العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

روايه الحب المستحيل رومنسيه خياليه واقعيه - تحميل روايه الحب المستحيل للجوال txt

للجوال , المستحيل , الحب , تحميل , خياليه , رومنسيه , روايه , txxt , واقعيه روايه الحب المستحيل ...

إضافة رد
 
LinkBack أدوات الموضوع انواع عرض الموضوع
قديم منذ /3 - 1 - 2011, 12:08 AM   #1

● н σ d σ α غير متواجد حالياً

 رقم العضوية : 706
 تاريخ التسجيل : 4 - 10 - 2008
 المكان : يآلبيــہَ يآاَلَشَرقَيــہَ ♥ ~
 المشاركات : 194,974
 النقاط : ● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute

روايه الحب المستحيل رومنسيه خياليه واقعيه - تحميل روايه الحب المستحيل للجوال txt


روايه الحب المستحيل رومنسيه خياليه oX821661.gif





(الحب المستحيل )
(رواية رومانسية خيالية )

للكاتبة / الريم
::::



في البداية هي رواية قريبة من الواقع لكنها صيغت بالخيال ورسم شخصيات خيالية

فيها رومانسية من جانب ومن جانب آخر يتخللها الحقد والكراهية .. ويبقى الحب المستحيل ... مستحيل


:::



الفصل الأول



في داخل فيلا ابوهشام عائلته جالسة بالصالة ام هشام مع ولدينها هشام و راكان





هشام : يالله يمه متى راح نتفق على موعد الزواج ؟ ترانا مصخناها 3 شهور وحنا على هالحالة وحتى طلعات محروم منها الصراحة انا طفشت قدموا الزواج احسن
ام هشام : أي والله وانا اقول بعد بس عمك اهو اللي معاند مايبغاك تطلع معه بنته وماشفتها الا بالملكة وبس ياحسرتي عليك ياوليدي

بو هشام عدل جلستة وحط رجل على رجل : طيب وهذا هو يكلمها ويدق عليها كل يوم
هشام : لا اله الا الله هذي ومناشبيني عليها بعد

راكان بعد ماوطى صوت التلفزيون : هههههههههههههه الله يعينك ياخوي اقول وشرايك تدق عليها وتحدد انت معها موعد الزواج ..
هشام : والله ماخليت قلت لها بس هي تقول اتفق مع اهلي تقول انا ادرس والزواج ماتبغاه الا بالعطلة
ام هشام : كيفك انت معها ؟؟ العطلة ماباقي لا شي .. انا بكلم خالتك وراح نتفق عالأقل علشان الحجز الفندق و تجهيزاتنا حنا وخواتك ..
راكان : عاد رنيم ـ وشوق يبغا لهم سنة كاملة يجهزوا نفسهم ماشفت انا ابرد منهم ..

:::::::

اما هالجانب جانب البنات وصداقة حقيقية بين البنات ..

لميس : الو هلا ريناد كيفك ؟
ريناد بصوت مبحوح : هلا بالنور كله انتي كيفك ؟
لميس : والله بخير بس وشفيك اليوم غايبة ؟؟
ريناد: والله تعبانة شوية وحبيت ارتاح بالبيت
لميس : تعب ولا لعب ههههههههه
ريناد بجدية : لا تعب من جد
لميس : ايواا أي خلاص السنة ثالث مانبغا نتلعب
ريناد : هههههههه أي والله السنة الماضية لعبنا ليمن قلنا بس
لميس : المهم سلامات اصلا واضح صوتك راايح والله
ريناد: ايوااا ها كيف ابو الهش معك ؟
لميس : آهـ قلتي لي ابو الهش والله ماعنده الا سالفة الزواج هههههههههه
ريناد : ههههههههه أي من حقه الولد طفش اطلعي معه لا يشوف غيرك
لميس : والله ماهو كيفي والا انا ودي من زمااااااااااان ( تنهدت بقووهـ ) الله يهدي ابوي بس
ريناد : الله يهنيكم يارب
ام عبدالله تنادي ريناد << ريناد ياريناد افتحي ..
ريناد : اوكي لمووو خالتي تناديني اخليك انا هالحين طيب
لميس : اوكي باي

ريناد : باي
سكرت جوالها وراحت تفتح الباب ,,

ريناد :هلا خالتي حياك ..
ام عبدالله : ها بتروحين معنا السوق ولا تعبانة ...
ريناد :لا خالتي ماني رايحة ومثل ماقلتي انا تعبانة وودي انام شوي
ام عبدالله : ( احسن ) على راحتك انا رايحة مع اختك ندى
ندى دخلت عليهم ... وعاقدة حواجبها
ندى : كأني سمعت اسمي خير ؟؟
ريناد : اقول ندو ماني رايحة السوق معكم .. بس لاتنسين اللي قلت لك اشتريه طيب
ام عبدالله : مانتي رايحة وتبغينها تشتري لك لا ليمن تروحين معنا يوم ثاني اشتري اللي تبغي
ريناد انحرجت مررره ونزلت راسها : طيب
ندى غمزت لريناد : والله ؟؟ منتي رايحة لا ياعيوني ماني جايبة لك شي !!
ريناد <<< رقيقة وحساسة مرررهـ )ردت بهدوء : اوكي خلاص لاتشترين لي شي يمكن اروح بكره و اشـ ....
ندى قاطعتها وقربت منها / فديت الدلوعة انا (حطت ايدها على ظهرها )ولا يهمك انتي آمري تدللي كم رنوود عندي ؟ !!
ام عبدالله : ياندى خلاص قالت لك بكره بتروح (وقفت واتوجهت للباب ) يالله بسرعة لا نتأخر روحي اجهزي
ندى : (بصوت عالي ) لسا عبدالله اخوي ماجا ؟
ام عبدالله : هو قال راح يدق ليمن يجي ونطلع ..
ندى : اوكي جاية .. (وقفت وقبل لاتطلع ) : رنوود بيبي (هذا لقب ريناد ههههههههه هي مثل البيبي براءة ووجها طفولي ) ارتاحي وان ماتحسنتي راح اوديك المستشفى طيب ../ وطلعت .. من الغرفة

ريناد بعد ماطلعوا راحت انسدحت عالسرير وتنهدت (آآآآآهـ ياماما وينك تركتيني وانا بأمس الحاجة لك )

::::::::::::

ندى تكلم امهااا : ماما وش ذا الكلام اللي قلتيه لريناد ؟
ام عبدالله : أي كلام ؟ وانا وشقلت ؟؟
ندى : ماما انتي ماتعرفين ان ريناد حساسة من اول مادخلت هالبيت بعد وفاة امها الله يرحمها وانتي تعاملينها كذا بقساوة .. (مسكت ايد امها ) حني عليها شويه عوضيها عن حنان امها
ام عبدالله : افففف عليك ياندى ماسويت لها شي ؟ كلمة كلمتين قلتي حني عليها !! انا ماادري وش حصل ابوك من امها جابت له هالبنت ( تهز راسها ) وراحت !!
ندى : (بصوت عالي ) ماما قولي الله يرحمها مهما يكون هذي زوجة بابا وثانيا انا وريناد اكثر من خوات .. و ..
ام عبدالله : اسكتي هذا اخوك دق يالله نطلع وبس بلا هذره زايدهـ

::::::::

رنيم وهي رافعه بآيدهـآآ مجلة ازياء : شوق وشرايك بهالموديل ؟؟
شوق : لزواج هشاااااام ؟؟
رنيم : وش رايك يعني لزواجك هههههههه
شوق : (عقدت مابين حواجبها) امممممممم مو حلوو
: بالعكس يجنن الصراحة ماعندكم ذووق اباافصل مثله
شوق : دامه عاجبك ليه توريني اياه وتاخذي رايي ؟
رنيم : .... ( تتصفح بين هالمجلات المكدسة عالطاولة ومو معطتها وجه )
شوق : انا رايحة لأخوي راكان اقوله يطلعني قبل المغرب .. وشرايك تطلعي معي ؟
رنيم : على وين انشالله ؟
شوق : اممممممممم والله بشوف اول خليه بس يوافق يطلعنا
رنيم : ماني طالعة عارفة راكان ماراح يطلعنا
شوق :أيــــــــا الدبة انشالله بس يوافق واطلع معه واحرك ههههههه يالدبه
رنيم : الا محترررررهـ من جسمي انتي !( رنيم جسمها حلوو كثير وانحف من شوق واجمل منها )
شوق : انا بشترك في نادي وبسوي سبورت وبطلع انحف منك واحلى بعد
رنيم : ههههههههههههه انحف ممكن بس احلى ماتوقع ههههههههههه

شوق : اقول بلا غرووور يا رنوووم
رنيم تتنهد : يحق لي
::::::
وبغرفة راكان .. الولد الحبوب في العائله او الدلوع مثل ماهم يسمونه ..



راكان (بأستهزاء ): ايش ايش ؟؟ وينت تبغين تروحين ؟ ماسمعت !!!
شوق ) تتمسكن ) : تكفى عاااااااد ودني السوق طفشانة مررررره
راكان : والسواق وينه فيه ؟
شوق : لا مااحب اطلع مع السواق وثانيا السواق راح يوصل ماما بيت عمي
راكان : شوفي انا اكره ماعندي السوق وخرابيطكم يالبنات
شوق : والله بس نتمشى اباغير جوو نشرب كافي شي ..
راكان : واللي بيغير جو يروح السووق
شوق : بلاك مادريت هالأيام اصلا التمشيات بس في المجمعات ومن مطعم لمطعم
راكان : هههههههههههه من جدك انتي والله ناس فااضيه .. المهم بلا هذره انا بيمرني واحد من الشباب
شوق : لاتقول عميد كل شوي وراز وجهه عندنا
راكان : مالك دخل وثانيا اسمه عمااااااااااااااد روحي لغرفتك وانتي ساكتة وسكري الباب وراك ..
شوق : توجهت للباب : افففففف ياربي طفشاااااااانة
راكان : شوااقه اوعدك لفضيت اطلعك طيب
شوق : يابعدي والله هذا راكان اللي اعرفه
راكان : ( بأبتسامة ) : اووكي سكري الباب

::::::::::::::::::::::::::::
منتديات تجمعنا المحبه

هدوء

؟؟؟؟؟؟؟؟؟؟؟؟؟؟

ريناد متكية عالسرير ومقهووره من داخل وماسكة صورة امها ( آهـ ياماما وينك عني تدرين ان بابا بعد مارحتي ماهوداري عني ابد وخالتي ام عبدالله كل شويه وتجرح فيني والله طفشت من كل حاجة .. ماما ليه تركتيني لوحدي .. خذيني معك بلييييييييز ) نزلت دموعها على خودها الناعمة وغمضت عيونها العسلية وناامت ,,

(( ريناد كانت امها كل شي بحياتها وكل حاجة كانت تقول لها وتستشيرها فيه واي حاجة تطلبها ماتردها كانت دلووعة من امهااا ولأن جمالها طفولي يخلي امها تدللها وتعاملها كأنها طفلة بريئة وتعوضها عن غياب ابوها اللي كان وقته مقضيه اكثر عند زوجته الأولى ام عبدالله .. ))

::::::::::::

ام هشام مع ام عصام ::

ام هشام / ها ياام عصام خلينا نتفق على موعد الزواج ؟؟ ولدي مستعجل يبغى يتزوج ويسافر تعرفين هو عنده بعثه لأمريكا ..
ام عصام : لا تذكريني ... هذي آخر العنقوود .. والله ابكي هالحين ماودي افارقها
ام هشام : اذكري ربك يعني انا اللي ودي افارق هشام هم اهو ولدي الكبير والسند لي ولأخوانة الله يحفظهم انشالله
ام عصام : ان شالله .. والزواج مافيه الا بالآجازة تعرفين بنتي آخر سنة لها بالثانوية ومانبغى نخرب عليها ابد
ام هشام : وحنا نقول بعد ببداية الأجازة يكون الزواج يعني على شهر جمادى ثاني وراح نشوف اليوم المناسب

::
دخلت عليهم لميس وبدلع : اووهـ خالتو هنااا : هلا والله كيفك وكيف عمي ..
ام هشام : بخير ربي يسلمك .. كيفك انتي بالدراسة
لميس : الحمد لله( تتلفت يمين ويسار ) وين شواقه ورنووما ؟؟ ماجاو معك ؟؟
ام هشام : لا انا جاية بلحالي البنات خليهم يذاكروون احسن لهم ههههههههه
لميس ضحكت: هههههههه اجل وانا رايحة اذاكر بعد
ام عصام : لميس زواجكم شهر جمادى خلاص
لميس احمر وجههــآآ: هــــا طيب انا مايمديني اجهز يبغالي عالأقل شهر اجهز قبل الموعد وانا هالحين مااقدر آخر سنة هذي مو لعبة
ام عصام : بشويش علييييينا ترى في مجال انشالله زواجك جمادى ثاني مو اول
لميس ( قمــــــــة الأحراج ) : اهااااااااا
ام عصام وام هشام / ههههههههههههههههههههههههههههههههههههههه
ام هشام : اقول لمووو دقي على هشام يمرني الحين و السواق راح شكله
لميس : طيب خالتووو وطلعت برى بالحديقة تكلمه

:::::


لميس بصوت ناعم / هلا هشوووم
هشام بلهفه / ياهلا والله هلا بقلبي والله
لميس / كيفك ؟
هشام / بخير بس مشتاااااااااااق لك مررررررررررره
لميس : ( وانا اكثرررر والله ) : تشتاق لك العافيه
هشام (بخبث ) : بس العافيه اللي تشتاق لي ؟؟
لميس (وجهها قلب احممر وبصوت واطي )/ اممم وانا بعد اشتقت لك
هشام : اموووووووووت بالحياوية انا والله ماادري متى نتزوج واشوفك
لميس : هانت كلها كم شهر بس واكون جنبك
هشام : خلاص قررتوا جمادى ثاني
لميس : ايواا خلاص اتفقوا
هشام : اهم شي عمي ؟
لميس : ههههههههههههههه ايوه هو قال لماما جمادى ثاني الزواج احسن ببداية الأجازة
هشام : أي مو يعاند مثل كل مرره حنا بالموت ملكنا بعد
لميس : ههههههههههه أي والله بابا يعااند مرره زين مخليني اكلمك
هشام : أي والله اصلا تدرين لو رافض اكلمك كان ادور لي وحدة ثانية احسن لي
لميس : ايييييييييش ؟ وش قلت ؟؟ ( ماادري اجي لك اذبحك هالحين )
هشام : ههههههههههه امزح معك والله لو يجبون لي هيفاء وهبي ماابغاك الا انتي
لميس : وع مابغيت الا هيفاااا مااحبهااااااااااااااااا
هشام : هههههههههههههههههههههه
لميس : ( فديت هالضحكة )

ام عصام تطل من الباب الرئيسي / ها لموووسا وش سويتي بيجي الحين هشام خالتك مستعجلة تقول !!
لميس (التفتت لأمها ) : وبصوت عالي أي لحظة ماما جاية
لميس : هشام حياتي نسيت اقولك خالتي تبغاك تمرها هالحين
هشام : لعيوونك اترك اللي في ايدي واجي واالله
لميس : تسلم لي عيوونك والله

الفصل الثااني

منتديات تجمعنا المحبه

هدوء

؟؟؟؟؟؟؟؟؟؟؟؟؟؟

راكان مع صاحبه عماد بمجس الرجال /
وقالبينهــآآ ضحك وسواليف واستهزآآآء


راكان وعماد : هههههههههههههههههههههههههههه

عماد : والله قهرتني خليتها تولي ومشيت
راكان : انت ماتترك سوالفك وخرابيطك هذي ؟
عماد : لا خلنا ننبسط بهالدنيا وش وراانا
راكان : ههههههههه انت ماوراك شي بس انا وراي الباب
عماد : انت وراك الباب وانا وراي النافذه ههههههههههههه (( بدوا يستهبلوووووووووووووون ))
راكان : هههههههههه شفت الدكتور اليوم يوم طاااح خخخخخخخخ
عماد : احسن والله يستاهل والله كل شوي ( يقلد صوته الخشن ) اسكت انت معه
راكان : هههههههههههههه بصراحة انت مصختها معه
عماد : يولي ماعلي منه خليه يسوي اللي يبغا
راكان : الله انت مو هامك شي ابدددد .. الا هالماصخ فصول ماجا ؟؟
عماد : ماادري عنه قوم بس نطلع احسن تأخرنااا
راكان : اووكي بس وين بنروح هالمره
عماد : ماعليك اظبطك مكان كله دلع ههههههههه بنات × بنااااااات
راكان : هذا اللي مقطع قلبك
عماد : هههههههههههه اسمع من يتكلم ماكأنك مطيح بالنت وهالماسنجر
راكان : احلف عااااااااد .. انا مااعندي خرابيط مثلك
عماد : أي هين
:::::::::::::::::::::::::::::::::

بالمجمع



ام عبدالله : اوووه ياندوو تعبت بروح انا اجلس بهالكراسي وانتي كملي
ندى : يالله هذا للي ماابغاه لو جاية مع رنوودآآ احسن لي
ام عبدالله : امشي بس اجلسي معي ودقي على عبدالله
ندى : انا لا ويه وين اجلس .. شايفتني عجووز قدامك .. بروح اكمل شوبينغ وبعدين بدق عليه
ام عبدالله : احترمي نفسك اا معي الروماتيزيوم مو كبرت وعجزت
ندى : ( تهز راسه بالنفي ) امزح معك يالغالية ماكنت اقصد المهم انا رايحة اكمل قبل لا يسكرون للصلاة وراجعة على طول
ام عبدالله : انتبهي لنفسك ولا تتأخرين بسرعة
ندى : طيب ماما

اتجهت للمصعد تبغا روح للدور الثاني شافت 2 من الشباب طالعين من المصعد ( الأصنصير ) راكان .. وعماد

طلعوا ودخلت .. وضغطت 2 وتسكر الباب

عماد شهق / ياحلاااااااااااتها تذبح
راكان / وانت شايفهااا علشان تحكم كلها اسود بأسود
عماد يلاحقها بعيونه / تكفي بس عيووووونها وجسمها
راكان / ( بأستغراب ) امداك هالحين شفت عيونهاااااااااا
عماد / ههههههههههههههههههههه خبره افا عليك
راكان / هههههههههههههههه
عماد / وشرايك نروح فوق نشوفها وين
راكان / انا بس بشوف آخرتها معك

ودخلوا المصعد ثانيه

ندى طلعت من محل ورايحة لمحل ثاني ,, وهي تتمشى وبأيدها كيس انتبهت ان في حد يلاحقهاا بس طنشت وكملت .. ودخلت محل (نكست) ..
اختارت لها كم بلوزة وبناطيل وراحت تحاسب
المحاسب / حسابك 959 ريال
طلعت من محفظتها بطاقة الصراف عطت المحاسب واكتبت الباسورد وبعد لحظة اخذت الفاتورة والكيس وطلعت .. وعماد وراكان يتمشون ورااااااااااااااااها
راكان / اقول شييل عنها الأكياس وش كثررهم
عماد / هههههههههههه ياعيني بديت تفهم
راكان / احلف عااد .. شوف شكلها بتطيح مسخررررررررررررهـ ههههههههههههههه
عماد / انقلع بس
فجأة وتلتفت عليهم ندى / وبعدين معكم ؟؟ من جيت وانتم وراي ؟؟ وش تبوون ؟؟
راكان ارتبك وانحرررج
عماد / ياحلاتك وانتي معصبة !! (رفع صوته شوي ) والله بس كذا حنا نتمشى
ندى / ابعدوا عني لأجيب لكم الهيئة هالحين
راكان يمسك عماد من يده ,, امش وبلا مشاكل
عماد / يالجبان انتظر اوريك وش بسوي ؟!!
ندى عصبت ,, اخذت الجوال من شنطتها تبغا تدق على عبدالله : الحين اخليه يجيكم من تحت
عماد / لا بلاش اتصالات ياقمر .. بس الصراحة جوالك رهييييييييب يناسبك مررره
جوالها موتوريلا الفووشي
ناظرت فيه ( عماد اسمراني ومملوح وطويل وشعره كثيف وناعم لابس ثوب ابيض ) وطالعته من تحت لفوق ليمن وصلت لعيونه ..
ندى / تهز راسها وبصوت وااطي :: وبعدين معك ؟؟
عماد : ارتبك كثيير بعد ماناظرته .. شوي الا هو مبتعد عنها بعد ماحركت مشاعر دفينه بقلبه ( ايا بنت اللذين طيرتي عقلي )
راكان / شبلاك انت ؟ (مسك يده بقووه ومشى ) وشفيك مفهي ؟؟
عماد / آآآهـ ياراكان احس اني حبيتها
راكان / ههههههههههههههههههههه ( التفت عليه ) من جدك انت ؟؟
عماد / ماشفتها اول ماناظرتي حسيت بأحساس غييير
راكان / بلا حكي فاضي ... انت اصلا كل يوم مع وحده
عماد / ( انفعل من كلامه وعصب رمى الجوال (الدمعة ) اللي كان بيده عالأرض بقووه ليمن انكسر )
راكان / اعصابك وشفيك ؟؟
عماد / بعد ماهدأ هذي غير هذي غير كل البنات اللي اعرفهم ياراكان هذي اللي كت ادور عليها من زمان .. (التفتت ورا )/ ابروح اتكلم معها ..
راكان / وين تعاااااال بتلم عليك الهيئة هالحين
تراجع عماد : طيب انا بنتظرها برى ليمن تطلع
راكان / اشك انك عاااااااااااااااقل الحين
عماد / انت وش عرفك ؟؟ عن اللي حاس فيه ( اموووت واعرف انتي من بنته ؟؟ )

::::::::::::::::::::::::::

ندى وهي نازلة من المصعد )ياربي يجنن وش حلاة عيونه ... بس قليل ادب هههههه ) : اووه نسيت مامي الحين بتعصب علي .. خلني ادق على عبدالله من هالحين ..

( عبدالله متزوج وعنده ولد (ريان 6 سنوات ) وبنت (روان 4 سنوات )

وهو بالبيت ::

ريان / بابا شوف روان اخذت (القيم بوي ) حقي قول لها تعطيني اياااه
روان / بس شويه وارجعه
عبدالله / خلاص ريان خلها تلعب شوي وترجعه لك اووكي حبيبي
روان مدت لسانها على اخوهاا : ههههههههههههههه
عبدالله / عيب رواان ... ريان وين ماما ؟؟
ريان / ماادري بس يمكن بفرفتكم
عبدالله راح للغرفة ولماا دخل الغرفة



وينك انتي مخليتني مع هالبزارين ؟؟
خلود بعد ما سكرت الأستشوار / ههههههههه هذولا عيالك حياتي
عبدالله / لا تقولي بتطلعين هالحين ؟
خلود / ليه يعني مااستشور الا اذا بطلع ؟؟
عبدالله / بس غريبة ماقلتي بتطلعين حتى السوق مارحتي مع ندى وامي ؟؟
خلود / لا مالي خلق توني مخلصة تحضير ( خلود مدرسة في رياض اطفال ) ومررهـ تعبانة
قرب منهاااا ومن ظهرهااا / وش اللي متعبك يابعد قلبي ؟
خلود / ابعد ,, رايحة البس ... ( لابسة بالطوا الحمام )
عبدالله قرب منها اكثر وهمس في اذنها / احبــــــــــك
انفتح باب الغرفة وابتعد عن خلوود ..
روان / بابا خذ جوالك تبغاك عمتي ندووو
عبدالله / كم مرهـ قايل لك اضربي الباب قبل لاتدخلين ؟؟ عييييييييب يابابا
اخذ الجوال / ايوا هلا اجيكم ؟؟
ماادري متى يجي السواق وافتك من هالمشاوير اوكي 10 دقايق وانا عندكم باي
روان / بابا ابغا اروح معك علشان تشتري لي قيم بوي
عبدالله / لا حياتي روونه انا مستعجل الحين بعدين اشتري لك طيب
خلود بعد ماطلعت من غربة التبديل :
روان / مامااا .. قولي له
خلود نزلت لعند روان ومسكت خدودها بيدهااا بحنااااااااان / خلاص حياتي انتي بكره اخلي البابا يجيب لك طيب
صح عبوووودي بتجيب لها بكره؟
عبدالله / (بصوت واطي ) عييب البنت هنا وانتي عبوودي !!
خلود / ههههههههههه والله مو جاي عليك بو ريان يكبرك مرره خخخخخخخخخ
عبدالله / الا قولي يكبرك انتي انا عاااادي بالعكس حلووو بو ريان
خلود / ( بدلع ) لا والله انا بظل صغيرره هههههههههههههههه
عبدالله / رااايقة ام ريان وش الطاري عليك ؟؟
خلود / ( تتمسخر ) سلامتك بوريان ههههههه اقول منت رايح تجيبهم ؟؟
عبدالله / ( شهق لما ناظر ساعته ) حسبي الله على ابليسكم نسيتووني ( طلع من الغرفة وبسررررعه )
خلود / هههههههههههههههههههههههههههههه (ياقلبي انت )


::::::::::::::::::::::::::::

هشام وام هشام وهما داخلين البيت ..

هشام / يمه ابوي دق وقال انه معزووم اليوم بالشاليهات مع ربعه ش رايكم اطلعكم المطعم
ام هشام / غريبة ماقالي ..
هشام / وهذا انا قلت لك ها بتروحون ولا اطلع مع الشباب ؟
ام هشام / اكيد .. شواقة ورنييم طفشااانين مررهـ
هشام / خلاص عا9 قولي لهم
ام هشام / فيك الخير والله ( رفعت كفوفهـآآ تدعي ) الله لايحرمنا منك وانشالله تتهنا بحياتك يارب
هشام / اووووووووه كل هالدعوات لي لو ادري قايل لك نطلعكم من زمان..
ام هشام / ههههههههههه مدام فيها طلعات ابشر كل يوم راح ادعي لك باللي يسرك
هشام / تكفين يمه لاتنسين لموووو
ام هشام / ههههههههه ماشفتها اليوم والله طالعة قمرررر ماشالله طول شعرهااا وحليانة مرره ( تبغا تقهررره شوي )
هشام / آه يايمه لاتقهريني بس لا الحين اروح واشوفها غصب على عمي هذاا
ام هشام / ههههههههههههههههههههههههه
رنيم وشوق نزلوا من فووق .. ضحكونا معكم
هشام / ( التفت بسررعه ) يمه بسم الله من وين جيتوا انتوا
شوق / من بطن ماما ههههههههه
هشام / احلفي عااد
رنيم / ماما ليه ماخليتينا نروح بيت عمي طفشنا من البيت وماقبالي الا شوويقه
شوق / احمدي ربك معطتك وجه وجالسة عندك بالغرفه
ام هشام / اسكتي انتي معهااا .. اقولكم اليوم بيطلعكم ابو الهش وش تبون بعد !!؟؟
رنيم وشوق / ويييييييييين ؟؟
هشام / اولا ذاكرتواااا منيح <<< ههههههههههه لهجة سوريهـ يتميلح
رنيم / ا افا عليك حفظت الكتب كلهااااااا
شوق / الملزمة مافارقت آيدي <<جلست جنب اخوهااا/ ها وين بتطلعنا هشووم ؟؟
ام هشام / بنروح المطعم نتعشاااااااا
شوق / صحيح زين مااكلت شي من بعد الغدا
رنيم / ماعندكم سالفه فكرتكم بتطلعونا الشاليه او رحله للبحر عالأقل ..
ام هشام / ابوك بالشاليهات
شوق / حاصلتك طلعة وترفضين مع وجهك ؟
هشام / لا وهشااااام بكبره بيوديكم !!
رنيم / ( قامت من مكانهاااا ) لا ماني رايحة اجلس اذاكر احسن وخلوا العشا لكم
ام هشام / على كيفك خلي (مريان ) <<< طباخة لبنانيه ) تصلح لك عشاا
شوق / خليها توولي اهي الخسررانه
رنيم / ضفي وجهك عني ولا تدخلين فيني
هشام / بس انتي معها مااكأنكم خوات كل وحده لسانها اطول من الثاني

::::::::::::::::::::::::




ندى بعد ماطلعت فوق وهي بالصالة جالسة ومعها امها ويشوفون الي اشترواا
ندى / وشرايك ماما يجنن هالعطر شميه
ام عبدالله قربت انفها من العطر ورشرشت بثيابهاا كثييييييير / امم حلوووو
ندى / بس بس كاافي مو هالكثر هذا مركز الحين بتعطسين لنا
عبدالله / هههههههههههههههههههههههه
ندى اخذت كيس عن اذنكم رايحة لرنوود بيبي ..
ام عبدالله / روحي لها وقولي لها تنزل اليوم تتعشا لا ينشبنا ابوك
ندى / طييب (ومشت .... )
عبدالله / وشفيها ماراحت المدرسة اليوم ريناد ؟
ام عبدالله / دلع بناااااااااااااااااااااات وماخذين الدراسة لعب
عبدالله / بالعكس ريناد مافي حد مثلها ممتازه ماشالله
يمه حنني هالقلب عليهااا ريناد مالها الا حنا وحنا اهلها غصب على الكل
ام عبدالله / ( تركت الجلابية اللي بيدها ) يالله وانتم كلكم ضدي ؟؟
عبدالله / يمه خلاص اللي راح راح وابوي ماتزوج الا لظروف مايعلم فيها الا الله
ام عبدالله / اووووف انا رايحة غرفتي احسن


::::::::::::::::

ندى دخلت غرفة ريناد ,, ( غرفتها نعوومة مثلها كل حاجة وردي × ابيض سااتان نااعم وواااسعة وفيها دببه كثيير كأنها غرفة طفلة هالغرفة كانت ريناد تحلم فيها وهي ببيت امها . كانت غرفتها في بيت امها بسيطة كثييير )

قربت من السرير وشافتها نايمة وبحظنها صورة امها شالتها بشويش وحطتها داخل الدرج .. وسكرته
قربت من اذن ريناد وبصوت وااطي ,, (ريــــــــناد.. ريناد ) ومسحت على شعرهااا رنود قومي بسك نووم
ريناد انتبهت ان في حد جنبها فتحت عيونها بثقل .. وبصوت وااطي ومبحوح : ندى
ندى / أي ندى يالبايخة وشذالنوم مع وجهك ؟؟ شوفي الساعة كم 7 ..
ريناد / اووهـ يالله قايمة اروح اصلي المغرب نزلت من السرير
ندى / تعالي شوفي وش جايبة لك ؟؟
ريناد/( بهدوء ) : شنوو
ندى / لا اول حاجة عدلي مزاجك هالكئييب وابتسمي
ريناد ابتسمت ابتسامة بريئه مثل الأطفاال
ندى / ايواا كذا يااعسل
( ريناد انبسطت من معاملة ندى لها كانت تعاملها بكل حب وحنان من اول مادخلت ريناد هالبيت ولأن ندى شخصيتها مررحه وعفوويه وتحب اللي حواليها بسهوله )
ندى طلعت لها بلوزة وبنطلون برمودا من الكيس وافرشتهم عالسرير وبجنبهم اكسسوارات / ها وشرايك
ريناد / جنااااااااااااااااان ذوقك خطيييير
ندى / البلوزة من اللون اللي يحبه قلبك البينك( اما البنطلون كان لونه بيج )
ريناد / ( قربت منها وضمتهاااا ) الله لايحرمني منك ياندى
ندى / شنو شنو ندى ؟؟ دلعيني ويا وجهك قولي ندووووش
ريناد ابتسمت وبعدت منهاا شووي / ياحياتي ياندوووش
ندى البسية الليلة طيب
ريناد / ليه ؟
ندى / لا بس بيجون صاحباتي وبتجي احم احم ريهــــــــــــــــــــام تبغا تسلم عليك غايبة عنها اليوم
ريناد / ياقلبي على ريهام وحشتني لو اغيب بعد بكرا بتستخف مع رنيييييييييييييم ههههههههههه
ندى / هههههههههههه أي اليوم متشتته هي بالمرسة
ريناد / هههههههههههههه
ندى / ماقلت لك اليوم بالمجمع وشصار معي ؟؟
ريناد (بحماس ) /وش صااار
قالت لها السالفة كلهــــــــــــــــــــــا
ريناد / هههههههههههه خاف منك اجل ؟
ندى / ايوووه بس والله لما ناظرته بجرأة ارتبك وراح مع خويه ههههههههههه والله لو شايفته متي ضحك عليه
ريناد / هههههههههههههه اكيد انهبل مع عيونك الذبلااااااانه هههههههه
ندى / عمااا بس والله يا رنوودااا يجنن يهبببل
ريناد / لا يحلوووة كان لحقتيه وبادلتي بالأدوار اقوول اركدي بس
ندى / هههههههههههههه وانا وش قلت ؟؟؟ المهم اجهزي عا8 راح يجووآآ لموو وريهام طيب
ريناد / اووكي اصلي واجهز
::::::::::::::::

الفصل الثااالث

::::::::::::::::
بعد ماطلعوا من المجمع راحوا لبيت محد ثانيه
عماد / انا لازم اشوفها ثاانيه لازم
راكان / بلا خرابيط شكلها مو من النوع اللي تعرفه فهمت ؟
عماد / أي وهذا اللي معلقني فيها اكثر ابغا اعرف شنو اسمها من بنته ويين تدرس ؟
راكان / اوووول مره اشوفك ياعماد حازم كذااا
عماد / لا من جد احبهااا اوبغا اتزووجها هي
راكان / هههههههههههههه وصلت للزواج معك قبل شوي (ينهد ) احبـــهااا والحين بتزوجها ؟؟!!!
عماد / لا تتمسخر علي انا بكرا بثبت لك اني صاادق بكل شي
راكان بجديه اكثر / كيف ؟؟
عماد / ( وقف ) بكرا اقول لك باااااي انا رايح (ومشى ...)
راكان / بشووووووف نهايتها معك أيش ؟؟

::::::::::::::::::

الساعة 8 ونص

شوق / رنومــآآ ليه مو رايحة معنااا ؟؟
رنيم ( وهي تحرك خصل شعرهااا وبيدها الجوااال وحاطة اغنية ( الأمااكن )/ وش قلت لك بذااااااااااااكر
شووق / بتذاكرين مااصدق ؟؟ اتركي الجوال وخذي لك كتاب افيد لك
رنيم / وش قالوا لك ( لوزين ) ههههههههههههههه
شوق / ( باستهزاء ) ههههههههههههههههااي والله بتفوتك الطلعة ( وطلعت )
رنيم / ( بخبث )( ماراح تفوتني ولا شي الحين بطلع )


هشااام بالصالة و يصرخ / بنتظركم بالسيااااره طولتوا اكثر بمشي
شوق ( نزلت من الدرج بسررعه ) / جااااااااااااية
ام هشام / وش بلاك تأخرتي
شوق / الحين 8 ونص وهو قال 9 يعني ماتأخرت
هشام / على مانوصل وندور لنا مطعم محترررم الا صارت 9

::::

رنيم ( فرصتي هالحين البيت مافيه حد لازم اطلع مع فيصل قبل لايمل من هالأتصالات ويدور غيري )
دقت عليه .......... 055
فيصل / هلااااااا بهالصووت
رنيم/ ( بدلللع ) هههههههه خليني اتكلم بالأول
فيصل / بدون ماتتكلميني يكفي اني احس فيك وبأنفاسك
رنيم ( يابعد هلي والله ) / اشتقت لك
فيصل / وانا اكثثثر وينك لا تدقين لك يومين
رنيم/ لا بس الوضع عندي مكركب شوويه اختي لازقة فيني 24 سااعه
فيصل / والحين مو لازقة فيك ههههههههه
رنيم/ لاااا طلعت مع ماما واخوي هشام ومافيه حد بالبيت و اخوي راكان طلع من شوي
فيصل / ( بجديه ) شرايك نطلع ابغاك في موضوع مهم ماينقال عالتلفون
رنيم/ خير ؟ وشوو
فيصل / دامك معي وبجنبي اكيد خير اووكي رنيم 5 دقايق وانا جنب بيتكم
رنيم / لا اخااف ماني طالعة ..
فيصل / افااا مو واثقة فيني رنوووومة اوعدك اني مااراح ااذيك ابد ... وانا احبك واخاف عليك اكثر من نفسي فااهمة بس ودي اقول لك شي مهم
رنيم / والله واثقة فيك بس امممم اخاف يجون اهلي قبل لاارجع معك او يرجع اخوي راكان قبل او يرجع بابا من الشاليه ومايلاقيني ؟
فيصل / لا تخافين ماراح اطول اكثر من ربع ساعة
رنيم/ اكيد
فيصل / اكيدين
رنيم/ طيب راح اجهز وانزل بااي
فيصل / باي
( فيصل ولد جيراانهم )
::::
جهزت وطلعت وشافته بالسياره جنب بيتهم ترددت تروح ولااااا .. بعد كذا اشر لهااا تجي ومشت واركبت بالسياااااارهـ
فيصل / ياهلااااااااااااااااااااا
رنيم/ اهلين فيك
فيصل (مسك ايدهاااا بنعوومة ) وين تبغينا نروح ياحياتي
رنيم نزلت رااسهااا / امممم أي مكااان ولا اقول خلنا بالسيارة احسن
فيصل بعد ماامشى مساافه طويله ابتعد عن البيوت وراح عند الشارع العاااام
رنيم/ وين بتوديني ؟؟
فيصل / لحظة ابوقف في مكان بلف الحيين
رنيم ( الله يستر منك ياافيصل )
لما وقف السياااره بعيد عن رؤيا الناس مكااان شبه مهجوور
رنيم بخووووف / وين حنا فيه ؟؟
فيصل / و قلت لك انا مااراح ااذيك لا تااخفين .. (قرب منهاااا ) اكشفي وجهك
رنيم / لااا ودني البييت
فيصل / رنوومة حياتي انتي ثقي فيني
رنيم كشفتت عن وجهااا بتردد
فيصل فتح عيوونه اكثر / واااااااااااااااااااو قمـــــــــــر ماشالله رنوومة تغيرررتي حلووويتي كثير
رنيم استحت ونزلت راسها / ....
فيصل / اموووت بالحياا انااا ( مسك ايدها وباااسهااا ) رفع راسها وناظر بعيونها الجذاابه / احبك
رنيم زادت نبضات قلبهااا وجسمهاا حااااااااار من الحيااا وهي تناظر عيونه وشايفه كل كلام الحب فيهم ( ياقلبي والله امووت فيك انا )
فيصل / رنووو وشفيك ساكته ؟؟
رنيم / ( ناظرته بعيونها بحيااا ) ولا شي بس مرتبكة شوويه .. خلاص رجعني البيت
فيصل / وشفيك طيب اول اسمعي وش راح اقولك
رنيم / بلييييز فيصل رجعني البيت وقولي وانت تمشي بالسيااره
فيصل / يااقلبي ماينفع ... رنيم انا كلمت اهلي عنك وقالت امي لما اكمل دراستي راح نجي نتقدم لك شرايك ؟
رنيم / ( ابسطت) والله يافيصل
فيصل / أي ياروح فيصل انتي ( قرب منهااا بقوه وباسها على خدهاااااااااااا )
رنيم غطت وجهها بسررعه / فيصل اوكي يالله نمشي
فيصل / لحظة .... ولف على المقاعد الخلفيه واخذ كيس وعطاها اياه
رنيم / شنوو فيصل / هذا اقل شي اقدمه لك افحيه هالحين
ساره افتحت الكيس وطلعت علبه مغلفة فتحتهااا ( خاااااااتم خطوبه ) / رووووووووعه تسلم ياقلبي
فيصل اخذه منها ولبسها ايااه
رنيم / ( اموووت عليك .. .. )
فيصل وهو مرتبك / طبعا هذا الخاتم بس كذا ابغا اشوفه على يدك والثاني بعدين اجيبه لك يوم ملكتنا
رنيم (ابتسمت ) / الله يخليك لي
فيصل / لرجعتي البيت اقري هالورقة ( عطاها ورقة وحطها بيدهااا ) اووكي
رنيم / اووووكي
فيصل الحين اقدر امشي ( وانااا مرتااااااااااااااااااح )

:::::::::::::::::::::::::::::::::::::::::::::::

ريناد تضرب الباب على غرفه ندى / وبدللللع ندووووووووووووش ؟؟؟

ندى / ( صايرة رنوود مؤدبه ضاربه الباب ) ادخلي


ام عبدالله بالصااله اللي فوق طبعااا وقدامها غرفة ندى عاليمين وغرفة ريناد عاليسار

ريناد ماانتبتهت بوجود خالتهاا

ام عبدالله وهي تناظرها من تحت لفووق / علامك ماتجلسين معنا مو قد المقام ولا ايش ؟؟
ريناد / التفتت عليها / هلا خالتي .. لا بس اليوم كنت تعباانة مرره وماقدرت انزل عالغداا
ام عبدالله / هذا انتي كااااشخة وين التعب رااح ( وهي تتمسخر طبعاا )
قاطعهم صراخ ندى في غرفتهااا / رنوودآآ ادخلي بسرررعه
ريناد / عن اذنك خاالتي بشوف ندى .(. ودخلت الغرفه )



ندى /واقفة بثقة .. / ها وشرايك ؟؟
ريناد/ واااااااااااااااااو سبراااااااااااااااايز نفس اللي عليَ بس والله غطيتي علي
ندى / لا من جد يناسبني الوردي ؟؟ احسه جاي عليك اكثثثر
ريناد / لا بالعكس حلوووو حتى عليك والله طالعة قممممر
ندى / وتعرف تجااامل بعد ؟
ريناد/ افـــــــا من جد اتكلم مع وجهك
ندى / امزح معك ادري اني قمر هههههههههههههههه
ريناد / هههههههههههههههههههه امووت بالثقة
ندى تقرص خدود ريناد / اموووت انا بالبيبي اللي جنبي
ريناد/ هههههههههههه حرام عليك صاروا خدوودي حمممر منك
ندى / هههههههههههههههههههههههههه ينقال عنك مو خجلانه انتي حتى من ظلتك تخجلي
ريناد / وبعديين ندووش
ندى / اووكي يالله تعالي ننزل الحين هم على وصوول

:::::::::::::::::::::::::::::::

عبدالله نزل من سويته وراح لعند امه بالصالهـ
عبدالله /وشفيك جالسة لوحدك ؟؟
ام عبدالله / ولا شي بس جايين صاحبات اختك ندى ونزلت هي مع ريناد لهم
عبدالله / وش اللي مضايقك ؟ احسك هاليومين مو على بعضك
ام عبدالله / عبدالله لا تشغل نفسك مافيني شي اهم شي زوجتك وعيالك
عبدالله / تدرين يمه خلود احسها متغيره اليوم ماادري انا اللي مو على بعضي وشايف اللي حولي كذااا ؟؟
ام عبدالله / وشفيها خلوود ؟؟
عبدالله / ماادري عنها قبل شووي احسها تبغاني اطلع غصب تقول دق على حد من الشياب واسهر معهم
ام عبدالله / ماعليك من خلود هي كذا مزااجيه شووي تحملهااا هذي ام عيالك ولا نسيت انك تحن علي ليل نهار اخطبها لك وانت لسا ماخلصت جامعة
عبدالله / لا تفهميني غلط انا اموووت بشي اسمه خلود بس خايف من جنوونها شوي تعمل اشياء ماتفكر فيهااا
ام عبدالله / عارفه انك تحبها اكثر من كل شي اعرفك وليدي قلبك رهييف
عبدالله / ههههههههههههههه الله يستر ( ووقف ) انا طالع تامرين شي ؟؟
ام عبدالله / سلاامتك ربي يحفظك

::::::::::::::::::::::::::::::::::::


لتحميل الروايه كامله للجوال txt


محتوى مخفي Admin refused to unhide hidden content
nothing will help to see hidden content







v,hdi hgpf hglsjpdg v,lksdi odhgdi ,hrudi - jpldg gg[,hg txt txxt









التعديل الأخير تم بواسطة ● н σ d σ α ; 3 - 1 - 2011 الساعة 12:17 AM
  رد مع اقتباس
قديم منذ /3 - 1 - 2011, 12:17 AM   #2

:× عضو فعال×:

عَيوٍنْ نَجَدٍ غير متواجد حالياً

 رقم العضوية : 21987
 تاريخ التسجيل : 30 - 12 - 2010
 المشاركات : 95
 النقاط : عَيوٍنْ نَجَدٍ will become famous soon enough

افتراضي رد: روايه الحب المستحيل رومنسيه خياليه واقعيه - تحميل روايه الحب المستحيل للجوال txxt


عؤـآإفي هدؤؤؤء
أمبين ع الرؤـآيـه رؤؤؤؤعـه ’
يسعدني أني أكؤؤؤن أؤؤؤل من يرد ع المؤضؤؤع
تقبلي مرؤؤؤري ^^











  رد مع اقتباس
قديم منذ /3 - 1 - 2011, 12:37 PM   #3

الهَنوُف غير متواجد حالياً

 رقم العضوية : 3613
 تاريخ التسجيل : 9 - 11 - 2009
 المكان : بيَن حَروف آسِمه الآربِعه
 المشاركات : 91,605
 النقاط : الهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond repute

افتراضي رد: روايه الحب المستحيل رومنسيه خياليه واقعيه - تحميل روايه الحب المستحيل للجوال txt

ربي يسِعدك
حيلات ذوق إختيارك
فديتك ’لاتحرمنآ هالمجِهود
:$







  رد مع اقتباس
إضافة رد

مواقع النشر (المفضلة)

الكلمات الدلالية (Tags)
للجوال, المستحيل, الحب, تحميل, خياليه, رومنسيه, روايه, txxt, واقعيه

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه نيران الحب للجوال - تحميل روايه نيران الحب للجوال رومنسيه كامله txt ● н σ d σ α قصص - روايات - روايات كاملة - روايات طويله - روايات غرام 17 10 - 9 - 2013 8:58 AM
روايه الحب المتأخر - تحميل رواية الحب المتاخر - روايه وسام ورغد للجوال txt ● н σ d σ α قصص - روايات - روايات كاملة - روايات طويله - روايات غرام 11 8 - 9 - 2013 8:18 PM
روايه الحب الأعظم - تحميل روايه الحب الاعظم للجوال txt ● н σ d σ α قصص - روايات - روايات كاملة - روايات طويله - روايات غرام 29 31 - 3 - 2012 5:00 AM
روايه ليت قلبي مثل الحجر قاسي - روايه همس وركان روايه رومنسيه واقعيه للجوال txt ● н σ d σ α قصص - روايات - روايات كاملة - روايات طويله - روايات غرام 18 10 - 3 - 2012 3:07 PM
روايه عندما يهل الحب - تحميل رواية عندما يهل الحب روايه رومنسيه للجوال txt ● н σ d σ α قصص - روايات - روايات كاملة - روايات طويله - روايات غرام 21 15 - 10 - 2011 2:57 AM


الساعة الآن 8:04 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy