العودة   منتديات تجمعنا المحبه > تجمعنا الأدبيه > قصائد - قصايد - همس القوافي - قصيده - شعر - قصائد شعريه - قصائد منقوله
التسجيل اجعل كافة الأقسام مقروءة

قصائد - قصايد - همس القوافي - قصيده - شعر - قصائد شعريه - قصائد منقوله قصائد ، قصائد حب ، قصايد ، قصايد حب ، قصايد عتاب ، قصايد الحب ، قصائد ، شعر ، اشعار ، تعلم الشعر ، تعليم الشعر ، اجمل الاشعار ، اشعار ، احلى اشعار ، قصائد 2011 ، اشعار 2011 ، قصيده 2011 - قصائد - قصايد - همس القوافي - قصيده - شعر - قصائد شعريه - قصائد منقوله

بدر بن عبدالمحسن ,’ قصائد لاتٌنسى ,’ |

لاتٌنسى , عبدالمحسن , قصائد بدر بن عبدالمحسن ,’ قصائد لاتٌنسى ,’ | سأنثر لكم البعض او جزء قليل من ...

إضافة رد
 
LinkBack أدوات الموضوع انواع عرض الموضوع
قديم منذ /20 - 12 - 2011, 2:41 PM   #1

:× عضو متميز×:

ليان محمد غير متواجد حالياً

 رقم العضوية : 32975
 تاريخ التسجيل : 30 - 8 - 2011
 المشاركات : 382
 النقاط : ليان محمد is a splendid one to beholdليان محمد is a splendid one to beholdليان محمد is a splendid one to beholdليان محمد is a splendid one to beholdليان محمد is a splendid one to beholdليان محمد is a splendid one to beholdليان محمد is a splendid one to behold

بدر بن عبدالمحسن ,’ قصائد لاتٌنسى ,’ |






عبدالمحسن قصائد لاتٌنسى shamoa-9ccd2aa0e6.jp

سأنثر لكم البعض او جزء قليل من روآئع البدر
واتمنى ان تروق لمسآمكم ...
فكما هو معروف عتهـ
بدر التجديد , والأحساااس
بدر الذي غلّف أحرفه ’ بمتعة القراءهـ ’ وسرحان المتلقي!
بدر , الذي طوق بكفه الريح .. وقال /
كانت أمطارٍ .. وظلما
وأذكر أني كنت أطيح


..( وماسكٍ في كفوفي ريح .. !!




بدر الذي بات ’ يعسُف الحرف , ويسرجُ الكلمه ’

وأصبح فارسها ,..
بدر ’ المنغمس في هموم غيرهـ ’



المتعطش ’ ليروي عطاشى الشعر ..

ترنيمة حزن ’ ووحشة غياب ’ وهيبة الحضور








عبدالمحسن قصائد لاتٌنسى images?q=tbn:ANd9GcS




أفـارق هـالنـجـوم الطـايحـه بيـن السمـا والـقـاع


وفي قلبـي من الأوجـاع مـا يكفي


وفي قلبـي أفـارق


ورا هذي الجبال سفـوح وعيـونٍ مالها عيونك


.. ولا قلبك


أسـافـر كـل قلبـي جـروح وانـا أحبـك


أبـي لا طبـت طـفّيتـك حرايـق


حزين اللي تركت البارحه وجهه على كفوفك


غسل بدموعه طيوفك


.. غرستي في قلبه حروفك بيـارق


ولو بيديني غيرتك


.. ولو مثلك في هذي الأرض ضيعتك


ودوّرتك .. ولكن إنتي غير إنتي


..وانا مثل الخلايق أفارق


.. ودايم قصة العاشق قديمه


.. مثل كل الفصول اللي على مر الزمن تنعاد


.. عزانا والدموع جداد


لأن الشمس وحده ويا كثر المشارق


.. في دروبـي رمل لامن جيت سـاري


.. ينبـت الأشـواك لامن رحت سـاري


صاحبـي ماجيتك إلا وفي طريقي من ربيع العام


نوّار وخبـاري


ولا تواعدنا وبه في الأرض زهره ولا تفارقنا وبه


للبرق طـاري


.. لا تأخر دام لي في العمر ساعه


.. ولا تقدم لين أشوفك في انتظاري


.. الزمن ورده سهرت أحسب ورقها


.. وإن قضا ماجيت في دموعي عـواري


.. حبـّني كثـر اللـذي نلقـى بوعـدنا


من ظـلال وريـح ونـجـوم وغـداري


.. صاحبـي مثل الخجل لو تكتسي بـي


قبل أصير الشـال يذهلـني انحسـاري


.. يـاقـريب البعد للشكـوى أسامـي


الجفـا .. والخوف .. وآخرها حذاري


.. وانت لو خان الزمن بقول وافـي


لا أنـا تركي


.. ولا أظنك مشـاري



عبدالمحسن قصائد لاتٌنسى images?q=tbn:ANd9GcQ
الشمس طاحت وبردت ورمد الشفق في حجر الارض
من يشتهي يدوس باقدامه على هالرماد كله ..
يا عابرٍ على المدى من السراب الى الندى ..
قلبي سقط فوق التراب شله ..
او لا تدوس القلب خله كل يوم له شمس
وانا مالي سوى قلبي
انا من بكى لين الثرى بله بالدمع ..
ويوم اكتفى صد وعصر ظله ومسح بردنه وجنته ..
ثم ابتسم لين حسدوه الناس
يازارعٍ شوك الهراس فوق الرمل كله لاقدام من يكره الشوك
ياحظ من ياطى بقدم انا مالي سوى قلبي
الشمس طاحت ونثر الظلام ظله ..
على الجروح ياكاتم الزين الفضوح عن عيني
لا تظهر انيابك وتقطع احبابك شمات
انا من عطى ضي الشموس خله لين حسدوه الناس
ولا تنتظر غير السموس لله ..
انا مالي سوى قلبي



عبدالمحسن قصائد لاتٌنسى images?q=tbn:ANd9GcS




الما ركـد والجريد الغض ..ما هـزّه


نسـايمٍٍ والـزمـن لا جـا ولا راحي


جمحت يا مهر حظي وأثر بك فـزّه


ما طـوّلت كلها غـارة ومشـواحي


لو كنت رمحٍ ٍ بكفّي كنت با هـزّه


لاشـك من هـو عليه أهوش بسلاحي


ولو كنت بيرق عقيدٍ ويـن أبا رزّه


وأطـول طويلٍ أشوفه ..هضبة جراحي


يا سـيّد الناس ..شمسك مالها حـزه


تعبت أمـاري بشمعي وضي مصباحي


من مس نورك جبينه يبشـر بعـزّه


ومـن مـر غيمك عتيمه بارقـه لاحي


يا سـيّد النـاس ..كلٍ لابس ٍ بـزّه


صعبٍ نفرّق ما بين الخبل والصاحي


كم واحدٍ مـر ..قال عيـوني تخـزّه


هو ما درى إني عمى عن قاصر أشباحي


أنـا عيـوني تتـل النجم ..وتكـزّه


عن حـارك الفلك ..هذي عادة رماحي


وما ألوم حظي ..تعب من كثر ما دزّه


لو هـو لغيري ..نسـاه الهم ..وإرتاحي




عبدالمحسن قصائد لاتٌنسى images?q=tbn:ANd9GcQ


المحبة أرض والفرقا أراضي
والزمن كله ترى لاغبت ماضي
والله إني ما أشوف إلا عيونك
إن رحلت اليوم أو طول مراضي
قالوا العذال والعذال مرضى
وش بلا حالك من الاشواق قاضي
قلت يهجرني حبيبي لين يرضى
علموا الظالم ترى المظلوم راضي
جرحوني في هواك وقلت أبشكي
ماهو من جرحي ولكن لا إعتراضي
وش علي لو قطعوا لاجلك عروقي
من رضى بالحب يرضيه التغاضي



عبدالمحسن قصائد لاتٌنسى images?q=tbn:ANd9GcT


يطيح جفن الليل واهز كتفه....


يفز نجم وباقي الليل مطفي


واحاكي الجدران عن وصف غرفه


....ماتشبه الجدران ويطول وصفي


وتملني الجدران واظهر لشرفه....


تحت السماء واسكر الباب خلفي


ريح تهب وتسكن القلب رجفه


.... وتموت ريح وتسكن اوراق نزفي



على الروابي تهطل دموع وطفه....


وتصب لمع بروقها وسط طرفي


ياطاري الغدران والعمر رشفه


....مع قلها ياليتها يوم تصفي


الحب واجد مير الاقدار صلفه....


والارض واجد لاكن العزم منفي


واللي اعرفه راح مانيب اعرفه


....ولا ظن يذكرني الا اقبلت مقفي


مر مر هالليل وأمر قطفه.....


يالحنضل اللي قمت اذوقه بكفي


ماهو حبيبي مورد القلب حتفه


....ولاهو حبيبي يفرح بوقت ضعفي


متى الشوارع تجمع اثنين صدفه....


لاصار شباك المواعيد مجفي


يابنت تو الليل ماراح نصفه....


وياليل بعض اللي مضى منك يكفي



عبدالمحسن قصائد لاتٌنسى images?q=tbn:ANd9GcR



جمرة غضى .. أضمها بكفي


أضمها حيل . .


أبي الدفا .. لو تحترق كفي


وأبي سفر لليل


بردان أنا تكفى .. أبي احترق بدفا


لعيونك التحنان .. فعيونك المنفى


جيتك من الإعصار .. جفني المطر .. والنار


جمرة غضى


والله الجفا برد .. وقل الوفا برد


والموعد المهجور ما ينبت الورد


ياحبي المغرور .. ياللي دفاك اشعور


رد القمر للنور .. واحلى العمر .. في وعد


بردان .. بردان أنا تكفى.. أبي احترق بدفا


يا أول الحب .. شفتك أنا مره


واهديت لك قلب


ورديت لي جمرة


ومن يومها كان الرحيل


وليل الشتا .. القاسي الطويل


وآه يا الحنين


لليل باب له حارسين


برد وسحاب




عبدالمحسن قصائد لاتٌنسى shamoa-d010839fbf.jp





ليه أحس اني وانا اشوفك حزين

وقلبي الليله بهمي ممتلي
كانها الفرقا طلبتك حاجتين
لا تعلمني ولا تكذب علي
خلني مابين شكي واليقين
السكوت رضاي عنك وازعلي
باكر اللي خافي لازم يبين
الوعد بلقى مكانك به خلي
وانتظر لي ليلةٍ او ليلتين
لين مايقفي السحاب وينجلي
ولا طويت الياس بذرف دمعتين
للهوى الغالي وبوادع هلي
صاحبي باموت من كثر الحنين
خلني بختار لحظة مقتلي






عبدالمحسن قصائد لاتٌنسى shamoa-211ec59ad7.jp





ليتي معك دايم روحي ف هواك هايم




واخفيك مع روحي آمالي وجروحي




وانت السهر والليلوانت القمر وسهيل




وانت سبب نوحي ..




ومالي في هواك لايم ليتي معك دايم




ليتي معك خطوة تمشي لهواك دروب




ونسمة هوى حلوه تحيي الأمل ف قلوب




ليتي معك وارتاح وانسى الضنى اللي راح




واخفيك مع روحي آمالي وجروحي




وانت السهر والليل وانت القمر وسهيل




وانت سبب نوحي ..




آه من الهوى والليل في عيونك السودا




غربه ومالي دليل والخطوه معدودة




والله الزمان غلاب والبسمه محسوده




ونور الأمل كذاب والراحه مفقوده




واخفيك مع روحي آمالي وجروحي




وانت السهر والليل وانت القمر وسهيل




وانت سبب نوحي ..






عبدالمحسن قصائد لاتٌنسى shamoa-e6d7b7e5a1.jp



في كل قصة حب أحلام ومدينة ..


ليل ونخيل وهبوب ..


لكل قصة حب لو كانت حزينه ..


أجمل ألوان الغروب ..


ناظري ضي الحوانيت القديمه ..


ونقش أبواب البيوت ..


كلها شعر ومواعيد قديمه ..


وصوت قلبي اللي يموت وما يموت ..


لكل قصة حب عذال وحسود ..


ليه تخدعنا الأماني والليالي السود سود


إشعلي جمر العناد قربي معاد أشوفك ..


لا يفرقنا السواد ..


ارسمي وجهي بكفوفك ..


ولا تجرحنا عيون الليل وحروف النميمه


ولا يعذبنا السكوت ..


إن عطشنا أو شربنا الدمع ديمه ..


للهوى بنحيا ونموت ..


لكل قصة حب أشواك ورود ..


وليه نصرخ من ألمها وكلها تنبت في عود ..


ناظري هذا قمرنا لو تغطيه الغيوم ..


وناظري هذا شجرنا مهما تحرقه السموم ..


ولو تجرحنا عيون الليل وحروف النميمه ..


ولو يعذبنا السكوت ..


إن عطشنا أو شربنا الدمع ديمه ..


للهوى بنحيا ونموت









عبدالمحسن قصائد لاتٌنسى shamoa-5139ab3f32.jp



وين أبا ألقاك يا شهد الحروف



لين يرضى عليّ عذب اللمى


جيت للشعر و أتعبني الوقوف


عند بابه و بي جوع و ظما


ما ذبح لي مصابيح و طيوف


و لا سقاني الكواكب في السما


إن سألني حبيبي و الكفوف


تضرب الغيم و الأشعار ما


عن قصيدي تذكّرت الظروف


و قلت شعري نسيته إنما


ليتني قبل أشوفك ما أشوف


و ليت قلبي قبل حبك عمى


اقطعيني بنصل طرف سادر وحجاج ..


شقيقيني يالهبوب العارضية ..


واهدمني سياج ..


لين أغني الهوى ما هو خطيه


يالعفاف اللي تسربل بالبياض ..


كل ما قربت يدينا ..


ناض طير وجض ريم ..


ما علينا ..


آه ما ارق الرياض تالي الليل ..


انا لو ابي ..


خذتها بيدها ومشينا














عبدالمحسن قصائد لاتٌنسى images?q=tbn:ANd9GcS

لو تغيبي ولو رحل وجهك حبيبي
في غيابي عنك أشوفك وفي عذابي منك أشوفك
صدقيني ما نقص هالليل بعدك إلا قمرا
وما فقدت من النهار إلا شعاع الشمس بكرا
واجمل الناس حبيبي ..
لو تغيبي لو رحل وجهك حبيبي
تصغر الدنيا وتضيق
كل مافي الدنيا أعرفه إلا بيتي والطريق
أنا أحبك ذا نصيبي إبعدي عني وغيبي
صدقيني مانقص هالليل بعدك إلا قمرا
ومافقدت من النهار إلا شعاع الشمس بكرا
لك ليالي ما سألتي ولي ليالي ما سألت
ولو دريت إنك زعلتي كان أفرح مازعلت
بس داري مافي قلبك إلا قلبك
واختياري إني أحبك والا أحبك
ومن عذاب الحب يكفي لو تجرح قلب واحد
وإنتي يا حبي وضعفي لا يهمك كله واحد
لجل تتغير فصول ويبكي الغيم في عيوني
وتزهر جبال وسهول اضحكي بيا وبدوني
وصدقيني ما نقص هالليل بعدك إلا قمرا
ومافقدت من النهار إلا شعاع الشمس بكرا



عبدالمحسن قصائد لاتٌنسى shamoa-3117e714b5.jp


يطري عليه الوله وأطري على باله


يامرحبا لاضوى خلي على بابي


هجيت حدب الضلوع ونوخ جماله


لاجله بكت دمعتي ولأجله ضحك نابي


وكل ما ضحك لي لمحت النور في آماله


والى تجهم سترت السقم بثيابي


وكل ما شكى من عنى همه وغرباله


أقول لعل به جرح من أسبابي


طال الحكي ما لقيت الوصل بوصاله


لاني حبيبه ولا هو أقرب اصحابي


ناديت طاري المحبه مالنا وماله


بالحيل أنا وانت ربع وكننا أغرابي


يا زين كانك حزين فحالتي حاله


بكفيك همك وأنا بصبر على مابي


لو الشجر له نصيب في بارد ظلاله


ماحرق القيض جفني وأنت ف أهدابي









اتمنى آن تعجبكم القصآئد ,,
تقبلو تحيـــــــــــــــــــآآآآتي

..,’















f]v fk uf]hglpsk








  رد مع اقتباس
قديم منذ /20 - 12 - 2011, 8:03 PM   #2

:: عـضـو مـتـمـيـز ::

حلاتي بضحكتي غير متواجد حالياً

 رقم العضوية : 4342
 تاريخ التسجيل : 8 - 12 - 2009
 المكان : المدينه ..♡
 المشاركات : 29,988
 النقاط : حلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond reputeحلاتي بضحكتي has a reputation beyond repute

افتراضي رد: بدر بن عبدالمحسن ,’ قصائد لاتٌنسى ,’ |

يديك العآفيه.. بإنتظآر جديدك








  رد مع اقتباس
قديم منذ /20 - 12 - 2011, 8:44 PM   #3

عشقها صالح غير متواجد حالياً

 رقم العضوية : 36917
 تاريخ التسجيل : 20 - 12 - 2011
 المكان : بـ/ نبض احساسهـ
 المشاركات : 592
 النقاط : عشقها صالح is just really niceعشقها صالح is just really niceعشقها صالح is just really niceعشقها صالح is just really niceعشقها صالح is just really nice

افتراضي رد: بدر بن عبدالمحسن ,’ قصائد لاتٌنسى ,’ |

موضوع راقي يسلموووووووو على الاختيار








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لاتٌنسى, عبدالمحسن, قصائد

جديد مواضيع القسم قصائد - قصايد - همس القوافي - قصيده - شعر - قصائد شعريه - قصائد منقوله


LinkBacks (?)
LinkBack to this Thread: https://www.tjmana.com/vb/vb-490115/
أرسلت بواسطة For Type التاريخ
بدر بن عبدالمحسن ,’ قصائد لاتٌنسى ,’ | - سكون - سكون الليل This thread Refback 27 - 5 - 2012 8:56 AM

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصائد البدر بدر بن عبدالمحسن,اشعار بدر بن عبدالمحسن,العين مشتاقه بدر بن عبدالمحسن حلاتي بضحكتي قصائد - قصايد - همس القوافي - قصيده - شعر - قصائد شعريه - قصائد منقوله 3 28 - 5 - 2012 11:17 PM
قصائد البدر بدر بن عبدالمحسن,اشعار بدر بن عبدالمحسن,قصيدة الصاحب بدر بن عبدالمحسن حلاتي بضحكتي قصائد - قصايد - همس القوافي - قصيده - شعر - قصائد شعريه - قصائد منقوله 5 28 - 5 - 2012 11:15 PM
قصائد البدر بدر بن عبدالمحسن,اشعار بدر بن عبدالمحسن,العمر أحبك بدر بن عبدالمحسن حلاتي بضحكتي قصائد - قصايد - همس القوافي - قصيده - شعر - قصائد شعريه - قصائد منقوله 3 28 - 5 - 2012 11:09 PM
قصائد البدر بدر بن عبدالمحسن,اشعار بدر بن عبدالمحسن,العشق و العتب بدر بن عبدالمحسن حلاتي بضحكتي قصائد - قصايد - همس القوافي - قصيده - شعر - قصائد شعريه - قصائد منقوله 3 28 - 5 - 2012 11:09 PM
قصائد البدر بدر بن عبدالمحسن,اشعار بدر بن عبدالمحسن,الشمس اللي تغيب بدر بن عبدالمحسن حلاتي بضحكتي قصائد - قصايد - همس القوافي - قصيده - شعر - قصائد شعريه - قصائد منقوله 3 28 - 5 - 2012 11:07 PM


الساعة الآن 9:42 PM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy