العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

رواية جرحني وصار معشوقي

رغد:فصولي عمر برى بيسلم عليك طلع فيصل ورغد مسكت يد لميس تسحبها:تعالي شوفي عمر راحوا عند الشباك المطل ع الحديقه ...

إضافة رد
 
LinkBack أدوات الموضوع انواع عرض الموضوع
قديم منذ /2 - 1 - 2011, 11:37 PM   #16

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


رغد:فصولي عمر برى بيسلم عليك
طلع فيصل ورغد مسكت يد لميس تسحبها:تعالي شوفي عمر
راحوا عند الشباك المطل ع الحديقه
رغد تأشر:هذا عموري
طالعت لميس لعمر كان أسمر شوي ومملوح وحاط سكسوكه خفيفه وطويل
رغد:ها إيش رايك
لميس:مملوح ماشاءالله
سمعوا صوت أم رعد وراحت لها رغد أمالميس ظلت واقفه عند الشباك ابتسمت تلقائي لماشافت عادل ضرب عمر ع ظهره وارعبه
: لهاالدرجه إشتقتي له
لفت لميس لماسمعت صوت رعد الساخر
مشى رعد لعندها ووقف قبالها طالع من الشباك ورجع طالع للميس اللي ابعدت عنه
لميس خافت لماشافت ملامح وجهه قست وقال بقسوه:لا تفكرين مجرد تفكير تقربين لفيصل أو عمر لأنهم مو مثل الزباله اللي تعرفينه فاهمه(وهو يحط اصبعه ع راسها)
لميس ماستوعبت حكيه للحظه"إيش قصده هذا كل يوم يرمي علي من حكيه"
فتحت عيونها لمااستوعبت اللي قاله وقالت باحتقار:احترم نفسك وثممن حكيك
مسك يدها بحقد:إنتي اللي ثمني تصرفاتك يامتربيه(وشد ع الكلمه كأنه يشكك في تربيتها)وشيلي افكارك هذي عن راسك
انقهرت من جرأته وفكت يده عنها بعصبيه:doo‎n‎'‎t tuch me وإيدك هذي لا تمدها علي فاهم(وكملت باستخفاف)يا متربي
ابعدت عنه تمشي بقهر وتحترق من داخلها صعدت فوق بسرعه ودخلت الغرفه
دخلت وراها ريم:لميس
لميس :أيوه
ريم:تعالي نجلس تحت رغد تسأل عنك
انسدحت لميس ع السرير وتلحفت:بنام
ريم:إيش فيك
لميس:أحس بأرهاق وتعب بنام
طلعت ريم وسكرت الباب
***صحت من النوم ودخلت للحمام وأخذت شور سريع
ووقفت عند المرايه
شالت الفوطه عن شعرها وإنتثر ع أكتافها مشطت ولمت نصه بشباصه حطت كحل وقلوس
طالعت شكلها بابتسامه وأرسلت بوسه لها وهي تضحك
راحت للستاير وفتحتها وشهقت لماشافت الظلام مخيم والهدوء يعم طالعت ساعة يدها
وشافت الساعه عشره شهقت :ريم الدوبه ماصحتني معقووله نمت كل هالوقت
نزلت لقت ريم رغد جالسين في جهة المسبح
راحت معصبه:ريمو و و وه ليه ماصحيتيني
ريم ضربت جبينها:يـــــــو و و و و وه نسيـــــــت
لميس جلست بزعل:ليش نسيتيني وإلا الجلسه عجبتك من غيري (لفت وجههابزعل)خلاص زعلت
ريم ضحكت:هههههههههه خلاص لموس أصلا الجلسه من غيرك ولاشئ
لميس بنص عين وهي لافه وجهها:واضح
ريم قربت منها:خلاص لموس والله توبه بجلس لك عند الباب المره الثانيه علشان ماأنسى
مسكت لميس ضحكتها ماتبغى تضحك
ريم :إن شاء الله حتى أعلق في رقبتي ساعه جرس
ماقدرت لميس تمسك نفسها وضحكت:ههههههههههههههههههه
ريم رشت ع لميس مويه :يـــــــا حمـــــــا ا ا ا ا ا ا اره
شهقت لأن المويه با ا ا ارده وريم قامت وهربت ولميس وراها
لميس:ريـــــــمو و و و و و و ه
يـــــــادو و و و وبه تعا ا ا ا ا الي
ريم لافه وجهها تطالع لميس اللي تلحقها:ههههههههههههه لا ا ا ا ا ا
وقفت لميس لماشافت واحد معطيهم ظهره وريم صدمـــــــت فيه

بسام لف وريم ولماشافته شهقت وتجمدت في مكانها
أما بسام يطالعها مفهي وفاتح فمه

وريم متسمره تطالعه بعدها شهقت فجأه لما استوعبت وشافت لبسها وراحت تركض ودفت لميس معاها ركض لجهة المسبح
جلست لميس تضحك ماسكه بطنها ومنحنيه:ههههههههههههههههههههههه
رغد تطالع لميس اللي تضحك وريم اللي جالسه مو مستوعبه وساكته:إيش فيكم
لميس بصوت متقطع من الضحك:ههههههههه ريم صدمت في واحد ههههههه وشكلهم ههههههههه
رغد شهقت:لا يكووون بسام صاحب فيصل
لميس تضحك:هههههه شكله هو
فجأه قامت ريم تنط في مكانها وتضرب خدودها:يـــــــا ا ا ا ا ا فشلتـــــــي يـــــــا ا ا ا ا ا ا ا فشلتـــــــي
رغد :أححححسن خلي الهبال عنك
ريم شوي تبكي:شافني يارغد ...ياويلي ولا بعد لابسه بدي وتنوره قصيره يعني ما شافني إلاوأنا لابسه كذا
ورجعت تنطط :يـــــــا ا ا ا ا ا ا ا اافشلتـــــــي يافشلتـــــــي
لميس ورغد ميتين ضحك عليها
لميس بضحكه:ماشفتي كيف يطالعك شكله إنهبل لماشافك
ريم حطت إيديها ع خدها بحالميه:إلا هو اللي يهبـــــــل
فتحوا عيونهابدهشه
رغد تأشر بايدها:هذا وانتي شو ي تبكين علينا قبل شوي واللحين تقولين يهبل
ريم جلست وإيدها ع قلبها:آ آ آ آ آ آه بس يارغد يهبببببل
عيونه وفمه وانفه آ آ آخ وإلاشعره
رغد شهقت بصدمه:لحقتـــــــي
تدققي فيه
لميس تمسح دموعها من الضحك ع هبالها:ههههههههههههه
رغد تضرب إيديهابحسره:لا ا ا ا
إختي انهبلت
لميس بخبث:ياعينـــــــي يابسام والله وطيحت ريمو و وه
ريم:إسمه بسام
غمزت لها:حلو صح
ريم تنهدت:إلا كلللله
رغد:جـــــــب لا يسمعك فيصل والله إن ينحرك
ريم شهقت وإيده ع قلبها:فيصل هنا ولا راح للبر
رغد ضربتهاع راسها:ياذكيه أجل ليه صاحبه هنا
ريم بخوف تضرب خدودها:ياويلييييييييي عسى ماشافني
سمعوا صوت فيصل ينادي ونطت ريم جنب رغد ولزقت فيها بخوف
طلع عليهم فيصل:ريـــــــم
ريم بلعت ريقها:أيوه
فيصل:وين حطيتي الديسك اللي عطيتك إياه
ريم :هـــــــا
رغد ولميس ضحكوا ع شكلها
وفيصل عقد حواجبه:إيش فيك
(فتح عيونه)لا يكون ضيعتيه
ريم بسرعه:لا لا في الطاوله ع مدخل الصاله
راح فيصل وريم ماسكه قلبها وزفرت:طـــــــاح قلبي ع بالي إنه شافني
ضحكوا البنات وماصدقوا بدوا تعليق ع ريم
*****************
في السياره
فيصل لف ع بسام:إيش فيك ساكت
بسام انتبه:هـــــــا
فيصل عاقد حواجبه:وشو هـــــــا إيش فيك سرحان
بسام:لا مافيني شئ
بسام سرحان بالقمر اللي صدم فيها"ياويل قلبي لا بعد لابسه بدي وتنوره قصيره الله ياخذ عدوها خذت قلبي.......بسام عيب استح يمكن تكون إخت فيصل ....."

فيصل قطع عليه أفكاره :يـــــــا هو و و و و و و وه
بسام انتبه:وجع أسمعك
فيصل :لا واضح إيش كنت أقول
بسام بملل:وأنا وش عرفني قاعد تهذر فوق راسي وأنا مافهمت شئ
فيصل:شفت كيف إنك سرحان ولاسمعت اللي أقوله
بسام بيتكلم بس قطع عليه صوت جواله أخذه ورد عليه:هلا........أيوه........إيـــــــش......لا إحنافي الطريق.......أيوه.....طيب طيب باي
فيصل بعد ماسكر بسام:خير
بسام:خالد يقول سامي سيارته تعطلت في الطريق
فيصل:أفـــــــا سامي سيارته مالقت تتعطل إلا اللحين
بسام:وش نسوي معقوله نرجع
فيصل رفع جوال يكلم:برسل له واحد من الحرس يشوفه
بسام بعد ماخلص فيصل مكلم:تعال إنت اللحين ليه ماخليتنا نروح مع السايق بدل ما نتعب الطريق طويل
فيصل:لا ماأحب زين إني خليت الحرس يروحون معاي
بسام:ياحبك للتعب.
*******************
في الليل الساعه وحده جالسين ريم ولميس وعادل ورنا عند التلفزيون متابعين فيلم
دخل رعد:السلام عليكم
لميس مالهاخلقه ولنغزاته لفت لريم تحاكيها:ريم ماتبغي نروح ننام
ريم وعيونها ع التلفزيون:لا بتابع
سمعت صوت رعد الساخر:وليه ماتروحي تنامي لوحدك
لميس بغرور:والله عاد أخاف عندك مانع
رعد باحتقار:ماأتوقع تخافين(وغمز لها باستهتار)روحي علشان تاخذين راحتك مع......(سكت)
لميس انقهرت وقالت بدلع وتبعد خصلات شعرها ع ورى:ماخذه راحتي وخالصه
ماكان فيه أحد منتبه لهم الكل يتابع ماعدا عيون رنا اللي تراقبهم بحيره موفاهمه
ريم شهقت:يـــــــو و و و وه طالعوا
رفعت لميس عيونها للتلفزيون
وكان فيه مشهد حريق
ماقدرت تنزل عيونها وشعور الخوف يتسلل لخلايا جسمها وقلبها زادت دقاته ورجفته
لاح لها خيار رامي وسط الحريق
وشهقت وهي توقف وإيدهاع فمها رجع صدى صرخاتهم تتردد في راسها
غمضت عيونها وحطت إيديها ع آذانيها ماتبغى تسمع
الكل يطالعها بحيره ودهشه وريم مسكتها بخوف وضمتها:لميس إيش فيك يا قلبي
شدت لميس إيديها وصوتها بالقوه طلع :لا ا ا ا ا ا ا ا
ريم شهقت لما حست بجسم لميس يثقل ويتراخى:لميــــــــــــــس
أغمى عليها والكل وقف مصدوم وريم حضنتها :لميس لميس (رفعت راسها لرعد ودموعها مغرقه عيونها بخوف)رعد ماتتحرك ماتسمعني
قرب رعد لها وجلس ع رجله اليمنى واليسرى ناصبها
وابعد خصلات شعرها عن وجهها وضرب خدها بإيده بخفه:لميس لميس إصحي
عادل :إرفعوها عن الأرض الرخام بارد
رعد صرخ في ريم اللي بكت لما شافت لميس ماتتحرك وقلبه يرجف من الخوف: ريـــــــم ابعـــــــدي عنها واسكتـــــــي
ريم ابعدت عن لميس وشالها رعد ومددها على الكنب وصرخ في الخدم اللي جوا يركضون لماسمعوا الصراخ: glaaaaaaaasss of wateeer
أخذ رعد كاسة المويه وأخذ منها ومسح ع وجهها وهو يناديها:لميس لميس اصحي
فتحت لميس عيونها الزرقا وتعلقت بعيونه العسليه الناعسه
رمشت بعيونها مو مستوعبه
رعد ابعد عنها لماريم دفته وجلست قدامها ماسكه إيدها:لميس ياقلبي إنتي بخير
رفعت لميس نفسهاوجلست طالعتهم ثم تذكرت اللي صار وشهقت بصوت خافت لما وقف نظرها ع رعد"لا ا ا ا ا ا ياربي مو قدامه مو قدامه أكيد شمتان فيني لاياربي مو قدامه"
طالعته بكره ووقفت وهمست وتحاول تثبت صوتها:أنا بخير
وطلعت من الغرفه ووراها ريم
رعد انقهر من نظراتها"إيش فيها هذي تطالعني كذا الشرهه علي اللي عطيتها وجه أنا غلطان اللي......."
عادل بحيره:توقع ليش صار لها كذا
رعد بغيض:وأنا إيش عرفني إسألها هي
طلع من الصاله معصصب وعادل مستغرب من عصبيته








  رد مع اقتباس
قديم منذ /2 - 1 - 2011, 11:38 PM   #17

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


في المجمع كانوا البنات كلهم طالعين يتمشون ويتسوقون
سديم لمحت الشباب وقالت:بنات طالعوا مو هذولا عيال عمي
لفوا البنات وطالعوا الشباب
ريم شهقت:أيوه هم
سميه:طالعوا قليلين الأدب يقزون في البنات
سديم ضحكت:هههههههه إيش رايك تروحين تهبلين فيهم
سميه عجبتها الفكره:تعالوا معاي
أمل:لا مايصلح روحي إنتي
سميه شمرت أكمام وهميه :طا ا ا ا ايب أوريكم فيهم
ضحكوا البنات وسميه راحت تمشي لهم بدلع والشباب لماشافوها وقفوا
عبدالله (أخو دلال ):شباب طالعوا الحلوه اللي جايه عندنا
رائد بدهشه:بنـــــــت اللذين وش هالجرأه
وصلت عندهم وبغت تضحك لماشافت عيونهم بتطلع من الدهشه
وحاولت تنعم صوتها بغنج:هـــــــا ا ا ا اي
رائد ماصدق :هـــــــلا واللـــــــه
سميه بنعومه:هلا فيك
رائد بابتسامته اللي تدوخ:آمري
خالد وماجد ماسكين ضحكهم ع رائد اللي ماصدق بنت تعطيه وجه كانوا عارفين إنه من الشباب اللي يشبك مع أي وحده كيف ووحده جايته بنفسها
سميه بنعومه تحاول تغير صوتها قد ماتقدر علشان مايعرفها ماجد:لو سمحت أنا مشبهه عليكم ممكن أتعرف
الشباب فههوا:هـــــــا
سميه ماسكه ضحكتها:مشبهه عليكم ممكن نتعرف يمكن غلطانه
رائد بغرور:أنا رودي
سميه بالقوه مسكت ضحكتها"لا بعد يدلع روحه هــيــيــين"
طالعت الباقين:والحلوين
الشباب فههوا عندها وكل واحد قال اسمه ولابعد بدلعه
رائد بغرور:ممكن أعرف مشبهتنا ع مين أكيد القمر
سميه ماسكه ضحكتها وباستخفاف:لا ع بقر جيراننا
الشباب تغيرت وجيههم وسميه ضحكت ومشت وتركتهم
البنات انفجروا ضحك:هههههههههههههههههههههههههه
أمل:خطيـــــــيـــــــره
سديم:طالعوا كيف أشكالهم كل واحد يطالع الثاني هههههههه
أمل:تعالوا نروح لهم
راحوا البنات عندهم :ها ا ا ا اي
رائد عرف صوت أمل:أمول إيش عندكم هنا
أمل:إنتو اللي وش عندكم
خالد:نتسوق

أمل بشك:علي أنا اجل مين البنت اللي عندكم قبل شوي
رائد:هذي وحده معجبه
سميه مسكت ضحكتها
أمل:والله عسى بس مارقمتوا
رائد : لا ا ا عيب كرشناها
سميه طلعت منها الضحكه ماقدرت:ههههههههه
نغزتها سديم بكتفها وهمست:فضحتينا
ياسر:اللحين ليش الضحك ست سميه
سميه بصدمه:بســـــــم الله كيف عرفتني
ياسر بتريقه:من صوتك النشاز
سميه تخصرت:نععععععم
سديم مسكت ذراعها وهمست:جب لا تفضحينا
ماجد:سميه سديم وش جابكم
سميه:وليش بعد بتحبسنا جايين نتسوق
ماجد يطالع إيديهاالفاضيه إلا من شنطتها:ماشوف معاك شئ
سميه:وإنتوا بعد ماشوف معاكم شئ
ماجد:تونا جايين
سميه:واحنا بعد
ريم:يالله بنات
عبدالله:هذا صوت ريم
ريم همست:ياكرهك
ريم:نعم
عبد الله:كيفك
ريم بدون نفس:تمام.....يالله بنات
سميه وهم يمشون تحاكي ريم:حرام عليكي طالعي كيف يطالعك الأخ مغرم
ريم بقرف:وعععع من زينه هو وخشته
أمل:حرام ينرحم بصراحه
لميس ضحكت بخبث:ههههههه اسكتوا بس الأخت آآآه
نغزتها ريم بقوه :إنطمي
سميه بنص عين:وش عندكم
ريم:ماعندنا شى بس لميس تحب الهذره إذا تكلمت ماسكتت
لميس فتحت عيون بتهديد:نعـــــــم نعـــــــم
ريم تضيع السالفه تأشر ع محل قدامهم:إمشوا ندخل هذا ....ولا يكثر

******************
كانوا جالسين في الصاله مع
رغد اللي توها داخله عندهم
رغد:كيفكم(تناظر ريم)وكيف المشاعر
ريم كشرت :جب إنتي .بعدما افتكيت من لميس تجين إنتي
رغد ضحكت:ليه وش قايله
حكت لها كل اللي صار ورغد ضحكت وتطالع لميس:أشوى ماذبحتك عندهم
لميس بضحكه:الحمد لله
فهد يركض دخل عندهم كعادته إذا صار عنده شئ بيقوله:فيصل رجع
رغد بخبث:معه أحد
فهد:معه بسام
ماأمداه يخلص كلمته إلا ريم طايره للشباك ولماشافوها البنات ضحكوا وإلحقوها
ريم تقز ببسام وحاطة إيدها ع قلبها:آ آ آ آ آه ياويل قلبي
رغد:هههههه شوفي الأخ يتلفت شكله يدور كشتك
لميس:هههههه قصدك التنوره القصيره والبدي
رغد:ههههههه
ريم تأشر بإيدها:إسكتوا ....شوفوا مو يهبل
رغد:حلو بس إخواني أحلى
ريم تطالع بسام كان لابس بنطلون جينز أسود وبلوزه نص كم سودا:ويـــــــيـــــــيـــــــه
أمـــــــو و و وت ع الأسود كل يوم بلبس أسود
رغد ولميس:هههههههههههههههه
بسام سلم ع فيصل وهو يضحك ع شئ قاله
ريم بخيبه:يـــــــو و و و وه راح
رغد بسرعه:بنات اجلسوا فيصل دخل
وركض ع الكنبه كلهم جلسوا عليها لأن فيصل دخل وأشكالهم تحححفه لاصقين
في بعض ع كنبه صغيره
فيصل :مارح تطيرون حشى لاصقين في بعض
ضحكت لميس مع رغد
فيصل:لا اليوم أنتو مو صاحين
ريم قامت ببراءه:صادق منهبلات اليوم مادري إيش فيهم
فتحوا عيونهم البنات بقوه:لاا ا ا ا والله مين المنهبل علشان..آ آ آ آ آ آ آخ
رمت ريم عليهم المخده قبل يفضحونها:كلو تبن
فيصل مستغرب:وش عندكم
ريم تأشر بلا مبالاه:فاضيات
طلع فيصل وريم هجمت عليهم وكفختهم
****************
الفصـــــــل الثامـــــــن:
دخل رعد للصاله وشاف ريم جالسه قدام التلفزيون وفي حضنها بوب كورن و ع الطاوله بيبسي ومتحمسه
إبتسم ولف نظراته للميس الجالسه بعيد عن التلفزيون
لابسه برموده بيج غامق وبلوزه كت نيلي مبرزه بياض بشرتها الناعمه حاطه رجل ع رجل‎ ‎بجلستها المستقيمه والأنيقه وفي حضنها مجله تقراها
تأملها وهي تبعد خصلات شعرها عن وجهها ومانتبهت له
مركزه مع المجله
رعد وعيونه ع لميس:إحم إحم
ريم لفت راسها ع ورى تطالعه:رعد تعال تعال لايفوتك الفيلم
رعد إبتسم:لا شايفه قبل كمليه إنتي
إستغرب من لميس اللي مارفعت راسها من المجله
مشى لعندها وجلس قريب منها
لميس حاسه بنظراته لها من دخل بس ماعطته وجه
سافهته بس ماقدرت تركز بالمجله تطالع الحروف بدون تركيز
سمعت صوته الساخر:لهدرجه المجله ماخذه عقلك
ماعطته وجه وقلبت الصفحات
رعد سحب المجله من إيديها:أحاكيك
رفعت عيونهاورافعه حاجبها:خير
رعد بلع ريقه لماشاف عيونها الزرقاء الجذابه
طالع في المجله علشان مايشوف عيونها وقال بسخريه:ماشوف فيها شئ يشد قلت يمكن صوره واحد من المعارف فيها
لميس مقهوره لأنه يبحث عن أي شئ يقهرها فيه
سحبت المجله من إيده وقلبت الصفحات وطلعت صورة شاب وسيم يكتب مقالات ويلحقها بصورته إبتسمت بخبث ممزوجه باستهزاء
ووقفت قربت منه وهو يطالعها متعجب
رمت المجله ع الصفحه في حضنه وقالت بدلع:إمممم وش رايك فيه كيوت صح
لفت بدلع وطلعت من الصاله
رعد خاق ع دلعها نزل عيونه ع المجله وانصدم استوعب اللي قالته وانقهههر قام من مكانه بغيض ورمى المجله ع الأرض وطلع من الصاله
لميس دخلت الغرفه ودموعها ماسكتها بقهر"أنا إيش سويت
آآه غبيه بدل ما أقهره أثبت إتهاماته لي غبيه "
جلست ع السرير وسندت جسمها عليه ومددت رجولها"بس هو اللي جبرني أسوي كذا قاهرني بنظراته وشكه وإتهاماته الباطله لي "
*****************
في الصاله
دخلت رغد ووجهها مشرق بابتسامه حلوه:مرحبا
ريم متمدده ع الكنب:أهلين خير اللهم اجعله خير
لميس معاها الريموت تضحك:ههههههه لا اللي يشوف ابتسامتها يقول أكيد خير
رغد جلست بدلع:أكيد خير
دخل عادل ووراها فيصل ورعد راجعين من الصلاة
لميس ماتدري ليش خافت لماشافت نظرات رعد وتذكرت اللي صار بينهم ولفت وجهها لرغد
فيصل بدهشه:أو و و و و وه رغيده عندنا
رغد وخدودها حمرا:لا تقول رغيده قول(وبحيا) أم سعود







  رد مع اقتباس
قديم منذ /2 - 1 - 2011, 11:39 PM   #18

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


الكل ساكت وعلامات إستفهام ع وجيههم من شكل رغد الخجول ولا إستوعبوا اللي قالته
فجأه أخترق الهدوء صرخــــــــة ريم بفرحه وهي تنط من مكانها:حـــــــــــــــــــــا ا ا ا ا ا ا ا ا ا ا ا ا ا ا ا ا ا ا ا مـــــــــــــــــــــل
حضنت رغد بقوه:مبــــــــــــــر و و و و و و و و و و و وك
عادل فاتح فمه بعدم تصديق: من جـــــــدك
فيصل ضحك وراح باس خد رغد :مبرو و وك
رغد مستحيه:الله يبارك فيك
لفوا كلهم لما سمعوا صرخت عادل وهو ينطط بفرحه: بصيـــــــــــر خا ا ا ا ا ا ا ال يا ا ا ا نا ا ا ا ا ا ا ا ا ا اس أنا خا ا ا ا ا ال يا ا ا ا ا ا ا ا ا اهـــــــــو و و و و و و و
الكل فطس ضحك على شكله
ورغد ماتت من الحيا خصوصا لما حضنها عادل
راحت لها لميس وحضنتها بفرحه:مبر و و و وك رغوده
رغد:الله يبارك فيك
ابعدت لميس لما قرب رعد لرغد وحضنها:مبرو وك رغد
عادل مبسوط:يالله ماصدق إني بصيرخال (طالع رعد بنص عين)عقبال ما أصير عـــــــممم
رعد تكتف ورفع حاجبه
فيصل :هههههههههههه
عادل التفت لرغد:قلت شئ غلط
لميس مو متخيله شكل رعد مع دلال الكريهه راح يبتلش فيها ماقدرت تمسك نفسها وضحكت :ههههههههههههههههههه
هههههههههههههههههههههه
الكل استغرب من ضحكها وفسروه ع إنه بسبب شكل عادل وسؤاله وابتسموا
أما رعد طالع لميس بقهر ورافع حاجبه لماشافها تطالعه وتضحك بمسخره
وفهم عليها
قرب منها بجرأه خلت الكل يطالع فيه بدهشه وإستغراب
وقف قبالها وقريب منها
لميس سكتت وبلعت ريقها بخوف ومن جرأته
تكتف رفع حاجبه :خير ست لميس إيش اللي يضحك
لميس رجعت ع ورى خطوتين
وناظرته بتحدي يعني ماخوفتني
وابتسمت بسخريه:مو متخيله شكلك أبو وههههههه(ضحكت باستهزاء)وزوجتك دلول
رعد رفع حاجبه :والله وليش مو متخيله
لميس شافت نظراته المرعبه ومابينت خوفها طالعت فيه بتحدي ممزوجه باحتقار:شكلك غلط ومولايق عليك الأبوه لا إنت ولا دلولتك
رعد عصصب من حكيها وإرتفع الدم لراسه يعني إنك مو رجال ومستصغرته ولا صاحب مسؤليه واللي قهره طريقة نطقها لدلال(دلولتك)
ريم سحبت لميس بسرعه لأنها خافت لماشافت شكل رعد الواضح إنه معصب وخافت من رده:لميــس يالله تأخرنا ع البنات
لميس ماتدري ليه إرتاحت لما انقذتها ريم من رد رعد اللي نظرات عيونه ماتبشر بخير
رغد :وين أمي ببشرها
فيصل ضحك:هههههه أمك مو موجوده
رغد :ليه وينها
فيصل حرك أكتافه:ماأدري
****************
في الحديقه جالسين يسولفون
ع الكراسي
ريم:ههههههههههههه
رغد بقهر :لا ا ا ا غش غش ماعاد ألعب معاكم يالغشاشين
ضحكوا ريم ولميس وهم يجمعون البلوت
ريم:ههههههههه روحي بس يالخسرانه
رغد قامت ورفعت جوالها من الطاوله:أروح أكلم عموري أحسن
ريم:إلا متى يرجع عمورك من السفر ماكأنه طول هالمره(حطت إيدها ع فمها بشهقه مصطنعه)أخاف إنه تزوج عليك
ضربتها رغد ع كتفها بقوه:ياحمــــــــاره لا تفاولين علي
ريم تحك كتفها:آآآخ والله جد أخاف عجبوه الشقر هناك وقال لازم ماأرجع إلا وأنا ماخذ وحده تذكرني فيهم تعرفين هم ماشاءالله حلوين وهو يبي يصون نفسه هناك
عصبت رغد ودفة ريم بقوه
طاحت ع ورى من قوتها
وهربت
لميس ميته ضحك ع شكل ريم وهي طايحه ع الكرسي وتحاول تشيل روحها وهي تضحك وتسبها بنفس الوقت
ريم ماسكه ظهرها وتصارخ:آ آ آ آ آ آ آ آ آ آ آخ الحمـــاره مو إيد هذي هذي طابو و و و و قه آآإخ كسرت ظهري
لميس تضحك موقادره تتنفس من الضحك شكل ريم مره مضحك
طلع فيصل:السلااا......(سكت يطالعهم بحيره)إيش فيكم
لميس ميته ضحك وماقدرت تتكلم أما ريم قامت داخله جوا بتلحق رغد
صرخت لميس تناديها بين ضحكاتها:يــــــــا خبلــــــــه ترأها حــــــــامل هههههههه
فيصل جلس ع الكرسي قدام
لميس اللي بدت تهدى من نوبة الضحك
فيصل:إيش فيكم إيش فيها ريم
قالت له لميس السالفه وضحك
فيصل:هههههههههههه تستاهل ماجاها ماحد قالها ترفع ضغط رغد عاد رغد كل شئ ولا ذالحكي تمووووت في مكانها
:فيصــــــــل
لفت لميس نظرها لرعد الواقف قريب منهم
فيصل:هلا
رعد بأمر :روح لمكتبي جيب الأوراق والعقود اللي في أدراجي بسرعه
قام فيصل:أوكيه
أخذ مفتاح المكتب من رعد وراح
رعد متعود يتأمر ع إخوانه في كل شى وفيصل وعادل يحترمونه بحكم إنه الكبير وله هيبته وإحترامه وهذا يقهر لميس لأنه مغرور ومتكبر
رعد بنبره حاره:أنا قلت إبعدي عن فيصل ماتفهمين
لميس حطت رجل ع رجل بغرور:ليه أبوي وإلا أخوي أقولك حاضر وتامر أمر
رعد باستفزاز:والله عاد إذا صاروا ماربوك ماعندي مانع
وقفت لميس بغضب:إحتـــــــــرم نفسك لا تغلط ع أهلي أنا سكت عنك كثير
ولفت ظهرها عنه تمشي بسرعه مقهوره منه ومن تقليل إحترامها لأبوها اللي يصير عمه وأخوها اللي ولدعمه وغير كذا عليها هي يقلل من أخلاقها وتربيتها

بس يده القويه حاوطة معصمها بقوه ولفهاله بغضب
شهقت وطالعت فيه بصدمه وهي تحاول تسحب يدها من إيده:إترررررركني
رعد بصوت كله غضب:لما أحاكيك ماتعطيني ظهرك وترفعين صوتك سامعه
رفعت نظرها له بتحدي ممزوج بقهر:من تكون علشان تآمر علي وإلا تمد يدك وتلمسني فك يدي
رفع حاجبه باحتقار وع وجهه إبتسامة سخريه: لا ا ا ا ا الأخت شريفه وطاهره ماتبغى أحد يلمسها
لميس صرخت فيه وهي تسحب يدها:إترررررركنييي يا نذذذذل
ومشت بسرعه عنه وهي تقاوم دموعها
*******************
دخلت عليهم أم رعد في الغرفه:ريم
ريم فزت واقفه من سدحتها:أيوه
أم رعد:عندنا ضيوف اليوم اجهزي أبغاك في البيت
ريم باستغراب:مين
أم رعد :أم بسام صاحب أخوكي أول مره تزورنا لا تطلعين من البيت
ريم فتحت فمها بعدم إستيعاب:هــــا
أم رعد:لا تنسين
ريم ساكته ولاردت مو مستوعبه
لميس طالعت ريم لقتها مبلمه وخافت خالتها تشك بشئ قالت بسرعه:إن شاءالله خالتي
طالعتها وصدت طالعه برى الغرفه
لميس نغزت ريم بكتفها بقوه:ريمــــــــــو و و و و و و و و و ه

ريم وعيونها ع الباب:سمعتي اللي قالته أمي
لميس:سمعتها،وفضحتينا ليش مارديتي ع امك
ريم:مادري إنربط لساني لما قالت أمي بيجون
لميس بلا اهتمام وهي تجلس تمشط شعرها:طيب وإذا جوا
ريم لفت عليها بحماس:تهقين بيخطبون
جمدت إيد لميس ع شعرها تطالع صورة ريم المعكوسه في المرايه للحظه ثم انفجرت تضحك:هههههههههههههههههههههه
خبله إنتي لايروح فكرك بعيد
ريم بخيبه:أنا أقول يمكن
المغرب تجهزوا البنات
لميس لبست فستان ناعم لونه أحمر وحطت مكياج هادي وشعرها فكته مسيحته ع أكتافها ولابسه شريطه حمرا ساتان
ريم لبست فستان ممزوج ألوان زاهيه وفكت شعرها ولففته وحطت مكياج ناعم
لميس بابتسامه:الله كل هالحلا علشان أم بسام
ريم تحرك شعرها باستهبال:أكيد هذي خالتي أم زوجي لازم
أكشخ لها
لميس:هههههههه لابعد زوجتي نفسك لولدها
ريم تغمز:إن شاءالله
نزلوا تحت البنات ولما وصلوا للمجلس وقفت ريم فجأه ولفت ع لميس وهمست:شكلي حلو
لميس ابتسمت:أيوه حلو يالله ندخل
ضحكت لميس لماشافت ريم تاخذ نفس وتعدل وقفتها كأنها بتدخل ع خطيبها مو حريم
دخلوا :السلام عليكم
شافوا وحده كبر أم رعد تقريبا ومعاها ثلاث بنات
:وعليكم السلام
سلموا وجلسوا جنب بعض
أم رعد عرفتها عليهم :هذي بنتي ريم وهذي لميس بنت عمهم
أم بسام ونظراتها تتأمل لميس:ماشاء الله الله يحفظهم
سولفوا شوي وقاموا البنات يجلسون في المجلس الثاني
عند البنات
يسولفون مع بعضهم وكأنهم يعرفونهم من زمان كانوا مرره حبوبين ويدخلون القلب بسرعه
لميس لاحظت إن البندري(بعمرهم) تتأمل ريم وتبتسم ونظراتها غريبه
بشرى( سنوات) ببرائه تطالع
ريم: بندري هذي اللي يحكي عنها بسام
ريم وكأن مويه با ا ا ارده انكبت عليها تطالع بشرى بصدمه
البندري خزت بشرى بنظرات سكتتها
لميس بتسحب الحكي من بشرى :بسام
بشرى تحمست:أيوه بسام شافها وقالنا إنـ.....
البندري:بشرى
ريم منحرجه مررره ووجهها أحمر من الفشيله"ياويلي قايلهم.لايكون قالهم بعد إيش لابسه يا ا ا ا ا ا ا افشلتييييي"
البندري شافت وجه ريم الأحمر وضحكت:سوري ريم ..بس أخوي شافك مره بالغلط ...و.. وإحنا بغينا نشوفك ونتعرف عليكي
بشرى لسانها مفلوت:يقول حلوه مرررره
البندري خزتها:بشرى روحي العبي برى في الحديقه
طلعت بشرى مبوزه
وريم تمنت تدخل جوه الكنبه وتختفي من المكان من الإحراج
لميس:ههههههههه
البندري تطالع ريم وتبتسم: بصراحه أخوي صادق إنتي تهبلين وعسل
ريم ساكته باحراج أول مره تنحط في الموقف هذا ومن مين من إخت فارس أحلامها
دخلت رغد وانقذتها من الموقف
ومر الوقت سوالف بينهم وريم أختفى الإحراج منها وسولفت مع البندري وأخذت عليها
دق جوال البندري قطع عليم سوالفهم شافت المتصل وردت وهي تبتسم و تطالع ريم:يا ا اهلا.....تمام...هههههه مو وقته ....أيوه خلاص.....أوكيه باي
سكرت جوالها :هذا بسام ينتظرنا برى
ريم خفق قلبها بقوه ووجهها احمر من نظرات البندري:خلا ا ا ا ا ا ا ا ا ا ا ا اص
ضحكت البندري والبنات وودعوا بعض وطلعوا
ريم مسترخيه ع الكنبه بفستانها وحاطه إيدها ع فمها تتثاوب:أبغى أنا ا ا ا ا ام
لميس تطالع ساعة يدها الألماس الناعمه: بدري لسى
ريم قامت:لا دايخه أبغى أنام(مدت يدها للميس)قومي
قاموا وطلعوا من الصاله ع دخلت الشباب :السلام عليكم
:وعليكم السلام
فيصل:وشرايكم في خوات بسام
لميس لاحظت نظرات العيون العسليه الناعسه وطنشتها
ريم بحماس:يووووووووه حبوبات مره ويدخلون القلب
فيصل يطالع لميس:وإنتي لميس وشرايك
إبتسمت:أيوه ماشاءالله كيوت
رعد بنغزه:وأكيد عاقلات ومتربيات زين
لميس فهمت نغزته وانقهرت منه ناظرته ببروووود وصدت عنه:ريم يالله مو تقولين بنام
عادل:لا أسهروا معي
ريم :فاضيين لك إحنا .نايم النهار كله وشبعان
عادل فتح عيونه بصدمه:بسم الله أكلتيني روحي نامي نامت عليك طوفه
ضحكت لميس وريم ضربت كتفها:وتضحكين بعد.يالله إمشي قدامي
تحركت لميس معاها وهي ماسكه ضحكتها وعادل يقول باستنكار:خيـــــر لايكون خدامه عندك وإلا بنتك(يقلد صوتها)يالله إمشي قدامي
ريم :وإنت وش دخلك
فيصل بطفش:أقول تراكم صدعتوا روسنا اسكتوا وكل واحد ع غرفته
وطلع الدرج مع رعد







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
معشوقي, جرحني, رواية, نزار

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية طعنة حب -رواية سعودية طعنة حب لتحميل رواية كامله !•» راھﭜه اڸحس قصص - روايات - روايات كاملة - روايات طويله - روايات غرام 28 15 - 1 - 2012 10:03 PM
بنات الي عندها الجزء الاخير من رواية جرحني وصار معشوقي بليززززز ضروري شوقا قصص - روايات - روايات كاملة - روايات طويله - روايات غرام 2 28 - 5 - 2011 8:51 PM
رواية جرحني وصار معشوقي 2011 كامله بـ صيغة txt و Word..!! ĀāпĐ €ђśāśί مواضيع مكرره - مواضيع محذوفه - مواضيع تالفه 1 18 - 4 - 2011 2:55 PM
أحبك.. أحبك.. والبقية تأتي لشاعر نزار القباني-قصيدة نزار القباني احبك-قصيدة رومنسيه !•» راھﭜه اڸحس قصائد - قصايد - همس القوافي - قصيده - شعر - قصائد شعريه - قصائد منقوله 7 14 - 8 - 2010 4:53 AM
وسائط نزار قباني - mms نزار قباني -●î[ḾїṦสή]î●- مسجات رومنسية - وسائط حب - رسايل جوال- وسائط mms - موبايلي - sms 5 19 - 3 - 2010 5:11 PM


الساعة الآن 2:19 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy