العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

مع انى سبته .....

..... , سبته مع انى سبته ..... الحلقه الاولى .. اوووووف ..دخان يطير ف الهوا ... من سيجاره كريم ... ...

إضافة رد
 
LinkBack أدوات الموضوع انواع عرض الموضوع
قديم منذ /16 - 1 - 2011, 8:42 PM   #1

:× عضو يفوق الوصف×:

JANA غير متواجد حالياً

 رقم العضوية : 13953
 تاريخ التسجيل : 4 - 8 - 2010
 المكان : Egypt
 المشاركات : 592
 النقاط : JANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to behold

مع انى سبته .....


الحلقه الاولى ..



اوووووف ..دخان يطير ف الهوا ... من سيجاره كريم ...



الجده ..كريم يابنى انت لسه صااحى ..



كريم ..بيطفى السيجااره بسرعه ..اه يا تيتا عاايزه حاجه ..؟؟



الجده ..مش عاارفه يا بنى فيه ريحه سجااير منين ..؟؟



كريم ..تلاقيهم النااس اللى فوقينا يا تيتا معلش انا فتحت الشبااك اكيد الريحه جت منه ..



الجده ..ااه ..طيب مش هتصلى الفجر ..



كريم ..حااضر..



دخل كريم الحمام وخد دش .. واتوضا وطلع لحق الفجر ..ونام ..



الام ..كريم كريم ..كريم انتى قلتلى انك عليك سيكشن ..



تعالو بقى نعرف كريم ..



كريم ..شاب من عيله متوسطه الحال ..باباه متوفى ..وعايش مع امه وجدته ع معاش باباه اللى كان موظف ..كريم ف 3 علوم ..ونفسه يبقى حاجه ..مع انه مش عارف ايه هى الحاجه دى ..بينجح بالعافيه ونفسه يبق حاجه طيب تيجى ازااى ..بيشرب سجاير ..اقصد حريقه سجاير ..ومش قايل لجدته انه بيشرب عشاان هى ريحتها بتخنقها ..امه تعرف ..



مواصفاته ...شاب طويل..فيه عضلات بسيطه .. لون شعره بنى ..ابيض..لون عينه عسلى ..من الاخر كدا وسيم ..



كريم ..حااضر يا امى قايم اهو ..



كريم بيمسك الموبايل ويفضل يرن ع صااحبه حسن ..



حسن ..صااحب كريم الروح بالروح تؤام روحه بمعنى اصح ....حسن اقصر من كريم بس دمه خفيف واغلب البنات بتحب خفه دمه ..



كريم ..يووه يا حسن لسه مصحتش ..ويحط موبايله بنرفزه ..



ويقوم ياخد دش ويلبس ..



كريم ..انا ناازل يا ماما ..سلام ..



الام ..طيب ال ............... الباب طررخ ......الفطار .. سلام يابنى .



الجده ..بتكلمنى نفسك ولا ايه ..



االام ..بكلم كريم بس هو نزل اصله متاخر ...



كريم ف الاتوبيس ...



يااعم رد بقى ..



كريم ..اخيرااا صبااح الخير يا حج ..فينك ..



حسن ...انا مش هروح ...



كريم ..ليه يااعم انت غايب سكشنين انت ناويت عليها ولا ايه ..؟؟



حسن ...لا لالا يا عم تعباان تعباان فحت ..



كريم ..لما انت ملكش فيها بتعمل كدا ليه ..



حسن .خلاص بقى ...سلاموز..



كريم ..ههههههههه باسستهزاء..سلاموز ..





كريم بيلف رقبته اللى بتقطأ ف كل اتجاه .. .. وسع يا حج كدا خلينى انزل..



وينزل كريم من الاتوبيس ..



كريم .يالهووى ع الريحه ...مدمره ..



يبص ف سااعته ..يالهووى السيكشن ...ويجرى كريم ع السلالم ..



وهو بيجرى يخبط ف بنت ..



كريم ..أسف يا آنسه ..



نور ..ولا يهمك بس وسع ..وتدوس ع الاصانصير ..



كريم ..هيئه تدريس ..



نور ..لا ..



كريم ..طيب معاااكى ..



نور بتدخل وكريم ورااها ...... كريم بيحط سيجاره ف بؤه ..



نور بجرأه بتسحب السيجاره من بؤ كريم ..



كريم ...ايه ....



نور ...مش بحب ريحتها ..



كريم ..بيطلع واحده تانى ...وانا ماالى ...



نور ....بتفتح الاصانصير ..وتجرى ولا تهتم بيه ...وتدخل السيكشن ..وكريم وراها ..



الدكتور ..وانتوا جايين كابل ..مع بعض ..؟؟



نور ..لا والله يا دكتر انا معرفوش ..



كريم ..كداابه يا باشا ..



الدكتور ..باشا ..؟؟ ....اطلعوا بره ...فيه سيكشن تانى بعد ساعه ابقوا احضروا ..انا نااقص شاربين ع الصبح ..بره ..



نور ...يا دكتر ..



الدكتور ..قلت بره ..



كريم ..بيشد نور ..يلا ..



بره السيكشن ..



نور ..اوعى ايدى ....



كريم ..بيرمى البلاطو ع ضهره ..ههههههههه يااى اوعى ايدى ..يبااى ..



نور ..بتقعد ع السلم ..وكريم يجى يقعد جنبيها ..



نور ..يابنى انت عاايز ايه ..



كريم ..هو سلم ابوكى ..



نور .......... انت قليل الادب .....



كريم ..ربينى يا ستى ..



نور ..اوووف .... ****طيب مش هقوم بالعند فييك"""



كريم """والنعمه ما متتحتح من هنا .""



وبيطلع سيجاره ويحطها ف بؤه ..بتلقائيه تشدها نور مره تانى وترميها ع الارض ..ف اخر السلم ..



كريم ....انت زودتيها اوى ...انت قليله ادب ..



نور ...وانت معندكش دم ...قلتلك مش بحب ريحتها ..



تعالوا نعرف نور ...



نور ..بنت عايشه لوحديها ...باباها ومامتها متوفيين ..وعايشه مع جدتها بس جدتها بتيجى كل فين وفين ...نور بنت جميله ..عنيها خضره ..وبيضه ..وشعرها اسود بس صبغاه اصفر .. يعنى اصفر ف اسود ..وقصير جداا ..ولاماه ع طوول .. بتعيش دور الولد عشان محدش يقربلها ..وهى جريئه حبتين اقصد تلت حبات ..عشان كدا متكسفتش تقعد جنب كريم ع السلم ..



كريم ..وليه بقى مش بتحبي ريحه السج ...كريم يقطع كلامه ويقول بصوت عالى ...........حسن ...



حسن ...كابو ...ازيك يا برنس ..



كريم .بيس ...ايه اتاخرت ليه ههههههههههههههه بأستهزاء ..



حسن ...يعنى مش عاارف ليه ..فيه حد يدى صاحبه كاس ومحطوط فيه بنجو..ده ..وكريم يحط ايدى ع بؤه ...



حسن ..ايه يااعم ..



كريم ..فيه بنات ..



حسن ..فين البنات دوول ..؟؟؟



كريم ..اعرفك ...الانسه النرفوزه ..الانسه النرفوزه ده حسن صااحبى ..



حسن ..تشرفت ..



نور بغيظ من طريقه كريم....نور ...



كريم نعم ..؟؟



نور ..اسمى نور .....



كريم ..........تشرفت بيكى ......



حسن ..يافرحتى قااعد مع بنت ع السلم ومتعرفش اسمها غير دلوقتى وصوتك مسمع المبنى كله ..



نور ..بنت ...؟؟ قلتلك ليا اسم يا كابتن...



حسن ..كابتن ..شيفانى لابس فلنه الاهلى ..ولا معلق صفاره ف رقبتى..؟؟



كريم ..عديها يا حسن خلاص ..



حسن ..ماشى يا برنس ..سلام ..بص انا هفلسع انا بجد تعباان ونعساان ..



كريم ..طيب ..سلام ..



نور ...لوكل ..



كريم ...نعم ..؟؟



نور ..صاحبك ..لوكل ..



كريم ..اه ااايه ..ايه فيه ايه ماالك طاايحه ف الكل كدا ليه ..



نور ...بس بس ولا كلمه بتعرف تتكلمها عدل ..



كريم ..بيطلع سيجاره تانى ..وبجرأه برضو تمسكها نور وترميها جنب اختها ..



كريم ..يوووووه بقى ..عايزه ايه يا بت ال .... ويسكت ..



نور ..بذهول ....بت ايه ...؟؟



كريم بصوت هادى بعد ما حس بغلطته ...بنت الناس الطيبين ..



نور ..تقوم من مكانها ...طيب ..



كريم ..بيجرى ورااها ..يا نور ..انسه نور ..انا اسف ..



نور ... بتقف مكاانها ..تقبلتوه ..



كريم ..ايه اللى تقبلتوه ..؟؟



نور ..اسفك تقبلت اسفك ..



كريم ..هههههههههههههههههههههههههه والنعمه عسل ..



نور ..اه زى ما بيقولوا عليك ..



كريم ..بيقولوا ايه ..



نور ..مش رااحم ....كل بنت بتقاابلها ..



كريم ..هههههههههه انت تعرفينى ..؟؟



نور ..وفيه حد ميعرفش ..كريم فاروق ..برنس الكليه ..



كريم ..ههههههههه برنس مره وااحده ..متصدقيش انا ولا اعرف ولا بنت ..دى اشاعات ..تصدقى انتى اول بنت اكلمها ..



بنت معديه ... هااى كيمو ...



نور ..هههههههههههههههههههههههههههههه اول بنت فعلا ..



كريم ..بكسوف..لا التانيه ...



نور ..خلاص خلاص متشغلش نفسك ..طيب انا هدخل السيكشن التانى اووك ..



كريم طيب استنى ما انا راايح معااكى ..



يدخلوا الاتنين السيكشن ... ويسمعوا الشرح لمده ساعتين ..



الدكتور ..كل وااحد يشتغل العملى مع زميله ..كل اتنين مع بعض ..



نور ..وهى بتلبس البلاطو ..



كريم ..نور ..انتى معااكى حد ..؟؟؟



نور ..بتبص لكريم ..لا ..



كريم ..طيب ابقى معااكى ..ممكن ..؟؟



نور ..اوكى ..



كريم ..ونور ..يشتغلوا العملى مع بعض ..ويخلص السيكشن اللى فضل شغال اربع ساعات متوااصل ...وهما واقفين ع رجليهم ..



كريم ...بجد يا نور اتشرفت بمعرفتك ..وبجد اسف ع كل حاجه حصلت ..



نور ..ولا يهمك ..وانا كمان اتشرفت بمعرفه برنس الكليه ..



كريم ..تانى الموضوع ده ..طيب ايه مش هتجيبى نمرتك ولا تاخدى نمرتى ..؟؟



نور ..هههههههههههه نمرتك يا برنس مكتوبه ف كل المدرجات ...يا كاسر قلوب البنات ..



كريم ...بغيظ ...اوك ..



نور ..سلام ..



كريم ..سلام .. """ايه البت اللى فأقسانى دى """



كريم ..بيروح البيت ..يدخل ينام ....نوووووم عميق..



نور كمان بتروح وتنام ...







&

&

&





ف مكان تانى ..اغنيه تانى شغاله ..







مع انى سبته ..ليه لسه عايش فيا ليه ..ليه الحياه بتسنى كل حاجه الا حبى ليه ..



ياترى مين مشغل الاغنيه دى ... هنرجع الحلقه اللى جاايه ..فلاش بااك لورا .. ونشوف ايه موضوع الاغنيه دى ....






lu hkn sfji >>>>>








  رد مع اقتباس
قديم منذ /16 - 1 - 2011, 10:30 PM   #2

● н σ d σ α غير متواجد حالياً

 رقم العضوية : 706
 تاريخ التسجيل : 4 - 10 - 2008
 المكان : يآلبيــہَ يآاَلَشَرقَيــہَ ♥ ~
 المشاركات : 194,975
 النقاط : ● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute

افتراضي رد: مع انى سبته .....

الله يعطيك الف عافية ياذوق

:و2:








  رد مع اقتباس
قديم منذ /17 - 1 - 2011, 12:36 PM   #3

:× عضو يفوق الوصف×:

JANA غير متواجد حالياً

 رقم العضوية : 13953
 تاريخ التسجيل : 4 - 8 - 2010
 المكان : Egypt
 المشاركات : 592
 النقاط : JANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to beholdJANA is a splendid one to behold

افتراضي رد: مع انى سبته .....

تسلمى ع مرورك
ياقمر








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
....., سبته

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فيصل بن تركي المنتخب كبير على لوبيز وغياب جماهير النصر سببه لجنة المسابقات ♥ •ӎ نادي النصر السعودي - منتديات العالمي - منتدى النصر الرسمي 1 13 - 9 - 2014 6:38 AM
فقد الأعصاب بسرعة سببه نقص مادة بالدماغ حلاتي بضحكتي منتدى الطب - اسباب - علاج - الوقاية - ارشادات - نصائح - Medicine 8 4 - 10 - 2011 9:01 PM


الساعة الآن 7:51 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy