بس ماني قادره أتقبلها ولا أتقبل إنها بتصير زوجته..توقعت بيصير شئ يغير كل شئ ولا ياخذها
راحت لها لميس وجلست جنبها:عاد هذا اللي بيصير لاتضيقي صدرك وحاولي تتقبليها(كملت بسرعه لماشافت نظرات ريم)
أنا ماأقول حبيها بس ع الأقل تقبلي وجودها
ريم تنهد بقهر:واللي قاهرني رنا تحاكي دلال وفرحانه لها ولابعد متكفله فستانها ومكياجها ويخططوا إيش بيسوون
ضحكت لميس:طيب رنا صاحبتها وإنتي عارفه إنها معاها
ريم بضيق:تكفين غيري السالفه
ضحكت لميس وسحبتها معاها وراحوا تحت للحديقه
...************
دخلت عليهم في الصاله وقالت بهدوء:قوموا اجهزوا زوجة عمكم وبناتها بيجون اليوم
إنكتمت أنفاسها وأظلم وجهها وهي تستوعب اللي قالته أمها
سديم شافت وجه سميه اللي تغير وهي مقهوره عليها وقالت لأمها تبغى تبعد أختها عن المواجهه معاهم ومعاه خاصه:يمه إحنا بنروح لبيت جدي اليوم
أم ماجد فاهمه ع بنتها وقالت باصرار تبغى بنتها تتقبل الوضع وتقابلهم:جدك بنروح له كلنا بكره ..ماله داعي تروحون له اليوم وعمتكم بتجي
سديم إنقهرت وناظرت إختها لقتها جالسه ببرود وتطالع التلفزيون
طلعت أمها من الصاله..وقامت سديم وجلست جنب أختها:سوسو
سميه بهدوء عكس اللي داخلها:عادي سدوم لاتشيلي هم أنا خلاص ماعاد يهمني
التفت لاختها وابتسمت:وبعدين حلوه التصريفه
ضحكت سديم:شفتي كيف ..بس أمي صارت أذكى مني
دخلت شهد معصبه ومطيره عيونها:صد د د د دق أم كشه بتجيييي عندنا
ضحكت سميه:عيب شهد إسمها لنا مو أم كشه وأحسن بعد علشان تلعبين معاها
شهد :و و و و و و و وع تبيني ألعب مع حليب لنا هذي وووع
فطسوا ضحك ع تشبيهها وعيونها المفجوعه:ههههههههههه
ههههههههههههههههههههههههههههههههه
شهد لوت فمها بقهر:واللـــه لا أمزع كشتها الصفرا الدلوعه هذي
شهقت لماحست نفسها طايره في الهوا: وا ا ا ا ا ا ا ا ا ا ا اع مـــــــــامـــــــــا
ماجد ضحك وهو شايلها ورافعها لفوق:منهي اللي المسكينه الله بتمزعين شعرها
سميه تمسح دموعها من الضحك:حليب لنا
ماجد ضحك:مين..لايكون لنا بنت عمتي
سديم أشرت بإيدها وهي تضحك:أيوه هذي هي
ضحك وهوينزل شهد:ليه تبين تمزعين شعرها

شهد تعدل بلوزتها:علشانها دلوووووعه وبزر وبس تصيح وع وع
ماجد:أجل تبغينها مثلك دفشه
هذولي البنات دلوعات وحلوات أجل زيك
تخصرت وهي مطيره عيونها عليه:نعـــــــــم نعـــــــــم أنا دفشه ومو حلوه.... غصب عنك حلوه وأحلى منها بعد هي كشتها صفرا كنها جنيه ووووع ودلوعه تحوم الكبد(وكملت بغرور)أما أنا حلوه وشعري أسود أحلى منها
ماجد:أيوه مرره حلوه
ناظرته من طرف عينها ماعجبها طريقته في الحكي تحسه يتطنز
**************
جتها الخدامه وقالت لها تنزل تحت بسرعه أبوها يبغاها..
إنصدمت..كيف أبوها تحت وهو مسافر معقوله رجع بهالسرعه طيب وش يبغى فيها..
خافت مرره وبنفس الوقت مستغربه هذي أول مرره أبوها يبغاها ويطلبها..
معقوله حن لها وتغير من ناحيتها وبيصلح علاقته معاها
سافرت بأحلامها لبعيد خلال هالدقايق ..كانت تحلم وتتمنى
نزلت بسرعه وهي تحس بفرح داخلها..يمكن حلمي تحقق وبيصير حقيقه..
دخلت للصاله وإستغربت لما شافتها خاليه من أحد
طلعت وشافت الخدامه قدامها ونظراتها غريبه قالت لها تروح للمجلس اللي برى ينتظرها هناك
راحت وطلعت برى قربت من المجلس وقلبها تحسه بيوقف من الدق..
دخلت وتجمدت مكانها لماشافت اللي قدامها..
*************
ركبت سيارته بعد مالبس وكشخ لبس ثوب أبيض وشماغ وجزم سود
لبس نظارته السودا وإبتسامته الخبيثه والفرحه ع وجهه
مر محل ساعات وإشترى ساعه نسائيه فخمه وغلفها بتغليف حلو..طلع ومر محل ورد إشترى باقة ورد جوري رائعه وركب سيارته..
رفع جواله ودق عليها وصله صوتها الناعم :هلا حبيبي
بندر:هلا بقلبي..وصلتي حياتي
رنا:لا لسى دقايق وأكون عندك
بندر:ماني قادر أصبر الدقايق أحسها ساعات ..أخير بشوفك ياقلبي
ضحكت بدلع:صبرت السنتين أصبر كم دقيقه
إبتسم وهو يركن السياره قدام المطعم اللي اتفقوا يتقابلوا فيه:أوك أنا اللحين وصلت حياتي
بنتظرك لا تتأخري علي
سكر منها واخذ الأغراض ودخل ..دخل وجلس ع الطاوله اللي حاجزها وعيونه ع الباب ينتظرها..
**************
ناظرت شكلها في المرايه..
تنورتها التركواز بنقوش ناعمه بنيه ع أطرافها قصيره لنص الساق
وبلوزتها البنيه عليها جاكيت تركواز لتحت الصدر بأزارير بنيه بارزه
شعرها الأسود اللي رافعته بطوق ناعم ومنزله خصل خفيفه
حطت قلوس مائي لحمي وكحل أسود
تنهدت بقوه ولفت للباب اللي انفتح ودخلت منه سديم
سديم باعجاب:وا ا ا او تجنني
إبتسمت وناظرت شكلها بهدوء

قربت منهاسديم:جاهزه..تراهم وصلوا وسألوا عنك
التفت لها بتعجب:اسألوا عني
إبتسمت سديم:يب..يالله ياحلوه ننزل
سميه بضحكه:حليب لنا جت معاهم
سديم بضحكه:أيوه وصلت وشهد فاتحه عيونها عليها ههههه شكلها متوعده فيها
سميه ضحكت:الله يستر منها
نزلت معاها ودخلت بشموخ عكس قلبها اللي يرتجف
إبتسمت عمتها لماشافتها ووقفت تسلم عليها:ياهلا والله ببنت أخوي الغاليه
إغتصبت ابتسامه وسلمت عليها:هلا فيك ياعمه
سلمت ع بنتها منى وجلست جنب سديم
كانت السوالف مقتصره ع عمتها وأمها ومي والباقي ساكتين..
لاحظت سميه نظرات منى لها وإستغربت
طلبت منهم أم ماجد يطلعوا برى يجلسوا مع بعض في الحديقه
طلعوا وجلسوا في الحديقه
كان صمت مطبق ع الجميع قطعه صوت منى اللي فاجأهم
منى:آنا آسفه سميه ع اللي صار
أدري كان المفروض إني أحاكيك قبل بس أنا كنت خجلانه منك ع اللي صار وماكنت عارفه إيش أسوي..خفت تخرب علاقتنا مع بعض وأنا مابي أخسركم صحيح أخوي غلطان بس...
قاطعتها سميه بابتسامه:منى شدعوه تتأسفي إنتي مالك دخل في شئ ..ومهماصار بنظل بنات عم وصاحبات
ضحكت منى:يعني مانتي زعلانه مني
سميه:لا وبلاها الرسميه اللي عايشتها تراها ماتلبق
ضحكت منى براحه كانت خايفه يكرهوها ويرفضوا وجودها بعد اللي سواه أخوها..
كانت تناظر سميه بحزن..ماتستاهل اللي سواه أخوها فيها..كانت تتمنى يتم كل شئ وتصير زوجته كانت عايشه حبهم وعارفه كل شئ ..
ماصدقت لما دخل أخوها عليهم ..كان وجهه متغير مره لاحظت هالشئ لأنها عارفته زين ..كانت صدمه لها موبس هي أهلها كلهم لما خبرهم إنه مسافر ..ولايبغى يتزوج ..تذكر إنه خبرهم وطلع تاركهم بصدمه وعدم تصديق..
ماصدقت كيف يترك سميه وهو يموووت فيها ويعشقها الكل عارف بحبه لها .. وفجأه يتركها دون سابق إنذار حتى من غير لا يقول لهم ليه أو يواجههم..
انتبهت للبنات يحاكوها وإبتسمت ..
طلعت لهم لنا ميته من البكا
ووراها شهد مكشره وتتمخطر
ناظروا بعض سميه وسديم وهم كاتمين ضحكم..يعني بفذت تهديدها وتوعدها
ضمتها منى:لنا إيش فيك حبيبتي ليه تبكي ..وإيش فيه شعرك كذا
كان شعرها مبهدل وطاير وحالتها حاله
لنا بصوتها الدلوع والطفولي وهي تبكي:شـ شهد ضربتني آ آه وشدت شعري..
منى ناظرت شهد اللي واقفه قدامهم وتناظر لنا بنظرات تشفي
منى:شهد ليه ضربتيها
شهد تخصرت:إختك دلوووعه وتصيح ع طووول ..آخرمره ألعب معهاأم كشه صفرا هذي
منى شهقت تأشر ع لنا:اللحيـــــن هذا تسمييييييييه لعب ذااااابحه البنت ذبح وتقولييييي لعب
شهد كشرت:عاد بنتكم هذي لوتوقع عليها ذبانه سوتها مناحه
دلع بس
منى:هين أنا أوريك ياشهد
طلعت لسانها يعني ماتقدري تسوي شئ
التفت منى بحمق للبنات اللي ميتين ضحك:تضحكون بعد جاز لكم اللي سوته شهد
إختفت ضحكتها لماسمعت صوتها:لنا ...ليووونه..
راحت لنا ركض له تشكي له
والبنات سكتوا لما شافوا سميه
أكيد تضايقت
سميه نزلت راسها تخفي دموعها وهي تسمع صوته يحاكي أخوها ماجد ولنا
راكان حاضن لنا اللي تبكي ع كتفه:ياخي بنتكم هذي مجرمه شوف إيش سوت في لنا
ماجد ضحك:خلها تتعلم الدفاشه شوي
راكان :لاتتعلمها ابد يازينهاكذا بنتكـ...
قطع حكيه لما شاف عيون شهد طايره فيه وحضن لنا اللي زاد بكاها خايفه منها وهو يرجع ع ورى خطوتين:قل أعوذ برب الفلق...سكنهم مساكنهم
ضحك ماجد لماشاف شهد
شهد بطنازه:روح جيب لها حلاو مصاص البزر هذي
راكان:البزر إنتي..ليه ضاربتها
شهد:نلعب وأختك هذي ماتتحمل شئ
راكان:أعووووذ بالله
هذا لعب عندك أجل الضرب عندك كيف
شهد بلعانه قربت منه:نزلها أعلمك شلون
راكان أبعد لنا عنها:يالله هناك بعد بتكملي عليها
وطت رجله بقوه وكانت لابسه جزم أمها الكعب وصاير كبير عليها بس قدرت توطى رجله
وتنحاش حفيانه تاركته
نزل لنا ع الأرض :آآآآخ...الله يقطع إبليسها..ول ول ولد مو بنت
ماجد:علشان تعرف معاناتي
راكان مسك رجله:كسرت عظامي
قامت سديم:تعالوا ندخل داخل
كانت تبغى تبعد إختها عنه وعن صوته لماحست إنها بتبكي







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
معشوقي, جرحني, رواية, نزار

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية طعنة حب -رواية سعودية طعنة حب لتحميل رواية كامله !•» راھﭜه اڸحس قصص - روايات - روايات كاملة - روايات طويله - روايات غرام 28 15 - 1 - 2012 10:03 PM
بنات الي عندها الجزء الاخير من رواية جرحني وصار معشوقي بليززززز ضروري شوقا قصص - روايات - روايات كاملة - روايات طويله - روايات غرام 2 28 - 5 - 2011 8:51 PM
رواية جرحني وصار معشوقي 2011 كامله بـ صيغة txt و Word..!! ĀāпĐ €ђśāśί مواضيع مكرره - مواضيع محذوفه - مواضيع تالفه 1 18 - 4 - 2011 2:55 PM
أحبك.. أحبك.. والبقية تأتي لشاعر نزار القباني-قصيدة نزار القباني احبك-قصيدة رومنسيه !•» راھﭜه اڸحس قصائد - قصايد - همس القوافي - قصيده - شعر - قصائد شعريه - قصائد منقوله 7 14 - 8 - 2010 4:53 AM
وسائط نزار قباني - mms نزار قباني -●î[ḾїṦสή]î●- مسجات رومنسية - وسائط حب - رسايل جوال- وسائط mms - موبايلي - sms 5 19 - 3 - 2010 5:11 PM


الساعة الآن 5:59 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy