العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

رواية جرحني وصار معشوقي

معها جوالها وعينها ترتفع للساعه كل دقيقه هند:خلاص لميس لسى إجلسي للميس بتوتر وهي تعيد الإتصال:لاتأخرت الساعه وحده اللحين وأنا ...

إضافة رد
 
LinkBack أدوات الموضوع انواع عرض الموضوع
قديم منذ /2 - 1 - 2011, 11:48 PM   #25

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي

معها جوالها وعينها ترتفع للساعه كل دقيقه
هند:خلاص لميس لسى إجلسي
للميس بتوتر وهي تعيد الإتصال:لاتأخرت الساعه وحده اللحين وأنا من الساعه 12 أدق ولايرد أو يصير مشغول
هند:طيب دقي ع السواق الثاني
لميس:ماأعرف رقمه
هند:طيب خلاص أنا راح أوصلك مع بدر
لميس باحراج:أوك
راحت هند للبدر وقالت له وصلها للبيت مع هند وهي منحرجه من بدر ومرتبكه
شكرتهم بصوت واطي ونزلت
لفت بتدخل شافته واقف عند الباب شكله توه واصل يطالع السياره بصدمه
نشفت عروقها من نظراته الحاده اللي حست بغضبه فيها
تقدمت بخوف ودخلت بسرعه
غمضت عيونهابقوه لماحست بإيده ع معصمها يسحبها بقوه له
وصوته الغاضب فزعها:كنتـــــي ويـــــن
إستجمعت قوتها وحاولت تفك إيدها من إيده:مالك دخل فيني
ضغط ع إيدها بقوه وحست إنهابتتهشم بين إيدينه:تكلمـــــي وإلا والله لأدفنـــــك بمكانـــــك
إرتعبت من صوته وتبددت شجاعتها :كـ كنت عند صاحبتي
رعد بشك :عند صاحبتك ..وليـــــش ومارجعتي مع السايق ميـــــن اللي رجعت معاه
قالت بألم من إيده ومقهوره من إستجوابه:السايق مايرد ورجعت مع أخو صاحبتي

شتمت نفسها ع غبائها لأنهاماقالت مع السواق وإرتعبت لماشافت عيونه تتسع بغضب وصرخ فيها:راجعـــــه مع واحد غريـــــب لوحدك يا...
قاطعته بسرعه:مو لوحدي صاحبتي معاي
رعد:وأنا إيـــــش يضمن لي إنك رحتي لصاحبتك أو رجعتي معها مو مع غيرها مو إنتي ماشاءالله علاقاتك كثيره
مو بعيده تكوني مع حبايبك
و##########
إنصدمت من كلامه وماقدرت تمسك نفسها كل اللي كتمته داخلها من إهاناتها ونظرات الإحتقار والتقزز تفجرت داخلها مع براكين داخلهاتفور سكتت له كثير وتمادى معها كثير
طـــــر ر ر ر ر ر ر ر ر ر ر ر ر ر را ا ا ا ا ا اخ
عطته كف بكل قوتها ونظرات الحقد مافارقت وجهها:حقيــــــــــر
فتح عيونه بوسعها بصدمه من جرأتها وكفها و.......
فتح عيونه بوسعها بصدمه من جرأتها وكفها و.........
لميس لماحست بدموعها بتخونها قدامه دفته بعيد عنها وسحبت إيدها ودخلت تركض
أمارعد كان واقف مصدوم وبنفس الوقت عصب لأن ماحد مد إيده عليه ولايتجرأ يطالع فيه بنظره والبنت تمد إيدها عليه بجرأه ونظراتها للحين يحس بسهامها
فاردمه وحرارته يحسهابتحرق كل شئ قدامه وهو يتوعد لها وحلف ليربيها بيديه من جديد
********************
من صحت وهي حابسه نفسها في غرفتها كالعاده فطورهاقدامها من جابته الخدامه مالمست منه شئ تطالع بالفراغ اللي قدامها وتفكيرها بشخص واحد بس
كانت تبغى تعرف ليه ماسأل فيها ليه تركها فجأه ليه نساها
وهي عمرهامانسته ليه يعاملها بالطريقه اللي تعذبها
له أيام راجع ولا سأل عنها ولا حتى جا يشوفها ما اشتاق لها مثل ماشتاقت له
ليه يتجاهلها
غمضت عيونها تداري دموعها "ليه تبكين تولين علشانه إنتي خلاص تعودتي ع الوحده والفراغ مو محتاجه لأحد عشتي 17سنه من فتحتي عيونك ع الدنيا وإنتي وحيده ماتعرفي في هالدنياغير نفسك وبس زياد موأول شخص يتخلى عنك تخلى عنك أبوك وأمك قبله اللي المفروض يكونوا هم احن الناس عليك ....
قطع أفكارها دق ع الباب
إنتفضت في مكانها بخوف
موبالعاده أحد يدق عليها الباب الكل يفتح الباب ويدخل بدون مايعطيها إعتبار
قامت تسحب رجولهاللباب وقلبها يدق بسرعه بارتجاف وفتحته......
*************
كانت جالسه بملل وتهزرجلها وعيونها كل شوي تطالع الباب
جالس قريب منهاو ماسك ضحكته ع شكلها عارف من تنتظر:ريم إرحمي رجلك وقومي لها
ريم بضيق :أففف أمس طالعه للصاحبتها ولاشفتها واليوم شوف الساعه كم ولاصحت
عادل:طيب يمكن مانامت إلا متأخر
ريم بحزن وضيق:أحسها صارت تبتعد عني أحسها متعمده تجلس في غرفتها ولاتشوف أحد كله بسبب إختك
عادل عقد حواجبه باستفهام:ليه وش سوت لها
ريم ماحبت تقول إلي له صار والحكي اللي قالوه عنا :يعني ماتعرف إختك ماتتهنى وتنبسط إلا لماتضايق لميس
عادل بتفكير:أنامدري ليه تكرهها مع إني ماشفت لميس محتكه فيها أو قايله لها شئ دايم في حالها وماعليها من أحد
ريم سكتت وهي تغالب رغبتها في إنها تروح تشوفها ماتبغى تتطفل عليها تبغاها تاخذ راحتها
عادل حب يستهبل عليها علشان تطلع نفسها من ضيقتها:أقول ريم بصراحه ماتوقعت إنك بالقوه وقدرتي تمسكين لقافتك شوي ولاتروحين تتلقفي عليها
ناظرته بنص عين:إحلف عاد
عادل :والله أخبرك ماتمسكين لسانك إلا تدخلي نفسك في كل شئ
ريم :أقول قم ضف وجهك عني لاترفع ضغطي ترى مالي خلقك
عادل:أحلى الإخت فيهاضغط
ريم رمت عليه المخده:قوووم مو ناقصتك
ضحك عادل بقوه :هههههههههههههههههههههههههههههههههه هههههههههه
ريم:خير إيش اللي يضحك
عادل بضحكه:كيفي أنا أبي أضحك
ريم:أيوه مهبول ماينشره عليك
دخلت بدلع لابسه بيجامه برمودا وبلوزه نص كم وسماعات الآيبود في آذانها تغني مع أغنيتها المفضله وصوت الموسيقى واضح
ريم كشرت :هي إنتي قصري هاللي معك
شالت السماعه من إذنها:إيش
ريم:إرحمي آذانك أربع وعشرين ساعه السماعات في إذنك ياختي حرام عليك تبين خاتمتك تصير ع اغاني
رنا كشرت:وإنتي وش دخلك
يعني يعني ياللي ماتسمعي
موكنك تسمعي
رجعت السماعه في إذنها وطلعت من الصاله
كشرت ريم بحمق ولفت ع عادل معصبه:شفت كيف
عادل بهدوء:ماعليك منها إنتي نصحتيها وسويتي اللي عليك
*************
فتحت عيونهابصدمه وقلبهاتحسه غاص بين ضلوعها
إبتسم بهدوء:كيفك تولين
الحروف ضاعت وتبخرت من عقلها ولسانها تحسه إنشل بلعت ريقها اللي نشف وغمضت عيونهاتهدي قلبها اللي تحسه بيطلع من قوة دقاته
فتحتها وشافته واقف قريب من باب غرفتها
إرتجفت إيدها اللي ماسكه الباب وهي تسمع صوته ونظراته الهاديه متصوبه وراها:ليه ماأكلتي
لفت وجههاتطالع صينية الأكل ورجعت تطالع فيه
وعقلها غاص في دوامة أفكارها"تولين شفيك ليه ماتردي مو هذا زياد اللي تقولي نساكي ولاسأل فيك.هذاهو واقف عند بابك.ردي عليه قولي شئ..لالا هو تخلى عني نساني تركني لماكنت محتاجته
تركني لمرام تحركني مثل ماتبي
تركني لأخوه ينهش فيني و...(غمضت عيونها وجسمها ينتفض لماتذكرت قرب ريان منها وأنفاسه الكريهه تحس فيها لمساته المقززه لها لوماكان فيها هالقوه الضئيله كان ضاعت بين إيديه وإنذبحت)
رمشت عيونها وفاقت من دوامتها ع صوته:تولين ليه ماتردي
حركت الباب بتسكره بس رجله اللي مادها ردت الباب:تولين تعالي أبغى أحاكيك شوي
هزت راسهابلا ودموعهامتحجره في عيونها حست بكرهها له اللي ينتابها أوقات يتفجر داخلها بقوه
رصت قبضتها ع الباب وإنتفض جسمها لماسمعت صوت إختها شافتها واقفه قريب من زياد ونظراتها ترعبها
مرام مقهوره من وجود زياد عند تولين قالت بدلع:زياد
لف زياد وشاف مرام:هلا مرام
مرام تزيد دلع ونعومه:متى جيت بصراحه تفاجأت لما قالت الخدامه إنك هنا تفضل حياك للصاله
زياد حس بغلطته بوقفته عند غرفة تولين لف يطالع باب غرفة تولين اللي بمجرد ما أبعد رجله عن الباب سكرته
ولف للصاله ومرام تلحقه وهي طايره من الفرحه هي وزياد في البيت لوحدهم...
*****************
بعدماصحت من النوم أخذت لهاشاور ولبست بيجامه قطنيه
سودا بأبيض وربطت شعرها
وجلست عند التلفزيون
سمعت جوالها وقامت تدوره لقته في شنطتها طلعته وردت بسرعه:هلا هند
هند:أهلين لموس كيفك
لميس :تمام وإنتي
هند:بخير شكلك توك صاحيه
لميس:أيوه توني صاحيه
هند:ياحليلك أنا صاحيه من الظهر ع نغمات بدور
لميس:ليه
هند:إمممم لميس بكلمك في موضوع
لميس حست بترددها:تفضلي هند أسمعك
هند:أخوي بدر يبغى يخطبك من عمك.......
***************
تقلبت في فراشها بضيق وصوت الدق القوي ع الباب فجر أذانها
قامت معصبه وفتحت الباب بقوه:خيـــــــر
حطت إيدها ع خصرها:تقووووول أمي يالله قومي يالنوامه ياخيش النوم
عصبت منها ومسكتها من طرف بلوزة بيجامتها:إنقلعي عن وجهي لا والله لأقص لسانك اللي شطوله
فكت بلوزتها من إيدها وهي تعدلها:أقول إنقلعي بس ياأم كشه منفوشه روحي عدلي كشتس بس
صرخت فيهابعصبيه:شهيـــــــده إنقلعـــــــي عن وجهي
كشرت بوجهها ولفت عنها وهي تتحلطم
دخلت وسكرت الباب
دخلت للصاله ووقفت وهي متخصره:بنتكم هذي لاعمركم تقولون لي روحي قوميه ماغير تصارخ علي تقل ذابحته
مي:ماصحت
شهد كشرت :لا ماقامت خيش النوم هذي هي وكشتها اللي تقل نافضها كهرب ميتين وعشرين
إنفجروا ضحك وهم يشوفوا سميه وراها فاتحه عيونها باستنكار:نفضوك إن شاءالله بكهرب ماتقومين منه
شهقت شهد فاتحه عيونها:قولي إستغفرالله قولي إستغفرالله
سميه مشت وطنشتها وهي تهاوش:لاعاد تجيبون لي هالمجنونه هذي تصحيني وإلا ترى بقبرها في مكانها
شهد قربت منهاباصرار:قولي إستغفرالله إستغفري
سميه مطنشتهابعناد ولاعطتهاوجه
دخل ماجد :السلام
جلس بعد ماردوا عليه السلام :زوجك رجع للقصيم
مي:أيوه رجع أمس
أم ماجد:ومتى بيرجع
مي :لين يتم نقله وأخوه يلقى لنا بيت هنا وننقله إن شاءالله
سديم:ليه للحين مانقلوه موتقولين خلاص نقلتو هنا
مي:أيوه أدري بس مايقدر ينقل هنالين يخلص شغله هناك
أم ماجد:طيب كان جلستي معاه لين يخلص ولاتتركين زوجك
مي:يمه ماقدر لأنه إحتمال يطول وأنا حامل وأخاف أجلس معاه ثم إذا بغينا نجي يمنعون عني السفر بسبب حملي فقال أخليك عند أهلك أحسن وأريح لي وهو بيجينا كل ويك إند
سميه بفجعه:يعني بقابل هالمجنونه بنتك أكثرمن شهر ليييييييييييييييييييييه
شهد:مالمجنون غيرك ياأم كشه ويالله إستغفري إستغفري
ماجد كتم ضحكته:تستغفر ع إيش
شهد تخصرت:تدعي علي ها موب ع كيفها يالله إستغفري
سميه بعناد:ممارح أستغفر أحسن علشان نفتك من لسانك
شهد لفت ع أمها:يمممممه شوفي إختك
مي:سميه وبعدين معك يعني لازم تحطين عقلك بعقلها
*************
بغرفتها جالسه ع السرير ومعها مناكير تحط في أظافر إيدها وتحكي في الجوال اللي مثبتته بين كتفها وإذنها:إمممم أيوه
:طيب شلون يعني بشوفك وإلا لا
:أفكر
:تفكرين
:حبيبي والله صعبه ماقدر
:يرضيك يعني تعذبيني أبي أشوفك رنو حبيبتي لنا سنتين وإحنانعرف بعض وأحبك وتحبيني وش اللي يمنع إني أشوفك
رنا:بندوري حبيبي إنت عارف إني أحبك وأمووت فيك بس إنت عارف إني ماقدر بس أوعدك إني أحاول
بندر تنهد:أوكي نصبر وش بيدي غير الصبر
************
عيونه مافارقت باب غرفتها وهويسمع سوالف مرام اللي كلهادلع وغنج وكان حاس بتقربها منه كل شوي وحاس بالضيق إنتبه لها وإلتفت وتفاجأ من قربها منه اللي شوي وتلزق فيه وحس بإرتباك من نظرت عيونها اللي كلهاغنج ودلع
واللي زاده ريحة عطرهااللي وصلت لخياشيمه من قوتها
مرام بدلع وهي حاسه بتأثيرنظراتها عليه:زياد
أبعد عيونه عنها وهو وده يقوم من جنبها:أيوه
مرام قربت منه:بــ......
قطع حكيها صوت أبوها وأبعدت عنه
وقف زياد لمادخل أبو مرام وسلم عليه
قافله عليها غرفتها ومتمدده ع السرير من صدمتها هند بخبر رغبة بدر بخطبتها وهي تفكر
ماتنكر إعجابها به وبشخصيته
إبتسمت داخلها وهي تتذكره
صلت صلاة إستخاره وحست بالراحه
طالعت جوالها وهي تفكر إنه زواجها من بدر ببيعدها عن هالبيت وعن رنا ورعد وأم رعد
تبغى ترتاح من العذاب والضيق اللي تحسه
مسكت جوالها ودقت ع هند
أول ماسمعت صوتها سولفت شوي وقالت لها عن موافقتها
حست بالفرحه والراحه وهي تحس بفرحة هند وحماسها:
يـــــا ا ا ا ا ا ا اي وناسه يعني بتصيري زوجة أخووووي وناسه
ضحكت لميس وعيونهاتلمع بفرحه
*************
مر يومين وهي ماشافت رعد من آخرمره شافته فيها لأنه سافر
بدر خطبها من عمها بس للحين ماصارشئ ولا فاتحها عمها بالموضوع
كانت جالسه بالصاله لمادخلت عليهارنا أول ماشافتها جالسه كشرت وجلست عند التلفون دقت رقم وقالت بدلع:أهلين رائد....تمامو وإنت.....سارونه موجوده.....ثانكس.....أهلين ساره كيفك....تمام أبغى رقم ال.....
أخذت ورقه وقلم وسجلت فيه وقامت طالعه من الغرفه
إستغربت من شوي تكلم رائد بدلع وغرور وساره تحاكيها كأنها عبده عندها
دخل عادل وجلس:وين ريم
لميس:فوق اللحين جايه
عادل تربع ع الكنبه:إلا.......
قطع حكيه صوت التلفون قام له ورد:ألو.....أيوه....هههه لمياء....وجع...وش تبغين فيها....طيب أكلتيني....ريم مشغوله...والله....طيب أوك لحظه
مد لها السماعه:لمياء
قامت وأخذت السماعه:هالو

جاها صوتها بنرفزه:اللحين إنتي جالسه عنده ليه مارديتي وفكيتيني منه
ضحكت:سبقني
لمياء:لا عاد يرفع السماعه ثاني مره
لميس:أوك
لمياء:حتى نساني إيش كنت بقول إممممم..أيوه قولي لخالتي أم رعد إن مامي تبغى السواق وإممم ويكون أحسن لو أرسلت ياسر لأنه حليو
لميس ضحكت:خالتي قالت كذا
لمياء:ههههه لا طبعا أنا
لميس:أوك
لمياء:بايو وسلمي ع الدوبه ريم
سكرت منه وراحت لجناح أم رعد
دقت الباب وسمعت صوتها:أيوه
لميس متوتره أول مره تجيها ع جناحها:أ ..لميس
فتحت الباب وطلت منه واقفه :نعم
لميس:عمتى حصه تبغى السواق ياسر يجيها ع البيت
قالت بدون نفس:روحي قوليله
وسكرت الباب في وجهها عقدت حواجبها بضيق وراحت تنادي الخدامه خبرتها وراحت للصاله
شافت عادل شبه منسدح ع الكنبه ونايم
راحت له تصحيه:عادل
عقد حواجبه وفتح عيونه قام وهو يتمغط بتعب وطلع من الصاله
دخلت ريم وواضح إنها معصبه
لميس:شفيك
ريم وشكلها فايره:الحمار عبدالله







  رد مع اقتباس
قديم منذ /2 - 1 - 2011, 11:49 PM   #26

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي


لميس إستغربت:شفيه
ريم بعصبيه:دق علي قليل الأدب
مدري من عطاه رقمي
لميس:طيب وش قال
ريم:ماعطيته وجه قطعت الخط في وجهه
لميس ضحكت:ههههه لا ماشاءالله وريتيه الRED EYES
ريم:الله ياخذه ناشبلي في بلعومي

لميس بخبث:he loves you
ريم بقرف:حبته القرادة قولي آمين..أنا يالله متحمله إخته يجيلي هوبعد
:مين
ريم تغير وجهها ومسكت قلبها لماشافت فيصل لايكون سمعها
ريم إرتبكت:مـ ماحد
فيصل بشك:إمممم طيب..وين الوالده
ريم :فوق
طلع من الصاله وريم مسكت قلبهابخوف:يمــــه الحمدلله ماسمعنا
لميس:أحسها شك في شئ
ريم خافت:لا لا إن شاءالله....ياربي فيصل دايم يجي في الأوقات الحرجه ولابعد شكله يدخل إذنه قبله
لميس:ههههههه
*********
دخلت عليه كالعاده بغيرإستئذان وشافته واقف عن المرايه يتعطر لابس بنطلون جينز أزرق فاتح وتيشرت بأكمام طويله أبيض فوقه بلوزه خفيفه خضرا نص كم عليها رسمات متداخله بالأبيض
إتكت ع زاوية الباب رافعه حاجبها:ع وين ياكاشخ
سحب كابه الأبيض وجواله ومشى بيطلع وقف لماصار جنبها ومسكها من إذنها بقوه:أولا كم مره قلت لك دقي الباب قبل تدخلي ثانيا مالك دخل
تركها ونزل وهو يلبس كابه
أمل مسكت إذنها اللي آلمتها وصرخت:متوحـــش
مشت لغرفتها ودخلت شافت ساره مطلعه إكسسواراتها وتدورفيها
تخصرت:خيــر خيــــر وش قاعده تسوين بغرفتي وبغراضي
ساره وعيونها ع الإكسسوار طلعت منها سلسال ذهبي :أيوه هذا اللي أبغاه بلبسه لعزيمة مي
أمل شهقت لماتذكرت العزيمه:أيوه صح ماعندي شئ ألبسه
ساره تأشر ع دولابها:ودولابك هذا اللي يالله يتسكر قايلك لاتلبسي مني شئ
أمل جلست ع السرير متربعه:أفففف مافيه شئ أحسه حلو أبغى أشتري شئ جديد
ساره فتحت الدولاب تدور فيه بين الملابس:مافيه وقت بكره العزيمه ...إممممم.أيوه هذا
طلعت بنطلون جينز ماركت لوكست عليه سترات خفيفه ورديه ومعاه بلوزه ورديه حلوه
ساره:هذا حلو شرايك
ماشفته عليك ابدا
أمل تناظراللبس:إممم حلو
ساره:خلاص إلبسيه بكره مره جنان بيطلع عليك
أمل:وإنتي وش راح تلبسي
ساره:فستاني الذهبي حق عزيمة صاحبتي منار
أمل:أيوه هذاك حلو
***********
مسك جواله ودق وعيونه ع الطريق
سمع صوتها الناعم:هلا حبيبي
إبتسم:هلا فيك قلبي...ها فروحه وصلتي
فرح:لا أنا في الطريق لسى
إبتسم وهويركن السياره قدام مطعم راقي:أوك أنا وصلت اللحين لاتتأخري
سكر منها ونزل سحب الكيس ودخل
جلس ينتظرها وهو يلعب في جوالها شم ريحة عطر نسائي قويه ورفع راسه شافها قدامه
قام واقف:هلا والله هلا
صافحته بدلع:هلا فيك حياتي
جلست معاه وشالت الغطا عن وجهها و ع فمها إبتسامة غنج
إبتسم وغمز لها:آ آ آه ياقلبي كل ماأشوفك تحلوي أكثر
ضحكت بدلع:رودي
رائد:عيونه وقلبه
فرح وقلبها يرقص فرحه:إممم بنظل كذا جالسين مارح تطلب لنا شئ
رائد:آمري تدللي
فرح:إممم أبغى ع ذوقك
بعد ماطلب مد لها كيس أحمر:تفضلي قلبي
فرح تناظر الكيس بفرحه :إيش
رائد غمز لها:هديه بسيطه لعيونك
أخذت الكيس وطلعت العلبه الحمرا المخمل اللي فيه فتحتها وفتحت عيونها بفرحه و إنبهار:وا ا او مرره حلو

رفعت سلسال ذهبي محفور عليه حرف ال‎ Rو الF
رائد بابتسامه:عجبك
فرح:مرره حلو ثانكس حبيبي
رائد:حاضرين للحلوين
************
واقفه في الحديقه عند النافوره تطالع صورتها ع سطح المويه وتفكر بأبوها اللي عرفت إنه جاي من أيام وللحين مافكر يشوفها أو يسأل عنها
تذكر صوت ضحكته الثقيله مع مرام وزياد وريان في الصاله لماسمعت أصواتهم
تذكر إنهابكت ذيك الليله لين مل منها البكا
تحس بسهام تخترق قلبها وتحرقها بمجرد ماتتذكر إنه مافكر فيها ولا كأنهابنته تذكر ضحكاته مع مرام وتتمنى لو تكون في مكانها تبغى تحس بإن عندها أب يخاف عليها يسأل عنها يضمها لصدره ويحتويها
ليه يكرهها...ليه مايبيها... ليه مايحس فيها...ليه تحس إنها عاله عليه حتى لو إنه ينكر وجودها ولا يشوفها....ليه عايشه حياتها كذا لا أب لا أم لا إخت لا أخ
الموت أرحم لها من وحدتها
قطعت أفكارها لماشافت صورته قدامها ع سطح المويه
لفت مصدومه ناظره بعيون متسعه
إبتسم:آخيرا شفتك....كيفك تولين
رجعت ع ورى ومشت بتروح بس وقفت لمامسكها من إيدها:تولين لحظه
سحبت إيدها منه بخوف ونزلت راسها وهي تضم إيدها :و..وش تبغى
إستغرب من خوفها الغير طبيعي منه والواضح من صوتها:تولين أبغى أحكي معاك..ليه تتهربي
تولين ساكته وتناظر الأرض
قرب منها ورجعت ع ورى
ناظرها:إجلسي
التفتت يمينها ويسارها وكأنها خايفه من شئ:مـ ما....
عقد حواجبه بضيق:ليه خايفه إجلسي بس بحاكيك شوي
جلست متردده:قول بسرعه
جلس قدامها وسكت شوي:أدري إنك زعلانه لأني ماجيت أشوفك لماسافرت أو حاكيتك...
رفعت راسها تناظره وقاطعته:مولازم تبرر أو تقول شئ أنت مو أول شخص يتخلى عني
قبلك كثير
قامت من مكانها لماخافت تخونهادموعها بس هو مسكها ولفها له:تولين إسمعيني
تولين:صدقني مومهم اللي بتقوله لأنه مابغير شئ
زياد إبتسم بحنان :طيب إجلسي معاي
سحبت يدها من إيده:لا هذا مو مكاني أنا مكاني فوق بغرفتي
زياد آلمه قلبه عليها ومسك يدها:لا تعالي
:زيــــــــــاد
تجمدت في مكانها لماسمعت صوته اللي ياما تمنت تسمعه وياما خوفها
قرب منهم:إنتي وش قاعده تسوين هنا
ماقدرت ترفع راسها من الخوف
زياد:خالي..
أبو مرام التفت لزياد بعصبيه:بس ولا كلمه وحسابي معاك بعدين
سحب تولين من إيدها ودخلها داخل
وقف ووقفها معاه وهي منكمشه ع نفسها بخوف
أبومرام بعصبيه:إيـــــش مطلعك من غرفتك هــــا أنا ماقلت ماتطلعي منها إلا ع قبرك
رفعت راسها ودموعها مغرقه عيونها تناظره بألم وخوف

صرخ فيها:نزلـــــي عينك
نزلت عيونها وهي مرتعبه
جت مرام تتمخطر في مشيتها وطارت من الفرحه لما شافت اللي يصير وحبت تزيد العيار شوي:بابا ترى هذي مو أول مره تطلع منها كم مره طلعت وهي تتمشى في البيت الحمد لله ماشافها أحد وسأل من تكون ساعتها مابعرف إيش بقول وراح يعرفوا السالفه ومن تكون والمشكله إني لما أقول لها ترجع لغرفتها تخانقني
تولين ماحست إلا هي طايره ومرميه ع الأرض وخدها يحرقها من قوة الكف
وهي تناظر أبوها مصدومه
أبومرام رفسها ع رجلها:إنتـــــي بتفضحينـــــي بتجيبي لي الفضيحه مو هذا اللي تبغاه أمك والله لو أشوفك معتبه باب غرفتك وإلا مطوله لسانك ع مرومه لا أقصه لك وأرميك للكلاب ياكلبه
إنقلعـــــي عن وجهـــــي
قامت بسرعه وهي تتألم وألم قلبها أكبر وصوت شهقاتها مسموع
إبتسمت مرام بنصر كانت مقهوره لماشافت زياد قريب من تولين وماسك إيدها قلبها إشتعل كره وغيره
*************
كانت واقفه في مكان شايفته قبل ومظلم بشده
سمعت صرخات وميزتها بسرعه لفت تدور مصدره
تلفتت حولها وهي تسمع الأصوات تعلى
صرخت ببكا:مـــــامـــــا....رامــــــــــي وينكـــــم
ركضت وركضت وهي تضارح باسم رامي وأمها
طاحت ع الأرض ورفعت راسها شافت المكان كله يحترق وظلال أشخاص داخله
شافت رامي يحترق قدامها وقامت تركض له:لا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا
كانت كلماتقترب يبتعد عنها
شافته يمد إيده لها وهو يصرخ
باسمها
صرخت بجنون وهي تركض ومو قادره توصل له
صرخت بأعلى صوتها لماشافته يختفي من قدامها:رامــــــــــــــــــــــــــــــــــــــــ ـــــــــــــــي
فزت من النوم وقلبها يدق بقوه والعرق يتصبب من جبينها وحرارة جسمها ترتفع
نزلت دموعها وضمت لحافها وهي تبكي بقوه
تعوذت من إبليس بين شهقاتها وقامت من السرير طلعت من غرفتها
وما حست بنفسها إلا وهي نازله تحت وجالسه في ع الصوفا في الصاله وفاتحه الأبجوره ضامه رجولها لصدرها وصرخات رامي تتردد في راسها
حست ببروده تخترق عظامها كانت لابسه بيجامه حمرا نص كم خفيفه ضمت المخده لها
سمعت صوت باب المدخل ينفتح ويتسكر وخطوات خفيفه
تركزت عيونها ع الباب بخوف
شافت ظلال شخص واقف ع باب الصاله وفتح النور
غمضت عيونها وسمعت صوته :لميس
فتحت عيونها بصدمه وشافت رعد قدامها ومعه شنطة لابتوب
كان لابس بنطلون جينز أسود وقميص أبيض عليه جاكيت رسمي أسود
رعد:ليه صاحيه هالوقت
نزلت رجولها من ع الكنبه وقامت مشت بتطلع بس كان ساد الطريق قدامها
قالت بدون ماتطالعه:بمر
رعد بسخريه:مافيه الحمد لله ع السلامه...وإلا قطعت مكالماتك عليك
رفعت راسها تناظره بحده:****
ومرت تمشي من عنده قطع طريقها ووقف قدامها
وقال بسخريه:ماأظن فيه حقاره مثل حقارتك
حست بنار تغلي داخلها وتبي تطفيها بأي طريقه قالت بعصبيه:لا فيه إنت أحقر ماخلق ربي..إبعـــــد عن طريقي يانذل
مسك إيدها بخشونه وقال من بين أسنانه:إن سمعتك تعيدي ألفاظك هذي علي بقص لسانك لك..فاهمـــــه ولا تظني إني نسيت الكف لا ا ا اوبتدفعين ثمنه غالي لأن ماعاش إلي يرفع إيده ع رعد
ترك إيدها:خليك فاهمه حكي زين
وطلع فوق
صرخت فيه:أعلــى مافي خيلك أركبه ماخوفتنـــــي
وقف ع الدرج ولف وإبتسم بسخريه ورفع حاجبه بثقه:بتشوفي بنفسك رعد وش يقدر يسوي
وطلع فوق .جلست ع أقرب كنبه وحست بخوف من حكيه وثقته بنفسه
************
:لاا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا
:و و و و و و وجع وش هالصراخ
طلعت من الغرفه تركض:ما ا ا ا ا اجد
ماجد رفع حاجبه:لا والله أصغر عيالك تناديني ماجد كذا حاف ماكأني خالك......وبعدين وش هالصراخ ع هالليل
تخبت وراه:شوف إختك هالدبيه مابي أنام غصب هو
مو ع كيفها تنومني غصب
طلعت سميه من الغرفه معصبه:إلا ا ا ع كيفي شوفي كم الساعه اللحين وإنتي مانمتي ولا خليتي خلق الله يناموا
ماجد رفع حاجبه لماشاف مي واقفه عند باب الغرفه واشر ع شهد وراه:شكلنا إخوانها مو أخوالها مافيه إحترام أبد ولابعد متخبيه وراي
التفت لها وشافهاتناظره ببرائه وتبتسم بدلع:خالو شوف خالتو بتنومني غصب
رفع حاجبه ماسك ضحكته:لا والله إحلفي
شهد:والله
سميه:ماجد فكنا منها هالمجنونه ماحنا قادرين ننام من لسانها(وشوي تبكي)حرام والله بكره عندنا عزيمه واحنا مانمنا للحين
ماجد رحمها ولف لشهد وبعصبيه:شهـــــد روحي نامي
أحسن لك
بعدت عنه ووقفت بعيد متخصره:لاا ا ا ا والله تعال إضربني بعد(حطت أصبعها ع راسها)أنا كيـــــفي أنام متى مابغيت ماحد له دخل بي
فتح عيونه مصدوم من لسانها:بنـــــت إيش هالأسلوب ترى بقص لسانك لك
طلعت لسانها لها وراحت للغرفه
ماجد لف ع إخته مي:إنتي متأكده إن هذي بنتك
مي رفعت كتوفها يعني وش أسوي
وراحت للغرفه
سميه تأففت ودخلت غرفتها








  رد مع اقتباس
قديم منذ /2 - 1 - 2011, 11:50 PM   #27

حروف مبعثره غير متواجد حالياً

 رقم العضوية : 27
 تاريخ التسجيل : 8 - 6 - 2008
 المشاركات : 6,058
 النقاط : حروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond reputeحروف مبعثره has a reputation beyond repute

افتراضي رد: رواية جرحني وصار معشوقي

صحت الظهر وأخذت شورسريع لبست جلابيه مغربيه روعه وناعمه ورفعت شعرها بطوق
طلعت من غرفتها وقابلت عادل عند الدرج وشكله توه صاحي منا النوم وكشته طايره
عادل وكله نوم:صباحك خير
لميس ضحكت:صباح النور
عادل ينزل الدرج:الحمدلله والشكر ليه الضحك
نزلت وراه وهي تضحك ع شكله
دخلوا للصاله وريم أول ماشافت عادل وكشته إنفجرت ضحك:هههههههههه عدول شفيها كشتك طايره
عادل لمس شعره:نسيت
ريم:ههههه شكلك توووحفه اصبر خلني أصورك
طلعت جوالها وصورته
عادل راح لها:عطيني الجوال
ريم خبته ورى ظهرها:لا
عادل:ريموووه إقصري الشر وعطيني إياه
ريم بعناد:مابي
فيصل:هههههه خلها والله لو هي مصوره توم كروز
عادل:يخســـــي توم يصير مثلي
رنا:يا ا ا ا اي ع الثقه..إنت روح شوف شكلك في المرايه وشوف توم كروز وطلع الفوارق العشره
عادل:إنطمي عاد ماتحكى إلا شمس
رنا شهقت:نعـــــم
عادل:نعامه ترفسك
الكل:هههههههههههه
رنا انقهرت:يمـــــه شوفي ولدك
أم رعد:خلاص عاد
:السلام عليكم
ريم شهقت فزت قايمه:رعـــــد
راحت له وضمته:الحمدلله ع السلامه
أبعد عنها:الله يسلمك
سلم ع أمه وإخوانه متجاهل لميس
ريم:متى جيت
رعد ناظرلميس:أمس الساعه ثنتين
ناظرته لميس من فوق لتحت بغرور وصدت وجهها عنه
رنا:جبت اللي طلبته
رعد:لا
رنا:لييييه
رعد ناظرها بنظرات:كذا
رنا:وليه هالنظرات
رفع حواجبه:أي نظرات
رنا:شكل السفره ضاربه راسك
ريم :أففف.أقول رعودي شخبار السفره والشغل
رعد إبتسم:تمام
فيصل:هههههه والله تطورات رعد مايزعل ع رعودي
رعدبغيضه:ريامي غير
ريم:ويـــــي ياناس ويلوموني في حبه
فيصل:هـــــي اعقلي وجع والله لو هو زوجك
ريم قامت وجلست جنب وباسته ع خده
ريم:غيران
رعد إبتسم ع حركة ريم
فيصل بقرف:ووووع أغار.أقول ضفي وجهك بس
قامت لميس لمادق جوالها وطلعت للحديقه ونظرات رعد ورنا تلاحقها
*************
طلعت للحديقه وهي ترد ع الجوال:هالو
هند وصوتها واضح فيه الفرحه:هـــــاي ميسو كيفك؟
ضحكت لميس:هاي تمامi‎'m fineوأنتي
هند:تمامو (ضحكت)يسلمون عليك بعض الناس
لميس حمر وجهها بخجل لماعرفت من تقصد:إعقلي
هند بضحكه:وش أسوي فيه مجنني يقول ليه للحين مارد عمك
لميس تفكر:مسافر
هند:متى بيرجع
لميس:i dont know
سكتت وإبتسمت لماشافت رغد تمشي في الحديقه وقفلت من هند وهي رايحه لها:رغـــــوده
سلمت عليها ودخلت معاها للصاله
جت الخدامه وأخذت أغراضها منها
سلمت ع إخوانها وجلست
سولفوا معاها شوي وطلعوا
ريم تناظر بطن رغد:رغد إنتي متى ولادتك
رغد حطت إيدها ع بطنها البارز شوي:لسى باقي كثير
لميس:الله يعينك
ريم:شريت شئ له
رغد:لا لسى
ريم:لازم نروح للسوق نشتري له.. بعدين تثقلين ولاتقدرين تروحين .. أنا مره متحمسه له ودي نروح بكره تكفون
رغد:خلاص إن شاءالله
ريم:أيوه صح...إيش الأغراض اللي جايبتها معاك
رغد:لبسي بلبس عندكم للعزيمه وإحتمال أروح معاكم

ريم:ليه؟غريبه
رغد:عمر عنده إجتماع اليوم ومارح يقدر يوصلني
ريم تناظر ساعتها:مو كأن جويل تأخرت
رغد:دقي عليها
رفعت جوالها ودقت
خبرتها إنها عند البوابه
**************
في بيت أبوماجد الكل مختبص ويتجهز للعزيمه وطبعا صرخات شهد تخترق المكان بإعتراضاتها الدائمه
:ما ا ا ا ا ا ا ا ابـــــي ما ا ا ا ا ابي
مي معصبه:وبعديـــــن معاك إنتي إلبسي اللي طلعته لك ولا تجننينـــــي
رمت شهد الملابس بعناد:مابيـــــه موب حلو و و وع
حطت إيديها ع راسها بضيق من بنتها:شهد خلاص لاتخليني أدق ع أبوك يجي ياخذك معه تراك صدعتي راسي
راحت شهد للدولاب وفتحته مطنشه حكي أمها:أوريك وش أبي
طلعت فستان أبيض منفوش :هذا
فتحت عيونها بصدمه وراسها بينفجر من بنتها:إنتيـيـيـي را ا ا ا ا ايحه زواج علشان تلبسيييينه
شهد ضمت الفستان لصدرها وصرخت وفيها البكا:ما ا ا ا ابي ما ا ا ابي أبي ألبسه أبي البسه
مي شوي تبكي من بنتها :وبعدين وبعدين معاك
أنا أقوم أطلع أحسن وخليك أحسن كل البنات يضحكون عليك
طلعت وتركتها وقفت شهد قدام المرايه تمسح دموعها فرحانه وبدت تبدا مهمة اللبس ع كيفها مثل ماتبغى
دخلت ع سميه بغرفتها معصبه من بنتها اللي إذا بغت شئ لازم تسويه
سميه واقفه قدام المرايه تعدل لبسها:إيش فيك إنتي وبنتك اللي فجرت آذاننا بصراخها
مي جلست وفتحت شنطة المكياج حقت سميه:الله يهديهابس صدعت راسي لازم اللي تبيه تسويه ذبحتني
سميه رفعت حاجبها:إنتي اللي مدلعتها لين ماصاريهمها أحد
مي توزع كريم الأساس في وجهها:مو أنا أبوها اللي لو قالت أبغى القمرجابه لها
دخلت سديم الغرفه:بنات شرايكم حلو
مي رفعت راسها تناظر فستانها:حلو
سديم تناظر شعرها في المرايه:شرايكم أترك شعري مفكوك وإلا أرفعه
مي:سويه ستريت
سميه:أيوه صح إنتي دايم شعرك كيرلي غيري شوي...(سحبت كرسي التسريحه لها)تعالي تعالي أسويه لك
******
جالسه ع الكرسي قدام المرايه تناظر شعرها اللي قاعده تسرحه لها الكوفير سمعت جوالها يدق وأشرت للخدامه تجيبه لها أخذته وشافت المتصل
حطت مشغول وأرسلت له رساله(بندوري حبيبي أنا مشغوله اللحين مارح أقدر أرد عليك بس راح أتصل فيك الليله أوك قلبي)
حطت الجوال جنبها ورفعت عيونهاللكوفير بغرور وصرامه:لورا بسرعه حركي يدك أففف
هزت راسها لورا وهي متضايقه من عجرفت رنا عليها وغرورها
***************
قرا الرساله وأبتسم وأرسل لها رساله
:أقول يالحبيب وين رحت
حط جواله ع الطاوله بعد ماأرسل وتسند ع وراه:معاك
:وش صار ع بنت مشاري ال...
للحين ناوي تكمل اللي ناويه
رفع جاجبه بإصرار:طبعا وقريب بيصير
ناظره بتفحص:أخاف إنك حبيتها وطحت بغرامها
ضحك بسخريه:الأشكال هذي ماتنحب أنا بس بسوي اللي براسي وأرتاح وأرد لأخوانها الأنذال الصاع صاعين ع
اللي سووه فيني هههههه
ناظره:للحين تذكر ترى مر سنتين ع اللي صار
بندر وعيونه تشع غضب وقهر وإصرار:والله لأعلمهم من أكون لأخليهم مايقدروا يناظروا في وجهي لأخليهم يبوسوا راسي ورجلي بعد
:لا تنسى هم عيال من هذولا عيال مشاري ال....وإنت عارف من مشاري وعياله وخصوصا رعد تراها موهين
بندر رفع حاجبه:لا عارف مين يكونوا ومايهمني لامشاري ولا رعد أهم شئ عندي إني أنزل روسهم في التراب واكسر خشم فيصل اللي رافعه علي
:يابن الحلال تراني حذرتك إنت ناسي اللي سواه رعد في سلمان
بندر:لامانسيت..ولانسيت اللي سووه فيني ......
************
في بيت أبوماجد
نزلت من الدرج تتمخطر في مشيتها ودخلت للصاله
شهقت مي لماشافتها وقامت بسرعه سحبتها معاها برى الصاله
وقفت وهي ماسكتها من إيدها :الله يفشششل إبليسك إنتي وش مسويه في نفسك
ناظرت شهد فستانها الابيض:وش فيه
مي طلعت منديل بتمسح فيه الروج الأحمر اللي حاطته شهد وطالع من أطراف شفاتها:وهالروج اللي موسخه خشتك فيه وشو ها
أبعدت شهد عن إيد أمها:لا لاتمسحينه تعبت وأنا أحطه وآخر شي تمسحينه
مي طيرت عيونها لما انتبة للكحل اللي داعجه عيونها فيه:كحـــــل روحي إغسلي وجهك اللحين الله يفشلك
شهد حاست شفاتها المصبوغه بأحمر بعناد:ما ا ابي كيفي هذاتس حاطة منه وراه ماتمسحينه إنتي بعد
مي:تقارنين نفسك فيني أنا حرمه كبيره وإنتي بزر عيب تحطين
شهد ضربت برجلها الأرض:ما ا ا ابي مارح أمسحه إذا مسحتي حقتس مسحت حقي
قامت مي عنها ماهي قادره تتفاهم مع هالبنت ودخلت
راحت شهد عند البنات ودخلت وعيونها تدور الوجه الجديد بينهم
سكتوا البنات لماشافوها وإنفجرت سميه وأمل ضحك لماشافوها
سديم:شهـهـهـهـد ووجع روحي إمسحي اللي في وجهك
تفشلت من ضحكهم عليها بس ناظرتها بحقران ووقفت نظراتها ع لميس اللي ماسكه ضحكتها
شهقت:إنتـــــي لميـــــس
ناظرتها باستغراب وقالت:أيوه
راحت تسلم عليها:أنا شهوده بنت مي
إبتسمت لميس:هلا شهد
جلست شهد وحاولت تحط رجل ع رجل بس ماعرفت وتربعت
ناظرتها سميه: خير خير وش مجلسك عند الكبار روحي إلعبي مع ريناد وياسر
شهد:وش دخلتس كيفي ماأبي ألعب مع بزارين
أمل:لا يالكبيره
ناظرتها بعناد:غصبن عنتس
دخلت دلال معها كاس عصير وناظرت شهد :بسسم الله الحمن الرحين
ناظرتها شهد:خير شايفتن جني
رفعت حاجبها دلال :إيه جني
دخلت رنا وناظرت شهد بقرف وجلست مع دلال
***********
عند الرجال
دخل رائد بعد ماكان يحاكي فرح في الحديقه وجلس جنب فيصل
فيصل:وش فيك طلعت
رائد إبتسم:جاني إتصال مهم
عادل:إلا وحدة من هالبنات اللي مطيحهن في غرامه
رائد بغرور:وش أسوي إذا أنا حلو ومزيون والبنات يلاحقوني
عادل :إمحق إلا منغشين فيك
مطافيق
فيصل:ومبسوط إنت ووجهك
ياخي متى بتترك هالحركات هذي عنك

رائد ضحك:بدينا
عادل:وين باقي الشباب
رائد:قوموا نروح لهم
طلعوا برى وشافوا عبدالله يحكي في الجوال وبعيدعنه واقفين ماجد وخالد ورعد
راحوا لهم وانضموا لهم
رائد تخبى ورى فيصل لماشاف شهد طالعه:يممه وش هالكائن اللي جاي
فيصل حط إيده ع فمه يكتم ضحكته
رعد عقد حواجبه لماشافها وكبح إبتسامته
ناداها خالد مستانس عليها:تعالي تعالي ياحلوه إنتي
جتهم تمشي بدلع ووقفت عندهم:ننننعم
ماجد مانتبه لها ولماسمع صوتها التفت وتوسعت عيونها بعدم تصديق:وش مسويه إنتي
ماقدر عادل وانفجر ضحك ولف وجهه
عقدت حواجبها وتخصرت :وششش سويييت
ماجد:إنقلعي غسلي وجهك







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
معشوقي, جرحني, رواية, نزار

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية طعنة حب -رواية سعودية طعنة حب لتحميل رواية كامله !•» راھﭜه اڸحس قصص - روايات - روايات كاملة - روايات طويله - روايات غرام 28 15 - 1 - 2012 10:03 PM
بنات الي عندها الجزء الاخير من رواية جرحني وصار معشوقي بليززززز ضروري شوقا قصص - روايات - روايات كاملة - روايات طويله - روايات غرام 2 28 - 5 - 2011 8:51 PM
رواية جرحني وصار معشوقي 2011 كامله بـ صيغة txt و Word..!! ĀāпĐ €ђśāśί مواضيع مكرره - مواضيع محذوفه - مواضيع تالفه 1 18 - 4 - 2011 2:55 PM
أحبك.. أحبك.. والبقية تأتي لشاعر نزار القباني-قصيدة نزار القباني احبك-قصيدة رومنسيه !•» راھﭜه اڸحس قصائد - قصايد - همس القوافي - قصيده - شعر - قصائد شعريه - قصائد منقوله 7 14 - 8 - 2010 4:53 AM
وسائط نزار قباني - mms نزار قباني -●î[ḾїṦสή]î●- مسجات رومنسية - وسائط حب - رسايل جوال- وسائط mms - موبايلي - sms 5 19 - 3 - 2010 5:11 PM


الساعة الآن 12:17 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy