العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

روايه مداعبات لاذغه - روايه سعوديه بنكهه جداويه & مكاويه - روايه رومنسيه جريئه اكشن للجوال txt

لاذغه , مداعبات , بنكهه , جداويه , روايه , روايه 2011 , سعوديه روايه مداعبات لاذغه - روايه سعوديه ...

إضافة رد
 
LinkBack أدوات الموضوع انواع عرض الموضوع
قديم منذ /17 - 5 - 2011, 5:57 PM   #1

● н σ d σ α غير متواجد حالياً

 رقم العضوية : 706
 تاريخ التسجيل : 4 - 10 - 2008
 المكان : يآلبيــہَ يآاَلَشَرقَيــہَ ♥ ~
 المشاركات : 194,975
 النقاط : ● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute

روايه مداعبات لاذغه - روايه سعوديه بنكهه جداويه & مكاويه - روايه رومنسيه جريئه اكشن للجوال txt



اللهجه : جداوية & مكآويه

جريــــئـــه جدآ ..
لأنو هدي حايتنا سارت جرآئه × جرآئه
واقعيـــــه ممزوجه ببعض الخيآآآل ..
واقعيه بنسبه ليا لأنو دا إللي بشوفو من حيآتي وحيآة إللي حوليا
وخياليا لأنو كتير يمكن منكرين إنو في نآس بدي الصوره وزي آي روايه افضلها باأنها ممزوجه
ببعض من خيآآلي
رومنسيـــه ..
آحلى شي في الروآيات الرومنسيه
آسيبكم مع الروايه

I HOPE U LIKE IT

ঔღঔ ঔღঔ ঔღঔ

حالات كثيره متواجده في مجتمعنا منتشرة مع إختلافها إلا انها متشابهه من وجوه عديدة
كالإنسان الذي يحب قد يضحي بشرفه ,قد يكره قد يقتل ببساطه
وايضا الحاقد قد يحب ويعشق
إلا حد الجنون قد يتخلى عن كبريائه وماضيه في سبيل الحب
فآحيانا الحب يولد طاقات إيجابيه وآحيانا سلبيه على حسب وضع الشخص
فقد يفجر الآشخاص طاقات لتتناثر وتحتك مع
بعضها لتولد شررآ يتطاير رذاذ الشر منه
الذي قد يكبر يوم بعد يوم وينتشر بيننا كالوباء
والآحداث في هذه القصه حقيقة وآشخاصها من نسج الخيال خطيتها لآوضح لكم
" ان الحب ليس خطيئه انما الخطيئه مانفعله عندما نحب "
(( الفصل الآول ))
في آخر الليل ... تحت ضوء القمر الساطع .... تجمعوا كما يتجمعوافي كل ليله
كان صوت الموسيقى الصاخبة أعلى من أصواتهم

يستهزؤون .... يغنون ... يرقصون ... هذه كانت حياتهم مجرد لهو ولعب ...في آحد الشاليهات المطله على البحر الآحمر
بنات عاريات .... شباب سكارى .... فلوس ترمى في كل زاويه والغرض الإنببساط والمرح

كل شخص لديه اسبابه الخاصه لحضوره الشاليه واغلب الآسباب جنس .... مال .... استمتاع بالنظر

حولين المسبح بنات لابسين بكيني وشباب بشورتاتهم وكاسات الويسكي على كل طاوله

في داخل الشاليه او بالأصح في داخل كل غرفه في الشاليه شخصين كل واحد داخل برضا تام عن نفسه

لاإحساس بندم او خوف من الله

خرج من الشاليه وهوا يلبس بلوزته وراح لواحد كان يشرب كاس وجبمو بنات ويضحك معاهم اشرلو من بعيد وجا لعندو

زياد يقفل ازارير البلوزه : كيف بس اليوم ؟
فادي : لا صراحه حطمت الآرقام القياسيه وبعدين إنتا فينك ليا ساعه ونص مستنيك
زياد غمزله : كنت اخرج طاقتي المدفونه
فادي فهمو : اهاااا لايكون بس قاطعناك
زياد ضحك : لا لا حمدالله خلصت ... ماقلتلك إبتهال الحماره إيش مسويه
فادي باإستغراب : إيش مسويه .؟
زياد ضحك لما اتذكر : واقفه في الصالون ومسويا مزاد إللي يدفعلها اكتر عشان يدخل معاها الغرفه
فادي : آمااا
زياد وهوا على وضعه يضحك : وربي البنات المحترمات لما يخربو يجننننوو مافي أحد يساويهم في الخراب
عماد جا وهوا مصدوم وكان خارج من الشاليه : هييييي إنتا على هوا شافين جوا إيش بيسير
زياد عرف من غير مايهرج : إبتهال ؟
عماد مصدوم :يعني عارف
زياد :ههههههههههه إيوا
عماد مستصيب ويآشر على الشاليه : طيب روح خرجها
زياد رفع كتفه وكآنو مالو صلاح : انا إشلي ؟
فادي : إيش دخله يخرجها
عماد كآنو احد لاطشو عشره كفوف: إنتا عارف إنو البنت مو لابسه شي وواقفه قدام الكل
زياد : هههههههه سكرانه....
ماتوقعتها كدا اعطيتها كاستين ماشفتها إلا تفسخ
فادي شرب من الكاسه إللي بيدو : ابغالي اسويلها كدا كل مره
عماد مره طيب : إنتو إيش فيكم منتو حاسين بذنب
زياد بدون إحسسااس : نحس بذنب !!!! ليش دا كلو..محسسني إننا قتلناها
عماد بعصبيه وبصوت عالي : البنت جوا تعرض نفسها قدام 12 واحد واول شفتها على الكنبه مع المغربي ,,,وإنتو السبب في كل دا وبالآخص إنتا يازياد
زياد يبرئ نفسه قال بعصبيه وتشديد على كلامه : اقووول انا مالي صلاح في حاجه كل إللي سويته إني عزمتها على الشاليه بس يومين وسرت اشوفها كل حفله تجي يعني إيش تبغاني اسويلها ؟
آطردها ؟ اقولها دخييلك وقفي خلاص ؟

عماد : إنتا فاكر لما كنت تلمس يدها تزعل منك وتقول انا ماأحب دي الحركات

فادي ضحك : شوفو بس دحين كيف صارت ياامغيرر الآحوال

زياد : دي لو حاطه في راسها من الآول إنها تحضر هنا عشان بس تتعرف وتضحك كان قدرت تسوي كدا بس البنت في راسها شي تاني

عماد يبغى يقنعو : مين إللي خلاها تسكر ؟
زياد راسو زي الحجر : دام هيا راضيه على نفسها دي مشكلتها مو مشكلتي وبليز قفل الموضوع مره مايستاهل نتضارب عشانها

عماد مره مقهور عشانها ... لأنو قد قابلها ايام ماكانت تلبس عبايتها وماترضى تنزلها من على كتفها ودحين متآسف إنو يشوفها بدا المنظر : انا إللي ابغاه منك بس على الآقل تحس بتئنيب في الضمير

زياد عصب : وليييييش هوا انا غصبتها على اي شي ..اخد رايها في كل حاجه وهيا ماقالتلي لا يعني انا إللي امنعها بلله ؟؟ إيش دا المخ إللي عندك

فادي يهدي زياد : COME DOWN DUDE ,,, خلاص ماصارت في حريقه البنت ,, لو ياعماد خايف عليها روح خرجها من هنا
واعطيها محاضره من محاضراتك يقولك الواد باإرداتها مسويه دا الشي ...يعني زيها زي اي وحده في دا المكان ,, صلوو على النبي

عماد : عليه الصلاه وسلام
زياد ماهرج
فادي اعطى كاسته لزياد : تبغى ؟

زياد اخدها وشربها كلها جغمه وحده وبعدها اتحولت ملامحه لقرف: كم مره اقولك اكره دا النوع

فادي ضحك : مو عشان كدا اعطيتك هوا تصـ _ سكت وقت وحده من المسبح كشتو بـ المويه وضحكت هيا وصحباتها _ آوووو
البنت : FOOODY هههههههههههههههههههههههه

فادي قرب من المسبح وبتهديد: اهجدي ياسوسو لا أنزلك
البنت برضو تكشو بالمويه : عم بتحداك تعى لهون
فادي حط يدو على وجهو من بعيد عشان مايجيه المويه : سممممممممممر
سمر بس تضحك
زياد جا من ورى فادي ودفاه علـ مسبح بعد إشارات من سمر إللي اشرتلو إنو يدفو
فادي : آآآآآآآآآآآآآآآآآآآآآآآآآآآآآ _ طششششششششش في الموووويه _
زياد وسمر يضحكو
فادي خرج راسه من المسبح ورفع شعره البني الفآتح عن وجهه
سمر جات من وراه واتعلقت في رقبته : ئلتلك تعا لهون بس _ بتريقه _ مو هييك
فادي مسكها ودخل راسها وسط المويه : عشان تتئدبي المره التانيه انا اترمي دي الرميه
هيا تخرج راسها وتحاول تاخد نفس بس بنفس الوقت مو قادره لأنها تضحك
فادي : تضحكي هااا _ ماسكها من شعرها ويدخل راسها وسط المويه _
سمر خرجت راسها وتآخد نفس بالقوه : STOP
فادي سابها : خلاص توبتي ؟
سمر وهيا تمسح وجهها من المويه : هههههههههههههههه نو بس مابدي اموت على إيدك
فادي مسك بلوزته وقال ببرائه : شايفه كيف بللتيني
سمر قربت منو وحضنتو : SORYY BEBE _ باسته في خدو _
فادي سبح شويا معاها وهيا متعلقه في رقبته وتضحك وحركات من بوس ولمس وهمس ,, إلخ
فادي برد : خلاص ابغى اخرج بردت
سمر : ME 2
فادي خرج وملابسه تقططر مويه
سمر خرجت وهيا لابسه بكيني ازرق وحاطه في سرتها حلق فضي صغير جلست على كراسي المسبح وحطت منشفه على جسمها
ولما فادي جلس جمبها دفتو معاها بالمنشفه : شو باك ؟
فادي اتحولت شفايفه لزرق مايستحمل البرد : برداااان
سمر همستله في أدنه : بدك ياني آدفيك
فادي ضحك : ياليت لأني حموت من البرد
سمر وقفت وجلست عليه وغطتو اكتر من المنشفه : هيك احسن ما ؟
زياد جا لعندهم وهوا يضحك : اكيد احسسسن ,, HI
سمر ضحكت : هاي
فادي كان دوبو داخل جو معاها لكن زياد قطع عليهم : مره مو وقتك
زياد : لو تبغو تكملو عادي اروح بكرامتي يعني مااحب اقطع على احد جلسته
فادي : إييييوا تسوي خير لو رحت
سمر : لا ضل معنا عادي كِنا بنحكي مابنعمل إِشي
زياد من جلست سمر على فادي ماتوقع إنهم مابيسو شي قال وكآنو مو مصدقهم : قلتييييييييييييييييييلي
فادي حقد على زياد قال يقوم احسن : ابغا ياشيخ ملابس بردت
زياد بلهجته اللبنانيه : بالعكس الجو شوووب (( حررر ))
سمر : برافو عليك بتحكي للبناني
زياد : ولك كيف مابحكي لبناني وانا اصلي من لبنان
سمر استغربت : والله مائلي فادي من ئبل ما عندك الجنسيه السعودي ؟
زياد :انا سعودي ,, بيي لبناني وامي سعودي بس عايش طول عمري هون في السعوديا فا اخدت الجنسيه
سمر : آهاااا بس عه
فادي طفش منهم قآطعها : خلاص وقت تاني اتعرفو اكتر ابغى ملابس ياآخي
زياد ضحك : اصبر حروح اكلم عماد واجيك _ قرب من فادي وقلو كم كلمه في إدنو وضحك بصوت عالي وبعدها راح لعماد _
سمر طالعت في فادي : ضحكتو بتعئد
زياد معروف بضحكتو بين الكل يعني لدرجه لما يكون مع اصحابه بس يضحك الكل يضحك لضحكته وهما اساسا مو عارفين سبب الضحكه
زياد أشر لفادي من بعيد تعال
سمر قامت من على فادي : بركي ارجع لبيتي
فادي : دحين ....؟
سمر : YEAH
فادي سلم عليها :see you then
سمر :بيباي
فادي راح لحد زياد : فين راح عماد
زياد رفع كتفه يعني مدري : اخلاقه في خشمو يالطيييف
فادي :الله يعينو على نفسه ,, امشي حتلج
زياد : طيب
دخلو الشاليه وكانو مافيه كتير الساعه 5 الفجر
زياد : خالي قلي افضي الشاليه قبل الساعه 6
فادي : إيش عندو ؟
زياد : عازم اصحابو
فادي : في الصباح ؟؟؟
زياد :ياشيخ مدري عنه
في الصالون إبتهال جالسه على الكنبه وسلمان ونورا واحمد وباسم وزينب ومريم
زياد بصوت عالي : هييي حاولو تخلصو _ غمزلهم _ شغلكم بدري الخدم جايين ينظفو بعد نص ساعه
نورا وبيدها السيجاره ورافعه رجلها على الطاوله إللي قدامها ولابسه شورت وردي وبآدي ابيض قصير :زيزو مالنا اليوم شي ؟
زياد فهمها وضحك غمزلها : بكرا ممكن اروح الكباين تجي ؟
نورا : آيت ؟
زياد : درة العروس
نورا :خلاص يمكن اجي
زياد : مو متآكد بس اردلك خبر لو رحت
نورا : اوكي حياتي استنى منك خبر
زياد : طيب _ طلع للدور إللي فوق مع فادي ودخل الغرفه _
لقى ريان منسدح على السرير ونآآآآآآآآآآيم
زياد باإستغراب آشر على ريان : دا إيش جابو هنا ؟
فادي قرب من ريان وحركه : ريااان
ريان قلب للجهه التانيه
زياد خرج ملابس من الدولاب لفادي وحطاها على السرير : خد
فادي اخد الملابس : صحي ريان
زياد : خليه نايم
فادي : يااخي جاي بسيارتي لازم ارجعه البيت
زياد : خلاص روح استحما على بال
فادي دخل الحمام إللي في نفس الغرفه ساب الباب مردود ودخل يستحمى
زياد جلس على السرير : هييي ريااان ,,, رياااانوووو
ريان فتح عين وعين التانيه مقفله عشان اللمبه : هااا
زياد : إنتا متى جيت ومسرع ماشالله لحقت تنام ؟
ريان : دوبي نايم .. طفشت من شلة خلود فاجيت هنا
زياد : اهااا
ريان جلس واتمطع : قروشولي راااسي قلت حجلس شويا في الغرفه لين مايروحو وبعدها اقووم بس ماحسيت بنفسي ونمت
زياد : كان عرفتهم عليا
ريان : حتدعي عليا هرجهم كتير ومصايبهم اكتر _ اتثاوب _ الساعه كم ؟
زياد : 5
ريان : اووووف من الساعه 3 نايم
زياد : دحين لو رجعت إبش حتسوي ؟
ريان : حنخمد يعني إيش حسوي
دق جوال زياد (المتصل smiraa~): اوووف مره مو فايقلها
ريان : مين ؟
زياد : سميره
ريان بقرف : ياشيخ إنتا كيف تطالع في شكلها دي قد ستي
زياد : والله جسمهااا صاروووخ
ريان : ووجهها كلو منمش _ قام من على السرير وقف عند باب الحمام ووجه كلامو لفادي _ فادي اقفل الستاره
فادي قفل على نفسه الستاره إللي عند البانيو ودخل ريان الحمام غسل وجهه وخرج
ريان يسوي رياضه : احس جسمي مكسسر
زياد :من النومه إللي نومتها زي المعوقين يالطييف
ريان : اقولك ماحسيت بنفسي بس تصدق المكان هنا مريح
زياد : من جد خالي علييه اصلا تصاميم اوووف شي تصدق فكرت اقولو _ سكت لأنو كان عاملها مفاجئه لهم _ اممم نفسي اسافر لبنان
ريان : فكرت تقولو نفسك تسافر لبنان ؟
زياد : لا كنت بقولك شي بس نسيت المهم انا مره غثيت من بنات جده وابغى اسافر
ريان : رجلي على رجلك
زياد علا صوته : فاادي إيش رايك نروح لبنان
_ بلهجته اللبنانيه _ مشتاء للضيعه
فادي وهوا يلبس في الحمام : ماعندي مانع كلم عماد ونروح
زياد : خلاص اوك اسبوعين بالكتير ونروح
فادي خرج من الحمام وهوا ينشف شعره طوله لحد اذنو مره ناعم ولونو بني فاتح ووشويا بشره فادي سمرا مره فاتحه بعكس ريان وزياد إللي بشرتهم بيضاااا
ريان : مو قبل 3 ايام قاصص شعرك ؟
فادي تعب من شعرو يتكلم وهوا يطالع بالمرايه : نهايتي احرق شعري ,,, يطوول بسرعه
ريان: حتدخل في موسوعة قينيس للآوقات القياسيه
فادي : نهايتي كدا _ رجع شعرو المبلبل كلو على ورى ودخل يدو في شعره ويحركه علشان ينشف _ تبغو تمشو ولا كيف ؟
زياد : يلا قدامي



(( زياد إنسان جذاب قوي الشخصيه مندفع في كل تصرفاته يكره القيود والناس المعقده او الـ غير متحرره ,,في كل شي تلاقي اسلوبه الخاص
جريئ ملفت الانتباه في كل مكان وعايش حياته بطول والعرض نسونجي لأبعد الدرجه واكتر شي يجذبو في البنات المتعه الجسديه لو طفش منها يقطع علاقته منها يعرف كيف يوصل لقلب البنت بس

باإبتسامه غيووور ومتملك بجنوون ويعشق الغنى ))


(( فادي شكلو طفولي وتصرفاته طفوليه اكتر من شكلو انسان واضح شخصيته قريبه من زياد في لفت الانتباه وعلاقاته المتعدده بلبنات هوايته الاستهبال آكتر شي يكرهو الاستقرار
طاايش ماعندو حس بالمسوؤلييه يعصب بسرعه يكره الانسان البارد ))

(( ريان على نياته في كل حاجه انسان يفضل الهدوء لما يكون مزاجو مقفل بس يحب الرقص والهيصه في الحفلات يتعاطف بسرعه مع اي احد فيلو صفات العطاء والطيبه والنبل
مايحب يقول لشخص لا ))

(( عماد اكبرهم واحكمهم واطيبهم اي احد يكون عندو مشكله مايتردد وعلى طول يتصل عليه هوا سبب حل المشاكل ,, اكتر مشكله تواجهه صراحته الجريحه بعض الاحيان
إإللي في قلبه على لسانه
محترم بعلاقاته حدو يمسك يد وحده مايحب الهبل الزايد معتمد على نفسه ))
في آحد السيارت المظلله والواقفه امام آحد العماير ..... ضحكت باإستمتاع تام عن إللي بتسويه ...
رفعت شعرها بكل دلع وهيا تغريه آكتر بحركاتها : بيبي خلاص يكفي
عض على شفتو السفليه وقال بترجي :حياتي مالكي عشره دقايق فين إللي يكفي .. 3 ايام ماأشوفك والله وحشتيني
بعد ماكان هوا إللي يطلب منها سارت هيا بجرأتها المعدومه من الخجل تطلب: شقتك هنا ليش نسوي في السياره ؟؟
ابتسم إبتسامه خبيثه دا إللي يبغاه إنو هيا بنفسها تطلب دا الشي : ماتوقعتك حتوافقي
قالت باإبتسامه جذابه : البيت احسو امان اكتر من السياره
قفل السياره وكآنو ماصدق لقي الكلمه منها : اوكي _ فتح الباب وخرج _
تطالع فيه وهيا تتئملو بكل حب تعشقه وماباقي كتير عشان يخطبها ... من كتر ماتحبو تحس إنها ماتستحق تكون لييه ...
تـــــعـــشــــق شــخــصــيـــته
تـــــعـــشــــق إســلـــوبه في الــكـلام
تـــــعـــشــــق لـــــبــســـــــه
تـــــعـــشــــق هــدوئــه ونــبــرة صــوتـــه
تـــعـــشــق رقـــة لـــمـــســآآآته
ببسآآآطه مـــجنـــونـــة فيـــه مــو هــيــا آول وحـــده تــحس بــدآ الشـــعور إتجـــاهه يــآآكتر إللي يجــوه يلعب بالآولى ويرميها ويلعب في التانيه ويشوتها دايما وهوا على دا الحال
المشكله البنــات عارفــين بـــسـمـعتـــو بـــس نـــظراتـــو إللي تحـــسسهم بضعفـــه تخـــليهم ينســـو إللي سمعـــوهـ عنـــه آو بالآصح يــتــنآآسو لأنـــو لايــمكــن شـخـص بدي
الــبــرائــه تــطلع منــو كــل ديــك المــصـــايـب ......جــآهـ لعنـد جهتها في الســيارهـ وفــتحــلها الــبــآب
رفـــعـــت طرحــتها على شــعـرها وشـالت شنطــتها الجلد الـبيضه الكبيــرهـ ..قفل بــآآب السيــارهـ مــســك يــدهـآ آبتسمت لحــركـتــه هوا ردالها الإبتــسامه
عــارف قــد إيــش دي الحـركـه إللي سواها حسستــها فــي دي الللحــظهـ بالــرآآحه والآمــآآآن
ضحكلها : حاسبه حسابك ولا جايه بطولك
: ههههههههههههههه تتقوع ليش آخده شنطه كبيره ؟؟

دخــل المصعد وقــفل الــبــآب ضغـط عـ دور الـ 2 ..دآر عليـها وحط يدو على وسطها ...
ضحكت بخجل : فارس خلاااص حتى هنااا
فارس اتنهد : آحبك
قلبها دق بسسرعه : مو آكتر مني
رفع خصلها إللي كانت باينه من تحت الطرحه وهوا يتئمل عيونها الرصآآصي ..خشمها الواقف شفايفها البارزه ..ابتسم بحنان
تحب لما يسرح فيها إيش تبغى اكتر من كدا : فاارس
فارس يدخل شعرها تحت الطرحه : عيوني
قالت : المصعد وقف
طالع وراه ورجع ضحك : هههههههههه تصدقي ماحسيت

خـرجــو من المــصعـد ...خرج المفتاح من جيبو وفتح بـآآب الشقة ... ممكن ســآدس مره تدخلها ...تعجبها شقتوو لا مو شقتو خلاص حتسير شقتها كماان
دخــلت ..شغل الآنوار وقفل باب الشــقه ..
طالعت في المكان باإنبهار : وااا غيرت ديكور الصالة
فآرس : حسيتك ماحبيتي الآول
: لا بالعكس كان مره روعه ...بس دا احسوو رايق اكتتر
جلسو في الصاله ربع ساعه وبعدها دخلو غرفة النوم إللي كان ديكورها بذوقها الخاص ...آستئذنت ودخلت الحمام عشان تغير ملابسها وهوا يستناها في الغرفه
خرجت من الحمآم وهيا لابســه قميس آبيض شفاف مرهـ قصير .. كآن جالس على السرير ..جات لحده وقفت ودخلت يدها في شعره القصير وتدلع علييه
آخـــــــــدهـــــــــــــم الــــــــوقـــــــــــت
و
آخـــــــــــــدهــــــــــم الإســــتــــمـــــــــتآآع
ونــسيـــو كـــل شــــي حـــولــــيـــنهـــم مــــرت الساعهـ ولا واحد طفش من التاني هيا تحس بدفا قربه وهوا يحس باأنوثتها جمبو
حآطه رآسها على صدرو ويــدهـآ على بطنو تلمســـو بكل رقــــه
منى : فارس
فارس: عيون فـآرس
منى : كلمت ماما على الموضوع
فارس بهداوه وبرواقه قال : اي موضوع ؟
منى بخجل : داك الموضوع إللي امس اتكلمنا عليه
فارس عارف عن إيش بتهرج بس بيستهبل: منى وربي مو فايق تبغي تهرجي اهرجي ماتبغي خلاص اسكتي
منى سكتت شويا تبغى ترجم الجمله إللي قالها من متى هوا ينفخ عليها ويكلمها بدا الإسلوب ..جلست ولفت على جسمها الشرشف الآبيض لأنو طبعا مو حااطه على جسمها ولاشي
منى : إيش بك بيبي ؟
فارس كآن منسسدح قام عن السرير آخد الشورت من الآرض ولبسه
منى : فين رايح انا بهرج معاك ؟
فارس باإسلوب بارد : رايح استحمى تبغي تستمحي معايا ؟
منى قامت من على السرير وهيا ماسكه الشرشف الآبيض ووقفت قباله : فارس إيش بك ؟؟؟؟
فارس : كلمتي امك على اي موضوع
منى : سيبك من موضوع ماما دحين ..قولي إيش إللي مضايقك ؟
فارس : إيش قلتي لآمك ؟
منى تبغى تهديه : فارس إيش فيك ؟
فارس : لما اسئلك جاوبيني على سؤالي
منى : بيبي كلمتها على الخطوبه بس
فارس : خطوبه إيه ؟
منى مره انفجعت من إسلوبه : خطوبتنا إيش بك ؟
فارس يستغبي : انا وإنتي مخطوبين ؟
منى عصبت : فارس إيش بك لاتجنني
فارس : مدري عنك إنتي إللي بتهرجي بكلام اول مره اسمع بو
منى : فارس مو إنتا قد قلتلي إنتا جاي تخطبني في نهايه شهر 11
فارس : آنااا ؟
منى بخوف : إيش بك يافارس ترى بديت تخوفني
فارس مشي وطنشها .. منى مره عصبت من بروده وإسلوبه الغريب مسكت يدو
منى : انا بهرج معاك لاتروح وطنشني كداا
فارس دفاها ..طاح الشرشف بالآرض بسرعه آخدتو وغطت نفسها وهنا فارس فرط ضحك
فارس يطالع حولينه : هههههههههههههههه ترى مافي إلا انا وإنتي من إيش مستحيه
منى : خلينا في موضوعنا دحين
فارس : انا متى قد فتحتلك سيرة الزواج ولا الخطوبه ياهبله إنتي
منى دموعها في عينها : فآكر لما كنت عند سوزان وك
قطع كلامها صوت ضحكتو الإستفزازيه : ياحلوه صحبتك سوزان كانت على دا سرير قبلك وهرجة الخطوبه يمكن كنت يومها طفشان او تعبان والله مدري بس تصدقي مو فآكر إني
فتحت معاكي دا الموضوع ..._سوى نفسو دوبو يتذكر _ آآآآه إييوا إيييوا صح إنتي إللي قلتلك ابغى اخطبك بس مستني آبويا يستقر وضعه
اولا يامخ ابويا متوفي ... تآنيا قد قالتلك نجوى ابعدي عني ومارضيتي تالتا والآهم انا عمري ماحبيتك
يهرج ودموعها تنزل على خدها من كلامو إللي صدمها اتمنت إنها سمعت كلام الناس وماحبتو اتمنت إنها سمعتهم وماتجننت وسلمت نفسها ليه مسكت يدو : فآآرس لاتكدب عليا
إنتا وعدتني تتزوجني
فارس بآسف يهرج : سوري واللهي بس إلا في دا الشي انا ماأصدق في وعدي
منى تهرج باإنفعال : إنتا وعدتني إنك تتزوجني انا سلمتك نفسي لآني واثقه فييك واثقه إنك حتجي عند بابا وتقولو ابغى منى دحيين إيش تبغااني اقلهم
فارس : قوليلهم فارس ماات
منى : لاتهرج كداا إيش بك اليوم إنتا آكييد فيك شي
فارس : ههههههههه والله مافيا شي بالعكس إنتي اليوم روقتيني زيااده حفتقدك على السرير بس خلاص خيرها في غيرها
منى آعطتو كف مع العصبيه ... مسك يدها وقربها لحدوو وهوا معصب : يدك دي اكسسرها لو خايفه تقوليلهم إنك مو بنت انا اقدر اساعدك في دا الموضوع
ساب يدها وفتح درج التسريحه خرج فلوس وكرت ورماها في الآرض : دا الدكتور طلال صاحبي حيرجعك بنت لو تبغي والفلوس خديها تسوي العمليه
دخل الحمام من غير مايتناقش معاها اكتر من كدا انهارت في الآرض وهيا تبكي على حالتها على غبائها وتخلفها شافت اليوم وجه إللي الكل حذرها منو وهيا ماصدقتهم
الحب كآن عميها تماما .
Ψ moda3bat la4e3aΨ


××× القلب إللي بيجرحنا في حاجه آكيد جرحاه ×××× في " درة العروس "

جالسه قدام البحر لابسه جينز آسود وتيشيرت كت برتقالي غامق مكتوب عليه بالخط العريض up باللون الفصفوري & down باللون البينكي الآيت ....
وفاتحه شعرها الآسود الطويل وحاطته على جنبها اليمين
تغني بصوتها الناعم وجمبها صديقها رامي يعزف بالجيتار
" خليني معاك اوعى تسبني حبيبي انا نفسي ارتاح انا شوقي ليك بيعزبني
انا عمري ابتدى بلئاك انا نفسي اعيش عمري بحالو ولا يشغلني حبيب إلا انت انا عشت سنين
وانا اشوف لهفتي في عنيك وفضلت كتير وانا اتمنى وكل منايا الائيك "

وقف عزف علـ جيتار
رامي يطالعلها بنظرات غريبه : شكلك اليوم متغير مره
ريناد غيرت الهرجه : دحين الآغنيه إللي الفتها معاك ايش ضفت لها مؤثرات
حط الـ جيتار على جمب ووقف
ريناد : إيش فيك
رامي مد يدو : قومي دقيقه
ريناد باإستغراب : على فين ؟
رامي بصوت هادئ وطبعه الرومنسي :هاتي يدك
ريناد قامت بنفسها,,,, ونفضت نفسها من الرمل
رامي مشي وهِيا وراه وراح لين مكان العاب الآطفال كان مظلم ومافي آحد
ريناد استغربت من تصرفاته : رامي إيش فيك اليوم ؟؟؟
رامي جلس علـ مرجيحه وريناد جلست في المرجيحه إللي جمبو وتحركها بشويش
رامي : رنودتي ابغا اقولك شي
ريناد تلعب برجلها في الرمل : ترى خوفتني إيش فيك
رامي بتردد كبيير : آ آ نـ ..ـاا . آ.آحـــــــبــك
ريناد عمرها ماتوقعت إنو ممكن يقول دي الكلمه "وقفت المرجحيه " : .رامي .. انت عارف انـو إحنا فريند لآكثر
رامي : بس الفريند ممكن تتطور علاقتهم لحب
ريناد : بس انا اعتبرك زي آخويه
رامي ماهمو الكلمه إللي طلعت من فمها : ريناد انا احبك افهميني
ريناد وقلبها يدق بسرعه : رامي بليز لاتخلينا نخسر بعض
رامي متوقع دا ردها وقف وقال إللي في قلبه وكآنو انفجر مره وحده :
سوري ياريناد بس انا سبت آشياء كتير عشانك _ من كل قلبه _ انا احبك ,,,اترددت اقولك ولا لأ بس من جد مآقدر اصبر اكتر من كدا فكري في الموضوع
وعلى فكره انا عمري ماعتبرت علاقتنا صداقه ,,, إدا مصره انو إحنا إلا الآن فريند هدا آخر يوم حتشوفيني فيه لأني اتعذبت بما فيه الكفايه
ريناد مو مستوعبه إللي دوبو صار : رامي .. راااااااااااااااامي
مشي ولا رد عليها ... راحت تجري وراه لايمكن تنسى كل إللي كان بينهم
ريناد : بليز اسمعني
رامي وقف معطيها ظهرو ولاتكلم ولا كلمه
ريناد : رامي 8 شهور تروح كدا
رامي دار عليها :ريناد _ آشر على نفسه _ انا مو حيوان كل يوم اشوفك وكل يوم اسمع صوتك عمري ماسويت شي يجرحك
او يكرهك فيني اتحدى لو لقيتي واحد ممكن تخرجي معاه وبدا المنظر ومايلمس حتى يدك انا قلت
فكري في الموضوع ولا آقول خلاص خلاص
ريناد شويه وتبكي : لا مو خلاص
رامي ضحك بإستهزاء: ليه ايش بتسوي يعني ؟؟ .." لما طول سكاتها وعرف انو ماعندها شي تقولو " ....
... المهم انتهى الموضوع مع سلامه .._ مشي وبعدها افتكر شي وقال بصوت عالي _..رنودتي انتبهي على نفسك
ريناد شافت رامي يبعد عنها لين ماختفى وجلست تبكي آخر شي كانت تفكر ممكن يصير دا الشي
ويعترفلها رامي بحبو الفتره الآخيره اتغير مره عليها وماصارو يتقابلو كتير ودحين عرفت ليه
خرجت جوالها من الشنطه واتصلت على my twin ~~
ريناد " تبكي " : الـ......ـو
ريناد بين شهقاتها : ميشو تعالي بسرعه ... في درة العروس
Ψ moda3bat la4e3aΨ

جالسه في غرفتها على السرير وتقلب في المجله بعنف وترميها في الآرض وتاخد التانيه
وتقلب في الصفحات وترميها ماتدري ايش تبغى بس تحس بنقص جواها افتكرت كلام ندى
(( بكرى حكون في الإستراحه ترى مره فله تعالي بس نرقص ونتسلى ونرجع ))
:: مو دا مستواكي ياشموخ مو دا _طالعت في الجوال افتكرت كيف بدآت تخرج مع الشباب _
: بسبب دا الشي إللي بيدي سويت آشياء عمري ماتوقعت إني ممكن آسويها
كانت تبغا تكسره تحرقه المهم إنها تبعده عنها
بس دق بيدهاا Ranoo يتصل بك ردت علـيها
شموخ بدون نفس : خيرررر
شموخ بخوف : طيب انتي فين ؟؟؟
قفلت الجوال وقامت مصربعه تغير الترينك ولبست جينز وبلوزه واخدت عبايتها وخرجت من الغرفه
....: شموخ على فين رايحه
طالعت فيها بإستحقار : ماعتقد إنو دا الشي يخصك
... : ابوكي لو عرف إنك خارجه الساعه اتنين الليل إيش حيقول
شموخ : هههههههههههههههه والله انك تحزني انا مو عارفه إنتي إلا الآن ليه في البيت مع إنك
تعرفي إنو بابا ينام مع عشره زيك في اليوم الواحد من جد الله يصبرك بااي
خرجت لقت السواق يستناها دخلت السياره وراحت لدره
بعد ساعه وصلت دخلت تدور عليها شافتها جالسه وتبكي عند البحر راحت تجري عندها
: ريناااااد
ريناد قامت من مكانها وراحت حضنتها وزادت بكي
شموخ انفجعت : حبيتي رنو إيش فيه ؟
ريناد ماردت عليها بس بتبكي
شموخ : تعالي اجلسي وفهميني الهرجه
شموخ : يلا قوليلي ايش صار
ريناد تبكي وتهرج : رامــ..ـ....ي
شموخ بشهقه : مات
ريناد ضربتها على ظهرها : فال الله ولا فالك
شموخ : بلا شوفي نفسك بتبكي كآنها امك انشلت

ريناد ضحكت : خلاص انتي محد يقدر يشتكيلك
شموخ : اقولك إيش صار ؟؟ يكفي إنو كنت بنام وقمت عشانك واتضارت مع الشبشب إللي في البيت بسببك يلا قولي إيش فيه رامي ؟؟؟
ريناد مسحت دموعها : سابني يقول انو هوه يحبني ومايقدر يعتبر إللي بيننا صداقه وإنو ترك اشياء كتيره عشاني وكلام ماعرف كيف
شموخ : طيب إيش المقطع بزبط إللي بكاكي
ريناد عصصبت : شمووووووووووخ بلا
شموخ : يابنت ياحماره صراحه شايفه الموضوع طبيعي ومايستاهل دا كلو
ريناد :إيش مايستاهل ياشموخ انا اتعودت عليه كل يوم اكلمو واتصبح عليه نخرج نفطر و نتغدى او نتعشى ماقدر اتوقع نفسي بدونو
شموخ : يعني صار روتين يومي
ريناد : اممممم تقدري تقولي كدا
شموخ : حجيبها من النهايه فاكدا بسئلك إنتي تحبيه ولا لأ
ريناد : اكيد احبو بس مو الحب إللي هوه متصوره يعني حب صداقه
شموخ : دام انو فريند خلاص تقدري تجيبي عشره زيو انتي اتعرفي وشوفي
ريناد : انتي عارفه إني ماحب اتعرف ودا رامي بالغلط وبعدين لايمكن اثق في واحد زي رومي
حتكملنا سنه عمري ماخفت منو وهوا معايا دايما يحسسني بالآمان تصدقي حتى يدي ماقد لمسها
شموخ : اليوم مالمسها بس بكرا غصبا عنك حيلمسها ريناد ترى الشباب مافي فقلبهم رحمه اهم شي نفسهم حتى لو حبو يضعفو
وممكن يسو اشياء فضيعه يعني لاكلمه فريند حتفيد ولاغيرها دام مايعرف غيرك وانتي ماتعرفي غيره
ريناد : يعني ؟
شموخ :شوفي قدامك حلين ياإما تبعدي عن الشباب عامتا او تتعرفي على كدا واحد يعرفو عشره زيك
ريناد : بس
شموخ قاطعتها: لابس ولا شي روحي بيتك واحذفي رقم رامي وكل شي يذكرك فيه وفكري بزبط إيش تبغي
ريناد نزلت عينها في الآرض وسارت تلعب بالرمل وتكتب رامي
شموخ خربطت الرمل بيدها : مافي رامي خلاص
ريناد نزلت دموعها : بس حيوحشني
شموخ : انا عاذرتك لأنها اول علاقه ,, يلا قومي خليني اوصلك البيت
ريناد بقلة حيله : طيب
شموخ : يلا ورايا ^_^
ريناد متضايقه : خلينا شويه نمشي
شموخ : اصلا السياره بعيده ,, حاسه شكلي مرره غلط وانا في الدره ولابسه عبايه
مشيو والإتنين ساكتين
لين ماسمعت ريناد صوت ضحكه شدتها ....وقفت في مكانها مو مستوعبه هادا من جد هوا
شموخ : إيش فيكي
ريناد آشرت بيدها وهيا مو مصدقه إللي شايفته : شوفيه
شموخ: شوفي كيف يضحك شلل إن شالله
خمسه شباب حولينه وكلهم يسلمو ويباركولو
ريناد : إيش صاير
جاه واحد من ورا ريناد يناديه
رامي طالع فيه والإبتسامه شاقه وجهو واختفت من يوم ماشاف ريناد
الولد جاه لعندو وسلم عليه : مبرووك وآخير الرومنسي حيتزوج وربي ماصدقت يوم ماعرفت ... يلا عقبالي ياشيخ
ريناد من يوم ماسمعت ((حيتزوج)) نزلت دموعها غصبا عنها وفتحت عينها على وسعها
رامي يسلم وعيونه على ريناد ومارد علـ ولد إللي سلم عليه مو قادر يروح لها ولا يتكلم معاها حس نفسو صلب في مكانه
بس الكل لاحظ نظراتو علـ بنت إللي بتبكي وحتى عينو مانزلت الآرض
الكل سكت وصارو يطالعو في رامي والبنت إللي قدامو
شموخ سحبت ريناد وبعدت عنهم : خلاص ياغبيه لاتبكي لاتحسسيه بضعفك طززز فييه
ريناد حضنت شموخ وقفلت عيونها بقوة : حيتزوج ياشووشوو
شمو خ حضنتها اكتر وريناد تشهق بالبكاا : رنو الله يخليكي يكفي عشان تعرفي إنو كلهم كدابين وماعندهم هرجه
ريناد : مو بيدي .. طيب ليه يقولي احبك دام حيتزوج
شموخ قلبها اتقطع عليها : سيبيكي منو
ريناد زادت بكى وقال وكآنها مو مصدقه : دوبو والله قلي احبك وربي دوبو
شموخ : سيبيكي منو بكااش
ريناد متآكده لايمكن يكون يكدب عليها تعرفو اكتر من نفسها في حياتو ماكدب عليها في حرف : والله مو كداااب
شموخ : خلاص ياااقلبي
ريناد سكتت وصوت شهقاتها تعلى في المكاان
شموخ بعدتها عنها وسارت تمسح دموعها : يانصابه دا البكي كلو وتقولي ماحبو
ريناد بخجل وبنفس الوقت بآلم : آحبه إيوا احبه بس ماكنت ابغى اقولو مابغى اعلق نفسي فيه اكتر من كدا
:رنودتي
ريناد غير إنو شدها الصوت شدتها الكلمه هوه الوحيد إللي يزهمها بدا الإسم
رامي : اسمعيني
ريناد مسحت دموعها ودارت عليه وسوت نفسها قويه مع إنها العكس تماما : إللي سمعتو اعتقد كفايه
رامي يبغى يبرر موقفه: لامو كفايه .... انا ماخطبت إلا لما عرفت شعورك تجاهي
ريناد ضحكت غصبا عنها وقالت بإستهزاء : آها ماشالله متى لحقت تعرف شعوري ,وتخطب, وتنشر الخبر, كلها في النص الساعه دي
رامي نزل عينو علـ الآرض وقال : صراحه انا احبك _ سكت شويا وبعدها قال _ بس لايمكن اعلق نفسي في وحده اتعرفت عليها عن طريق الكباين

شموخ بينهم ولاتكلمت ولاكلمه وبنفس الوقت ماتبغا تبعد عن ريناد وتسيبها لوحدها
ريناد حاولت تمسك نفسها واستغربت من كلامه لأنها إللي تعرفه إنو اهلو مره فرري ومتحررين في كل شي (( دا مو راامي )) : طيب ايش لزمه الدرامه إللي عملتلي هيا قبل شويه
رامي : انـ
ريناد قاطعتو : علـ عموم ماقدر اطول معاك في الحكي لأني عرفت إنو انا مو من مقامك ياسيد رامي دام إني حقت كباين تصدق عجبتني الكلمه يلا ياشوشو
ريناد مشيت وجاه رامي يلحقها ومسكها من يدها ... ريناد سحبت يدها
ريناد : إيش تبغى مني مو خلاص اتزوجت مدري حتتزوج
رامي : ابغاكي تسمعيني
ريناد مابين اسنانها ودموعها في عينها : قلتلك إللي سمعتو كفاايه _ مشيت وطنشتو _
رامي مسكها من كتفهاا
طالعت ريناد في يدو مومستوعبه الحقاره وصلت فيه يمسكها بدي الطريقه
رامي بعصبيه : انا ماخلصت كلامي
شموخ خلاص وصلت معاها ساكته ساكته تبغا تشوف لين فين يبغى يوصل مابقي إلا يعطيها كف قربت من ريناد واعطتو كف محترم خلتو يبقبق عينو وريناد حطة يدها على فمها وشهقت مع قوة الضربه آما شموخ ابتسمت وببرود
قالت : انا شموخ صحبتها معلومه بسيطه عمري ماشفت بحقارتك يامعوق فآحسن لك ترجع لشله الشباشب حقونك لاتخليني افضحك واكَرِهك في عمرك وآوريك بنات الكباين إيش يسوا
وسحبت ريناد للمره التانيه ومشيت وهوه في مكانو ولاتحرك
وصلو لعند السياره وقتها ضحكت ريناد
شموخ رفعت حواجبها بإستغراب : سلامات
ريناد زادت ضحك وعيونها مليانه دموع : عجبني الكف
شموخ ضحكت وغمزتلها : آعجبك
ريناد : وربي شويه بردتيلي قلبي
شموخ بقرف : هوه كمان متخلف
ريناد ماتبغا تتكلم عنو كتير : اركبي إركبي
دخلو السياره وكل وحده تفكر مرت ساعه وهما عالقين في الزحمه
والهدوء طاغي علـ مكان
قطعت تفكير ريناد صوت شموخ : ممكن تغني
ريناد : إيش تبغي آغنيلك
شموخ : إممممم قد سمعتي اغنيه محمد حماقي افتكرت
ريناد : يس مرره تجنن
شموخ : ماسمعتها بس قالولي كتير إنها خطيره سمعيني هيا لو حافظتها
ريناد : إحم إحم طيب آسمعي (غنت بصوتها الدافي ) > حياتي وهوا مش فيها سنين عدت رضيت بيها وفاكر لو ئبلت عنيك عادي جدا حعديها وآديك يلي افتركت نسيت قبلتو الليله وا
تهزيت طيب ازاي في حاجات بتموت وتجي الصدفه تحييها وافتكرت لما جات عيني في عينو سنيني معاه وافتكرت وعد كان بينني وبينو زمان خدناه وافتكرت مسكتو في ايدي وايدي خلاص سيباه
اوصاد عيونو محتاره يقرب ولا يداره جاه اليوم إللي اشوفو انا فيه ومابنتكلمش ياخصاره دي صعبه عليا واعمل إيه مافيش في إيديا شي تاني خلاص اهوو اسمو شفت عنيه عشان دي بجد وحشاني << شو رايك
شموخ : جيده
ريناد : حلم حياتي اشوف محمد ولا إنريكي قدامي مدري إيش ممكن يسيرلي اعتقد يغمى عليه
شموخ : هههههه لاتخافي ماحيصيرلك شي لأنك ماحتشوفيهم
ريناد : تقوليلي .._ تبغى تهرج عشان تنسى شويا _ إيوا شفت آمس سحر وجلسنا نتكلم وفتحنا سيرة اختك ماريا تخيلي في مين
مشبهينها
شموخ بملل : خوله إللي في ستار .؟
ريناد : ههههه إيوا إيش بك كدا تقوليها
شموخ : لأنو كل من يشوفها يقول تشبهي خوله مع إنو خوله ماعندها ملامح
ريناد : ممكن جسمها وشعرها زيها ونعومتها
شموخ وكآنها مو مستوعبه الكلمه إللي قالتها ريناد : ماريا نعومه ؟
ريناد : هههه لا لا شكلا بس
شموخ : احسسسب دي البنت اجحش منها ماافي ,,, لو تبغيني اجي معاكي البيت عادي
ريناد بكذب: لا عادي اصلا مو مهتمه فيه ****

(( ريناد مدلعه تصرفاتها انثويه وحساسه مره عاطفيه داافئه جدا وخجووله رومنسيه تحب الغنا شخصيتها جذابه هادئه تخاف من كل حاجه
ماتحب تغامر في اي شي آكتر شي تحبو الشوبينق))

(( شموخ شخصيتها كلها حيويه ومرح بس للآشخاص إللي تعرفهم قويه وثقيله بعض الشيئ تحب كلمتها هيا تمشي على الكل ومايترفضلها طلب مياله للسيطره
تتنرفز وتعصب بسررعه دمها مره حار ماتحب احد يخفف دمو او يثقلو زياده عن اللزوم كل شي تحب تديرو بنفسها وعلى طريقتها الخاصه ))

(( رامي إنسان متفتح رومنسي لأبعد شي لدرجه أنه لايفرق بين الرومنسيه والواقع عااشق حسااس حنون و رقيق لطيف جدي وصادق في كلامه جاذبيته تكمن في هدوئه و تحفظه مما يجعل الاخرين متشوقين لمعرفته
مشكلته انو يدع قلبة يتحكم في عقلة ))
Ψ moda3bat la4e3aΨ

في آحد البيوت الشعبيه القديمه
غرفتين وحمام متقاسمينها ثلاثه اشخاص في اللبس والآكل والنوم
جالسه على الآرض طفشانهـ من حياتها حافظه كل شي في الغرفة من كثر ماتتئملها
نفسها تعيش زي البنات الباقين .... من غير ماتشوف الذل والحرمان
إللي بتشوفو دحين .
..: حـــلا .... حلاا ا ....حــــلااااا
حلا إنتبهت على آمها إللي بتناديها : إيوة
آم حلا :فينك من آول بناديكي
حلا بإستهزاء: في الحديقه يعني فين حكون في الغرفه
أم حلا : أخوكي إيش فيه آتاخر
حلا : مدري
أم حلا : طيب روحي أتصلي عليه من عند الجيران
حلا : طفشت وأنا رايحه وراجعه من عندهم ..إنتي دحين نامي وإن شالله شويه ويرجع
أم حلا :وأنا أقدر أغمض عيوني وحسام مو في البيت
دق الباب
حلا قامت من مكانها : هذا اكيد حسام
راحت تفتح الباب
حسام كان شكلو تعبان : السلام عليكم
حلا : وعليكم السلام
دخل وسلم على راس امه : ابغى انام
أم حسام: بسم الله عليك ياولدي إيش في صوتك كدا متغير ؟
حسام : لامافيا شي بس أبغى انام ليا يوم كامل وانا صاحي
أم حسام : حلا روحي جيبي آكل لأخوكي
حلا ضحكت : آي آكل ياحسره هو في شي في البيت أنا من أول صاحيه متعشمة إنو
حسام حيرجع ومعاه شي آكلو
حسام :ماليه نفس تصبحو على خير
آم حلا : وإنت بخير
أم حلا : حلا وين عصايتي أبغى اروح أنام
حلا راحت تجيب العصايه لأمها : خدي
قامت ام حلا وراحت الغرفة التانيه
آما حلا كانت تتآملهم وتتخيل لو كانت حياتها أحسن من كدا وتبتسم على الآفكار
إللي كانت تتخيلها
مرت ساعه وهيه تحلم ضحكت على نفسها :حلم إبليس في الجنه ياحلا

(( حلا جلستها في البيت ممكن غيرت كتير من شخصيتها وجعلتها تميل للغباء شويااا لاكن حتتعرفو عليها اكتر لو خرجت من القوقعه إللي عايشه فيها ))

Ψ moda3bat la4e3aΨ


في مرسى الآحلام مع فتاة أحلامه سابقا ..
نفسو يرمي أي شي في وجهها عشان تسكت
(( مكينة ياساتر )) .. (( إسكتي الله يرحم أمك وأبوكي )) ..(( يارب ينزل صاروخ ويقصف دا المكان كلو ))
هيا بتتكلم وهوا في عالم تاني يبتسم كل مايفتكر كيف حيقطع علاقتو فيهاا
(( ههههههههه بس كيف حتكون ردة فعلك ))
اليوم كمل له شهر معاها واليوم حينهي الموضوع .. خرج سجاره وولعها
أما هيه إلا الآن ماسكتت هرجها كلو ضحك وصوتها زي صرصار الليل مزعج وييصدع الراس .... وصلو مسج علـ جوااال فتحوو
وهيا برضوو بتتكلم >> الرساله >> هههههههههه بسرعه ترى متحمس بس بليز قولها إقلبي وجهك بلييييييييييييييز
روان تهرج وهيا منفعله وتحرك يدها يمين وشمال اغلب إللي في المكان دخلو معاها في الهرجه : وولد خالي شافني قام قلي اتغطي يابنت انا نفسي اعرف شايف نفسو على إيه شكلو زي
رفع عينو عليها وهوا مبتسم
من غير مقدمات قاطعها وقلها ببرود تام : ياأوومي خلاص _ اشرلها بيدها يعني قومي _ قومي قومي واقلبي وجهك من هنا يحقلو ولد خالتك مايطيقك
روان مو مستوعبه إللي سمعتو : هــا
حرك شفايفه ببطئ : قلت أقلبي وجهك سمعتي ولا لأ
روان " مصدومه " : سراج إيش فيك ؟
سراج :ماتفهمي إنتي إنسانه مريضة تدري لو أحد يبغى يعذبك إيش يسوي
يسكتك 3 دقايق ههههههههههههههههههه
روان علامات الصدمات كلها في وجهها
روان : ســـرا
سراج : ايش تبغي أقولك آكثر من كدا خلي عندك شويه كرامه وروحي من هنا
روان إلا الآن جالسه وماتحركت سراج طفى السيجاره وحرك يده "" يعني روحي ""
حركتو مره آستفزازيه قامت من الكرسي وهي معصبة قالها سراج : هيي بقولك نصيحه أعطي لي لسانك بريك آرحميه الله يرحمك
مو عارفه تبكي ولا تصرخ في وجهو دايما معاها رومنسي ودحين كدا يقلب 180 درجه
مشيت على بالها بيلحق وراها ويقولها آنا آسف بمزح معاكي ولا أي حاجه ماتوقعت يكون جدي بكلامو
ومن جد سمعتو يناديها من بعيد ويلحق وراها
سراج : رواان .. رواان .. رواااااااااااان
روان (( هههه كنت عارفه )) مسويه نفسها معصبه : خـــــــــــيــــــــــر
سراج مد يدو وهوه شايل شنطتها وابتسملها : خذي شنطتك آنا قلت أعطي للسانك بريك مو " آشر على راسها " ليور برين هههههه
روان خلاص وصلت معاها سحبت منو الشنطه بقوه : تصدق إنت إنسان مره وقح ومنحط و****
سراج آعطاها ظهرو ومشي بس قال بصوت عالي : الرد على السفيه مذله
روان عيونها طلعت من مكانها : هدا كلو وطلعت في النهايه أنا السفيها طيب ياسراج
رجع على الطاوله واخد الجوال واتصل : يلا تعال
دقايق إلا جاه صاحبه
ياسر : وآخيرا
سراج : ههههههههه والله فاااتك لو تشوف كيف وجهها صار هههههههههههههههه
ياسر : يحقلها والله فشله هههههههههههه أنت مدري كيف كنت مستحملها بعص الآحيان آشك إنك تحبها
سراج : دي احد يحبها ؟
ياسر : مدري عنك

(( سراج انساااان ماعندو مشاكل في حياته فلوسه تجبله وتوديه في اي مكان وكدا ماهمو احد ,, بس عصبي ولو عصب مايحس بكلامه والالفاظ إللي تخرج من فمه ,,
مدمن دخان ممكن يجن لو ماخد حوالي 20 سجاره في اليوم ....طااايش واللي في راسو يسوويه ولو كان مستحيل ,, في عينو الحياه قصيره فلا تضيعها في الهرج الفااضي ))

(( ياسر صاحب سراج مره طيب ويتآسف بعض الاوقات على حياة سراج ))
Ψ moda3bat la4e3aΨ


(( جــــــــــــدهـ غــــــــيـــــــــــــــــــر ))

جميع الشوارع مزدحمه ومضاءه بالألوان المختلفه " أخضر ..أحمر ..برتقالي ." حول الإشارات والأشجار
غير إضاءات المطاعم والملاهي ..
بطير من الفرح .. مبسووطهـ مو عارفه توصف إيش تحس في دي اللحظه مو مصدقه إنها حتعيش في جد ه
آحلا مكان عندها لها سنين ماتجي جده ودحين حتعيش طوول عمرها هناا
عـــــهــــــــد
وااااااااااااااااااااااو جنااااااااااااااان خيااااااااااااااال تطالع في الناس كيف في آخر الليل والدنيا كدا
نفسها تخرج من السياااره .... كل مايمرو من جمب ملاهي يسمعو صريخ البنات والشباب وفي الشوارع أصوات البواري
والآغاني والبحر ضحك ولعب بالصواريخ
عهود " بصوت واطي " : عهد شوفي
عهد : وااو يجنن
عهود : لا ياغبيه قصدي إللي جمبو
مشيت السياره
عهد : خساره ماشفتو إحنا كيف كنا عايشين شوفي الناس
عهود : ان شالله كم يوم ونصير زيهم
عهد : والله نفسي اخرج من السياره .. نفسي اروح البحر
عهود : هانت هيا أول الآيام حنتحبس في البيت تنظيف وترتيب وبعدين حنبدأ " لحظات الإستكشاف "
عهد : والله ماحسيب ولا مكان
عهود : لاتحلفي شوفي بابا كيف قالب خلقتو شكلو مو عاجبو الوضع
عهد : مع نفسك وربي ماهمني آخرج وقت ماينام وآرجع قبل لايصحى
عهود : طيب طيب
عهد : والله لأسويها
عهود : طيب نشوف
وقفت السيارة من الزحمه
مر واحد مكدش شعرو ولابس طيحني
معاذ : ههههههههههههههههه بابا شوف دا قولو يرفع بنطلونو سروالو بااين
أبو عهد " بضيقه " : شكلو حنتعود على هدي الآشكال الله يعين
مشي الولد من الجهه إللي جالسه فيها عهد وإبتسملها وراح ..
عهد بغى يغمى عليها
عهد بصوت يادوب ينسمع : شوفتي إللي شوفته آآآآه ياقلبي
عهود :ويععععع ماأحب دي الآشكال
عهد : أقول انبكمي إنتي تبغي واحد مايلبس إلا ثوب وشماغ بطلي عوق
عهود : ياأمي رزه مو زي أشكالك البلوزه كأنها حق أختو والبنطلون مابقي شي حتى يفسخ ولا الشعر حدث ولاحرج
عهد : بالله اسكتي
عهد : شوفي دي الشلال شكلهااا خطير
عهود خلاص طفشت من عهد : خلاص زي المفاجيع كآنو عمرك ماشوفتي شي
عهد : ياااربي حتى محد يقدر يتكلم معاكي
طوول الطريق وهما يعلقو على كل شي .. ويتضاربو
بعد ساعتين من الزحمه
دخلو آحد الآحياء الراقيه مرت من جنبهم سيارة بي إم دبليو سودا
عهد طبعا مايفوتها شي قنصت على إللي يسوق
عهد بصوت عالي : وااو
ام عهد : إيش في ؟؟
عهد "ارتبكت " : ها لابس تصميم الفلل مره رووعه
عهود : إيش فيكي يامتخلفه
عهد : فااتك ..لاأستطيع أن أتحمل ... آي كانت بريذ
عهود : بطلي سخافهـ
عهد : وربي فاتك .. كدووش يزنن
ابو معاذ : يلا وصلنا .. هذا بيتكم الجديد
عهد " بفجعه ": إحنا هنا حنسكن ؟؟
عهود : ماسمعتي بابا إيش يقول ولاتستعبطي
عهد : يابنت الآدمي إللي شوفته يمكن يكون هنا ساكن
عهدو طالعتلها بإستحقار : يعني ا ي احد يمشي من هنا يكون ساكن في نفس المكان
عهد :تفائلو بالخير تجدوه
أم عهد : بنات يلا أنزلوو وشيلو اغراضكم معاكم
نزلو وعملو دوره في البيت
عهد : I like it
عهود : ME TOO

(( عهد طفوليه ماعندها كنترول في نفسها تتحمس دايما للمصايب فيها شويه هبل شخصيتها جذابه ومرحه تحب تضحك طول الوقت متسرعه
ممكن تسوي اي شي عشان تنبسط وتجرب شي جديد حتى لو كان نهايته ينقلب ضدها ))

Ψ moda3bat la4e3aΨ


جالس في السياره ماله نفس يرجع البيت
طالع في ساعه : والله بدري لسه خمسه ونص حرام ارجع
اخد جوالو واتصل : الوو... هلا قلبي ... انتي فين..... آهااا دقايق واكون عندك
Ψ moda3bat la4e3aΨ

وقفت السياره عند البيت
شموخ : آشوفك بكرا اوكي
ريناد : طيب ,, يلا با ي
شموخ : باي
خرجت من السياره بسرعه دخلت البيت جالسه تدعي إنو الكل يكون نايم
فتحت الباب ولقت الجو هادئ راحت الغرفه إللي دايما امها تجلس فيها
حطت يدها على قلبها :اووف الحمد الله نايمه
طلعت الدور التاني راحت غرفه اخوها هوه دا المشكله لو كان في البيت فتحت باب غرفتو لقيتها مقفله : اكيد مو في البيت
دوبها بتروح غرفتها إلا
سمعت صوت الباب إللي تحت ينفتح وهوه داخل ويغني
(( اكتر حاجه بحبها فيكي هوه دا هوه دا قلبك واكتر حاجه شدتني ليكي هيه دي هيه دي طيبة قلبك ))
: الآخ طربان
راحت بسرعه غرفتها وفسخت عبايتها
جلست على السرير وجابت الاب توب وفتحتو وحطت السماعات في آدنها وانسدحت على بطنها
مرت خمسه دقايق سمعت صوت باب غرفتها يدق لازم من يوم مايرجع البيت يجي غرفتها يشوفها في البيت ولا لأ
.... : رنوو ؟؟
ريناد : آدخل
...: هاي
ريناد قامت وغيرت جلستها :هايات
...: اقوول شموخ كانت هنا ؟
ريناد استغربت من سؤالو : هاا .. ليه ؟؟
....: شفت سيارتها
ريناد : إيوه كانت عندي
....: آهااا اووكي رايح انام تبي شي
ريناد : نو ثانكس
ريناد بتردد : ريان
ريان :هاا
ريناد : امممم ,, ولا اقول ولاشي
ريان : ايش فيكي
ريناد : لا خلاص
ريان : براحتك ,, ترى غرفتي قدامك لو تبي اي شي
ريناد : احلف
ريان :ههههههههه وربي ......يلا تصبحي على خير
ريناد : وانت بخير ^_^
خرج ريان من الغرفه وهيا جلست تفكر بللي صار اليوم ......شافت الجيتار الوردي عند دولابها
آهداها رامي هوا في عيد ميلادها مكتوب عليه ranodty بالفضي نزلت من على السرير واخدت الجيتار وجلست على الكنبه الورديه
وحركت يدها علـى آوتار الجيتار وسمعت الصوت وعلى طول بكيت ,,,
الصوت دا يفكرها بكل الآيام من يوم ماتعرفت عليه لأخر لحظه معاه قطع تفكيرها صوت جوالها من يوم ماسمعت النغمه عرفت مين
قامت واخدت شنطتها وخرجت الجوال وقفلتو ورميت نفسها على السرير وهيا تبكي
Ψ moda3bat la4e3aΨ

وصلت البيت الساعه خمسه ونص
تبغا تنام دخلت البيت ولقيتها في مكانها بس نايمه ضحكت من قلبها : لاتكون دي الغبيه مستنيه بابا
راحت لعندها وهزتها بقوه : هيي انتي ادخلي جوه نامي
فتحت عيونها بشويش : جاه ابوكي
شموخ : هههههه انتي ماتفهمي بابا ماحيجي اليوم ...اعطيكي نصيحه اطلبي الطلاق احسن لك تراه ماعندو مانع
وراحت غرفه اختها :: هادي الهبله نفسي اذبحها
بدون ماطالع عليها متحمسه وجالسه على التلفزيون : طيب دقي الباب اول
دخلت الغرفه ورمت الشنطه علـ ارض ورميت نفسها علـ سرير : ارحمي نفسك من دا الزفت
ماريا : اوصصصص ..
شموخ جلست : دحين دول إلا الآن صاحين
ماريا بملل : آووف منك لا منتي شايفه الساعه خمسه ونص يعني اكيد نايمين هادي اليوميات رؤى سجلتلي هيا عشان ماشفتها
شموخ : آهاا الله يعينك على نفسك
ماريا اتنهدت : آه ياقلبي عليه يجنن
شموخ طالعتلها بإستحقار : انتبهي لاتذوبي ... مين إللي يعجبك ؟؟
ماريا : ريان مره يجنن
شموخ : صح فيه مشتركين سعودين ؟
ماريا :في إتنين بس مالهم حس في الآكاديميه كتيير ... تعالي تعالي شووفي اليوميات معايا
شموخ : دقيقه رايحه اغير ملابسي واجيكي
ماريا : اوكي بسرعه عشان ابغى انام
شموخ : قلنا دقايق

(( ماريا شكلها ناعم بس حطها قدامك وخليها ساكته لأنو لو هرجت ممكن تنفجع همجيه شويا في تصرفاتها شكلها يدي إنها بريئ ومالها في حاجه بس العكس تماما لأنها لوحدها تخرب بلد
شخصيتها مره حيويه ماتطفش في كل مكان تنطنط وتلعب إجتماعيه تفرد شخصيتها بسرعه قويه لسانها مافي اطول منو عصبيه وتتنرفز بسرعه لو احد غلط عليها بس بحرف ممكن تقلب القيامه فوقو ))
Ψ moda3bat la4e3aΨ

(( الــــــــــــــــيـــــــــــــــوم الـــــــــــثــــــــــــــــــــــانـــــــي))

آشرقت الشمس من جديد لتحمل لنا المزيد من آشعتها المليئه بالمفاجئات والآحداث
صرخت بآعلا صوتها : لاااا ياااااربي
قام مفجووع من صوتهاا
: إيش فيه
كانت جالسه على طرف السرير وتلبس جزمتها البوت الطويله وهيا مربووشه
سميه: شوف الوقت والله نمت من غير ماأحس لو آخويا صحي ومالقاني في البيت حيقتلني
آتثاوب ورمى نفسو على السرير ماهمو تموت تنحرق آخر همو هيا حتى اسمها ناسيه آهم شي شبع رغباته وخلاص
سميه : زياد قوووم رجعني البيت
زياد : مافيا حيل ابغى انام
لبست العبايه وحطت الطرحه على راسها بإهمال وخرجت من البيت
دق جوالو على نغمة إنريكي push
مد يدو بكسل على الكومدينه إللي جمبو
بصوت كلو نوم : نعم
..................
: هاا ,,, طيب دحين حرجع
...............
: يارربي ابوكي دا قروشه
..........................
: قلت دحين راجع
وقفل الجوال
Ψ moda3bat la4e3aΨ

جالسين في غرفتهم يفكرو كيف دي المره حيقوموا من النوم
...: والله فكرتي حلوه
....:علياء بطلي مجاغه إيش نكبو باالمويه
علياء : يافدغه مويه زي التلج
...: طيب ايش رايك بمويه حاره
علياء : علا انجنيتي تبغي تشوهيه
علا : ياربي طيب ايش نسوي ؟؟
علياء وقفت على السرير علا عرفت إنو جاتها فكره وقفت معاها
علا تنط على السرير بحماس : إيش ..إيش بسرعه
علياء : تعالي ورايه
علياء جريت علـ مطبخ وعلا وراها فتحت الدولاب وخرجت قدر كبير وراحت عند الآدراج وخرجت ملعقه كبيره حديد
علياء : امسكي شوفي حفتح الباب وإنتي بأقوى ماعندك تطبلي وبعدها حفتح الستاير والإستريو اووكي
علا تمسك الآغراض : طيب
راحو غرفت اخوهم علياء فتحت الباب بشويش : إمشي ورايا
دخلو الغرفه كانت مظلمه ولا كأنو ظهر علا دعست على آوراق وطلع الصوت
علياء حطت صباعها على فمها :أوصصصصصصصصصصص
علا وقفت جمب السرير وعلياء واقفه عند الإستريو بدور على cd akon
علا بهمس : بسرررعه
علياء : خلاص لقيتو _ دخلت السي دي وحطت اغنيه smack that وشالت السماعات وقربتها لعند السرير
فتحت بيدها الستارةوبسرعه آشرت لعلا وفتحت الصوت علـ آخير
علا تطبل ومغمضه عيونها من قوة الضرب
استغربوا لما محد أتحرك
سمعو آحد يصفق عند الباب :برافو .. برافو .. والله وكبرتوا في عيني
الإثنين بصوت واحد : عمااااااااااااااااااااااااد
عماد : لاخياله أنا نفسي أعرف أنا إيش مسويلكم عشان كل يوم تقوموني على فجعه
دخل الغرفه علا رميت إللي في يديها وطلعت على السرير وعلياء طلعت معاها
عماد : والله لو مانزلتو لأرتكب فيكم جريمه
علا : جريمه ولا حادث
علياء : ههههههه حلوووه
عماد : بااااايخه علا .علياء قلت آخرجو من الغرفة
علياء : ماأبغى
علا : وانا كمان ماحخرج
عماد : أنا أوريكم .
جاه يطلع على السرير نزلو بسرعه من الجهه التانيه لاكن بسرعه مسك علياء
من شعرها
علياء : آآآآآآآآآآآآآآآآآآآي شعري ياحيوان
عماد ساب شعرها ومسكها من آذنها : عيدي ماسمعت
علياء : قصدي حبيبي
عماد يمشي وهوه ماسكها وهيه تصرخ قفل المسجل وخرج من الغرفه : علااااااا ...علااااااااااااا ...علاااااااااااايااازفت
أمو جاات : يااوا د إيش فيك ؟؟؟
دف علياء على امو
علياء : ****
أم عماد : عيب هذا اخوكي الكبير
عماد رفع صباعو بتحذير :وصلي الكلام لعلا دي المره حسكت بس والله المرة الثانيه
حتشوفو شي مايعجبكم
أم عماد : حرام عليك تحط عقلك بعقل صغار
عماد : هههههههه قال صغار قال أمي هذول البنات ملموسين أعوذ بالله
أم عماد : بسم الله على بناتي
علياء مشيت جمب عماد عشان تروح غرفتها عماد بتخويف حرك رجله
علياء صرخت : آآآآآآآآآآآآى
عماد : ههههههههههههههههـ
علياء: سخيف
عماد : هاا ماسمعتك
علياء بسرعه راحت لغرفتها آما عماد رجع غرفتو وفتح الاب توب وزي عادتو دخل علـ
(( شات )) بنك (( no one like me ))
Ψ moda3bat la4e3aΨ

دق جوالو وهوا على طاولة الآكل وقف وخرج الجوال من جيبو ورجع جلس : ايوا
..............
: تمام
............................
...: لاتشيل هم اصلا انا غيرت كل شي
...................................
...: ايوا صح المباراه اجلوها
.....................
..: بعد بكرا ,,, لا بلله حاول ,,,, خلاص طيب ,,, سلام
قفل الجوال وقام من على الطاوله : حمدالله
فيصل : فارس انت متى حتبطل شغل المباريات دي
فارس ببرود وإبتسامه بسيطه على وجهه : لما اشوفك تنحرق قدامي انت وزوجتك وقتها حبطل
فيصل قام من على الطاوله وقال بصوت عالي : ماحرد على كلامك لأني اعتبرك إلا الآن بزر
بس بذكرك الفلوس إللي بتصرفها على خرابيطك يوم حتخلص والشركه مالك حق تاخد ولا مليم واحد منها
دام مآشوف وجهك هناك ,,فآنا بقولك من دحين الحق على نفسك احسن
فارس ببرود : اعصابك لايطقلك عرق يلا سلام
فيصل : هييي انا بكلمك
فارس : وانا مو فاضي اسمع كلام تافه زي دا
نزل فارس لغرفه امو ودق الباب : ممكن ادخل
... : ادخل
(( امو كبيره في السن كانت جالسه على السرير وبتقرآ قرآن ))
..قفلت القران : صدق الله العظيم
سلم عليها وحط راسو في حضنها وسار يلعب بطرف طرحتها إللي على كتفها وهيا تمسح في شعرو وتقرا عليه
اتعودت عليه كل مايكون فيه شي يجي في حضنها ويفضل ساكت "باس يدها " : الله يخليكي ليا
انفتح الباب بقوه وانخبط في الجدار
ام فيصل : بسم الله ,,ايش فيك يافيصل
فيصل : فارس
فارس ولا كآنو سامعو مغمض عينو وساكت
فيصل بصوت اعلا : فاااارس
فارس :وات ؟
فيصل : عيالي لو تقرب منهم ياويلك ,,,,, فااهم
فارس غير جلسته : لا مو فاهم .. دام اعايش انت وزوجتك وعيالك في دا البيت مالك حق تقولي اكلم مين ولا اطنش مين
فيصل : خلي النفس عليك طيبه وماآبغى اغلط عليك إلا الآن انا محترمك
فارس : ههههه احترام فين الإحترام وانت داخل غرفه امك كدا بدون احم ولادستور
قام من على السرير : انا خارج تآمري بشي
ام فيصل : سلامتك
فارس مر من عند فيصل وقال بصوت واطي : الكلام إللي قلتو لعيالك الصراحه لاآكثر وبعدين اسئل عن امك
افضل من الشركه إللي رام نفسك طول اليوم فيها
خرج فارس وكان فيصل حيخرج بس امو نادتو : فيصل سيب اخوك في حاله
فيصل : ليه انتي عاجبك حاله ؟؟
ام فارس : دام بيحسسني إني عايشه ولسه في الدنيا اكيد حيكون عاجبني حاله
فيصل سكت وخرج من الغرفه
(( فارس يعشق السرعه والمغامرات يحب يخاطر في الالعاب الصعبه ممكن يسافر من دوله لدوله عشان يجرب شي خطير وجديد وممكن يعرض حياته للخطر عشان يستمتع بس
الشي الوحيد إللي يهمو في الدنيا امو وهيا بدورها مدلعتو دلع مايدلع واحد زيو الكل يحس إنو ينقلب طفل في حضن امو ))

(( فيصل انسان **** يكره فارس مالو كلمه زوجته ممشيتو بمزاجها بكلمتين تخليه يقلب على امو واخوه ))
Ψ moda3bat la4e3aΨ

خرجت من غرفتها بسرعه صدمت في شخص قدامهاا :آآآآآآآي
...: سيما بشويش .... إيش فيكي ؟؟
سيما : سرووج حبيبي وحشتني
سراج :قولي من النهايه إيش تبغي مني
سيما : ماشالله عليك تفهمها عاطااير ,,,,اممممممم فين رايح ؟
سراج : خارج آتمشى
سيما : آهااا .. طيب إيش رايك أروح معاك
سراج : لامشكوره .. مو فايقلك
سيما : سروج حبيبي الله يخليك الله يسعدك الله يوفقك الله يزوجك بنت الحلال الله يسعد أمك الله يدخلك الجنه الله يفرحك دنيا وآخره الله يفرج همك
سراج عارف دام غنت دي الآغنيه ماحتسكت لين مايسوي إللي تبغاه : خلاص خلاص 5 دقايق لو مالقيتك جاهزه حسيبك
سيما باستو في خدو : مو 5 دقايق ثانيتين واكوت عندك يائمر
خرج وركب السياره وشغل أغنيه تامر يابنت الإيه مرت خمسه دقايق _ 6 7 8 9 دقايق وهيه لسه ماجات
كان بيسوي حركه نذاله ويمشي ويسيبها بس شافها تجري وجايه لعندو
فتحت باب السياره ودخلت وقفلت الباب : آآآه يااقلبي والله بسرعه بسرعه خفت تروح وتسيبني
سراج : أحمدي ربك إلا الآن مستنيكي
سيما : والله ماتآخرت
سراج : طيب لاتحلفي .. انا قلت خمسه دقايق مو دبل الخمسه
سيما : خلاص فكها .. حرك
سراج : آوكي ,,, فين تبغي تروحي
سيما : إيش رايك نروح نفطر
سراج : إنتي إلا الآن مافطرتي !!!
سيما : آنا صاحيه من آمس .. عادي تبغى تفطر حفطر معاك .. تبغى تتغدا حتغدا معاك نو بروبلم
دق جوال سراج
سراج : هلا ياسر
سيما بصوت عالي : كيفك يااااسر
سراج طالعلها بنظرات يعني أسكتي
سيما : خلاص لاتخرج عينك "وعلت صوتها عشان تقهر سراج " سلملي عليه
سراج : آووكي ... خليها بكرا ... يلاباي
قفل الجوال وطالع في سيما
سراج : كان أخذتي الجوال وكلمتيه
سيما " تستغبي " : لا مايحتاج يكفي السلام
سراج : إنتي متى حتكبري ؟؟
سيما : هذا كلو طول وعرض وتسئلني متى آكبر ... ياحبيبي آنا إنسانه إجتماعيه زياده عن اللزوم لازم تتقبل هذا الوضع
سراج : ياأمي إجتماعيه مع نفسك مو معايا دي المره حعديها بس وربي المره الثانيه لأخرج إجتماعيتك من عينك
سيما " ببرود " :طيب أعصابك مافي شي يستااهل وبعدين احترم نفسك لاتنسى إني خالتك
سراج طالعلها بنص عين وسكت
بعد خمسه دقايق
سراج : ممكن جوالك دقيقه
سيما : ليه ؟؟
سراج : بس بشوف شي
سيما أعطتو الجوال
سراج فتح قائمه الآسماء وتصل على RAZO0ONA
سراج : آلو ... كيفك يارزونه
سيما خرجت عيونها من مكانها وسحبت الجوال منو
سيما : رزان ... لا لا سوري شويه آكلمك .. باي
سيما : حضرتك تستهبل
سراج يقلدها : سوري ياحبيبتي بس آنا إنسان إجتماعي زياده عن اللزوم لازم تتقبلي هذا الوضع
سيما : لاياشيخ
سراج " برضو يقلدها " : آعصابك مافي شي يستاهل
سيما : هذي بنت مهاوي يااغبي
سراج : هــا مين دي
سيما : الشيخه مهاوي مدرسة القرآن
سراج :هههههههههههههههه .. آستغفر الله
سيما : في شي يضحك ؟؟
سراج : بالله من فين جبتي رقمها ..
سيما : مره روحت زواج واتعرفت عليها
سراج " بغباء " : وآخذتي رقمها هههههههه
سراج دايما يتريق على سيما وعلى شخصيتها الإجتماعيه زياد عن الللزوم
سيما : بالله آسكت وركز في الطريق آحسن لك
دق جوال سيما RAZO0ONA
: أوووف دحين هدي إيش اقولها
حطت الجوال سايلنت ودخلتو في الشنطه
سراج : والله عادي إنتي كنتي بتسآلي عن ياسر وانا حبيت أسئل عن رزان
لو مابطلتي حركاتك دي انا ماحبطل وكل يوم حتصبح على وحده من مززك
سيما "من ورا قلبها " : آولآ ياسر زي آخويا
ثانيآ كلم آي وحده من البنات إلا رزان
سراج :ياشيخه خلاص وربي لو ماسكتي لأنزلك هنا وآكمل طريقي
سيما تتريق على كلامه : ههههههههههههههه بزره عندك قال انزلك قال هههههههههههههههه
سراج " بثقه" : تتحديني
سيما "خافت " لأنو مافي زيو لو اتحدى حاولت تغير الموضوع : كم الساعه ؟
سراج : هههههههههههههههههه كم الساعه ها

(( سيما ممكن تجن لو جلست يوم في البيت إجتمااعيه بشكل لايووصف مرحه عفويه تحب تزور اماكن غريبه ))
Ψ moda3bat la4e3aΨ

ظهرها آنكسر من كثر ماتشتغل
عهد : آآآه ياظهري والله تعبت آي كاانت دو ذيس آني مور ..آي كانت
عهود : يابنت بطلي بزرنه كبرتي على دي الحركات
عهد منسدحه على السرير ومحطيه يدها تحت ظهرها وتصرخ
عهد : آآي إنتو ماعندكم إحساس بس آنا لأ .. آنا إنسانه مفعمه بالآحاسيس والرقه
شوفي الساعه صارت 9 لنا 12 ساعه وإحنى نشتغل وتقوولي بطلي بززرنه آآآه ياماما
عهود : والله غرفتك إللي بقيتلك لو رتبتيها من بدري كان خلصتي
عهد : عوعو الله يخليكي رتبي الغرفه والله ماآقدر تعبت ياناس تعبت
عهود : ماليش دعوه رايحه اكلم صقيقي
عهد بقهر : مع نفسك ياحيوانه
عهوود تنرفزهاا : قوود لاك يااعسل سي يوو
وخرجت من الغرفه
عهد كملت صريخها تبغى تخرج كل إللي في قلبها مقهوره هيه في جده وإلا الآن ماخرجت

Ψ moda3bat la4e3aΨ

دخل السياره الكراج نزل وعيونو شويه بتقفل مانام إلا ثلاثه ساعات
دخل البيت لقى امو قدامو :الله ياخدك إنتا فينك يعني يصير نسئل الناس عنك لا جوالات بترد عليها ولا حتى ...إلخ (( جلست تبربر وتهزء ))
ضحك في نفسو لما شاف إستقبالها الحافل 3 اسابيع مايجي البيت وكدا تستقبلو طنشها ومشي دا هوا الحل إللي سار يمشيه عليهم يعاملهم زي الجدار ومالهم اهميه عنده هما إللي وصلوه لدي المواصيل
كان رايح على غرفتو او بالآصح شقتو الخاصه في الدور الثالث لكن قبل لايطلع سمع صوت من غرفه اخته فاتحه اغنيه باربي قيرل
قال يروح يكلمها
: صبااح الخير
...قامت من على السرير ونطت فوقو مره وحشها من زمان ماتشوفو : وحشتني
زياد : وانتي كمان ,, مو كآنو بدري علـ اغااني
ياسمين : لا .. اوووه صح اصلا انا زعلانه منك ( وبعدت عنو
زياد آشر على نفسو : انا زعلتك !!!!
ياسمين : ايوه اليوم اكلمك وتقفل في وجهي
زياد : متى !!
ياسمين بدلع : قبل ساعه
زياد : آهاا والله سوري ياقلبي انتي عارفه وانا نايم ماستوعب شي
ياسمين : برضو ماتقفل في وجهي
زياد : والله فيا نوم وابغى انام خلاص بطلي دلع
ياسمين : طيب بس ابغى اخرج معاك
زياد : فين تخرجي
ياسمين : عادي آي مكاان
زياد : طيب روحي مع صحباتك
ياسمين : مابدي ابغا اخرج معاك
زياد : طيب احاول يلا اشوفك في الليل
ياسمين : دقيقه لاتروح
زياد : ياسو والله فيا نووم
يااسمين : طيب اوعدني إنك تآخدني معاك
زياد : قلت طيب
ياسمين : لا قول وعد
زياد بملل : وعد
ياسمين اشرت في خدها : بوسه عشان ارضى وانسى إنك قفلت الجوال في وجهي
زياد : ترى اعطيتك وجه
ياسمين : آصلا مآبغا منك شي بس باقولك حاجه تانيه
زياد : بعدين لما اصحى من النوم
ياسمين : لا دحين
زياد : بسرعه والله قلبي يوجعني من كثر مافيه نوم
ياسمين : في وحده متصله على جوالي تسئل عنك
زياد باإستغراب : إيش تبغى ؟
ياسمين : مدري عنها تقولي ابغى رقم زياد _ ضحكت _
زياد ضحك : حمدالله على العقول
ياسمين : آميييين ,, لو اتصلت مره تانيه اخليك تتفاهم معاها لأنها جننتني
زياد : خلاص طيب
ياسمين : تصبح على خير ^_^
زياد : وانتي بخير
راح لغرفتو دق جوالو شاف المتصل ماكان له نفس يرد قفل الجوال ونام

(( ياسمين مره مدلعه واهلها معودينها على إنو اي شي تبغا يجيها لحدها في دقيقتين يعني على الرفاهيه متى ماطفشت يسفروها بس فوق دا كلو طيبه وحبوبه رومنسيه مو مره اجتماعيه تخاف من كلام الناس
وماتحب تسوي شي من ورى اهلها ضميرها يئنبها ))
Ψ moda3bat la4e3aΨ

دخلت الغرفه وهيا مقلوبه قلب ملابسه مرميه في كل مكان والآكل فوق الطاوله من كودو قربت من الطاوله :الله يقرف شيطانك .. مشوار على مآوصل لسريرك
قربت من السرير : ايمن قووم ... هيييه يازفت قوم
وهوه في سااابع نومه
تهزو تحركو وهوا ولا كآنو : انا بسببك مآبغى اتزوج
تهااني : يااااااااااربي قووم بلا في شكلك حشا حمار مو إنسان
ايمن بصوت كلو نوم : تهاني اخرجي من الغرفه
تهاني : قلتلك قوم بابا يبغاك
آيمن : قوليلو تعبان
عشره دقايق وهيا تتضارب معاه وهوه مطنشها
تهاني كانت خارجه من الغرفه : آيمن على فكره دوبها وحده اتصلت علـ جوالك اسمها_ حاولت تتذكر الإسم _ ديما وكلمتها اتضاربت معاها بلا فـ شكلها اخلاقها زفت مدري كيف تكلمها
آيمن على طول قام : ها إيش قلتي
تهاني اعطتو ظهرها وتبغى تضحك : إللي سمعتو
آيمن عصب : وانتي يازفت ليش مسكتي جوالي
تهاني ببرود: عادي دام انو مو واحد من آصحابك يحقلي ارد
آيمن طالع فيها نفسو يخنقها وقال مابين اسنانو: تهاني اخرجي برا
تهاني : خارجه بس وانت نايم اتستر شويه ترى الشورت مايكفي يعني لما تتزوج نام بدا المنظر
آيمن : ومين قال إني لابس شورت _ مسك اللحاف _ اوريكي ؟
تهاني صرخت وخرجت من الغرفه تتوقع منو اي حاجه ... قفلت الباب رجعت فتحتو مره تانيه
كان جالس على السرير وماسك الجوال : بقولك شي ترى محد اتصل بس حبيت اشوف الفرق لما اصحيك واقولك بابا اتصل وديما اتصلت بس من جد عرفتلك
ضحكت وقفلت الباب
ايمن لو النوم مو كابس عليه كان مسكها و خنقها : يلعن الآخوات ياشيخه إللي زيك

اخد الجوال مره مايثق فيها شاف اخر المتصلين مازن حط الجوال تحت المخده ورجع ينام

(( ايمن " دا حياتي :P " على انو عمرو 24 بس تصرفاته تصرفات مراهق طول وقته متحمس على اي شغله او بالأصح مصيبه جايب القلق لأهله انسان عجول
يحب اللي يجي في رااسه يبغاه في نفس اللحظه ولا ينقلب مزاجه علاقاته لاتعد ولاتحصى هوا بنفسو يتلخبط اقدر اسميه كزنوفا ينطنط من علاقه لعلاقه مستعد طول وقته للمغامرات اللي يعشقها
اكتر شي يكرهو الكبت يتغير 180 درجه لو انكبت جاذبيته تكمن في مشاعره القويه وخفة دمه وبرائت شكلو ..على كتر علاقاته لاكنو عمرو ماوقع في شرك الغرام
.... محط انظار البنات متحرر ))

Ψ moda3bat la4e3aΨ

"" الفصل التــــآني ""

عند غروب الشمس ووقت صلاة المغرب قد حل هدوء عم المكان وصدى الآذان قد طغى على
انحاء المدينة فهذا الوقت الذي يظهر الناس فيه على إختلافهم وعلامات الإرهاق تبدو على
وجوههم هؤلاء العامة من الناس , أما الخاصة فهذا وقتها حتى تبدأ عملها الفاحش الذي
يتخلله أموال حرام وشهادات زور وهتك أعراض وسلب حقوق والشائع نساء فاجرات التي
تخلو منهم الآخلاق الإسلامية التي فرضت إصلاحا لحالهم وحال كل إنسان في المجتمع فعند
عتمة المساء تظهر الشياطين بمختلف أشكالها وأجناسها فبعض الناس يعتبروه وقت للراحه بعد
عمل طوال النهار والبعض لإظهار المواهب والتنقل من الشقة المستأجرة إلى الإستراحة ثم
إلى الكباين التي قد صنعت لسد حاجات الناس ولكنهم إستفادو منها لتنفيذ خططهم السيئه
وأفكارهم وأخلاقهم التي محي منها الإيمان والخوف من الله
فإذا نظرتم في أحد الآماكن لتجمعات الرجال بمختلف أعمارهم وبمختلف وظائفهم اللذين قد
يستحيل تجمعهم في عمل دنيوي صالح ولاكن اصبح يسهل تجمعهم في الفسق والفواحش
وستجدون في كل تجمع شراب ليس أي شراب بل خمور وبأنواع عديدة مخدرات وكثيرا من
الأشرطه والسديهات مما نستنتج أنها جلسه يغلب بها الشياطين على الإنس وأصبح هذا حال كثيرا
من شباب وبنات المسلمين اللذين يسعون لتدمير حياتهم بأنفسهم
لن نعلق ونقول : أن السبب الظروف التي تمر بها ولا الأصدقاء بل إن لكل واحد منا عقل
يفكر به ولسنا ضعفاء بفطرتنا بل نستطيع ان نتحداها ونواجهها إلى ان نصل إلى حل بالعقل
وبالمنطق وليس بتواجهنا إلى مايهز عرش الرحمن ويغضبه
فكل إنسان يمر بلحظات ضعف لكن من في قلبة ولو ذرة إيمان قد يتدارك الوضع وينجو
من الخطيئه وبسهوله وبدون ان يتجه إلى طريق الحرام
Ψ moda3bat la4e3aΨ



جالس مع حبيبته في غرفه مغلقه بمطعم إيطالي المكان مرره هادي ورمنسي هيا تآكل وهوا يتآملها
آبتسمتلو بخجل ومدت يدها تآكلو : من يدي آكيد آطعم
آكل ومارد عليها
دانه بصوتها الناعم : فوفي إيش صاير
فادي بنظرات حب قرب للطاوله ومسك يدها : ترى طفشت من دا الحال
دانه شدة على يدو : سوري بيبي ايش اسوي يعني مهند هالكني
فادي سحب يدو ورجع ظهرو علـ كرسي وقال بعصبيه : كم مره اقولك لاتجيبي إسمو على لسانك

دانه تحب تشوف نظرات الغيره بعينو : يعني إيش تبغاني اقول ( وقالت بدلع ) زوجي ؟
فادي عارف إنها تنرفزه بدا الكلام ومن اول بتتكلم عنو وهوا ماسك نفسو وساكت
وقف
واخد مفتاح السياره والمحفظه من على الطاوله وجاي يخرج من الغرفه إللي جالسين
فيها إلا يد دانه تجلسو على الكرسي وجلست عليه : آعصابك حبيبي
فادي بقهر طفولي : دحين صرت حبيبك
دانه حطت راسها على كتفو : انت كل شي بالنسبه ليا
فادي مسك شعرها وصار يلعب فيه : ممكن وانتي معايا لاتجيبي سيره زوجك وولدك
دانه : من عيوني "حست إنو زعلان منها "
تعرف إللي زي فادي كيف تراضيهم فتحت ازارير بلوزتها لنص الصدر وبدآت تبوسه لين ماتجاوب معاها

(( دانه متزوجه وعندها ولد بس حياتها الزوجيه غير مستقره مع إنو زوجها طيب لكن هيا ماتعرف تتفاهم معاه وحبت فاادي بس فيها حقاره مو في بشر ))
Ψ moda3bat la4e3aΨ

بقصر واســع الإضاءه بكل مكان غرف وممرات متعدده كل غرفه غير عن الثانيه بديكورها وشكلها وحجمها

بآحد آجنحه القصر

غرفه كبيره كل ديكورها آسود × آسود السرير والطاولات والكراسي الجلد الإيطاليه
غير السجادات الإيرانيه لونها آبيض
خرج من الحمام ولاف حولين خصره منشفه بيضه آخد الملابس إللي حاطها على السرير لبس
ونشف شعرو ودخل غرفة الملابس إللي كانت مرتبه بإنتظام كل حاجه لها مكان معين
دولاب خاص للجزم موجود فيها كل الآلوان والنظارات والساعات والملابس كل شي له مكان محدد فتح دولاب الساعات
وكل ساعه تبرق اكتر من التانيه آخد الساعه المناسبه على لبسو من روليكس ونظارتوالمفضله من Gucci
خرج من الغرفه وراح آخد محفظته من على الطاوله
دق باب الغرفه راح فتح الباب

الشغاله (سينتيا) : مستر نبراس
( مدت يدها واعطتو علبه خضرا صغيره ) وصتني مسسز غاده اعطيك هيدي العلبه لأنك كنت نايم في الصباح happy birthday
نبراس اخد العلبه : ليه هيا فين ؟
سينتيا : سافرت
نبراس : اوكي
راحت سينتيا وهوا دخل الغرفه جلس على الكرسي وفتح الكرت إللي على العلبه
((كل سنه وانت طيب سوري حبيبي كان نفسي اعطيك الهديه البسيطه دي بنفسي بس
اضطريت اسافر ))
فتح العلبه كان وسطها سويتش سياره وصورة السياره وسطها طالع فيها : كايين جمبالا
رجع الجهاز في العلبه ورمى العلبه بإهمال على الطاوله
خرج من القصر
لقى السياره الجديده قدامو نادى الشغاله : قولي لأحد يبعد دي السياره من هنا
ونادي فيندي ((السواق))
دقايق جات سيارة الليموزين قدام القصر
ركب ورى وآشرلو يمشي خرج الجوال من جيبو وارسل رساله (( thanx mam ))

(( نبراس مظهره الا مبالي هو الذي يجعل منه غايه في الجاذبيه شخصيته هادئه بعيد عن المشاكل حالو حال نفسه لايظهر عواطفه بسرعه يصعب فهم طبيعه مشاعره الحقيقيه
مثير للإرباك مثقف وذكي ))
Ψ moda3bat la4e3aΨ

جالسه في غرفتها طفشت من البيت وبنفس الوقت تكره تخرج مع آي آحد : آووف زياد إلا الآن ناايم

طلعت لشقه زياد دقت الباب كدا مره ولا رد فتحت باب غرفة نومه كانت الغرفه زي الثلج شغلت الآنوار
: هيي زياد قوم ........إنتا وعدتني نخرج ............. زيااااد ... زياد الساعه 11 الليل إيش هوه دا قوم
زياد حتى حركه بسيطه ماتحرك
دق جوال ياسمين ردت : الو .....وعليكم السلام ... تماام وإنتي ,,, إيش صاير؟ ....ها ...طيب ..خلاص زياد يشوفو . اوكي . باي

ياسمين طلعت فوق السرير وصارت تحرك زياد : ياولد آلحق .. زياد مو وقتو دحين النوم
زياد قلب للجهه التانيه : هممممممم
ياسمين : زياد قووم

زياد فتح عين وعين مقفله وقال بصوت كلو نوم
: قفلي النور

ياسمين : زياد دوبها خاله اتصلت

زياد بمزاج مقفل : وانا إيش دخلني تتصل ولاتنحرق

ياسمين عقدت حواجبها : آكره آكلمك وانت نايم المهم تقولك خاله انو رامي له يومين مايجي
البيت ولايرد على جواله وآبوه يحتاجه ضروري يعني اكيد إنتا تعرف فينو روح كلمه ولا شوفلو صِرفه

زياد افتكر امس قبل ماينام اتصل عليه رامي : جيبي جوالي بسرعه

قام وسند نفسه على السرير وياسمين جابلته الجوال اتصل عليه مايرد حاول كدا مره بعد خامس محاوله رد

زياد : يواد إنت فينك .....طيب قولي دحين انت فين ..... دقايق واكون عندك
قام بسرعه من على السرير

ياسمين: إيش فيك ؟
زياد راح يفتح الدولاب بعدين راح للحمام مو عارف إيش يسوي
ياسمين : هيي إيش فيك
زياد : عبيلي آي لبس بسرعه رايح اتشطف وراجع
ياسمين : إيش صاير
زياد : اتحركي دحين ولما ارجع اتفاهم معاكي "دخل الحمام قفل الباب ورجع فتحو بسرعه " : إيش كنت بقولك "حك راسه ".آوووف نسيت
ياسمين : من جد النوم في الصباح له فوايد
زياد : وقتك إنتي ايوا إدا اتصلت خاله قوليلها زياد مع رامي قصدي رامي مع زياد

ياسمين مشت الهرجه تعرف اخوها اول مايقوم من النوم مافي اغبى منو : اوكي انت بس ادخل الحمام
ياسمين فتحت دولاب زياد واول ماطاحت عينها على البلوزه الموف تعشق دا اللون وتحبو اكتر على زياد
خرجتو من الدولاب واخدت برمودا بيضه حطتها على السرير وخرجت من الغرفه
خرج من الحمام
شاف اللبس إللي خرجتها ياسمين : الله ينكبك ياشيخه محد يستفيد منك
فتح الدولاب واخدلو بلوزه صفرا عليها كتابات كتير بالإنجليزي وجينز
لبس الجينز وخرج من الغرفه وهوه بيلبس البلوزه
ياسمين كانت مستنيته عند الباب : إيش دي الصربعه
زياد عدل البلوزه :سي يو
ياسمين تلحق وراه : تراك وعدتني تخرج اليوم معايا
زياد يمشي وهيا وراه : خليها مره تانيه
خرج من البيت وركب سيارته وفحط علـ مكان إللي حدده رامي
ياسمين : اروح افرفر في المنتدى احسن
Ψ moda3bat la4e3aΨ


نايمين الثنتين في الآرض وحولينهم الفشار وبيبسي وليز وسيدهات افلام ومسرحيات
جلسو سهرانين لين وحده الظهر التلفزيون شغال ولاب توب مفتوح
نامو ولاوحده حست بالتانيه
سانده كل وحده مخدتها على السرير ومتغطيه بلحاف .. الغرفه زي الثلج
فتحت باب الغرفه بشويش وهيا تبكي قربت لعندهم وجلست بينهم الثنتين بعدت شعر ماريا عن وجهها
وصارت تهزها : ماريا قوومي .. ماريا
ماريا فتحت عينها بكسل : ها إيش تبي
لينا تمسح دموعها بكف يدها الصغيره : مثاري كثر لعبتي إللي اثتريتيلي هيا
(( مشاري كسر لعبتي إللي اشتريتيلي هيا ))

ماريا جلست تكره تشوف احد يبكي قدامها : طيب خلاص حبيبتي لاتبكي
لينا جلست في عب ماريا وبتبكي : ابغى اروح اثتري وحده ذديده (( اشتري وحده جديده ))

ماريا انتبهت إنو الدنيا مظلمه على بالها مغرب ولا عشا اخدت الجوال وشافت الساعه
عشره ونص نطت من مكانها : جرير حتقفل
لينا :إيث في (( إيش في ))

ماريا وقفت وتتكلم بصربعه : روحي بسرعه البسي اي شي اروح اشتريلك مره وحده لعبه
لينا قامت فرحانه وراحت لغرفتها عرفت إنو ماريا ماحتردلها طلبها بس مو لدي الدرجه في نفس الوقت
ماريا تطالع علـ فوضه إللي حولينها قفلت الاب والتلفزيون وصحت شموخ عشان تروح غرفتها
: هييي شوشو قوومي .. شوشو ....اتعب نفسي على ايه لو جبت موضي تغني جمبك ماحتقومي
دخلت الحمام واستحمت عاسريع وخرجت لبست جينز وتيشرت اخضر واخدت شنطتها الطويله
من كواتش ومحفظتها وراحت عند لينا كانت جالسه في الآرض ومدخله رجلها الثنتين في مكان
واحد بشورت ضحكت عليها ماريا : يابت هاتي البسك
لينا بعناد : لا انا احرف البث (( اعرف البس ))

ماريا بضجر : لينا حتى اكل ماكلت عشان الحق لاتقفل ترى حسيبك وامشي
لينا بقلة حيله : طيب
لبستها الشورت الوردي والبلوزه بيضه وورديه على الرقبه وعليها صوره ستروبري
وخرجو من البيت بسرعه
قالت للسواق يوديها على جرير
فتحت شعرها الطويل الكستنائي في السياره لأنو كان مبلبل ودخلت يدها في شعرها وصارت تحركه
فتحت شنطتها وخرجت القلوس وحطت شويه على شفايها الورديه : جيعانه
لينا بوزت شفايفها وحطت يدها عليها : ثويلي ذيك (( سويلي زيك ))
ماريا طيب تعالي ( واشرت على عبها ) هنا
_جلست لينا عليها وصارت تسويلها _
لينا : ثويلي كمان في خدي آحمر
ماريا : لا عيب انتي صغيره احطلك بس من دا
لينا لحست شفيها بلسانها : طعمو زي الفراوله
ماريا حطت يدها على بطنها : والله مره جيعانه
بعد نص ساعه وصلو ماريا حطت الطرحه بإهمال على شعرهاا
ونزلت من السياره وراحت على طول لمكتبه جرير


راحت لعند كاميرات الفيديو وطلبت وحده من سامسونج فوشيه وعجبتهها وحده تانيه من سوني
بس التانيه لون فضي محتاره إيش تاخد كل وحده مميزاتها احلا من التانيه
اتصلت على شموخ تآخد رايها : الو .. صباح الخير ... شموخ بصورلك كاميراتين وانتي قولي
إيش آحسن .. لا مميزاتها الإتنين عاجبتني ... نو اليوم ماعندي الفلوس بس حشوف عشان بابا يشتريلي هيا في الصباح
......يس .....باي
صورت الآجهزه وارسلتها لشموخ خمس دقايق ردت عليها شموخ وقالتها الفضيه آحسن
كانت ماسكه الكاميرا دارت تدور على لينا مالقيتها من الفجعه آخدت الجهاز معاها والرجال
مانتبه لها لأنو كان عندو زباين لمحتها من بعيد عند مكان الآلعاب وواحد بيكلمها
انفجعت وراحتلها جري إلا شخص وقف قدامها وانصدمت فيه وطاحت علـ آرض :آآآآآآآآآي
الولد ماتحرك من مكانه هيا إللي طاحت مع طوله وعرضه ماريا جمبو زي البزره
مد يدو : sorry
ماريا بعصبيه : لاأحسن شيلني
رفع حواجبه بإستغراب من إسلوبها
قامت من الآرض وراحت للينا
ماريا : كم مره اقولك لاتبعدي عني
مشيت ماريا ولينا وراها
جات تمشي من عندو انتبهت عند رجلو الكاميرا مكسوره بغت تنشل قالت بصوت عالي : الله ينكبك شوف إيش سويت
طالع فيها ببرود : والله إنتي إللي بتمشي زي المفاجيع
ماريا ولعت : مو انت زي الجدار حشا مو إنسان
الولد طبيعي بس مع قوه الضربه الآخت حستو مصارع
مو متعود علـ مضاربات كمان مع بنت هوا إنسان هادئ بطبعه آعطها ظهرو ومشي
ماحس إلا مسكتو من بلوزتو بقرف : هيي على فين هادا الجهاز محد حيدفع قيمتو غيرك
دار راسو لها من غير مايدير جسمو وطالع في يدها هيا على طول سابت البلوزه
انتبهت إنو لابس نظاره شمسيه في المكتبه
(( لايكون آعمى ))
للتحميل للجوال


محتوى مخفي Admin refused to unhide hidden content
nothing will help to see hidden content



v,hdi l]hufhj gh`yi - su,]di fk;ii []h,di & l;h,di v,lksdi [vdzi h;ak gg[,hg txt v,hdi 2011









التعديل الأخير تم بواسطة ● н σ d σ α ; 24 - 5 - 2011 الساعة 10:18 PM
  رد مع اقتباس
قديم منذ /17 - 5 - 2011, 7:02 PM   #2

الهَنوُف غير متواجد حالياً

 رقم العضوية : 3613
 تاريخ التسجيل : 9 - 11 - 2009
 المكان : بيَن حَروف آسِمه الآربِعه
 المشاركات : 91,605
 النقاط : الهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond reputeالهَنوُف has a reputation beyond repute

افتراضي رد: روايه مداعبات لاذغه - روايه سعوديه بنكهه جداويه & مكاويه - روايه رومنسيه جريئه اكشن للجوال txt

ربي يسِعدك يّ غلاي
لـإعدمنآ نشآطِك







  رد مع اقتباس
قديم منذ /17 - 5 - 2011, 11:16 PM   #3

:: عـضـو مـتـمـيـز ::

تناهيد نجد غير متواجد حالياً

 رقم العضوية : 7103
 تاريخ التسجيل : 22 - 3 - 2010
 المشاركات : 18,662
 النقاط : تناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond reputeتناهيد نجد has a reputation beyond repute

افتراضي رد: روايه مداعبات لاذغه - روايه سعوديه بنكهه جداويه & مكاويه - روايه رومنسيه جريئه اكشن للجوال txt

عوااافي ياذووق,,
ودي:waaaah238:








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لاذغه, مداعبات, بنكهه, جداويه, روايه, روايه 2011, سعوديه

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه الفقر ما هو عيب يا ولد الأكابر-روايه سعوديه جريئه رومنسيه - روايه ماجد ومزنه للجوال txt ● н σ d σ α قصص - روايات - روايات كاملة - روايات طويله - روايات غرام 405 18 - 1 - 2015 9:16 AM
روايه عشقتك من اول نظره - روايه سعوديه رومنسيه جريئه للجوال txt ● н σ d σ α قصص - روايات - روايات كاملة - روايات طويله - روايات غرام 49 10 - 10 - 2014 9:03 PM
روايه بنات السفير - روايه سعوديه للجوال روايه رومنسيه اكشن جريئه رومنسيه جريئه txt للجوال ● н σ d σ α قصص - روايات - روايات كاملة - روايات طويله - روايات غرام 90 22 - 4 - 2013 12:27 AM
روايه اتجرع المر بسكات روايه سعوديه , رومنسيه , حزينه , جريئه , واقعيه للجوال txt ● н σ d σ α قصص - روايات - روايات كاملة - روايات طويله - روايات غرام 95 6 - 2 - 2013 12:10 AM
روايه قيود الصمت روايه رومنسيه جريئه - روايه سعوديه 2011 - للجوال txt ● н σ d σ α قصص - روايات - روايات كاملة - روايات طويله - روايات غرام 77 27 - 1 - 2012 9:36 PM


الساعة الآن 8:46 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy