العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

رواية جرحني وصار معشوقي

نزلت لميس وقلبها يرقع من الخوف والإرتباك طبيعي بتشوف ناس أول مره تشوفهم وهم أهلها أخذت نفس عميق ودخلت تيبست ...

إضافة رد
 
LinkBack أدوات الموضوع انواع عرض الموضوع
قديم منذ /2 - 1 - 2011, 11:30 PM   #10

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


نزلت لميس وقلبها يرقع من الخوف والإرتباك طبيعي بتشوف ناس أول مره تشوفهم وهم أهلها أخذت نفس عميق ودخلت تيبست في مكانها لماشافت الصاله مليانه حريم
الحريم فتحوا فمهم مبهورين بالملاك اللي قدامهم
ريم قامت للميس المرتبكه :تعالي لميس
لما شافت ريم حست بالراحه
تقدمت لها ريم وقالت للحريم:هذي لميس بنت عمي عبد العزيز
راحت لميس وسلمت ع الحريم
وجلست جنت ريم وأمل وقلبها يرجف من الخجل خصوصا إن الكل يطالعها
ريم عرفت لميس ع عماتها وخلاتها وبناتهم
دلال للحين مصدومه ماتخيلت لميس بالجمال والرقه والنعومه هذي كانت ولا في الخيال وأحلى منهابمليون مره حست بالغيره والقهر تقتلها
العمه حصه:كيفك يالميس الحمد لله ع السلامه يا بنتي
لميس بحياء:الله يسلمك ياعمه أنا بخير
العمه ليلى بعيون مغرقه:إن شاء الله مرتاحه
لميس:الحمد لله
بكت عمتها ليلى وحصه لأنهم تذكروا أخوهم عبد العزيز
والحريم يهدونهم
لميس تضايقت وعيونهادمعت شافتها رغد وبسرعه قالت:روحوا يابنات اجلسوا في الصاله الثانيه وخذوا راحتكم
البنات فهموا إنهاتبغى تبعد لميس من الجو الكئيب وقاموا
********************
في الصاله الثانيه جلسوا البنات ولميس جلست جنب ريم وأمل
سميه بنت عمتها ليلى:لميس أنتي أي قسم في الجامعه
لميس ابتسمت:إدارة أعمال
داليا بنت خالة ريم أم محمد:يو و و و ه الله يعينك صعب
ريم:عادي أنا بعد دخلت معاها
سميه:ههههههه أبشرك أجل راسبه من اللحين
ريم:وجع لا تفاولين علي وش شايفتني
أمل بدفاع:ماأسمح لك تفاولين عليها بعدين ترسبيني معاها لأني أكيد بصير مثلها
الكل:هههههههههه
دانه أخت داليا:بنات جهزتوا لزواج رهف
ريم:لا أنا لسى ماوصل فستاني من لندن
أمل:ليه طالبته من برى كان فصلتي هنا عند المصممه جولي
ريم:حبيت أغير وأنا شفته في الكتالوج وعجبني وطلبته
رنا بغرور:أنا أكيد مجهزه وخالصه مفصلته عند مصممه وراح يطلع الإسبوع الجاي
البنات يطالعونهم بحسد ع العز اللي هم فيه حتى فساتينهم يطلبونها من برى عند أحسن المصممين ودلال مقهوره وغايره
داليا:ياحليلها رهف مومصدقه إنها بتتزوج
ساره :الله يعينا بنفقدها كثير
رنا بغرور:ما أظن بنفقدها
ساره صدت عنها وسفهتها
سميه باحتقار:احكي عن نفسك
رنا كشرت وقامت عدلت فستانها الأخضر وطلعت بغرور
رشا :عقبال ما نجهز لفرحك يادلال
دلال ابتسمت بغرور:ثانكس
ريم تحاكي لميس:أيوه صح هذي دلال بنت خالتي وخطيبة أخوي رعد
طالعتها لميس كانت دلال تطالعها بغرور ورافعه أنفها بتكبر"الله يعينهم عليها هذي شايفه نفسها ومغروره": مبروك
رنا دخلت عليهم:دلول رعد وصل
دلال بفرحه قامت:والــــله
مشت بغرور بفستانها القصير مرره وظهرها مكشوف كله وسيور ألوانه متداخله وشعرها الأسود رافعته بتسريحه ومكياجها ثقيل ألوان الفستان
وسبقتها ريم اللي قفزت ركض لماسمعت إن رعد وصل
البنات أخذوا غطاهم وطلعوا محتقرين دلال ولبسها الفاصخ مره
دخلوا لقوا الحريم يتحمدون لأم رعد بسلامة رعد
ريم بلهفه:وينه متى راح يدخل
سميه :الدب مشتاقه له
استغربت لميس تطالعها سميه بنت عمته كيف تقول الحكي هذا عند دلال
سميه فهمت عليهاضحكت:ههههه أنا واختي سديم خواته بالرضاع رعد متربي معانا هو كبر أخوي ماجد
لميس ابتسمت:يعني بس رعد اللي أخوكم وفيصل وعادل لا
سميه :أيوه
دخل فهد يركض مسكته ريم:فهودي رعد وينه
فهد:اللحين يدخل يسلم ع الرجال ويجي
جت لهم أم خالد أم أمل:أمل خذي الجوال خلي وحده من الخدم تشحنه ناسيه أحطه ع الشاحن
أمل أخذته:أوك
لميس ابتسمت:عطيني آخذه معي أنا بصعد فوق أجيب جوالي
أمل:لا خلي وحده من الخدم تروح
لميس :لا عادي أصلا مليت من الجلسه بتحرك شوي
راحت لميس فوق وشافت الشاحن مشبوك في الصاله بعد رغد لأنها كانت حاطه جوالها يشحن بس دخلت الغرفه لماسمعت صوت جوالها راحت له وردت عليه:hello
هند معصبه:يادبه يابايخه وينك يالقاطعه وإلا من شاف أحبابه نسى أصحابه
لميس ضحكت:هههههه سوري ياقلبي والله انشغلت اعذريني

هند:عذرناك بس مو كل مره
لميس:هههه لا آخر مره،،كيفك
******************
دخل رعد البيت :السلام عليكم
وقفت أم رعد بلهفه:رعــــــــد
مشى رعد بخطوات سريعه لأمه وباس راسها وضمها:كيفك يالغاليه
ام رعد تبكي:الحمد لله ع السلامه يمه
ريم راحت له مشتاقه وضربته ع كتفه بعيون مغرقه:يابو الشباب عطنا وجه
ابعد رعد عن أمه ولف ع ريم اللي ضمته بقوه وبكت:رعــــد
رعد ابعد عنها وهمس:لا تبكين لاتخربين كشختك(طالعها باعجاب) أمو و و و وت ع الأصفر
ريم ضحكت بين دموعها :ههههههه الحمد ع السلامه
سلم رعد ع عماته وخالاته
سميه بطفش:ياهو و و و ه نحن هنا
رعد ابتسم وسلم عليها:هلا سوسو
البنات يطالعونه خاقين ع وسامته وابتسامته الذباحه
داليا ماسكه قلبها:ياويلي يذ ذ ذبح من وين جايب الوسامه والجمال كله
ساره :اسكتي لاتسمعك دلال تذبحك
داليا ذايبه:والله خساره فيه هالدلال وش جابها لحلاته
(رعد كان وسيم بكل ماتعنيه الكلمه أحلى شباب العايله ابيضاني وطويل عيونه كبار عسليه ناعسه فيهاسحر رباني وشعره أسود وكثيف مقصص بطريقه حلوه نازل على جبينه
أنفه طويل وحاد له سكسوكه سودا خفييفه منفصله مو متصله مع الشنب يعني ملكيه نحيف بس جسمه روعه كان لابس بنطلون جينز أزرق وبلوزه نص كم سودا ورافع نظاره‎ ‎أرماني سودا ع شعره )
دلال واقفه مع رنا:ياويلي أخوك حليان يذبح
رنا ابتسمت بخبث:ترى بعلمه
دلال تبيها من الله:عادي
دانه تحاكي ا لبنات:ياعليه جسم وكشخه خبال
ساره:بسكم عاد ذبحتوا الولد قز
داليا:والله ماحد قاله يصير وسيم كذا
رعد همس في إذن ريم بشئ وابتسمت:أوكيه تعال
سوت له طريق وصعد فوق يبغى ياخذ شور ويبدل ملابسه
*****************
صعد فوق وسمع صوت ناعم ورقيق جاي من الصاله استغرب ودخل للصاله تجمد مكانه من الحوريه اللي قدامه
جسم رشيق وناعم بفستان أحمر بذهبي قصير لتحت الركبه وشعر كستنائي كيرلي لامع للكتف مثبته فيه ورده حمرا بنعومه تمشي في الصاله برشاقه ونعومه ودلع باستقامه وأناقه ولا عارضة أزياء تحكي في الجوال بصوتها الناعم والرقيق:أوكيه أحاكيكي بكره إن شاء الله أنا مشغوله اللحين ،،،،سلمي ع الوالده باي
فصلت الشاحن وأخذته لفت واشهقت لماشافت رعد
صعد فوق وسمع صوت ناعم ورقيق جاي من الصاله استغرب ودخل للصاله تجمد مكانه من الحوريه اللي قدامه
جسم رشيق وناعم بفستان أحمر بذهبي قصير لتحت الركبه وشعر كستنائي كيرلي لامع للكتف مثبته فيه ورده حمرا بنعومه تمشي في الصاله برشاقه ونعومه ودلع باستقامه وأناقه ولا عارضة أزياء تحكي في الجوال بصوتها الناعم والرقيق:أوكيه أحاكيكي بكره إن شاء الله أنا مشغوله اللحين ،،،،سلمي ع الوالده باي
فصلت الشاحن وأخذته لفت واشهقت لماشافت رعد
رعد فتح فمه بذهول لما شاف وجهها الملائكي

انتبه ع نفسه لما ركضت لميس للغرفه
رعد "اهذي بشر وإلا ملاك "
طلعت لميس لما سمعت صوت باب يتسكر وطيران لتحت كان وجهها أحمر من الإحراج
ريم :وينك إنتي
لميس مرتبكه:ها(رفعت الشاحن بايدها)رحت أجيب هذا
أم أمل تبغاه
رنا طلعت من الصاله:ريم وين رعد
ريم:صعد فوق ياخذ شور
لميس بلمت"يعني اللي شفته فوق رعد )
أمل جت تمشي:لموس جبتي الشاحن
أخذته من لميس وأعطته أمها
رجعوا للصاله وجلسوا مع البنات
سميه تحاكي لميس تبغى تقهر رنا اللي ذبحتهم وهي تمدح رعد وتدلع في كأنه زوجها موخطيبها:لميس شفتي رعد
لميس ارتبكت بس مابينت:لا
سديم:لو تشوفينه تخقين
دلال تناظر لميس نظرات قويه بغيره:وليش تشوفه لاهو زوجها ولا خطيبها
ريم :ولد عمها ولا عندك إعتراض
دخلت أم رعد :ريم
ريم:هلا
أم رعد:روحي جيبي من البخور اللي في غرفتي








  رد مع اقتباس
قديم منذ /2 - 1 - 2011, 11:31 PM   #11

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


(أم رعد ماتترك الخدم يدخلون غرفتها وإذا بغت شئ تطلب بناتها)
ريم قامت:أوكيه
لفت ع لميس بتقهر دلال لأنهاتعرف إن رعد فوق:لموس تعالي معاي
دلال بقهر:وليش تروح إنتي ناسيه إن رعد فوق
ريم ماردت عليها وطلعت مع لميس
دلال انقهرت تحكي مع رنا:شوفي أختك تاخذ لميس معاها ورعد فوق
رنا:عادي أصلا لميس ماتتغطى إنتي ناسيه إنهاجايه من بريطانيا ولاتعرف الغطى
دلال انقهرت وجلست ع أعصابها
عند الدرج لميس مارضت تصعد فوق :لا ماأبغى
ريم:ليه
لميس :لا مالي خلق مشاكل مع دلال روحي إنتي
راحت ريم ولميس دخلت للمطبخ كانت أول مره دخلت انبهرت بشكله كبير وواسع ومليان خدم فتحت الثلاجه وطلعت جيك المويه وصبت لها بكاس ،،دخلت منيره بنت خالة ريم وأخت عمر زوج رغد:لميس وش تسوين
لميس ابعدت الكاسه عن فمها:أشرب مويه
منيره ابتسمت:كان خليتي وحده من الخدامات تجيب لك
لميس ابتسمت :لا عادي
منيره حكت الخدامات وطلعت
لميس خافت تقول لأم رعد وتهزئها "أففففف طيب أنا طفشانه أبغى أتمشى "
طلعت لميس وشافت ريم نازله
لميس:جبتيه
ريم:أيوه
عطته الخدامه تعطيه أمها
ريم قربت إيدها لأنف لميس :شمي الريحه
لميس:إممم حلوه
ريم تشم إيدها:مره حلو مارح أغسل يدي عاجبتني ريحته
طلعت عليهم أمل:إنتو هنا
ريم باستهبال:لا هناك
أمل:بايخه
لميس:ههههههه

أمل ضحكت:هههههههه فاتكم شكل دلال لماطلعتوا مقهو و و و ره
ريم بقرف:أحسن شايفه نفسها ع إيش مادري تفكر أخوي ميت عليها
استغربت لميس:ليه رعد مايبغاها
ريم بلا مبالاه:أتوقع خلينا منها وامشوا ندخل
دخل فهد يركض:ريم
ريم:أيوه
فهد:وين رعد الرجال ينتظرونه
أمل تستهبل:ليه معرس هههههه
فهد عفس وجهه:ماتضحكين
مدت أمل لسانهابشكل طفولي وفهد عفس وجهه بقرف
ريم ضحكت لماشافت شكل فهد:هههههه بس عاد ياأمل كنك بزر ياحبك لمعانده
أمل مسكت خدود فهد:لأني أحبه هههههه
فهد أبعد إيدها عنه:وأنا ماأحبك
وراح يركض
لميس :هههههههه
أمل:وجع أخوك ماينحب
ريم:مو توك تقولي أحبه
أمل لفت تمشي للصاله:غيرت رأيي
دخلت للصاله ووراها لميس وريم
ريم دق جوالها:هلا
رعد:سوي لي طريق بنزل
ريم :أوكيه
طلعت ومالقت أحد ودقت عليه نزل رعد لابس ثوب أبيض وغتره بيضاء وجزمات سود وريحة عطره القويه تسبقه
ريم تصفر:يا ا ا ا ا ا ا اعذا ا ا اب
رعد ضحك ويداعب أنفها باصبعه:هههههه مو أحلى منك
ريم حطت إيديها ع خدودها:يو و و و و ه ترى أستحي
ضحك وطلع للرجال
******************
عند الرجــــال:
دخل رعد بهيبته وشخصيته اللي تفرض ع الكل احترامه للمجلس
وجلس جنب أبوه اللي رافع راسه بولده قدام الكل
رائد يهمس لرعد:كيفك وكيف جين
رعد ابتسم:تسلم عليك
رائد فتح عيونه:صدق
رعد:مادري عنك
رائد:هههههههه يعني بتفهمني إنك ماشبكت مع ولاوحده من الشقر
رعد :لا أنارايح ادرس ولا أشبك معاهم
رائد:هههههههه ياعيني ع الثقل
رعد:قل لا إله إلا الله مو مثلك ماخليت بنت في السعوديه إلا وشبكت معاها

ماجد دخل عرض:طحت عليكم وش تحشون فيه
رعد ضحك:للحين إنت مدفوش
ماجد:وإلى الأبد بس أعجبك
رائديستهبل:نحش في جين الأمريكيه
ماجد :لا صدق
رعد:هههههههه قصده جون
ماجد:هههههههه
*****************
خلصت الحفله والكل طلع بيته مابقى إلا أم عبدالله وبناتها وأم ماجد وبناتها
سميه دخلت :يمه ماجد يقول يالله
أم ماجد قامت:يالله أجل مع السلامه ياأم رعد والحمد لله ع سلامة رعد
طلعوا ودخل رعد عليهم:السلام عليكم
الكل:وعليكم السلام
رعد:خالتي ترى عبد الله برى ينتظركم
طلع وراح بيصعد الدرج سمع صوت ريم:رعــــد
لف وشاف ريم جايه له:بتنام
رعد:أيوه أحس إني تعبان وبريح
ولما لف للدرج شاف لميس تنزل لميس لماشافته صبغ وجهها اللون الأحمر وكانت بترجع بس لماشافها مافيه مجال ونزلت منزله عيونها للأرض
ريم:تعالي لميس سلمي ع رعد
رعد يطالعها تنزل من الدرج
بكل رشاقه ونعومه بقامتها الطويله "هذي لميس هذي قمر مو بشر معقوله في نعومه وجمال كذا"
وقفت لميس جنب ريم بخجل:الحمد لله ع السلامه
رعد خق ع صوتها الناعم والدلوع ماقدر يشيل عينه عنها:الله يسلمك كيفك
لميس:تمام
دخلت دلال :رعــــد
لف رعد وطالعها وعرفها بس تضايق من لبسها الفاصخ
دلال بدلع مايلبق:الحمد لله ع السلامه كيفك
رعد :الله يسلمك
استأذن وطلع فوق
لفت ريم ع دلال باحتقار:إنتي لما تطلعي ع رعد لاتطلعي فاصخه كذا سامعه لأن رعد مايحب هالحركات
سحبت لميس معاها وصعدوا فوق ودلال انقهرت وانقهرت أكثر لما لاحظت رعد يسترق النظر للميس كرهتها بقو و و ه
***************
في اليوم الثاني صحت لميس وأخذت شور ولبست ونزلت تحت
لقت الكل موجود باستثناء رعد وأبو رعد
جلست ع طاولة الطعام وتحاول تتجنب رنا
ريم:وين رعد
عادل:نايم
بعد الغداء جلسوا في الصاله
دخلت عليهم رغد:السلا ا ام
الكل:وعليكم السلام
ريم:غريبه وش عندك جايه الظهر
رغد جلست:عمر بالعمل وقلت اجي عندكم
فيصل:وش أخباركم بعد الحفله
ريم:حلوين
فيصل:ياشينك إذا تميلحتي
ريم ترمش بعيونهاوتضحك
فيصل رفع الشوكه:ترى بالشوكه ع عيونك
ريم:ههههههههاي انقهر
رغد:بس عاد إنتودائما كذا
لميس:هههههه وأكثر بعد
فيصل يحاكي لميس:هي اللي تبدى صح
لميس بعناد :لا إنت
فيصل:مالت عليك وأنا أقول لميس مع الحق
ريم:ههههههه ياويلي
عادل:قسم بالله بزارين
ريم:لا يالكبير ههههه
لميس تطالع ريم مستغربه من هبالها ع الظهر:ريم إيش ماكله إنتي عندك جرعات نشاط زايده
عادل بتريقه:أكيد مو حبيب القلب موجود
الكل:هههههههههه
في غرفة ريم
ريم منسدحه ع السرير وماسكه بطنها:يو و و و ه شكلي كثرت أكل
لميس جالسه ع كرسي التسريحه تربط شعرها:إلا من الضحك
ريم غمضت عيونها:شكلي بناام
دقت لميس ع هند وسولفت معاها
لميس:هندوده وش رايك تجين عندنا
هند بتردد:أخاف أضايق اهلك
لميس:لا ماعليك تعالي المغرب
هند:خلاص أحكي مع بدر يوصلني عندك
لميس بفرحه:أوكيه سي يو
هند:باي
سكرت من هند ولفت ع ريم:ريم هند راح تزورنا المغرب
ريم فتحت عيونها:والله
لميس:أيوه عادي
ريم جلست:أكيد هذابيتك (وبحماس)متشوقه أشوفها من كثر ماتحكي عنها
****************
المغرب نزلوا لميس وريم بعد ماجهزوا وقابلتهم رنا تصعد الدرج طالعت لميس من طرف أنفها:ع وين
ريم ماعجبتها طريقة رنا مع لميس:بتزورنا صاحبت لميس
رنا باحتقار:وصرتي تعزمي في بيتنا ع كيفك كمان
ريم :بيت عمها وبيتها
رنا باستخفاف:متى ماشاءالله صار بيتها وإلابعد تخطط تستولي ع كل شئ من جد وقاحه قاعده ع قلوبنا وبتجيب صاحباتها كمان
رمت كلامها وراحت لميس انجرحت من حكيها واندمت إنها أخذت راحتها في البيت واحساسها إنها صارت من أهل البيت وانتمت لهم
ريم نزلت:ماعليك من حكيها تعالي
راحت لميس معاها وهي تحس إن ريم متعاطفه معاها
"أنا عارفه إني جالسه عندهم وهم مايبغوني بس هم أهلي "حاولت تنسى حكي رنا وتنبسط لأن صاحبتها بتجي وتشوفها








  رد مع اقتباس
قديم منذ /2 - 1 - 2011, 11:33 PM   #12

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


وصلت هند ولمادخلت حضنتها لميس:i i i i miss so much
وبكوا مشتاقين لبعض كثير
ريم:إحم إحم
لميس بعدت عن ريم تمسح دموعها وابتسمت:هذي بنت عمي ريم
سلمت هند ع ريم وجلسوا في الحديقه
هند تطالع لميس بتمعن:يادبه محلوه وش عندك
ضحكت لميس:هههههه النفسيه لهادور
سمعوا صوت خطوات جايه من المدخل وتغطت هند إحتياط
طلع عادل وشافهم وراح لهم شاق الإبتسامه:هــــا ا ا اي
ريم بغيض:وش جايبك
عادل:بسم الله،،،بسلم ع الحلوين
لميس ابتسمت:الله يسلمك
عادل:إحم إحم عرفونا ع الحلوه اللي معاكم
ريم عصبت:وأنت وش عليك
عادل :وجع أكلتيني
لميس:ههههه هذي my best friend ‎‏ هند
عادل ابتسم:هلا هنوده كيفك
ريم بتريقه:لا عطها الرقم أحسن
عادل :بسم الله علي سكنهم مساكنهم
ريم عصبت وعادل حط رجله وطلع
هند إكشفت:هههههه شكل أخوك خفيف دم
ريم:إلا مايستحي
رنا:هــــا ا اي
لميس لماشافتهاواقفه بغرور ورافعه أنفها خافت ترمي ع هند من حكيها الزفت
جلست وحطت رجل ع رجل
وبغرور:ماعرفتونا
لميس:صاحبتي هند
رنا عفست وجهها:هند يا ا اي إسمك موحلو قديم
انحرجت لميس من تصرفها كانت عارفه إنهاجايه علشان تحرجها مع هند وتستهزئ فيها
هند ماعجبها غرور رنا وقالت بغرور:والله عاجبني وهذا المهم
رنا تطالعها باحتقار:شكلك مثل لميس بيئه
لميس ماقدرت تستحمل حكيها:لو و و و سمحتي رنا عن الغلط
قامت بغرور وتأشر باحتقار:أف أناكيف نزلت نفسي وجلست مع ناس مثلكم أنا مستواي أرقى من أشكالكم
ودخلت داخل بكبر
ريم مفتشله من رنا:سوري هند
هند حست بريم وقالت بلا مبالاه:لا عادي ماصار شئ
لميس صرفت الموضوع واندمجوا بالسوالف بعدها استأذنت هند تحت إلحاح لميس إنهاتجلس شوي بس ماقدرت وطلعت
*****************
الدنيا حولها ظلا ا ا ام تلفتت حولها بخوف تدور ع بصيص نور تخاف من الأماكن الظلمه شافت نور بعيد وركضت باتجاهه لمازاد النور عرفت إنها قربت تطلع من الظلام فجأه شافت المكان كله يحترق قدامها سمعت صرخات تعرفها صرخات رامي وأمها
ركضت باتجاه النار والنار تبعد عنهاركضت وركضت بكل قوتها تحاول توصل للنار وتنقذ أهلها شافت رامي ماد إيده يستنجدها صرخت بكل صوتها:را ا ا ا ا ا ا ا ا ا ا ا ا ا ا ا ا ا مــــي
ما ا ا ا ا ا ا ا ا ا ا اما ا ا ا ا ا ا ا ا ا
فجأه إختفوا داخل النار صرخت وصرخت تناديهم تركض :لا ا ا ا ا ا ا ا ا ا ا ا را ا ا ا امــــي لاا اتتر ر ركني ما ا ا ا ا ا ما ا ا ا ا ا
شهقت مرعوبه وتطالع الغرفه وترتجف وتردد داخلها"حلــــم حلــــم"
غطت وجهها تبكي وترتجف حاسه بخوف مخنو و وقه
طالعت بريم نايمه جنبها قامت من السرير وطلعت برى الغرفه
نزلت تحت حفيانه تمشي ع الرخام البارد ومو حاسه ببرودته من الحراره إلي تحسها داخلها
دخلت للمطبخ وكان فاضي خالي من الخدم فتحت النور ومشت للثلاجه فتحتها وطالعت المويه وصبت لها

مع أنه فيه فوق كاونتر كبير بس من الخوف والرهبه ماكانت قادره تفكر
*****************
رعد كان متمدد ع السرير والابتوب في حضنه حاول ينام ماقدر من فرق التوقيت طفش وسكر الاب وحطه جنبه طالع في غرفته الواسعه والفخمه بملل قام من سريره وطلع من غرفته لغرفة فيصل يمكن يلاقيه صاحي ويجلس معاه يوسع صدره فتح الباب وكانت الغرفه ظلا ا ام وبا ارده شاف فيصل غرقان في النوم إبتسم لما شاف وضعيته في النوم رجل شرق ورجل غرب وإيده طايحه برى السرير واللحاف نصه برى السرير والنص الثاني متجمع تحت رجله نفس الوضعيه ماتغيرت إبتسم وقرب منه وغطاه كويس
وطلع مامر ع عادل لأنه أكيد نايم نزل لتحت واستغرب لماشاف نور المطبخ "معقوله في أحد من الخدم صاحي لهالوقت"دخل ووقف مكانه وهو يطالعها تشرب مويه وشكلهاسرحانه مانتبهة له تأمل شكلهابالبيجامه الورديه ووسط بلوزتها دبدوب سماوي وبنطلون البيجامه طويل وفي من فوق خيط مثبت البنطلون شعرها الكستنائي الامع مفتوح ع أكتافها ولابسه طوق وردي
خق ع شكلها كأنهاطفله بالوردي اللي عليها
لميس لماشربت المويه انتبة برعد واقف عالباب شهقت وطاح الكاس منهاوتكسر ع الأرض
رعد لماشاف عيونها الزرقا المفتوحه برعب بردت أطرافه و
عيونه مثبته ع عيونها"أويلا ا اه ع هالعيون الذباحه"
رعد ابتسم وهمس:سوري فزعتك
لميس تلعثمت مرتبكه ماتوقعت تشوفه هالوقت :i ‎.i‏ أنا
ماقدرت تتكلم وطالعت في حطام الكاس تحتها ماتدري وش تسوي
رعد ابتسم وهويطالعها شكلها المرتبك والخايف ورجولها الناعمه حفيانه:ابعدي عن الزجاج لا يأذيكي
بعدت عن الزجاج ورفعت عيونها تطالعه كان لابس بيجامه سودا وشعره مبهذل واضح إنه لاعب فيه
رعد مشى للطاوله وسحب كرسي وجلس فيه رفع عيونه وتأمل بشرتها البيضاء الصافيه وخدودها الناعمه وفيها حمره خفيفه عيونها الواسعه الزرقا بلون البحر فمها حبة الكرز وأنفها الحاد والناعم جميله شويه عليها إرتبك:ليه صاحيه
هالوقت
لميس بلعت ريقهاتحس شكلهاغلط واقفه قدامه في البيجامه وعيونه تتأملها حمرت خدودها وقالت بصوت خجول فيه بحه من البكى:بغيت أشرب مويه
رعد همس وهو يتأملها:كنتي تبكين
لميس انصدمت كيف عرف إنهاتبكي وصوته الهامس أربكها
:آا... لا
رعد ابتسم واضح إنهاكانت تبكي أنفها وردي وعيونها واضح فيها أثر دموع وصوتهامبحوح
لميس قالت تبغى تبعد نظراته عنها:وإنت ليه صاحي
رعد ابتسم :فارق التوقيت
لميس تبغى تطلع من هالمكان تحس بخنقه وحراره في المكان مشت وطلعت من المطبخ ساكته
ورعد يراقبها بعيونه لين طلعت ابتسم من قلب وطالع حطام الكاس وضحك لماتذكر شكلهاالبرئ والخايف كانت جذا ا ابه
قام وطلع من المطبخ مبتسم
مر أسبوعين ولميس خلصت من تجهيز غرفتها الخاصه جنب غرفة ريم حطتها بالون الأحمر والذهبي تموووت في الأحمر لكن طبعا ريم ماتركتها ترتاح إلا تنام عندها أيام
وعلاقتها مع رنا تسوء وبالمثل مع أم رعد مع أنه كثير تكون أم رعد خارج البيت ولاتضطر لميس تواجهها
أما ريم ورغد مثل العسل وفيصل كانت لميس تشوف فيه أخوهارامي في كل شئ وصارت تجلس معاه وتتكلم من غير حواجز وعادل بالمثل أمارعد فكان قليل تلتقي فيه لأنه صاحب شركه من شركات أبوه ويديرها بنفسه فكان أغلب الوقت في الشركه فماكانت لميس تعرفه كان غامض بالنسبه لها ولماتشوفه ماتدري ليش تحس بخوف منه ورهبه وتحاول تتهرب منه وماتحاكيه وتتجاهله يمكن من هيبته وشخصيته صارت تخاف منه
*****************
المغرب كان الكل متجهز لبيت العم أبو ناصر
لميس جالسه في الصاله مع ريم ورنا ينتظرون أم رعد والعيال وأبورعد لأنهم بيطلعون مع بعض
لميس لابسه بنطلون أسود جينز وعليه فستان لركبه برتقالي بأسود نص كم وفاكه شعرها الكستنائي ع أكتافها مسيحته
وقلوس مائي وراسمه عيونها الزرقا بكحل أسود وبلاشر
دخل رعد للصاله:السلام عليكم
رفعت لميس عيونها لماشمت ريحة عطره القويه وشافته واقف يحكي مع ريم لابس ثوب أبيض وغتره بيضاء وجزم سود
كانت هذي أول مره تطالعه بالثوب والغتره غيرأول مقابله لهم لأنها ماطالعته زين
كان شكله خطيــيــر بالثوب ووسيــيــم مررره
انتبه لها رعد تنزل عيونهابسرعه وتعقد حواجبهابضيق وضامه عبايتها لها
لميس"حما ا ا ا اره دو و وبه ليش قاعده أقز بالولد شافني وأنا أقزه ،،يافشيلتا ا ا اه "
ريم :وين فيصل
دخل فيصل للصاله وسمع ريم:هــــا ا ا ا ا اي فيصل بالخدمه
رفعت لميس عيونها له وابتسمت لأنه ماسك ذا الكلمه إذا دخل عليهم
لمحت رعد يطالعهاويحاكي فيصل:بتاخذ أهلي
فيصل:لا السواق
فيصل ابتسم للميس باعجاب
رعد تغير صوته وبأمر:فيصل بتظل واقف هنا يالله تحرك
طلع فيصل ووراه رعد
***************
في بيت العم ناصر
أمل بعد ماسلموا وجلسوا:وش فيكم تأخرتوا
ريم:اسألي الوالده هي اللي تأخرت
أمل:كان جيتوا مع السايق قبلهم
ريم:لا أبوي مارضى إلا نمشي سوى
سميه :كيفكم بنا ا ا ا ا ا ت
سديم ماسكه إذنها وعاقده حواجبها جنب سميه:وجــــــــع فقعتي إذني يسمعونك مولازم تصارخي كذا
البنات:هههههههههههههه ههههههه
رهف دخلت:السلا ا ام
الكل:وعليكم السلام
لميس:هلا بالعروس هلا
رهف ابتسمت بحيا:هلا فيك
سميه:هاه كيف النفسيه
رهف بضيق:استكتي تكفين لا تذكريني
ريم:أفا شكلها واصله معك
أمل:هههههههههه من زما ا ا ا ان كل ماتذكرت إن زواجها مابقى عليه إلا اسبوع ابعدي عنها
الكل:هههههههههه
رهف انحرجت:جــــب
دخلت دلال:هــــا ا ا ا اي
سميه بدون نفس:وعليكم السلام
دلال جلست وحطت رجل ع رجل:كيفكم
كانت لابسه تنوره قصيره فيهافتحه لنص فخذها من جلستها انكشف فخذها من الفتحه وبلوزه توب وشعر رافعته شنيون
البنات احتقروها مر ر ره
رنا:كيفك دلول
دلال:تمام
رنا:يسلم عليك رعد
دلال بدلع:الله يسلمه
ريم تحكي مع رهف:رهوف فستانك طلع ولا لسى
رهف:لا خلص بس مارحت أجيبه
دلال :وليش ماجبتيه لوأنامنك كان لبسته كل يوم
رهف باحتقار:ليش .ماصدقت إني أتزوج وإلا مااستحي
دلال انقهرت ولاردت عليها
سميه تضحك بشماته:هههههههه
هههههههههههههههههههههههههههه
سديم تقرص سميه علشان تسكت بس سميه بايعتهاوتضحك
دلال رافعه حواجبهابقهر:ليش الضحك قولي علشان نضحك
سميه تضحك:ههههههه أضحك ع وحده طاح وجهها من الفشيله هههههه
دلال انقهرت وسوت نفسها ماتدري من:مين هذي
سميه بنص عين:اللي ع راسه بطحا يتحسس عليها
دلال لفت ع رنا:رنو تعالي نطلع الجو هنا يخنق
أمل باستخفاف:مااتوقع ع لبسك هالفاصخ تختنقين
دلال وقفت بغرور:ليه غيرانه
أمل طالعتها من فوق لتحت:ع إيش تكفين
دلال مقهوره طلعت مع رنا والبنات ضحكوا عليها
*******************
قصــــر أبورعد:
ع الغدا الكل مجتمع ماعدا أبورعد اللي مسافر
ريم ولميس يتهامسون وعادل اشتغل عنده الفضول واللقافه
عادل:وش عندكم تتهامسون
ريم طالعته:وش ذاللقافه
فيصل يأشر ع السلطه:ريم قربي السلطه
أخذت لميس السلطه لأنهاقدامها ومدتها له فيصل أخذهاوابتسم لها:تسلمين
رعد قام من كرسيه اللي في صدر الطاوله وطالع لميس وحول نظراته لأمه:الحمد لله
أم رعد:وش فيك يمه ماكملت أكلك
رعد:شبعت الحمد لله
طلع ولميس استغربت وخافت من نظراته لها"ياربي ليش أناكذا أخاف منه "
ريم همست للميس:لموس خلصتي
همست:أيوه
قاموا وطلعوا للغرفه
جلست ريم ع السرير:وش رايك نطلع للبحر اليوم
لميس انبسطت:أيوه
ريم:خلاص ندق ع السواق يوصلنا العصر
لميس :وناســــه
****************
العصر طلعوا لميس وريم وأمل للبحر وانبسطوا كثير
وجلسوا ع رمل الشاطئ
لميس سرحت وتطالع البحر تذكرت آخر مره طلعت مع اهلها للبحر كانوا ماخذين شاليه
ع البحر تذكر إنهم انبسطوا كثير تذكر رامي لما لحقها ع الشاطئ
ويرشوا ع بعض المويه ويضحكوا...تذكر لما رامي جمع لها أصداف البحر وجمعها في جيوب بنطلونهاوهي تضحك عليه
دمعت عيونها وهي تسمع صدى ضحكته تملى المكان
انتبهة ع صوت ريم.بنات شوفوا آيسكريم
أمل:تعالوا نشتري
شروا آيسكريم وجلسوا ياكلونه عند البحر كان الجو رهيب
رن جوال ريم وردت عليه:أيوه هلا فيصل......عند البحر.....أيوه في الكورنيش.......أنا ولميس وأمل.......أيوه باي
لميس:إيش يبغى
ريم:يسأل وين رحنا
أمل وهي تاكل:ليش
ريم:مادري شكله اشتاق لي
لميس وأمل:هههههههههه
خلصت لميس وقامت:بروح أغسل يدي
قامت أمل معاها آيسكريمها:بروح معاك
ريم:وتتركوني لوحدي
أمل بدفاشه:بياكلك الذيب.بنروح شوي وراجعين وبعدين شوفي الحرس اللي عندك ماملوا عينك
ريم:ههههههه طيب بسرعه
راحوا وغسلت لميس عبايتهاوعدلت عبايتها وطلعت
أمل واقفه ولسى معاها الآيسكريم:خلصتي
لميس:أيوه وانتي للحين
أمل ببراءه:وش أسوي ماأعرف آكل إلا بنعومه مو مثلكم مره وحده
دفتها لميس قدامهاتمشي:طيب امشي يالناعمه
مشوا ووقفت لميس فجأه لماشافت أمل تصدم في واحد ويطيح الآيسكريم من يدها ع الأرض
أمل تطالع الآيسكريم ع الأرض بدفاشه:وجع إن شاء الله ماتشوف

فيصل مسك ضحكتها لأنه عرفها:سوري بس إنتي اللي مانتبهتي
أمل رفعت راسهابعصبيه:وانت وين عيــ........... فيصل
فيصل ابتسم ع شكلها عيونها البنيه مفتوحه ع الآخر
لميس:فيصل إيش تسوي هنا
فيصل يطالع أمل ويبتسم:أصدم في حلوات واطيح آيسكريمهم
أمل حمر وجهها وعصبت تخفي ربكتها من ابتسامته:وجــــع وتغازل بعد مو كفايه انك مطيح آيسكريمتي وأنا ماتهنيت فيها
فيصل انفجر ضحك بشكل نرفز أمل:ههههههههههههههههه
ولا يهمك اشتري لك واحد غيره
أمل متنرفزه:ماتضحك وخل الآيسكريم لك
ومشت وتركتهم معصبه
لميس:ههههههه حرام عليك اللحين كيف نراضيها
فيصل ضحك:هههههههه والله هي عصبيييه وشرررسه
لميس :دامك تعرف إنهاعصبيه ليه نرفزتها بروح أشوفها قبل تطب البحر تراها تسويها
مشوا لريم لقوا أمل جالسه معاها وشكلها معصبه
لميس تحاكي أمل:أموول
فيصل:هههه لا ا ا ا الحمدلله شوفيها ماطبت البحر جات سليمه
أمل عصصبت وطالعته بعصبيه وصدت عنه مقهو و وره"يتريق بعد هو وجهه"
ريم مستغربه:وش فيكم
فيصل:بعض الناس زعلانين علينا بس بصراحه شرسين
قامت أمل واصله معها:أنا ماشيه خليكم مع البزر اللي عندكم
مشت عنهم ولحقتهالميس ووراها فيصل يضحك مع ريم
فيصل علا صوته:طيب أوصلكم معاي
أمل تمشي معصبه:لو تموت ماركبت معاك أروح برجولي ولا معاك
فيصل:أوف أوف بنت عمي شيييينه لاعصبت
ريم تضحك:هههههههه اسكت بس لا تذبحك وترميك في البحر
في السياره مع السايق:
امل متنرفزه:أخوكي هذا بذذذبحــــه
ريم تضحك:ههههههه حرام عليك والله إنه يهبل
أمل تتطنز:والله إنه يهبل.......أقول مالت عليك وع أخوك
لميس بضحكه:خلا ا ا اص موكفايه إنا راجعين بدري علشانك بعد بتسوينهاسالفه
امل صاكه أسنانها بقهر:مقهو و و و و و و وره
أمل ولميس:ههههههههههههههه








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
معشوقي, جرحني, رواية, نزار

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية طعنة حب -رواية سعودية طعنة حب لتحميل رواية كامله !•» راھﭜه اڸحس قصص - روايات - روايات كاملة - روايات طويله - روايات غرام 28 15 - 1 - 2012 10:03 PM
بنات الي عندها الجزء الاخير من رواية جرحني وصار معشوقي بليززززز ضروري شوقا قصص - روايات - روايات كاملة - روايات طويله - روايات غرام 2 28 - 5 - 2011 8:51 PM
رواية جرحني وصار معشوقي 2011 كامله بـ صيغة txt و Word..!! ĀāпĐ €ђśāśί مواضيع مكرره - مواضيع محذوفه - مواضيع تالفه 1 18 - 4 - 2011 2:55 PM
أحبك.. أحبك.. والبقية تأتي لشاعر نزار القباني-قصيدة نزار القباني احبك-قصيدة رومنسيه !•» راھﭜه اڸحس قصائد - قصايد - همس القوافي - قصيده - شعر - قصائد شعريه - قصائد منقوله 7 14 - 8 - 2010 4:53 AM
وسائط نزار قباني - mms نزار قباني -●î[ḾїṦสή]î●- مسجات رومنسية - وسائط حب - رسايل جوال- وسائط mms - موبايلي - sms 5 19 - 3 - 2010 5:11 PM


الساعة الآن 3:18 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy