العودة   منتديات تجمعنا المحبه > تجمعنا الأدبيه > قصص - روايات - روايات كاملة - روايات طويله - روايات غرام
التسجيل اجعل كافة الأقسام مقروءة

قصص - روايات - روايات كاملة - روايات طويله - روايات غرام روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات. -قصص غرامية ، قصة قصيرة ، قصة طويلة ، روايات ، قصص واقعية ، قصص طريفة ، قصص من نسج الخيال ، حكايات,قصص اطفال ,

روايه صرت اغار انامنها عليها خطا نفسي وانا اتحمل خطاها- روايه جومانه ومنصور - رومنسيه ,جريئه ،شيقه للجوال txt

للجوال , اتحمل , اغار , انامنها , جريئه , جومانه , خطاها- , رومنسيه , روايه , عليها , ...

إضافة رد
 
LinkBack أدوات الموضوع انواع عرض الموضوع
قديم منذ /27 - 5 - 2011, 10:51 AM   #1

● н σ d σ α غير متواجد حالياً

 رقم العضوية : 706
 تاريخ التسجيل : 4 - 10 - 2008
 المكان : يآلبيــہَ يآاَلَشَرقَيــہَ ♥ ~
 المشاركات : 194,974
 النقاط : ● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute

روايه صرت اغار انامنها عليها خطا نفسي وانا اتحمل خطاها- روايه جومانه ومنصور - رومنسيه ,جريئه ،شيقه للجوال txt



صرت أغار أنا منها عليها خطا نفسي وأنا أتحمل خطاها
الكاتبة ليان.

((1))

" ودعتها "

ودعتها والشوق بيني وبينها بحور
ودعتها رغم خوفي والوله مجبور
الحزن في ايدها
بياس يشدني كل درب عنها بعيد يصدني
ومدري المحبه ظيعتني ولا انا ظيعتها !!

ما حكت والحزن بيني وبينها
في صمتها تظيع ادور وينها
فجاه اختفى كل الكلام
تاهت حروفي فالظلام اللي سكن في عينها
كل الاماني وقتها ردت لقلبي اشتقتها اشتقتها
ومدري المحبه ظيعتني ولا انا ظيعتها !!

لو سنين عمري تظيع
والزهور تنسى الربيع ما انساها ابد
لو يصير الشوق دمي
او سواد الليل همي ما ادور احد
ويش ادور بعدها لونساني وعدها
ويـــــش انا بعدها ل نساني وعدها !!
ومدري المحبه ظيعتني ولا انا ظيعتها !!
ودعتها ودعتها ودعتــــــــــــــــــها ودعتها

احبس دموعي حبيبي من غلاك
أنت دمعه خايف ابكيك وتطيح

هذي روايتي اتمنى تعجبكم
وانتظر ردودكم اذا نالت اعجابكم راح انزل البارتات الباقيه
روايه (رومنسيه ,جريئه ،شيقه )


الشخصيات:
عائلة الراشد/عائلة ال سلطان
راشد وسلطان ملاك اخوان

عائلة راشد:
راشد,الاب عمره 45اب مثالي يدير شركه مع اخوه سلطان شخصيته حازمه
ساره,الام عمرها39سنه انسانه متفهمه وشبابيه
ريان،الابن الاكبر عمره 26سنه موضف في شركة ابوه وعمه شخصيته حلووه ومرحه طيوب طويل لون بشرته حنطيه جسمه رياضي
جمانة، عمرها 24 حلوه عيونها وساع كحيله فمها صغيرون انفهامثل حد السيف شعرها اسودناعم الين الخصرطويله جسمها حلو ومخصر
شخصيتها حلوه احايان عنيده جدا والي براسها بتسويه لكن جذابه في شكلها وتصرفاتها مخلصه الجامعه
تركي،اخر العنقودعمره6سنوات ذكي مؤدب ويحب التعليق
عائلة سلطان
سلطان,الاب انسان طيب متشارك مع احب اخوانه راشد بشركتهم شخصيته بسيطه عمره 44سنه
عاليه،الام عمرها40سنه انسانه اجتماعيه تحب تسعد اولادها
منصور،الابن الاكبرعمره28طويل حنطي وسيم اكثر شي يجذب فيه ابتسامته
شخصيته قويه مايحب تنكسر كلمته عصبي عند العناد يحب عائلته مصدوم في الحب وراح نعرف سبب صدمته مسافر للخارج من سنتين صديق مقرب جدالريان ولد عمه
منار،عمرها24صديقة جمانة الروح بروح حليوه متوسطة الطول شعرها قصير كل شي فيها صغيرون مخلصه الجامعه
تخصصها هي وجمانة(ادارة اعمال)يحبون بعض ولما يجتمعون يقلبون الدنيا
سمر،اخر العنقودعمرها15سنه شطوره ومشاغبه وتحب تقلد الاولاد ودائما تاخذ الاولى بلمدرسه تنجن على اخوها منصور لانه اقرب شخص لها دلوووعه حيل

**********
عايلة محمد
محمد,زوج ملاك انسان متفاهم وفي حاله عمره 36يشتغل ضابط
ملاك,اخت سلطان وراشد طيبوبه مثقفه عمرها33سنه تشتغل بتدريس
عايشين في الشرقيه لهم عشر سنوات متزوجين وللحين ماعندهم اولاد ماخلو مستشفى الاوزاره لكن مافي فايده ومع ذالك ماقطعو الامل بلله

هذي شخصيات روايتي المهمين والباقين راح نتعرف عليهم من الروايه

************************
البارت الاول
جمانة جالسه تتابع التلفزيون وتفكر في منار حبيبية قلبها ماكلمتها اليوم
ام ريان(ساره):جمانة روحي قولي لماريا اتاخر الغدا شوي ابوك بيتاخر اليوم عندهم جوله بشركه
جمانة:طيب
راحت جمانة وقالت للخدامه وبعدين طلعت غرفتهااتكلم منارلقت 5مكالمات من منار واتصلت عليها
جمانة :هاي منوور
كانت منار فرحانه بلمره
منار:هايات

جمانة:اخبارك شنو هالفرحه فرحينا معك

منار:جوجو منصور راجع اليوم من الخارج وريان وابوي وعمي راحو يستقبلونه بس ماقالو لامي يبونها مفاجئه دريت من ابوي

جمانة:مبرووك ياقلبي الله يرده لكم بسلامه والله فرحت لكم كثيرطيب وسمرباقي ماتدري

منار:ايه حتى هي بنسوي لها مفاجئه
جمانة يلا باي خل اروح اجهز القهوه والشاي بضيافه


جمانة:باي

قفلت جمانة الجوال جمانة:الله يعينك على اخوكم هالمتكبر( تذكرته قبل سنتين لما صارخ عليهم لانهم تاخروعليه دقايق بلجامعه)

راحت جمانة لامها وخبرتها فرحت ام ريان كثير وكانت بتتصل تبارك لام منصور لكن جمانة فهمتها انهم عاملينها مفاجئه

في مطار الرياض
ابو منصور:ريان ياولدي موكأن منصور تأخر

ريان:لا ياعمي باقي على وصولهم ربع ساعه ياحظك يامنصور كل هذا شوق لك تعال شوف الكرف الي انا فيه من ابوك وعمك

ابوريان:ممكن تكرمنا بسكوتت

ريان:ابشر يابوي

ريان:ابوي عمي هذا منصور وصل

ابو ريان:وينه ماشوفه

ريان:تعالو معي

راح ريان مسرع يبي يستقبل ولد عمه واقرب انسان على قلبه

ريان:منصور ياهلا ومرحبا

منصور :ياهلا بيك
وسلموعلى بعض بكل شوق وراح منصور يسلم على بوه وعمه وراحو لسياره

منصور :ياااه كم انا مشتاق لكم

ابومنصور :حتى احنا ياولدي واحشنا لكن بعد هالمره ماعادفيه لاخارج ولا كلام فاضي

ريان:مجنون اهو من شان يرجع والله لاذبحه

الجميع:ههههههههه

ابوريان:ياولدي روحني للبيت ارتاح شوي والليله عشا منصور عندي

ابو منصور :لا والله الاعشاكم عندي واعتبر العشا منا جميع انا وانت واحد ياخوي

ابو ريان:ولو هذا الغالي يستاهل خلاص انتو نزلوني بلبيت والليله راح نجيكم انا والاهل

نزلو ابوريان وتوجهو لبيت ابو منصور
ابومنصور :الو هلا يابنيتي
ايه جا منصور
جهزتي الضيافه
انتبهي لاتدري امك
جات سمر
حلوحلو
اوك خمس دقايق واحنا عندكم جهزي كل شي
مع السلامه

وقفو السياره ودخلو بيت ابومنصور اما منار كانت تنتظر بضيافه وفهمت امها ان صديقتها بتجي وراح اتدخلها الضيافه
كانت منار متخبيه ورا باب الضيافه اول ماسمعت صوت منصور خرجت بسرعه وركضت اتضم اخوها

منار:هلا منصووور هلا يأحب اخ بلعالم والله اشتقتلك

مانتبهت منار ان فيه شخص داخل معهم والجميع نسو من ريان

مازن :والله وانا اشتقتلكم

ريان كان واقف سرحان في حب طفولته منار كبرت وصارت حلوه له منها كثير

ابو منصور :تفضل ياولدي ياريان

منصور:ادخلي يمنار نسينا من الرجال
وانت ياهوه ناسي مضيع شي ابوجه اختي اتطالعها لك ساعه ماتستحي

انتبهت منار ودخلت بسرعه وكانت كثير منحرجه

ريان:هاه لاياخوي بس ماعرفت شنو اسوي

ابو منصور ومنصور:هههههههههههه

دخلو ونادى ابومنصور بنته وقالها تنادي امها

منار:ماماتعالي سلمي على صديقتي
سمر تعالي سلمي على صديقتي يلا تعالو

ام منصور :طيب بس شوي خل اشوف ابوك ليش تاخر

سمر:منوصديقتك

منار:تعالي وبس

خافت منار لاتتصل امها على ابوها وتنكشف خطتهم

منار:لا يماما بتروح الحين لاحقه على ابوي لاتفشليني يلا

ام منصور :الله يهديك يابنتي ماعندك صبر

دخلت ام منصور الضيافه وماشافت احد
وتو بتتكلم الا والي ناط من وراها
صرخت ولما شافت ولدها دمعت عيونها على طول
مومصدقه وصارت ترجف

ام منصور :معقول انا بحلم ولا علم

منصور باسها على راسها ويدينها:لا علم يالغاليه

التفت منصور لباب شاف سمر منصدمه
راح لها بسرعه وضمها وشالها وقام يدورفيها
وهي تصارخ:نزلني نزلني يمه بطيح

منصور :ياهلا بدلوعتي هاتي بوستي مشتاق لهاحيل
وباسته وهي تبكي من الفرح

دخلو الضيافه وام منصور مو مصدقه نفسها من الفرحه ان حبيبي قلبها ولدها رجع من الغربه وخلاص بيرتاح قلبها
استاذن منهم ريان ورجع بيتهم
في الليل في بيت ابو ريان
ريان:جمانة بسرعه اخرتينا

جمانة :هذا انا جيت

راحو بيت ابو جمانة
كانت جمانة لابسه فستان وردي ومسيحه شعرها

دخلو بيت ابو منصور وكان الكل فرحانين
شوي ودخلت وحده في قمت التبرج وهذي كانت بنت خالت منار اسمها احلام وكانت جدتها معها (احلام عمرها 22سنه دلوعة جدتها عايشه مع جدتها ام ابوها لان ابوها وامها منفصلين ولاهين عنهاعايشه حياتها حره تغار من جمانة لانها قريبه من منار,اتحب ولد خالتها منصور بس ماعمره التفت لها)
وكان لبسها كاشف بلمره
راحت ام منصور ومنار يستقبلونهم
وبعدين اخذتها منار معها عند البنات وسلمت عليهم وكانت طول السهره تنظار جمانة بغيره

جمانة :اخبارك احلام

أحلام اتسوي نفسها ماتسمع وبعدين دقتها منار وسوت نفسها موعارفه شي وردت بدون نفس

ولماصارت الساعه 12الكل راح الاالعائلتين متعودين يطولون بسهراتهم

بمجلس الرجال كانو الجميع سهرانين يلعبون ورق

ابو منصور: انا وولدي فريق وانت ياراشد وولدك ريان فريق

ابوريان:لاتتحداني تراك راح تخسر

ريان يصفر:يلبى قلبك يبوي

منصور :ههههههه
اجل دقايق لاتبدون بروح اجيب لنا عصير واجيكم

ابو ريان:ياولدي لاتخليهم يكثرون السكر

منصور :تامرون
**************

جمانة ومنار كانو جالسين بصاله وامهاتهم كانو جالسين في مجلس الحريم

منار:جوجو بروح اجيب لنا بيبسي وشيبس

جمانة :طيب لاتتاخرين كالعاده

راحت منار وجابت الشيبس والبيبسي

جمانة:منور بليز فتحي التلفزيون باقي دقايق على الفلم الاجنبي

منار:طيب
راحت منار وشغلت التلفزيون
وجلسو يتابعون وفجئه في المسلسل التقى البطل في حبيبته
وضمهاوبكي

منار تبكي:اهي اهي مسكين تعب وهو ينتظرها

جمانة:ياويل قلبي الله يخليك لاتبكي فديتك حتى وهو يبكي حلو

ومانتبهوالا والباب انظرب بقوووه وماشافوالاالي على

روسهم اخذ الريموت وضربه على الارض وطفا التلفزيون

اتمنى تعجبكم وانتظر ردودكم وتوقعاتكم
وأن لقيتكم متفاعلين معاي راح انزل باقي البارتات

البارت الثاني

ومانتبهوالا والباب انظرب بقوووه وماشافوالاالي على

روسهم اخذ الريموت وضربه على الارض وطفا التلفزيون
قامت جومانه مفزوعه من الموقف الجريء
منصور حواجبه معقوده بلمره وايدينه ترتجف باين عليه الغضب
منار كانت اول مره تشوف اخوها بهالحاله
منصور:صدق بنات اخر زمن مايستحون

منار:منصورلاتفهمنا خطا عادي فلم موحقيقه

جومانه كانت ساكته بدون ماتتكلم اما منصور فما طالعها ابد وطلع من الصاله وجومانه عطتها ضهرها بسرعه

جومانه:منار بدون زعل أخوك مايستحي كيف يدخل علينا كذا والله لويعاودها لايندم بعدين عادي فلم لوكان حقيقه شنو بيسوي

منصور كان يسمعهم وكانت منار بتتكلم ماشافت الا منصور راجع

منصور: راح أذبحك وبعدين من الي مايستحي يابنت عمي انا ولا انتي الي تتابعين افلام الحب والعشق ولا ماتدرين ان العشق لعنة الشيطان يعني انتي مصدقه الحين هالحب الي تشوفينه لالا هذا كلام فاااضي

جومانه طالعته من فوق لتحت وبعدها عطته ظهرها:اذا انت متعقد انا لاباقي في اول شبابي ابي احب واعيش حياتي وبعدين اطلع برا قبل لانادي ابوي

منصوركان يتكلم وهو شادعلى اسنانه:والله لاتندمين على نظرتك هذي ولا ماكون منصوربن سلطان
والله لاعلمك منو المتعقد
منار:اخوي الله يخليك اهدا واطلع قبل لاحد يجي

وضرب الباب بقووه وطلع برا البيت وكان يتنفس بصعوبه شدعلى شعره معقوله وحده تتكلم عليك وتناظرك بستحقاروالله لاندمك ولا ماكون ولد ابوي لاااانا معقد والله لاوريك

اما جومانه جلست تبكي ومنار تهدي بيها
جومانه:ليش اخوك معقدالله يعينكم عليه شايفها رجوله يهزء فينا
جوري:اهدي الله يخليك مدري والله اشفيه

دخل منصور بعد مارتاح واخذ العصير من عند الشغاله
وراح لضيافه وكمل سهرته لكن باله كان مع جومانه نرفزته بسلوبها وكيف راح يأدبها
بس في نفس الوقت ابهرته ابجمالها بس ماحاول يفكر فيه

ريان:ياهوووه وين اخذك التفكير نحن هنا

منصور:اعذروني انا ابي اطلع انام والله مرهق من لما رجعت من السفر مانمت

ابو ريان:الله يستر عليك ياولدي وقول لاهلي يطلعون بنتظرهم برا

دخل منصور البيت وراح لضيافة الحريم طق الباب

ام منصور:من عند الباب

منصور:انا يايمه ام ريان عندك

ام منصور:ايه ياوليدي

منصور:كيفك ياعمه يقول عمي اطلعوينتظركم برا
ام ريان:يعطيك العافيه ياولدي

كانت جومانه تسمعه وحاقده عليه بلمره وكارهته حيل لانه قدر ينزل دمعتها

كانت منار جايه من المطبخ معها عصير برتقال
تبيه لجومانه عشان تهدي شوي

منصور:مناروين سوسو

منار:نايمه من زمان

وكشرت في وجهه وراحت لجومانه

منار:جومانه سامحيه مايقصد

جومانه:ياقلبي لاتشيلين ابخاطرك مهما كان هذا ولد عمي
حسبت اخوي

منصور كان يسمعهم :هههههه حسبت اخوك اجل شنو لاتفكرين يابنت عمي ارتبط ابدآ لابيك ولا بغيرك خلاص قلبي تعب من حبكم يلخاينات
وطلع على طول مايبي احد يشوفه

طلع غرفته لبس بيجامته وتسطح على السريركان يفكر في الي صار
اشفيك عصبت عليهم عادي بنات ويتابعون فلم

لالا هذا خطا ليش يتابعون هانوعيه من الافلام مابيهم يمرون بنفس تجربتي

اخذ منصور جواله وكلم السوق:هلا كومار
كيفك
الحمد لله انا تمام
كومار ابيك اتطلع سيلرتي بكرا من القرج وتغير البنزين والزيت مابي يجي الساعه وحده الضهر الا وهي جاهزه
مشكور مع السلامه
وبعدها استسلم منصور لنوم
اما جومانه رجعت البيت معصبه وعلى طول راحت غرفتها
شوي واندق الباب كان ريان
جومانه:ادخل
ريان:سلام عليكم
جومانه:هلا
ريان:اشفيك انتي كنتي تبكين
جومانه ابنفسها يخسي ينزل دمعه من عيني بعد اليوم
جومانه:لا بس كنت امسح الكحل
ريان :والله مومحتاجه كحل انتي حلوا من غير
جومانه:ترا اشوف نفسي عليك
ريان:جمون ابي اخذ رايك في شي
انا وصقر وبدر ومشاري نبي نعزم منصور الخميس الجاي انا اقول نعزمه بلمزرعه والشباب يقولون في استراحه
(اعرفكم على اصدقاء منصور وريان
(صقر,عمره30سنه يشتغل موضف حكومي متزوج عليه ثلاث اولاد(محمد على اسم ابوه ,منصور,فراس)زوجته,رنى ,حبوبه تتمنى ربي يرزقها بنت, هي وصقر يحبون بعض كثيروالي يشوفهم في حياتهم يتوقع ان توهم متزوجين)
(بدر اعزب عمره 26سنه يشتغل مدرس امه متوفيه وعايش مع ابوه ومرت ابوه اسمها سوسن عمرها 22سنه)
(مشاري,29سنه موضف حكومي خاطب بنت خالته عبير)

جومانه ابنفسها والله لو علي ماخليك تسويله شي هذا مايستاهل
جومانه:افظل المزرعه يمكن هم قالو الاستراحه عشان مستحين وفيها بتاخذون راحتكم اكثر
ريان :تقولين خلاص اوك بنعزمه في المزرعه اهم شي ابي منك ياغلى اخت تجهزين اغراض العزيمه
جومانه:ههههههههههه الحين صرت اغلى اخت احلم مااافيه
ريان:واحب واعز اخت بلعالم
جومانه:بشرط
ريان: امري من عيوني
جومانه:ابي بطاقة شحن بمية ريال
ريان:لا والله فااااضيه
جومانه:خلاص روح دور احد يساعدك يلا
ريان:خلاص اوك متى تتزوجين وافتك منك
جومانه:هههههههههههه الله يسمع منك
ريان:جوجو طمنيني على منور حياتي
جومانه:والله منار منار منار
ريان:جومانه لاتحرقين اعصابي الله يخليك
جومانه:والله بخير
ريان:الحين معاد فيه دراسه ولا كلام فاضي هالسنه راح نتزوج
جومانه:لاياشيخ والبنت مالها راي
ريان:لا اكيد هذي شمعة حياتي بعدين وش دخلك بين الرجال وحرمته غيره
جومانه:ههههههههههههههههه من الحين حرمتك اول اخطب وشوف اهم بيوافقون
راح ريان واخذالخداديه وقام يظرب جومانه وجومانه تصارخ
ريان:ليش طايح من عينك لها الدرحه يالخبله بيوفقون غصب عنك اهم بيلقون احسن مني
وضربها بلخداديه وطلع
جومانه خل اتصل على منار اقولها بكلام هالمجنون
جومانه:هاي
منار:هايات
جومانه:عندي لك خبر بمليون ريال
منار:امانه شنو قولي
جومانه:بشرط تخلينا نطلع بكره السوق تدرين سواقنا فيه اسبوعين لين يرجع من ديرته وانا محتاجه عطورات
منار:خلاص وعد اذاكان فاضي بكرا
جومانه:طيب اسمعي ريان توه خارج من عندي الحين ويقول خلاص ماعادفيه صبر بيخطبك قريب وقال ماعاد فيه عذر الدراسه وخلصت
يعني تجهزي
منار:اماااااااااااانه قولي والله
جومانه:والله اني صادقه
منار:فديـــــته
جومانه:وجع وجع لاتنسين اني اخته يعني حماتك استحي شوي
منار:ههههههههههههه أي حماه واي حيا الله يسعد قلبك
ويرزقك ولد الحلال مع اني مأحس انك ماراهقتي وحبيتي مثلنا

جومانه:لا ياحلوه ابي قلبي يكون فااضي للانسان الي بتزوجه عشان احبه بصدق وماكون حبيت قبله ولا احب بعده
منار:جوجو من جد تسلمين ياغلا كذا الناس ينامون على خبر حلو
جومانه:العفويلا نامي بكرا نلتقي ونتكلم
باي
منار:باي
نامت جومانه ونست الي صار معاها من منصور اما منصور كان نايم وهوعاقد حواجبه من العصبيه

**************
في بيت صقر
صقرنايم على فخذرنى وهي تمسح على شعره
صقر:حبيبتي انتي نمتي
رنى:لا ياقلبي كيف انام وانت مابعد نمت
اخذصقريد جومانه وباسها
صقر:الله لايحرمني منك
قام صقروفصخ بلوزة البيجامه
صقر:رنى حبيبي تعالي نامي على صدري
رنى استحت بس صقر عارف ان رنى مستحيل تنام الا على صدره
حطت رنى راسها على صدرمنصور وبعدها فزت فجئه طالعها صقر مستغرب
صقر:حبي اشفيك
رنى:لا بس انت متاكد انك مانسيت شي
ابتسم صقر وقرب منها وباسه في فمها
صقر: يلا نامي قبل لاتهور
رنى:لااااابليز عيالك متعبيني يبيلهم قومه من الصباح
صقر:هههههههه اليوم بس سماح

رنى :فديتك ياقلبي

في بيت ابو منصور
صحى منصور من النوم اخذله شور وبعده صلى
وراح على طول لشناط السفرواخذجواله واتصل على منار
منصور:منووور تعالي في غرفتي اذا تبين هديتك
منار:اجيك طيران افا عليك
وقفلت الجوال ابوجهه
منصور:ههههههههههه صدق مجنووونه
فتحت منار الباب ودخلت بسرعه تركض
منار:هاااااااي
منصور:ياااامتهوره ليش ماتدقين الباب
منار:والله ماقلت لي دقي قلت تعالي خذي هديتك
منصور أخذقلم جنبه ورماها فيه
منار:ااي خشن ماتحس يلا عطني هديتي
منصور:والله كأنك عجوز في حراج
منار:ههههههههههههه ياااذوق بس
منصور:خذي هذي هديتك افتحيها ابغرفتك
راحت منار وباست منصور في خده وسوت نفسها اخلاق
منار:مشكور يا منصوري
منصور:ياشينك انتي ذويقه
منار:انتو يارجاجيل ماتصلحون الابلعين الحمرا دلعتك قلت ياشيني
قام منصور يركض ورا منار وهي هربت
منصور:تعالي اعلمك من الي مايمشي الابلعين الحمرا
ورجع منصور غرفته يضحك على حركات مناراشتاق لها كثير وبعدها لبس بنطلون اسود وتيشيرت اسودواخذ كل الهدايا وراح فيهم لأمه وابوه
منصور:خذي يمه هذي هديتك وانت يبه هذي هديتك دقايق ودخلت سمر
سمر:سلام
منصور:هلاوغلا تعالي ياروح منصور تعالي اعطيك هديتك
راحت سمر واخذت هديتها وكان منصور يأشر على خده عشان تبوسه وباسته سمر
سمرتتكلم بدلع:مشكووور
ام منصور:ماحد مخربك مثل منصور تكلمي كويس
منصور:يايمه الله يخليك خليها براحتهاعشان خاطري
ابو منصور:اشفيك يابنت الحلال خليها بنوته حلوه تتدلع على اخوها شنو المشكله
منصور يصفر ويطالع سمر
منصور:اوووه من قدك بنوته حلوه
ابتسمت سمر وراحت تبدل ملابسها وبعدها قدمو الغدا
منصور:سوسو تعالي جنبي انا بأكلك بيدي
سمر:لا انا كبرت باكل بنفسي
منصور:سوسوو ترا ازعل
منار:منصوررجاء خاص لاتخرب البنت ماصدقنا انها تعدلت بعد ماسافرت
منصور:ياغيور انت وبعدين ماااالك دخل

بعد المغرب
جومانه اتصلت على منار وماردت فاظطرت تتصل على البيت
جومانه: الو
منصور:ياهلا من معي
جومانه سكتت لانها عرفت الصوت
منصور:ياااأخت نعم تبين شي
جومانه:اووووف لوسمحت لاتثقل دمك وعطني منار
منصورعرف انها جومانه:نعم نعم ومنو انتي عشان تعلميني كيف اخفف دمي
جومانه الزمي حدودك احسلك
جومانه بصوت مرتفع:دامك عارف اني جومانه ليش ماتنادي منار
منصور:اذا تعلمتي اسلوب الكلام اتصلي وراح اعطيك منار أوانك بتظطريني أأدبك بسلوبي
جومانه:تخسي أتأدبني يالمعقد
منصور:والله لأدفعك ثمن كلامك غالي
وقفل التلفون وكان في قمة الغضب اخذالكاس الي على طاولته وكسره بلارض
وقام يضغط على راسه بيدينه بقووه لانه تذكر الايام الي فاتت في الغربه
اما عند جومانه عصبت كل ماتذكرت كلامه لما قال انو بيأدبها
اتصلت جومانه على منار وكانت معصبه
جومانه:الو منار وينك من جوالك الله يسامحك
منار:ليش اشفيك معصبه
جومانه:مادري من اخوك العله ردعلي وتهاوشنا وقفل ابوجهي لاويقول بيأدبني ههه

منار:اشفيكم من جا وانتو موطايقين بعض بعدين اخوي مو عله عاد لو تدرين انه ارسل هداياكم مع ريان يعني حاسب حسابك
جومانه:نعم هدايا لا ياقلبي مابي منه شي يفكني من شره بس
منار:تخيلي اشترالي عطر رووعه وفستان احمر وجزمه
وسمرالعاب وفستان وعطر
جومانه:الله يهنيكم فيه اسمعيني الحين متى نطلع السوق
منار:نص ساعه وانا عندك
جومانه:اجل باي خل اروح اتجهز
**************
ريان:الو منصور انزل تحت يلا نتظرك الشباب ينتظرون بلأستراحة
دقايق وطلع منصوركان لابس ثوب وشماغ ابيض كان شكله جدآملفت
مشو بسياره وطلب منصور من ريان انهم يفرون بسياره شوي لانه يبي يسمع اخبار ريان
*****************
في السوق
جومانه:منورتعالي شوفي هالبنطلون كيف حلو
منار:واااو حلو مرا
وبعدها توجهو لمحل العطورات واشترت جومانه عطورات واهدت واحد لمنار
منار:مشكورا ياقلبي
جومانه:والحين باقي شي واحد المطعم وعشاك على حسابي
منار:امااانه شكلك عارفه اني جوعااانه
جومانه:بسم الله يالمفجوعه على الاقل جاملي قولي مابي شكرا
منار:لا ياقلبي في هالموضوع ماافي مجامله
راحولمطعم قريب من المول
وبعد ماتعشو راحت جومانه تغسل يدينها الخارجيه وطلبت من منار لاتتحرك من مكانه
لما كانت جومانه تغسل جا رجال من المطعم متوجه ناحيتها
الرجال:هاي ياحلو
جومانه:لوسمحت بعد لاأنادي البوليس













للتحميل للجوال
محتوى مخفي Admin refused to unhide hidden content
nothing will help to see hidden content




v,hdi wvj hyhv hkhlkih ugdih o'h ktsd ,hkh hjplg o'hih- [,lhki ,lkw,v - v,lksdi <[vdzi Kadri gg[,hg txt [vdzi








  رد مع اقتباس
قديم منذ /27 - 5 - 2011, 12:21 PM   #2

ĀāпĐ €ђśāśί
زائر

 رقم العضوية :
 المشاركات : n/a

افتراضي رد: روايه صرت اغار انامنها عليها خطا نفسي وانا اتحمل خطاها- روايه جومانه ومنصور - رومنسيه ,جريئه ،شيقه للجوال txt

مرسي على الاتروحه
ماننحرم تواجدك
الاكثر من رائع
جوريـه :sma189:








  رد مع اقتباس
قديم منذ /27 - 5 - 2011, 4:35 PM   #3

:× عضو جديد×:

نصفmالقمر غير متواجد حالياً

 رقم العضوية : 13929
 تاريخ التسجيل : 3 - 8 - 2010
 المشاركات : 49
 النقاط : نصفmالقمر will become famous soon enough

افتراضي رد: روايه صرت اغار انامنها عليها خطا نفسي وانا اتحمل خطاها- روايه جومانه ومنصور - رومنسيه ,جريئه ،شيقه للجوال txt

يعطيك العافيه قلبوووو








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
للجوال, اتحمل, اغار, انامنها, جريئه, جومانه, خطاها-, رومنسيه, روايه, عليها, ومنصور, وانا, نفسي, ،شيقه

جديد مواضيع القسم قصص - روايات - روايات كاملة - روايات طويله - روايات غرام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه الفقر ما هو عيب يا ولد الأكابر-روايه سعوديه جريئه رومنسيه - روايه ماجد ومزنه للجوال txt ● н σ d σ α قصص - روايات - روايات كاملة - روايات طويله - روايات غرام 405 18 - 1 - 2015 9:16 AM
روايه مداعبات لاذغه - روايه سعوديه بنكهه جداويه & مكاويه - روايه رومنسيه جريئه اكشن للجوال txt ● н σ d σ α قصص - روايات - روايات كاملة - روايات طويله - روايات غرام 84 19 - 5 - 2014 8:02 AM
روايه احس بخنجر الالم يسولف للضلوع - روايه زياد وولاء - روايه رومنسيه جريئه للجوال txt ● н σ d σ α قصص - روايات - روايات كاملة - روايات طويله - روايات غرام 66 25 - 7 - 2013 5:25 AM
روايه بنات السفير - روايه سعوديه للجوال روايه رومنسيه اكشن جريئه رومنسيه جريئه txt للجوال ● н σ d σ α قصص - روايات - روايات كاملة - روايات طويله - روايات غرام 90 22 - 4 - 2013 12:27 AM
روايه ماجد والبندري - روايه رومنسيه جريئه - روايه ليلة بكى فيها القمر للجوال txt ● н σ d σ α قصص - روايات - روايات كاملة - روايات طويله - روايات غرام 61 25 - 3 - 2012 2:03 PM


الساعة الآن 10:15 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy