العودة   منتديات تجمعنا المحبه > تجمعنا العامه > صحيفة سبق - sabq - حافز المطور - اخبار حافز - pht. - عاجل - عكاظ
التسجيل اجعل كافة الأقسام مقروءة

صحيفة سبق - sabq - حافز المطور - اخبار حافز - pht. - عاجل - عكاظ حافز ، Incentive ، hafiz ، برنامج حافز ، حافز للمتزوجات ، حافز للعاطلين ، حافز اكمال البيانات ، حافز للتوظيف ، حافز للسعوديين ، اعانة حافز ، جدارة ، برنامج جدارة ، جدارة للتوظيف ، اخبار جديده ، اخبار منوعه ، جديد الاخبار ، اخبار اليوم ، اخبار الساعه ، اخبار الصحف ، اخبار محليه ، اخبار السعوديه ، اخبار دوليةصحيفه سبق ,عكاظ,المدينه,عاجل,الوئام.الوطن ,صحيفة سبق الإلكترونية

قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012

قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012 قصة مستشفى عرقة المهجور بالصور 2012 ...

إضافة رد
 
LinkBack أدوات الموضوع انواع عرض الموضوع
قديم منذ /22 - 5 - 2012, 3:03 AM   #1

♥ •ӎ غير متواجد حالياً

 رقم العضوية : 1
 تاريخ التسجيل : 5 - 6 - 2008
 المكان : ♥ {..دَآخِلِ قَلْب طِفْلَه، مَآكِبَرْ لُوْ كِبَرْتـْ ~ ||
 المشاركات : 84,757
 النقاط : ♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute

افتراضي قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012


(( قصة مستشفى عرقه المهجور بالصور ))


المهم مالكم بالطويله
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها
مستشفى عرقة المهجور بالصور 2012 icon10.gif

طبعا مهنا مكان نروح له مستشفى عرقة المهجور بالصور 2012 frown.gif
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
مستشفى عرقة المهجور بالصور 2012 eek.gif
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
مستشفى عرقة المهجور بالصور 2012 eek.gif
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين

.................................................. .......................

المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
مستشفى عرقة المهجور بالصور 2012 icon10.gif
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي <<< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى

بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد
والي مو مصدق يروح يدخله ويشوف

مستشفى عرقة المهجور بالصور 2012 fa4701cbe2.jpg


هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه

مستشفى عرقة المهجور بالصور 2012 b08643b742.jpg


شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل << صورة مع يذهل




مستشفى عرقة المهجور بالصور 2012 50ec68396f.jpg


مدري وشو


مستشفى عرقة المهجور بالصور 2012 141c406d7a.jpg


مدري وشو بعد بس يمكن حق تسجيل مكالمات او هيك شئ



مستشفى عرقة المهجور بالصور 2012 453e9eb82b.jpg

نو كومنت



مستشفى عرقة المهجور بالصور 2012 1669dc1520.jpg


هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات
لكن طبعا مع عوامل التكيف والتعريه تحولت من كنار لكبار

مستشفى عرقة المهجور بالصور 2012 c5913550bd.jpg

أحد الأسياب


مستشفى عرقة المهجور بالصور 2012 9f18973e48.jpg

مستشفى عرقة المهجور بالصور 2012 3b8fd9b140.jpg


عشان تصدقونـ(ـن) بس ان بعض الاجزاء منوره بس

مستشفى عرقة المهجور بالصور 2012 6c2166a4e2.jpg


اشونها مستودع اجهزه يلعبون علينا
هالغرفه داخلها كراااتييين hp وااجده الى السقف اجهزة جدييييده
ماقدرت اصور لان داخل الغرفه مظلم مره

مستشفى عرقة المهجور بالصور 2012 be8e966762.jpg


مستشفى عرقة المهجور بالصور 2012 36c1d0cac8.jpg


احد غرف العمليات , باللهي ماتشبه غرف مستشفيات الأذرس
قايلكم لووست لوووست

مستشفى عرقة المهجور بالصور 2012 d6cbc71df4.jpg

جهاز بغرفة العمليات , شكله حق الاكسجين وتخطيط القلب والحاجات هذي

مستشفى عرقة المهجور بالصور 2012 075499cbb0.jpg


غرفة عمليات ثانية , شكلها حقت استنساخ على كثر الأجهزة اللي فيها





rwm lsjatn uvrm hgli[,v fhgw,v 2012 KK vpgm lw,vm glsjatn fhgvdhq rwm lsjatn uvrm hgli[,v fhgw,v 2012 KK vpgm lw,vm glsjatn uvrm hgli[,v fhgvdhq 2012








  رد مع اقتباس
قديم منذ /22 - 5 - 2012, 3:09 AM   #2

♥ •ӎ غير متواجد حالياً

 رقم العضوية : 1
 تاريخ التسجيل : 5 - 6 - 2008
 المكان : ♥ {..دَآخِلِ قَلْب طِفْلَه، مَآكِبَرْ لُوْ كِبَرْتـْ ~ ||
 المشاركات : 84,757
 النقاط : ♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute♥ •ӎ has a reputation beyond repute

افتراضي رد: قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012




بسم الله علينا الرحمن الرحيم
نصابين رحنا لمكانهم ولا لقينا شئ








يوم شفت هالكيبورد تذكرت دقة كمبيوتر صخر , - تنننا تتننننااا تنننااااا




نعم نعم , هذا هو شكل المرأه قبل 30 سنه
قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي



سوي ادفع فاتووورااااه بعدين سوي ارجع مره تاااني
الرسبشن حقهم



والله اجهزه قوية , حسافة مثل هالمستشفى يترك ويرمى !




قسم العناية المركزه



شكلنا ضايقناهم بهاللمبات , ويقولنا طفوهن لاخلصتوا
تف تف برى وبعيييد
طيب اسفين طال عمرك








  رد مع اقتباس
قديم منذ /22 - 5 - 2012, 11:55 AM   #3

● н σ d σ α غير متواجد حالياً

 رقم العضوية : 706
 تاريخ التسجيل : 4 - 10 - 2008
 المكان : يآلبيــہَ يآاَلَشَرقَيــہَ ♥ ~
 المشاركات : 194,974
 النقاط : ● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute● н σ d σ α has a reputation beyond repute

افتراضي رد: قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012

الف شكر لك ع الخبريه
لاهنت ي ذوق









  رد مع اقتباس
إضافة رد

مواقع النشر (المفضلة)

الكلمات الدلالية (Tags)
قصة مستشفى عرقة المهجور بالصور 2012 ،، رحلة مصورة لمستشفى عرقة المهجور بالرياض 2012

جديد مواضيع القسم صحيفة سبق - sabq - حافز المطور - اخبار حافز - pht. - عاجل - عكاظ


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلة شباب الرياض لمستشفى عرقة // صور رحلة شباب لمستشفى عرقة بالرياض // قصة رحلة شباب لمستشفى عرقة بالرياض ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 2 22 - 5 - 2012 11:59 AM
مستشفى عرقة بالرياض 2012 ،، شباب يقتحمون مستشفى عرقة بالرياض ، صور شباب يقتحمون مستشفى عرقة بالرياض ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 22 - 5 - 2012 11:56 AM
صور شباب يقتحمون مستشفى عرقة المهجور بحثا عن الجن ،، صور مستشفى عرقة بالرياض ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 22 - 5 - 2012 11:56 AM
يوتيوب اقتحام مستشفى عرقة المهجور اليوم 1433/6/20, صور تحويل مستشفى عرقة الى منتزة الرياض 2012/5/21 ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 22 - 5 - 2012 11:56 AM
إقتحام مستشفى عرقة المهجور من قبل شباب الرياض بالصور والفيديو ♥ •ӎ صحيفة سبق - sabq - حافز المطور - اخبار حافز - pht. - عاجل - عكاظ 1 22 - 5 - 2012 11:53 AM


الساعة الآن 10:29 AM



Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO TranZ By Almuhajir
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى

Security team

Privacy Policy